23214	MAT 1:1	A ya ngagan na ngamin kiden gingginafu ni Hesus Kristu nga simsima ni mina Dabid ikid ni mina Abraham a ikid yan:
23231	MAT 1:18	A ya pakabida na pakeanak ni Hesusen a intu yan: Te dana nagbabidan da ya pagatawa nig Mariya ikid ni Hose, ammi ta aweda para la pagdorug a dana matarun na i Mariya gafu ta nehuga na Kahalwa na Namaratu ta matarun.
23264	MAT 3:3	te intu hala ya binida na aglavunen mina Isayas nga mapolu bit ta Dafu tam, petta dana iparan na ya tolay kiden. Te ya uhohug ni Isayas a intu yan: “Itta sangaw ya makipaita ta kawanan na babali, a iayayag na sangaw ya pangtabarang na ta tolay kiden, petta meparan kid mina ta datang na Dafu tamen, petta malogon mina ya iange na tekid,” kunna.
23305	MAT 5:2	A ya netuldu na tekid a intu yan:
23360	MAT 6:9	“A mappya mantu ta kumanin ya pakimallak muy: ‘Ay, Afu, nga Dama mi ta langit, ampade nonotan na ka mina na ngamin tolay sin, petta sa ikamat da ya ngagam,
23460	MAT 9:12	Ammi nedangagan na kid ni Hesus, a intu ya tumabbag tekid: “A on ay, te gagangay haman ta ange ya manguru en ta agyan na magtakit kiden, te yen haman ya makaapag tentu.
23589	MAT 12:31	“A gafu ta nepagsil muy ya dafu na anitu ta Kahalwa na Namaratu nga magyan teyak, itta mantu ya ibar ku tekamuy: Te maski am anu ya liwat na tolay ikid na pamadpadulay na ta ikattolay na kiden a mabalin ta mapakoma. Ammi ya mangipagsil ta dulay ta Kahalwa na Namaratu a awena pulus mapakoma.
23632	MAT 13:24	A ya takday para na keangarigan nga binida na tekid a intu yan: “Ya gagangay na pangikerutan na Namaratu a meangarig hapa ta uma nga namulan ta mappya na ammay.
23639	MAT 13:31	A ya takday ha na keangarigan nga binida ni Hesus a intu yan: “A ya keangarigan na tolay kiden nga iturayan na Namaratu a kuman kid na kaassangan na hukal nga nemula ta lutak,
23652	MAT 13:44	A ya kadwan kiden keangarigan nga netuldu ni Hesus a intu yan:. “Ya gagangay na pangikerutan na Namaratu a meangarig hapa ta addu na balituk nga nabayag nekali ta bangkag. Ammi itta hapa ya umange nagaradu ta bangkagen a nearadun hapa ya balituken. A gafu ta talak na ta gāsāt na en a tinappanan na ha bit ya balituken, te umange bit maglaku ta ngamin kiden kwa na petta itta sangaw ya igatang na ta bangkagen, petta kwa nan hapa ya balituken.
23712	MAT 15:10	A ta nepaguhohug ni Hesus ta isin a pake pinaabikan na hapa ya kadwan kiden tolay tentu petta madangag da hapa ya ibar na. “Pake dangagan muy ya uhohug ku tekamuy petta maawatan muy:
23765	MAT 16:24	A tentu en ha naguhohug ta ituldu na kiden a kumanin ya nebar na tekid: “Am itta ya mayat dumagdag teyak a mappya ta pagtalekudan na ya bari na, a attaman na ya zigat na pangurug na teyak, petta makadagdag teyak.
23854	MAT 19:23	A ta nepagtugut na lalaki en a nagbida ha i Hesus ta ituldu na kiden: “Kakurugan ya uhohug ku tekamuy ta pake mazigat ya isassarok na maba-nang ta pangikerutan na Namaratu.
23923	MAT 21:28	A ya uhohug na para tekid a “Nonotan muy mina ya keangarigan kin: Itta ya duwa na lalaki nga nagkabagis. A ya uhohug na dama da ta takdayen a ‘Aleng, e ka magtarabaku ta uma ta arawin,’ kunna tentu.
