23459	MAT 9:11	A ta nepakaita na Pariseyu kiden te Hesus ta makikkanan hapa ta bali ni Matyu a linibakan da hapa, ammi ya ituldu na kiden ya nangibaran da; “Anu haman ta makikkanan ya mistro muy ta agsingir kiden ta bwis ikid na dulay na tolay?” kunda.
23754	MAT 16:13	A tekiden umabikan ta ili na Sesariya Pilipo a itta ya pinohutan ni Hesus ta ituldu na kiden; “Anu kan ya pangitan na tolay kiden teyak am inya yak?” kunna tekid.
23757	MAT 16:16	A i Simon Pedru ya alistu tumabbag; “A iko ya Mangikerutanen nga netun na Namaratu ta pinakadama mi, te Anak ka na sigatolay na Dyos,” kunna.
23763	MAT 16:22	Ammi ta nepaguhohug ni Hesus ta isin a sang neadayu ni Pedru, kapye na nehuya; “Awem mina ibar ta mapapasi ka, Afu, te Namaratu ya makkamu teko,” kunna.
23774	MAT 17:5	Ammi ta paguhohug para la ni Pedru a imakban ya pake furaw na kulam a tinappanan na kid, a nadangag da ya maguhohug tekid ta umag na kulamen;, “Ye-yan ya Anak kin nga pake iddukan ku, a matalakanak hapa tentu. Mappya ta dangagan muy ya ituldu na tekamuy,” kunna.
23893	MAT 20:32	A nagtayuk hapa i Hesus, a binaran na kid; “Anu hapa ya pakkwa muy teyak?” kunna tekid.
23920	MAT 21:25	A ya pohut kin tekamuy a inya hud ya nangatad ta turay ni mina Hwanen petta mangzigut ta tolay, te ibar muy teyak am Namaratu, ono tolay la ya nangatad ta turay na?” kunna tekid. A gafu ta napopoyung kid na ta saludsud na en tekid a dana nagbabidan da bit ta melemad am anu mina ya tabbag da tentu; “A anu mina ya tabbag tam tentu, te am ibar tam ta Namaratu ya nangatad tentu a ‘Anu kawagan na mantu ta awemuy kinurug,’ kunna sangaw tekitam.
23945	MAT 22:4	A sangaw nangidob ha ya ari en ta kadwan para tagabu na, a nebar na hapa tekid ya bidan da; ‘Ibar muy sangaw ta ginawik kiden ta dumatang kid na ta pagpamakan kin, te nabalin na haman ya pagparti mi ta baka kiden, a sa neparan na ya ngamin kanan da,’ kunna tekid, a umange kid na.
24024	MAT 23:37	A gafu ta madamdam i Hesus ta pagdaram na sakā tolay na kiden a tinangitan na kid; “Ay, anak ku nga taga Herusalem; mamempiga yak mina nga nangikerutan tekamuy ta kuman na manuken nga mangukup ta piyak na kiden, ammi awemuy ikayat, awa pinapasin muy hud la ya aglavun kiden nga dinob na Namaratu ta mangaskasaba tekamuy.
24078	MAT 25:1	A sangaw binida ha ni Hesus ya takwan na keangarigan tekid; “Am magdulot sangaw ya pangikerutan na Namaratu ta pagaddetan na arawin yan a datangan na sangaw ya tolay kiden ta kuman na mafulu kiden babbalatang nga umange nakibodan ta hiklam. Tagtakday ya balatang kiden ta zilag da tekiden umange dimafung ta lalaki en nangatawa.
24124	MAT 26:1	A ta nekabalin ni Hesus nangituldu ta keangarigan kiden ta ituldu na kiden a takwan na ya nebar na tekid;
24298	MRK 1:14	A sangaw ta nekebalud ni Hwanen nga nangzigut ta tolay kiden a dumatang ha i Hesus ta agyan na ta iten Galileya nga mangipadangag ta damag na Namaratu;
24307	MRK 1:23	A tentu para la nangituldu a ka-ma la kimahalwan hapa ya takday lalaki ta umag na kapilya en gafu ta anitu na en; “O, Hesus taga Nasaret, anu itta ka sin tekami? Amu ta ka, te iko ya kagitta na Namaratu ewan. Yen hud ya umeyam sin petta pakākāllakan na kami?” kunna.
