3	GEN 1:3	Nuadui Apajuí chichaak: “¡Tsaaptin weti!” tusa tamawaik, tsaaptin wajasui.
271	GEN 11:4	Dutikainak: “¡Kaunatajum yaakat najanawagmi, dutikaku kumpin jiika, nuwi eke ekenkawa nayaimpinum iwakmi! ¡Ibau umiku asaja, eme anentsa diitai atin amí! Tuja pampagka tikich nugkanmak shimutsuk juwig tuke batsamsatin agmi”, tuidau.
300	GEN 12:1	Makichik tsawantai Apajuí Abragkan chichajak: “¡Amina nugkem, pataim aidau, apa jeshkam ukukta, nunikam wi ame pujustinun nugkan inaktustatjam nuwi wetá!
327	GEN 13:8	Nuadui makichik tsawantai, Abram Lotan chichajak: “¡Amek mina yatsujun uchijiyaitme, nuadui iik pempeentunikik kajegdaimaitsuji! Tuja amina tagkugmin kuitamin aidaush, mina tagkujun kuitamin aina nujaig kajegdaya yujamaitsui.
387	GEN 16:5	Nunitai, Sarai Abragkan chichajak: “¡Mina inakeg Agar dushiktak chichaman umigtatsu duka utugchatak aminui! Wi amina nuwem ati tusan amasbaijame, dutikamaitak, yamai amina uchigmin ejapjuk mina nagkaetasu ememawai. Tujash ima Apajuíya duke tujamti, yakita juna utugchatan apujush wiyashitag, atsa ameashitam”, tiuwai.
395	GEN 16:13	Tusa tima, Apajuíjai chichasu asa, dekas amek “Apajuí wainbauwaitme” tusa puyatuk nigki anentaimas: “¡Apajuínap wainkaja, imanun wainkanush jakachjapi, iwaakjapi!” tiuwai.
416	GEN 17:18	Nuna tusa Abraham Apajuín chichajak: “¡Untsu utusamek Ismael kajimatjuttsuk ame pegkegnum yumigtugsam tajai!” tau.
431	GEN 18:6	Tusa tiagmatai Abraham niina aakjin waya nuwe Saran chichajak: “¡Harina pegkeg diisam veinte kilo jukim wamkesam pag najanata!” tiuwai.
452	GEN 18:27	Tusa timatai, ataktushkam Abraham Apajuín chichajak: “¡Wait aneasam tsagkugtugta! Amek Apajuíyaitme nuniaminig wika aents wainkauchitkun juna iniajame.
467	GEN 19:9	Tusa tutai dita aínak: “¡Amek menasta! Ame iina apuji najaneamek juka aikawaigpa tusamek tikich nugkanmayayaitkumek tukagtumaitsume. ¡Yamaik, amina dita dutikmainaitag nuni senchi dutikattajame!” tusag Lotnak suwimaidau waitijin tegagkatag tusag.
472	GEN 19:14	Tusa tima Lot niina nawanji aishi agtinun ujaktatus weuwai, nunik ditan chichajak: “¡Wamak nantagjum juju yaaktanum pujutsuk jiinjatajum, juju yaaktanak Apajuí tsaiktatui!” tau. Tusa tamaitak, wainkas tuu wekagatai tuidau asag antugkachaju ainawai.
473	GEN 19:15	Nuniaig tsawau asamtai, Apajuí aentsji ángel nayaimpinmaya aidau Lotan chichajak: “¡Wamkesam nantakim amina nuwem nuigtu jimag nawanjumea nujai jukita! Juju yaaktanmaya aidau suwimak suwaku tsayajin atumesh jakatag tachakjumek”, tau.
475	GEN 19:17	Dutikawag yaaktan ukumtikiag makichik ángel chichajak: “¡Wamak tupikakum uwemjata! Ukuujum diisaipa, tuja juju paka aina juigkik makichkish wajatash wajantaipa, ayatak mujanum wetá jakatasam wakegashkumek”, tiuwai.
524	GEN 21:10	Nunik Abrahaman chichajak: “¡Juju nuwa inaka juka uchijijai jiiki awemata! wagki uchi inaknum akiinauwa duka mina uchijua jujai betekak amina wajijum aina nunak jumaitsui”, tiuwai.