23942	MAT 22:1	A ya takday para na keangarigan nga binida ni Hesus tekid a intu yan:
23978	MAT 22:37	A ya tabbag hapa ni Hesus tentu a “Ya kadakalan na ngamin kiden lintig na a intu yan: ‘Iddukam ya Dafumewan Namaratu ta ngamin nonot mu ikid na ngamin kasikanan na barim,’ kunna.
24071	MAT 24:45	A ya takday para na keangarigan nga binida ni Hesus tekid a intu yan: “Ya mekwenta ta mekatalak ikid na makanonot a intu hala ya kuman na tagabu en nga awan mangilogot ta dafu na en, te idulot na la ya magpakan ta anak na kiden ta kuman na nebar na dafu na en tentu.
24108	MAT 25:31	A ya takday para na keangarigan nga binida ni Hesus a intu yan: “Am magtoli hala sangaw ya Tolayin taga Langit a pake mepaita ya ngamin kalalaki na, a mehulun hapa tentu ya ngamin na anghel na kiden. A am nakatogkok na ta agtuttudan na pagturay na,
24284	MAT 28:20	A sage ituldu muy kid hapa petta kurugan da hapa ya ngamin nepatarabakuk tekamuy. A nonotan muy yan: sigida itta yak la tekamuy nga mehulhulun abat ta pagaddetan na arawin yan,” kunna.
24285	MRK 1:1	Ya fun na Bida ni Hesus Kristu nga Anak na Namaratu ewan a intu yan ta kuman na nesurat na aglavunen mina Isayas: “Ya uhohug na Namaratu ta Anak na en a ‘Dangagam, Anak ku, te itta sangaw ya doban ku nga mapmapolu ammi teko, te intu sangaw ya mangipadangag ta iangem,’ kunna.
24295	MRK 1:11	A nepagka-ma na hapa kan ya naguhohug tentu ta langit: “Iko ya Anak ku nga matakit ta nonot ku. Pake matalakanak teko,” kunna kan.
24346	MRK 2:17	Ammi nedangagan na kid ni Hesus, a intu ya tumabbag tekid: “On ay, te gagangay haman ta ange ya manguru en ta agyan na magtakit kiden, te yen haman ya makaapag tentu. A bakkan ta yen ya umeyan ku sin petta padagdagan ku ya awanen ta liwat am awa seliwat kiden talo am magbabawi kid,” kunna tekid.
24394	MRK 4:2	A addu hapa ya netuldu na tekid ta keangarigan, a kumanin ya takday netuldu na:
24413	MRK 4:21	A ya kadwan kiden keangarigan nga binida ni Hesus tekid a intu yan: “Am napagatangan muy ya zilag ta bali a emmuy hud itagu ta umag na kalamba ono addun na agiddan, awa itun muy haman ta kabagawan na.
24546	MRK 7:14	A sangaw pinaabikan ni Hesus ya tolay kiden tentu, a nebar tekid ta “Pake dangagan muy ya uhohug ku tekamuy petta maawatan muy:
24680	MRK 10:23	A nesaned ni Hesus ya mata na ta ituldu na kiden kapye na ha naguhohug tekid: “Kuga mazigat ya isassarok na maba-nang ta pangikerutan na Namaratu,” kunna.
24743	MRK 12:1	A nedulot na ya pagbida na tekid ta keangarigan: “Itta ya takday tolay nga nagmula ta addu na unas, a inaladan na hapa ya kaunasan na en. A sangaw namadday hapa ta agdapilan ikid na ba-bali para magtaron kiden. A sangaw nepaābāng na ya kaunasan na en, te umange bit ta takwan na lugar.
24771	MRK 12:29	A ya neuhohug mantu ni Hesus tentu a “Ya fun na ngamin lintig na a intu yan: ‘Dangagan muy, ikamuy nga Istralita, Intu la dafu muy ya Namaratu ewan, a awan ta takwan.
24773	MRK 12:31	A ya mekaduwa na fun, a intu yan: ‘Iddukam ya kagittam tolay ta kuman na pangidduk mu hala ta barim,’ kunna. A ya duwa kidin lintig ya fun na ngamin kiden lintig na Namaratu,” kunna.
24957	MRK 16:15	A ya takday para na uhohug nga nesirak na tekid a intu yan: “E kam sangaw ta ngamin kiden lugar ta paglelehutin, te ipadangag muy ya damag na Namaratu ta ngamin tolay.
