29	GEN 1:29	Tusa Apajuí chichaak: “Yamai atum shiig antuktajum; ashí ajak juju nugkanmaya nejen aina nunak, numi neje yujutai aina nujai, atum yuwatnun umigkajime.
196	GEN 8:12	Tuja nuigtushkam siete tsawan dakasui, nunik awentsag pauman akupkauwai; tujash paumak ataktu wakitkig tachui.
492	GEN 19:34	Nunik tsawag, kai emkau ekeun chichajak: “Wi yamai kashi iina apajijai ankamjai, tuja yamai kashia duwi ataktu enamkami, dutika ameshkam niijai ankata; aatsa mai iina apaji uchiji jukishpash”, tau.
834	GEN 30:3	Tusa tama nii ayaak: “Nijah, untsu mina inakeg Bilhá nuwatkata; dutikawamin nii uchigmakmatai, nuna wi uchigmakmawa dutikan uchijimatjai”, tiuwai.
861	GEN 30:30	Tuja wi juwi tatsaigkik tagkugmek kuashtachu ayi, tujash wi taa pujusa kuitamam kuashat tagkujum kawenjamkae. Tuke Pujuu aminak yaimpake; tujash ¿wajutiya wisha mina uchigdau agtinnash takastatja?” tiuwai.
879	GEN 31:5	Tusa timatai ujakam, nuwe aidau kaunamtai chichajak: “Atumin apa yaunchuk mina shiig anenjuya nuniachun wainjai; tujash mina apaju Apajuíjiya nunú tuke minak uyuntawai.
882	GEN 31:8	Nuadui Labán chichaak: aminak kuntin bukusea apujtugbau aidaun petsagtata nuna akiktajame tusa tujuttaik, ashí kuntin nuwa aidauk imanisag bukusea apujtugbaun petsagmayi; nuniagtai ataktu yapajia chichaak: yamaik dekas kuntin painchin petsagtata nuna akiktajame tusa tujuttaishkam imanisag petsagmayi.
912	GEN 31:38	Wi amina veinte mijadai takagsamjam nuaduik, amina uwigjum aidauk tuja cabrajum aidaukesh makichkish uchijinak pegkegchaun petsakag ajapachui; tuja wikish makichik uwig tsakatchinakesh maanuk aminunak yuwachuitjai.
913	GEN 31:39	Nuigtushkam makichik kuntinjumnakesh ikamyawa maamunak itajuachuitjame, tuja kuntin megkaekuish, nunak wi akiyajame; tuja tsawaigkish nuniachkush kashikesh kuntinun kasamkagmataish, mina segatkumin wi akiyajame.
914	GEN 31:40	Tsawai takaknush etsayai jamain dekapiajai; tuja kashi takaknushkam tsetsekai waitiajai, ¡imaniakun shiig aneasa kanumainchau dekapiajai!
915	GEN 31:41	Imanikan waitiaknush veinte mijan amina jemin takakun pujusuitag duika ¿mina jutik akijam? Amina nawanjum jimaja juna jukitasan takagsawaitjame catorce mijadai; tuja amina kuntinjumin kuitamkunchakam seis mijan takagsawaitjame. Imaniaish amek imaan akiktagme tusa anagtuawaitkum betek akigtsayume.
917	GEN 31:43	Tusa tama Labán Jacopan ayaak: “Juju jimag nuwa aina juka mina nawantug ainawai; tuja uchi aina jushakam mina tijagkig ainawai; tuja uwig aina jushakam midau ainawai, nuadui ¡ame ashí juju wainam juka midau ainawai! Tujash ¿wisha mina nawantug ainakuish, nuigtu mina tijagkig ainakuish itugkatjaki? wika emetmaitsujai.
953	GEN 32:25	Nuna ashí ikatiag nigki juwak pujai, makichik aents tajuam niijai maa maaniakua tuke tsawampau;
960	GEN 32:32	Tusa ukuak Penuelan nagkaiki wegai etsa jiiniuwai; tujash niina nantajen najaimak shutus wegau.
974	GEN 33:13	Tusa tama Jacob ayaak: “Yatsuju mina aneetaijuh, amek shiig dekame uchi piipich aina juka kakakchau ainawai, tuja nuigtush uwig aidau, baka aidau yama petsaju asag uchiji piipichin saakuaske aina nuna puyatju wajajai; wagki wi senchi wetaik makichik tsawantaik uwig aidauk ashí jinumainai.
