1456	GEN 48:4	aatus tujutiabi: ‘Antukta nijah, wi aminak kuashat uchin uyujtuktatjame, dutika ai ame wegantu aidauk kuashat kawegkag nugka muunnum yaaktamak batsamsagtinai. Tuja nuigtushkam ame wegantu aidaun juju nugkanak susatnaitjai. Nuadui ajumaish tuke ditanu atinai’.
15530	PSA 95:10	Nuadui nunú aents aidaun dakitjan cuarenta mijan pujubiajai, nuniakun: ‘Juju aents aidauk shiig wainak yujawai; núnidau asag mina chichamjunak umigtuinatsui’.
18498	ISA 40:8	Dupag kagaka jininai, tuja yagkugshakam kagaka kakenai. Tujash Apajuí chichameg makichkish megkaekashtinun tuke auwai’.
19386	JER 15:2	Tuja tuwi shiyaktatji tusa inimpainakuig ame ayaakum: “ ‘Nii jatai jakati tibauk nunisag jakati; tuja nii maaniamunum jakatnuk nunisag maaniamunum jakati; untsu nujantai jakatnuk dushakam nunisag nujantai jakati; tuja achija yajuakam yujas waittsatnuk nunisag waittsatnume’.
21923	DAN 4:14	Aatus Apajuín aentsji ángel aidau suwimkan susatnuwe. Nunak dutikatnuwe, wagki Apajuí nigki ashí wagakua nunuwai apu aidaun inauk, tuja apu atinnashkam nii wakegamun etegkeawai, aikasag makichik nugka apuji atinnash aents aidaunmayan imanchauchin etegka apu emawai tusa aents aidaun nuna iwaintuktag tusa dutikmae’.
21927	DAN 4:18	tuja nuna dukeg pegkeg samekbau, tuja shiig kuashat nejeku asamtai, ashí nugkanmaya aidauk nuwiyan yuwawag batsatu, tuja kuntin aidauk nuna wajauti bikintunum batsamas ayamaidau, chigki aidaush nuna kanawen pasugmaidau kajamjaum duka, ame ashí tikich aidaush nagkaesau wajasum nunú kajanum wainmamkaume. Tuja amina imanjumea duka nayaimpinash antigke. Nuigtush ame inabaugminak ashí nugkanum dekainawai’.