24324	MRK 1:40	A sangaw itta ya takday lalaki nga naggalis, a umange namalentud ta atubang ni Hesus; “Ay, Afu, ikallak nak haen, te amuk ta maurum ya tabbit kin am ikayat mu,” kunna.
24334	MRK 2:5	A ta nepakaita ni Hesus ta pangikatalak da tentu a naguhohug hapa ta awanen makahehit; “Aleng, pakoman kun ya liwat mu kiden ta Namaratu,” kunna.
24340	MRK 2:11	otturu naguhohug ha ta awanen makahehit; “Imivwat kan, Aleng, te alapam na ya pagiddamina a dumatang kan ta balim,” kunna.
24345	MRK 2:16	A ta pakaita na Pariseyu kiden ta nakikkanan hapa i Hesus ta agsingir ta bwis ikid na dulay na tolay, a linibakan da hapa, ammi ya ituldu na kiden ya nangibaran da; “Anu makikkanan hapa ya mistro muy ta agsingir kiden ta bwis ikid na dulay na tolay?” kunda.
24361	MRK 3:4	kapye na naguhohug hapa ta nagilalap kiden tentu; “A anu hapa ya uray muy ta ipalubus na Namaratu ta araw na agimmang? Intu ipalubus na ya mappya ono dulay? Mappya panaw ta magpamappya kitam ono magpapasi kitam?” kunna tekid. Ammi aweda la nagasitang.
24385	MRK 3:28	A gafu ta nepagsil da ya mayor na anitu kiden ta Kahalwa na Namaratu a pake nepasikkal na ya liwat da; “Kakurugan ya uhohug ku tekamuy ta maski am anu ya liwat na tolay ikid na pamadpadulay na ta sakā tolay na kiden a mabalin mapakoma, ammi ya mamadpadulay ta Kahalwa na Namaratu a awena pulus mapakoma, te nakaliwat ta magnayun na liwat,” kunna.
24389	MRK 3:32	A gafu ta addu ya kumalihung kiden tentu a nebar da hapa tentu; “Itta kan ta bagaw ig hinam ikid na kabagis mu kiden, te apagan da ka kan,” kunda.
24440	MRK 5:7	“O Hesus, Anak na Namaratu,” kunna, ammi ginamman ni Hesus ya anitu na en; “Pagtugutām na ya tolayina,” kunna. A pake pinaggihawa na anitu en, “Anu hud ya aamum teyak? Magpagasingan ka ta Dyos ta awenak pakākāllakan,” kunna.
24585	MRK 8:16	A nagbabidan da am anu ya ikayat na uhohugan; “Ay On, te naliwatan tam ya nagbalun ta pan,” kunda.
24596	MRK 8:27	A tekiden nagduldulot ta ili na Sesariya Pilipo a itta ya pinohutan ni Hesus ta ituldu na kiden; “Anu kan ya pangitan na tolay kiden teyak am inya yak?” kunna tekid.
24598	MRK 8:29	“A ikamuy ay, anu hapa ya pangitan muy teyak?” kunna ha tekid. A i Simon Pedru ya alistu tumabbag; “A iko ya Mangikerutanen nga netun na Namaratu ta pinakadama mi,” kunna.
24678	MRK 10:21	A inaita la ni Hesus ta pangidduk na tentu, kapye naguhohug ha tentu; “Itta para la ya takday pagkurangam,” kunna, “te em mina ilaku ya ngamin kiden kwam, a mangatad ka ta pobre kiden petta itta sangaw ya pagba-nangam nga mauknud ta agyan na Namaratu. A am mabalin kan a magtoli ka sangaw petta dumagdag kan teyak,” kunna.
24681	MRK 10:24	A nepagpaka-lat da hapa ya inuhohug na, ammi pinidwa na ha tekid; “Anak ku, kakurugan ta mazigat ya isassarok na tolay ta pangikerutan na Namaratu,
24683	MRK 10:26	A pake nepagpaka-lat da ha ya inuhohug na; “A am gagangay ta kunna ten, Afu, a itta hud para ya mekerutan?” kunda.
24740	MRK 11:31	A gafu ta napopoyung kid na ta saludsud na en tekid a dana nagbabidan da bit ta melemad am anu mina ya tabbag da tentu; “Am ibar tam ta Namaratu ya nangatad tentu a ‘Anu kawagan na mantu ta awemuy kinurug,’ kunna sangaw tekitam.
