54	GEN 2:23	Gubuꞌ garam tsangandan da itsauꞌ tsiraꞌ angu da ini, “Mai! Aruani da dzi gangꞌ mangan sangꞌa dzi iwaꞌ. Urungunggan iwaꞌ imingꞌ dzi urungunggangꞌ; paiꞌ gan iwaꞌ imingꞌ dzi paiꞌ gangꞌ. Anutu itip arangan iwaꞌ imingꞌ garamin, ibinigi da dzi nafaringꞌ arangan nabi ‘sagat.’”
65	GEN 3:9	Da Anutu Yawe inuꞌ garam, “U mpa aruanungꞌ?”
67	GEN 3:11	Da Anutu igutin, “Manga ni da agu i u danguntan? U maga gai nidzun dzi paꞌa agu gin ugu, ma?”
69	GEN 3:13	Da Anutu Yawe igut i sagat ini binaꞌ, “U bunang ibinigi iyaꞌ?” Da sagat ini Anutu Yawe nifunggan mungaꞌ ibiani, “Mur isu umpur da dzi da dzi gan.”
70	GEN 3:14	Ibinigi da Anutu Yawe ini da mur ini binaꞌ, “U nang nam bida ani da dzi bungꞌ apupuarap da agu namingꞌ wasaꞌ i apu marapagraꞌ da buman santan, agu bungꞌ asruak i wangum da waga ngaruntsuaf da gubuꞌ sib angu nasangꞌ u gubuꞌ gam mampan.
72	GEN 3:16	Da ini da sagat ini binaꞌ, “Dzi bungꞌ autus u barabin gam da agu nabiani: u bungꞌ awaꞌ da nam tsakiadan tsiraꞌ bingan da gubuꞌ u rima narum. U maram bungꞌ ari i suda wain i gabunggam da bitsintaꞌ u gabunggam bungꞌ asu gudzun i agu.”
73	GEN 3:17	Da itip ini da garam ini binaꞌ, “U ringant i fininggam nan gan da u ga gai nidzun dzi paꞌa agu gin ugu, da intap bungꞌ asu mais da agu. U bungꞌ anang gum tsiraꞌ bingan i waꞌa da nanggam gadan da gubuꞌ santan nasangꞌ u nanggam mampan.
90	GEN 4:10	Da Yawe ini, “Ibi anungꞌ da u bunang sanab maisan ibiani i rainggam? U rainggam Abel biꞌgan nifunggan nuꞌan mingꞌa intap iwaꞌ da dzi ibi nifun nuꞌan i nanga nam mungaꞌ.
92	GEN 4:12	U nida rafa gum da intap wasangꞌ i rima nam nidzun mangan da agu u. Da u bungꞌ asu garam kupa i asub rampan angu yungan sangꞌa intap angu fadan.”
258	GEN 10:23	Da Sem narunggan Aram narun rusan ibiani: Uts, Hul, Geter da Mas.
261	GEN 10:26	Dzoktan isu Almodat, Selef, Hatsarmawet, Tsera, da Hadoram, Utsal, Dikla, da Obal, Abimael, Seba, da Ofir, Hawila da Dzobap ramanggan.
277	GEN 11:10	Sem narun rusan binganggan da nan gan ntuangan. Udzuf iruꞌ aru mingꞌa bampan i mpui tsiraꞌ riꞌan ugu, da Sem udzufan iwaꞌ 100 da irim narunggan Arfaksat.
294	GEN 11:27	Nan ani intuang Tera utupan nan gan. Tera isu Abram da Nahor da Haran ramanggan. Da Haran irim narunggan marub Lot da narun rusan finam iruꞌ, Milka da Iska. Gubuꞌ Tera rungꞌ mpadan da narunggan Haran imamp imingꞌ Ur, gan gampan wain mingꞌa Kaldia ugu. Nahor iyu Haran narunggan finam Milka isu i gan fininggan, da Abram iyu Sarai.
298	GEN 11:31	Tera iyu narunggan Abram da rumpunggan Lot, Haran narunggan, da bunggan Sarai, Abram fininggan, da itangin gamp Ur mingꞌa Kaldia rai da intsungꞌ i fada Kanan. Da bitsintaꞌ gubuꞌ ribarangan yunga fawaꞌa Haran da ribarangan impai nigi.
