23214	MAT 1:1	A ya ngagan na ngamin kiden gingginafu ni Hesus Kristu nga simsima ni mina Dabid ikid ni mina Abraham a ikid yan:
23218	MAT 1:5	a i mina Salmon ya dama ni mina Boas nga neanak ni Rahab, a i mina Boas ya dama ni mina Obed nga neanak ni Rut, a i mina Obed ya dama ni mina Dyesi,
23219	MAT 1:6	a i mina Dyesi ya dama ni Ari en Dabid. A i mina Dabid ya dama ni mina Solomun nga neanak na dana en atawa ni Urias,
23230	MAT 1:17	A itta mantu ya mafulu appat na simsima ni Hesus addet te mina Abraham addet te mina Dabid. A itta hapa ya mafulu appat na simsima na addet te mina Dabid addet ta nekafukuk na taga Istralita kiden ta lugar na Babilonya. A itta hapa ya mafulu appat na simsima na addet ta nekafukuk na Istralita kiden addet te Hesus Kristu.
23264	MAT 3:3	te intu hala ya binida na aglavunen mina Isayas nga mapolu bit ta Dafu tam, petta dana iparan na ya tolay kiden. Te ya uhohug ni Isayas a intu yan: “Itta sangaw ya makipaita ta kawanan na babali, a iayayag na sangaw ya pangtabarang na ta tolay kiden, petta meparan kid mina ta datang na Dafu tamen, petta malogon mina ya iange na tekid,” kunna.
23282	MAT 4:4	Ammi ya tabbag hapa ni Hesus te Satanas a, “Awek O, te ya uhohug na Namaratu ta lebru na en a ‘Bakkan la ta kanan muy ya pagafun na katolay muy am awa ngamin kiden uhohug nga ibar na Dyos muy,’ kunna.”
23285	MAT 4:7	A ya tabbag ha ni Hesus tentu, “Awek maglattu, te ya uhohug na takday surat na Namaratu a ‘Awemuy sangaw paruban ya pangkenga na Dafu muy Namaratu tekamuy,’ kunna.”
23295	MAT 4:17	A ta neaange ni Hesus ta ili na Kapernayum a pinegafwanan na ya mangipadangag ta damag na pagturay na Namaratu ta tolay kiden, a ya nebar na hapa ta tolay kiden a “Ulin muy ya gagangay muy, te ittan ya Dafu muy nga nekari na Namaratu ta magturay tekamuy,” pakakin.
23297	MAT 4:19	“Dumagdag kanan hala teyak, te ituldu ta kam petta dumatahukul kam sangaw ta tolay,” kunna tekid,
23303	MAT 4:25	A maski am had ya eyan ni Hesus a dumadagdag hapa ya awan bababang na tolay nga taga Galileya, ikid na lugar na Dikapolis, ikid na ili na Herusalem, ikid na lugar na Hudeya, ikid na dammang na karayan na Hurdan.
23324	MAT 5:21	“Dana nadangag muy hapa ya netuldu da ta popolu kiden dadagkal muy ta ‘Awemuy mamapasi ta tolay, te maski am inya sangaw ya mamapasi a medarum sangaw ta atubang na mangpa-gang ta makaliwat,’ kunda tekid.
23348	MAT 5:45	pettam megitta kam ta Dama muyewan Namaratu. Te ya gagangay na Dama muyewan a paglattogan na ya bilag na en ta ngamin tolay, dulay am dulay ikid na mappya am mappya, yaga pagudanān na hapa ya agyan na magliwat pase awan magliwat.
23350	MAT 5:47	A am intu la pagdulotan muy ta bali muy ya kahulun muy kiden a had kukunna mantu imaddu na tarabaku muy ammi ta tarabaku na awan kiden makkamu ta Dyos muy.
23351	MAT 5:48	Mappya mantu ta awan ta taliban muy ta pangidduk muy petta megitta kam ta Dama muyewan Namaratu, te awan ta idaduma na ta ngamin tekamuy.”
23352	MAT 6:1	A ya ituldu para ni Hesus tekid a “Itan muy ta ipabuya muy ya kappya muy ta atubang na tolay petta dayawan da kam, te am kunna ten ya tarabakun muy a awan sangaw ta pangsagolyat na Dama muyewan tekamuy.
23355	MAT 6:4	te mangatad kam hud la am awan ta makaita, a ya Dama muyewan nga makaita ta ngamin ya mangsagolyat sangaw tekamuy.