24829	MRK 14:6	Ammi nehuya na kid hapa ni Hesus; “Bay-an muy, annun muy hud ihuya ya babbayin? awa mappya haman ya iningwa na teyak.
24842	MRK 14:19	A nagdamdam kid na hapa ta nebar na en, a ya tagtakday kid hapa ya nagpohut tentu; “Iyak hud ya kinamen, Afu?” kunda.
24850	MRK 14:27	A ya uhohug ni Hesus tekiden nagtugtugut ta dalan a “Amuk ta pakigungayān dak sangaw, te yen ya nesurat na aglavunen; ‘Papapasi sangaw na Namaratu ya magtaron a makutkutet sangaw ya kalneru kiden,’ kunna ta surat na en.
24890	MRK 14:67	A ta pagtalib na takday babbay nga tagabu na kadakalan na padi a naita na i Pedru nga maggukup ta afuyen, a naguhohug tentu; “Maski iko hapa ya takday kahulun ni Hesusen nga taga Nasaret,” kunna tentu.
24893	MRK 14:70	Ammi nelemad na ha. Awena para la nabayag a nepasikkal da ha na kadwan kiden nga imatayuk ta iten; “Talaga ta iko hapa ya takday kahulun na, te taga Galileya ka,” kunda tentu.
24897	MRK 15:2	A ta nepagpatayuk dan tentu ta atubang na gubernadoren a nagpohut hapa i Pilato tentu; “Anu, iko hud ya nebar da en nga ari na Hudyo kiden?” kunna te Hesus. “Iko mina ya mangibar,” kunna hud la ni Hesus tentu.
24909	MRK 15:14	“Te anu hud, anu hud ya liwat na?” kunna hapa. Ammi pake giaggayan kid ha ta masikan; “Pagappam ta kayu, pagappam ta kayu,” pakakin kid.
24926	MRK 15:31	Tumubbat hapa ya padi kiden ikid na mangituldu kiden; “Intu kan ya nangikerutan ta kadwan tolay, ammi awena mekerutan ya bari na en,” kunda.
25004	LUK 1:42	a nagsitang hapa ta masikan; “Iko, Mariya, ya pake nagāsāt ammi ta ngamin kiden bābāy, a Dyos hapa ya mangbendisyon ta anak mina.
25029	LUK 1:67	A ta nepakasitang ni Zikaraya en a napasinapān hapa ta Kahalwa na Namaratu, otturu naglavun;
25090	LUK 2:48	A ta nepakaita nig Mariya tentu a nagpaka-lat kid tentu, a nehuya na hapa na hina na en; “Aleng, anu haman ta nasirak ka ta isin, te pake nagburung kami ni Damam nga nagapag teko,” kunna.
25113	LUK 3:19	a nagsunak ya Kahalwa na Namaratu nga nagpotun tentu ta kuman na kalapati, a nepagka-ma na hapa ya naguhohug tentu ta langit; “Iko ya Anak ku nga matakit ta nonot ku. Pake matalakanak teko,” kunna.
25200	LUK 5:24	Ammi itta hapa ya ibar ku ta awanin makahehit petta itta sangaw ya pakaitan muy ta itta hapa ya turay na Tolayin taga Langit nga mangpakoma ta liwat na tolay,” kunna, otturu naguhohug ha ta awanen makahehit; “Imivwat kan, Aleng, te alapam na ya pagiddamina a dumatang kan ta balim,” kunna.
25209	LUK 5:33	A sangaw itta ya umange nagpohut te Hesus gafu ta takwan ya gagangay na ituldu na kiden; “Anu kawagan na, Afu, ta awena ngilinan na ituldum kiden ya arawen nga aweda pangan, ammi ta ituldu na Pariseyu kiden ikid na ituldu kiden ni Hwan a kanayun ngilinan da petta makimallak kid?” kunda.
25224	LUK 6:9	otturu pinohutan na hapa ta nagilalap kiden tentu; “Anu hapa ya uray muy ta ipalubus na Namaratu ta araw na agimmang? Intu ipalubus na ya mappya ono dulay? Mappya panaw ta magpamappya kitam ono magpapasi kitam?” kunna tekid.