989	GEN 34:8	Tuja Hamor ditajai chichaak: “Mina uchig Siquem atumi umayin senchi wakejuke; nuniau asamtai segajime, wait aneasjum umaim sujimkaigpajum mina uchigjai aishinati.
1022	GEN 35:10	aatus tiuwai: “Amek Jacopaitme, tujash tuke Jacob tamak achattame; yamai nagkamsamek ‘Israel’ tutai atatme”, tiuwai. Nuna tusa Jacopan daajin Apajuí yapagtua ataktushkam
1023	GEN 35:11	chichajak: “Witjai dekas Apajuí ashí senchigtinnuk; amek kuashat uchigtin atatme, nuadui ame wegantu aidaush imanisag agtinai. Nuadui ame wegantu aidau nugka muuntan yaaktamawag batsamsagtinai. Tuja ame uchijum wegantunmaya apu waigkagtin ainawai.
1048	GEN 36:7	Ditak kuashat tagkugtin asag, nunú nugkanmakek mai pujumainchau aajakui; nuigtushkam nunú nugkanmak tagku ayugmainchakam atsujakui.
1091	GEN 37:7	Kajanum ii aidauti ashí ajá ejapeen trigo tsupija jigkaka ijumku batsamaji. Nuniajin wi jigka aepsamua nunú nantaki tutupit wajasmae; nunikmatai untsu atum jigkamu aidau nantajag nunú midau wajattaman tentea apakag eme anentuinak tsuntsuma ijuntsagmae”, tau.
1143	GEN 38:23	Tusa ujaam Judá ayaak: “Nunú waji aidauk niini juwakti, tikima shiig dushikiam aig; wika chivo tsakatan amastajai tibaugnak awetijai, tujash amesh wainkachu asam susachume”, tusa idaisauwai.
1159	GEN 39:9	Tuja juju jega juwig tikich aents mina nagkaetasuk atsawai; makichik wajigkesh wi takamainchauk atsawai, ima ameketme wi atimainchauk, wagki niina nuwe asam. Nunin aish, ¿wisha wajukeaknuk amejai kanaknush Apajuí emtinish pegkegchaunash takastaja?” tiuwai.
1275	GEN 42:22	Tiagtai Rubén ditan chichajak: “Wika juna aneasan uchi maawaigpajum tusa tamaitkujum, minash antugtukchau ayugme; yamai nii maamunum jutika waitkam ainaji, nunú umiaku aatsa dekapjagmi”, tiuwai.
1285	GEN 42:32	Tuja nuigtushkam chichagku: ‘Jutiik ashí ijumjamak makichik aents akigbautik doce aayaji; nuniamu makichik megkaekauwai, untsu tikich ekeuwa duka amina aujai Canaágnum pujume’, timaji.
1352	GEN 44:27	Tusa tajin iina apaji chichagtamak: ‘Atumek dekagme mina duwag jimagchik uchin uchigmakua duka;
1370	GEN 45:11	Juwi pujusamin wi amina pataim aidaun tuja amejai aents yujau aidaush yuwawagtinun yutain amastajai nujantai waittsaijum; nujan tepea nunak cinco mijan atatui, titajum.
1473	GEN 48:21	Nuna dutika Israel Josén chichajak: “¡Antukta nijah, wika jakattajai; tujash Apajuí atumjaig pujuttawai! Nuniau asa atumi apachjumi nugkeenig awagtamkiagtinai.
1486	GEN 49:12	Niina jiig uva yumiji vino bukuseaya aan nagkaemas bukuseayai; tuja niina naíshkam leche pujua aan nagkaemas pujui.
1499	GEN 49:25	¡See kuashat, Apajuí amina apa Apajuíjiya nunú yaimpakti; Apajuí dekas ashí senchigtina nunú aminak pegkegnum yumigtamsatin ati! ¡Nayaimpinmaya pegkeg jutai aina nuwiyanash! ¡Nayantsa initkenia pegkeg jutai aina nuwiyanash! Tuja ¡uchi akia shiig tsakapaktinnashkam, dutiksag yaimpakti!
