311	GEN 12:12	Da bida gubuꞌ agi atangꞌa gamp Idzip da garam Idzip tsanganda agu da bungꞌ ayafi un i agu, da bungꞌ ani nabiani, ‘Arangan fininggan igi,’ da bungꞌ ais dzi maragab funub da nagantsi agu.
312	GEN 12:13	Ibinigi da wani nabiani, ‘Dzi nafunggangꞌ igi,’ da ribarangan wasangꞌ isa dzi funub u; i agu angu da bungꞌ agantsi dzi da dzi bungꞌ ampa bini.”
403	GEN 17:5	Da u bingangam wasangꞌ i rungꞌ faringꞌa bida Abram u (ibi ‘raman da bingan tsiraꞌ’), imaꞌ. Da bungꞌ afaringꞌ nabi Abraham (ibi ‘ampi bingan ramanggan’), i dzi rim agu isu garam wain wain ampi bingan tafanggan.
438	GEN 18:13	Da Yawe ini da Abraham, “Ibi anungꞌ da Sara irubungꞌ da ini, ‘Dzi fufi sib da isangꞌ i dzi rima narungꞌ?’
509	GEN 20:13	Da gubuꞌ Anutu nidan da dzi i tanginda ramanggangꞌ gampan rai da fada intap mangan da dzi ni da Sara ibiani, ‘Bida u maram arida i dzi da agi nida fada gamp bida anungꞌ da wani da garam da sagat nabiani, “Abraham igi dzi nafunggangꞌ.” ’”
564	GEN 22:16	da ini, “Yawe ini ibiani, ‘U atangꞌ warangꞌ i Dzi nan nidzun angu da u wagantsi narunggam bitsintaꞌ aru u maram aridagin yusan igi i Dzi u. Ibinigi da dzi Yawe ini nan nidzun bingan da agu:
606	GEN 24:14	Da bida dzi nida da gan mangan bida ani, ‘Amaꞌ, isangꞌ i u rima mpui guram ruꞌan da dzi maragab numa mpui pas?’ Da bida arangan nidan, ‘Wanum da dzi bungꞌ arim mpui da agu kamiram nabinigi,’ da dzi bungꞌ asruꞌgin nabi U raga aruf aruani i garam gumam Isak. Nam bida nigi waꞌan da dzi bungꞌ asruꞌ gin nabi U santingꞌ nanggam maram aridan da dzi garamangꞌ tsiraꞌ Abraham.”
629	GEN 24:37	Da dzi garamangꞌ tsiraꞌ Abraham ini da dzi da dzi tsarif ruangꞌ i atsungꞌa arangan nan gan bida ani, ‘Agu anungꞌ uda sagat mangan da dzi narunggangꞌ mingꞌa intap Kanan aru dzi mpada gin ani u.
631	GEN 24:39	Da dzi gut i garam tsiraꞌ gangꞌ igi ibiani, ‘Da bida sagat igi mamida ruta dzi badan, da bubida anungꞌ?’
634	GEN 24:42	“Gubuꞌ dzi bawaꞌa mpui rafan da aruani da dzi yugin ibiani, ‘O Yawe, dzi garamangꞌ tsiraꞌ Abraham Anutu gan, warim dzi sib i dzi waꞌan da nidzun i gum aru dzi bada gin ani.
638	GEN 24:46	Da arangan sung angu yapingꞌ mpui gur iruꞌ da ini, ‘Wanum da dzi bungꞌ arim mpui da u kamiram nanum nabinigi.’ Ibinigi da dzi num mpui da arangan irim mpui da kamir inum impruꞌ.
639	GEN 24:47	Gubuꞌ dzi guta i arangan i manga narunggan arangan, da arangan ini da dzi ibiani, ‘Dzi ramanggangꞌ Betuel. Da dzi rumpungꞌ rusangꞌ Nahor da Milka.’ “Ibinigi da dzi rugu ring gol i arangan yun da yatsuf tsipu gol iruꞌ i arangan bangin,
735	GEN 27:7	‘Wafan da wau apu mangan waba da wabanga da nasu ntsits bini angu da watip dzi nifungꞌ gin i dzi gadan. Da mingꞌa Yawe maran da dzi bungꞌ arim nan gangꞌ fintidan da agu nasu miamun ida dzi namus mampan.’