25008	LUK 1:46	A gafu ta matalak hapa i Mariya a ka-ma la magnot hapa: “Napannu ya nonot ku ta pangdayaw ku te Afu.
25117	LUK 3:23	A ta nepangrugi ni Hesus ta tarabaku na en a ittan ya tallufulu darun na. A kumanin hapa ya ngagan na dadagkal na kiden: I Hose en nga atawa ni Mariya a intu ya mekwenta ta dama ni Hesus. A ya dama ni Hose a Heli nga anak ni Matat.
25149	LUK 4:17	A negawat da hapa tentu ya lebru nga nesurat na aglavunen mina Isayas. A tentu en nangukad ta lebru en a apagan na ya lugar na ibasa na, a ya uhohug ni mina Isayas nga nebasa na tekid a intu yan:
25152	LUK 4:20	A tentu nabalin nangibasa a kinalaban na ya lebru en kapye na netoli ta nanggawaten tentu, a sangaw nagtuttud hapa petta mangituldu. Ammi sa gahgahalangan da hapa, te indagan da ya ituldu na. A ya nebar na tekid a intu yan:
25235	LUK 6:20	A sangaw imatubang i Hesus ta ituldu na kiden petta ituldu na kid, a ya binida na tekid a intu yan: “Ikamuy nga napanglaw a nagāsāt kanan, te Namaratu ya makkamu tekamuy.
25258	LUK 6:43	“A nonotan muy para ya gagangay na kayu: te am kakurugan ta mappya ya fun na kayu en a magmayan hud sangaw ta dulay awa mappya haman. A am dulay ya fun a magmayan hud ta mappya awa dulay hapa ya mayan na en.
25325	LUK 8:11	“A dangagan muy mantu ya pagbalinan na keangarigan ken: Ya hukal kiden nga nepurwak a yen kid ya uhohug na Namaratu.
25330	LUK 8:16	A ya nedagga para ni Hesus ta keangarigan na en a intu yan: “Am napagatangan muy ya zilag a awemuy haman itagu ta umag na kalamba ono addun na agiddan awa itun muy hud la ta tangngan na bali en, petta madakaran ya ngamin simarok ta bali.
25462	LUK 10:30	A gafu ta kumanen a takwan ya binida ni Hesus tentu: “Itta ta idi ya takday lalaki nga taga ili na Herusalem,” kunna. “A umange mina magpasyar ta ili na Heriku. Ammi kadulayan na te nelakap na tulisan kiden ta dalan, a pinalpaluk da abat ta magge nasi, kapye da ginubatan ya ngamin kwa na, kontodu barawasi na, a newagak da.
25476	LUK 11:2	A ya nebar ni Hesus tekid a “Am makimallak kam ta Namaratu a kumanin ya uhohugan muy: ‘Ay, Afu, nga Dama mi ta langit, ampade nonotan na ka mina na ngamin tolay sin, petta sa ikamat da ya ngagam, ikid na makituray kid teko.
25479	LUK 11:5	A ya netulfu na hapa ta netuldu na en nga pakimallak da a intu yan: “Am angarigan ta itta ya sangaili na takday tekamuy nga dumatang ta tangngan na hiklam, ikid na awan ta ipakan na tentu, a awena hud ange gumatut ta karuba na en?
25577	LUK 12:49	A ya netuldu para ni Hesus tekid a intu yan: “Yen ya umeyan ku ta lutakin petta ipurwak ku ya afuy ku ta ngamin tolay, a ampade gumatang kid na mina.
25679	LUK 15:22	Ammi nagayag na i dama na en ta tagabu na kiden: ‘Ibilag muy sin ya kaispotan na barawasi, te pagbarawasi na anak kin, a pangalap muy hapa ta sakalang na ikid na sapatos na.
25690	LUK 16:1	A ya takday hapa na bida ni Hesus ta ituldu na kiden a intu yan: “Itta ta idi ya magtaron ta pagba-nang na dafu na en, ammi itta hapa ya umange nangidanug tentu gafu ta afutan na ya ba-nang na; ‘Awem hud amu ta afutan na pinagtaromen ya ngamin kiden kwam?’ kunna kan ta naba-nangen.
