44	GEN 2:13	Wa oso, eu ijan Gion, eu nuimei Kus hatu eu cunug taldona.
80	GEN 3:24	Ititacali hedocob cali lesin. Odimei Iden cabi cam tobi becna isec uqa han qali dana gagadic, ijan Kerub, ono maden. Odimei sigin aig ja belicanca eu hagen cunugna isec walwaldudu tawena euna muden. Eu cebac bilec catanec uqana jic cahacdoc.
81	GEN 4:1	Aria Adam uqa aideg Iwca nijimesi uqa melca men. Odimei Ken basen. Odocob uqa maden, “Tibud cesulteceb ija mel momodo oso ehudiga,” en. Eunu uqa ijan Ken qon.
82	GEN 4:2	Odocob uqa hibna Ken waliag Ebel basen. Odocob Ebel uqa ben mimei dool cofadec dana calen qa Ken uqa ben mimei cabi ceteteh cehec dana calen.
83	GEN 4:3	Aria saen osona Ken uqa cabinadec sab leih cedi ahumei Tibud ihandon.
85	GEN 4:5	Qa Kennuca uqana ihanecnuca Tibud uqa waug qee nijel. Eunu Ken uqa gemag geh bahic ben. Odocob ola gulu qon.
86	GEN 4:6	Odocob Tibud uqa Ken madon, “Celnu hina gemain bena? Celnu hina olain gulu qona?
88	GEN 4:8	Aria Ken waliag Ebel madon, “Gec beli bahu cobewa,” don. Odocob belesin. Cocobi bilesi Ken uqa cajimei waliag Ebel qagadocob cal men.
89	GEN 4:9	Aria Tibud uqa Ken sisildon, “Hina walin Ebel ai?” don. Odocob uqa jejeg hewi madon, “Ija qee dugina. Ija wali cofdoc danafo?” don.
93	GEN 4:13	Odocob Ken uqa Tibud madon, “Ijana me qee odoc ameg eu ben bahic. Ija gahidocwe qee.
95	GEN 4:15	Qa Tibud jejeg hewi madon, “Eu odi qee. Dana oso Ken qagadocob cal migiaqa ija dana eu ameg culumen eben naha gic lecisca wadacdugen,” don. Odocob Tibud uqa Kennu gaga oso men. Eunu dana oso Ken gulucdugiaqa uqa gaga eu fimei uqa qee qagadoiaun.
96	GEN 4:16	Odocob Ken uqa Tibud amegnu bisacdumei caji nuen. Odimei uqa Iden cam tobi becna isec nuimei hatu ono bilen. Hatu eu ijan “Loldudu Coboc”.
97	GEN 4:17	Aria Ken aidegca nijimesi uqa melca men. Odimei Inok basen. Saen euna Ken uqa taun ben oso cecehi bilei uqa melah ijan Inok eu taun eu ijan qon.
104	GEN 4:24	Dana oso Ken qagadocob cal mecebfi wadacdoc ameg eu ben ugian. Qa dana oso ija qagatifei uqa wadacdoc ameg eu culumenca bahic ugian,” alen.
105	GEN 4:25	Odocob Adam haun aidegca nijimesi uqa mel oso basen. Odimei uqa maden, “Ken uqa Ebel qagadocob cal men. Eunu Anut uqa mel oso haun itia. Eu Ebel hehuldocnu itia,” en. Eunu ijan Set qon.
115	GEN 5:9	Aria Enos uqa bibilen li uqana cabi gel 90 ocob uqa aideg mel oso basen. Odocob ijan Kenan qon.
118	GEN 5:12	Aria Kenan uqa bibilen li uqana cabi gel 70 ocob uqa aideg mel oso basen. Odocob ijan Mahalalel qon.
119	GEN 5:13	Odimei Kenan bibilen li cabi gel 840 on. Oodon uqa aideg melahul ategulca haun basaden.
120	GEN 5:14	Eunu Kenan uqana cabi gel cunug gabandoc eu 910. Odocob uqa cal men.
141	GEN 6:3	Odocob Tibud uqa maden, “Dana cajaca age qee bilecebil cataneiaun. Eunu ijana Kis eu dana cajaca ageca qee bileceb cataneiaun. Qila ija odadecemin age cabi gel 120 himec biluqagan,” en.