23357	MAT 6:6	A am itta mantu ya mayat makimallak a ange mina tatakday ta awan ta totolay nga makaita ikid na makadangag tentu. A ya Dama na ewan nga awan maita a intu hapa la sangaw ya makaita ikid na mangsagolyat tentu.
23359	MAT 6:8	ammi awemuy parigan ya akkimallak da, te ya Dama muy ta langitewan a dana amu na am anu ya masapul muy maski awemuy para la inadang tentu.
23360	MAT 6:9	“A mappya mantu ta kumanin ya pakimallak muy: ‘Ay, Afu, nga Dama mi ta langit, ampade nonotan na ka mina na ngamin tolay sin, petta sa ikamat da ya ngagam,
23365	MAT 6:14	“A mappya ta dana pakoman muy ya nagliwat tekamuy kapye muy makipakoma ta Dama muyewan, petta pakoman na kam hapa.
23366	MAT 6:15	Te am awemuy pakoman ya ikattolay muy nga nagliwat tekamuy a awena kam mantu pakoman na Dama muyewan ta liwat muy.
23369	MAT 6:18	petta bakkan ta tolay ya makaita ta awemuy pangan am awa Dama muyewan nga awemuy maita, a intu hapa la ya makkamu ta damdam muy ikid na mangsagolyat tekamuy.
23377	MAT 6:26	Intu mina pagnonotan muy ya mamanuk kiden, te aweda haman magmula ikid na maggapas, yaga aweda haman maguknud ta kanan da, ammi mangan kid hala, te ya Dama muyewan ya makkamu ta kanan da. Ammi tekamuy a pake mesasita kam tentu ammi ta mamanuk.
23383	MAT 6:32	petta awemuy megitta ta awan kiden makkamu ta Dyos muy, te yen kid ya kuga mafulotan nga magburung ta pagkatolay da. Ammi ya Dama muyewan ya makkamu ta ngamin masapul muy,
23396	MAT 7:11	A yen mina ya pagnonotan muy, te maski am seliwat kam a amu muy haman mangatad ta kappyanan ta anak muy kiden. A kontimas mantu ta mangatad i Dama muyewan ta kappyanan ta magadang tentu.
23406	MAT 7:21	A maski am ibar da ta iyak ya dafu da a bakkan ta yen kid sangaw ya pasarokan ku ta agyan na Namaratu ewan, te intu la sangaw makasarok ya mangidulot ta ikayat ni Damakewan.
23427	MAT 8:13	A ya nebar na hapa ta kapitanen a “Dumatang kan la ta balim, te nabalin na ya inadang men teyak ta kuman na nekatalak mu,” kunna. A negindan hapa ya nepagmappya na tagabu na en ta nepaguhohug ni Hesusen.
23433	MAT 8:19	A ka-ma la umabikan hapa tentu ya takday mangituldu ta lintig na Namaratu, a “O, Mistro,” kunna te Hesus, “Dumagdagak hapa teko, te maski had sin ya eyam,” kunna.
23435	MAT 8:21	A sangaw pehulun hapa ya takday para na ituldu na, te “Dumagdagak hapa sangaw teko, Afu, ammi indagan ku bit ya pasi ni damaken, te itanam ku,” kunna.
23451	MAT 9:3	Ammi ya kadwan kiden nga mangituldu ta relisyon na Hudyo kiden nga gituttudan hapa ta umag na bali a linibakan da hapa ya inuhohug ni Hesus ta nonot da hapa la. “Dulay mantu yan na tolay te ugtulān na haman ya turay na Namaratu,” kun na nonot da.
23457	MAT 9:9	A ta nepagtugut nig Hesus ta iten a nasimmu na hapa ya takday agsingir ta bwis nga imatuttud ta lugar na pagpagan na tolay kiden ta bwis da, a i Matyu ya ngagan na agsingiren. A ya uhohug ni Hesus ta pagtalib na tentu a “Dumagdag kan teyak petta ituldu ta ka,” kunna tentu, a imikkat hala nga dumagdag tentu, a sa nagdulot kid ta bali ni Matyu.
23475	MAT 9:27	A ta nepagtugut nig Hesus ta iten a tinaliban da ya duwa na lalaki nga nagdaram, ammi dumagdag kid hapa nga nagayayag te Hesus. “O, Afu, Anak ni mina Dabid, Ikallak na kami O, Afu,” pakakin kid.
