54	GEN 2:23	Nuna wainak aishmag chichaak: “Juka mina iyashjuiya pagae juki najanamui, nuadui niina daajig nuwa tutai atatui, wagki Apajuí aishmagnumian juki najadau asamtai.”
1506	GEN 49:32	Nunú nugka duka, ashí waa aidaujai hitita aentsu nugke aajaku sumakbauwai.”
1609	EXO 4:7	Nunikmatai Apajuí chichajak: “Ataktushkam dutiksamek detsepem achikta.” Tama ataktushkam inua detsepen achikui, dutika uwejen jiiki diikma yaunchuk iyashi aajakbaunak imanuk pegkeg wajasui.
3411	LEV 23:8	Tuja siete tsawantai Apajuí anentag suwamua nunú apeattagme. Tuja tsawan sieteya nuaduik atumi takatjig makichkish takasaigpajum, ayatak ijunjajum Tuke Pujuu ememattajum.”
3435	LEV 23:32	Nunú tsawantin atum ayamkujum ijagma yujumak yutsuk pujustatjume. Duka nantu sieteya duwi tsawan nuevetin aagkú nagkamna tsawag kashinia duwi agkuantai nagkantatui.”
3439	LEV 23:36	Untsu siete tsawantai Tuke Pujuu eme anentsajum nii anentag suwamu apeattagme. Tuja tsawan ochotin ayatak ayamku ijunjajum Apajuí anentag suwamu nii emematkujum apeatajum. Nunú tsawanta duka Apajuí tsawanji asamtai, makichik takatkesh takasaigpajum.”
5119	DEU 7:6	Wagki atumek ima Apajuí Tuke Pujuu tutaya nudau atinme tusa etegjamu ainagme. Nuadui atumnak ima niinuk atinun ashí aents nugkanmaya aina nuwiyan etegtamjauwai.”
5139	DEU 7:26	Nuniau asamtai, Apajuí diisam, waji pegkegchau aina nuninuk atumi jeminig awayawaigpa, Apajuí atumnashkam ijipawainum. Wagki nunú waji aina duka shiig pegkegchau asamtai, tsaika utsagbau atatui.”
5149	DEU 8:10	Tuja yutai yuwajum ejemagjum shiig aneasa pujakjumek, Tuke Pujuu atumi Apajuíjum kajimattsuk see titajum, nii nugka pegkejan amasu asamtai.”
5159	DEU 8:20	Atum Tuke Pujuu atumi Apajuígmin chichame umigtsugminig, nii atumi shiwaajum aidaun ijinatta dutiksag atumnashkam ijipattawai.”
5165	DEU 9:6	Juju shiig dekatajum: ¡Tuke Pujuu atumi Apajuíjiya nunú nugka pegkejan amastata nunak, atum ima pegkeg takau asagminkish amaschattawai! Atumek dekas chicham umichu intimkiu ainagme.”
5531	DEU 24:4	yama nagkamchak nuwatkauwa duka ataktu awagkig nuwatmaitsui, wagki nuwa pegkegmachu asamtai. Nunú nuniamua nunak Tuke Pujuu dakitawai. Nuniau asamtai atum aidautigmek nuninuk takasaigpajum. Atum nuniakjum Tuke Pujuu atumi Apajuíjum nugka amastata nunú pegkegchau emaijum.”
5549	DEU 24:22	Wagki atumshakam Egipto nugkanum inaku waitkatai batsamajakuitjum nunú aneaku atajum. Nuadui wi atum aidautigminak juju chicham ashí umiktajum tusan tajime.”
5553	DEU 25:4	“Tuja toro trigon dajag akaak wekaeta nuna wenig jigkatuawaigpa yuwati.”
5587	DEU 26:19	Tuja atum ima nigki umigkugmek, tikich aents aidau nii najankamu batsata nuna nagkaesau shiig kuashat, senchigtin, ajaantusa diitai atatjume, tusa Tuke Pujuu atumi Apajuíjum tujamui.”
5779	DEU 32:19	Nuadui Tuke Pujuu atumnak, niina uchiji nawanji ajuminig idaitamsaje.”
7189	RUT 3:15	Nunik pujuttaman Booz chichajak: “Jáanchjum atiam wegkukam shiig emetuata.” Tusa tima achika emetuamtai, cebadan cuarenta kilo nagkagas yajatuauwai. Dutika jigkatua aenskam Belén wakitkiuwai.
