44	GEN 2:13	Mpui bangin mangan suda iruꞌrun gin bingangan Gihon, irunt inguangꞌ inguangꞌ imingꞌ wasaꞌ intap Kus.
81	GEN 4:1	Adam irut fininggan Ifa impai da arangan fininggan iwangun da yapingꞌ Kein. Da Ifa ini, “Yawe irim dzi sib da dzi yapingꞌ narungꞌ marub.”
82	GEN 4:2	Raiyi da Ifa itip irim Kein rainggan Abel. Gubuꞌ Abel yingꞌa sib da inang guman mpada tayangꞌ dumpa da nuning, da Kein inang guman rafa gum.
83	GEN 4:3	Gubuꞌ mangan da Kein iyu nam gadan fain imingꞌ guman da irim dangki gin ifan da Yawe.
85	GEN 4:5	da bitsintaꞌ nugun wanuf i Kein da gan dangki gan u. Ibinigi da Kein nugun itsakia nidzun da igurungur tsiraꞌ bingan.
86	GEN 4:6	Da Yawe igut i Kein, “Wain idzuwai da u nugum itsakia? Wain idzuwai da u gurungur?
88	GEN 4:8	Da Kein ini da rainggan Abel ini binaꞌ, “Abel, agi yunga rai rai angu waꞌa gum.” Gubuꞌ ribarangan waꞌa sib gum, da Kein yitam i ruan da yis rainggan funub.
89	GEN 4:9	Raiyi da Yawe igut i Kein ini binaꞌ, “Da u rainggam Abel anungꞌ?” Da arangan ini, “Dzi wasruꞌgin u. Mai! Dzi masu wain i mpada tayangꞌ rainggangꞌ?”
93	GEN 4:13	Kein ini da Yawe ini binaꞌ, “Dzi asubangꞌ mungaꞌ gan u riman da dzi ani tsiraꞌ bingan iyus dzi.
95	GEN 4:15	Da bitsintaꞌ Yawe ini, “Imaꞌ. Bida manga isa agu funub da bungꞌ abuaringꞌ barabin mungaꞌ maisan angu nasangꞌ 7 nayus agu i mungaꞌ gan.” Ibinigi da Yawe irim ampap mangan iyab i Kein i garam tsangandan ma waꞌan da arangan anungꞌ isangꞌ isa arangan funub u.
96	GEN 4:16	Ibinigi da Kein itangin Yawe maranggan rai da ifa mpa intap Nod imingꞌ gubuꞌ yaban i Iden.
97	GEN 4:17	Kein irut fininggan impai da fininggan iwangun da irim narunggan marub Inok. Da Kein irim gamp tsiraꞌ mangan da ifaringꞌ narun Inok bingan iyabin.
102	GEN 4:22	Tsila iwangun da irim narun marub binganggan Tubal Kein. Arangan garam bangimurun i tipa nam mara maran i bras da ain. Da arangan nafunggan binganggan Nama.
104	GEN 4:24	Bida garam mangan isa Kein funub da arangan bungꞌ abuaringꞌ barabin nayus 7. Da bida manga nanga bangin yaba i dzi, Lamek, da arangan bungꞌ abuaringꞌ barabin tsiraꞌ angu nayus 77.”
105	GEN 4:25	Raiyi da Adam itip irut fininggan Ifa impai da fininggan iwangun da irim narun marub, da ifaringꞌ arangan binganggan Set (wainggan ibi irim) da ini, “Anutu irim mamaꞌ narun mangan da dzi i uda Abel faganggan aru Kein isa funub ugu.”
