16	GEN 1:16	Oodon Anut uqa fulacdoc benben lecis mudalen. Fulacdoc ben bahic eu cahineg cofdocnu muden. Fulacdoc nag eu witic cofdocnu muden. Uqa malaqaha mudaden.
54	GEN 2:23	Odocob dana uqa maden, “Mele bahic. Uqa teful eu ija tefulininadec. Uqa cuhun eu ija cuhuninadec. Uqa dananadec umei mudon. Eunu ija ijan ‘Caja dugen,” en.
57	GEN 3:1	Aria man sononec uqa fanindocnu du cuhadon. Uqa dool cunug wooladec Tibud Anut maden. Odocob uqa caja sisildon, “Anut ale cehelo aig cunug cabina nijia eu cain jowasin ec maalen eu melefo?” don.
62	GEN 3:6	Eunu caja uqa aig eu feceb galeca bahic ameg qon. Eu jecnu me bahic fen. Uqa doc meca me qeeca ocnu ha gale don. Eunu uqa cehelo eundec aig umei jen. Odimei gemug uqaca tawesin euha uteceb jen.
71	GEN 3:15	Ija odocomin hina cajaca qocobqocob owasan. Uqana sihulca hinana sihulca gaid cad biluwasan. Hibna caja uqana mel oso uqa ilom tulohdocob hina uqa jaih bisoc qu jegan,” don.
87	GEN 4:7	Hina odi cuhadoummi ija wawi hinanu nijoub. Qa hina qee odi cuhadocomfi silail hinana cebecna hagawihecnu saciadoia taweia. Uqa hinanu nalunin meia taweia. Qa hina gagadic mimeg wooldoga,” don.
101	GEN 4:21	Jabal uqa waliagca, eu ijan Jubal. Uqa dana sihul gita qoginaca cololo fuldoginaca eu agena asaga calen.
102	GEN 4:22	Odocob Sila uqaha mel oso basen. Uqa ijan eu Tubal-ken. Tubal-ken uqa bras ainca na cabi teful aigcaca mudec dana calen. Tubal-ken uqa cebinagca, eu ijan Nama.
108	GEN 5:2	Uqa manahalca aidca ifanalen. Ifanaalen uqa eelalimei ijanala “Dana Cajaca” aqalen.
144	GEN 6:6	Uqa dana cajaca ifanadimei mahana mudennu waloc don. Uqa waug ben qon.
147	GEN 6:9	I Noanu je. Noa uqa dana ititom. Uqa Anut amegna cahuldocca qee. Uqa Anutca cobosin.
153	GEN 6:15	Hina odi jelegan. Wag eu uqana cecelac eu 133 mita. Uqana bagalan eu 22 mita. Uqana ohis tec eu 13 mita.
191	GEN 8:7	Odimei uqa alog oso u suldocob nuen. Nuimei qa qee ceseli hol. Uqa fululi cocobon li wa mahana cunug sidon.
192	GEN 8:8	Oodonqa Noa uqa cuhudid oso umei suldocob nuen. Uqa wa mahana seleldonfo qeefo eu dugiannu suldon.
195	GEN 8:11	Wesu memen cuhudid eu ceseli uqaca hon. Uqa cona na oso, ijan oliw, eu bagac cebac u qada qu ahon. Odocob Noa uqa wa wele hidon eu don.
202	GEN 8:18	Eunu Noa uqa maha gumu calen. Uqaca uqa melahulca uqa aidegca uqa melahul aidagailca age maha gumu calein.
231	GEN 9:25	Odocob uqa madon, “Hina melem, Kenan, geldugina. Uqa waliagul agena cabi dana biligian.
232	GEN 9:26	Tibud Uqa Semna Anut. Eunu binan waseiale. Kenan uqa Semna cabi dana biliale.
244	GEN 10:9	Uqa Tibud amegna dool qocnu ijanca calen. Eunu je oso odi madegina, “Nimrod cinigwe dool qoc dana ijanca Tibud amegna,” egina.
256	GEN 10:21	Sem ha melahulca. Uqa waliag matu eu Jafet. Hibru dana cunug age asaga eu Sem.
258	GEN 10:23	Aram melahul eu Us, Hul, Geta, Masca.
260	GEN 10:25	Ebe uqa melahul lecisca. Oso ijan eu Peleg. Uqana saenna maha gadac qatani mati bahic calen. Eunu ijan odi qon. Uqa waliag ijan eu Joktan.