310	GEN 12:11	Nanga i atangꞌa intap Idzip da arangan ini da fininggan Sarai ibiani, “Waringantin! U sagat mara rifirif bingan iyus.
317	GEN 12:18	Ibinigi da king yaga Abram iba munti i maranggan da ini, “Ibi anungꞌ da u iyuꞌ dzi? U sangꞌ nida nan wasi da dzi i u fininggam Sarai, ma?
318	GEN 12:19	Wain idzuwai da u ni arangan u nafunggam da dzi yu arangan isu dzi fininggangꞌ? U fininggam aruani! Wau ya warut wafan!”
366	GEN 15:5	Da Yawe iyu Abram iwaꞌ ifa manaꞌ da ini rutin, “Wadantangꞌ wayab gunungun da wafaris ngantam santan aga, bida u sangꞌa i farisa sib angu fantsupan. Waringantin! U yanginggam bungꞌ awaꞌ nabinigi.”
368	GEN 15:7	Yawe itip ini da arangan ibiani, “Dzi Yawe, Dzi aruani iyu agu sinungꞌ gamp Ur mingꞌa Kaldia ugu iba ani i rima intap ani da agu i suda u nanggam rururungan.”
374	GEN 15:13	Da Yawe ini da arangan imingꞌ nam puafuban ibiani, “Waringantin! U yangin rusam bungꞌ ampa nabi garam marawampua namingꞌ garam gamp mangan intapan. Da garam intap igi bungꞌ arasu da nanang i nanggan mpadan namais, da nabuaringꞌ gum barabin tsiraꞌ nasangꞌ udzuf 400.
388	GEN 16:6	Da Abram ini, “Ngarubini bingan! Da bitsintaꞌ waringantin, nigi u sagat gumam rururungan da imingꞌ da agu. U su wain gin. Nam u tsanganda bida dauman sangꞌa u maranggam aridan, wanang da arangan.” Ibinigi da Sarai inang Hagar nanggan mpadan imais wasi, da arangan irunt sinungꞌ Sarai.
393	GEN 16:11	Da itip ini, “Waringantin! U wangun sib da u bungꞌ arim narun marub. Da wafaringꞌ arangan binganggan Ismail, i wain ibiani, Yawe iringant i u wangu barabin gam sib.
417	GEN 17:19	Da bitsintaꞌ Anutu ini binaꞌ, “Imaꞌ. U fininggam Sara bungꞌ arim agu narunggam marub, da u bungꞌ afaringꞌ arangan binganggan Isak (wainggan ‘irubungꞌ’). Dzi bungꞌ autus i nan gangꞌ utusa i ruan gin nampruꞌ da arangan da gan yanginggan taptap da bungꞌ amingꞌ ratar nanting angu.
434	GEN 18:9	Tuas arangan igut i arangan, “U fininggam Sara impa anungꞌ?” Da Abraham ini, “Rumpa ungar wasaꞌ.”
440	GEN 18:15	Da Sara irat da itung i ruan da ini, “Dzi warubungꞌ u.” Da bitsintaꞌ Yawe ini, “Imaꞌ. U rubungꞌ.”
448	GEN 18:23	Da Abraham iba su uts da Yawe da igutin ini binaꞌ, “Nan nidzun? U bungꞌ asiat garam rururungan nampruꞌ da garam maisan, ma?
449	GEN 18:24	Bida anungꞌ i bida garam rururungan 50 mpada wasaꞌ i gamp igi, U bungꞌ asiat garam rururungan 50 igi nampruꞌ da garam maisan rai, ma isangꞌ U gantsida gamp igi i garam rururungan 50?
450	GEN 18:25	U Garam atsungꞌa sanampun rururungan angu i raruda garam intap santan. Da anungꞌ isangꞌ u, i U siata garam rururungan mpruꞌa da garam maisan sangꞌa ruan angu, yaba i garam nanga asub nanggan. Imaꞌ!”
453	GEN 18:28	Da bitsintaꞌ bida anungꞌ i garam rururungan 50 maꞌan da 45 angu mpada gamp igi, da U bungꞌ asiat sib angu rai i garam 5 maꞌan igi?” Da Yawe ini, “Bida Dzi tsanganda garam rururungan 45 mpadan, da Dzi wasangꞌ i siata gamp igi rai u.”