115	GEN 5:9	Gubuꞌ Inos mpada udzufan basangꞌa 90, da irim narunggan Kenan.
116	GEN 5:10	Da gubuꞌ Kenan waꞌa sib, da Inos itip impai udzuf 815 da irim narun rusan marub da finam fain.
118	GEN 5:12	Gubuꞌ Kenan mpada udzufan basangꞌa 70, da irim narunggan Mahalalel.
119	GEN 5:13	Da gubuꞌ Mahalalel waꞌa sib, da Kenan itip impai udzuf 840, da irim narun rusan marub da finam fain.
120	GEN 5:14	Da mpruꞌa Kenan udzufan mpada marataꞌ da isangꞌ 910 da arangan imamp.
224	GEN 9:18	Noa narun rusan ruta mpruꞌa ruan waꞌa madzung ba ibiani, Sem, Ham da Yafet. (Da Ham isu Kanan ramanggan.)
228	GEN 9:22	Ham, Kanan ramanggan, yatangꞌ ba da itsanga ramanggan gingꞌa ragi dangunt da itip iwaꞌ ifan da ini da rain rusan iruꞌ igi.
231	GEN 9:25	Ibinigi da Noa ipupuarap da Ham narunggan ibiani, “Barabin tsiraꞌ nais mara wafir i Kanan nanting. Da bungꞌ asu rain rusan mamaꞌ guman utaꞌ angu.”
232	GEN 9:26	Da itip ini, “Dzi natsarif Yawe, Sem Anutu gan. Kanan nasu Sem mamaꞌ guman utaꞌ angu.
233	GEN 9:27	Anutu nautus i Yafet yanginggan nawaꞌ nasisungꞌ da gan yanginggan narut Sem yanginggan nampruꞌ ruan nampa bini, da Kanan nasu Yafet mamaꞌ guman utaꞌ angu.”
239	GEN 10:4	Dzawan irim narun rusan: Elisa, Tarsis da Kit da Rodan.
241	GEN 10:6	Ham irim narun rusan ibiani: Kus, Mitsraim, Put da Kanan.
242	GEN 10:7	Kus irim narun rusan ibiani: Seba, Hawila, Sapta, Rama da Sapteka. Rama irim narun rusan iruꞌrun: Siba da Dedan.
243	GEN 10:8	Kus ibinigi irim narunggan mangan binganggan Nimrod. Nimrod isu garam nampang da nifutsarif i ngants gifan isu miamun imingꞌ intap.
246	GEN 10:11	I mingꞌa nigi da arangan ifa Asiria da iraf gamp Niniwe, Rihobot-Ir da Kala, da Resen. I gamp Resen igi imingꞌ wasaꞌ i gamp Niniwe da gamp tsiraꞌ Kala.
248	GEN 10:13	Mitsraim isu garam Lud da Anam da Lehap da Naftu da Patrus da Kaslu da Kaftor tafanggan. Da garam Filistia iwaꞌ i tafan Kaslu.
250	GEN 10:15	Kanan narunggan miamun Saidon, da rain rusan fain binganggan ibiani: Hit
253	GEN 10:18	da Arwat da Tsemar da Hamat. Raiyi da utup Kanan igi idzarang da impa ruga rugan ifan.
254	GEN 10:19	Rib Kanan intapan ampapan mpada gin imingꞌ gamp tsiraꞌ Saidon da iragi uruts ringan ifa iwaꞌ Gatsa da Gerar da ifa ibi gubuꞌ yaban da iwaꞌ Sodom da Gomora da Adma da Tseboim da ifa iwaꞌ Lasa.
294	GEN 11:27	Nan ani intuang Tera utupan nan gan. Tera isu Abram da Nahor da Haran ramanggan. Da Haran irim narunggan marub Lot da narun rusan finam iruꞌ, Milka da Iska. Gubuꞌ Tera rungꞌ mpadan da narunggan Haran imamp imingꞌ Ur, gan gampan wain mingꞌa Kaldia ugu. Nahor iyu Haran narunggan finam Milka isu i gan fininggan, da Abram iyu Sarai.
298	GEN 11:31	Tera iyu narunggan Abram da rumpunggan Lot, Haran narunggan, da bunggan Sarai, Abram fininggan, da itangin gamp Ur mingꞌa Kaldia rai da intsungꞌ i fada Kanan. Da bitsintaꞌ gubuꞌ ribarangan yunga fawaꞌa Haran da ribarangan impai nigi.
