87	GEN 4:7	Bida u nanga nam bini da u nugum bungꞌ atsiaꞌ. Da bitsintaꞌ bida u nanga nam maisan da nam maisan itapatip sib u muantsi nifunggam i prutsan da garada u funub. Ini suda wain i agu, da bitsintaꞌ wamunti babampafan i rasudan.”
95	GEN 4:15	Da bitsintaꞌ Yawe ini, “Imaꞌ. Bida manga isa agu funub da bungꞌ abuaringꞌ barabin mungaꞌ maisan angu nasangꞌ 7 nayus agu i mungaꞌ gan.” Ibinigi da Yawe irim ampap mangan iyab i Kein i garam tsangandan ma waꞌan da arangan anungꞌ isangꞌ isa arangan funub u.
104	GEN 4:24	Bida garam mangan isa Kein funub da arangan bungꞌ abuaringꞌ barabin nayus 7. Da bida manga nanga bangin yaba i dzi, Lamek, da arangan bungꞌ abuaringꞌ barabin tsiraꞌ angu nayus 77.”
212	GEN 9:6	“Bida manga yatsa garam manga biꞌ gan rai, da namamp i gan mungaꞌ gan namingꞌ garam gar banginggan, i arangan iyats garam Anutu tipa sangꞌa maraganunggan ugu biꞌ gan rai.
231	GEN 9:25	Ibinigi da Noa ipupuarap da Ham narunggan ibiani, “Barabin tsiraꞌ nais mara wafir i Kanan nanting. Da bungꞌ asu rain rusan mamaꞌ guman utaꞌ angu.”
245	GEN 10:10	Nimrod gampan miamun mpada tayangꞌ gin ibiani: Babilon (nida Babel gin) da Erek da Akat, gamp santan igi imingꞌ intap Sinar (nida Babilonia gin).
269	GEN 11:2	Garam igi santan intsung impai iyung imingꞌ gubuꞌ yaban da iwaꞌ intap bump tsiraꞌ bingan mingꞌa intap Sinar (nida Babilonia gin) da sib angu impruꞌ ruan impa nigi.
273	GEN 11:6	Da Yawe ini, “Aitsangan! Bida garam ani garam utup bitsintaꞌ da nifu-nan bitsintaꞌ da nanga nam bida ani, da nam mangan wasangꞌ i barabindan da ribarangan u, imaꞌ. Da pas angu da bungꞌ anang nam mara maran i gan maranggan furan.
276	GEN 11:9	I wain igi da garam ifaringꞌ gamp igi binganggan Babel (ma Babilon), da wainggan ibi rintsuman, i Yawe irintsum garam gar igi nifu-nan gan da ibrang ribarangan imingꞌ nigi da idzarang impa isangꞌ intap santan.
307	GEN 12:8	Raiyi da Abram itip intsungꞌ ifa mamai fain mingꞌa gubuꞌ yaban mingꞌa Betel da yari ungar apu rini gangan i nigi imingꞌ wasaꞌ i gamp Betel da Ai. Gamp Betel imingꞌ gubuꞌ ruꞌan da Ai imingꞌ gubuꞌ yaban. Da mingꞌa nigi da arangan itip yantungꞌ tauf isu mumai mararam tsarada nam in da iyugin da nifun itsaf Yawe.
321	GEN 13:2	Arangan itangin gamp Negeb da intsungꞌ igingꞌ wasaꞌ wasaꞌ iba isangꞌ batipa waꞌa mumai mingꞌa wasaꞌ i gamp Betel da Ai, mumai arangan mpada gin da antungꞌa tauf suda mumai mararam tsarada nam in ugu. Mingꞌan nigi da arangan iyugin da nifun itsaf Yawe. Abram isu garam nam bunump tsiraꞌ i apu mpada tayangꞌ gin, impruꞌ da silva da gol.
328	GEN 13:9	Watsangan! Intap ani tsiraꞌ bingan imingꞌ utaꞌ angu, da agi bungꞌ atangin runggangꞌ rai. Ibinigi da wapiriangꞌ nasangꞌ maranggam aridan. Bida u nida fada bida bangi yas, da dzi bungꞌ afa nabi bangi bini, da bida u nida fada bida bangi bini, da dzi bungꞌ afa nabi bangi yas.”