262	GEN 10:27	Hadoram, Usal, Dikla,
271	GEN 11:4	Odocob age madein, “Gec hoiga. Ege egena taun ben oso cehecnu. Ege jo oso ohis bahic cehecnu. Uqana qab eu sao qududugian. Eufi ege qatani filigandumeb mahamaha cunug qee ihoc loqaun qa ege ijanigeca bilecnu,” ein.
277	GEN 11:10	Semna sihul agena je eu odi. Aria wa sil hedocob cabi gel lecis nueceb Sem uqana cabi gel eu 100 eu odi ihoc leceb uqa aideg mel oso basen. Uqa ijan Apaksad qon.
279	GEN 11:12	Aria Apaksad uqa bibilen li uqana cabi gel eu 35 eu odi ihoc leceb uqa aideg mel oso basen. Uqa ijan Sela qon.
281	GEN 11:14	Aria Sela uqa bibilen li uqana cabi gel eu 30 eu odi ihoc leceb uqa aideg mel oso basen. Uqa ijan Ebe qon.
283	GEN 11:16	Aria Ebe uqa bibilen li uqana cabi gel eu 34 eu odi ihoc leceb uqa aideg mel oso basen. Uqa ijan Peleg qon.
285	GEN 11:18	Aria Peleg uqa bibilen li uqana cabi gel eu 30 eu odi ihoc leceb uqa aideg mel oso basen. Uqa ijan Reu qon.
287	GEN 11:20	Aria Reu uqa bibilen li uqana cabi gel eu 32 eu odi ihoc leceb uqa aideg mel oso basen. Uqa ijan Serug qon.
289	GEN 11:22	Aria Serug uqa bibilen li uqana cabi gel eu 30 eu odi ihoc leceb uqa aideg mel oso basen. Uqa ijan Neho qon.
291	GEN 11:24	Aria Neho uqa bibilen li uqana cabi gel eu 29 eu odi ihoc leceb uqa aideg mel oso basen. Uqa ijan Tira qon.
295	GEN 11:28	Aria Tira cebac bibilen Haran uqa cal men. Uqa anag basen maha euna cal men. Eu ijan Ur.
297	GEN 11:30	Odonqa Sarai uqa goud. Uqa melca qee.
298	GEN 11:31	Odocob Tira uqa melah Ebramca Haran melah uqa asag Lotca Ebram aideg Saraica ehadeceb age Kaldia hatu ijan Ur eu culimeig Kenan hatuna beloqagannu belein. Belimeig li age Haran hatuna calein. Odimeig age ono bilein.
299	GEN 11:32	Odocob Tira uqa Haran ono cal men. Uqana cabi gel cunug eu 205 odi.
303	GEN 12:4	Ebram uqa Anutna je dah men saen euna uqana cabi gel eu 75. Aria Ebram uqa Anutna je toodumei uqa aideg Saraica uqa waliag melah Lotca uqana cabi dana Haran ono cedaden euca uqana ceteteh cunug ono ceden euca cunug cedimei Haran hatunadec culimei Kenan hatuna nuen. Uqa jicna niji u nui Kenan hatuna calen.
307	GEN 12:8	Odimei uqa onodec haun cajimei cam tobi becna isec aluh oso Betel cemenug nijia euna nuen. Uqa cudun euna uqa lotoc talah cehen. Betel eu cam toni nocna isec ninijen Ai eu cam tobi becna isec nijia. Uqa gemo euna Tibud ihandocnu meen cabal oso gualen. Odimei uqa Tibud ijan u bili ihandon.
308	GEN 12:9	Uqa onodec haun cajimei cocobi bili nui Negew isec nuen.
318	GEN 12:19	Celnu hina uqa ija cebinami ec matem? Ija uqa aideninu imig om eu celnu qee cahactelem? Aria hina aiden i hen. Umeg nuuga,” don.
320	GEN 13:1	Aria ono Ebram uqa cehewan ben bahicca. Uqa sipsipca memeca bulmakauca golca silwaca. Odocob Ebram uqa aidegca Lotca uqana ceteteh cunugca cedimeig Isip culimeig Negew tein.