1606	EXO 4:4	Nunitai Tuke Pujuu Moisésan chichajak: “Ujuknum achikta” tau. Tama Moisés achikui; dutikam ataktu ushujutai wajasui. Nunikmatai chichajak:
1688	EXO 7:2	Wi titatjam nunú ame Aarón ashí ujakta; dutikam nii faraógkan chichajak: Israel aents aidau juwi batsata duka idaisata jiinjatnume tusa titatui.
1706	EXO 7:20	Tusa tima Moisés Aarógjai Tuke Pujuu dutikatajum tibaunak imatiksag dutikawajui. Tuja faraón niijai atueka takatai aidaujai wainainamunum Aarón nii ushujutaiyai yumin awatiuwai; dutikam ashí yumi aidauk numpa wajasui.
1756	EXO 9:13	Nunikmatai Tuke Pujuu Moisésan chichajak: “Kashin kashikmasa nantakim faraón pujamunum wetá, nunika chichagkum: ‘Tuke Pujuu, Apajuí Hebreo aents aidauti emematin ainag nunú chichaak: Idaisati mina aentsug aina nuna; dutikam mina emematjitnume.
1767	EXO 9:24	Tuja chaajip patauk, peem peetuk, bicha kakegush makichkish mijamtsuk tuke imani au; yaunchkesh Egipto nugkanmag ibau wainajakchamu wantinjauwai.
1835	EXO 12:18	Juju yama nagkamchak mijan nagkamnamu nantu taka juju atatui pag levadurajai pachimtsuk inajuamu yutai, juka tsawan catorcetin aagkú nagkamajum; veintiunotin aagkú inagnattagme.
1887	EXO 13:19	Nunik wenak Moisés José ukunchin jukiuwai. Nunak dutikauwai wagki José iwaku pujusa niina patayi Israel aents aidaun chichajak: ¡Apajuí atumnak jiigmajagtin ainawai; dutijamainakuig mina ukunchjuk ukutsuk jukitin atajum! tibau asag.
1934	EXO 15:13	Amek amina aentsjum aidau shiig senchi aneau asam, amina senchigmin uwemtikjaume; nuadui amina senchigminig uyunkagtusam ekagtame nugka pegkeg anagkagtuawaitam nuwi jegatnume tusam.
1935	EXO 15:14	Juna aents tikich nugkanmaya aidau antukag senchi ishamainak kujainiagtatui; tuja filisteo aidaushkam sapigmainak najaimaku wajukmaina numamtuk tuni tunija iyainiagtatui.
1965	EXO 16:17	Tusa tima Israel aents aidauk dutiksag juukajui; tuja nii ima dukap juwai tikich ujumak juwaushkam asajui.
1979	EXO 16:31	Israel aents aidau yutai kakekaun juujaku aina duka shawi jigkayiya numamtin, niime puju; dapa yumiji pagjai pachimjamu yumimitu pegkejan kugkuwama iman aajakui. Nuna Israel aents aidau adaikau ainawai “maná”.
3292	LEV 19:10	“Uva juukbaunmaya ampinjauk waketjuki egakmek juukaipa, nuigtush kakekaukesh yajuakaipa; duka idaisata ujudauch aidau tikich nugkanmaya aidaujai yuwatnume. ¡Witjai Tuke Pujuu, atumi Apajuígminuk!”
3848	NUM 6:24	“ ‘¡Atum aidautigminak Tuke Pujuu pegkegnum yumigtamsatnume, dutijamak nigki kuitamjamkatnume;
3849	NUM 6:25	Tuke Pujuu atumnak shiig anenjamas kuitamjamkatnume;
5092	DEU 6:4	“Antuktajum Israel aents aidauwah: Tuke Pujuuwa nunuwai iina Apajuíjig; Tuke Pujuuk ima makichkiuchi.
5768	DEU 32:8	Apajuí aents aidaunak akanag maki makichik chichamtin, nugkentin emak batsasui; tujash atum Israel aents aidautigminak Apajuí makichik nugkanmak ijupag kuitamjamui.