454	GEN 18:29	Abraham itip igut i Yawe ini binaꞌ, “Da bida U tsanganda garam rururungan 40 angu mpadan nigi, da U bungꞌ asiat gamp igi rai, ma?” Da Yawe itip ini, “Bida Dzi tsanganda garam rururungan 40 mpadan, da Dzi wasangꞌ i siata gamp igi rai u.”
455	GEN 18:30	Da Abraham itip ini, “O Nifutsarif, nugum anungꞌ ruaꞌa i dzi u, dzi ni rungꞌ guta i Agu, bida anungꞌ i garam rururungan 30 angu mpadan, U bungꞌ asiat rai, ma?” Da Yawe ini, “Dzi wasangꞌ i siatan bida garam rururungan 30 angu mpadan.”
456	GEN 18:31	Da Abraham itip ini, “Nifutsarif, wasiat dzi nan gangꞌ ru rima udzungꞌ da Agu gin ani. Bida garam rururungan 20 angu mpadan, da U bungꞌ anang nabi anungꞌ gin?” Da Yawe ini, “Dzi wasangꞌ i siatan rai bida Dzi tsanganda garam rururungan 20 angu mpada gamp igi.”
457	GEN 18:32	Da Abraham itip ini, “Nifutsarif, dzi ni gampunda ruangꞌ da Agu da nugum anungꞌ ruaꞌa i dzi u. Dzi ni tipa nida nan bits angu bida ani, bida U tsanganda garam rururungan 10 angu mpadan, da U bungꞌ anang nabi anungꞌ gin?” Da Yawe ini, “Dzi wasangꞌ i siata gamp igi rai bida Dzi tsanganda garam rururungan 10 angu mpadan.”
505	GEN 20:9	Ibinigi da Abimelek ini da Abraham iba munti i maran da igutin, “Wain idzuwai da u nang nam bida ani da agai? Dzi nang asub idzuwai da agu da u nang uwayant bida ani da dzi da gangꞌ utupangꞌ iwaꞌ da asub tsiraꞌ? Uwayant aru u nangan igi anungꞌ idaum mangan u.
511	GEN 20:15	Abimelek ini da Abraham ibiani, “Watsangan. Intap ani dzi intapangꞌ. U maram fura i mpada anungꞌ da wafa mpa gin.”
549	GEN 22:1	Udzuf fain ifa sib raiyi, da Anutu yintsaꞌ Abraham nanggan muarutsan i tsanganda bida arangan atangꞌa warangꞌ i Arangan ma imaꞌ. Da inuꞌ arangan ibiani, “Abraham!” Da Abraham itaga ruan da ini binaꞌ, “Dzi rumpai.”
564	GEN 22:16	da ini, “Yawe ini ibiani, ‘U atangꞌ warangꞌ i Dzi nan nidzun angu da u wagantsi narunggam bitsintaꞌ aru u maram aridagin yusan igi i Dzi u. Ibinigi da dzi Yawe ini nan nidzun bingan da agu:
565	GEN 22:17	Dzi bungꞌ afinti agu nidzun angu da u yangin rusam nawaꞌ nasisungꞌ nasangꞌ ngantam narun mingꞌa wagungꞌ da nasangꞌ sasanuai mingꞌa uruts ringan. U yangin rusam bungꞌ adaru gan garam ipiapan rai da nasu wain i gan gampan.
568	GEN 22:20	Raiyi da rib fain iragi Abraham rainggan Nahor narun rusan rutin ibiani, “U rainggam Nahor fininggan Milka irim narun rusan binganggan ibiani:
569	GEN 22:21	mamaꞌ miamun Uts, da rainggan Buts, da Kemuel— Aram ramanggan,
578	GEN 23:6	“Garam tsiraꞌ, aga marangꞌ ifur ibiani: U garam nifutsarif impa wasaꞌ i agai. Bida u wangunggam uda tauf bampun rima badzabin mangan mingꞌa aga gin, da warim fininggam in. Aga manga wasangꞌ i nida nan intiꞌ i tauf bampun u rima fininggam in u.”
