5	GEN 1:5	Camajac eu Anut uqa ijan “Cahineg” qon. Tu eu ijan “Witic” qon. Odocob witic mimei cojagen. Eu deel matu.
8	GEN 1:8	Odocob Anut qagojoc eu ijan “Sao” qon. Odocob witic mimei cojagen. Eu deel lecis doc.
12	GEN 1:12	Eunu mahana celumca na sihul filfil me qonaca cehelo gug filfil aig qonaca eu odi calein. Anut eu me bahic fimei waug ceelen.
13	GEN 1:13	Odocob witic mimei cojagen. Eu deel ijed doc.
19	GEN 1:19	Odocob witic mimei cojagen. Eu deel wal oso doc.
20	GEN 1:20	Odocob Anut madeceb, “Wana ceteteh cunug cebac nijuqagan eu fulusdoigale. Euha maha ohisnaca sao bisalunaca man fululec fululi coboigale,” eceb eu odi calen.
23	GEN 1:23	Odocob witic mimei cojagen. Eu deel ebum oso doc.
26	GEN 1:26	Odocob Anut maden, “Ege dana cajaca mudalecnu. Ege ihocomige qumeb ege cinigwe mudalecnu. Odocob ale dool wanadecca man fululec saonadecca dool mananca maha cunugca ceteteh cunug mahana cobogina eu cofadowasin,” en.
31	GEN 1:31	Odimei Anut ceteteh cunug uqa mudaden eu me bahic fimei waug ceel bahic en. Odocob witic mimei cojagen. Eu deel eben gic osahicca doc.
32	GEN 2:1	Aria sao mahaca ceteteh cunug ifanen. Eu uqana cabi hedon.
36	GEN 2:5	uqa mahana wa qee suldol. Dana cabi cehecnu ha qee mudel. Eunu gigi o celum oso mahana qee cajec nijen.
41	GEN 2:10	Aria wa tut oso Idendec boloi. Eu cabi wa utoloi. Odimei eunadec wa eu batac qu wal oso don.
43	GEN 2:12	Hatu eunadec gol eu me bahic. Ono na oso nijina eu uqana gilic eu dedeman me bahic. Eu ijan deliam. Euna ha meen oso nijina. Eu ijan oniks.
45	GEN 2:14	Wa oso ijan eu Taigris. Eu Asiria cam tobi becna isec nuina. Wa oso ijan eu Jufretis.
50	GEN 2:19	Eunu Tibud Anut maha leih cedimei dool mahanadecca man fululec saonadecca cunug mudaden. Odimei dana ijanaga aqeceb figia bili cedadi danaca ehadi len. Odocob dana uqa dool cunug osahicosahic ijanaga qon. Ijanaga qon eu age ijanaga ibuldon.
52	GEN 2:21	Eunu Tibud Anut odocob dana uqa us geh men. Odocob uqa cal mecwe nijen. Ninijen Tibud Anut dana qeih teful oso umei teful onna deweg ganacna haun cufa quton.
54	GEN 2:23	Odocob dana uqa maden, “Mele bahic. Uqa teful eu ija tefulininadec. Uqa cuhun eu ija cuhuninadec. Uqa dananadec umei mudon. Eunu ija ijan ‘Caja dugen,” en.
55	GEN 2:24	Eunu dana uqa anag memegca culaleceb uqa aidegca gabandowasan. Odimesi ale dewenela osol mowasan.
59	GEN 3:3	na gemo taweia eunu Anut uqa ale eundec aig eu cain jowasin o cain qududu fowasin. Eu odifesi ale cal mowasan ec malen,” don.
61	GEN 3:5	Ale aig eu jifesi alena cisdoc fogo docob ceteteh meca me qeecanu dowasan. Ale Anut cinigwe calowasan. Eu Anut uqa dona. Eunu uqa odi maalen,” don.
62	GEN 3:6	Eunu caja uqa aig eu feceb galeca bahic ameg qon. Eu jecnu me bahic fen. Uqa doc meca me qeeca ocnu ha gale don. Eunu uqa cehelo eundec aig umei jen. Odimei gemug uqaca tawesin euha uteceb jen.
63	GEN 3:7	Odocob ale amala fogo don. Odocob ale bical eu dosin. Eunu ale dan bagac gisimesi taqesin.
65	GEN 3:9	Euqa Tibud Anut dana utadu madon, “Hina ai?” don.
66	GEN 3:10	Odocob uqa jejeg hewi madon, “Ija hina cabina cocobogan hutain dugaqa ija bical. Eunu ija cucuiimig jahuniga,” don.
