23219	MAT 1:6	a i mina Dyesi ya dama ni Ari en Dabid. A i mina Dabid ya dama ni mina Solomun nga neanak na dana en atawa ni Urias,
23263	MAT 3:2	“Ulin muy ya gagangay muy, te ittan ya dafu tam nga nekari na Namaratu ta magturay tekitam,” pakakin tekid,
23295	MAT 4:17	A ta neaange ni Hesus ta ili na Kapernayum a pinegafwanan na ya mangipadangag ta damag na pagturay na Namaratu ta tolay kiden, a ya nebar na hapa ta tolay kiden a “Ulin muy ya gagangay muy, te ittan ya Dafu muy nga nekari na Namaratu ta magturay tekamuy,” pakakin.
23408	MAT 7:23	Ammi ya ibar ku sangaw tekid a ‘Umadayu kanan teyak, ikamuy nga magtarabaku ta awan kustu, te bakkan haman teyak ya nangidob tekamuy,’ kunku sangaw tekid.
23571	MAT 12:13	A ya uhohug na hapa ta pilayen ta kamat a “Uyadam la ya kamat mina,” kunna. A tentu en nanguyad a negitta hapa ta takdayen kamat na nga mappya.
23727	MAT 15:25	Ammi umabikan hapa ya babbayen, a namalentud ta atubang ni Hesus, a “Uffunan nak kad, Afu,” kunna.
23764	MAT 16:23	A nagbalittag hapa i Hesus nga nangatubang te Pedru, a “Umadayu kan teyak, te itta ya Satanas teko, te sanatan nak nga magliwat, te bakkan ta uray na Namaratu ya ibar mu teyak awa uray hud la na tolay,” kunna tentu.
23789	MAT 17:20	“A on ay te awemuy pake nekatalak ta makkwa na Namaratu ya ibar muy,” kunna hapa. “Te pake ibar ku tekamuy ta am itta ya pangikatalak muy tentu maski la ta kuman na kaassangan na hukal a mabalin ta ibar muy ta bagetayin, ‘Umalit ka ta lugarewan,’ a umalit hala, te awan sangaw ta awemuy makkwa am kustu ya pangikatalak muy.
23897	MAT 21:2	“Magdulot kanan ta babali kidewan, a maita muy sangaw ya takday kabayu nga negalut ikid na urbun na en. Ubadan muy kid te idatang muy kid hapa sin.
23916	MAT 21:21	A ya uhohug ni Hesus tekid a “Kakurugan ya uhohug ku tekamuy, ta am pake ikatalak muy ya Namaratu ikid na awemuy pagduwaduwan ya nonot muy a makkwa muy hala ya kuman na nakkwak ta kayu in. A maski am ibar muy sangaw ta bagetayin ‘Umalit kan te maglattu kan ta bebay,’ kummuy, a Namaratu ya makkamu petta makkwa hala ya nebar muy.
24097	MAT 25:20	Umange ya takdayen nga inatadan na ta limaribu, a ‘Limaribu ya neatad mu teyak, Afu. Ye, nadaggan kun hapa ta limaribu te mafuluribun ngamin,’ kunna.
24118	MAT 25:41	“A ya uhohug sangaw na Ari en ta itta kiden ta kanigid na en a ‘Umadayu kanan teyak, te mataguhali kanan, a mekabat kanan ta afuyen nga awan maazap nga neparan na Namaratu teg Satanas ikid na anitu na kiden.
24277	MAT 28:13	“‘Umange ya ituldu na kiden ta hiklam, a netammang da ya bari ni Hesus tekami en nagkasidug,’ kummuy tekid.
24288	MRK 1:4	A gafu ta kumanen a nakipaita hala ya binida ni Isayasen ta kawanan na babali, a intu hala i Hwan nga nangzigut ta tolay kiden, a kinasaba na kid. “Ulin muy ya gagangay muy a zigutan ta kanan, petta pakoman na Namaratu ya liwat muy kiden,” kunna.
24299	MRK 1:15	“Ayanin ya arawen nga binida na aglavun kiden, te ittan ya dafu muy nga nekari na Namaratu. Ulin muy mantu ya gagangay muy, a kurugan muy na ya ipadangag kun tekamuy nga mappya,” pakakin.
24362	MRK 3:5	A init-ita na kid la ta pagporay na tekid, te madamdam hapa gafu ta pagtuyag na nonot da, otturu naguhohug ha ta lalaki en. “Uyadam la ya kamat mina,” kunna, a tentu en nanguyad a negitta ta takdayen kamat na nga mappya.
