23221	MAT 1:8	a i mina Asa ya dama ni mina Yusafat, a i mina Yusafat ya dama ni Yuram, a i mina Yuram ya dama ni mina Osyas,
23223	MAT 1:10	a i mina Ezikias ya dama ni mina Manasa, a i mina Manasa ya dama ni mina Amos, a i mina Amos ya dama ni mina Yosias,
23224	MAT 1:11	a i mina Yosias ya dama ni mina Yekonias ikid na kabagis na kiden nga sakā nehulun ta Istralita kiden tekiden nealit petta mafukuk kid ta lugar na Babilonya.
23225	MAT 1:12	A ta nepagyan ni Yekonias ta lugar na Babilonya a nagbalin hapa ta dama ni Salatila, a i mina Salatila ya dama ni mina Zorubabel,
23243	MAT 2:5	A ya uhohug da hapa a “Yo ten, ili kan na Betlihem ya keanakan na,” kunda, “te ya uhohug na surat na aglavunen a
23278	MAT 3:17	A nepagka-ma na hapa ya naguhohug ta langit. “Ye ye-yan ya Anak ku nga matakit ta nonot ku. Pake matalakanak tentu,” kunna.
23293	MAT 4:15	“Ya Hentil kiden nga taga Zebulun ikid na Naptali a magyan kid ta sugiram ikid na ngarab na pasi, ammi nadakaran kid na, te naita dan ya masikan na zilag,” kunna.
23306	MAT 5:3	“Ya ngamin kiden makkamu ta itta ya pagkurangan da a nagāsāt kid, te Namaratu sangaw ya makkamu tekid,” kunna.
23373	MAT 6:22	“Ya mata muy kidina ya mangatad mina ta dakar na bari muy, a am mappya ya mata muy a sa madakaran ya ngamin bari muy.
23388	MAT 7:3	Ya ibar ku ta tagtakday tekamuy a anu haman ta ihuyam ya salasangkap ta mata na ikattolay mu, am awem maamu ta itta hapa ya tarosu ta matam.
23555	MAT 11:27	A ya uhohug na ha ta tolay kiden a “Ya ngamin kiden amu ni Damakewan a nepakamu na hapa teyak. A awan hapa ta makkamu ta amukin am awa i Damakewan la, a awan hapa ta makkamu ta amu ni Damak am awa iyak la nga anak na, ikid na tolay kiden nga ikayat ku pangipakamun tentu.
23607	MAT 12:49	A nesaned na netuldu ya kahulun na kiden ta umag na bali. “Ye yan kid hapa ig hinak ikid na kabagis ku,
23632	MAT 13:24	A ya takday para na keangarigan nga binida na tekid a intu yan: “Ya gagangay na pangikerutan na Namaratu a meangarig hapa ta uma nga namulan ta mappya na ammay.
23652	MAT 13:44	A ya kadwan kiden keangarigan nga netuldu ni Hesus a intu yan:. “Ya gagangay na pangikerutan na Namaratu a meangarig hapa ta addu na balituk nga nabayag nekali ta bangkag. Ammi itta hapa ya umange nagaradu ta bangkagen a nearadun hapa ya balituken. A gafu ta talak na ta gāsāt na en a tinappanan na ha bit ya balituken, te umange bit maglaku ta ngamin kiden kwa na petta itta sangaw ya igatang na ta bangkagen, petta kwa nan hapa ya balituken.
23663	MAT 13:55	A gafu ta kalugarān da ikid na kagitta da en napanglaw a aweda kinurug, a nedadula da. “Bakkan hud ta anak na kalapintero ikid ni Mariya en nga kagitta tam napanglaw? Yaga kagitta tam hapa ya kabagis na kiden Santiago ikid ni Hose, ikid ni Simon, ikid ni Hudas, ikid na wāgi na kiden nga babay nga magyan sin. A inya mantu ya nangalapan na ta ituldu na ikid na pakapangwa na?” kunda. Ammi ya uhohug ni Hesus tekid a “Kakurugan ta madayawan ya paguhohugan na Namaratu ta ngamin kiden lugar, ammi fwera la ta lugar na en hapa la ikid na bali na,” kunna.