23514	MAT 10:28	“A awemuy sangaw magtalaw ta makapapasi ta bari muy, te aweda haman mapapasi ya kahalwa muy. Intu mina pagnonotan muy ya malamamanuk kiden, te maski am malogon ya paga da ta dapun a awan ta makapapasi tekid, maski ta takday la, am awena ipalubus na Dama muyewan Namaratu. Ammi tekamuy a dakdakal ya pangkenga na tekamuy ammi ta malamamanuk, te dana nabilang na ya ngamin kiden huk muy, a awan sangaw ta maazi maski ta tālabāg la am bakkan ta uray na. A awemuy mantu la magtalaw ikid na magburung ta dumatang tekamuy, te pake mataktakit kam ta Namaratu ammi ta addu na malamamanuk. A mapmappya hud la ta burungan muy ya pagliwat muy tentu, te intu haman ya makapapasi ta bari muy pase kahalwa muy ta pangtaguhali na tekamuy. A yen mina ya italaw muy.
23518	MAT 10:32	“A maski am inya sangaw ya mangibosag ta pangurug na teyak a yen hapa sangaw ya ibosag ku te Damakewan.
23519	MAT 10:33	Ammi ya mangilemad ta pangurug na teyak a ilemad ku hapa sangaw te Damakewan.
23526	MAT 10:40	“A maski am inya sangaw ya magpadulot tekamuy a mekwenta ta iyak hapa ya pagdulotan na. A gafu ta pagdulotan nak a mekwenta ta pagdulotan na hapa i Damakewan nga nangidob teyak.
23531	MAT 11:3	A ya nebar da tentu a “Damagan mi kan am iko ya Mangikerutanen nga nekari na Namaratu ewan nga indagan mi? O itta para la ya takwan nga indagan mi?” kunda tentu.
23555	MAT 11:27	A ya uhohug na ha ta tolay kiden a “Ya ngamin kiden amu ni Damakewan a nepakamu na hapa teyak. A awan hapa ta makkamu ta amukin am awa i Damakewan la, a awan hapa ta makkamu ta amu ni Damak am awa iyak la nga anak na, ikid na tolay kiden nga ikayat ku pangipakamun tentu.
23561	MAT 12:3	A ya tabbag na hapa tekid a “Annun ku kid ihuya, te intu la kwan da ya kuman na iningwa ni mina Dabiden ikid na kahulun na kiden ta kawan na kanan da,
23581	MAT 12:23	A ya tolay kiden nga naggihaw a pake nepagpaka-lat da ya iningwa ni Hesus. “Mabalin de ta intu ya nebar da en nga simsima ni mina Dabid nga itun na Namaratu ta pinakadama tam,” kunda.
23608	MAT 12:50	te maski am inya ya mangidulot ta ikayat ni Damakewan a yen kid ya kabagis ku ikid ni hinak,” kunna.
23651	MAT 13:43	A am sa maazi sangaw ya ngamin dulay a pake magdakar sangaw ya kalalaki na mappya kiden tolay nga mesipat ta lugar na Dama da ewan Namaratu. “A am kakurugan ta itta ya bangbang muy a mappya mantu ta pake dangagan muy ya nabidakin tekamuy,” kunna.
23673	MAT 14:7	A gafu ta pake natalakan i Herud ta pangayaw na balatangen a “Pagasingan ta Dyos, Aboy, am awek iatad teko ya kompormi na adangam teyak,” kunna tentu.
23707	MAT 15:5	Ammi tekamuy a ugtulān muy haman ya uhohug na en, te ya ituldu muy ta tolay kiden a ‘Dana mangatad kam bit ta simbaan na Namaratu, a am awan na sangaw ta iuffun muy ta dadagkal muy a ibar muy tekid ta dana neatad muy na ta Namaratu,’ kummuy haman.
23710	MAT 15:8	‘Dayawan nak na tolay kidin ta simuk da, ammi adayu garay ya nonot da teyak.
23715	MAT 15:13	“Bay-an muy la yana kid, te ya awan kiden nemula ni Damakewan a mappya ta mahantud kid, te daram kid haman. A am daram ya mangituldu ta kagitta na en daram a azo meavut kid duwa,” kunna tekid.
