109	GEN 5:3	Saen Adam uqana cabi gel 130 eu odi bibili bilei uqa aideg mel oso basen. Mel eu uqa cinigwe uqa hahun umei cali hon. Odocob uqa ijan Set qon.
110	GEN 5:4	Aria Set cali hocob Adam uqa bileceb li uqana cabi gel 800 eu odi calen. Oodon Adam aideg uqa melahul ategulca haun basaden.
111	GEN 5:5	Eunu Adam uqana cabi gel cunug gabandoc eu 930. Odocob uqa cal men.
112	GEN 5:6	Aria Set uqa bibilen li uqana cabi gel eu 105 eu odi caleceb uqa aideg mel oso basen. Odocob ijan Enos qon.
113	GEN 5:7	Odimei Set uqa bibilen li cabi gel 807 on. Oodon uqa aideg melahul ategulca haun basaden.
115	GEN 5:9	Aria Enos uqa bibilen li uqana cabi gel 90 ocob uqa aideg mel oso basen. Odocob ijan Kenan qon.
117	GEN 5:11	Eunu Enos uqana cabi gel cunug gabandoc eu 905. Odocob uqa cal men.
118	GEN 5:12	Aria Kenan uqa bibilen li uqana cabi gel 70 ocob uqa aideg mel oso basen. Odocob ijan Mahalalel qon.
119	GEN 5:13	Odimei Kenan bibilen li cabi gel 840 on. Oodon uqa aideg melahul ategulca haun basaden.
120	GEN 5:14	Eunu Kenan uqana cabi gel cunug gabandoc eu 910. Odocob uqa cal men.
122	GEN 5:16	Odimei Mahalalel bibilen li cabi gel 830 on. Oodon uqa aideg melahul ategulca haun basaden.
125	GEN 5:19	Odimei Jared bibilen li cabi gel 800 on. Oodon uqa aideg melahul ategulca haun basaden.
128	GEN 5:22	Odimei Inok uqa cabi gel 300 eu odi Anutca cobosin. Oodon uqa aideg melahul ategulca haun basaden.
138	GEN 5:32	Aria Noa uqana cabi gel 500 hedocob uqa melahul ijedca bilen. Age ijanaga eu Semca Hamca Jafetca.
141	GEN 6:3	Odocob Tibud uqa maden, “Dana cajaca age qee bilecebil cataneiaun. Eunu ijana Kis eu dana cajaca ageca qee bileceb cataneiaun. Qila ija odadecemin age cabi gel 120 himec biluqagan,” en.
164	GEN 7:4	Deel eben naha gic lecisca hedocob ija wa ben saonadec suldugen. Odocob wa eu cahineg 40 witic 40 odi hugian. Saen euna ija ceteteh cunug maha ina ifanadem eu fadaladigen,” don.
166	GEN 7:6	Aria Noa uqana cabi gel eu 600. Saen euna wa sil cajimei maha cunug ihoc len.
171	GEN 7:11	Saen euna Noa uqana cabi gel eu 600. Wa sil cajen eu deel 17 jagel lecis docna wa ameg cehec maha dunuhdec eu uqana cebec qajawen. Odocob saonadec cebec cunug hudeceb wa ben nen.
172	GEN 7:12	Odocob wa eu cahineg 40 witic 40 odi mahana nen.
177	GEN 7:17	Aria mahana wa sil tubca cacaji ninijen deel 40 leceb wag u suldocob basai cobon.
184	GEN 7:24	Odocob deel 150 odi wa sil mahana caji nijen.
187	GEN 8:3	Wa mahana nijen eu cebitnana seleldon. Odocob deel 150 hedocob wa toni non.
190	GEN 8:6	Odocob deel 40 hedocob Noa fufu cebec uqa muden eu huden.
197	GEN 8:13	Saen Noa uqana cabi gel 601na jagel sanan mec eu uqana deel sanan mecna wa mahana cunug hidu qee men. Odocob Noa uqa wag ohis jahuldoc eu qosocdon. Noa meciimei maha tatacdec eu galalec ninijen fen.