339	GEN 14:2	da impruꞌ ruan ifan i isa nam mpruꞌan da king gamp isiꞌ isiꞌ 5 bida ani: Bera mingꞌa Sodom, Birsa mingꞌa Gomora, Sinab mingꞌa Adma, Simeber mingꞌa Tseboim, da king mingꞌa gamp Bela (gamp Bela igi binganggan mangan Tsoar).
340	GEN 14:3	I wain ibiani: king gamp isiꞌ isiꞌ 5 igi impa warangꞌ i King Kedoraumer isangꞌ udzuf 12, da bitsintaꞌ bawaꞌa udzuf 13 da intap ruan sinungꞌ arangan da ifa mpruꞌ ruan imingꞌ Bump Sidim (aru uruts Sur mingꞌa gin da aruani).
342	GEN 14:5	Da waꞌa udzuf 14, King Kedoraumer irut king iruꞌ da bits ugu impruꞌ da gan garaman singaari impruꞌ ruan ifan da yis garam Refa mpada Astirot Karnaim, garam Tsuts mpada Ham da garam Em mpada Bump Kiriataim,
345	GEN 14:8	Mingꞌa gubuꞌ arigi da king mingꞌa gamp 5 ugu, Sodom, Gomora, Adma, Tseboim da Bela iyu garaman singaari santan impruꞌ ruan ifan da irants ruan imunti mungꞌ i isa nam mingꞌa Bump Sidim.
347	GEN 14:10	Da mingꞌa Bump Sidim da ntsuf ampi bingan uda kolta gin imingꞌ gin. Da gubuꞌ ribarangan isa ruan da king Sodom da Gomora irut garaman irunt sinungꞌ nam isan da gan garaman fain iruaꞌ iruꞌ ntsuf da santan irunt sib iyab mamai.
354	GEN 14:17	Gubuꞌ Abram isa King Kedoraumer da king fain ugu da gan garaman singaari sib da tipa badan, da king Sodom iba i tsanganda arangan mingꞌa Bump Sawe (nida King Intap Bumpan).
387	GEN 16:5	Da Sarai ini da Abram ibiani, “Barabin waꞌan da dzi isu u asubam. Hai, dzi runggangꞌ irim sagat gumangꞌ igi da agu. Da bitsintaꞌ aruani da arangan isruꞌgin ibi arangan iwangun sib da imus itsarif runggan da dzi. Yawe nararu mangan i asub igi, dzi ma agu.”
396	GEN 16:14	I wain igi da ifaringꞌ mpui maran igi binganggan Bir-Lahai-Roi, wainggan ibiani Mpui Anutu Marantaꞌan Tsanganda Dzi. Mpui maran igi rumingꞌ wasaꞌ i gamp Kades da Beret.
412	GEN 17:14	Bida garam mangan mamida safa riniubit da arangan yis dzi nan gangꞌ utusa i ruan gin udziꞌ da gan garaman nasiat arangan rai.”
449	GEN 18:24	Bida anungꞌ i bida garam rururungan 50 mpada wasaꞌ i gamp igi, U bungꞌ asiat garam rururungan 50 igi nampruꞌ da garam maisan rai, ma isangꞌ U gantsida gamp igi i garam rururungan 50?
451	GEN 18:26	Da Yawe ini Abraham nan gan mungaꞌ ibiani, “Bida Dzi tsanganda garam rururungan 50 mpada gamp Sodom da Dzi bungꞌ agantsi gamp i rib igi binganggan.”
453	GEN 18:28	Da bitsintaꞌ bida anungꞌ i garam rururungan 50 maꞌan da 45 angu mpada gamp igi, da U bungꞌ asiat sib angu rai i garam 5 maꞌan igi?” Da Yawe ini, “Bida Dzi tsanganda garam rururungan 45 mpadan, da Dzi wasangꞌ i siata gamp igi rai u.”
454	GEN 18:29	Abraham itip igut i Yawe ini binaꞌ, “Da bida U tsanganda garam rururungan 40 angu mpadan nigi, da U bungꞌ asiat gamp igi rai, ma?” Da Yawe itip ini, “Bida Dzi tsanganda garam rururungan 40 mpadan, da Dzi wasangꞌ i siata gamp igi rai u.”