324	GEN 13:5	Aria Lot uqa Ebramca belesin. Uqaha sipsipca memeca bulmakauca uqana cabi danaca.
338	GEN 14:1	Aria saen euna dana ben oso bilen uqa ijan Kedoleoma. Uqa Ilam agena king. Wele Kedoleoma uqa king ebum oso cadadimei ilo bilen. King ebum oso i age eu odi. Sodom agena king Beraca Gomora agena king Birsaca Adma agena king Sinabca Seboim agena king Semebaca Bela agena kingca. Kedoleoma uqa cabi gel 12 eu odi king ebum oso agena ilo bilen. Odocob cabi gel 13 docna king eu age Kedoleoma feedoin. Odocob cabi gel 14 docna Kedoleoma uqana danah king ijedca gami gabandoin. King ijed i age eu odi. Sina agena king Amrafelca Elasa agena king Ariokca Goim agena king Tidalca. Kedoleoma king ijedca agena han dana cedadimeig jicna bebeli bileig Refaim dana age Asterot-kanaim ono bibilegin aqadein. Odimeig age Susim dana Ham onoha aqadein. Odimeig Emim dana Kiriataim onoha aqadein. Odimeig Ho dana age Sia agena hatu aluhca jabadi ehi nui El-paran gadac ono aqadein. El-paran eu wadau naca qee cemenug nijia. Odimeig age haun ceselein. Ceseli humeig En-misbat ono calein. En-misbat eu Kades. Odimeig ono han cadimeig Amalek agena hatu eu cunug oin. Odimeig Amo age Hasason-tema ono bilein euha aqimeig hatu eu oin. Aria Sodom agena kingca Gomora agena kingca Adma agena kingca Seboim agena kingca Bela eu Soa agena kingca age wele gabandoin. Age Kedoleomaca uqana han danaca aqadecnu sacia dumeig gabandu Sidim maha asouna ono cali hoin. Sidim eu wa macasca bahic cudun.
352	GEN 14:15	Uqa witic euna uqana dana qataneceb uqa uqana cabi danaca age aqimeig jabadi ehi nui Hoba ono calein. Eu Damaskas taun hagen ono isec.
368	GEN 15:7	Odimei uqa madon, “Ija Tibud. Ija maha i ihecemin hinana biligiannu Ur Kaldia agena hatunadec ehihi ahom,” don.
373	GEN 15:12	Odi oodon am tonen. Oodon Ebram uqa us docob cal mecwe bahic nijen. Uqa eu odi ninijen uqa ceteh ola odocna cinigwe fimei ben bahic cucuien.
383	GEN 16:1	Aria Ebram Kenan mahana bibilen cabi gel 10 hedocob Sarai Ebram aideg uqa Ebram mel oso qee basitol. Qa uqa Isipdec cabi caja osoca. Uqa ijan Hega. Eunu Sarai Ebram madon, “Faga! Tibud uqa ija mel cain basigaunnu wawi jic menen. Eunu hina ijana cabi cajaca lecem nijesia. Ija mel uqanadec ugenfa,” don. Odocob Ebram Saraina je don. Odocob Sarai Ebram aideg uqa Hega uqana cabi caja Isipdec ehudi ehi li uqa aideg biligiannu gemug Ebram uten.
394	GEN 16:12	Qa uqa cesel cus cinigwe cocobi biligian. Uqa dana cunug cad madigian. Odocob dana cunug age uqa cad muduqagan. Odocob uqa cotugul gami gidod biluqagan,” don.
396	GEN 16:14	Eunu wa tut hunec eu Kedes Beretca gemo nijia age “Oso Cebac Bilina Uqa Mecitina Uqana Wa Tut,” ec madegina.
412	GEN 17:14	Odocob manahal oso uqa deweg gaga qee qolfi uqana sihulnadec ijan qetoqagan. Uqa ijana bal cehec je eu qee toodol,” don.
418	GEN 17:20	Aria Ismalnu je madaga eu ija dah mihiga. Faga! Ija uqa eeldocomin uqana sihul mati bahic fulusdoqagan. Uqana sihul eunadec hatu ilo 12 caloqagan. Uqana sihul hatu ben oso caligian.
421	GEN 17:23	Odocob deel euna himec Ebraham uqa Anut madon eu toodu odon. Uqa melah Ismalca uqana cabi dana uqana jona cali hoin euca uqana begabeg ageca deweg gaga aqaden. Uqana tal manahal eu cunug deweg gaga aqaden.
423	GEN 17:25	Uqa melah Ismal uqana cabi gel 13na uqa deweg gaga qon.
434	GEN 18:9	Odocob age sisildoin, “Hina aiden Sera ai?” doin. Uqa jejenega hewi maaden, “Uqa lotoc talah dunuh bilia,” aden.