7258	1SA 2:16	Tusa tama aents ayaak: “Jasta, dekatkauk kuntinu wiyajin apeatjai. Dutikamtai ame wakegamu jukita.” Tama nii chichajak: “¡Tutsuk yamaikiuch sujusta! ¡Sujachkuminig wiki atankittagme!” tau.
8418	2SA 15:26	Untsu Apajuí wait anenjachu asa juwig pujusti tujutkuig, nunashkam nii wakegamua nunisag uminkati titatjai.”
8656	2SA 22:51	Ame apu ati tusa etegtuau asam, depetmatak tuké sujame. Ame minak, tuja mina uchig wegantujai amina anenkagmin tuké kuitamjame.”
13892	JOB 40:24	Nunú kuntinun makichik aentskesh achika, jii ukuituk wainmachu emamainuk atsawai. Nuigtush nujiin tigkajua daekai wegak anaa emetmainuk atsawai.”
14106	PSA 16:2	Wi amina chichagkun: “Ametme mina apug pegkegnum yainnumek, tikich amea ibauk atsawai.”
15544	PSA 96:13	juju nugka juwi inamjatin mina nuna emtin pampaitnume! ¡Tuke Pujuu dekas iina nugken inamjatatus taattawai! Nunik taa aents aidau takasbaujin diijus etegjattawai.”
16072	PSA 119:106	Wi yaunchuk chichaakun, umiktajai tiuwaitag nunak, ataktushkam tajai: “Amina chichamem pegkegma nunak dekas umiktatjai.”
16503	PRO 1:33	Untsu mina chichamjun umigtauk makichkish ishamkagtutsuk agkan shiig pujustinai.”
17340	PRO 30:19	Duka juju ainawai: “Águila yakí wekaga nuna jintig dekamaitsui, tuja kaya aidaunmash dapi jintish wajuk awaki duka shiig dekamaitsui. Tuja lancha nayantsanum wekaga nuna jintishkam dekamaitsui; tuja wagkag aishmagkush imatikash nuwanash wakegawa dushakam dekamaitsui. Juju aina nuna shiig ejeyin dekamainchau dekapeajai.”
17755	ISA 1:31	Tuja atum ainajum anuiya senchigtina duka chijichi kagaju apeam megkagama numamtuk megkaejatnai. Niina tudauji aina nunuwai jii kegaujai beteka duka. Nuniau asa nunú chijichinak apea ajapeawai. Nuadui niina tudaujijai esatnai, tuja nuna ikagnamainuk makichkish atsutnai.”
17877	ISA 7:25	Tuja nain tepetpetu aidaunum pegkeg takatai aajabia duka jagki wajastinai, imanikmatai ishamainak makichkish duka wechagtinai. Ayatak uwig aidau, baka aidau yutai wajastinai.”
17892	ISA 8:15	Kuashat aents atum ainajum anuiya kayan tukumak iyajag jinuidau agtinai. Tuja kuashat achija yajubaushkam agtinai.”
17906	ISA 9:6	Nunú uchik apu David inamaajakua nuwi pujus ashí nugkanum inamjatnai. Nuniau asamtai agkan pujuta duka tuke atinai. Tuja nii inabaujig shiig emetjamu atinai, nii inabaujinig shiig takamu, ajantunisa niiniamu atinai. Nunak Tuke Pujuu ashí senchigtina nunú iina anempau asa dutikatnai.”
18251	ISA 28:17	Nunú jegamku, tunin ai tusa plomo nená diitia numamtin atatui shiig takamua nunú. “Atumek egiptunmaya aidau ayamjutpaktatui tajume, tujash ditanak asirianmaya suntag senchigtin aidau namak dujajak tajaka ajapama numamtuk ijinawagtinai.”
18325	ISA 31:5	Tuja chigki nanaak wekagas niina uchijin kuitamama numamtuk, Tuke Pujuu ashí senchigtina nunú Jerusalégnak kuitamak uwemtikattawai, dutika ayamjuk agkanmitkattawai.”