606	GEN 24:14	Da bida dzi nida da gan mangan bida ani, ‘Amaꞌ, isangꞌ i u rima mpui guram ruꞌan da dzi maragab numa mpui pas?’ Da bida arangan nidan, ‘Wanum da dzi bungꞌ arim mpui da agu kamiram nabinigi,’ da dzi bungꞌ asruꞌgin nabi U raga aruf aruani i garam gumam Isak. Nam bida nigi waꞌan da dzi bungꞌ asruꞌ gin nabi U santingꞌ nanggam maram aridan da dzi garamangꞌ tsiraꞌ Abraham.”
650	GEN 24:58	Ibinigi da ribarangan inuꞌ Rebeka ba da igutin, “U wangunggam iyu i ruta garam ani fadan da aruani?” Da arangan ini, “Hai, dzi bungꞌ arut afan.”
663	GEN 25:4	Da Midian narun rusan marub binganggan ibiani, Efa, Efer, Hanok, Abida da Elda. Utup tuas arigi isu Kitura tafan rusan.
691	GEN 25:32	Da Isau ini, “Oiyo! U tsangan dzi nang i mampan! Da dzi nanggangꞌ miamun dzi suda wain gin igi burima dzi sib bida anungꞌ? Isangꞌ i!”
693	GEN 25:34	Intsup sib da Yakop irab mpuaꞌ upis nidzun da nam gadan arangan tipan da Isau. Da arangan iga nam da inum mpuaꞌ isangꞌ arangan sufan, da yuriꞌ da ifan. Uwayant Isau santingꞌan igi arangan itsanga nam mamaꞌ miamun gan suda wain gin igi ibi nam utaꞌ angu.
695	GEN 26:2	Yawe iwaꞌ da arangan da ini, “Agu anungꞌ ruꞌa gamp Idzip u. U bungꞌ ampai intap idzuwai Dzi bungꞌ ani da agu i mpada gin.
729	GEN 27:1	Isak ifufi sib da maran isap da anungꞌ isangꞌ i rungꞌ raraba nam, ibinigi da irim nan i narun miamun Isau iba da ini rutin, “O Isau, dzi narungꞌ.” Da Isau ini, “Ramangꞌ, dzi aruani. U ni wai?”
734	GEN 27:6	da Rebeka ini da narunggan Yakop ini binaꞌ, “U ringantin, aruani da dzi mpai da dzi ringant i u ramanggam nan gan nidan da Isau bida ani,
739	GEN 27:11	Yakop ini rinanggan nan gan mungaꞌ ibiani, “Rinangꞌ. U sruꞌ i dzi rainggangꞌ Isau sib wa. Arangan garam rinifufun yusan, da dzi imaꞌ.
741	GEN 27:13	Da bitsintaꞌ rinanggan ini, “Dzi narungꞌ. U maram anungꞌ fura nan yusan u. Dzi bungꞌ au nam pupuarapan maisan arigi. Da wanang nam nabi dzi nidan da agu igi. Wafan da wau apu iruꞌ igi naba da dzi.”
746	GEN 27:18	Yakop iyu nam gadan igi ifan da raman da ini binaꞌ, “Ramangꞌ.” Da raman ini binaꞌ, “Hai. U wai igi?”
748	GEN 27:20	Da Isak igutin, “Dzi narungꞌ, u waꞌ da apu igi sung angu ibi anungꞌ?” Da Yakop ini, “U Anutu gam Yawe irim dzi sib, da dzi yu iba sung angu.”
750	GEN 27:22	Yakop ifa uts angu raman maran da Isak igif arangan da ini binaꞌ, “U wanggam nida nan iwaꞌ ibi Yakop. Da bangim ani ibi Isau gan.”
763	GEN 27:35	Da bitsintaꞌ Isak ini da arangan ini binaꞌ, “U rainggam isu umpur tsiraꞌ bingan angu da dzi da iyu agu nan gam fintidan sib.”
767	GEN 27:39	Da Isak ini arangan nan gan mungaꞌ ibiani, “U gampam mpada gin bungꞌ amingꞌ guntiꞌ i intap nagaran da tifituf maranguntun mamida ruaꞌa gin.