5821	DEU 33:9	Leví wegantu aina duka ame chicham umiktajum tiuwaitam nuna puyatjus uminawai, nuninak kakanmamainawai ame chicham tibauwa nuna betek umikagtatus. Nuna ima senchi dita patayin nagkaesau eme anentuinawai. Nunidau asag ditá apaji aidaun dukuji aidaujai chichajuinak: ‘Atumnak wika dekatsjime’ tuinawai; tuja dita yachi iwai aidaun, umayi iwai aidaun, tsakat aidaunashkam chichajuinak: ‘Wika atumnak dekatsjime’ tuinawai; tuja ditá uchiji aidaun nawanji aidaujai chichajuinak: ‘Dekatsjime yatsu ainajum’ tuinawai, wagki ditak ashí Apajuí umigtan idaisaju asagmatai.
7397	1SA 9:4	Tusa tima Saúl inaka juki burro egak Efraígka nugken mujanum weuwai. Nunik jegauwai Salisá nugkanum; tujash burronak wainkachui. Nuwi nagkaemaki weuwai Saalim nugkanum, nunik Benjamígka nugkenishkam jegauwai, tujash burro megkaejaunak wainkachui.
8608	2SA 22:3	Ametme mina Apajuígmek, ametme kaya muunnum uumka ejamtayama imanmek, ametme mina ejamaka uwemtaijuk. Ametme senchimek, mina uwemtijinmek; amek dekas shiig yakí, mina uumka uwemtaijuitme. Amek dekas shiig yakí mina ejamataijuitme, ametme mina uwemtijin. ¡Aents magkagtin aidau mantuatag tuinakuish, ame minak ayamjutkabiume!
8610	2SA 22:5	“Jamain ishamainnum jeganbaijai; tuja magkagtin aidaunum pachiinkan, mantuinawapi tusan senchi ishamkamiajai.
9475	1KI 21:21	Nuniau asamin Apajuí aatus tujamui: ‘Aminak shiig pegkegchaun itajuattagme, dutikakun ame wegantu aidaunak ijituattagme; tuja amina uchijum aishmag aidau Israel nugkanum batsatunak ashí ijituattagme.
12950	JOB 4:16	Makichik aents nuwi wajame. Nuna wi wainkamjai. Tujash niimesh dekas wajukuki nunak wainkachmajai; ashí itatjamunum untsujak, aatus tujutmae:
13310	JOB 19:9	Mina wajiig aidaun, tagkug aidaun, aents inakeg aidaun ashí yajutjuke; dutijak nuigtushkam eme anentsa diyam amainchau etine.
13317	JOB 19:16	Mina inakeg aidaun untsuaish aijuinatsui; kuashta untsuaish makichkish antugtuinatsui.
13808	JOB 38:11	Dutikan chichagkun: ‘Juwig nagkankata, nuigtu nagkaemakmek piyajaipa; tuja tsukatbaujum ishamain waja dushakam nuigtuk wee pujushtatui’, tiuwaitjai.
14101	PSA 15:2	Nuwi pujusagtina duka aents pegkeg bakumamainji atsugbau, pegkejan takau, waitjutsuk dekaskea nuna chichau;
14102	PSA 15:3	tikichnash pegkegchaun chichagchau, niina kumpajinash pegkegchau awagmachu, tuja nii ijutkamu aidaunash inatsauchu;
14225	PSA 22:5	Iina apachji aajaku aina duka aminí kajinmamsag anentaimajaku ainawai; aminí kajinmamsag anentaimaidau asamtai, agkanmitkauwaitme.
14235	PSA 22:15	Tuja wika yumi ukagag megkagama numamtinaitjai; mina ukunchig aidauk akaejaujai betek wajase. Tuja mina anentaijuk wiya yumimeaujai betek wajase.
14237	PSA 22:17	Aents pegkegchaun takau aidau yawajai betek tuwagtukaje; tuja mina dawegnak, mina uwejujai ichinjujaje.
14238	PSA 22:18	Mina ukunchig aidaunash pan wainmain dekapeajai; tuja mina shiwag aidauk ayatak diiju batsatui.
14243	PSA 22:23	Ame ayamjutkamin, wi amina pachisan mina yatsug aidaun ujaktajai; dutikan ditajai ijunjan amina emematkun kantamatjai.