69	GEN 3:13	Odocob Tibud Anut caja sisildon, “Eu celnu odoga?” don. Odocob caja jejeg hewi madon, “Man sononec qauteceb ija jiga,” don.
72	GEN 3:16	Odimei uqa caja madon, “Ija hina mel basecnu dain hec saen eu ben bahic tubduhigen. Hina ben dain heheb mel basegan qa hina gemunnu gale hec eu odi nijigian. Euqa uqa hinana ilo biligian,” don.
73	GEN 3:17	Odimei uqa dana madon, “Hina aiden jejeg dah mimeg cehelo aig ija cain jowasin ec mahem eu jaga. Hina eu odi odoganu ija maha geldugina. Hina gagadic odocca dain hecnaca u jegan. Eu odi himec oodi li cal megan.
76	GEN 3:20	Aria Adam uqa aideg eu uqa dana cajaca cunug agena anaga calen. Eunu uqa ijan Iw qon.
78	GEN 3:22	Odocob Tibud Anut maden, “Qila dana ege oso cinigwe caleia. Ceteteh meca me qeeca dona. Euqa uqa eben mimei cebac bilec na aigha u jimei cebac bileceb catanecdain. Eunu ege cahacdoc bahic cahacdoqan,” en.
79	GEN 3:23	Eunu Tibud Anut uqa dana caja Iden cabinadec ititacalen. Maha dana muden euna sab cehigiannu eunadec malen.
80	GEN 3:24	Ititacali hedocob cali lesin. Odimei Iden cabi cam tobi becna isec uqa han qali dana gagadic, ijan Kerub, ono maden. Odimei sigin aig ja belicanca eu hagen cunugna isec walwaldudu tawena euna muden. Eu cebac bilec catanec uqana jic cahacdoc.
81	GEN 4:1	Aria Adam uqa aideg Iwca nijimesi uqa melca men. Odimei Ken basen. Odocob uqa maden, “Tibud cesulteceb ija mel momodo oso ehudiga,” en. Eunu uqa ijan Ken qon.
82	GEN 4:2	Odocob uqa hibna Ken waliag Ebel basen. Odocob Ebel uqa ben mimei dool cofadec dana calen qa Ken uqa ben mimei cabi ceteteh cehec dana calen.
84	GEN 4:4	Ebel uqaha Tibud ihandon qa uqa sipsip nag leih hahawan basadec eundec aqi tuqadimei cuhunuga lalonoga eu cedadi ahon. Odocob Tibud uqa Ebelnuca uqana ihanecnuca waug nijen.
85	GEN 4:5	Qa Kennuca uqana ihanecnuca Tibud uqa waug qee nijel. Eunu Ken uqa gemag geh bahic ben. Odocob ola gulu qon.
88	GEN 4:8	Aria Ken waliag Ebel madon, “Gec beli bahu cobewa,” don. Odocob belesin. Cocobi bilesi Ken uqa cajimei waliag Ebel qagadocob cal men.
89	GEN 4:9	Aria Tibud uqa Ken sisildon, “Hina walin Ebel ai?” don. Odocob uqa jejeg hewi madon, “Ija qee dugina. Ija wali cofdoc danafo?” don.
91	GEN 4:11	Qila ija hina gelihigina. Hina walin qagadocom cal meceb uqa golac mahana basedoia. Odimei golac maha dunuh noia eu maha cocawe mimei sugudoia. Eunu maha i hina ceteh cehecnu ihoc qee. Eunu ija hina maha inadec ititachigina.
95	GEN 4:15	Qa Tibud jejeg hewi madon, “Eu odi qee. Dana oso Ken qagadocob cal migiaqa ija dana eu ameg culumen eben naha gic lecisca wadacdugen,” don. Odocob Tibud uqa Kennu gaga oso men. Eunu dana oso Ken gulucdugiaqa uqa gaga eu fimei uqa qee qagadoiaun.
98	GEN 4:18	Aria Inok ben mimei caja oso ocob mel basen. Eu uqa ijan Irad qon. Odocob Irad uqa caja oso ocob mel basen. Eu uqa ijan Mehusel qon. Odocob Mehusel ben mimei caja oso ocob mel basen. Eu uqa ijan Metusel qon. Odocob Metusel ben mimei caja oso ocob mel basen. Eu ijan Lamek qon.