224	GEN 9:18	Aria Noa uqa melahulca wagnadec cali hoin eu age ijanaga eu Sem, Ham, Jafetca. Ham uqa Kenan memeg.
228	GEN 9:22	Ham, uqa Kenan memeg, uqa memeg Noa bical ninijen fimei maha gumu cali limei waliagul lecis maalen.
231	GEN 9:25	Odocob uqa madon, “Hina melem, Kenan, geldugina. Uqa waliagul agena cabi dana biligian.
232	GEN 9:26	Tibud Uqa Semna Anut. Eunu binan waseiale. Kenan uqa Semna cabi dana biliale.
233	GEN 9:27	Anut uqa Jafetna sihul hatu ben utiale. Age Sem asagaca bileigale. Kenan uqa Jafetna cabi dana biliale,” don.
239	GEN 10:4	Jawan melahul eu Elisa Tasisca. Dana sihul i age Kit Dodanica ageha Jawannadec.
241	GEN 10:6	Ham melahul eu Kus, Isip, Put, Kenanca.
242	GEN 10:7	Kus melahul eu Seba, Hawila, Sabta, Rama, Sabtegaca. Rama melahul eu Siba Dedanca.
243	GEN 10:8	Aria Kus uqa melah oso ijan eu Nimrod. Nimrod mahana han cadecnu gelehinca calen.
246	GEN 10:11	Maha eunadec uqa cajimei Asiria nuen. Odimei uqa ono Niniwa, Rehobot-ia, Kala,
247	GEN 10:12	Resenca cehaden. Resen eu Niniwa Kalaca gemo bilen. Kala eu taun ben bahic.
249	GEN 10:14	Patrus, Kaslu, Kaptoca asaga calen. Filistia age Kaptona sihulnadec calein.
250	GEN 10:15	Kenan uqa melah matu eu Saidon. Kenan uqa melahul haun eu Het,
253	GEN 10:18	Awad, Sema, Hamatca. Agena sihul age asagail calein. Hibna Kenan uqana sihul age jobon medeh filfilnadec age bilisadumeig belein.
254	GEN 10:19	Odocob Kenan agena maha gadac eu Saidondec sanan mimei nui Gasa gadac eu Gera isec euha Sodom, Gomora, Atma, Seboimca leceb Lasa gadac.
298	GEN 11:31	Odocob Tira uqa melah Ebramca Haran melah uqa asag Lotca Ebram aideg Saraica ehadeceb age Kaldia hatu ijan Ur eu culimeig Kenan hatuna beloqagannu belein. Belimeig li age Haran hatuna calein. Odimeig age ono bilein.
303	GEN 12:4	Ebram uqa Anutna je dah men saen euna uqana cabi gel eu 75. Aria Ebram uqa Anutna je toodumei uqa aideg Saraica uqa waliag melah Lotca uqana cabi dana Haran ono cedaden euca uqana ceteteh cunug ono ceden euca cunug cedimei Haran hatunadec culimei Kenan hatuna nuen. Uqa jicna niji u nui Kenan hatuna calen.
305	GEN 12:6	Odocob Ebram uqa Kenan hatuna calimei cocobi bili u nui maha oso ijan Sekem ono calimei More uqana na ben gun oso gugna calen. Aria saen euna Kenan dana age maha euna bibilegin uqa ono calen.
326	GEN 13:7	Eunu Ebramna dool cofadec danaca Lotna dool cofadec danaca gemo fee dadanec calen. Aria saen euna Kenan danaca Peres danaca age maha euna bilein.
331	GEN 13:12	Ebram uqa Kenan mahana bilen. Oodon Lot uqa jobon benben maha asou euna nijegina ono age gemo nui bilen. Odocob uqa li Sodom cemenug uqana lotoc talah cehen.