882	GEN 31:8	Bida arangan nidan, ‘Apu rinin puatpuatagin nasu u nanggam,’ da apu santan irim narun puatpuatagin isangꞌ ruan. Da bida arangan nidan, ‘Apu umpuar taringꞌan nasu u nanggam,’ da apu santan irim narun umpuar taringꞌan isangꞌ ruan santan.
885	GEN 31:11	Mingꞌa nam puafuban igi da Anutu angira gan ini da dzi ibiani, ‘Yakop.’ Da dzi ni, ‘Dzi rumpai.’
886	GEN 31:12	Da angira ini binaꞌ, ‘Watsangan nuning arapuꞌ rinin umpuar da puatpuatagin runggan angu iyab i rinan. Dzi nang ibinigi, i wain ibiani, dzi tsangan nam santan Laban nanga yaba i agu sib wa.
903	GEN 31:29	Dzi sangꞌ i wayada agam, da bitsintaꞌ idziang ugu da u ramanggam Anutu gan ini da dzi ibiani, ‘Watsanga runggam sib i nan gam nidan da Yakop.’
933	GEN 32:5	Yakop ini da garam uda sisingꞌ i uda arangan nifunggan fadan da nidan da Isau bida ani, “Garam tsiraꞌ Isau, gam garam gumam Yakop itangin nan bida ani, ‘Dzi rut gayangꞌ Laban impai iba isangꞌ bawaꞌan da aruani.
938	GEN 32:10	Da Yakop yugin ibiani, “O dzi rumpunggangꞌ Abraham da ramanggangꞌ Isak Anutu gan. O Yawe, agu ni da dzi ibiani, ‘Watip wafa gampam wain da gam utupam, da dzi bungꞌ ampa tayangꞌ agu da nanang u nanggam mpadan nawaꞌ ngarubini angu.’
941	GEN 32:13	Da bitsintaꞌ u ni da dzi sib ibiani, ‘Dzi bungꞌ ampa tayangꞌ agu da nanang u nanggam mpadan nawaꞌ ngarubini angu, da nautus u yangin rusam nayus nasangꞌ sasanuai mingꞌa uruts ringan, da garam gar mangan wasangꞌ i farisan fantsupa sib u.’”
946	GEN 32:18	Yakop isantingꞌ nan da garam guman mungꞌa miamun ibiani, “Gubuꞌ dzi rainggangꞌ Isau bawaꞌan da agu da guta i agu, ‘Manga garam guman agu, da agu fa anungꞌ, da manga apu gan ani?’
949	GEN 32:21	Da wani nan wasi rutin nabiani, ‘U garam gumam Yakop rungꞌ imingꞌ bampan iba i agai.’” I arangan maran ifur ibiani, “Bida dzi tanginda nam ani mungꞌan da dzi bungꞌ arasu arangan wangu tsakia gan mungꞌ ugu. Da gubuꞌ arangan bawaꞌan da dzi da maran bungꞌ asamu wangu tsakia gan igi, da nugun bungꞌ anuf i dzi da nau dzi nayab.”
1101	GEN 37:17	Da garam igi ini arangan nifunggan mungaꞌ ibiani, “Ribarangan itangin nani rai da ifa sib. Dzi ringant i ribarangan nida nan da ruan bida ani, ‘Agi fada Dotan.’” Ibinigi da Yosef yatsungꞌ rain rusan da iwaꞌ da ribarangan santan imingꞌ Dotan.
1142	GEN 38:22	Ibinigi da arangan itip ifan da ini da Yuda ibiani, “Dzi sau sagat arangan da dzi wawaꞌ rutin u. Garam mpadan naga ini da dzi ibiani, ‘Sagat sanab mangan wampai ani mangan u.’”