456	GEN 18:31	Da Abraham itip ini, “Nifutsarif, wasiat dzi nan gangꞌ ru rima udzungꞌ da Agu gin ani. Bida garam rururungan 20 angu mpadan, da U bungꞌ anang nabi anungꞌ gin?” Da Yawe ini, “Dzi wasangꞌ i siatan rai bida Dzi tsanganda garam rururungan 20 angu mpada gamp igi.”
470	GEN 19:12	Garam iruꞌ igi ini da Lot ini binaꞌ, “Bida u narum rusam marub da finam ma bum rusam ma ribam fain mpada gamp ani mpruꞌan, da wani rutin i ribarangan uriꞌan da tanginda gamp ani rai,
477	GEN 19:19	Agu nang nam maran aridan tsiraꞌ i rima gam garam gumam dzi sib, da bitsintaꞌ dzi wasangꞌ i fawaꞌa sung mamai aga u. Bida barabin igi waꞌan da bungꞌ asiat dzi rai namingꞌ sanab.
496	GEN 19:38	Da narun finam isiꞌ ibinigi irim narun marub da ifaringꞌ i binganggan Ben-Ami. Ben-Ami isu garam Amon tafanggan rungꞌ faringꞌan da gubuꞌ aruani.
509	GEN 20:13	Da gubuꞌ Anutu nidan da dzi i tanginda ramanggangꞌ gampan rai da fada intap mangan da dzi ni da Sara ibiani, ‘Bida u maram arida i dzi da agi nida fada gamp bida anungꞌ da wani da garam da sagat nabiani, “Abraham igi dzi nafunggangꞌ.” ’”
528	GEN 21:14	Da tataꞌ maratait, Abraham yuriꞌ da iyu nam gadan da apu rini gangan ranguda mpui gin sib da yantungꞌ iyab Hagar sias. Da itangin narunggan ifan da Hagar da iwat ribarangan rai. Ibinigi da Hagar ifan da iyung nam manaꞌ dadauntan Birsiba ifan.
545	GEN 21:31	Ibinigi da ifaringꞌ gamp igi binganggan Birsiba (wainggan ibi mpui udzuda nan gin), i rib iruꞌ impruꞌ ruan yudzu nan gan.
546	GEN 21:32	Gubuꞌ nan udzudan da ruan mingꞌa Birsiba ntsupa sib, Abimelek da gan garam gudzunggan singaari Fikol, itip ifa gan gampan imingꞌ intap Filistia.
547	GEN 21:33	Abraham intang gai mangan nida tamaris gin imingꞌ Birsiba da iyugin da nifun itsaf Yawe, Anutu Mpada Ratar Ntingan Angu.
567	GEN 22:19	Ntsupa sib da Abraham irut narunggan itip iba da gan mamaꞌ guman, da impruꞌ ruan ifa Birsiba da impa nigi gubuꞌ guntiꞌ bingan.
569	GEN 22:21	mamaꞌ miamun Uts, da rainggan Buts, da Kemuel— Aram ramanggan,
570	GEN 22:22	Keset, Hatso, Pildas, Dzitraf da Betuel.”
571	GEN 22:23	Betuel isu Rebeka ramanggan. Milka, Abraham rainggan Nahor fininggan, irim Nahor narun rusan 8 igi.
578	GEN 23:6	“Garam tsiraꞌ, aga marangꞌ ifur ibiani: U garam nifutsarif impa wasaꞌ i agai. Bida u wangunggam uda tauf bampun rima badzabin mangan mingꞌa aga gin, da warim fininggam in. Aga manga wasangꞌ i nida nan intiꞌ i tauf bampun u rima fininggam in u.”
580	GEN 23:8	Da ini da rib igi ibiani, “Bida agam mpruꞌa wangum i dzi rima fininggangꞌ i nani, da dzi marangꞌ ifur ibiani: isangꞌ agam uda dzi nifunggangꞌ da guta i Tsohar narunggan Efron,
607	GEN 24:15	Gubuꞌ arangan rumingꞌa i nan udagin, da aruf mangan nida Rebeka gin yantungꞌ gur ranguda mpui gin i sias ibawaꞌ. Arangan ramanggan Betuel, Abraham rainggan Nahor da fininggan Milka narunggan marub.