23722	MAT 15:20	Yen kid ya mangatad ta pagzigmanan na tolay, ammi ta awemen pagbaggaw a awan bale,” kunna.
23774	MAT 17:5	Ammi ta paguhohug para la ni Pedru a imakban ya pake furaw na kulam a tinappanan na kid, a nadangag da ya maguhohug tekid ta umag na kulamen;, “Ye-yan ya Anak kin nga pake iddukan ku, a matalakanak hapa tentu. Mappya ta dangagan muy ya ituldu na tekamuy,” kunna.
23799	MAT 18:3	a sangaw tinabbag na hapa ya pohut da. “Ya pake ibar ku tekamuy a am awemuy mauli petta negitta kam ta kuman na abbing a awemuy sangaw mesipat ta pagariyan na Namaratu.
23862	MAT 20:1	A ya uhohug ha ni Hesus ta ituldu na kiden a “Ya pangiangarigan ku ta pangsagolyat na Namaratu ta tolay na kiden a kuman na tolayen nga itta ya alawa na uma na, a naggabgabi ta lalakwat, te ange magapag ta mayat mangallu ta uma na en.
23943	MAT 22:2	“Ya pangiangarigan ku ta pangikerutan na Namaratu ta tolay a kuman na takday na ari nga nagpamakan ta boda na anak na en,” kunna.
23978	MAT 22:37	A ya tabbag hapa ni Hesus tentu a “Ya kadakalan na ngamin kiden lintig na a intu yan: ‘Iddukam ya Dafumewan Namaratu ta ngamin nonot mu ikid na ngamin kasikanan na barim,’ kunna.
24049	MAT 24:23	“A am madangag muy sangaw ya ‘O itan muy, itta in ya Kristu nga mangikerutan tekitam,’ kumin, ono am ‘Yo, itta tewan,’ kumin, a awemuy malat kurugan,
24071	MAT 24:45	A ya takday para na keangarigan nga binida ni Hesus tekid a intu yan: “Ya mekwenta ta mekatalak ikid na makanonot a intu hala ya kuman na tagabu en nga awan mangilogot ta dafu na en, te idulot na la ya magpakan ta anak na kiden ta kuman na nebar na dafu na en tentu.
24097	MAT 25:20	Umange ya takdayen nga inatadan na ta limaribu, a ‘Limaribu ya neatad mu teyak, Afu. Ye, nadaggan kun hapa ta limaribu te mafuluribun ngamin,’ kunna.
24149	MAT 26:26	A tekid para la nagkakan a nangalap i Hesus ta pan kapye na nepakimallak, kapye na hapa ginadgadwa, a sangaw nesaned na ta ituldu na kiden. “Yeh, kanan muy yan te ye-yan barikin,” kunna.
24150	MAT 26:27	A sangaw inalap na hapa ya basu na binarayangen kapye na ha nepakimallak, a sangaw negawat na hapa tekid, “Yeh, sa uminum kam ta isin,
24171	MAT 26:48	A dana nebar na mangitalaba en ya pagsenyas na sangaw ta kahulun na kiden petta amu da ya gafutan da. “Ya amuyan ku sangaw a yen ya gafutan muy, te intu yen,” kunna.
24184	MAT 26:61	a ya uhohug da hapa a “Ya kuman na nadangag mi ta uhohug na inin a itta kan ya pakapangwa na nga mangkutkutet ta simbaan na Namaratu kapye na ha patayukan ta las-ud na talluhaw,” kunda.
24194	MAT 26:71	kapye na sang umadayu tagad ta sasarokanen. Ammi itta hapa ten ya takday ha na babbay nga nakelasin tentu, a netuldu na i Pedru ta katayukan na kiden. “Yeyan hapa ya takday kahulun ni Hesusen taga Nasaret ta iten Galileya,” kunna tekid.
24235	MAT 27:37	Itta hapa ya nesurat da ta utun na ulu na en petta mebasa ya pangpapasin da tentu, “Ye-yan i Hesus nga Ari na Hudyo kiden,” kun na surat da,
24285	MRK 1:1	Ya fun na Bida ni Hesus Kristu nga Anak na Namaratu ewan a intu yan ta kuman na nesurat na aglavunen mina Isayas: “Ya uhohug na Namaratu ta Anak na en a ‘Dangagam, Anak ku, te itta sangaw ya doban ku nga mapmapolu ammi teko, te intu sangaw ya mangipadangag ta iangem,’ kunna.