234	GEN 9:28	Aria wa sil hedon eu Noa uqa cabi gel 350 odi bilen.
235	GEN 9:29	Eunu Noa uqa mahana bilen eu cabi gel 950 eu hedocob uqa cal men.
277	GEN 11:10	Semna sihul agena je eu odi. Aria wa sil hedocob cabi gel lecis nueceb Sem uqana cabi gel eu 100 eu odi ihoc leceb uqa aideg mel oso basen. Uqa ijan Apaksad qon.
278	GEN 11:11	Odimei Sem bibilen li haun cabi gel 500 bilen. Oodon Sem aideg melahul ategulca haun basaden.
280	GEN 11:13	Odimei Apaksad bibilen li haun cabi gel 403 bilen. Oodon Apaksad aideg melahul ategulca haun basaden.
281	GEN 11:14	Aria Sela uqa bibilen li uqana cabi gel eu 30 eu odi ihoc leceb uqa aideg mel oso basen. Uqa ijan Ebe qon.
282	GEN 11:15	Odimei Sela bibilen li haun cabi gel 403 bilen. Oodon Sela aideg melahul ategulca haun basaden.
284	GEN 11:17	Odimei Ebe bibilen li haun cabi gel 430 bilen. Oodon Ebe aideg melahul ategulca haun basaden.
285	GEN 11:18	Aria Peleg uqa bibilen li uqana cabi gel eu 30 eu odi ihoc leceb uqa aideg mel oso basen. Uqa ijan Reu qon.
286	GEN 11:19	Odimei Peleg bibilen li haun cabi gel 209 bilen. Oodon Peleg aideg melahul ategulca haun basaden.
288	GEN 11:21	Odimei Reu bibilen li haun cabi gel 207 bilen. Oodon Reu aideg melahul ategulca haun basaden.
289	GEN 11:22	Aria Serug uqa bibilen li uqana cabi gel eu 30 eu odi ihoc leceb uqa aideg mel oso basen. Uqa ijan Neho qon.
290	GEN 11:23	Odimei Serug bibilen li haun cabi gel 200 bilen. Oodon Serug aideg melahul ategulca haun basaden.
293	GEN 11:26	Aria Tira uqa bibilen li uqana cabi gel eu 70 eu odi ihoc leceb uqa melahul ijedca. Ijanaga eu Ebram, Neho, Haranca.
299	GEN 11:32	Odocob Tira uqa Haran ono cal men. Uqana cabi gel cunug eu 205 odi.
358	GEN 14:21	Odocob Ebram ceteteh cunug ila meceb li am 10 calen. Odocob 10 eundec osahic eu Melkisedek uten. Odocob Sodom agena king uqa Ebram madon, “Dana cajaca ija iiteg ceteteh eu hina cedega,” don.
374	GEN 15:13	Odocob Tibud uqa Ebram odi madon, “Hina du cuhadogale. Hinana sihul eu age cele agena mahana jag biluqagan. Odimeig age cabi dana gauc biluqagan. Odocobil cele dana age me qee mamadebil li cabi gel 400 ugian.
377	GEN 15:16	Hinana sihul eu maha ina mahuc qee ceseli howain. Amo sihul age maha ina bilegina kobol me qee mati bahic eu qee odi hedoc nijia. Cabi gel 400 leceb age odi hedocobil aria ija age gagadic wadacadimig maha inadec ititacadigen. Odocomin saen euna hina jajainel ene ceseli hoqagan,” don.
383	GEN 16:1	Aria Ebram Kenan mahana bibilen cabi gel 10 hedocob Sarai Ebram aideg uqa Ebram mel oso qee basitol. Qa uqa Isipdec cabi caja osoca. Uqa ijan Hega. Eunu Sarai Ebram madon, “Faga! Tibud uqa ija mel cain basigaunnu wawi jic menen. Eunu hina ijana cabi cajaca lecem nijesia. Ija mel uqanadec ugenfa,” don. Odocob Ebram Saraina je don. Odocob Sarai Ebram aideg uqa Hega uqana cabi caja Isipdec ehudi ehi li uqa aideg biligiannu gemug Ebram uten.