459	GEN 19:1	Aria Tibudna ensel lecis eu ale wesu Sodom ono calesin. Lot uqa taun cebecna bilen. Odocob Lot uqa mecialimei caji gulucaligia bili len. Uqa gulucalimei gob cehi mahana bilimei jogoi nu maha cotadoin.
495	GEN 19:37	Odocob ateg matu eu mel oso basen. Odimei eu ijan Moab qon. Uqa Moab sihul asaga calen. Age qila bilegina.
496	GEN 19:38	Odocob ateg milum uqaha mel oso basen. Odimei eu ijan Ben-ami qon. Uqa Amon sihul asaga calen. Age qila bilegina.
513	GEN 20:17	Aria Tibud uqa Sera Ebraham aidegnu caja cunug Abimelekna jona bilegina eu wawaga meniaden. Eunu Ebraham uqa Anut inondocob Abimelek uqa me men. Uqa aidegca uqana cabi cajaca eu wawaga jic hudiaden. Odocob age mel haun basecnu ihoc.
527	GEN 21:13	Cabi caja melah uqaha ija odocomin uqana sihul eu sihul ben oso caloqagan. Uqaha hina melem,” don.
530	GEN 21:16	Tawimei cocobi li bilen. Eu onoca qee. Uqa maden, “Ija mel cal memeb cain figaun,” en. Uqa ono bibilei co suli umei qajen.
549	GEN 22:1	Aria hibna saen osona Anut uqa Ebraham temdon. Uqa madon, “Ebraham!” don. Odocob Ebraham uqa jejeg hewi madon, “Ija i hen,” don.
561	GEN 22:13	Odocob Ebraham uqa falicdu meciimei hibilohu isec sipsip manahal oso uqana tub culilisna hagawen tatawen fen. Odimei uqa li sipsip eu on. Uqa umei uqa melah cudunna sipsip eu ihanen.
562	GEN 22:14	Odimei Ebraham uqa cudun eu ijan “Tibud Uqa Igigian,” qon. Eunu qila saen ina odi madegina, “Tibud uqana aluhna uqa igigian,” egina.
569	GEN 22:21	Mel matu eu ijan Us. Uqa waliagul ijanaga eu Bus, Kemuel,
581	GEN 23:9	Eu odi maduteiga, ‘Ebraham uqa Makpela meen hatin fajecnu gale dona. Makpela meen hatin eu hinana cabi cemenug nijia. Uqa fajecnu coisfo? Meen hatin eu fajecnu ameg cunug ihigian. Euqa uqana qalqal biligian. Eu fajecnu eu ege amigena odigian,’ odi maduteiga,” aden.
593	GEN 24:1	Aria Ebraham uqa wele toia men. Uqa bibilen cabi gel mati bahic nuen. Ceteteh cunug uqa odon eu Tibud uqa eeldon.
602	GEN 24:10	Odocob cabi dana eu uqana ben uqana kamel 10 cedadimei nuen. Uqa ceteteh me me leihha uqana ben ebennadec cedimei nuen. Uqa cajimei Neho uqana taun eu Mesopotemia hatuna nijia ono nuen.
603	GEN 24:11	Uqa niji u nui wesu memen uqa Neho uqana taun gesacna wa tutna calen. Odocob uqa kamel odadeceb gob qahi bilein. Saen eu caja agena wa wetec saen.
607	GEN 24:15	Uqa inondudu qee hedoc Rebeka uqa wa halon qatona bibilen cali hon. Rebeka uqa Betuel ateg. Betuel uqa Neho Milkaca ale melamala. Neho uqa Ebraham waliag.
608	GEN 24:16	Rebeka uqa caja taula olaca euqa uqa dana osoca qee nijelesin. Uqa wa tutna numei wa weti hedumei haun ceseli ben.
611	GEN 24:19	Uqa wa gab ji hedocob madon, “Ija hinana kamelha wa adecemin ihoc jecebil gadacna culigen,” don.
612	GEN 24:20	Odocob uqa mahuc bahic wa halonna eu basecdocob dool agena wa gab jec bohna non. Odimei haun guguli ceseli nu wa tutna wa weti ehi bi haun basecdon. Uqa eu odi dih oodon kamel wa ihoc jecebil culen.
614	GEN 24:22	Odocob kamel wa ji hedocobil dana eu uqa dahof oso eu golna mudec umei Rebeka medena men. Uqaha sai lecis eu golna mudec cedalimei Rebeka ebenna men.