303	GEN 12:4	Abram udzufan waꞌa 75 sib da itangin gamp Haran rai isangꞌ Yawe nan gan nida rutin ugu. Da iyu fininggan Sarai da rainggan Haran narunggan Lot da nam bunumpan da garam guman santan uda mingꞌa Haran ugu, da irut impruꞌ ruan ifa intap Kanan. Gubuꞌ ribarangan waꞌa intap Kanan sib,
305	GEN 12:6	da Abram iyung itsuar intap igi ifan isangꞌ waꞌa gai tsiraꞌ mingꞌa mumai mararam binganggan More mingꞌa gamp Sekem. Da mingꞌa gubuꞌ arigi da garam Kanan mpada intap igi rungꞌ impai,
309	GEN 12:10	Raiyi da gubuꞌ fus tsiraꞌ nam gadan maringꞌa sib iwaꞌ imingꞌ Kanan. Ibinigi da Abram yuriꞌ da itip intsungꞌ ifa intap Idzip i mpadan nigi pas angu.
315	GEN 12:16	King imagangꞌ Abram bini iyab i Sarai da irim nam ntsuman bida ani: dumpa da nuning da makau da dongki da kamir impruꞌ da garam gum da sagat gum.
319	GEN 12:20	King yaga gan garaman i wata Abram rai mpruꞌan da fininggan da nanggan santan angu da tanginda Idzip da tipa fada gan arun.
326	GEN 13:7	Ibinigi da ufuai imunti wasaꞌ i Lot da Abram garam guman mpada tayangꞌ i ribarangan apu gan. Da gubuꞌ arigi da garam gamp Kanan da Peris rungꞌ impai imingꞌ intap igi.
331	GEN 13:12	Da Abram rungꞌ impai imingꞌ intap Kanan, da Lot ifa mpa wasaꞌ wasaꞌ i gamp fain mingꞌa bump Yordan, raiyi da ifamus arida ungar apu rini gangan uts da gamp Sodom.
338	GEN 14:1	Mingꞌa gubuꞌ arigi da king nampang 4, Amrafel mingꞌa Sinar, Ariok mingꞌa Elasar, Kedoraumer mingꞌa Elam, da Tidal mingꞌa Goim, yatangꞌ i ruan
340	GEN 14:3	I wain ibiani: king gamp isiꞌ isiꞌ 5 igi impa warangꞌ i King Kedoraumer isangꞌ udzuf 12, da bitsintaꞌ bawaꞌa udzuf 13 da intap ruan sinungꞌ arangan da ifa mpruꞌ ruan imingꞌ Bump Sidim (aru uruts Sur mingꞌa gin da aruani).
342	GEN 14:5	Da waꞌa udzuf 14, King Kedoraumer irut king iruꞌ da bits ugu impruꞌ da gan garaman singaari impruꞌ ruan ifan da yis garam Refa mpada Astirot Karnaim, garam Tsuts mpada Ham da garam Em mpada Bump Kiriataim,
344	GEN 14:7	King Kedoraumer ruta king fain ugu itip yitam i ruan da ifa gamp En Mispat (nida Kades gin) da yis garam mpada intap Amalek sib impruꞌ da garam Amor mpada Hatsatson Tamar.
346	GEN 14:9	Ribarangan irut king nampang 4 ugu, Kedoraumer, Tidal, Amrafel, da Ariok, yis ruan.
354	GEN 14:17	Gubuꞌ Abram isa King Kedoraumer da king fain ugu da gan garaman singaari sib da tipa badan, da king Sodom iba i tsanganda arangan mingꞌa Bump Sawe (nida King Intap Bumpan).
368	GEN 15:7	Yawe itip ini da arangan ibiani, “Dzi Yawe, Dzi aruani iyu agu sinungꞌ gamp Ur mingꞌa Kaldia ugu iba ani i rima intap ani da agu i suda u nanggam rururungan.”