18362	ISA 33:13	“Atushat pujautigmek, wi dutikauwaitag nunú dekatajum, tuja tikiju pujautigmeshkam, mina senchijua nunú dekaskeapi titajum.”
18501	ISA 40:11	Uwija kuitamnujai betek niina aentsji aidaun kuitamak inimui. Uwig tsakat aidaunak pagkuk juki inimak, yama petsakbau aidaunak shiig puyatjus juki minawai.”
18521	ISA 40:31	Tujash ima Tuke Pujuuwaig kajinas anentaimaina duka yamajam senchin jukiagtin ainawai. Águilajai betek nanaakagtin ainawai, wekaekush yawegchagtin ainawai, makichkish yaweakchau shiig tupikaidiagtinai.”
18528	ISA 41:7	Dakumak najanin aina duka patakumtain, nugkutain orojai najanin aina nuna chichajuinak: ‘Pegkeg najanme, idaitsuk takasta’, tuinawai. Tuja martillowai takau aidauk, jiju awatug ikag najanin aidaun chichajuinak: ‘Achija umikum duka pegkejai’, tuinawai. Nuna tusag dakumka najanamu iyajai tusag clavowai achiawag ukuinawai.”
18550	ISA 41:29	¡Ditak shiig wainak ainawai! Dita dutikmainuk makichkish atsawai. Ditak dakumka najanamu waa ainawai.”
18584	ISA 43:9	Ashí aents aidautijum makichik ijunbaunmak ijunjatajum. Nunikjum tujuttajum atum ainajum anuiyash ¿yaita atakea duwi atinun pachis, tuja yaunchuk nagkaemajua nunash betek etsegnush? Nunin ataik juwi itantinme, dutikam nunú etsegtai antukag dekaskeapi titinme.”
18586	ISA 43:11	Ima wikitjai Tuke Pujuunuk; tikichik uwemtikagtumainuk atsawai.”
18588	ISA 43:13	Witjai yaunchuk nagkamsan Apajuínuk, tuja atakea duwish wiki atinaitjai Apajuínuk. Makichkish mina suwimkajun uwemtumainuk atsawai. Tuja wi dutikamua nuna emegkaumainush makichkish atsawai.”
18590	ISA 43:15	Witjai Tuke Pujuu, Israel aents aidaun najanaunuk. Witjai atumi Apajuíjum pegkegmanuk.”
18608	ISA 44:5	Nuwiya makichik chichaak: ‘Wika Tuke Pujuunuitjai’, tumamtinai. Tuja tikichik: ‘Jacob wegantu’, naamkatnai. Untsu tikichik niina uwejen: ‘Wika Apajuínuitjai’ tuu agatmamjatnai. Tuja nuigtu ikak agak, niina apachji daajin ‘Israel’ agagtinai.”
18638	ISA 45:7	Witjai tsaaptinun suwejai najanaunuk, tsawan pegkeg atinnash, tsawan pegkegchau atinnashkam, ashí nunak wi dutikajai.”
18639	ISA 45:8	“Ashí nugkanmaya aidauk ima pegkeg takat aina nunak takagtatui, duka Tuke Pujuu jegashik nayaimpinmayan akakea numamtuk atatui. Aatus aents aidau pegkejan takainak uwemtan jukiagtinai.”
18648	ISA 45:17	Tuja Israel aents aina nunak Tuke Pujuu tuke batsamsatnun uwemtijatnai. Nuadui ditak wainka inaku waitkatai, dushiktaig achagtinai.”
18650	ISA 45:19	Wika aents aidau antachbaunum suwenum uumka pujusnuk chichatsjai. Tuja Israel aents aidaun susashtinaitkunuk, segattajum amastajime tusanuk anagkuatsjai. Wika Apajuí dekasken pegkejan chichauwaitjai.”
18713	ISA 49:7	Tuke Pujuu uwemtikagtin, Israel aents aidaun Apajuíji pegkegma nunú, niina aentsji tikich nugkanmaya aidau kajejam, wainka inaku waitkatai batsata nuna chichajak: Wi atumnak etegkauwaitjim nuadui apu aidauk niina atuwe aidaujai atumi waipakag, eme anenjamsag, atumi emtimin tikishmag pujusagtinai. Nuadui wi atumin anagkuawaitjim nunak imatiksanuk umiktatjai.”