23724	MAT 15:22	A tekid para la nagyan ten a umange hapa ya takday babbay nga Hentil taga Kanaan, a binaran na i Hesus, “Anak ni Dabid,” kunna, “Ikallak nak O, Afu, te pake mazigatan ya anak ken nga babbay gafu ta anitu na,” kunna.
23726	MAT 15:24	Ammi ya tabbag hapa ni Hesus tekid a “Awek haman nedob ta isina kid na tolay, te yen la ya umeyan ku sin petta makaapagak ta Istralita kiden nga netawag ta Dyos da,” kunna.
23733	MAT 15:31	A ta nepakaita na tolay kiden ta sa nagmappyan ya ngamin kiden neange da tentu a pake dinayawan da hapa ya Dyos na Istralita kiden.
23757	MAT 16:16	A i Simon Pedru ya alistu tumabbag; “A iko ya Mangikerutanen nga netun na Namaratu ta pinakadama mi, te Anak ka na sigatolay na Dyos,” kunna.
23758	MAT 16:17	“Pake nagāsāt kan, Simon, te awem mina amu am inya yak am awa netuldu na ka ni Damakewan.
23806	MAT 18:10	“A ya ibar ku hapa tekamuy ngamin a itan muy ta idadula muy ya maski takday la na kaassangan na mangurug kiden teyak, te itta ya anghel da nga mangtaron tekid, a mangidarum kid hapa ta atubang na Damakewan.
23807	MAT 18:11	A intu mina pagnonotan muy ya magtaron ta kalneru. Te am angarigan ta itta ya magatut na kalneru na ammi metawag hapa ya takday, a awena hud isirak ya siyamafulu siyam kiden ta panganan da kapye na ange magapag ta takdayen nga netawag? A am naapagan nan a yen ya pake ikatalak na ammi ta awan kiden netawag. A kumanen hapa te Damakewan, te awena ikayat ta itta ya metawag maski ta takday la na kaassangan kiden nga mangurug teyak, te yen ta umange ya Tolayin taga Langit ta lutakin petta ikerutan na ya netawag,” kunna.
23831	MAT 18:35	A yen mina ya pagnonotan muy, te kumanen hapa sangaw ya kwan ni Damakewan tekamuy am awemuy hapa pakoman ta mappya ya nagliwat tekamuy.”
23836	MAT 19:5	A yen ta makigungay ya lalaki ta dadagkal na kiden, te makidagga ta atawa na en, a ikwenta na Dyos ya duwa kiden ta tatakday la na tolay,’ kunna paen.
23884	MAT 20:23	“A kakurugan ta paruban muy sangaw ya kagitta na zigat kin, ammi maski kunna ten a bakkan hala teyak ya magpili ta magyan ta hebing ku, te i Damakewan ya makkamu magpili,” kunna.
23891	MAT 20:30	A itta hapa ya duwa na nagdaram nga imatuttud ta pingit na kalsada en. A ta pakadangag da ta magtalib na i Hesusen a nagayayag kid na, “Ay Afu, Simsima ni mina Dabid, ikallak na kami haen, Afu,” pakakin kid.
23892	MAT 20:31	Ammi nehuya na kid na tolay kiden petta aweda mina magsitang. Ammi nepasikan da para ya iayag da, “Ay, Afu, Simsima ni mina Dabid, ikallak na kami haen, Afu,” kunda.
23904	MAT 21:9	A ya tolay kiden nga imunnan tentu ikid na itta kiden ta gafan na a nagayayag kid na. “Madaydayaw ya simsima ni mina Ari en Dabid. Bendisyonam, Afu, ya umange in sin nga pinakabarim. Madaydayaw ya Namaratu ewan,” kunda ta pagayayag da.
23910	MAT 21:15	A nagayayag na ya anak kiden ta pangdayaw da tentu. “Madaydayaw ya simsima ni mina Dabiden,” pakakin kid. A ta nepakaita na padi kiden ikid na mangituldu kiden ta iningwa ni Hesus ikid na anak kiden nga magayag a nagporay kid na.
23973	MAT 22:32	‘Iyak ya Dyos nga dayawan ni Abraham, ikid ni Isak, ikid ni Hakob,’ kunna. A gagangay mantu ta matolay la yen kid, te bakkan haman ta nasi ya magdayaw ta Dyos, te ya matolay ya magdayaw tentu,” kunna tekid.
23978	MAT 22:37	A ya tabbag hapa ni Hesus tentu a “Ya kadakalan na ngamin kiden lintig na a intu yan: ‘Iddukam ya Dafumewan Namaratu ta ngamin nonot mu ikid na ngamin kasikanan na barim,’ kunna.