338	GEN 14:1	Aria saen euna dana ben oso bilen uqa ijan Kedoleoma. Uqa Ilam agena king. Wele Kedoleoma uqa king ebum oso cadadimei ilo bilen. King ebum oso i age eu odi. Sodom agena king Beraca Gomora agena king Birsaca Adma agena king Sinabca Seboim agena king Semebaca Bela agena kingca. Kedoleoma uqa cabi gel 12 eu odi king ebum oso agena ilo bilen. Odocob cabi gel 13 docna king eu age Kedoleoma feedoin. Odocob cabi gel 14 docna Kedoleoma uqana danah king ijedca gami gabandoin. King ijed i age eu odi. Sina agena king Amrafelca Elasa agena king Ariokca Goim agena king Tidalca. Kedoleoma king ijedca agena han dana cedadimeig jicna bebeli bileig Refaim dana age Asterot-kanaim ono bibilegin aqadein. Odimeig age Susim dana Ham onoha aqadein. Odimeig Emim dana Kiriataim onoha aqadein. Odimeig Ho dana age Sia agena hatu aluhca jabadi ehi nui El-paran gadac ono aqadein. El-paran eu wadau naca qee cemenug nijia. Odimeig age haun ceselein. Ceseli humeig En-misbat ono calein. En-misbat eu Kades. Odimeig ono han cadimeig Amalek agena hatu eu cunug oin. Odimeig Amo age Hasason-tema ono bilein euha aqimeig hatu eu oin. Aria Sodom agena kingca Gomora agena kingca Adma agena kingca Seboim agena kingca Bela eu Soa agena kingca age wele gabandoin. Age Kedoleomaca uqana han danaca aqadecnu sacia dumeig gabandu Sidim maha asouna ono cali hoin. Sidim eu wa macasca bahic cudun.
346	GEN 14:9	Age Ilam agena king wal oso i age han cadoqagannu cajein. Ilam agena king eu Ilam agena king bahic Kedoleomaca Goim agena king Tidalca Sina agena king Amrafelca Elasa agena king Ariokca. Eu king wal oso age king ebum oso gami han cadoqagannu cajein.
347	GEN 14:10	Aria Sidim asou eu maha baial. Helo mati bahic euna gag bibi nijen. Odocob Sodom Gomoraca alena king hannu bubusali bilesi helo euna nosin. King ijed ale culadesin euha busalein qa age aluhna belein.
354	GEN 14:17	Aria Ebram uqa Kedoleoma king leih uqaca gabandoin eu hanna aqimeig ceselein. Eu hedumei ceseli limei Sawe maha asouna ono calen. Sawe eu ijan oso King Agena Maha Asou. Ono Sodom agena king Ebram gulucdon.
368	GEN 15:7	Odimei uqa madon, “Ija Tibud. Ija maha i ihecemin hinana biligiannu Ur Kaldia agena hatunadec ehihi ahom,” don.
380	GEN 15:19	Age Ken agena mahaca Kenis agena mahaca Kadmon agena mahaca
382	GEN 15:21	Amo agena mahaca Kenan agena mahaca Girgas agena mahaca Jebus agena mahaca eu cunug adigen,” don.
383	GEN 16:1	Aria Ebram Kenan mahana bibilen cabi gel 10 hedocob Sarai Ebram aideg uqa Ebram mel oso qee basitol. Qa uqa Isipdec cabi caja osoca. Uqa ijan Hega. Eunu Sarai Ebram madon, “Faga! Tibud uqa ija mel cain basigaunnu wawi jic menen. Eunu hina ijana cabi cajaca lecem nijesia. Ija mel uqanadec ugenfa,” don. Odocob Ebram Saraina je don. Odocob Sarai Ebram aideg uqa Hega uqana cabi caja Isipdec ehudi ehi li uqa aideg biligiannu gemug Ebram uten.
396	GEN 16:14	Eunu wa tut hunec eu Kedes Beretca gemo nijia age “Oso Cebac Bilina Uqa Mecitina Uqana Wa Tut,” ec madegina.