99	GEN 4:19	Odocob Lamek ben mimei caja lecis cedalen. Oso ijan Eda. Oso ijan Sila.
100	GEN 4:20	Odocob Eda uqa Jabal basen. Jabal uqa dana dool manan cofaadi bileig lotoc talahna himec nijegina eu agena asaga calen.
103	GEN 4:23	Odocob Lamek aidegul maalen, “Eda Silaca ale ija jejeni dah mesia. Ale ijana caja ijana je dah mi cuhadosia. Dana oso uqa ija qiteceb golani necebfi ija qocomin cal migian. Mel oso uqa ija qitecebfi ija qocomin cal migian.
105	GEN 4:25	Odocob Adam haun aidegca nijimesi uqa mel oso basen. Odimei uqa maden, “Ken uqa Ebel qagadocob cal men. Eunu Anut uqa mel oso haun itia. Eu Ebel hehuldocnu itia,” en. Eunu ijan Set qon.
106	GEN 4:26	Odocob Set uqa caja oso ocob mel basen. Eu uqa ijan Inos qon. Saen euna dana age Tibud ijanna inondudu ihanec sanan mein.
111	GEN 5:5	Eunu Adam uqana cabi gel cunug gabandoc eu 930. Odocob uqa cal men.
112	GEN 5:6	Aria Set uqa bibilen li uqana cabi gel eu 105 eu odi caleceb uqa aideg mel oso basen. Odocob ijan Enos qon.
114	GEN 5:8	Eunu Set uqana cabi gel cunug gabandoc eu 912. Odocob uqa cal men.
115	GEN 5:9	Aria Enos uqa bibilen li uqana cabi gel 90 ocob uqa aideg mel oso basen. Odocob ijan Kenan qon.
116	GEN 5:10	Odimei Enos bibilen li cabi gel 815 on. Oodon uqa aideg melahul ategulca haun basaden.
117	GEN 5:11	Eunu Enos uqana cabi gel cunug gabandoc eu 905. Odocob uqa cal men.
120	GEN 5:14	Eunu Kenan uqana cabi gel cunug gabandoc eu 910. Odocob uqa cal men.
123	GEN 5:17	Eunu Mahalalel uqana cabi gel cunug gabandoc eu 895. Odocob uqa cal men.
126	GEN 5:20	Eunu Jared uqana cabi gel cunug gabandoc eu 962. Odocob uqa cal men.
129	GEN 5:23	Eunu Inok uqana cabi gel cunug gabandoc eu 365.
130	GEN 5:24	Aria Inok mahana bibili uqa Anutca cobosin. Oodon Anut uqa ehuden. Eunu uqa jajanu qelen.
133	GEN 5:27	Eunu Metusela uqana cabi gel cunug gabandoc eu 969. Odocob uqa cal men.
135	GEN 5:29	Odocob uqa maden, “Maha i Anut wele geuldon eunadec mel i ege cehi jecnu cabi culumenca oqonanu mel i uqa cesulgigian,” en. Eunu mel eu ijan Noa qon.
137	GEN 5:31	Eunu Lamek uqana cabi gel cunug gabandoc eu 777. Odocob uqa cal men.
140	GEN 6:2	Mel aid eu age galeca bahic. Eunu Anutna sao mel age dana atagail feciadecebil amaga qon. Odocob age aidagailnu agena gawecnana cedadein.
141	GEN 6:3	Odocob Tibud uqa maden, “Dana cajaca age qee bilecebil cataneiaun. Eunu ijana Kis eu dana cajaca ageca qee bileceb cataneiaun. Qila ija odadecemin age cabi gel 120 himec biluqagan,” en.
151	GEN 6:13	Odocob Anut uqa Noa madon, “Dana cunug agena qisol mec eu maha cunug ihoc len. Eunu ija age cunug qee madigen. Mele bahic ija maha cunug fadaldugen.
161	GEN 7:1	Odocob Tibud uqa Noa madon, “Saen ina hina himec ija amina dana ititom. Eunu hinaca hinana talaunelca wag dunuh leiga.
163	GEN 7:3	Odocob man fululec sao bisaludecha manahal eben naha gic lecisca cufunec eben naha gic lecisca odi cedadaga. Eu age hibna haun mahana fulusdoqagan.