23983	MAT 22:42	“Anu hapa ya uray muy ta Mangikerutanen nga nekari na Namaratu tekamuy? Inya hud ya gingginafu na?” kunna tekid. “A intu gingginafu na i mina ari en Dabid,” kunda hapa.
23984	MAT 22:43	“A ta kumanen mantu a intu hala ya simsima ni mina Dabid. Ammi anu kawagan na ta nekwenta hapa ni Dabid ta dafu na, te ya nesurat ni Dabid gafu ta Kahalwa na Namaratu a
23986	MAT 22:45	A am nengagan na mantu ni mina Dabid ta ‘Dafu ken,’ kunna, a had kukunna mantu magbalin ta simsima na para?” kun ni Hesus tekid,
23996	MAT 23:9	A awan mina ta ikwenta muy ta pinakadama muy ta ikattolay muy kiden, te tatakday la ya Dama muy ta langitewan.
24013	MAT 23:26	Daram kam mantu na Pariseyu. Dana pakappyan muy mina ya nonot muy nga awena maita na tolay, petta ispot hapa sangaw ya maita da ta bari muy.
24041	MAT 24:15	“A am maita muy hapa sangaw ya pake dulay nga ikatupag na Namaratu ta umag na simbaan na in a amu muy na ta yen ya dana binida na aglavunen mina Danyel. (A ikamuy nga magbasa ta isin a nonotan muy ya ikayat na uhohugan.)
24062	MAT 24:36	“Ammi am kanu sangaw na araw ikid na oras ya pagtolik ta lutakin a awan ta makkamu, maski ta anghel kiden, a maski teyak, te intu la makkamu i Damakewan.
24090	MAT 25:13	“A yen mina ya pagnonotan muy petta awemuy sangaw melogot awa dana nakaparan kam mina, te awemuy hapa amu am kanu ya datang na Dafu muy,” kun ni Hesus tekid.
24099	MAT 25:22	A sangaw umange hapa ya naatadan ta dwaribu, a ‘Dwaribu ya neatad mu teyak, Afu, te nadaggan kun hapa ta dwaribu te appataribun ngamin,’ kunna.
24111	MAT 25:34	A ya uhohug sangaw na Ari en ta itta kiden ta kanawan na en a ‘Ikamuy ya pasinapān ni Damakewan, a magdulot kanan mantu teyak, te mesipat kanan ta pangikerutan na Namaratu, te yen ya neparan na tekamuy abat ta nekapadday na lutakin.
24141	MAT 26:18	“E kam ta ili ta bali na kofun ken, a ‘Dinob na kami na Mistro mi en,’ kummuy sangaw tentu, ‘te mangan kami kan ta pamurab mi ta Simana ta bali min, te abikan na ya pasi na,’ kummuy sangaw tentu,” kunna.
24152	MAT 26:29	Ammi ibar ku hapa tekamuy ta awek sangaw makipaginum tekamuy abat ta panginum tam sangaw ta bagu na inuman ta pangayayat tam ta pagariyan ni Damakewan,” kunna.
24176	MAT 26:53	Am awek mina ikayat magafut a awek hud magadang te Damakewan, a doban na ta alistu ya nasurok ta limafulu ribu na anghel petta ikerutan dak mina.
24186	MAT 26:63	Ammi awena la nagasitang i Hesusen. A nagsitang ha ya padi en ta “Magsitang kan, a magpagasingan ka ta sigatolay na Dyos. Ibar mu mantu am iko ya Ari en nga Anak na Namaratu ewan,” kunna.
24195	MAT 26:72	Ammi nelemad na ha, “Pagasingan ta Dyos am amuk ya tolayina,” kunna.
24197	MAT 26:74	“Atsi O, pagasingan ta Dyos am tulad ya uhohug ku, awek malat amu ya tolayina,” kunna ha naglemad. A ka-ma la nagtareknay ya manuk,
24206	MAT 27:8	A gafu ta piraken nga negatang da ta lutaken a ‘Lutak na Daga’ ya nangingaganan da ta lutaken.
24244	MAT 27:46	A ta mekatallu en na oras a nagayag i Hesus ta masikan, “Ilay, Ilay, lama sabaktani,” kunna ta agsitang na Hudyo kiden. A ya ikayat na uhohugan na ayag na en a “Dyos ku, Dyos ku, anu haman ta nagtalekudan nak,” kunna.