25268	LUK 7:4	A ta pakadatang da te Hesus a pake nakimemallak kid tentu gafu ta kapitanen; “Mappya, Afu, ta ikallak mu ya kapitanen te mappya hapa na tolay,
25280	LUK 7:16	A sa nakagtut ya tolay kiden nga nakaita, ammi dinayawan da hapa ya Namaratu; “Mappya te ninonot na Namaratu ya tolay na kiden, te dinob na ya turin na en tekitam nga pake malalaki,” kunda.
25284	LUK 7:20	A dinatangan da i Hesus nga magpamappya para la ta addu na magtatākit, te pinatugut na ya anitu na seanitu kiden, a pinagmappya na hapa ya mata na addu na nagdaram. A sangaw nebar da hapa ya neange da tentu; “Yen ta itta kamin, Afu, te dinob na kami ni Hwan, te damagan na kan am iko ya Mangikerutanen nga nekari na Namaratu nga indagan mi, ono itta para la ya takwan nga indagan mi?” kunda.
25334	LUK 8:20	A yen kid hapa ya nangibar tentu; “Itta kan ta bagaw ig hinam ikid na kabagis mu kiden, te apagan da ka kan,” kunda.
25341	LUK 8:27	A ta nedagut ni Hesus ta barangayen a nepagka-ma na ya takday lalaki taga ili nga nauhagan, te awena pulus nagbarbarawasi gafu ta pinaguyung na anitu na kiden. A awena kan nagyan ta bali, te nagyan la ta agyan na tanam kiden. A kankanayun pagkagtutan na kan na anitu na kiden petta papasin da. A yen ta ginalutan na kadwan kiden ya kamat na kiden ikid na takki na kiden ta kawad petta mataronan da, ammi gasgasatan na hala ya kawad kiden, a pagbilagan na anitu na kiden, petta ange ta awan ta totolay. Ammi tentu en nakaita te Hesus a pake gimihgihawa, kapye na umange nagtakab ta atubang na en, ammi ginamman ni Hesus ya anitu na en; “Pagtugutām na ya tolayina,” kunna. A ka-ma la nagayag hapa ya lalaki en ta masikan; “Anu hud ya aamum teyak, Hesus, te iko ya Anak na Namaratu ewan. Ikallak nak kad, te awenak haen pakākāllakan,” kunna.
25368	LUK 8:54	Ammi inibbalan na ya kamat na abbingen kapye na binaran; “Aboy, imivwat kan,” kunna.
25390	LUK 9:20	“A ikamuy ay, anu hapa ya pangitan muy teyak?” kunna ha tekid. A i Simon Pedru ya alistu tumabbag; “Iko ya Mangikerutanen nga netun na Namaratu ta pinakadama mi,” kunna.
25403	LUK 9:33	A ta pagganwat na duwa kiden magtugut te Hesus a nagsitang hapa i Pedru; “Ay Afu, mappya te itta kamin sin, te mamadday kami mina ta tallu na ba-bali, petta tagtakday kam ni Moses ikid ni Eliyas ta ba-bali,” kunna. Ammi kuman na nagalimanga i Pedru, te ka-ma la naguhohug.
25408	LUK 9:38	A ya takday lalaki tekid a binaran na i Hesus; “Mistro, ikallak mu haen ya anak kin nga mementu in anak ku,
25427	LUK 9:57	A tekiden nagtugtugut ta dalanen a umabikan hapa tentu ya takday tolay, a binaran na i Hesus; “O, Mistro, dumagdagak hapa teko, te maski am had ya eyam,” kunna.
25475	LUK 11:1	A ta takday ha na araw a makimallak i Hesus ta takday lugar, a tentun nagimmang a umange hapa ya takday ituldu na tentu nga magpetuldu ta pakimallak na; “Mappya hapa, Afu, am ituldu na kami nga makimallak ta kuman na nepangituldu ni mina Hwanen ta ituldu na kiden,” kunna.
25491	LUK 11:17	Ammi dana amu ni Hesus ya nonot da, a tinabbag na ya uhohug da; “Am kakurugan mina ta Satanas ya nangatad ta pakapatugut ku ta sakā anitu na kiden a nakikattway mantu ya dafu da en tekid, a naperdin mina ya patarabaku na tekid. Te maski am had sin na gubyernu am makikattway ya tolay na kiden nga magtatāpil a awena hud sangaw maperdi na gubyernu da? Kumanen hapa am makikattway mina ya makipagyan kiden ta takday na bali a maperdi hapa ya pagkakahulun da.