550	GEN 22:2	Tutai Apajuí chichajak: “¡Amina uchijum makichkiuch asamtai, senchi aneam nunú jukim niijai Moria nugkanum wetá! Nuwi jegam wi mujan iwaintuktatjam nuwi uchijum maa apeakum mina emematjita”, tiuwai.
585	GEN 23:13	nunik dita emtin Efrógkan chichajak: “¡Wait aneasam antugtukta! Wi kuichkin nugka akiken amaag duka wait aneasam jukita. Dutikawamin wisha anentag mina duwag jajutka nunash ukustajai”, tau.
587	GEN 23:15	“¡Mina apujuh antugtukta! Nugkak akikai cuatrocientos plata najanamu. Tujash juna akikega duka chichamjuk pujuchmi. Dekas nuwem jaka duka ukusta”, tiuwai.
619	GEN 24:27	“¡Tuke Pujuu mina apug Abrahama Apajuíjig pegkegnum chichagtai atin ati! Dekas amek mina apug wait anentau asam anagkuamugmek umitskek idaisachume. Ame minashkam jinta inaktugsam, mina apug Abrahama patayin itajuaume”, tiuwai.
689	GEN 25:30	Nunik minis Jacob inajak pujaun wainak chichajak: “¡Wait aneasam minash anú yutai pachimjam kapantu emam inajam nunú ajamjusta, nujantai jajai!” tiuwai. Nuadui Esaú tawa nunak kapantu taku, tawai.
690	GEN 25:31	Tusa segam Jacob Esaún chichajak: “¡Kame amesh yapajakmek, eke yutain amatsaig ame iwai asam jumainaitam nunú mina ashí sujusta!” tiuwai.
704	GEN 26:11	Nuna tusa ashí niina aentsji aidaun chichajak: “¡Juju aentsun waitkauk, tuja niina nuwenakesh waitkauk mantamnattawai!” tiuwai.
709	GEN 26:16	Tuja Abimelecshakam Isaakan chichajak: “¡Wetá juwi pujam duka, amek jutii nagkaekagtasu shiig wiakuch wajasume!” tiuwai.
717	GEN 26:24	Tuja nunú kashia duik Tuke Pujuu Isaakan wantintuk chichajak: “¡Witjai amina apa Abrahama Apajuíjinuk, makichkish ishamkagtukaipa, wi aminak kuitamjame! Abraham mina chichamjun umigtukua duwi aminash aikasnuk pegkegnum yumigsan, amina uchigmin uchiji wegantu agtinashkam ikauntuktatjame”, tiuwai.
741	GEN 27:13	Tusa tutai dukuji ayaak: “¡Uchuchi amina pegkegchaunum yumigtamjamtaish duka minai juwakti! ¡Amek ayatak wi tajam duke umikta, nuniakum wamkesam weme, jimag chivo tsakat jukim itagtuata!” tau.
748	GEN 27:20	Tusa tama, Isaac uchijin iniak: “¿Uchuchi itugsamea kuntinush wamkesmesh wakemkaume?” tau. Tama Jacob ayaak: “¡Tuke Pujuu Apajuí ame emematnum nunú minak yainkamtai, wamak igkugmajai!” tiuwai.
753	GEN 27:25	Tusa timatai niina apaji chichajak: “¡Ayu uchuchih, ame kuntin maa inagkamu sujusta yuwatjai, nuna yuwan pegkegnum yumigsatjame!” tiuwai. Tama Jacob ayu tusa yutai umikbaun juki apajin susauwai. Dutikak nuigtushkam umutai vino uva najanamun ejetuauwai. Dutikam Isaac nuna yuwa umutainashkam uwajui.
764	GEN 27:36	Tutai Esaú chichaak: “¡Awis niina daajinak Jacob adaikau ainatai! ¡Aniau asa jimajá tsanumag midau amainun atanjukne! Nagkamchakush wi iwai asa jumainun atanjukmae, tuja yamaish wi pegkegnum yumignamainjun nigki atanjukne. ¿Tujash mina yumigtumainuk makichkish ukugtuschaumek?” tau.
767	GEN 27:39	Imattai Isaac niina chichajak: “¡Antukta nijah, amek atushat weme, juju nugka pegkeja juka ukuakum, nugka pegkegchaunum yumish yutachbaunum pujustinaitme!