380	GEN 15:19	intap garam Ken da Kenis, Kadmun,
382	GEN 15:21	Amor, Kanan, Girgas da Dzebus gin isu ribarangan nanggan.”
383	GEN 16:1	Gubuꞌ aru Abram mpada Kanan sangꞌa udzuf 10 sib da arangan fininggan Sarai warim narun mangan u. Ibinigi da Sarai ini da Abram ibiani, “Yawe yudzu dzi wangunggangꞌ sib da dzi warim narungꞌ mangan u. Da dzi rim Hagar, sagat Idzip dzi sagat gumangꞌ ugu, da agu i u ruta gingꞌan. Da bida arangan rima narun rusan da nigi bungꞌ autus i ruan i dzi binganggangꞌ.” Ibinigi da Abram iringant i fininggan nan gan da iyu Hagar isu i fininggan
396	GEN 16:14	I wain igi da ifaringꞌ mpui maran igi binganggan Bir-Lahai-Roi, wainggan ibiani Mpui Anutu Marantaꞌan Tsanganda Dzi. Mpui maran igi rumingꞌ wasaꞌ i gamp Kades da Beret.
406	GEN 17:8	Intap Kanan santan aru agu mpada gin suda marawampua ani da dzi bungꞌ atangin nasu agu da tafam rusam gan nanting, da dzi bungꞌ asu ribarangan Anutu gan.”
497	GEN 20:1	Abraham itangin Mamri gampan rai da intsungꞌ iruꞌ Negeb da impa wasaꞌ i gamp Kadis da Sur. Raiyi da itip intsungꞌ ifan da impa Gerar.
569	GEN 22:21	mamaꞌ miamun Uts, da rainggan Buts, da Kemuel— Aram ramanggan,
570	GEN 22:22	Keset, Hatso, Pildas, Dzitraf da Betuel.”
574	GEN 23:2	Da arangan imamp imingꞌ gamp Kiriat-Arba (nida Hibron), imingꞌ intap Kanan. Abraham irang igampun ruan i fininggan imingꞌ ungar wasaꞌ.
591	GEN 23:19	Nan tipan ntsupan da Abraham irim fininggan Sara i tauf bampun mingꞌa Makpila imingꞌ uts da Mamri (Hibron gampan isiꞌ mangan) mingꞌa intap Kanan.
595	GEN 24:3	da wani nan nidzun da wataga ruam da Yawe, Anutu suda wain i gunungun da intap, i agu anungꞌ uda sagat intap Kanan ani gan mangan da dzi narunggangꞌ u.
629	GEN 24:37	Da dzi garamangꞌ tsiraꞌ Abraham ini da dzi da dzi tsarif ruangꞌ i atsungꞌa arangan nan gan bida ani, ‘Agu anungꞌ uda sagat mangan da dzi narunggangꞌ mingꞌa intap Kanan aru dzi mpada gin ani u.
660	GEN 25:1	Abraham itip iyu sagat mangan, binganggan Kitura.
663	GEN 25:4	Da Midian narun rusan marub binganggan ibiani, Efa, Efer, Hanok, Abida da Elda. Utup tuas arigi isu Kitura tafan rusan.
665	GEN 25:6	Da aru arangan rumpada marataꞌ da ifab nam bunump pas pas angu isangꞌ narun rusan riman da sagat iruꞌ ugu, Hagar da Kitura. Da Abraham itangin ribarangan santan ifa intap mingꞌa gubuꞌ yaban i mpada guntiꞌ i Isak.
672	GEN 25:13	Ismail narun rusan bingangan atsungꞌa i ruan ibiani: Nebaiot, Ismail narun marub miamun, da Kedar, Adbil, Mipsam,
674	GEN 25:15	Hadat, Tema, Dzetur, Nafis da Kedema.
694	GEN 26:1	Da gubuꞌ fus tsiraꞌ nam gada maringꞌa sib iwaꞌ intap Kanan ibi mungꞌ da waꞌan da Abraham ugu. Ibinigi da Isak intsungꞌ ifa gamp Gerar, garam Filistia king gan Abimelek gampan.