24365	MRK 3:8	Umange hapa tentu ya awan bababang na tolay nga taga Hudeya, ikid na ili na Herusalem, ikid na Idumeya, ikid na dammang na karayan na Hurdan, ikid na lugar na Tiro ikid na Sidon, te nadamag da ya ngamin tinarabaku na.
24602	MRK 8:33	A nagbalittag hapa i Hesus nga nangita ta kadwan kiden ituldu na kapye na nehuya i Pedru, “Umadayu kan teyak, te itta Satanas teko, te bakkan ta uray na Namaratu ya patarabakum teyak awa uray hud la na tolay,” kunna tentu.
24628	MRK 9:21	“Umanu hud ya kabayag na ta kumanin?” kun ni Hesus te dama na en, a “Addet ta pake kaassang na ay,” kunna.
24713	MRK 11:4	Umange kid mantu, a naita da hala ya kabayu en negalut ta irwangan na bali ta pingit na kalsada. A tekiden nangubad tentu a
24732	MRK 11:23	te kakurugan ya uhohug ku tekamuy ta am ikatalak muy ya panguffun na tekamuy a mabalin ta ibar muy sangaw ta bagetayin ‘Umalit kan te maglattu kan ta bebay,’ a Namaratu mantu ya makkamu petta makkwa hala ya nebar muy, am kakurugan ta awemuy pagduwaduwan ya nonot muy.
24783	MRK 12:41	A sangaw umange nagtuttud i Hesus ta batug na agila-nugan na tolay kiden ta pirak ta umag na simbaanen, a itan na la ya ange kiden mangila-nug ta pirak da. Umange hapa ya addu na naba-nang, a dakal hapa ya nela-nug da.
25097	LUK 3:3	A sinaned na hapa ya ngamin kiden lugar ta naggwadamdammang na Karayan na Hurdan, a kinasaba na ya tolay kiden. “Ulin muy ya gagangay muy, a zigutan ta kanan, petta pakoman na kam hapa na Namaratu ta liwat muy,” pakakin tekid.
25225	LUK 6:10	A inaita na kid la kapye na naguhohug ha ta lalaki en. “Uyadam la ya kamat mina,” kunna. A tentu en nanguyad a negitta hapa ta takdayen kamat na nga mappya.
25614	LUK 13:27	Ammi ya uhohug na sangaw tekamuy a ‘Maski kunna ten aweta kam haman amu am inya kam. Umadayu kanan mantu teyak, te dulay ya tarabaku muy,’ kunna hapa sangaw tekamuy.
25637	LUK 14:15	A ta nepakadangag na takdayen kahebing ni Hesus ta binida na en a “Umpa, magāsāt kitam sangaw am makikkanan kitam ta pagpamakan na Namaratu ta pagtogkok na Dafu tamen,” kunna.
25760	LUK 18:3	“A itta hapa ten ya nabalu nga babbay, a sogawan na hapa ya kwesen nga nakimemallakan gafu ta katapil na en. ‘Uffunan nak haen nga magapag ta pakaitan ta kwak gafu ta gubatan na katapil ken,’ kunna kan.
25830	LUK 19:30	“Magdulot kanan ta babali kidewan, a am nakadatang kanan ta bikat da a maita muy sangaw ya urbun na kabayu nga megalut nga awan para la natakayan. Ubadan muy, te idatang muy hapa sin.
26037	LUK 23:33	A tekiden nakadatang ta agyan na kinan da en Banga na Ulu, a yen ya nagpaappan da tekid ta tallu na krus, a netunglak da ya kayu en nga nagappan ni Hesus ta naghatan na duwa kiden nga pake dulay.
26114	JHN 1:1	A ta pake gafgafu na ngamin a dana ittan ya nagngaganen ta “Uhohug na Namaratu”. A sigida itta ta hebing na Namaratu nga nakibidan tentu, te nesipat hapa ta kadyos na Namaratu.
26116	JHN 1:3	ammi ta nekapadday da en a ya nagngaganen ta “Uhohug” ya pinagpadday na Namaratu tekid, a awan mina ta napadday tekid am bakkan ta intu ya namadday tekid ngamin.
26119	JHN 1:6	A itta hapa ya takday lalaki nga nagngagan te Hwan nga umange nangipadangag ta tolay kiden, te intu ya dinob na Namaratu, petta ipasikkal na tekid ya “Uhohugen” nga mangpadakar ta kuman na zilag, petta kurugan da mina gafu ta pangipasikkal na en tekid.
26122	JHN 1:9	A ya “Uhohugen” mantu ya zilagen nga kakurugan, te pagdakaran na ya nonot na ngamin tolay, a lumattog na hapa ta paglelehutin.