775	GEN 28:1	Nuna aatus Rebeca timatai, Isaac Jacopan untsuka pegkegnum yumigkig, nii umiktinjin chichajak: “¡Juju nugka Canaágka juwiya nuwajaig makichkish nuwenatin aipa!
787	GEN 28:13	Tuja apu Tuke Pujuushkam niiyai ayaumas wajaun wainkauwai. Nunik wajas chichajak: “¡Witjai Tuke Pujuu, Apajuínuk, amina apachjum Abraham, nuigtu amina apa Isaac emematujaku aina nunuwaitjai! ¡Juju nugka juwi ame tepam junak amina, tuja amina uchigmin uchiji wegantu agtina nudau atinun amastatjai!
790	GEN 28:16	Tusa Apajuí tima Jacob shintaag, anentaimas: “¡Dekas Tuke Pujuuk juimpap pujawa, nuniaigkiap wika nunak dekachmaja!” tiuwai.
791	GEN 28:17	Nuna tusa senchi ishamkauwai, nunik anentaimas: “¡Juju nugka juka Apajuí etegkamu dekas shiig pegkegmai, juwi dekas Apajuí jeeg awai! ¡Juwi dekas nayaimpin waitijiya duka awai!” tiuwai.
817	GEN 29:21	Nuna mijanan ejeyi Jacob Labágkan chichajak: “¡Yamai nawanjum sujusta, nuwatkatjai! Wi niina jukitasan imaan mijan takastajai tibaunak betek ejejai”, tiuwai.
842	GEN 30:11	Nunikmatai Lea chichaak: “¡Yajau jukichjai! Nuadui juju uchi daajig Gad atatui”, tiuwai.
898	GEN 31:24	Tujash nunú kashia duwi Apajuí kajanum Labán arameo aentsua nuna wantintuk chichajak: “¡Antukta nijah, Jacob augkumesh pegkegnum ausata, wainkam pegkegchauk chichagkaipa!” tusa tiuwai.
920	GEN 31:46	niina patayi aidaun chichajak: “¡Kaya juuktajum!” tusa tima kaya juukag ijumag tsakapiajui, dutikawag nunú kaya ijumja tsakapimunum ayaumas pujusag dita chicham umikbaun iwainainak yutain yuwawajui.
955	GEN 32:27	Dutika chichajak: “¡Akupjukta tsawawai!”, tau. Tusa tama Jacob ayaak: “¡Ame mina pegkegnum yumigtatsminigkik akupkashtatjame!” tiuwai. Tusa tama nunú aents Jacopan iniak:
970	GEN 33:9	Tama Esaú chichaak: “¡Atsa yatsuju, minak kuashat tagkuk ajutui, aminu aina duka aantsag aminuk agtinme, sujusaipa!” tiuwai.
1103	GEN 37:19	Dutika umigkaju asag chichainak: “¡Diisjua au kajamkagtinuwe nunú minawai!” tuidau.
1114	GEN 37:30	Nunik wakitki yachi aidaun chichajak: “¡Uchik atsawai! ¿Yamaish wisha wajukatjaki?” tau.
1117	GEN 37:33	Tama Jacob diistakama niina uchiji nugkutaijin wainkauwai, nunik chichaak: “¡Ehe juju jáanchia juka mina uchigdauwai!” tiuwai. Tusa chichaak: “¡Kuntin kajen pegkegchau aina nunú yuwae imatika shiig ichiajana!” tau.
1119	GEN 37:35	Imani pujutai ashí niina uchiji aidau, nawanji aidaujai anentain ichichtuinak kautuawajui. Tujash nigka dakitau anentaijun ichichtujatnume tusag. Nuniau asa: “¡Wika tuke buu buutkawa jakan niijai wainiakun, duwi wake besemag dekapeamugnak nagkaankattajai!”, tiuwai.
1144	GEN 38:24	Nunik idayas pujus kampatum nantu nagkaemai, Judán kautuawag chichaman ujainak: “Tamar amina uchigmi nuwe aajakua duka wainak aentsjai takama wekaekama ejapjuke”, tiajui. Tusa tama Judá senchi untsumak chichaak: “¡Nuwak jiiki jukijum apeatajum!” tiuwai.