1284	GEN 42:31	Da bitsintaꞌ aga ni da arangan, ‘Aga garam nan nidzun; aga anungꞌ garam rima ipiap u.
1286	GEN 42:33	Da garam gudzun tsiraꞌ mpada tayangꞌ intap igi ini da agai ibiani, ‘Sanab dzi tsanganda agam bida garam nan nidzun bungꞌ abiani: Agam watangin agamam bits narut dzi nampai. Da agam wayu nam gadan wafa i gam utupam nam gadan maꞌa gin aga.
1294	GEN 43:3	Da bitsintaꞌ Yuda ini da arangan, “Ramangꞌ. Garam gudzun tsiraꞌ aga ini nan riniurun da aga sib ibiani, ‘Dzi anungꞌ tsanganda agam nasangꞌ agam uda rainggam igi da ruta badan.’
1296	GEN 43:5	Da bida u mamida tanginda arangan da agai da aga wasangꞌ i ruꞌan u, i garam gudzun tsiraꞌ ini da aga sib ibiani, ‘Dzi anungꞌ tsanganda agam nasangꞌ agam uda rainggam igi da ruta badan.’”
1298	GEN 43:7	Ribarangan ini arangan nan gan mungaꞌ ibiani, “Garam igi igut aga rururungan angu i aga rib idzuwai da gangꞌ utupangꞌ impruꞌ, da ini, ‘Da agam ramanggam rungꞌ impai ma imaꞌ? Da agam arangan aru nigi ma agam rainggam bits rumpai?’ Igut i agai da aga kupis nan santan wasi. Da manga busruꞌgin ibi arangan nida aga uda rainggangꞌ igi tipa ruta fadan?”
1329	GEN 44:4	Rain ruas itangin gamp igi rai da wafa guntiꞌ u da Yosef ini da garam guman ibiani, “Warunt sung angu watsungꞌ garam tuas aru naga. Da gubuꞌ u waꞌa da ribarangan da wani wabiani rutin, ‘Ibi anungꞌ da dzi garam tsiraꞌ gangꞌ inang bini i agam da agam inang maisan rutin?
1344	GEN 44:19	Garam tsiraꞌ, mungꞌ aga badan ugu da u gut i garam gumam agai ibiani, ‘Agam ramanggam ma rainggam rumpai ma imaꞌ?’
1346	GEN 44:21	Da u ni da agai u garam gumam ibiani, ‘Wau arangan waruꞌ ba da dzi da dzi runggangꞌ natsangan.’
1347	GEN 44:22	Da aga ni sib da agu, aga garam tsiraꞌ gangꞌ, ibiani, ‘Mamaꞌ isiꞌ arigi wasangꞌ i tanginda ramanggan rai u. Bida arangan tanginda ramanggan rai da raman bungꞌ amamp.’
1348	GEN 44:23	Da bitsintaꞌ u ni da garam gumam agai ibiani, ‘Agam mamida ruta rainggam isiꞌ igi badan da dzi anungꞌ tipa tsanganda agam u.’
1350	GEN 44:25	Raiyi da aga ramanggangꞌ ini binaꞌ, ‘Agam watip wafan da wayu nam gadan isiꞌ pas i agi.’
1351	GEN 44:26	Da aga ni da ramanggangꞌ ibiani, ‘Aga wasangꞌ mangan i ruꞌan u. Bida aga ruta rainggangꞌ isiꞌ igi fadan, da isangꞌ. Garam tsiraꞌ igi wasangꞌ i tipa tsanganda agai bida aga rainggangꞌ isiꞌ igi mamida i ruta aga fadan.’
1352	GEN 44:27	Da u garam gumam dzi ramanggangꞌ ini da agai ibiani, ‘Agam isruꞌgin sib wa. Dzi fininggangꞌ Retsel irim dzi narungꞌ rusangꞌ marub iruꞌrun.