26127	JHN 1:14	Ya ikayat ku mantu uhohugan tekamuy a ya nagngaganen ta “Uhohug na Namaratu” a nagbalin hala ta tolay, a nakipagyan tekami, a sigida nangikallak hapa, ikid na nangituldu ta kakurugan. A gafu ta pake nabilbig mi ya pakedayawan na en, a yen ya nangilasinan mi ta intu hala ya Anak na Namaratu ewan.
26338	JHN 6:12	A tekiden nabattug a “Uknudan muy ya nagadgadwa kiden nga nahuna, petta aweda makenga,” kun ni Hesus ta ituldu na kiden.
26516	JHN 9:7	“Aran, E kan magamwas ta kinan da en ‘Agzigutan na Siluwam’,” kunna ta daramen. (A ya ikayat na uhohugan na Siluwam a ‘Nedob’, kunna.) Umange mantu nagamwas, a tentu en dimmatang ta bali na en a makaitan.
26911	JHN 19:17	A enna mantu inalap na suddalu kiden, a nepaagtu da tentu ya kayu en nga pagappan na. A enda netulud ta lawan na ili na Herusalem, te iange da ta kinan da en ‘Agyan na Tulang na Ulu’, ammi ‘Golgota’ ya ngagan na ta Hudyo kiden.
27271	ACT 8:26	A sangaw itta ya anghel na Namaratu nga ange maguhohug te Felipe; “Umakkat kan Felipe, te e kan ta kalsada en nga magpaabagatan ta ili na Gaza nga mangrugi ta ili na Herusalem,” kunna kan tentu.
27274	ACT 8:29	A ta nepakaita ni Felipe ta kalesa en a naguhohug hapa ya Kahalwa na Namaratu tentu; “Umabikan kan, Felipe, ta kalesa ewan, a makitunud ka la tentu,” kunna.
27296	ACT 9:11	“Umakkat kan, te e ka ta kinan da en kalsada nga matunung, a apagam ya bali ni Hudas, a damagam sangaw ya nagngagan te Salu nga taga Tarsu, te itta ten makimalmallak,
27751	ACT 21:19	“Umanu kam la,” kun ni Pablu tekid. A sangaw binida na hapa tekid ya ngamin nepaita na Namaratu ta nepangipadangag na ta uhohug na ta agyan na Hentil kiden.
27822	ACT 23:20	“Nagtatulag, Ser, ya Hudyo kiden ta pedagut da sangaw i Utte ken Pablu ta pagmamitingan na konsihal kiden ta lakwat, te ape imbestigaran da kan ta mappya.
27828	ACT 23:26	“Apo Gubernador Pelis: Umanu ka la, Apo?
27970	ACT 28:3	Umange hapa nangalap i Pablu ta hangaw, ammi tentu en nangitumpa ta hangaw kiden ta afuyen a imuhet ya madagat gafu ta patu en, a kinagat na ya kamat na en.
28413	ROM 16:9	ikid ni Urbanus nga kahulun tam makipagbannag ta tarabaku ni Hesus, ikid na iddukan ken Istakis,
29015	2CO 8:15	Ta kuman na nebar ni Moses ta surat na en a “Umange nagimana ya tolay kiden ta kustu ta kanan da, a ya nakaalap ta addu a awan ta surok na, a ya nakaalap ta assang la a awan ta kurang na,” kunna.
29267	GAL 6:12	YA MANGIPAPILIT KIDEN TA MABANGGIT KAM MINA A IKAYAT DA TA ITTA MINA TA BARI MUY YA PAKAITAN TA PAKIDAGGA MUY TEKID, PETTA MALILLIKAN DA YA PANGIKATUPAG NA SAKA HUDYO DA KIDEN TEKID GAFU TA AWEDA IKATALAK YA PASI NI HESUSEN.
29778	1TI 1:15	Itta ya bida en ta “Umange i Hesus ta paglelehutin petta ikerutan na ya minagliwat,” kunna. A kakurugan hapa ye-yen na bida, te maski am iyak ya kadakalan na dulay,
29827	1TI 4:13	A ta awek para la ange tekamuy a ikakinam ya pangibasam ta Uhohug na Namaratu ta maggagimung kidina, kumanen hapa ta pangituldum, ikid na pangitabarang mu.
29958	2TI 4:21	Alistum mantu ya ange sin ta kaatubangan na agiridin. A makikumusta hapa teko ig Ubulo, ikid ni Pudente ikid ni Lino, ikid ni Klawdya, ikid na ngamin kiden kahkahulun tam ta isin.