1157	GEN 39:7	Iman asamtai, tikich tsawantai apu Potifaran nuwe Josén senchi wakejukui, nunik makichik tsawantai chichajak: “¡Iijai kanagmi!”, tiuwai.
1162	GEN 39:12	nuwa Josén jáanchjin achika emetua chichajak: “¡Iijai kanagmi!” tau. Tujash Josék dakitau asa tupikaki jiinak, niina jáanchjin awimak ukukiuwai.
1164	GEN 39:14	nunú jeganum tikich inak aidau batsatun untsuka ikaunman chichajak: “¡Diistajum atumesh, mina aishug hebreo aentsun juwi itagtamama nunú, iina dushiktamak mina jutijawai! Juwi tajutua iijai kanagmi tujutkui, wi dakitakun senchi untsumajai.
1238	GEN 41:42	Nuna tusa apu faraón niina patakumtaijin juki Josén patakuauwai. Dutika patakua chichaak: “¡Jáanch shiig pegkeg lino najanamu jukijum apegatajum!” tima dutiksag apegawajui. Dutikak nugkutai oro najanamunashkam anujajui.
1263	GEN 42:10	Tama dita aínak: “¡Atsa apuh! Ii amina inakem aidautik duka nuniatsji, ayatak trigo sumaktasa yujaji”, tiajui.
1309	GEN 43:18	Tuja yajuaka José jeen emam senchi ishamkajui nunik diták pempeentunikiag chichainak: “¡Junak anagtamak aikagmawai! Ii kuichik akikmakbaun awagtugmakbau egketu wainkabiag nuadui jutijamji, niina inake etami, ashí iina tagkuji aidaujai waitkagmastatus”, tuidau.
1311	GEN 43:20	Nunik jegantag chichajuinak: “¡Apujuh tsagkugtugta! Ii yaunchuk taamiag duka trigo sumaktasa taamiaji.
1322	GEN 43:31	Nunik buuti nagkanak yumin juki yapin niijai ataktu jegan niina wajijin kuitamnun chichajak: “¡Yutai pekastajum!” tusa inamjauwai.
1341	GEN 44:16	Tusa tutai Judá ayaak: “¡Ii tumainuk makichkish atsugtamji! ¿Iik takamsachji takuish wajuk ejetajiki? Apajuí iina pegkegchaujinak waitjamkaji. Nuadui ii aidautik ame shikika umutaigmin takaku wainnaka nujai, ashí amina inakem waigkagtatji”, tiuwai.
1342	GEN 44:17	Tusa tama José chichaak: “¡Atsa duka makichkish nunikchattawai, ima mina shikika umutaijun takaku wainnaka duke mina inataijuk atatui! ¡Untsu tikich aidautigmek shiig aneasjum agkan atumi apa pujamunum shiyaktatjume, makichkish atumin waitkagmamainuk atsawai!” tiuwai.
1360	GEN 45:1	José ugmamá pujumainchau dekapeak, niina inake aidau emtin tumainchau asa, senchi untsumak, tikich aidautigmek ashí jiinjajum shiyaktajum tima, jiinag ukukiajui. Nunikagmatai niina yachi aidaun chichajak: “¡Wika atumi yatsum Joséyaitjai!” tusa etsegtumakui.
1362	GEN 45:3	Tuja José niina yachi aidaun chichajak: “¡Witjai Josénuk! ¿Mina apajush iwakuk puja?” tau. Tama ditak ishamkag aimkashmin wajas ijuntsajui.
1363	GEN 45:4	Nuniagtai José ditan chichajak: “¡Aantsuk wait aneasjum juwi minai kaunatajum!” tau. Tusa tama jegantagmatai yachi aidaun chichajak: “Witjai atumi yatsum Josénuk, atum Egipto nugkanum sujutkauwaitjum nunú.
1383	GEN 45:24	Dutika ashí susam nuna jukiag shimiagtai José niina yachi aidaun chichajak: “¡Jinta wesajum wainkajum maani yujaigpajum!” tiuwai.
1387	GEN 45:28	Nunik Jacob chichaak: “¡Make yamaik mina uchig José iwaku pujamun dekajai! ¡Nuniku asan wisha wenu iwaku pujag juajuik mina uchijun waipaktajai!” tiuwai.