1357	GEN 44:32	Dzi tsaf ruangꞌ sib da ramanggangꞌ i mpada tayangꞌ rainggangꞌ isiꞌ igi bini. Da dzi ni binaꞌ, ‘Bida dzi mamida tipa uda rainggangꞌ isiꞌ igi badan da agu, da dzi angu bungꞌ asu wain i barabin igi santan namingꞌ u maranggam nanting.’
1368	GEN 45:9	Aruani da agam wafa sung angu da ramangꞌ da wani rutin, ‘U narunggam Yosef ini ibiani: Anutu itangin dzi isu garam gudzun tsiraꞌ da dzi mpa tayangꞌ intap Idzip santan. Wauriꞌ da waba sung.
1418	GEN 46:31	Da Yosef ini da rain rusan da ramanggan utupan ibiani, “Dzi bungꞌ afani da King Farau nabiani, ‘Dzi raingꞌ rusangꞌ da dzi ramanggangꞌ da utupan santan mpada Kanan ugu ibawaꞌ sib.
1420	GEN 46:33	Da gubuꞌ Farau nuꞌa agam atangꞌa fadan da guta i agam bida ani, ‘Agam inang gumam ibi anungꞌ?’
1421	GEN 46:34	da agam wani arangan nan gan mungaꞌ nabiani, ‘U garam gumam agai ani gumangꞌ nangan da ibiani, aga garam mpada tayangꞌ dumpa da makau, yatsungꞌ aga ramangꞌ rusan sanaban musa nangan. Aga atsungꞌ gin da aga isi isiꞌ isangꞌ aga yingꞌa rutin.’ Da nigi sangꞌ i rima agam sib i mpada intap Gosen, i garam Idzip ibugin i suda uts da garam mpada tayangꞌ dumpa.”
1456	GEN 48:4	da ini ibiani, ‘Dzi bungꞌ arim yangin ampi bingan da agu da u yanginggam bungꞌ autus i ruan nasu garam utup tsiraꞌ bingan. Da dzi bungꞌ arim intap aruani da u yanginggam taptap nasu i nam bunumpan nanting.’
1472	GEN 48:20	Ibinigi da Israil ifinti rib iruꞌ igi da gubuꞌ arigi ibiani, “Garam Israil nifun bungꞌ agamp agu binganggam i nan fintidan da nani, ‘Anutu nafinti agam nabi Ifraim da Manase.’” I sanab igi da itangin Ifraim isu miamun i Manase.
1512	GEN 50:5	‘Gubuꞌ dzi ramanggangꞌ nanga i mampan, da arangan ini da dzi taga ruangꞌ da arangan, i dzi tipa uda arangan riniuriatsan fada intap Kanan, da rima mingꞌa tauf bampun arangan runggan rafan. Da isangꞌ u tusa maram i dzi da dzi farima ramanggangꞌ sib, da dzi musa tipa badan?’”
1524	GEN 50:17	‘Agam wani wabiani da Yosef: Dzi gut i agu i u siata raim rusam nanggan maisan nanga yaba i agu.’ Ibinigi da maram wantuꞌ ramanggam Anutu gan garam guman agai da wasiat aga nanggangꞌ maisan rai.” Gubuꞌ ribarangan nan gan fawaꞌa da Yosef, da arangan irang.
25098	LUK 3:4	Da inang gum igi yatsungꞌ profet Aisaia nan gan nidan ibiani: “Nifun mangan inuꞌ imingꞌ nam manaꞌ dadauntan ini ibiani, ‘Watip Nifutsarif sanaban yunga gin narururung.
25102	LUK 3:8	Bida agam nida uda mpui ruruban, da wakap nidzun bini mungꞌ da nasantingꞌ nabi agam itangin nanggam maisan rai da iparim i ruam ifan da Anutu. Da anungꞌ nidan da runggam bida ani, ‘Abraham isu agi tafanggangꞌ,’ i nam igi anungꞌ isangꞌ i rima agam sib u. Dzi nani da agam, Anutu isangꞌ nanga tauf ani suda Abraham yangin rusan.