415	GEN 17:17	Odocob Ebraham uqa gob cehi bilimei jogoinu olana maha cotadudu bili asalen. Odimei uqa waugna maden, “Dana ija edec ijana cabi gel 100 ija golaninadec mel oso cali hocnu ihocfo? Odocob Sera uqana cabi gel eu 90 uqa mel oso basecnu ihocfo?” en.
449	GEN 18:24	Dana ititom 50 taunna bilecebilfi hina eu cunug tetec golisdocwe golisadeganfo? Dana ititom 50 bileiga eunu taun qee fadaldogaunfo?
451	GEN 18:26	Odocob Tibud uqa jejeg hewi madon, “Ija Sodom taun dunuh dana ititom 50 gulucadifig ija taun eu cunug qee fadaldugaun,” don.
453	GEN 18:28	Dana ititom 50 qee bileleinfa. Eu 45 himec bileiga. Hina dana ititom 45nu taun qee fadaldogaunfo?” don. Odocob Tibud uqa jejeg hewi madon, “Ija dana ititom 45 gulucadifig ija eu qee fadaladigaun,” don.
454	GEN 18:29	Odocob Ebraham uqa haun madon, “Dana ititom 40 bileigafa?” don. Odocob Tibud uqa jejeg hewi madon, “Dana ititom 40 bilecebilfi ija qee fadaladigaun,” don.
455	GEN 18:30	Odocob Ebraham uqa madon, “O Tibud hina cain gemain beiaun. Culitecem je madiga. Dana ititom 30 bilecebilfi hina fadaladeganfo?” don. Odocob uqa madon, “Dana ititom 30 ono gulucadifig ija qee fadaladigaun,” don.
456	GEN 18:31	Odocob Ebraham uqa madon, “Ija Tibud je madocnu temduga. Dana ititom 20 gulucadifeg hina fadaladeganfo?” don. Odocob uqa madon, “Dana ititom 20 gulucadifig ija taun eu qee fadaldugaun,” don.
457	GEN 18:32	Odocob Ebraham uqa madon, “O Tibud hina cain gemain beiaun. Culitecem haun je madi osahic dugen. Dana ititom 10 himec gulucadifeg hina eu fadaladeganfo?” don. Odocob uqa madon, “Dana ititom 10 bilecebilfi ija qee fadaladigaun,” don.
512	GEN 20:16	Odocob Abimelek uqa Sera odi madon, “Ija qaig uqana ameg eu 1000 silwa eu odi cebinem wele utiga. Eu gadac oso. Agena sihul cunug hinaca bilegina age hina silailca qee doqagan eunu gadac,” don.
519	GEN 21:5	Aria Sera uqa Aisak basen saen euna Ebraham uqana cabi gel eu 100 gadac.
587	GEN 23:15	“O ijana ben dah mitiga. Cabi i uqana ameg eu silwa 400 eu odiqa hina eunu cain cisdogaun. Eunu aiden euna hel cisiga,” don.
588	GEN 23:16	Odocob Ebraham uqa Efronna je dah mimei uqa meen qaig 400 silwa eu odi saniimei uten. Meen qaig ameg eu Ebraham uqa wele dana cajaca Het sihuldec amagana maden. Ebraham uqa idadec doc dana cinigwe meen qaig eu sanien.
602	GEN 24:10	Odocob cabi dana eu uqana ben uqana kamel 10 cedadimei nuen. Uqa ceteteh me me leihha uqana ben ebennadec cedimei nuen. Uqa cajimei Neho uqana taun eu Mesopotemia hatuna nijia ono nuen.
647	GEN 24:55	Odocob Rebeka cebinagca anagca ale madosin, “Caja eu culdecem ege gami deel 7fo 10fo odi bilimeb hinaca belowasan,” dosin.