25708	LUK 16:19	A ya uhohug para ni Hesus tekid a intu yan: “Itta ta idi ya naba-nang na lalaki nga kanayun nagbarawasi ta pake mangina na ga-gamit, a nesipat na ya kuman na kanan na magbaboda ta kinanghahaw.
25721	LUK 17:1	A ya kadwan para ituldu ni Hesus ta ituldu na kiden a intu yan: “Gagangay ta itta la itta ya dulay ta paglelehutin nga mamagliwat ta tolay, ammi pake mapa-gang sangaw ya gafu na dulayen nga mamagliwat tekid,
25857	LUK 20:9	A gafu ta kumanen a namegafu nagbida i Hesus ta tolay kiden nga umange hapa magdangag, ammi keangarigan ya binida na tekid: “Itta ya takday tolay nga nagmula ta addu na unas, a sangaw nepaābāng na ya kaunasan na ta kadwan, te umange nagpasyar ta takwan na lugar.
26025	LUK 23:21	ammi nafulotan kid nagayag: “Papasim, pagappam na ta krus,” kun na ayag da.
26246	JHN 4:21	A kunna sin hapa ya tabbag ni Hesus ta nebar na en: “Mappya, Aboy, ta kurugam ya uhohug ku teko, te ikamuy nga Samariyano a dayawan muy hala ya Namaratu, ammi awemuy pake amu ya dayawan muy. Ammi ikami nga Hudyo a amu mi ya dayawan mi, te ikami ya nangalapan na Namaratu ta mangikerutan ta ngamin tolay. A yen ta ibar ku teko ta mauli sangaw ya pangdayaw muy, te bakkan la sangaw ta bagetayewan ono ili na Herusalem ya pangdayawan muy ta Namaratu.
26413	JHN 7:16	Ammi ya tabbag ni Hesus ta uhohug da en a intu yan: “Maski am awek nagadal ta mistro muy kiden a bakkan hala ta iyak ya nagafun na itulduk tekamuy, te ya Namaratu ewan nga nangidob teyak ya nagafun na.
26464	JHN 8:14	A ya bida ni Hesus tekid a intu yan: “Maski am iyak hapa la ya mangtistigu ta barik a kakurugan hala ya pangtistiguk, te amuk haman ya nagafun ken ikid na datangan ku. Ammi tekamuy a awemuy haman amu ya nagafun ken ikid na datangan ku.
26551	JHN 10:1	A ya takday ha na bida ni Hesus tekid a intu yan: “Pake ibar ku ya kustu tekamuy,” kunna. “Am itta mina ya simarok ta agiafunan na kalneru kiden, ammi awena simarok ta agyan na irwangan, te apagan na ya takwan na unekan na, a talaga ta tulisan yen nga ange magtakaw ta kalneru kiden.
26606	JHN 11:14	A gafu ta kumanen a pake nebar na ta mappya tekid: “Nasin haman i Lasaru,
26693	JHN 12:44	A ta nepangkasaba ni Hesus ta tolay kiden a pinasikan na ye-yan na uhohug tekid: “Am itta ya mangurug teyak a bakkan la ta iyak ya kurugan na am awa nangidoben teyak hapa.
26829	JHN 17:1	A ta nekabalin ni Hesus nga nangituldu ta ituldu na kiden a tumangad na ta langit kapye na nakimallak ta Namaratu ewan: “Amang, ittan ya oras na Anak min, a ipasikkal mu haen ya pakedayawan ku ta tolay kidin, petta maita da hapa ya pakedayawam gafu teyak.
27012	ACT 1:20	(v16a,20) A ya tulfu na uhohug ni Pedru a intu yan: “A mappya mantu, kahkahulun, ta nagdulot ya nebar na Kahalwa na Namaratu gafu te mina Hudasen, te nesurat na haman ni mina Dabiden ta lebru na Kansyon kiden, te ya nebar na a ‘Mappya ta awan sangaw ta matolay nga masirak ta bali na en, a takwan mina ya metali tentu ta saad na en,’ kunna.
27090	ACT 3:25	A ikitanan mantu ya nagdulotan na ngamin binida na aglavun kiden, a sa mesipat kitam hapa ta nakitahatun na Namaratu ta dadagkal tam kiden, te yen haman ya uhohug na te mina Abrahamen: ‘Bendisyonan ku sangaw ya ngamin tolay ta paglelehutin gafu ta takday na simsimam nga magafu sangaw teko,’ kunna haman te mina Abrahamen.