25136	LUK 4:4	Da Yisu ini i nifunggan mungaꞌ ibiani, “Anutu nan gan akaran rumingꞌ ibiani, ‘Garam gar mangan anungꞌ isangꞌ i mpada marataꞌ i nam gadan angu u.’ ”
25140	LUK 4:8	Da bitsintaꞌ Yisu ini Sadang nifunggan mungaꞌ ibiani, “Anutu nan gan akaran rumingꞌ ibiani, ‘Watsarif gam Nifutsarifam u Anutu gam da wapumuꞌ Arangan runtaꞌ angu.’ ”
25142	LUK 4:10	I Anutu nan gan akaran rumingꞌ ibiani: ‘Arangan bungꞌ awat angira gan i rima agu sib.
25144	LUK 4:12	Da bitsintaꞌ Yisu ini, “Anutu nan gan akaran mangan ini binaꞌ, ‘U anungꞌ intsaꞌa i agada Nifutsarif u Anutu gam i atsungꞌa nan ragada sib ugu u.’”
25155	LUK 4:23	Da Yisu ini da ribarangan, “Nan nidzun, agam bungꞌ ani nan bida ani da dzi, ‘Dudaꞌ, watip runggam!’ Da agam bungꞌ ani nabiani, ‘U madanang nam u nanga mingꞌa Kapenaum, da aga ringantagin ugu, damingꞌ gam gampam ani?’
25199	LUK 5:23	Bida dzi nidan da garam ani, ‘Dzi siat u nanggam maisan rai,’ da wabarabin u, da bida dzi nidan, ‘Wauriꞌ da wayung,’ da ibarabin.
25272	LUK 7:8	I dzi ibinigi, dzi garam mpada warangꞌ i garam gudzun fain nampanggan, da dzi mpa tayangꞌ garam singaari fain. Bida dzi nidan da mangan, ‘Wafan,’ da ifan, ma ‘Waba,’ da iba. Da dzi mamaꞌ gumangꞌ ibinigi, dzi nidan, ‘Wanang wabiani,’ da inang ibi dzi nidan.”
25284	LUK 7:20	Gubuꞌ garam igi fawaꞌan da Yisu da ribarangan ini, “Yowanis Ruruba Garam itangin agai iba i guta i agu bida ani, ‘Mani agu Garam aru Anutu ragadan i badan ugu aruani, ma aga rungꞌ rima marangꞌ i garam mangan?’”
25291	LUK 7:27	I nan kakaran mungꞌ ugu intuang nan i arangan ibiani, ‘Dzi bungꞌ atangin garamangꞌ rima sisingꞌ namungꞌ i agu i tipa sanab mungꞌ i agu.’
25296	LUK 7:32	Ribarangan isangꞌ mamaꞌ narun narun mpruꞌa maran maket wasaꞌ da nuꞌa fada badan da nuꞌa bida ani, ‘Aga rab simpup da agam wangump u, da aga is mint badzab da agam warang u.’
25298	LUK 7:34	Da Garam Narunggan iba da igan da inum da agam itsangan da ini, ‘Garam gada nam da numa wain yusan igi, da nigi garam uda takis da garam asub rinunggan igi i.’
25324	LUK 8:10	Da Arangan ini ibiani, “Agam angu da dzi dziwar i nan maradzigin i Anutu nanggan mpada tayangꞌ gan garaman wasi da agam, da bitsintaꞌ rib fain aga da dzi bungꞌ ani nan raman angu, i ‘tuas aru nigi bungꞌ ararab da bitsintaꞌ wasangꞌ tsanganda ratar u, da bungꞌ aringantin da bitsintaꞌ wasangꞌ i sruꞌa gin u.’