768	GEN 27:40	U bungꞌ ais bungaꞌ maiꞌ maiꞌ i waꞌa da nam bunumpam da u bungꞌ asu rainggam garam guman angu. Da bitsintaꞌ raiyi da u bungꞌ araraiꞌ i rainggam da u bungꞌ antap runggam rai sinungꞌ arangan nanggan mpada tayangꞌ agu.”
788	GEN 28:14	U yanginggam bungꞌ awaꞌ nasangꞌ intap ngaruntsuaf, da bungꞌ ampa nadzarang nafa gubuꞌ yaban da gubuꞌ ruꞌan da dzraꞌ da fiꞌ. Mingꞌa agu da yangin rusam da garam intap utup utup santan bungꞌ ayu nam fintidan.
796	GEN 28:22	Da tauf aru dzi antungꞌan ani naraga mumai aruani nasu U Anutu ungaram tsarifa Agu gin. Da nam santan u riman da dzi— dzi bungꞌ afab nasangꞌ 10, da narim 10 igi gan bits da agu.”
817	GEN 29:21	Udzuf 7 arigi intsup sib da Yakop ini da Laban, “Yaꞌ! Dzi udzufangꞌ nanga gum i agu ugu iba ntsup sib, da warim dzi fininggangꞌ ba da dzi i dzi udan.”
847	GEN 30:16	Gubuꞌ Yakop mingꞌa gum ba da nam nufan arigi da Lia imingꞌ sanab ifa i arangan da ini rutin, “U bungꞌ arut dzi nagingꞌ da idziang aruani, i dzi rim nam ntsuman sib i agu i gai nidzun dzi narunggangꞌ uda badan.” Ibinigi da Yakop irut arangan igingꞌ da idziang arigi.
860	GEN 30:29	Da Yakop ini, “U tsanga dzi gumangꞌ nanga i agu sib iyab i u apu gam waꞌa bini da yusan da gubuꞌ dzi mpada tayangꞌ gin.
901	GEN 31:27	Ibi anungꞌ da u kup angu i dzi da u runt iba? U madani da dzi da dzi dasu nam gadan da aga dangump nam da datangin agam rai ruta nam nugun tsiaꞌan.
902	GEN 31:28	U runt asub da dzi watsutsuf rumpungꞌ rusangꞌ da narungꞌ rusangꞌ mangan u. U nang uwayant maisan bingan.
911	GEN 31:37	U nguar i dzi nanggangꞌ santan da u waꞌ da nanggam idzuwai? Warim namingꞌ wasaꞌ i u ribam da dzi ribangꞌ maran da ribarangan natsangan i mangan nan gan isu nidzun, dzi ma agu.
913	GEN 31:39	U apu gam idzuwai apu buman ma garam wapan da gubuꞌ ma idziang, da u rim riringꞌ da dzi i dzi rima mungaꞌ gan. Ibinigi da gubuꞌ apu buman garada dumpa ma nuning funub, da dzi wayu iba santingꞌ agu gin u; imaꞌ. Dzi runggangꞌ irim mungaꞌ i nigi.
915	GEN 31:41	Udzuf 20 dzi ruta agu mpadan ugu ibiani: dzi nang gum i agu isangꞌ udzuf 14 i uda u narum rusam finam iruꞌ ani da dzi nang gum i agu isangꞌ udzuf 6 i uda apu mingꞌa agu gin. Da u iyuꞌ iyuꞌ dzi i u nifunggam nidan isangꞌ 10 i nam bunumpangꞌ da u anungꞌ irim rururungan.
939	GEN 32:11	U garam gumam dzi ani wadaum i u nanggam maram aridan da mpada tayangꞌ dzi da gubuꞌ santan. Gubuꞌ aru dzi isa mpui Yordan ani udziꞌ ugu da dzi ba bangi sasaꞌ— dzi gif itipangꞌ angu. Da bitsintaꞌ aruani dzi tip iba impruꞌ da utupangꞌ iruꞌrun.