18801	ISA 54:8	Amina kajegkan, ujumak tsawan uumjukan idaisamiagme. Tujash makichkish kajimatmainchaun aneau asan, wait anenjabiagme’, tusa Tuke Pujuu amina uwemtijamjauwa nunú tawai.”
18817	ISA 55:7	Pegkegchaun takau aina duka nuninun wekaetutsuk idaisati, tuja pegkegchaun anentaimtin aina dushakam nunak idaisatnume. Ataktu wakitkijum Tuke Pujuu tsagkugkagtina nuwi minitajum, nuniagmin nii wait anenjamjagtatui.”
18868	ISA 58:12	Atum wegantu aidau yaakat yaunchuk tsaikbau aidaun ataktu jegamjagtinai. Dutikainak nunú jegamku kaya aepkamu aidau yumpunawai tusa shiig emetug umikagtinai. Dutikau asagmatai: ‘Yaakat peejamu tsaikbaun ataktu iwajin aidau’, nuigtushkam: ‘Jega tsaikbaun iwajin aidau’ tuu adaikagtinai.”
18924	ISA 61:11	Nuadui jigkai ajaamu tsapaama numamtuk, tuja ajak ayaunmaya tikich ajak tsapaama numamtuk, tsanumtsuk shiig takatan shiig aneasa pujutjai ashí aents aidaunum waji ajakaitkuish, Tuke Pujuu tsapapitnai. Nuadui shiig aneenak kantamiagtinai.”
18943	ISA 63:7	Isaías chichaak: “Apajuí anenken pachisan chichaakun, nii jutiin ayamjutpak kuashat dutikauwa nuna anentaimtusan kantamatasan wakegajai. Apajuík Israel aents aidaun wait anentau asa niina anenkega nuna ditan iwaintak kuashat yaigkui.”
19047	JER 2:13	“Mina aentsug aidauk jimajan tudaun takamsaje: Yumi pukuni pujutan sukagtina duka witjai, nuniaig mina kajimatjukiag idaitusaje. Nuninak yumi aimtain chigkaejaun tikichin umikaje.”
19178	JER 6:20	¿Wagka Sabá nugkanmaya kugkuin incienso jukigmesh itagtuaugme? ¿Wagka tikich nugka atushtanmaya kugkuin jukigmesh itagtuaugme? Atum anentag itaamu aidau, tuja mina emematjaku kuntin maa nuna neje ashí apeajum duka minak shiig awajtatsui.”
19188	JER 6:30	Nunin asagmatai ame idaisau asamin: ‘Plata pegkegchau asagmatai utsagbau’ tuu adaikagtinai.”
19208	JER 7:20	Nuadui wi kajekbaujui juju nugka junak aents aidaun, kuntin aidaun, numi aidaun, ajak aidaun, ashí ijinattajai. ¡Wi kajekbaujua duka jiijai betek kakajus kajinchauwai! Nunak dekas uminkatnun tajai.”
19222	JER 7:34	Tuja Judá wegantu aidaun yaaktaji aidaunum jiistamku kantabau, shiig aneamu, nuwenbaunum shiig aneaku kantabau aajabia nunak ashí emegkagtatjai. Dutikamtai Judá aents aidau nugkega duka bashiak itajak wajas asattawai.”
19268	JER 9:23	Dekas eme anenmamsatatus wakegakug, wi Tuke Pujuu ashí senchigtinaitag nuna shiig dekaa umigtak eme anenmamainai. Wika nugkag anenkajai takajai, nuadui anenka nunú tsanumtsuk shiig takamua nujai shiig awajtawai.”
19380	JER 14:18	Jiinkin ajanum wekaman, aents aidau puyajai kajegkam batsatun wainjai, tuja yaaktanum waikmanchakam, nujantai jinuidaun wainjai. Imanitaish profetakesh, sacerdotekesh, wagkag imaniawa nunak puyatjutsuk wainak tikich nugkanum yujawai’, tujutmayi.”