25501	LUK 11:27	A ta nepaguhohug nan ta isin a ka-ma la nagsitang hapa ya takday babbay nga nekihu ta tolay kiden nagdangag; “Nagāsāt kad i hinam, Aleng, nga naganak teko ikid na nagpasusu teko,” kunna.
25512	LUK 11:38	Ammi nakagtut hapa ya Pariseyu en te Hesusen gafu ta awena nagbaggaw ta kuman na gagangay na Hudyo kiden kapye na mangan. A gafu ta nakagtut ya Pariseyu en a itta ya nebar ni Hesus tentu;
25550	LUK 12:22	A sangaw nedulot ni Hesus ya uhohugan na ta ituldu na kiden; “Yen ya uhohugan ku tekamuy ta awemuy mina burungan ya pagkatolay muy am anu sangaw ya kanan muy ikid na inuman muy, a awemuy mina burungan am anu sangaw ya pagbarawasi muy.
25610	LUK 13:23	A itta hapa ya takday nga umange nagpohut tentu; “Afu, assang la hud sangaw ya mekerutan ta pangpa-gang na Namaratu?” kunna.
25621	LUK 13:34	otturu nanalasigak hapa gafu ta damdam na ta taga Herusalem kiden. “Ay, anak ku taga Herusalem; Mamengpiga yak mina nga nangikerutan tekamuy ta kuman na manuken nga mangukup ta piyak na kiden, ammi awemuy ikayat, awa papasin muy hud la ya aglavun kiden na Namaratu nga dinob na tekamuy.
25640	LUK 14:18	Ammi intu dulay te nagpambar haman ya ngamin kiden nagawi; ‘Gummatangak garay ta lutak, a mappya bit ta eyak itan, a dispensaran nak na la,’ kun na takday.
25660	LUK 15:3	A gafu ta libakan da ya gagangay ni Hesus a nagbida hapa ta tallu na keangarigan tekid;
25690	LUK 16:1	A ya takday hapa na bida ni Hesus ta ituldu na kiden a intu yan: “Itta ta idi ya magtaron ta pagba-nang na dafu na en, ammi itta hapa ya umange nangidanug tentu gafu ta afutan na ya ba-nang na; ‘Awem hud amu ta afutan na pinagtaromen ya ngamin kiden kwam?’ kunna kan ta naba-nangen.
25742	LUK 17:22	A sangaw naguhohug hapa ta ituldu na kiden; “Sangaw am ittan ya araw na pagzigātān a ‘Ampade ta ittan ya Tolayin taga Langit maski ta takday la na araw’, kummuy, ammi awanak para la.
25775	LUK 18:18	A sangaw itta ya takday pinadakal na Hudyo kiden nga umange nagpohut te Hesus; “Ay, Mistro, kakurugan ta mappya ka na tolay, a ibar mu haen am anu mina ya tarabakuk petta itta sangaw ya angat ku nga magnayun,” kunna.
25781	LUK 18:24	A tentu en nagtugut a pake inaita ni Hesus kapye na nedulot ya ibar na ta ituldu na kiden; “Kuga mazigat ya isassarok na maba-nang ta pangikerutan na Namaratu,
25862	LUK 20:14	“Ammi ta nepakaita na nangabang kiden ta anak na en a nagbabidan da ya pangpapasi da tentu; ‘Gagangay ta ye-yan sangaw ya makaalap ta ngamin kwa na makāunasen. A mappya mantu ta papasin tam petta ikitanan sangaw ya makākwa,’ kunda kan.
26043	LUK 23:39	A ya takdayen nga pinagappa da ta hebing ni Hesus a medyo nakaporay hapa te Hesus; “Agu ta iko haman ya netun na Namaratu ta mangikerutan? A ikerutam mantu ya barim ikid na bari mi,” kunna tentu.
26046	LUK 23:42	A sangaw nakimallak hapa te Hesus; “Ay Hesus, nonotan nak haen, Afu, am nakatogkok kan ta pagariyam,” kunna.