25389	LUK 9:19	Da ribarangan ini, “Rib fain ini Yowanis Ruruba Garam, da rib fain ini Eliya, da fain rungꞌ ini, ‘Mani profet ratar ugu mangan igi itip imunti marataꞌ.’ ”
25437	LUK 10:5	“Gubuꞌ agam atangꞌa ungar mangan da wani, ‘Anutu nan nufan gan narut agam.’
25441	LUK 10:9	da watip rib rinin gingꞌan nigi da wani da rib gamp igi, ‘Anutu nanggan mpada tayangꞌ gan garaman iba su uts da agam sib.’
25443	LUK 10:11	‘Agam ngaruntsuafam mingꞌa aga fagangꞌ ani aga tsafuts rai i santingꞌa Anutu nugun tsakia gan ibiaꞌ da agam, da bitsintaꞌ wasruꞌ i nan ani: Anutu nanggan mpada tayangꞌ gan garaman iba su uts sib.’
25467	LUK 10:35	Gubuꞌ pisa maiꞌ da garam igi iyu moni silva iruꞌ da irim da garam mpada tayangꞌ ungar igi i mpada tayangꞌ garam igi. Da ini, ‘Watsanga arangan sib, da bida u rima aranga sib yusa nam ntsuman dzi riman da agu, da gubuꞌ dzi tipa badan, da dzi bungꞌ arim u nam ntsuman gam mungaꞌ.’”
25481	LUK 11:7	Da manga gingꞌa wasaꞌ ini nan mungaꞌ, ‘Anungꞌ rima barabin da dzi u. I dzi tsungin muantsi sib, da dzi rut narungꞌ rusangꞌ igingꞌ sib. Da dzi wasangꞌ uriꞌan da rima nam mangan u.’
25498	LUK 11:24	“Da gubuꞌ marapayam maisan tanginda garam mangan rai, da ifa nam manaꞌ dadauntan i sauda mumai mpada asap in. Da bitsintaꞌ, gubuꞌ sauda wasi da ini da runggan, ‘Dzi bungꞌ atip afa ungar dzi tanginda rai ugu.’
25523	LUK 11:49	Ibinigi da Anutu nan gan mararuru ini, ‘Dzi bungꞌ atangin profet da aposel nafan da ribarangan, da ribarangan bungꞌ awaya profet da aposel ruas nanggan mpadan da bungꞌ ais faingꞌ funub.’
25545	LUK 12:17	Da maran ifur ibiani, ‘Dzi bu nanga bida anungꞌ? Mumai imaꞌ i dzi ufuma nam gadan nidzun ani gin.’
25546	LUK 12:18	Ida arangan ini ibiani, ‘Dzi bungꞌ anang nabiani. Dzi bungꞌ atawaꞌ ungarangꞌ isiꞌ isiꞌ ani da natip tsiraꞌ tsiraꞌ faingꞌ, da bida nigi da dzi bungꞌ arim nam gum nidzun da nam santan gin.
25548	LUK 12:20	Da bitsintaꞌ Anutu ini da arangan, ‘U garam brabruꞌan nidzun! Idziang aruani da u bungꞌ amamp. Da manga bungꞌ ayu u nanggam santan tipa yaba i runggam ugu?’
25573	LUK 12:45	Da bitsintaꞌ bida garam gum nida i wangunggan bida ani, ‘Dzi garam tsiraꞌ gangꞌ anungꞌ isangꞌ i tipa bada sung,’ da arangan isa mamaꞌ gum finam da marub da arangan gada nam yusan da numa mpui maran didiruntan da bururiꞌan,
25582	LUK 12:54	Da Arangan ini da ampi tsiraꞌ ibiani, “Gubuꞌ agam tsanganda maraum muntidan mingꞌa gubuꞌ ruꞌan, da sung angu da agam ini, ‘Gamiꞌ bungꞌ amui,’ da iwaꞌ ibinigi.
25583	LUK 12:55	Da gubuꞌ amas mingꞌa nam dadauntan runtan da agam ini, ‘Bungꞌ asasus nayus,’ da iwaꞌ ibinigi.
25594	LUK 13:7	Ibinigi da arangan ini da garam mpada tayangꞌ gum wain igi ibiani, ‘Aruani da udzuf iruꞌ da bits da dzi ba i uda gai fik ani nidzunggan da dzi anungꞌ iwaꞌ rutin u. Ibinigi da warab rai! Wain idzuwai da intsup intap nagaran gan utaꞌ angu?’