19563	JER 23:10	Juju nugkanmak, ayatak aents pegkegchaun takau aidau, pegkegchaun takastatus tupikatin aidau, apu adaikam nuna anagma tikichi waitkau aidau aatus batsatui. Nunin asagmatai juju nugkanak Apajuí pegkegchaunum yumigjauwai. Dutikamu asamtai chijichi kagaka megkaejamtai, juju nugka juka uwejush wajas asae.”
19570	JER 23:17	Nunidau asag mina chichamjun dakitin aidaun chichajuinak: ‘Tuke Pujuu tujamui, utugchatak atsugtamiagtatui’, tuinawai. Tuja aents dita wakegamunak takaina nuna chichajuinak: ‘Makichik suwimkakesh jukishtatjume’, tuinawai.”
19774	JER 31:14	Sacerdote aidaushkam dekas yutai shiig pegkeg aidaun yuwawagtinai, tuja mina aentsug aidaushkam, wi ditan susagtinaitag nunak dita atsumamun nagkaesau jukiagtinai, nuninak shiig anediagtinai. Witjai Tuke Pujuunuk, nunak dekas tajai.”
19779	JER 31:19	Ii aidautik ame umigtsuk wainka yujasji, tujash awake anentaimja ii pegkegchau takamsamu anentaimtusa, pempeentumaki iina bakui iju yujaji. Yaunchuk datsa asa pegkegchau takamsamu anentaimtusa datsaamaji’, tuidau.”
19797	JER 31:37	Untsu wi ditan anagkuawaitag nuna, dita pegkegchaujin idaisatag takunuk, makichik tsawantai nayaimpin ashí dekapa ashimak, nugka initkenash ashí ejeyagmatai idaisatnaitjai. Witjai Tuke Pujuunuk nunak dekas tajai.”
20938	EZK 18:20	Múun uchigtin aina duka, niina uchiji aidau pegkegchau takamsamujinig suwimkanak jumaitsui, tuja uchi aina dushakam ditá apaji aidau pegkegchau takamsamujinig suwimkanak jumaitsui. Ayatak nii pegkegchau takasbaujin suwimkan jukittawai, untsu nii pegkejan takasuk waji pegkejan jukitnai.”
21358	EZK 33:9	Untsu nunú aents chichagkum: ‘Tudaujum idaisata nunikam pujutjum iwajata’, tusa ujamaitak, nunú antutan dakitakug niina tudaujinig jakattawai. Nunikmataish amek ujaku asam bakumashtinaitme.”
21369	EZK 33:20	Tuja Israel aents aidau ataktushkam pegkegchaun chichagtuinak: “ ‘¡Apajuík shiig takatsui!’ tujutuinawai. Tujash wi Israel aents aidaunak maki makichik dita takasbaujin diigsag suwimkan susatnaitjai.”
21371	EZK 33:22	Tuja nunú aents eke taatsaig, Tuke Pujuu niina senchijin kashi mina egkemjutak, chichachu awajtusmayi, tujash kashinia duwi nunú aents uwemjau tatai, Apajuí ataktu chichamtijukmayi.”
21392	EZK 34:10	Uwija kuitamin aidauwah, wika yamaik atumnak shiwagmajime, mina uwig aidau kuitamkatajum tiuwaitjim dusha betekash umikujum nuna dekajuattajime. Dutikakun mina uwig aidaun apuji ainajum nunak jiiktatjime. Nunak dutikattajime ima atumek anenmamkujum mina uwig aidau yuu batsamijum tusan. Dutikan mina uwig aina nunak ataktu yajuakan ijumjattajai, tawai tusam ujakta.”
21480	EZK 37:14	Tuja wi atumnak mayati iwaku pujutan amastatjime, dutika ai atumek aneantatjume, nunikagmin atumin nugkeminig batsastatjime.’ Nuadui: Dekas Tuke Pujuuwap nii tibaunak betek umike, titatjume. Witjai Tuke Pujuunuk, nunak dekas uminkatnun tajai.”
21943	DAN 4:34	“Nuadui wika Apajuí nayaimpin apujiya nuna emematjai, wagki nii takamujiya duka betek shiig pegkeja nuadui. Aents emebauwa nunak Apajuí inatsawai. Wika apu Nabucodonosoraitjai. Wi nunak dekas tajai.”