26095	LUK 24:35	A yen hapa ya nepangibida na duwa kiden ta naita dan hapa ta dalanen; “A tentu en nanggadwa ta panen a naita min ta intu,” kunda.
26101	LUK 24:41	A matalak kid mina ta matolay, ammi intu nonotan da am had kunna matolay, a yen ta aweda para la pake kurugan. A gafu ta kumanen a nagadang i Hesus ta kanan na tekid; “Awan hud ta kanan muy sin? te manganak mina,” kunna.
26142	JHN 1:29	A ta pagtalib na araw a naita ni Hwan i Hesus nga umab-abikan tentu, a netuldu na hapa ta tolay kiden; “Itan muy, ye-yan na tolay ya iatang na Namaratu ta kuman na kalneru muy kiden, te intu hala sangaw mangikaru ta liwat na ngamin tolay ta paglelehutin.
26160	JHN 1:47	A ta nepakaita ni Hesus teg Natanyel nga umab-abikan tentu a “Itta mantu in ya Istralita nga kakurugan; awan kad ta pakaladdudan na,” kun ni Hesus te Natanyel.
26167	JHN 2:3	A ta nekaafut na inuman na nakibodan kiden a enna nebar na hina ni Hesus tentu; “Aleng, manguffun ka haen, te awan na ta inuman da nga binarayang,” kunna.
26244	JHN 4:19	A gafu ta nagpaka-lat ya babbayen ta uhohug ni Hesus a takwan ha ya nebar na; “Ser, ya kuman na mariknak teko a iko hala ya takday aglavun nga paguhohugan na Namaratu ewan.
26259	JHN 4:34	A gafu ta kumanen a naguhohug ha i Hesus tekid; “Intu hala kanan ku ya pangidulot ku ta ikayat na nangidoben teyak petta ibalin ku ya patarabaku na en teyak.
26274	JHN 4:49	Ammi pake persan na para na lalaki en; “Ser, em haen itan ya anak ken petta awena sangaw masi,” kunna te Hesus.
26276	JHN 4:51	A tentu en para la ta dalan a nesimmun na hala ya tagabu na kiden nga umange nangdafung tentu, a nebar da hapa ya anak na en; “Matolay hala ya anak men,” kunda tentu.
26351	JHN 6:25	A ta datang da ta dammangen a naapagan da hala, a binaran da; “Mistro, kanu hud ya datang mu ta isin?” kunda tentu.
26670	JHN 12:21	A gafu ta ikayat da hapa makkamu te Hesus a enda bit nebar te Felipe; “Ser, ikayat mi haen makibidan ta dafu muyen Hesus,” kunda tentu, te intu ya takday ituldu ni Hesus nga taga Betsayda ta lugar na Galileya.
26705	JHN 13:6	A tentu namegafu nangbaggaw ta takki kiden ni Pedru a awena ikayat; “Atsi O, Afu, iko hud mina ya mangbaggaw ta takkik kidin,” kunna.
26711	JHN 13:12	A ta kabalin na nangbaggaw ta takki da kiden a nagsalnuk ha, kapye na nagtoli ta angnganan da en. A pake nepasikkal na ya nepaita na tekid; “Amu muy panaw ya gafu na pangbaggaw ku ta takki muy kidina?
26871	JHN 18:17	Ammi dana itta ya pinohutan na babbayen te Pedru; “Anu? Iko hapa de ya takday ituldu na ginafut da en?” kunna tentu. “Ay, awan O,” kunna hapa.
26879	JHN 18:25	A i Pedru hapa a umatayuk para la nakipaggukup ta afuyen, a ka-ma la nekabat da hapa; “A te iko hapa de ya takday ituldu na,” kunda. Ammi nelemad na ha, “Awan O,” kunna.
26883	JHN 18:29	A gafu ta kumanen a imuhet na i Gubernador Pilato tekid, a pinohutan na tekid; “Anu mantu ya nangidaruman muy ta tolayin yan?” kunna tekid.
27016	ACT 1:24	A sangaw nakimallak kid; “Ay Afu, amum ta nagtalekudan ni Hudas ya saad na en, a ittan ta lugaren nga dana neparam tentu. A gafu ta iko la ya makkamu ta nonot na ngamin tolay a ituldum mantu tekami am inya ya pinilim ta duwa kidin,
27271	ACT 8:26	A sangaw itta ya anghel na Namaratu nga ange maguhohug te Felipe; “Umakkat kan Felipe, te e kan ta kalsada en nga magpaabagatan ta ili na Gaza nga mangrugi ta ili na Herusalem,” kunna kan tentu.