406	GEN 17:8	Qila hina Kenan hatuna jag biliga. Qa hatu i cunug eu hinana biligiannu ihigen. Hinana sihul cunug hina toohi cali hoqagan, eu ha agena biligiannu, adigen. Euqa ageca bileceb catanigiannu adigen,” don.
497	GEN 20:1	Aria Ebraham uqa Mamri culimei Negew hatuna nuen. Odimei jobon lecis gemo bilen. Oso ijan eu Kedes. Oso ijan eu Sur. Hibna uqa Gera bilen.
505	GEN 20:9	Odimei uqa Ebraham utadocob leceb madon, “Hina eetanu kobol eu odi odigem? Ija hina adi oso cahulhem eunu hina culumen ben i ijaca ijana dana cajaca ege gemo migem? Kobol eu odi odom eu hina qee oditoum.
569	GEN 22:21	Mel matu eu ijan Us. Uqa waliagul ijanaga eu Bus, Kemuel,
570	GEN 22:22	Kesed, Haso, Pildas, Jitlap, Betuelca. Kemuel uqa Aram memeg.
574	GEN 23:2	Odocob uqa Kenan mahana Hebron ono cal men. Odocob Ebraham Seranu uqa me qadac qajen.
591	GEN 23:19	Eu cunug hedocob Ebraham uqa aideg Sera meen hatin cabi euna nijia ono hel cisen. Cabi eu Makpela ono Mamri cemenug nijia eu Kenan hatuna nijia.
595	GEN 24:3	“Hina ebein ija tucumi gemo mimeg qel qetec je oso madaga. Anut uqa saonaca mahanaca Tibud bilina, hina uqa amegna qel qetec je madaga. Hina melaminu Kenan sihulnadec caja oso qee u togaun.
629	GEN 24:37	Aria ijana ben oditeceb uqana je toodugennu qel qetec jena madem. Uqa maten, ‘Hina ija melaminu Kenan hatunadec caja oso cain u togaun.
654	GEN 24:62	Aria Aisak uqa “Oso Cebac Bilina Uqa Mecitina Uqana Wa Tut,” ceseli hon. Uqa wadau waca qee Kenan ono bilen.
660	GEN 25:1	Aria Ebraham uqa caja oso on. Uqa ijan eu Ketura.
663	GEN 25:4	Midian uqa melahul eu Efa, Efe, Hanog, Abida, Eldaca. Eu age cunug age Keturana sihul.
672	GEN 25:13	Ismal melahul ijanaga i edi. Age ijanaga eu toodocobtoodocob cali hoin eu odi nijen. Nebaiot uqa Ismal melah matu. Uqa melahul leih eu Keda, Atbil, Mipsam,
674	GEN 25:15	Hedat, Tema, Jetur, Napis, Kedemaca.
775	GEN 28:1	Odocob Aisak uqa Jekob utadocob hocob eeldudu je gagadic madon, “Hina Kenandec caja cain ogaun.
780	GEN 28:6	Aria Iso uqa Aisak Jekob eeldudu je eu madumei caja oso ocnu suldocob Mesopotemia nuen don. Aisak uqa je odi Jekob madon, “Hina Kenandec caja oso cain ogaun,” ec madodon Iso uqa don.
782	GEN 28:8	Odocob Iso uqa memeg Aisak Kenandec caja ocnu waug qee nijel eu fen.
891	GEN 31:17	Eunu Jekob uqana ceteteh cunug cedadi Kenan nuecnu saciadon. Aria Leban uqa uqana sipsip baginiga jehecnu cabina len. Odocob Resel uqa memegna jo gadan tibud eu heje on. Odocob Jekob uqa aidegulca mel simca cedadimei kamel tatacanna maden. Odimei uqa uqana dool am cunug eu suladeceb aquni belein. Eunu uqa ceteteh cunug Mesopotemia ono bibilei ceden eu cedadimei busali memeg Aisakca Kenan hatuna nuen.