27099	ACT 4:8	A pake napasinapān i Pedru ta Kahalwa na Namaratu ta pagtabbag na tekid:
27115	ACT 4:24	A gafu ta binida da en tekid a sa nagdadagga kid na nga makimallak ta Namaratu: “Ay Afu Namaratu, iko hala ya Dyos mi nga namadday ta langit ikid na lutak ikid na bebay ikid na ngamin kiden matolay ta paglelehutin.
27157	ACT 5:29	A ya tabbag nig Pedru tentu a “Awena mabalin ta magimmang kami mangituldu, te mapmappya ta Namaratu ya pake kurugan mi ammi ta sakā tolay mi,” kunda. A sangaw dinaggan ni Pedru ya tabbag na:
27187	ACT 7:2	A ya tabbag hapa ni Esteban a intu yan: “Kahkahulun ku ikid na am-amang ku, a attaman muy haen ya magdangag ta tabbag kin tekamuy, te ta palungu na araw a nakipaita kan ya Namaratu ewan nga seppakapangwa ta ginafu tamen Abraham ta iten Mesopotamya ta awena para la umalit ta iten Haran.
27233	ACT 7:48	“Ammi maski kunna ten, kahkahulun, a awetam mina pahig ta pagyanan na Namaratu ewan ya pinadday na tolay, te dangagan muy ya uhohug na Namaratu nga nesurat na aglavun na en:
27265	ACT 8:20	Ammi pake nehuya ni Pedru: “Pade la maapang ya pirak mina nga mehulun teko ta pangtaguhali na Namaratu, te pahig mu ta mapagam ya iatad na Namaratu ewan.
27289	ACT 9:4	A sangaw nadangag na ya nangbar tentu: “Salu, Salu, anu haman ta igakkad nak?” kunna.
27428	ACT 12:22	A sa giaggayan hapa ya tolay kiden: “Bakkan ta tolay ya maguhohugina, te intu haman ya takday na dyos,” kun na aggay da, te pangikin da la tentu.
27465	ACT 13:34	“A ya takday para uhohug na Namaratu ta gingginafu tam kiden nga mangibar ta katolay ni Hesus, petta awenan ha sangaw masi, a intu yan: ‘Bendisyonan ta kam hala sangaw ta magnayun na pagariyan, te awek ibabawi ya nekarik te Dabid,’ kunna.
27494	ACT 14:11	A ta pakaita na tolay kiden ta iningwa ni Pablu a naggihawa kid na: “Dyos tam yan kid nga nagbalin ta tolay,” kun na girawa da en, ammi awena naawatan nig Pablu, te negirawa da haman ta agsitang da hapa la nga agsitang na Likonya.
27518	ACT 15:7	A gafu ta nabayag kid hapa nagintabtabbag a nagtayuk i Pedru nga naguhohug tekid ta kunna sin na uhohug: “Dana amu muy, kahkahulun ku, ya nangidoban na Namaratu teyak ta idi, te intu haman ya makāuray ta iyak ya umange mangipadangag ta damag ni Hesus ta Hentil kiden, petta mangurug kid hapa.
27534	ACT 15:23	(v23,30) A tekiden nakadatang ta ili na Antiyoka a pinagaammung da ya mangurug kiden kapye da negawat ya suraten tekid. A ya uhohug na surat da en a intu yan: “Tekamuy mangurug taga ili na Antiyoka ikid na lugar na Siriya ikid na Silisya. Kumusta kam, kahkahulun. “A ya nagsurat tekamuy, kabagis, a ikami nga turin ikid na kalalaklakayan ta isin Herusalem.
27539	ACT 15:28	“A kumanen nakanonot kami gafu ta Kahalwa na Namaratu ta awan ta idagga mi ta gagangay muy fwera ta isin kid:
27614	ACT 17:22	A gafu ta kumanen a nagtayuk i Pablu ta nagtātangnganan na konsihal kiden. A ya binida na tekid a intu yan: “Ikamuy taga Atenas, a ta kuman na mariknak tekamuy a pake pakolangan muy ya ngamin na relisyon, te awemuy ikayat ta itta ya taliban muy nga dyos.