949	GEN 32:21	Da wani nan wasi rutin nabiani, ‘U garam gumam Yakop rungꞌ imingꞌ bampan iba i agai.’” I arangan maran ifur ibiani, “Bida dzi tanginda nam ani mungꞌan da dzi bungꞌ arasu arangan wangu tsakia gan mungꞌ ugu. Da gubuꞌ arangan bawaꞌan da dzi da maran bungꞌ asamu wangu tsakia gan igi, da nugun bungꞌ anuf i dzi da nau dzi nayab.”
956	GEN 32:28	Ibinigi da garam igi igut i arangan ini binaꞌ, “U binganggam wai?” Da arangan ini binaꞌ, “Dzi binganggangꞌ Yakop.”
966	GEN 33:5	Da Isau iraꞌ i maran da itsangan sagat da mamaꞌ narun da igutin, “U rut rib idzuwai bingan aga ba?” Da Yakop ini, “Nigi mamaꞌ narun Anutu maraampi gan riman da dzi, u garam gumam.”
988	GEN 34:7	Gubuꞌ Yakop narun rusan mingꞌa gum bawaꞌan da ba ringanta i nan da nugun itsakia tsiraꞌ bingan, i Sekem nanga sanab asub i ribarangan nafunggan da nigi isu miaꞌ tsiraꞌ bingan da Israil utupan. Uwayant bida nigi anungꞌ sanab bini mangan u.
1022	GEN 35:10	Da ini da arangan ibiani, “U binganggam Yakop. Da aruani da wasangꞌ i rungꞌ tipa faringꞌa u binganggam Yakop u; bungꞌ afaringꞌ u binganggam faꞌ Israil.” Ibinigi da Anutu ifaringꞌ arangan binganggan Israil.
1029	GEN 35:17	Da arangan rima narun ruta nam tsakia tsiraꞌ da gan sagatan rima sib ini da arangan ini binaꞌ, “U anungꞌ ratan u, i u rim marub mangan.”
1069	GEN 36:28	Da Disan narun rusan marub ibiani: Uts da Aran.
1092	GEN 37:8	Da rain rusan ini binaꞌ, “U maram mafur i suda king da mpada tayangꞌ agai? Ma u mani suda gudzun i aga santan?” Ribarangan nugun iruaꞌ nidzun angu i arangan da ibugin arangan i nanggan puafuban da gan nan gan fisagin.
1094	GEN 37:10	Arangan ifis i nanggan puafuban igi da ramanggan da rain rusan. Da arangan ramanggan impiꞌ arangan da ini, “U nanggam puafuban igi ibi anungꞌ? U mani rinanggam da dzi da raim rusam badan da idzaꞌa fagangꞌ ruꞌa agu maram?”
1097	GEN 37:13	da Israil ini da Yosef ibiani, “U raim rusam impa tayangꞌ dumpa imingꞌ uts da gamp Sekem. Da dzi ni u atsungꞌa raim rusam da tsanganda ribarangan.” Da Yosef ini, “Hai, ramangꞌ. Dzi bungꞌ afan i.”
1099	GEN 37:15	da garam mangan itsangan arangan yunga mingꞌa puatsi manaꞌ igi bafadan da igutin, “U sau wai?”
1133	GEN 38:13	Gubuꞌ rib fain nida sisingꞌ da Tamar nida binaꞌ, “U bunggam ini fada Timna i trapa dumpa gan rinifufun,”
1138	GEN 38:18	Da arangan ini, “U maram yari i nam idzuwai arigi i dzi riman da agu?” Da Tamar ini, “U nanggam sungundan suda u maram nampruꞌ da u itipam yunga gin.” Ibinigi da Yuda irim da arangan da irut igingꞌ da arangan iwangun.
1144	GEN 38:24	Ukam iruꞌ da bits ifa sib da rib fain ini da Yuda ibiani, “U bunggam Tamar inang runggan ibi sagat sanab. Da aruani da arangan iwangun sib.” Da Yuda ini, “Wayu arangan waba da wafanga i dzaf nasangꞌ arangan mampan.”
1149	GEN 38:29	Da bitsintaꞌ mamaꞌ narun igi itip intsruk bangin yatangꞌ ifan da gan rainggan isu miamun i waꞌa ba, da sagat rima sib ini, “U brang gudzum i muantsi da u waꞌ ba.” Da ifaringꞌ arangan binganggan Perets (wainggan ibi brangꞌa muantsi i waꞌan).