25612	LUK 13:25	Da gubuꞌ ungar rinunggan tsunginda muantsi sib, da agam bungꞌ amunti manaꞌ da nadiditing muantsi da nanuꞌ, ‘Nifutsarif, watus muantsi i agai.’ “Da bitsintaꞌ Arangan bungꞌ ani nan mungaꞌ, ‘Dzi anungꞌ isruꞌ i agam ma agam imingꞌ anungꞌ iba.’
25614	LUK 13:27	“Da bitsintaꞌ Arangan bungꞌ ani nan mungaꞌ, ‘Dzi anungꞌ isruꞌ i agam ma agam imingꞌ anungꞌ iba. Agam garam nanga maisan wafa manaꞌ i dzi!’
25622	LUK 13:35	Da aruani da watsangan, agam gampam imingꞌ da agam. Dzi nani da agam, agam wasangꞌ tipa tsanganda dzi, nasangꞌ agam nidan, ‘Anutu ifinti aru badan suda Nifutsarif maran ani.’”
25631	LUK 14:9	da garam wain nuꞌa agam igi bungꞌ aba da nani da agu, ‘Wauriꞌ i mumai igi da aruani nampa gin.’ Da u bungꞌ auriꞌ nafa mpa bampan ruta rini miaꞌ.
25639	LUK 14:17	Waꞌa gubuꞌ gada nam da arangan itip itangin mamaꞌ guman mangan ifa i nida nan da rib aru rima nan gin ugu, ‘Agam waba, i itip nam gadan sib.’
25640	LUK 14:18	“Da bitsintaꞌ ribarangan ini nan gaiba ruan mara maran i mamida i badan. Miamun ini, ‘Dzi nagaib runggaꞌ i dzi bungꞌ iyu intap gum faꞌ mangan da dzi nafa tsangan, ibinigi da dzi wasangꞌ i biaꞌan u.’
25641	LUK 14:19	“Da mangan ini, ‘Dzi bungꞌ iyu makau 10 i nanga gum in, da dzi bungꞌ afa intsaꞌ ribarangan i nanga gum. Da wafa ni dzi nanggaꞌ gampunda ruangꞌ igi.’
25642	LUK 14:20	“Da mangan ini, ‘Dzi gampun runggangꞌ da agu i dzi bungꞌ iyu fininggaꞌ da dzi wasangꞌ i biaꞌan.’
25643	LUK 14:21	“Da mamaꞌ gum itip iba da ifis i nan santan igi da garam gudzun gan. Da ungar rinunggan igi nugun itsakia wasi da itip iwat mamaꞌ guman da ini, ‘Wafa sung sanampun tsiraꞌ da isiꞌ mingꞌa gamp da wais bangim i garam sauda runggan da garam faga bigruꞌ da maran gampaman da gasriꞌan.’
25645	LUK 14:23	“Da garam gudzun ini da mamaꞌ guman, ‘Wafa sanab tsiraꞌ da sanab mingꞌa gum wasaꞌ, da wani da rib fain u waꞌa rutin da naba i dzi ungarangꞌ fungꞌan.
25652	LUK 14:30	‘Garam aruani buni rima ungar da moni gan imaꞌ i ntsupa sib.’
25663	LUK 15:6	Da gubuꞌ arangan waꞌa ungar da bungꞌ ais bangin i rinun rusan da riban mpada uts nampruꞌ da nani rutin, ‘Dzi waꞌ da dumpa gaꞌ saudan ugu da agam nugum watsiaꞌ nampruꞌ da dzi.’
25666	LUK 15:9	Da gubuꞌ arangan waꞌa rutin da arangan bungꞌ ais bangin i rinun rusan da riban mpada uts nampruꞌ. Da nani rutin, ‘Agam nugum watsiaꞌ nampruꞌ da dzi, i dzi waꞌ da moni gangꞌ saudan ugu.’”