616	GEN 24:24	Rebeka ini ibiani, “Dzi ramanggangꞌ Betuel. Da dzi rumpungꞌ rusangꞌ Nahor da Milka.
639	GEN 24:47	Gubuꞌ dzi guta i arangan i manga narunggan arangan, da arangan ini da dzi ibiani, ‘Dzi ramanggangꞌ Betuel. Da dzi rumpungꞌ rusangꞌ Nahor da Milka.’ “Ibinigi da dzi rugu ring gol i arangan yun da yatsuf tsipu gol iruꞌ i arangan bangin,
642	GEN 24:50	Da Laban da ramanggan Betuel ini arangan nan gan mungaꞌ ibiani, “Nan ani iba Yawe gin, da aga wasangꞌ i nida nan mangan u. Da nan bungꞌ abi aru nigi angu.
654	GEN 24:62	Da Isak imingꞌ intap mpui maran Bir-Lahai-Roi iba, i gubuꞌ arigi arangan impai imingꞌ intap Negeb.
670	GEN 25:11	Gubuꞌ Abraham mampa sib, da Yawe ifinti arangan narunggan Isak. Da Isak impa uts da mpui maran Bir-Lahai-Roi.
679	GEN 25:20	Gubuꞌ Isak udzufan sangꞌa 40 da iyu Rebeka, Betuel narunggan finam da Laban nafunggan, ribarangan garam Aram mpada Mesopotemia ugu.
700	GEN 26:7	Gubuꞌ garam gamp igi guta i arangan i fininggan da arangan ini binaꞌ, “Dzi nafunggangꞌ igi.” I arangan irat da ini i wangunggan angu ibiani, “Bida dzi nida fininggangꞌ gin da garam gamp ani bungꞌ ais dzi funub i arangan, i Rebeka igi sagat mara rifirif bini.”
703	GEN 26:10	Da Abimelek ini, “Ibi anungꞌ da u nang uwayant ibinigi da agai? Bida dzi garamangꞌ mangan dani ruta u fininggam gingꞌan, da Anutu madararu agai i u nan gam iyuꞌan igi.”
716	GEN 26:23	Da Isak itangin nigi rai da iyab ifa mpa gamp Birsiba.
720	GEN 26:27	Bawaꞌan da Isak igut i ribarangan, “Wain idzuwai da agam iba i tsanganda dzi, garam aru agam bugindan da wata rai i gam gampam ugu?”
726	GEN 26:33	Da Isak ifaringꞌ mpui rafan igi binganggan Siba. Ibinigi da mingꞌa nigi bawaꞌan da aruani da rungꞌ ifaringꞌ gamp igi binganggan Birsiba.
727	GEN 26:34	Isau udzufan isangꞌ 40 da iyu sagat iruꞌrun, Dzudit da Basemat. Dzudit ramanggan Beri, da Basemat ramanggan Elon, rib iruꞌ igi garam Hit.
740	GEN 27:12	Da bida anungꞌ i ramangꞌ yafusa dzi da rabuba gin? Bungꞌ ani dzi intsaꞌa i iyuꞌa arangan da bungꞌ arim nan pupuarapan maisan da dzi, da dzi wasangꞌ i uda nam fintidan mangan u.”
764	GEN 27:36	Da Isau ini ibiani, “Ramangꞌ! Bingan Yakop isangꞌ arangan rururungan. Mungꞌ da arangan isu umpur da dzi, da iyu dzi nanggangꞌ suda mamaꞌ miamun gan. Da aruani da itip isu umpur da agu, da iyu dzi nan gangꞌ fintidan. Da ramangꞌ, nan fintidan pas u mamida riman da rumingꞌan, da warim da dzi.”
774	GEN 27:46	Rebeka ini da Isak ini binaꞌ, “Dzi raraiꞌ nidzun angu i Isau finin rusan, sagat Hit iruꞌ ani. Bida Yakop uda sagat Hit ani gan mangan sangꞌa sagat tuas iruꞌ aruani, da dzi nanggangꞌ mpadan bungꞌ amais wasi.”
776	GEN 28:2	Wauriꞌ da wafa rinanggam ramanggan Betuel gampan mingꞌa intap Mesopotemia, da wau gayanggam Laban narunggan finam mangan.
779	GEN 28:5	Isak ini ibinigi sib da itangin Yakop ifa Mesopotemia da Laban, Betuel garam Aram ugu narunggan. Laban igi Yakop da Isau rinanggan Rebeka nafunggan.