27769	ACT 21:37	A ta pakadatang da ta kampo a nesarok da mina i Pablu, ammi naguhohug bit ta kumanderen: “Itta haen ya ibar ku teko,” kunna.
27827	ACT 23:25	A ya surat na kumanderen ta Gubernador Pelis a intun yan:
27828	ACT 23:26	“Apo Gubernador Pelis: Umanu ka la, Apo?
27839	ACT 24:2	A ta pangisarok dan te Pablu a i Tertulo ya napolu nagbida, a nepadangag na ya pangidaruman na Hudyo kiden tentu: “Apo Gubernador,” kunna, “Kakurugan ta itta ya gatut mi ta mappya teko, te awan ta dulay ta lugar mi in gafu ta kappyanan na paggubernador mu. A addu hapa ya kesasipatan mi nga mappya gafu ta kallak mu tekami.
27878	ACT 25:14	A gafu ta medyo mabayag kid tentu a binida ni Pestu ya kabalud ni Pablu tekid: “Itta ya takday mabalud ta isin nga nesirak ni Gubernador Pelis.
27887	ACT 25:23	A ta kalalakwatan na a umange ha ig Ari Agripa ikid ni Bernisa, ammi nepaggiraw da hapa ya pagari da tekiden simarok ta agimbestigaran na gubernadoren, a nehulun hapa ya kumander kiden ikid na ba-nang kiden ta ili. A sangaw nangidob i Gubernador Pestu ta ange mangalap te Pablu. A ta nepangisarok dan tentu a nagbida bit ya gubernador en:
27905	ACT 26:14	A sa nahunnak kami ta lutak, a nadangag ku hapa ya mangbar teyak ta agsitang na Hudyo: ‘Salu, Salu, anu haman ta igakkad nak? Iko hala ya matakitan am ikuyat mu ya muduk ku,’ kunna teyak.
27915	ACT 26:24	Ammi tentu para la naguhohug a tinabtabang ni Gubernador Pestu: “Maguyung ka, Pablu, te paguyungan na ka na kaddu na adal mu,” kunna ta pagayag na tentu.
27946	ACT 27:23	Te umange nagtayuk ya anghel na Dyos kewan Namaratu ta hebing ken ta hiklamen, a nebar na teyak: ‘Awem la magburung, Pablu, te uray na Namaratu ta imatubang ka sangaw te Ari en Sisar. A dinangag na ya pakimallak mu ta kahulum kidina, petta awan sangaw ta masi tekid,’ kunna teyak.
27992	ACT 28:25	A gafu ta nagkakattway ya nonot da a nagtatugut kid na, ammi dana naguhohug bit i Pablu ta takday para la na uhohug ta awan kiden nangurug:
28248	ROM 9:25	A yen hapa ya dana nebar na ta surat ni mina Osyas: “A ya Hentil kiden nga awek pinili ta idi a yen kid hapa ya ikwentak ta tolay ku. Awek kid inidduk ta idi, ammi ta ayanin a iddukan ku kid na,” kunna.
28271	ROM 10:15	A awan hapa ta ange mangipadangag am awena medob. Ammi nonotan tam ya nebar ni mina Isayas ta surat na en: “Pake ispot ya umange kiden mangipadangag ta mappya en damag,” kunna.
28332	ROM 12:19	A awemuy hapa magbalat, kahkahulun, awa indagan muy hud la ya pangbalat na Namaratu ewan, te yen ya uhohug na ta surat na aglavunen: “Iyak sangaw ya mangbalat, a iyak ya magsupapak,” kunna.
28343	ROM 13:9	Te ya nagdadaggan na ngamin kiden pakkwa na Namaratu ta lintig na en a intu yan: “Iddukam ya kagittam tolay ta kuman na pangidduk mu hala ta barim,” kunna. A am pake kurugan tam ya tatakdayen ibar na a awetanan mantu makaliwat ta kadwan kiden ibar na, te awetam sangaw mangadallaw, ikid na awetam sangaw mamapasi, anna awetam magtakaw, a awetam maginggum.
28379	ROM 15:8	A pake ibar ku tekamuy ya gafu na neange ni Hesus Kristu: Immange ta Hudyo kiden petta ituldu na kid ta intu hapa la ya mangidulot ta nekari na Namaratu ta dadagkal da kiden, petta aweda pahig ta naliwatan na kid Namaratu ewan.