30241	HEB 11:2	A gafu ta mangurug kitam a amu tam ta napadday ya ngamin paglelehutin gafu ta Uhohug na Namaratu, te ya ngamin kiden maita a nagafu kid ta awan maita. A yen ta sinagappya na Namaratu ya popolu kiden tolay gafu ta nangurug kid tentu.
30410	JAS 4:6	Ammi maski iahugu na kitam na Kahalwa na Namaratu, a mappya ya iatad na tekitam petta awetam mina nonotan ya dulay, te ya nebar na hapa ta takday para na surat a “Uffunan na ya umalinnak, ammi salinan na ya mangpātā-nāng ta bari na,” kunna.
30537	1PE 5:5	A ikamuy hapa nga medyo aassang a kurugan muy ya ibar na laklakay kidina, te taronan da kam hapa. A sa maggagitta kam hapa nga mangipaita ta alinnak na nonot ta gintata-dayan tekamuy, te ya uhohug ta Bibliya a “Uffunan na Namaratu ya umalinnak, ammi ikatupag na ya magparayag,” kunna.
30608	1JN 1:1	Nagsuratak tekamuy, anak ku, gafu ta “Uhohug na Namaratu” nga nagbalin ta tolay, te nagpeta haman tekami, a naita mi ikid na nadangag mi, a pake binilbig mi ta mappya, yaga nasamgad mi para ya bari na en. Ammi ta awena para la nepagpeta tekami a dana ittan. Maski ta kāwān para la na nekahukal na paglelehutin a dana ittan te Dama na ewan Namaratu. Ammi tentu nagpeta tekami a pinasikkal mi ta mappya am anu ya katolay na, a amu min ta intu hala ya Uhohug na Namaratu nga mangatad ta magnayun na angat. A yen ta nagsuratak tekamuy petta amu muy hapa ya naita mi ikid na nadangag mi, pettam kumanen a mesipat kam hapa tekami ta pakikahulun mi ta Namaratu ewan ikid na Anak na en Hesus Kristu, te am mesipat kam hapa a pake kustu ya talak mi.
30767	REV 1:2	A iyak mantu ya mangipasikkal ta Uhohug na Namaratu ikid na ngamin nepakamu ni Hesus teyak nga naitak ikid na nadangag ku gafu ta nagmatakar teyak.
30922	REV 9:14	a ya ibar na ta mekānnamen anghel nga nagpasitang ta amaryung a “Ubadam ya appat kiden anitu nga negalut ta dakalen karayan nga Karayan na Yufurates,” kunna.
31049	REV 17:5	A nesurat hapa ya ngagan na babbayen ta mukat na en: BABILONYA KADAKALAN HINA NA NGAMIN MAKIKADALLAW IKID NA MAMADDAY TA NGAMIN DULAY Ammi melemad ya ikayat na uhohugan na ngagan na kiden.
31097	REV 19:11	A ta kabalinan na kumanen a naitak ta kuman na nahukatan ya langit, a “Hu, hu”, itta ya dumagut nga magtakay ta pake furaw na kabayu, a natultulfu hapa ya addu na sangngat na ari ta ulu na en, te ya duwa na ngagan na nga nesurat ta salnuk na en ikid na uffu na en a KATA-NANGAN NA ARI IKID NA KADAKALAN NA MAGTURAY A kuman na bagkang na afuy ya mata na kiden, te awan ta melemad tentu. A awan pulus ta pagkilluyān na, te kustu ya ngamin ibar na, a matunung hapa am ange makilaban ta katapil na kiden. A itta hapa ya ngagan na nga nesurat ta bari na, ammi intu hapa la ya makkamu am anu ya ikayat na uhohugan. Ammi amu na ngamin tolay ta intu ya Kakurugan nga mekatalak. A ya pangingaganan da tentu a ‘Uhohug na Namaratu’, kunda, te itta ya matadam na kampilan nga imuhet ta simuk na en, te yen ya pangkattab na ta tolay kiden ta ngamin kiden lugar, a pa-gangan na kid hapa ta kuman na magpaluk ta landuk. A timunud hapa tentu ya armado kiden nga nagafu ta langit, a ginsātakay kid hapa ta furaw kid na kabayu, ikid na nagbarawasi kid hapa ta dipuru furaw na ga-gamit. A gidaddagan hapa ya barawasi na ari en, te ilublubeg na ya katapil na kiden ta kuman na mangpalsok ta darag na ubas, te intu ya mangidatang ta pangpa-gang na Namaratu ewan nga seppakapangwa ta ngamin gafu ta pagporay na.