24283	MAT 28:19	A ta ayanin a doban ta kanan, te e kam sangaw ta ngamin tolay ta ngamin paglelehutin petta magalap kam ta dagga na itulduk kidin. Zigutan muy sangaw ya mangurug petta mesipat kid tekami ni Damakewan ikid na Kahalwa na en.
24285	MRK 1:1	Ya fun na Bida ni Hesus Kristu nga Anak na Namaratu ewan a intu yan ta kuman na nesurat na aglavunen mina Isayas: “Ya uhohug na Namaratu ta Anak na en a ‘Dangagam, Anak ku, te itta sangaw ya doban ku nga mapmapolu ammi teko, te intu sangaw ya mangipadangag ta iangem,’ kunna.
24287	MRK 1:3	Te ya nebar na en nga mapmapolu a makipaita sangaw ta kawanan na babali, a iayayag na sangaw ya tabarang na ta tolay kiden, petta makaparan kid mina ta datang na Dafu tamen, petta malogon mina ya iange na tekid,” kun na surat ni Isayas.
24301	MRK 1:17	“Dumagdag kanan hala teyak, te ituldu ta kam petta dumatahukul kam sangaw ta tolay,” kun ni Hesus tekid,
24336	MRK 2:7	“Anu haman ta uhohugan na ya kumanen bakawa Namaratu hud. Dulay mantu yan te ugtulān na haman ya turay na Namaratu,” kun na nonot da.
24343	MRK 2:14	A tentu nabalin nangituldu a nagtugut ha, a nasimmu na hapa ya takday agsingir ta bwis nga imatuttud ta lugar na pagpagan na tolay kiden ta bwis da. I Lebi ya ngagan na nga anak ni Alfeyo. A ta pagtalib ni Hesus tentu a “Dumagdag kan teyak, petta ituldu ta ka,” kunna tentu, a imikkat hala nga dumagdag tentu.
24354	MRK 2:25	A ya tabbag na hapa tekid a “Annun ku kid ihuya, te intu la kwan da ya kuman na iningwa ni mina Dabiden ikid na kahulun na kiden ta kawan na kanan da,
24395	MRK 4:3	“Dangagan muy yan,” kunna, “Itta ya umange nagpurwak,
24440	MRK 5:7	“O Hesus, Anak na Namaratu,” kunna, ammi ginamman ni Hesus ya anitu na en; “Pagtugutām na ya tolayina,” kunna. A pake pinaggihawa na anitu en, “Anu hud ya aamum teyak? Magpagasingan ka ta Dyos ta awenak pakākāllakan,” kunna.
24444	MRK 5:11	“Doban kami haen ta bahuy kidewan petta magyan kami la tekid,” kunna, te abikan hapa ya addu na bahuy nga magdukdukit ta hukeb na bagetay.
24446	MRK 5:13	“E kanan mantu,” kun ni Hesus ta anitu kiden, a nagtugutan da ya lalaki en, kapye da simarok ta bahuy kiden, a ka-ma la nagadukal ya bahuy kiden bumilag, a sa nagurdak kid ta gatab na bagetayen, kapye da nagkahunnak ta alugen. Dwaribu kid, a sa nagkalimat kid ta danumen.
24499	MRK 6:23	A pagasingan ta Dyos am awek iatad teko ya ngamin adangam teyak maski abat ta gadwa na ngamin pagariyan ku,” kunna.
24538	MRK 7:6	A ya tabbag hapa ni Hesus tekid a “Kuga magimmamappya kam, kustu hala ya nebar na Namaratu ta aglavunen Isayas gafu tekamuy, te ya nebar na a ‘Dayawan nak na tolay kidin ta simuk da, ammi adayu garay ya nonot da teyak.
24543	MRK 7:11	Ammi tekamuy a ugtulān muy haman ya uhohug na en, te ya ituldu muy tekid a ‘Dana mangatad kam bit ta simbaan na Namaratu, a am awan na sangaw ta iuffun muy ta dadagkal muy kiden a ibar muy tekid ta dana neatad muy na ta Namaratu,’ kummuy.
24563	MRK 7:31	A ta nekabalin da ta iten a nagtatugut kid ha, a inange da ya ili na Sidon ikid na lugar na Dikapolis addet ta Alug na Galileya.