1417	GEN 46:30	Imanitai Israel Josén chichajak: “¡Jakautskait tuwamjame, tujash iwaku pujamin paan wainkajame, nuniku asan yamaik jaknush maak anentaimsan jakatjai!” tiuwai.
1436	GEN 47:15	Dutikamu asa Egipto nugkanmash, Canaán nugkanmash kuichik shiig atsutai, wajiyaik akikmakash yutainash sumaktinme nuninak egiptunmaya aents aidau Josén jegaji chichajuinak: “¡Wait aneasam yutai sukagtusta! ¿Kuichik atsujui nujantai jinatnume tusamek idaikagtustatam?” tuidau.
1452	GEN 47:31	Tama Jacob uchijin chichajak: “¡Dekas nunak umiktatjai! tusam yamaya juwik tujutta”, tiuwai. Tusa tama José ayaak: “¡Nunak dekas umiktatjai!” tiuwai. Tusa timatai Israel niina pegakji chaiken tsuntsuma tepes, Josén see tusa Apajuín emematiuwai.
1470	GEN 48:18	Dutikak: “¡Atsa apawah aikawaipa! ¡Juwai emkauwa duka, juna buuken uwejum untsugmea nuadui achikta!” tiuwai.
1473	GEN 48:21	Nuna dutika Israel Josén chichajak: “¡Antukta nijah, wika jakattajai; tujash Apajuí atumjaig pujuttawai! Nuniau asa atumi apachjumi nugkeenig awagtamkiagtinai.
1501	GEN 49:27	“¡Benjamígkak lobo kajen yukagtin kashikmas neje yuwa ajum agkuantai ampinjaun tinamkagtina imanai!”
1518	GEN 50:11	Nunú imatuidaun canaágnumia aents nuwi batsamin aidau wainkag chichainak: “¡Aunak egiptunmaya aents aidau jakaun ukuinak imatuinawai!” tuidau. Nuadui nunú nugka Jordágka yantamen etsa minitaiya nuni awa nunak Abel-mizraim adaikajui.
1525	GEN 50:18	Nuniai niina yachi aidaushkam kautuawag, niina emtin tikishmag nugkan nijayin antig pujusag chichajuinak: “¡Juwi pujaji, yamaik iik amina inakem ainaji!” tuidau.
1549	EXO 1:16	“¡Atum hebreo nuwa aidau uchigmitkakjum diistajum wajukuk akiinat! ¡Tuja aishmag akiinkuig maatajum, untsu nuwaitkuig idaisatajum!” tiuwai.
1552	EXO 1:19	Tama dita aínak: “¡Hebrea nuwa aidauk egiptunmaya nuwajaig betekchau ainawai, ditak senchigtin aina ibau asag, eke ii jegatsjinig diták uchigmainawai!” tuidau.
1555	EXO 1:22	Imanik Israel aents aidau kawedau asagmatai, Egipto nugka apuji ashí niina aentsji aidaun chichajak: “¡Yamai nagkamsagmek hebreo aents aidaun uchiji aishmag akiinuk ashí namaka utsaitajum, untsu nuwa akiinkuig idaisatajum!” tiuwai.
1564	EXO 2:9	Nunik ujak itanmatai, faraógka nawanji nunú nuwan chichajak: “¡Juju uchi amina jemin jukim tsakapatjugta, wi amina uchi kuitabaunum akiktajame!” tiuwai. Tusa tima uchinak niina dukujig juki kuitamak muumpitkajui.
1605	EXO 4:3	Tutai: “¡Nugka aepsata!” tau. Tama nugká aepsauwai. Dutikamuik dapi najaneauwai, nunikmatai Moisés nuna ishamak tupikau.
1607	EXO 4:5	“¡Amesh jutiksamek iwaintukta! Juna wainkag dekas iina muunji Abraham, Isaac, Jacob aajaku aina nuna Apajuíjimpap wantintuke tujamiagtatui”, tusa
1608	EXO 4:6	ataktu chichajak: “¡Jáanchjum inuam detsepem achikta!” Tama Moisés inua detsepen achikui. Nunik uwejen jiiki diikma jata lepra achikam shiig puju wajasun wainkauwai.
1616	EXO 4:14	Tutai Tuke Pujuu Moisésan kajejuk chichajak: “¡Awi amina yatsum Aarón Leví wegantu shiig chichau puja nuna wi wainag jamah! Nuigtushkam nii amina igkumpaktatus minawai. Tuja amina waipak shiig aneas jujamkittawai.