28380	ROM 15:9	Ammi bakkan la ta Hudyo kiden ya gafu na neaange na, te nesipat na hapa ya Hentil kiden, petta dayawan da hapa ya Namaratu gafu ta kallak na tekid. Te ya takday uhohug ta surat kiden gafu te Hesus a intu yan: “Mehulunak sangaw ta Hentil kiden ta pangdayaw ku ikid na pagkansyon ku teko,” kunna ta Namaratu.
28381	ROM 15:10	A ya mekaduwa en hapa na surat gafu ta Hentil kiden a intu yan: “Ikamuy Hentil, makipagayayat kanan hapa ta tolay kiden na Namaratu,” kunna.
28383	ROM 15:12	A ya mekappaten para ya inuhohug ni Isayas: “Itta sangaw ya meanak nga simsima ni mina Dyesi, a intu hala sangaw ya magturay ta Hentil kiden, a intu hapa ya ikatalak da petta mekerutan kid,” kunna.
28554	1CO 6:19	te nonotan muy yan: ya bari muy kidina ya kuman na bali na Kahalwa na Namaratu, te nesipat na ya Kahalwa na tekamuy petta pagyanan na kam.
28705	1CO 12:3	A yen ta pake ipalawag ku yan tekamuy: am itta ya magbida nga napasinapān ta Kahalwa na Namaratu a awena mabalin ta padulayan na i Hesus. Ammi am ibosag na i Hesus ta intu ya Dafu tam a ya Kahalwa na Namaratu mantu ya nagafun na uhohugan na.
29175	GAL 3:6	A mappya ta nonotan muy hapa ya kasasaad ni mina Abraham, te ya uhohug na suraten gafu tentu a intu yan: “Kinurug ni Abraham ya nebar na Namaratu tentu a yen ta nekwenta na Namaratu ta matunung i Abrahamen,” kunna.
29228	GAL 4:30	Ammi awetam mina burungan yen, te intu mina nonotan tam ya uhohug na Namaratu te Abrahamen nga nesurat ta kumanin: “Patugutam la ya tagabu ina ikid na anak na, te awena mabalin ta mesipat ya anak na tagabu ta kesipatan na anak na awan magtagabu,” kunna.
29231	GAL 5:2	A pake nonotan muy ya ibar kin tekamuy: te am pabanggitan muy ya bari muy gafu ta yen ya ikatalak muy ta mangikerutan tekamuy a awan mantu ta pakesipatan muy te Hesus.
29266	GAL 6:11	A ya isurat kun tekamuy ta mapozan a itan muy awa pake dakal ya letra na kiden petta pake nonotan muy ya ibar kin:
29376	EPH 5:5	te pake nonotan muy yan: ya magatattug, ikid na mangibida ta paglaham na, a awena sangaw mesipat ta pangikerutan ni Hesus ikid na Namaratu, kumanen hapa ta maginggum, te kuman na ikwenta na ya kaba-nang na ta dyos nga mangikerutan tentu.
29385	EPH 5:14	Yen ta itta ya takday uhohug na Namaratu nga kumanin: “Ikamuy nga kuman na masmasidug a mahukal kanan te pagdakaran na kanan na Ari en Kristu, te kuman na nasi kam,” kunna.
29463	PHP 2:5	Kumanen mina ya nonot muy, te kumanen hapa ya nonot ni Hesusen:
29628	1TH 1:1	Ikamuy taga Tesalonika, nga mangurug ta Dama tamewan Namaratu ikid ni Afu Hesus Kristu: Ampade sa ikallak na kam na Namaratu ewan, petta mappya kam la. A ya nagsurat tekamuy, kahkahulun, a ikami Pablu, a Silas, ikid ni Timotyo.
29717	2TH 1:1	Ikamuy taga Tesalonika, nga mangurug ta Dama tamewan Namaratu ikid ni Afu Hesus Kristu: Ampade sa ikallak na kam na Namaratu ewan, petta mappya kam la. A ya nagsurat ha tekamuy, kahkahulun a iyak, Pablu, a kahulun ku hapa ig Silas, ikid ni Timotyo.