24307	MRK 1:23	A tentu para la nangituldu a ka-ma la kimahalwan hapa ya takday lalaki ta umag na kapilya en gafu ta anitu na en; “O, Hesus taga Nasaret, anu itta ka sin tekami? Amu ta ka, te iko ya kagitta na Namaratu ewan. Yen hud ya umeyam sin petta pakākāllakan na kami?” kunna.
24391	MRK 3:34	a nesaned na netuldu ya kahulun na kiden ta umag na bali, “Yeyan kid hapa ig hinak ikid na kabagis ku,
24479	MRK 6:3	A gafu ta kalugaran da ikid na kagitta da en napanglaw a aweda kinurug, a nedadula da. “Bakkan hud ta anak la na kalapintero ikid ni Mariya en nga kagitta tam napanglaw? Yaga kagitta tam hapa ya kabagis na kiden Santiago, ikid ni Hose, ikid ni Simon, ikid ni Hudas, ikid na wāgi na kiden nga babay nga magyan tekitam sin,” kunda.
24552	MRK 7:20	A ya uhohug na para tekid a “Ya imuhet ta simuk na tolay ya mangatad ta pagzigmanan na, te magafu hala ta nonot na.
24614	MRK 9:7	A kima-ma la hapa ya pake furaw na kulam nga imakban tekid, a tinappanan na kid, a nadangag da hapa ya maguhohug tekid ta umag na kulamen, “Ye-yan ya Anak kin nga pake iddukan ku. A mappya ta dangagan muy ya ituldu na tekamuy,” kunna.
24771	MRK 12:29	A ya neuhohug mantu ni Hesus tentu a “Ya fun na ngamin lintig na a intu yan: ‘Dangagan muy, ikamuy nga Istralita, Intu la dafu muy ya Namaratu ewan, a awan ta takwan.
24772	MRK 12:30	A mappya mantu ta iddukan muy ta ngamin nonot muy ikid na ngamin kasikanan na bari muy.’ kunna. Yen ya kadakalan na fun na ngamin lintig na Namaratu.
24777	MRK 12:35	A ta pangituldu para la ni Hesus ta umag na simbaanen a itta hapa ya pinohutan na ta tolay kiden. “Ya kuman na ituldu na mangituldu kiden a ibar da ta simsima ni mina Dabid ya Mangikerutanen nga nekari na Namaratu. A kakurugan hapa ya ibar da, ammi had kukunna simsima na?
24807	MRK 13:21	“A am madangag muy sangaw ya ‘O itan muy, itta in ya Kristu nga mangikerutan tekitam,’ kumin, ono am ‘Yo, itta tewan,’ kunna, a awemuy malat kurugan,
24845	MRK 14:22	A tekid para la nagkakan a nangalap i Hesus ta pan kapye na nepakimallak, kapye na hapa ginadgadwa, a sangaw nesaned na ta ituldu na kiden. “Yeh, kanan muy yan te yeyan ya barikin,” kunna.
24847	MRK 14:24	“Yeyan hapa ya dagak nga mangipasikkal ta pakitulagan na Namaratu, te mapagarut sangaw ya dagakin petta mapakoma ya liwat na addu na tolay.
24867	MRK 14:44	A dana nebar na mangitalaba en ya pagsenyas na sangaw ta kahulun na kiden petta amu da ya gafutan da. “Ya amuyan ku sangaw a yen ya gafutan muy, te intu yen, a appiyan muy ya panggafut muy tentu,” kunna tekid.
24881	MRK 14:58	“Ya kuman na nadangag mi ta uhohug na inin a itta kan ya pakapangwa na nga mangkutkutet ta simbaanen nga pinadday na tolay, te takwan kan ya patayukan na ta las-ud na talluhaw nga awena paddayan na tolay,” kunda.
24892	MRK 14:69	Ammi nalasin na hapa na takday ha na babbay, a netuldu na i Pedru ta katayukan na kiden. “Yeyan hapa ya takday kahulun na,” kunna tekid.
24921	MRK 15:26	a itta hapa ya nesurat da ta utun na ulu na en petta mebasa ya pangpapasin da tentu. “Ye-yan ya Ari na Hudyo kiden,” kun na surat da.