784	GEN 28:10	Yakop itangin gamp Birsiba rai da ifa i waꞌa gamp Haran.
793	GEN 28:19	Yakop ifaringꞌ mumai arigi binganggan Betel— wainggan Anutu ungaran. Garam mpada nigi mungꞌ ifaringꞌ gamp igi binganggan Luts.
815	GEN 29:19	Da Laban ini, “Bini angu da dzi bungꞌ arim da agu i rib fain aga mayu i. Nabinigi da warut dzi nampai.”
825	GEN 29:29	Laban itangin sagat gum, Bilha, da Retsel.)
834	GEN 30:3	Da Retsel ini, “Dzi sagat gumangꞌ Bilha aruani. Nabiaꞌ da warut wagingꞌ da narim mamaꞌ narun i dzi binganggangꞌ da dzi nasu rinan gin. I mingꞌa arangan da dzi bungꞌ autus i yanginggangꞌ.”
835	GEN 30:4	Ibinigi da Retsel irim sagat guman Bilha ifan da Yakop isu i fininggan. Da Yakop irut igingꞌ,
836	GEN 30:5	da Bilha iwangun da irim Yakop narunggan marub mangan.
838	GEN 30:7	Retsel sagat guman Bilha itip iwangun da irim Yakop narunggan marub mangan.
846	GEN 30:15	Da bitsintaꞌ Lia ini da Retsel, “Mani nidzun arangan igi i u uda dzi gabunggangꞌ sinungꞌ dzi? Da aruani da u ni tipa uda dzi narunggangꞌ nanggan uda badan da dzi ani mpruꞌan, a!” Da Retsel ini, “Isangꞌ. Bida u rima narunggam nam nidzunggan fain da dzi, da Yakop bungꞌ arut agu nagingꞌ da idziang aruani.”
864	GEN 30:33	Bida u tsanganda nuning mangan rinin mamida puatpuatagin ma dumpa mangan rinin maragamp mingꞌa dzi gin, da u bungꞌ asruꞌgin nabi dzi wap. Nigi bungꞌ asu gum isiꞌ da agu i u tsangandan dumpa da nuning dzi uda suda nam ntsuman, da u bungꞌ asruꞌgin nabi dzi yatsungꞌ nan gangꞌ rururungan, ma imaꞌ.”
882	GEN 31:8	Bida arangan nidan, ‘Apu rinin puatpuatagin nasu u nanggam,’ da apu santan irim narun puatpuatagin isangꞌ ruan. Da bida arangan nidan, ‘Apu umpuar taringꞌan nasu u nanggam,’ da apu santan irim narun umpuar taringꞌan isangꞌ ruan santan.
887	GEN 31:13	Dzi Anutu aru waꞌan da agu mingꞌa Betel, mumai u antungꞌa tauf da yatsa madamin gin da tagada ruam i tsarifa dzi runtaꞌ angu gin ugu. Wauriꞌ da watangin gamp ani rai sung angu da watip wafa gampam wain.’”
937	GEN 32:9	Arangan maran ifur ibiani, “Bida Isau badan da ruta utup mangan isa ruan da wangidan da utup mangan isangꞌ runtan.”
949	GEN 32:21	Da wani nan wasi rutin nabiani, ‘U garam gumam Yakop rungꞌ imingꞌ bampan iba i agai.’” I arangan maran ifur ibiani, “Bida dzi tanginda nam ani mungꞌan da dzi bungꞌ arasu arangan wangu tsakia gan mungꞌ ugu. Da gubuꞌ arangan bawaꞌan da dzi da maran bungꞌ asamu wangu tsakia gan igi, da nugun bungꞌ anuf i dzi da nau dzi nayab.”
955	GEN 32:27	Da garam igi ini da Yakop, “Watangin dzi da dzi nafan. Gubuꞌ inang i pisan.” Da bitsintaꞌ Yakop idudunting i arangan da irim udzungꞌ da arangan ini binaꞌ, “Wasangꞌ u! Bida u fintida dzi sib da dzi bungꞌ atangin bangingꞌ rai i agu da wafan.”
971	GEN 33:10	Da Yakop ini, “Imaꞌ. Dzi gampun runggangꞌ da agu. Dzi yut apu ani ruta wangunggangꞌ santan ibiaꞌ da agu. Bida u maram arida i dzi da wayu. I dzi nugungꞌ itsiaꞌ nidzun angu i tipa tsanganda u maranggam ibi dzi tsanganda Anutu maran, i u yu dzi iyab.