169	GEN 7:9	Euqa manahalca cufunecca Noa gami wag dunuh lein. Age Anut Noa madon eu odi toodu lein.
185	GEN 8:1	Qa Anut uqa Noaca dool cusca dool mananca wagna bileinnu dahig qee celel. Eunu uqa odocob fufu oso mahana hon. Odocob wa sil seleldon.
193	GEN 8:9	Qa wa maha cunugna nijen. Eunu cuhudid eu cudun oso hewi bibili jaen mudecnu qee fimei uqa haun wagna ceseli hon. Odocob Noa eben maha gumu leceb uqana cuhudid u wag dunuh ehi li muden.
202	GEN 8:18	Eunu Noa uqa maha gumu calen. Uqaca uqa melahulca uqa aidegca uqa melahul aidagailca age maha gumu calein.
205	GEN 8:21	Odocob Tibud uqa dedeman eu tinca don. Eunu uqadodoc waugna maden, “Dana age melnadec agena qisol cisdoc eu gaid odi nijina. Eunu hibna ija dananu maha haun qee geldugaun. Ceteteh cunug mahana cobogina eu qila fadaladiga odiwe haun qee fadaladigaun.
210	GEN 9:4	Euqa golac eu cebac silig. Eunu age dool golacca cain jowain.
212	GEN 9:6	Ija ihoconi qumig dana ifanem. Eunu in oso dana oso qocob cal mecebfi uqadodocha dana age qocobil cal migian.
216	GEN 9:10	Euha man fululecca dool mananca dool cusca ceteteh cunug wagnadec cali hoiga euca ceteteh cunug mahana cebac cobogina eu ageca wagna bileiga eu agenu ha bal cehec je madigina.
218	GEN 9:12	Bal cehec je i ijaca ageca ceteteh cunug mahana cebac cobogina euca gemo biligiannu migina. Bal cehec je i bileceb catanigian. Eu uqana gadac eu i hen.
219	GEN 9:13	Ija taenna wal cehegina. Euqa bal cehec je ija mahaca gemo biligiannu migina eu uqana gadac.
226	GEN 9:20	Aria Noa uqa jehen cabi oc dana. Eunu uqa wain halu cabina cehimei aig cedimei wain wa muden.
232	GEN 9:26	Tibud Uqa Semna Anut. Eunu binan waseiale. Kenan uqa Semna cabi dana biliale.
235	GEN 9:29	Eunu Noa uqa mahana bilen eu cabi gel 950 eu hedocob uqa cal men.
239	GEN 10:4	Jawan melahul eu Elisa Tasisca. Dana sihul i age Kit Dodanica ageha Jawannadec.
244	GEN 10:9	Uqa Tibud amegna dool qocnu ijanca calen. Eunu je oso odi madegina, “Nimrod cinigwe dool qoc dana ijanca Tibud amegna,” egina.
245	GEN 10:10	Hahawan bahic uqa taun benben hewaden eu Sina mahana taun eu Bebel, Erek, Akadca.
259	GEN 10:24	Sela memeg eu Apaksad. Ebe memeg eu Sela.
260	GEN 10:25	Ebe uqa melahul lecisca. Oso ijan eu Peleg. Uqana saenna maha gadac qatani mati bahic calen. Eunu ijan odi qon. Uqa waliag ijan eu Joktan.
265	GEN 10:30	Maha age bilein eu Mesa sanan mimei leceb Sefa gadac. Eu hatu aluh mati bahic cam tobi becna isec.
268	GEN 11:1	Aria weleca Nimrod bilen saenna mahamaha cunug agena je madec eu osol himec. Eu filfil qee.
269	GEN 11:2	Dana cajaca eu age bili u cocobi bileig cam tobi becna isec belein. Bebeleig maha asou osona calein. Eu Sina agena hatu. Odimeig age ono bilein.
271	GEN 11:4	Odocob age madein, “Gec hoiga. Ege egena taun ben oso cehecnu. Ege jo oso ohis bahic cehecnu. Uqana qab eu sao qududugian. Eufi ege qatani filigandumeb mahamaha cunug qee ihoc loqaun qa ege ijanigeca bilecnu,” ein.
274	GEN 11:7	Age odi odowainnu ege ono numeb agena je ihulduadecnu. Eufi age agena je madec eu docobdocob qee owain,” en.
275	GEN 11:8	Eunu Tibud uqa filiganadeceb age onodec bilisadumeig mahamaha cunug ihoc lein. Odimeig age taun ben eu cehec culein.