25679	LUK 15:22	“Da bitsintaꞌ ramanggan ini da mamaꞌ guman, ‘Wayu ngarukui bini naba sung da watsuf da arangan, da watsuf ring i banginggan da faga gangkang i faganggan.
25684	LUK 15:27	Da mamaꞌ gum ini, ‘U rainggam itip ibawaꞌ ngarubini angu, ibinigi da u ramanggam ini da aga is makau narun dadabungan bini arugu gin.’
25688	LUK 15:31	“Da raman ini, ‘Dzi narungꞌ, gubuꞌ sib angu da u rut dzi mpai, da nam santan dzi gin ani isu u gam.
25691	LUK 16:2	Ibinigi da garam nam bunump inuꞌ garam gum igi da igut i arangan, ‘Nan dzi ringantagin yaba i agu ani ibi anungꞌ? Wakakar da wasantingꞌ dzi i u nanggam mpada tayangꞌ gin wainggan, i u wasangꞌ rung mpada tayangꞌ gin u.’
25692	LUK 16:3	“Da garam mpada tayangꞌ igi ini angu i runggan, ‘Dzi nanang nabi anungꞌ da aruani? I dzi garam gudzunggaꞌ ani bungꞌ asiat dzi rai i gangꞌ gumangꞌ ani. Dzi anungꞌ isu rini urun i suda mamaꞌ gum rafa intap, da dzi riningꞌ imiaꞌ i yaiꞌa ruangꞌ da garam.
25694	LUK 16:5	“Ibinigi da arangan inuꞌ garam uda nam ntsuman i gan garam gudzun gan igi bitsintaꞌ bitsintaꞌ iba rutin. Da arangan igut i miamun, ‘U yu nam ntsuman wayawai i dzi garam gudzunggaꞌ?’
25695	LUK 16:6	“Da arangan ini binaꞌ, ‘Dzi yu madamin oliv dram isiꞌ isiꞌ 100.’ “Da arangan ini da garam uda nam ntsuman igi, ‘Wampai waruꞌ sung da wayu papiaram nam ntsuman ani, wagari rai, da wakar 50 angu.’
25696	LUK 16:7	“Da arangan itip igut i garam suda iruꞌ, ‘U nam ntsuman gam wayawai?’ “Da arangan ini nan mungaꞌ ibiani, ‘Dzi yu 1,000 bek wit.’ “Da garam mpada tayangꞌ ini, ‘Wayu papiaram nam ntsuman ani, wagari rai, da wakar 800 angu.’
25713	LUK 16:24	“Ibinigi da arangan inuꞌ, ‘Ramangꞌ Abraham, maram wagaib dzi ani. Da watangin Ladzarus i tuguda bangin tsitsin i mpui da ba rima i dzi mangꞌ rangarangan, ibiani dzi waꞌ da nam tsakia iyus imingꞌ dzaf ani.’
25720	LUK 16:31	“Da Abraham ini da garam igi, ‘Bida ribarangan mamida muarutsa Moses da profet ruas nan gan, da ribarangan anungꞌ isangꞌ i parima i ruan bida manga muntida marataꞌ mingꞌa garam mampan gin u.’”
25726	LUK 17:6	Da Nifutsarif ini nan mungaꞌ, “Bida agam nanggam muarutsan isiꞌ angu sangꞌa miriamp nidzun da agam isangꞌ i nidan da gai igi bida ani, ‘Wabriꞌ ruam da wantangꞌ runggam waruꞌ uruts wasaꞌ,’ da bungꞌ atsungꞌ nan agam nidan!
25728	LUK 17:8	Da bungꞌ ani da garam guman, ‘Watsuf ngarukui gam faꞌ da watip dzi nanggangꞌ gadan da wayu waba da dzi nagan da nanum mungꞌ, raiyi da wamus gada gam.’