22187	HOS 2:15	Tuja dakumkamu aidaun emematak incienson apejakui, nuigtush mina kajimatjuki, niina pakijin pataetak patakumtain patakuma, nugkutain nugku nugkus iwagmamag weawai. Nuni wekagu asamtai wi suwimkan susattajai. Witjai Tuke Pujuun, nunak dekas tajai.”
22197	HOS 2:25	Mina aentsug aidaunak Israel nugkanum ima midauk agtinun batsastinaitjai. Dutikan chichagkun: ‘Atumek mina aentsjuchu ayugme, tujash yamaik mina aentsug ainagme’, titinaitjai. Untsu dita chichagtuinak: ‘¡Ametme iina Apajuíjig!’ tujutiagtinai.”
22205	HOS 4:3	Iman wajas au asamtai, aents aidauk buutuinawai, nuninak kakaagchamin dekapenawai, tuja kuntin ikamia aidaush, chigki aidaush, namak nayantsanmaya aidaush ashí jinuinawai.”
22247	HOS 6:11	Tuja Judá wegantu aidautigmeshkam pegkegmauchik ainatsjume, nuadui atumshakam suwimak jukittagme. “Nunú ashí nagkaemagmatai, mina aentsug aidaunak dita nugken waketjati titinaitjai.”
22318	HOS 11:9	Wika atumnak kajekbautkek suwimkanak amaschagtatjai, Tuja Efraín wegantu aidaunak ataktuk ijinashtinaitjai, wagki wika aentschauwaitjai, wika Apajuíyaitjai. Witjai Tuke Pujuu pegkegmanuk, wika atumjai ijutkau pujajai, wika atumin ijinatasanuk tachmajai.”
22435	AMO 1:2	Nunak aatus tiuwai: “Tuke Pujuu kajeka Jerusalén pujus chichataik, chijichi aidauk kagaka jinawai, tuja muja Carmelonum ajak pegkeg wegajushkam kagaka jinawai.”
22443	AMO 1:10	Nuadui yaakat Tiro peejamua nunak apejuattajai, dutika ai nunú kegak apu pujusa inamtain ashí apeattawai.”
22448	AMO 1:15	Tuja dita apujinak, niina atuwe tikich apu aidaujai achikag, yaja tikich nugkanum jukiagtinai. Witjai Tuke Pujuunuk, nunak dekas uminkatnun tajai.”
22451	AMO 2:3	¡Dita apujinak, tikich apu eme anentsa diitai aina nujai ashí wi ijinattajai! Nunak Tuke Pujuu dekas uminkatnun tawai.”
22453	AMO 2:5	Nuadui Judá wegantu aidaun yaaktaji aina nunak apejuattajai, dutika ai nunú kegak apu pujusa inamtai aidau Jerusalén ayá nuna apeattawai.”
22474	AMO 3:10	Tuke Pujuu chichaak: “Samarianmaya aidauk shiijak takainatsui, aents aidaun mainak wajiji yajutkamu aidaun dita pujusa inamtaijin ijumag batsamtawai.”
22476	AMO 3:12	Tuja junashkam Tuke Pujuu chichaak: “Uwija kuitamin uwigji yujam ayamjuktatus maanitkush ayatak jimag nawe ampigbaun nuniachkush kuishi ampigbaunakesh, juwama numamtuk atum samarianmaya aidautijum Damasconmaya jáanch pegkeg ainkajum kaji batsatjum duka pisakjum piipich jukijum pisagtatjume.”
22482	AMO 4:3	Atumek yaakat peejamu agkaju aidaunum eteemajum maki makichik jiinjatnaitjume. Nunikagmin muja Hermógnum utsampakagtinai.” Nunak Tuke Pujuu dekas uminkatnun tawai.
22507	AMO 5:15	¡Pegkegchauwa duka dakitjatajum! ¡Pegkeja nunú waketajum! Apu chichama epegkin aidautigmek, shiig betek chicham iwajatasajum anentaimtajum. Nuniagminig Tuke Pujuu, Apajuí ashí senchigtina nunú Israel aents aidau ujumak iwaku batsata nunash wait anenjachajaintash.”
22570	AMO 9:6	Tuke Pujuu niina jenak nayaimpinum umikui, untsu nuna ichichiagtinun nugkanum umikui, nayantsak bukuiti yakí weawai, nunik yumi najanea ataktu yuta nunak Apajuí dutikawai.” Niina daajig “Tuke Pujuu” tawa nunuwai.