974	GEN 33:13	Da bitsintaꞌ Yakop ini da arangan, “Dzi garamang tsiraꞌ, u tsangan mamaꞌ narun narun aga anungꞌ tsiraꞌ tsiraꞌ u. Da dzi nampa tayangꞌ makau da dumpa rinan narun ruas rututan. Bida dzi usudan da yunga sanab guntiꞌ da gubuꞌ bitsintaꞌ angu da apu santan bungꞌ amamp sib i.
993	GEN 34:12	Warim nam bunump gudzunggan. Bida agam maram fura i rima tsiraꞌ bingan, da wani, da dzi bungꞌ arim, bida agam rima mamaꞌ finam arigi da dzi suda dzi fininggangꞌ.”
1004	GEN 34:23	Bida agi nanga bida nigi da ribarangan makau gan da apu gan da nanggan santan bungꞌ asu agi gangꞌ. Ibinigi da agi nanang nam ribarangan nidan igi da ribarangan bungꞌ ampa wasaꞌ i agi.”
1013	GEN 35:1	Da Anutu ini da Yakop ibiani, “Wauriꞌ da watip wafa gamp Betel da wampai nigi da warim mumai mararam tsarada nam in da dzi Anutu aru waꞌan da agu da gubuꞌ u runta sinungꞌ rainggam Isau badan ugu.”
1015	GEN 35:3	Ida agi bungꞌ ayab gamp Betel, da dzi bungꞌ arim mumai mararam tsarada nam in da Anutu aru nanga dzi nan gangꞌ udagin suda nidzun. Arangan irim dzi sib da gubuꞌ dzi waꞌan da barabin ugu, da impa tayangꞌ dzi i sanab santan aru dzi fada gin ugu.”
1018	GEN 35:6	Yakop da ampan gan santan igi ibawaꞌ gamp Luts mingꞌa intap Kanan. Luts igi gamp Betel binganggan ratar.
1019	GEN 35:7	Mingꞌan nigi da arangan yantungꞌ tauf isu mumai mararam tsarada nam in da ifaringꞌ mumai arigi bingan ibi El Betel (wainggan ibi Anutu Mpada Betel), i Anutu iwaꞌ da Yakop imingꞌ arigi da gubuꞌ arangan runta sinungꞌ rainggan badan.
1020	GEN 35:8	Gubuꞌ aru ribarangan mpadan nigi da Debora, Rebeka sagatan mpada tayangꞌ gin, imamp da ribarangan irim arangan imingꞌ gai tsiraꞌ wain imingꞌ Betel. Ibinigi da ifaringꞌ gai igi binganggan “Gai Singisiang.”
1027	GEN 35:15	Da Yakop ifaringꞌ mumai Anutu ruta nida nan da ruan gin igi binganggan Betel— Anutu ungaran.
1028	GEN 35:16	Yakop irut utupan itangin Betel rai da iyung ifan i waꞌa gamp Efrata. Rungꞌ yunga fadan da Retsel gubuꞌ gan nanga i apingꞌan iwaꞌ da ipriꞌ da nam tsakia tsiraꞌ bingan iyus.
1030	GEN 35:18	Da gubuꞌ Retsel ntafa gin i mampan da ifaringꞌ mamaꞌ mitan igi binganggan Benoni (wainggan ibi mamaꞌ uda tsakia gin). Da bitsintaꞌ ramanggan Yakop ifaringꞌ i binganggan Benyamin (wainggan ibi mamaꞌ gifa gamp).
1031	GEN 35:19	Ibinigi da Retsel imamp da irim i sanab fada Efrata (gamp Betlehem binganggan ratar).
1034	GEN 35:22	Gubuꞌ Israil rungꞌ mpada mingꞌa nigi da Ruben yatangꞌ da irut ramanggan sagat guman Bilha igingꞌ da Israil iringantin. Yakop narun rusan marub 12 rima da finin rusan ugu ibiani:
1036	GEN 35:24	Retsel irim: Yosef da Benyamin.
1037	GEN 35:25	Bilha, Retsel sagat guman, irim: Dan da Naftali.
1044	GEN 36:3	Arangan itip iyu Basemat, Ismail narun finam da Nebaiot nafun finam, impruꞌ ibinigi.