679	GEN 25:20	Aisak uqana cabi gel 40na uqa Rebeka on. Rebeka uqa Betuel ateg uqa Leban cebinag. Betuel uqa Aram dana uqa Mesopotemiadec. Leban uqaha Aram dana.
685	GEN 25:26	Uqa cali hocob uqa waliag toodu cali hon. Uqa cali hon eu eben oso Iso jaih bisoc hewimei cali hon. Eunu uqa ijan Jekob qoin. Aisak uqana cabi gel 60na uqa aideg mel eu basalen.
705	GEN 26:12	Aria Aisak uqa maha euna sab cehen. Odocob Tibud uqa eeldon. Eunu cabi gel euna himec uqa sab eu wal meceb on eu mati bahic on. Uqa aig osol cehen eunadec aig 100 haun on. Eu odiodi on.
727	GEN 26:34	Odocob Iso uqana cabi gel 40na uqa caja lecis Hetdec cedalen. Caja oso eu ijan Judit, uqa Beri ateg. Caja oso eu ijan Basemat, uqa Elon ateg.
796	GEN 28:22	Meen i ija cehiga eu Anutnu cuha fecnu cudun caligian. Ceteteh cunug hina itegan eu ija am 10na ila mimig am osahic eundec ceseli ihigen,” don.
881	GEN 31:7	Euqa ale memela eu qautimei ijana cabi ameg eu ibulabaldu 10 don. Uqa eu odi odocna ija wawi tudocnu odonqa Anut uqa Leban culdeceb ija deweni oso qee me qee mudel.
912	GEN 31:38	Ija hinaca cabi gel 20 biloh. Qa hinana sipsipca memeca eu cunug age nag qee basec oso qee nijoloig. Euha hinana sipsip manahal amnadec oso ija qee jelem.
915	GEN 31:41	Cabi gel 20 euna ija eu odi oodi hinaca bilolou. Hina atenel lecis eunu ija cabi gel 14 cabi om. Odocob hinana dool am cofadecnu ija cabi gel eben naha gic osahicca cabi om. Odocob hina ijana cabi amegha ibulabaldu 10 dom.
935	GEN 32:7	Odocob Jekob uqana sos ceseli hu madoin, “Ege hina walin Isoca loqa. Odeiaqa uqa hona. Dana 400 eu odi uqaca hogina,” doin.
943	GEN 32:15	Dool cedaden eu i edi. Meme cufunec 200, meme manahal 20, sipsip cufunec 200, sipsip manahal 20,
944	GEN 32:16	kamel cufunec su ogina eundec 30 agena nagca, bulmakau cufunec 40, bulmakau manahal 10, cesel cufunec 20, cesel manahal 10.
962	GEN 33:1	Aria odocob Jekob uqa ameg suli u meciimei Iso dana 400 uqaca hohogin feciaden. Odocob uqa uqana mel sim Liaca Reselca cabi caja lecisca age qatanadi am ijedna maden.
980	GEN 33:19	Uqa lotoc talah cehenna maha eu 100 silwana faji on. Uqa Hamo melahul ebeneganadec faji on. Hamo uqa Sekem memeg.
1040	GEN 35:28	Aria Aisak uqana cabi gel cunug gabandoc eu 180.
1112	GEN 37:28	Odocob Midiandec idadec dana age cemenega hohogin Josef waliagul age Josef helnadec didocobil cali ben. Odocob age Josef Ismal ebenegana mimi meen qaig silwa 20 oin. Odocobil Ismal dana Josef ehudi Isip noin.
1242	GEN 41:46	Aria saen euna Josef uqana cabi gel eu 30 uqa Fero Isipdec king cabi euna muden. Odocob uqa Fero cemenugnadec culimei nui Isip maha cunugna coboloi.