1158	GEN 39:8	Da bitsintaꞌ Yosef ibugin da ini, “U tsangan sib wa! Dzi garam gudzunggangꞌ itangin dzi i mpada tayangꞌ arangan ungaran da gan nanggan santan, da maran wafur i nam mangan u.
1191	GEN 40:18	Da Yosef ini, “U nanggam puafuban igi wainggan ibiani: bret tsitsuꞌ fir iruꞌ da bits igi iram iyab i gubuꞌ iruꞌ da bits.
1221	GEN 41:25	Da Yosef ini da King Farau ibiani, “U nanggam puafuban iruꞌ igi wainggan isangꞌ ruan angu. Anutu ini nan wasi da agu mungꞌ i nam arangan nida nangan.
1225	GEN 41:29	Udzuf 7 da nam gadan bungꞌ anti nasangꞌ intap Idzip santan.
1249	GEN 41:53	Udzuf 7 nam gadan ntidan mingꞌa gamp Idzip gubuꞌ gan iba ntsup,
1263	GEN 42:10	Da ribarangan ini binaꞌ, “Garam tsiraꞌ, imaꞌ. U garam gumam agai iba i suba nam i nam gadan.
1264	GEN 42:11	Aga santan ani ramanggangꞌ bitsintaꞌ angu. U garam gumam agai ani garam nan nidzun; aga anungꞌ garam rima ipiap u.”
1301	GEN 43:10	U damami muntida sib i agai da aga sangꞌ fadan da badan sangꞌa iruꞌrun da aruani sib.”
1319	GEN 43:28	Da ribarangan ini, “Hai, garam tsiraꞌ. U garam gumam aga ramanggangꞌ rungꞌ impa bini angu.” Da itip itauf maran iruꞌ i tsarifa arangan.
1332	GEN 44:7	Da bitsintaꞌ ribarangan ini i nifunggan mungaꞌ, “O garam tsiraꞌ, ibi anungꞌ da u ni nan bida nigi iyab i agai? U garam gumam agai wasangꞌ nanga nam bida nigi u.
1333	GEN 44:8	U sruꞌgin sib wa, gubuꞌ aga tanginda intap Kanan rai i tipa badan, da aga yu silva aga tsanganda mingꞌa aga bekangꞌ wit nifun itip iba da agu. Da wain idzuwai da aga wapa silva ma gol mingꞌa u garam tsiraꞌ gam ungaran?
1343	GEN 44:18	Yuda ifa uts da Yosef da ini binaꞌ, “O garam tsiraꞌ! Dzi gaib runggangꞌ da agu i u ringanta i garam gumam dzi nan gangꞌ. U garam tsiraꞌ bingan isangꞌ King Farau, da u nugum anungꞌ ruaꞌa i garam gumam dzi u.
1368	GEN 45:9	Aruani da agam wafa sung angu da ramangꞌ da wani rutin, ‘U narunggam Yosef ini ibiani: Anutu itangin dzi isu garam gudzun tsiraꞌ da dzi mpa tayangꞌ intap Idzip santan. Wauriꞌ da waba sung.
1369	GEN 45:10	U bungꞌ aba mpa namingꞌ intap Gosen uts da dzi i nangan da dzi tsanganda agu ragun— agu da narum rusam da rumpum rusam da gam dumpa gam, nuning gam, makau gam da nanggam santan u suda wain gin.
1421	GEN 46:34	da agam wani arangan nan gan mungaꞌ nabiani, ‘U garam gumam agai ani gumangꞌ nangan da ibiani, aga garam mpada tayangꞌ dumpa da makau, yatsungꞌ aga ramangꞌ rusan sanaban musa nangan. Aga atsungꞌ gin da aga isi isiꞌ isangꞌ aga yingꞌa rutin.’ Da nigi sangꞌ i rima agam sib i mpada intap Gosen, i garam Idzip ibugin i suda uts da garam mpada tayangꞌ dumpa.”
1424	GEN 47:3	Da king iguti ribarangan ini binaꞌ, “Agam inang gumam idzuwai?” Da ribarangan ini, “U garam gumam agai ani garam mpada tayangꞌ dumpa yatsungꞌ ramangꞌ rusangꞌ sanaban musa nangan.”