27274	ACT 8:29	A ta nepakaita ni Felipe ta kalesa en a naguhohug hapa ya Kahalwa na Namaratu tentu; “Umabikan kan, Felipe, ta kalesa ewan, a makitunud ka la tentu,” kunna.
27323	ACT 9:38	A gafu ta abikan hapa ya ili na Lida, a nadamag da ta itta para ten i Pedru, a nangidob kid mantu ta duwa na lalaki nga ange mangalap tentu. A ta ange da en te Pedru a nebar da tentu; “Mangikallak ka kan, te magalistu ka umange ta lugar mi,” kunda tentu.
27872	ACT 25:8	A naguhohug hapa i Pablu, te pake ipasikkal na ya katunung na; “Itta hud ya liwat ku ta lintig na Hudyo kiden, ikid na simbaan da en. A itta hud para ya liwat ku ta lintig na Ari en taga Roma,” kunna.
28069	ROM 3:10	te dangagan muy ya dana nesurat ta lebru na Namaratu; “Awan pulus ta awan magliwat, maski am takday la,” kunna.
28256	ROM 9:33	A dumatang mantu tekid ya kuman na inuhohug na Namaratu nga nesurat ni Isayasen; “Itta sangaw ya isaad ku nga batu ta ili na Ziyon, petta magserbi mina ta kuman na pagpatayukān na tolay kiden ta bali. Ammi takwan sangaw ya uray da ta batu en gafu ta aweda sangaw ikatalak, a yen hapa sangaw ya kuman na ketumpapan da. Ammi ya mangikatalak sangaw ta isaad ken a awena sangaw melogot,” kunna.
28285	ROM 11:8	te yen haman ya nebar na suraten; “Kuman na aweda makaita ikid na aweda makadangag gafu ta pinagbanad na Namaratu ya nonot da addet ta idi addet ta ayanin,” kunna.
28616	1CO 9:8	Ammi bakkan la ta gagangay na tolay ya mangipasikkal ta isin, te dana yen haman ya netuldu na Namaratu ta lintig na en nga nepesurat na te Moses; “Am pagaggikan muy ya anwang muy a awemuy busalan, petta makakan hapa,” kunna paen. Ammi bakkan ta intu la bidan na ya kappyanan na anwang,
28897	2CO 2:5	Ammi ya nangamāmaten teyak ta pagyan ku tekamuy ta idi a bakkan la ta iyak ya namatan am awa sa ikamuy hapa; malaksid ta kadwan tekamuy, te awek ikayat ta matadam ya paguhohug ku tentu.
29030	2CO 9:6	Te iangarig ku tekitam; a am magmula kitam ta assang a assang hapa sangaw ya maapit tam, ammi am addu ya imula tam a addu hapa sangaw ya maapit tam.
29076	2CO 11:19	Ta kuman na uray muy a dana amu muy ya mappya; a anu kawagan na mantu ta pakolangan muy ya mangituldu kiden nga manguyoyung tekamuy?
29274	EPH 1:1	Tekamuy nga tolay na Namaratu taga Efeso nga mangikatalak te Hesus Kristu; Ampade Dama tam Namaratu ikid ni Afu Hesus ya mangikallak tekamuy petta mappya kam la. A ya nagsurat tekamuy a iyak, Pablu, nga turin ni Hesus gafu ta uray na Namaratu ewan.
29512	PHP 4:3	A am itta tekamuy ya mekatalak nga makigitta teyak a tabarangan muy haen ya duwa kidina nga babay, petta magmappya kid, te kagittak kid haman nga nangisaned ta damag ni Hesus, te nakihebing kid teyak nga nanguffun ta idi; sa ikid nig Klemente ikid na kadwan kiden katarabakuk nga awan kid sin na ngagan, ammi itta hala ya ngagan da ta lebru na mangtolayen tekitam.
29582	COL 2:21	te addu haman ya ihangat da nga mappya; “Awemuy kanan ya kumanin, maski awemuy la si-gedan, te makaliwat kam,” kunda.