1256	GEN 42:3	Odocob Josef waliagul 10 eu age sab Isipdec fajoqagannu ono noin.
1381	GEN 45:22	Uqa waliagwaliag cunug lotoc haunhaun aden. Qa Benjaminnu eu uqa lotoc haunhaun ebum osahic utaden. Odimei uqa meen qaig silwana mudec eu 300 eu odi uten.
1382	GEN 45:23	Odocob uqa memegna ceteteh Isip hatunadec ceteteh cauncaun eu cesel 10 age gahidoin euca sab uqa memeg saen uqa jicna cocobi bilei jigiannuca eu cesel 10 age gahidoin euca suldon.
1414	GEN 46:27	Josef aideg mel manahal lecis Isip ono basalen. Eunu Jekobna tal cunug gabandoc Isip noin eu 70.
1430	GEN 47:9	Odocob uqa jejeg hewi madon, “Ijana cabi gel eu 130. Odocob ija maha filfilna geh bahic loldudu cobem. Qa cabi gel eu cecelac qee, eu gohic. Ijana loldudu coboc eu culumen mati bahicca. Ija memiel loldudu coboin eu cabi gel mati bahic. Eu wooldoc ijana cabi gel,” don.
1510	GEN 50:3	Odocob dana eu age Josef memeg deweg hel cisecnu saciadodogin deel 40 ihoc len. Deel 40 eu cal mecebil hel cisadecnu dewenega ganac saciadogina uqana gadac bahic. Odocob Isipdec dana age Jekobnu deel 70 qadaca bilein.
1529	GEN 50:22	Odocob Josef uqa Isip ono memegna talca bilein. Uqa cebac bilen eu uqana cabi gel cunug gabandoc eu 110.
1533	GEN 50:26	Eunu Josef uqa Isip ono cal men. Uqana cabi gel 110na cal men. Odocob age deweg saen cecelac nijigiannu mool joudimeig deweg ganac eu cudaug dunuh tacein.
23280	MAT 4:2	Uqa deel 40 cahineg witicca sab qee jec bilen. Saen hedocob wen don.
23419	MAT 8:5	Jisas uqa Kapaneam jobon dunuh lelen Rom agena han ilo dana 100 cofadec oso ono uqaca hu ninidudu madon,
23422	MAT 8:8	Euqa Rom agena han ilo dana 100 cofadec uqa madon, “O Tibud, hina ijana jo dunuh lecnu eu ija dana me bahic ihoc qee. Faga, ijaha ijadodoc han dana ilo oso bisalu biligina. Odocob ijaha han dana leih ija bisalu bilegina. Ija oso nuuga ecemin nuina. Ija oso hoga ecemin hona. Odocob ija ijana cabi bega meh dana odi odoga ecemin uqa coni toodu odona. Eunu hina je osol madecem ijana cabi dana hag medugian,” don.
23424	MAT 8:10	Jisas uqa Rom agena han ilo dana 100 cofadec je eu madeceb dah mimei tumatumai toodoin eundec maaden, “Ija mele maadigina, ija waug meleec uqana bilina cinigwe Isrel gemona oso qee gulucdolom!” aden.
23427	MAT 8:13	Odimei uqa Rom agena han ilo dana 100 cofadec madon, “Wawin meleec eu toodu odihiale. Hina gad nuuga,” don. Madodon euna bahic Rom agena han ilo dana 100 cofadec uqana cabi dana hag medon.
23616	MAT 13:8	Aig osooso eu mulu mahana tonen. Odocob qala qahimei ben mi aig qon. Aig oso qoc 100 ihoc len, osooso 60 ihoc len, osooso 30 ihoc len.
23631	MAT 13:23	Aig mulu mahana tonennu madiga eu odiwe dana oso uqa Anutna je dumei waug fogo dona. Uqa mele bahic ben mi aig qona. Dana eundec leih age aig 100 ihoc legina, odocob leih age aig 60 ihoc legina, odocob leih age aig 30 ihoc legina eu camas mena,” aden.
23687	MAT 14:21	Dana sab jein eu 5,000, cajaca melca qee sanijelein.