14308	PSA 27:6	Nuadui mina shiwag aidau tententuinakuish, ishamkashtatjai Apajuí depetmikaju asamtai. Nuadui kuntinu maan Apajuí jee pegkegma nuwi apeakun niina ememattatjai; shiig aneasan senchi kantamkun Tuke Pujuun ememattatjai.
14381	PSA 32:7	Ametme mina ejamataigmek, ishamainnumash ame kuitamjame; nuadui ame agkanmitkajuamun anentaimtusan shiig aneakun, kantamjagme.
14410	PSA 34:3	Wika Tuke Pujuuwai eme anenmamjai; nunú antukjum ememachu aidautigmek, shiig aneastajum.
14417	PSA 34:10	Tuke Pujuunu atajai tumamiu aidautigmek, nii eme anentsajum ememattajum; wagki niina umijuidauk makichkish atsumchagtinai.
14422	PSA 34:15	Pegkegchau takat aina duka idaisata, nunikam pegkeja duke takasta; nuniakum kakanmamsata maak agkan pujutnum.
14425	PSA 34:18	Tuke Pujuuk niina umijin aidau sumamun betek antujui; dutikak nii waitiamujinash agkanmitkawai.
14428	PSA 34:21	Tuja niina ukunchi aidaunashkam nii kuitamjawai; nuadui makichik ukunchinakesh kupigkachagtinai.
14478	PSA 37:7	Tuke Pujuu emtin wainka chichá wekaetsuk takamtak pujusta; nuniakum dakasta nii yaimpakti. Tuja aents pegkegchau aidau shiig atsumkas pujuinakui, nunú diisam kajegkagtukaipa.
14481	PSA 37:10	Aents pegkegchaun takau aidauk, dukap atsuk megkaejattawai; nunikagmatai wainkatasa egaakmesh makichkish wainkashtinaitme.
14492	PSA 37:21	Aents pegkegchauwa duka tsagkatjukta takui tsagkatkamash akikmachui; untsu aents pegkeja duka tsagkatkamak nuni ewagas akikmawai.
14493	PSA 37:22	Apajuí pegkegnum yumigsamu aina nunú nugka pegkegnum pujusagtinai; untsu nii pegkegchaunum yumigjamu aina duka, ijina utsam agtinai.
14497	PSA 37:26	Aents pegkeg aina duka ashí tsawantai wait anenkagtinai, nuniau asa tsagkatkagtinai; tuja niina uchiji aidaushkam pegkegnum chichajam agtinai.
14499	PSA 37:28	Wagki Tuke Pujuuk shiig takamua nuna wakegawai; nuadui niina umijuidaunak kajimatkig idaitsui; untsu pegkegchau aidaunak dita uchiji aidaujai ashí ijinui.
14501	PSA 37:30	Aents pegkejak shiig anentaimas chichawai; nuniak tuke pegkeja nunak chichawai.
14502	PSA 37:31	Nuniau asa niina anentainishkam Apajuí jintintuamua nunak tuke aneakui; ¡nuadui niig makichkish pegkegchaunmak iyaumaitsui!
14504	PSA 37:33	Tujash Tuke Pujuuk aents pegkegchauwa nunú maati tusag idaisashtatui; tuja nuigtushkam tsanumjujagmatai, achikag waitkastinme tusagkesh idaisashtatui.
14505	PSA 37:34	Tuja amek Tuke Pujuuwai kajinmamsam pujusta, nuniakum niina chichame umigkata; wagki nii aminak tikich aidaun nagkaesau etamtatui, dutijama nugkan anagtabauwa nuna amastinai. ¡Nuwi pujusam aents pegkegchau aidau jinuidau wainkatnaitme!
14509	PSA 37:38	Untsu aents antumtikmainchau intimkiu aina duka ashí ijina utsaam agtinai; nuadui ditak jinatnujin dakainawai.