1621	EXO 4:19	Moisés eke Madián nugkanum pujuttaman Tuke Pujuu chichajak: “¡Egipto nugkanum wakitkita, amina mantamatatus egapagmaya duka ashí jinawaje!” tiuwai.
1623	EXO 4:21	Nunik wetatman Tuke Pujuu Moisésan chichajak: “¡Egipto nugkanum jegamek, Wi amina iwaintukjam duka faraógka emtinish imatiksamek mina senchiju amaag nujai iwaintukta! Wi niinak antakchau emattajai, dutikamu asa kakajus wetinme tujamchagtatui.
1627	EXO 4:25	Nunitai Séfora kuchii kaya najanamun juki, uchiji katiuchiji chuchuken tsupigkauwai. Dutika nuna juki Moisésa nawen antigkui, dutika chichajak: “¡Amek mina uchiju numpen yamaikish mina aishjuitme!” tiuwai.
1629	EXO 4:27	Nuna nuniai Tuke Pujuu Aarógkan chichajak: “¡Uwegshunum weme Moisés igkugkam utita!” tiuwai. Tima niishkam weji “muja Tuke Pujuu etegkamu pegkejam” tutainum waka igkug kumpamak yapiin kugkuasui.
1646	EXO 5:13	Tuja kashi kashinig Egipto apuji niina aentsji apu aidau Israel aents aidau takata takagtai diistin adaijamu aidaun chichajuinak: “¡Yaunchuk trigo tsupija suwamu asajum makichik tsawantaik wajupa najanmaijume duka imatiksagmek najanatajum!” tusag imatjuidau.
1657	EXO 6:1	Tusa tama Tuke Pujuu Moisésan ayaak: “¡Yamai wi faraógkan itugkattaja nunú wainkattame! ¡Wi mina senchijun iwaintuktatjai, dutika ai nii dekas atumnak jiinjatajum tusa tujamiagtatui!” tiuwai.
1667	EXO 6:11	“¡Wetá faraón pujamunum! núnikam Israel aents aidau Egipto batsata duka, idaisata jiinjati, tita”, tiuwai.
1765	EXO 9:22	Nunik batsatai Tuke Pujuu Moisésan chichajak: “¡Uwejum nayaimpinmanini takuita, dutikam bicha yutugti, nuniak ashí Egipto nugkanum kuntin aidau, aents aidau, ashí ajak aidaush ayá nuna ijinati!” tiuwai.
1779	EXO 10:1	Tuke Pujuu Moisésan chichajak: “¡Faraón pujamunum wetá! Wi niinak, niijai atueka takataiji aina nujai antakchau emattajai, wagki mina senchigjai wainchatai ishamain aidaun iwaintuktag tau asan.
1785	EXO 10:7	Nuna tusa waketjamtai, faraógka atueka takataiji aidau niina jegantag tuidau: “¡Au aents aina duka kuashta utugchata apujtugmas waitkagmainawai! Nuniau asamtai, dekas shiyaktajum nunikjum atumi Apajuí Tuke Pujuuwa nunú ememattajum, tita. ¿Amek waintsumek Egipto nugka tsainak patamsa duka?” tuidau.
1787	EXO 10:9	Tusa tama Moisés ayaak: “¡Jutii aidautik ashí iina uchiji piipich aidau, múuntuch aidau, iina nawanji aidau, iina uchiji aishmag aidau aatsa ashí yajuaka, nuigtu iina uwigji, baka aidaujaí yajuaka shiyaktatji! ¡Nunú atatui dekas jutii Tuke Pujuu emematuinaku shiig aneasa jiistamauwa nunú!” tiuwai.
1799	EXO 10:21	Dutikamtai Tuke Pujuu Moisésan chichajak: “¡Uwejum nayaimpinmanini takuita! Dutikam ashí Egipto nugkanmak shiig kanchi achikaish dekapmain wajasti”, tau.
1806	EXO 10:28	Tuja nuigtushkam faraón kajeka Moisésan chichajak: “¡Jiinkim wetá ataktu wakitkimek tajutuawaipa! ¡Ataktu wakitki juwi takminig maattajame!” tiuwai.