979	GEN 33:18	Aria Jekob uqa Mesopotemiadec humei uqa Sekem taun ono culumenca qee me bahic calen. Sekem eu Kenan hatuna nijia. Uqa taun fecnu ihocna cudun oso hewimei lotoc talah cehi bilen.
982	GEN 34:1	Aria saen osona Daina, Lia ateg uqa Jekob basiton eu, Kenandec caja feciadecnu nuen.
988	GEN 34:7	Ale je mamadesin Jekob melahul age cabinadec ceseli hoin. Odocob age Sekem uqa Jekob ateg heweceb nijesin eu Isrel amagana majanaga hewec kobol odon eu dumeig age filicitimeig gemanaga ben. Kobol eu Isrelna sihul gemo odocnu qee nijel eu odon.
1011	GEN 34:30	Odocob Jekob uqa Simion Liwaica maalen, “Ale ija deweni jeca mudesia. Ale odocobil dana Kenandec Peresdecca dana cunug maha inadec age ija agena cadwe doqagan. Ege dana matica qee. Age gabandumeig ijaca han sulecebilfi ijaca ijana talca ege qee mecnu,” alen.
1018	GEN 35:6	Odocob Jekob uqaca dana caja uqaca belein eu age hu Lus calein. Lus qila eu ijan eu Betel. Eu Kenan mahana.
1043	GEN 36:2	Iso uqa caja Kenandec cedaden. Eu ijanaga Ada, Oholibama, Basematca. Ada uqa Elon ateg, uqa Het dana. Oholibama uqa Ana ateg. Ana memeg eu Sibion, uqa Hiwi dana. Basemat uqa Ismal ateg, uqa cebinag eu Nebaiot.
1046	GEN 36:5	Odocob Oholibama uqa Iso Jeus, Jalam, Koraca basaditon. Mel i age eu Iso melahul, age Kenan ono basaditoin.
1047	GEN 36:6	Odocob Iso uqa aidegulca uqana mel simca uqana cabi danaca dool manan amca cehewanca Kenan ono bibili ceden eu cunug cedimei waliag Jekob cemenugdec qisacdu fil aluhna Sia ono nuen.
1051	GEN 36:10	Aria Iso aideg Ada uqa Iso mel osahic basiton, ijan eu Elifas. Odocob Elifas aideg oso uqa mel ebum oso basaden. Ijanaga eu Teman, Oma, Jefo, Gatam, Kenasca. Odocob Elifas aideg oso, ijan Timna, uqa mel osahic basen, ijan eu Amalek. Aria Iso aideg Basemat uqa mel osahic basen, ijan eu Reuel. Reuel aideg uqa mel wal oso basaden. Ijanaga eu Nahat, Sera, Sama, Misaca.
1055	GEN 36:14	Aria Iso aideg Oholibama, eu Ana ateg, eu Sibion asag, uqa Iso mel ijed basaditon. Ijanaga eu Jeus, Jalam, Koraca.
1056	GEN 36:15	Aria Isona sihul eu odi. Iso melah matu eu Elifas. Uqa sihul i edi agena ilo bilen. Teman, Oma, Sefo, Kenas,
1057	GEN 36:16	Kora, Gatam, Amalekca. Eu age Elifas aideg Ada asagul.
1059	GEN 36:18	Aria Iso aideg Oholibama, Ana ateg, uqa sihul i edi agena ilo bilen. Jeus, Jalam, Koraca.
1067	GEN 36:26	Odocob Dison melahul eu Hemdan, Esban, Itran, Keranca.
1081	GEN 36:40	Aria Iso uqa Idom sihul cunug agena ilo bilen, uqa Idom asag. Idom agena sihul age jobon medeh filfil bilein. Ijanaga eu Timna, Alwa, Jetet, Oholibama, Ela, Pinon, Kenas, Teman, Mibsa, Magdiel, Iramca.
1085	GEN 37:1	Aria Jekob uqa maha memeg bilenna eu Kenan ono bilen.
1122	GEN 38:2	Ono Juda uqa Kenandec caja oso fen. Uqa memeg ijan eu Sua. Odocob uqa caja eu ocob uqaca nijesin.