14550	PSA 40:2	Wika Tuke Pujuu yainkati tusan niiyai kajitmamsa pujusan segabiajai; tusa segai nii antugtukmayi.
14552	PSA 40:4	Dutijak yamajam kantamtain Apajuí kantamjutain kantamati tusa jintinjuabi; nuna wi kantabau kuashat aents aidau anentain antinkabi, dutikam Tuke Pujuuwaig kajinas anentaibiagmayi.
14563	PSA 40:15	Aents aidau mina mantuawagtatus wakejutuina duka ame inatsakta; dutikamu asag, mina pegkegchau awajtuktatus anentaimaina duka datsantin pisagtinme.
14565	PSA 40:17	Untsu amina egapaina duka shiig aneastinme; tuja ame uwemtikagtinaitam nuna wakejuina duka: “¡Apajuíyai dekas múunta duka!” tusag tuke emematjamtin atinme.
14566	PSA 40:18	Tuja wi shiig senchi waitiakun wake besemag pujag nunú, minash wait aneasam Tuke Pujuuwah, kajimatjukipa. Ametme mina yainkam uwemtijinmek; nuadui Apajuíjuh, minash wamak yainkata.
14589	PSA 42:9	Tujash kashi kashinig Tuke Pujuu niina anenkega duwi minak yaintui; nuadui wishakam Apajuí mina pujutan suja nuna emematkun kashi kantamtanak mijattsujai, nuniakun segatnashkam segatskek idaitsujai.
14596	PSA 43:4	Nuwi wakan amina altarjumin jegantan, arpa awatkun amina ememattajame; wagki shiig aneasa pujuta nunú ame sujau asamin.
14726	PSA 51:3	Apajuíyah, amina anenkagmin wait anenjugta; tuja amina wait anenkagtutaigmin mina tudaujush tsagkugtugta.
14730	PSA 51:7	Wika dekas wi akiinawaitag duwi nagkamsanuk tudauwaitjai; tuja mina dukuju muntsujin muntsuaku asanuk tudau ayajai.
14731	PSA 51:8	Amek dekas aents ememachu dekaskenum chichauwa nunú aneame; nuadui shiig anentaimja pujut sujusume.
14732	PSA 51:9	Wi pegkegchau takamsamu mina anentaijui ajuta nunú hisopowai jaipja ajapjutuata, dutijuawamin pegkeg wajastajai; ashí minak nijatjata, dutijuawamin yujagkim pujuama nuna nagkaesau wajastajai.
14895	PSA 63:8	Ametme mina yaintumek; nuadui aminí yunumsan ame kuitamjusamin shiig aneasan pujujai.
14913	PSA 65:3	Amek ii segamash antugkagtame; tuja ashí nugkanmaya aidauk aminí mininawai.
14920	PSA 65:10	Ametme nugka kuitamnumek; tuja yumishkam yutumtikame, dutikam ajak aidaush tsapapitkame. Ame yumi yutumtikjamu betsaka akagak nugkan uchupjamtai, trigo aidaush shiig tsapainiag nejenawai.
14931	PSA 66:7	Apajuí niina senchijiya duwi aents aidaunak tuke inawai; untsu niina umigtan dakitin aidaunak niijai shiwagmagawainum tusa tuke diyakui.
14992	PSA 69:4	Untsu untsumkawan sagagjai; mina suweg dajautawai. ¡Apajuín daka dakakuan jiijuish yawegjai!
14994	PSA 69:6	Apajuíjuh, ame dekame wika pegkegchau ayajai; nuadui mina tudaugnak ugmaitsugme.
15021	PSA 69:33	Tuja aents Apajuín segau aidau wake besemag batsatuk, nuna wainkag shiig aneasagtatui; nuninak ichichmamjagtatui.
15022	PSA 69:34	Wagki Tuke Pujuuk aents waitiak wake besemag pujus sumaunak antujui; tuja niina aentsji aidau achikam batsamas waitiagtaish, dakitjag idaitsui.
15102	PSA 73:27	Aents amina nemagtamtan dakitauk, jinawagtinai; tuja ima aminig kajinas anentaimainachushkam ijinatnaitme.
15267	PSA 80:11	Imaniku asa nunú tsakaak muja aidaunak bikintu awajsabi; dutikak numi múun aidaunash nagkagag niina kanawen yutua asabi.