619	GEN 24:27	maden, “Tibud binan wasi nuiale. Uqa ijana ben Ebraham uqana Anut. Uqa ijana ben kobol me bahic odudia. Uqa qee qaudol. Uqa ija dado mimiten hu ijana ben uqa waliagna jona caliga,” en.
627	GEN 24:35	Tibud uqa ijana ben Ebraham ben bahic eeldon. Eunu uqa cehewanca bahic calen. Uqa sipsip amca meme amca bulmakau amca silwaca golca cabi danaca cabi cajaca kamelca ceselca uton.
629	GEN 24:37	Aria ijana ben oditeceb uqana je toodugennu qel qetec jena madem. Uqa maten, ‘Hina ija melaminu Kenan hatunadec caja oso cain u togaun.
640	GEN 24:48	Odimig ija gob cehimig jogoi bilig Tibud binan susuli ijana ben Ebraham uqana Tibud Anut eeldoc je maduga. Uqa ija jic tutucna dado miteceb ijana ben uqana sihulnadec age ataga oso uqa melah aidegnu gulucduga.
643	GEN 24:51	Rebeka i hen. Uqa umeg nuuga. Odocom uqa hinana ben uqa melah aidegnu biligian eu Tibud uqa ihacheia eu odi culituqale,” dosin.
645	GEN 24:53	Odimei uqa ceteteh silwaca golna mudec euca lotoc me bahicca cedimei Rebeka uten. Uqa ceteteh qaig bennadec Rebeka cebinagca anagca alen.
654	GEN 24:62	Aria Aisak uqa “Oso Cebac Bilina Uqa Mecitina Uqana Wa Tut,” ceseli hon. Uqa wadau waca qee Kenan ono bilen.
657	GEN 24:65	cabi dana sisildon, “Eu cel dana ege gulucgigiannu cabina cocobi hona?” don. Odocob cabi dana uqa madon, “Uqa ijana ben,” don. Odocob uqa olanaga jahuldoc lotoc umei ola jahuldon.
659	GEN 24:67	Odocob Aisak uqa Rebeka uqa aideg biligiannu ehudimei uqa anagna lotoc talah dunuh muden. Uqa Rebekanu ben bahic nalug men. Wele Aisak uqa anag cal men. Eunu uqa waloc don qa qila Rebeka Aisak anagna cudun on. Eunu uqa waug ceelen.
660	GEN 25:1	Aria Ebraham uqa caja oso on. Uqa ijan eu Ketura.
667	GEN 25:8	Uqa toia men. Uqana cabi gel mati bahic. Odocob uqa kis umei cal men. Uqa asagul cal mein eu agena cudunna nuen.
670	GEN 25:11	Ebraham cal meceb Anut uqa melah Aisak eeldon. Aisak uqa “Oso Cebac Bilina Uqa Mecitina Uqana Wa Tut,” ono bilen.
672	GEN 25:13	Ismal melahul ijanaga i edi. Age ijanaga eu toodocobtoodocob cali hoin eu odi nijen. Nebaiot uqa Ismal melah matu. Uqa melahul leih eu Keda, Atbil, Mipsam,
675	GEN 25:16	Uqa melahul eu age jobon medeh 12 calein. Uqa melahul 12 age ijanaga eu jobon medeh ijanaga filfil qoin.
676	GEN 25:17	Aria Ismal uqana cabi gel cunug gabandoc mahana bilen eu 137. Odocob uqa kis umei cal men. Uqa asagul cal mein agena cudunna nuen.
685	GEN 25:26	Uqa cali hocob uqa waliag toodu cali hon. Uqa cali hon eu eben oso Iso jaih bisoc hewimei cali hon. Eunu uqa ijan Jekob qoin. Aisak uqana cabi gel 60na uqa aideg mel eu basalen.
686	GEN 25:27	Aria mel lecis ale ben mimesi Iso uqa dool qoc gesis dana calen. Uqa bahu dana, uqa bahu nijoloi. Jekobqa uqa malol dana, uqa jeca qee. Odocob uqa lotoc talahna himec biloloi.
688	GEN 25:29	Deel osona Jekob uqa wehuc me bahic cilen. Oodon Iso uqa bahudec hon. Uqa wen geh bahic dodon hon.
702	GEN 26:9	Eunu king Abimelek uqa Aisak utadocob leceb madon, “Faga. Uqa hina aiden! Eu adinu hina uqa ija cebinami ec matem?” don. Odocob Aisak uqa jejeg hewi madon, “Uqanu ija qagatecebil cal migaun imig odi mahem,” don.