22571	AMO 9:7	Tuke Pujuu chichaak: “Wi diismak Israel aents aidautigmek etiopíanmaya aidaujai betek ainagme. Atum Egipto nugkanum batsatutigmin jiijan ikaunmawaitjim dutiksanuk, filisteo aidaunashkam Creta nugkanum batsatun jiijan ikaunmauwaitjai. Tuja arameo aidaunashkam dutiksanuk Quir nugkanum batsatun jiijan ikaunmauwaitjai.”
22653	MIC 1:5	Duka Israel aents aidau intimtaijin, tuja dita tudaujin nuniktinai. Israel aents aidauk Samaria nugkanum pegkegchaun takamsau ainawai, untsu Judá wegantu aidauk wainka apajuímtai dakumka najanamu aidaun Jerusalégnum jegamjujag nuna emematujaku ainawai.”
23162	MAL 1:4	Tuja Esaú wegantu Edom aents aidau chichainak: “Iina yaaktaji aidaunak tsaigtamkau ainawai, dutikau ainakuish ataktu yaaktamkagmi”, tumain ainawai. Tusa tiagtai Tuke Pujuu ashí senchigtina nunú chichaak: “Yaaktamkatnume, dutikawagmataish wi nunak ataktu tsaigkagtatjai. Dita nugkeg: ‘Aents pegkegchau aidaun batsamtai’ tutai atinai. Tuja ‘nuwiya aents aidauk Apajuí tuke kajegtai agtin’ tutai atinai.”
23211	MAL 3:22	“Wi mina inakeg Moisésan chicham umiktin agagbaun, Israel aents aidau umikagtinun, muja Horebnum susauwaitag nunú adeagtajum.”
23234	MAT 1:21	“Nunú uchi akiinkui adaikata Jisus, ni aentsú tudaujin tsagkujug uwemtikatin asamtai.”
23412	MAT 7:27	Nunú nuninnum jegamkamunak yumi yutug dujajua piyujak, dase senchi umpuak yumpuag ajapama numamtinai.”
23465	MAT 9:17	Antsag vino yajatai duwap apagbau ajutnumag uva yumiji yamá ijugbaunak yajachu ainawai, dutikamak vino kajiak pushutak ipatmain asamtai, nunik vinok ukagag, duwapshakam ichiinak ajapnamainai. Tujash duwap yamagmanmag nunimaitsui, vino yamajam asa pushututaish ayatak egkenag wetai nunisag pegkejak amainai.”
23528	MAT 10:42	Makichik aentskesh mina nemagtin imanchauch aina juna, yumin shikisá suwauk, dekaskenum niishkam wají shiig pegkeg suwam atinai.”
23547	MAT 11:19	Tuja wi Apajuí Uchijiyaitkun Aentsmagan Akiinaun yutainash yuwakun, umutain umakuish: Ju aentsua juka ayatak wekagas yu wekaewai, umutnash umú wekaewai, nuniau asa apú kuichkiji atinun yajumin, nuigtú tudaugtin aina nuna kumpajiyai, tujutjume. Tujash Apajuí umijuidau wajuk pujuinawa nuna wainainak, Apajuí yachajiya nunak dekamain ainawai.”
23554	MAT 11:26	Dekaske Apawah, amek aajam wakegame.”
23558	MAT 11:30	Tuja wi atum chicham umiktinun amajim juka, utugchatak atsawai yupichuch umimainaitjume.”
23579	MAT 12:21	Aents judiuchu aidaushkam nuna wainainak dekas niimpap iinash uwemtijamjattawa tiagtinai.”
23595	MAT 12:37	Pegkeg chichajakutinak suwimkanak amaschatnai, untsu aents pegkegchau chichajakú aidaun suwimkan susatnai.”
23603	MAT 12:45	wakitki siete wakan niina nagkaesau pegkegchau aidaun yajuak egkemtawai. Dutikam aentsuk duwik pegkegchau aajakbaunak, nuní nagkaemas shiig pegkegchau wegawai. Atumshakam jujú aents imatika wakan chimpimtuamu wajukea numamtuk wajaktatjume.”