719	GEN 26:26	Gubuꞌ mangan da King Abimelek irut gan garaman rima uwayant, Ahusat, da gan garaman singa-ati gudzunggan, Fikol, imingꞌ gan gampan Gerar iba i tsanganda Isak.
775	GEN 28:1	Ibinigi da Isak inuꞌ Yakop ba da ifinti da ifai nan gin, “Agu anungꞌ uda sagat Kanan mangan u.
780	GEN 28:6	Da Isau iringant i nan ibi Isak irim nan fintidan sib da Yakop da itangin arangan ifa Mesopotemia i uda sagat mingꞌa nigi, da ipaꞌ arangan i anungꞌ uda sagat Kanan mangan u.
782	GEN 28:8	Gubuꞌ arigi da Isau uwayantan ipuꞌ i ramanggan Isak buginda sagat Kanan igi.
892	GEN 31:18	da itsuts i apu gan santan uda mingꞌa Mesopotemia i fada da ramanggan Isak i gan gampan Kanan.
979	GEN 33:18	Impai nigi gubuꞌ fain sib raiyi, da Yakop iyung iba da ibawaꞌ bini angu imingꞌ gamp Sekem imingꞌ intap Kanan, da impa uts angu da gamp igi. Da arangan sanaban yunga mingꞌa Mesopotemia badan ibantsup imingꞌ nigi.
1011	GEN 34:30	Ntsupa sib da Yakop ini da Simion da Liwai ini binaꞌ, “Aruani da agam irim barabin tsiraꞌ bingan angu da dzi, da inang dzi binganggangꞌ imais. Garam Kanan da Peris mpada intap ani bungꞌ abugin dzi nidzun angu. Agi anungꞌ ampi bingan u. Garam gamp ani bida mpruꞌa ruan da udzuda nan sib i waꞌa gamp da bungꞌ ais agi sib.”
1018	GEN 35:6	Yakop da ampan gan santan igi ibawaꞌ gamp Luts mingꞌa intap Kanan. Luts igi gamp Betel binganggan ratar.
1021	GEN 35:9	Da Yakop tanginda Mesopotemia rai da tipa fada intap Kanan sib, da Anutu itip iwaꞌ da arangan imingꞌ nigi da ifinti arangan.
1039	GEN 35:27	Yakop ibawaꞌ da ramanggan Isak i gamp Mamri, mingꞌa uts da gamp Kiriat Arba (bingan mangan Hibron) aru Abraham da Isak mpada gin ugu.
1043	GEN 36:2	Isau iyu finin iruꞌrun imingꞌ Kanan: Ada, Elon garam Hit ugu narun finam, da Oholibama, Ana narun finam da Tsibion garam Hiwi rumpunggan.
1046	GEN 36:5	Da Oholibama irim Dzeus da Dzalam da Kora. Isau irim narun rusan igi da gubuꞌ aru arangan mpada mingꞌa intap Kanan.
1047	GEN 36:6	Raiyi da Isau iyu finin rusan da narun rusan, impruꞌ da garam guman, da makau gan da apu gan santan, da nanggan santan uda mingꞌa Kanan ugu da intsungꞌ iwaꞌ sinungꞌ rainggan Yakop, da ifampa intap wasaꞌ mangan ruguntiꞌ i arangan.
1052	GEN 36:11	Elifats narun rusan marub ibiani: Teman, Omar, Tsefo, Gatam da Kenats.
1055	GEN 36:14	Oholibama, Isau finin mangan, Ana narun finam da Tsibion rumpun finam, irim Dzeus, Dzalam da Kora.
1056	GEN 36:15	Da utup utup waꞌa mingꞌa Isau narun rusan ibiani: Elifats, Isau narunggan miamun, isu garam utup bida ani tafanggan: Teman, Omar, Tsefo, Kenats,
1059	GEN 36:18	Da Isau fininggan mangan Oholibama, Ana narunggan finam, isu garam utup bida ani tafanggan: Dzeus, Dzalam da Kora.
1067	GEN 36:26	Da Dison narun rusan marub ibiani: Hemdan, Esban, Itran da Keran.