1807	EXO 10:29	Tama Moisés ayaak: “¡Dekas tame, ataktuk makichkish tajuashtatjame!” tiuwai.
1831	EXO 12:14	“¡Juju tsawantak tuke kajimatkishtin atajum! Juju tsawantin ijunjajum mina emematjakjum tuke jiistamtinaitjume. Junak uchi akiinak wedaushkam tuke dutiktin agtinme.
1871	EXO 13:3	Tusa tima Moisés nii wegantu Israel aents aidaun chichajak: “¡Atum Egipto nugkanum batsamsajum waitu batsatutigmin, Tuke Pujuu niina senchijijai juju tsawantin jiipaja nunú tsawan aneaku atajum! Nuniakjum nunú tsawantinig pag levadurajai pachimja inajuamuk yuwawaigpajum.
1903	EXO 14:13	Imatiagtai Moisés ditan ayaak: “¡Ishamkagtutsuk anentaim ichichiagtajum! ¡Nuniakjum Tuke Pujuu iina ayamjutpak dutikatta nunú wainkatajum! Yamai atum egiptunmaya aidau wainjum duka ataktu awagkigmek wainkashtinaitjume.
1915	EXO 14:25	Tuja carro kagketaiji aidaushkam kushatuk ukuinidau. Nuniagtai juwimainchau dekapenak untsumaidau. Nuninak ditak pempeentunikiag chichainak: “¡Auk Tuke Pujuu Israel aents aidaun ayamjak jutijai maaniak jutijamui, dekas pisajagmi!”, tuidau.
1916	EXO 14:26	Tusa imatiagtai Tuke Pujuu Moisésan chichajak: “¡Uwejum nayantsanmanini awentata, dutikamin yumi waketak egiptunmaya aents aidaun, ditá carroji aidaun, caballoji aina nujai yutua ijinati!” tiuwai.
1942	EXO 15:21	Imaniagtai María ditajai ijunag kantamak: “¡Tuke Pujuu eme anentsajum kantamjuatajum, shiwag caballonum maanin aidau entsatkau minidaun nayantsanum aepá ijinak depetmaku asamtai!” waja wajas kantamu.
1947	EXO 15:26	Dutika chichajak: “¡Wi Tuke Pujuu atumi Apajuígmetag nunú tabau puyatjusa antukjum wi wakegamu takakjum, chicham umiktinun wi amasuitjim nunú betek umiakjuminig, egiptunmaya aidaun jata awetiuwaitag dutikanuk atumnak makichkish awetishtatjime! ¡Witjai Tuke Pujuu atumi etsagaumainnuk!” tiuwai.
1951	EXO 16:3	Tusa chichainak: “¡Atumek nujantai jinatnume tusajum juju muja juwi itajatuaugme! ¡Awi batsamsaik waitiakuish, neje ollanum bete painka inagkamu shiig yuwa ejemaja pujuyaji, dekas Egipto nugkanum pujajinig Tuke Pujuu ijipati tumainus tichayagtai!” wajaidau.
1952	EXO 16:4	Imatiagtai Tuke Pujuu Moisésan chichajak: “¡Dita yuwatnunak nayaimpinmayan yumijai betek wi yutumtijattajai! Dutika ai makichik tsawantai yuwatnujin juuktinme. Nuadui dekattajai yaki dekas wi dutikatajum taja nunash betekash umikat, tuja yaki umikchat nunashkam.
1957	EXO 16:9	Nuna tusa Moisés Aarógkan chichajak: “¡Israel aents aidau ashí ujakta Tuke Pujuu emtin ijunjatnume! Nunikag antuktinme dita chichaman pataina duwish, Tuke Pujuush wajintig”, tiuwai.
1967	EXO 16:19	Dutikawagmatai Moisés ditan chichajak: “¡Makichkitigmekesh kashin yuwatnuk ampigjumek ukukigpajum!” tiuwai.
1986	EXO 17:2	Nuadui Moisésan jegajuawag chichajuinak: “¡Yumi sukagtusta uwajagmi!” tusa imatjuidau. Tusa imatjam Moisés ditan chichajak: “¿Wagka minash segatjume? ¿Wagka Tuke Pujuu senchigtuchua nunin chichagkugmesh ekajeagme?” tau.