24963	LUK 1:1	Iko nga kofun ku, Teyopilo. Yen ta nagsuratak teko petta amum ya kakurugan gafu te Hesus Kristu, te addu hapa ya nadangag mu gafu tentu nga nesurat na kadwan kiden. A intu nesurat da ya kuman na nabida tekitam ngamin, te ya kahulun kiden ni Hesus nga nakaita ikid na nanguffun tentu nga nangipadangag ta uhohug na a ikid hala ya imunnan nga nangibida tentu. A gafu ta pake napasikkal kun hapa ya ngamin tarabaku na addet ta gafu na en a yen ta nanonot ku hapa ya mangisurat ta matunung na bida teko, petta amum hapa ya kakurugan ta ngamin kiden nabida teko.
25108	LUK 3:14	Yaga suddalu hapa ya umange pazigut, a pinohutan da hapa ya tarabakun da mina, a ya tabbag na tekid a “Awemuy persan ya tolay kiden nga mangatad ta pirak, a awemuy kid hapa tātālawan, te matappag kanan mina ta tandan muyen,” kunna.
25166	LUK 4:34	“O Hesus nga taga Nasaret, anu itta ka sin tekami? Amu ta ka, te iko ya kagitta na Namaratu ewan. Yen hud ya umeyam sin petta pakākāllakan na kami?” kunna.
25220	LUK 6:5	A ya takday para nebar na tekid a “Ya Tolayin taga Langit ya makkamu ta araw na agimmang,” kunna.
25284	LUK 7:20	A dinatangan da i Hesus nga magpamappya para la ta addu na magtatākit, te pinatugut na ya anitu na seanitu kiden, a pinagmappya na hapa ya mata na addu na nagdaram. A sangaw nebar da hapa ya neange da tentu; “Yen ta itta kamin, Afu, te dinob na kami ni Hwan, te damagan na kan am iko ya Mangikerutanen nga nekari na Namaratu nga indagan mi, ono itta para la ya takwan nga indagan mi?” kunda.
25307	LUK 7:43	A ya tabbag hapa ni Simon a “Ya dakdakalen de ta gatut ya pake matalak tentu,” kunna hapa. “A kustu kad ya tabbag mina,” kun ni Hesus tentu.
25325	LUK 8:11	“A dangagan muy mantu ya pagbalinan na keangarigan ken: Ya hukal kiden nga nepurwak a yen kid ya uhohug na Namaratu.
25405	LUK 9:35	A nadangag da hapa ya maguhohug tekid ta umag na kulamen, “Ye ye-yan ya Anak kin nga pake iddukan ku. Mappya ta dangagan muy ya ituldu na tekamuy,” kunna.
25412	LUK 9:42	A tentu en nangiange ta anak na en tentu a ka-ma la pinagkissiw na anitu na en. Ammi ginamman ni Hesus ya anitu en a nagmappyan ya abbingen, a “Yeh, alapam na,” kunna te dama na en.
25550	LUK 12:22	A sangaw nedulot ni Hesus ya uhohugan na ta ituldu na kiden; “Yen ya uhohugan ku tekamuy ta awemuy mina burungan ya pagkatolay muy am anu sangaw ya kanan muy ikid na inuman muy, a awemuy mina burungan am anu sangaw ya pagbarawasi muy.
25577	LUK 12:49	A ya netuldu para ni Hesus tekid a intu yan: “Yen ya umeyan ku ta lutakin petta ipurwak ku ya afuy ku ta ngamin tolay, a ampade gumatang kid na mina.
25620	LUK 13:33	Yen sangaw ya ibar muy tentu, te maski am anu ya panatalaw na teyak a mappya ta idulot ku la ya umange ta ili na Herusalem. Te gagangay ta yen ya pangpapasin da ta aglavun na Namaratu,” kunna tekid,
25695	LUK 16:6	‘A ya amuk a magatut na lata na denu,’ kunna kan hapa. ‘Yeh, alapam mantu ya pinermam a ulim ya gatut mu ta limafulu la, a alag mu hapa,’ kunna kan na magtaronen tentu.
25696	LUK 16:7	“A sangaw dumatang hapa ya takday a ‘Amum am piga ya gatut mu ta dafuken nga nelista ta isin?’ kunna kan tentu. ‘A amuk ay, te magatut na kaban na irik,’ kunna kan hapa. ‘Yeh, alapam mantu ya pinermam a ulim ya gatut mu ta walufulu la,’ kunna kan ha na magtaronen.
25820	LUK 19:20	“A sangaw umange hapa ya takday, a ‘Yeh, Afu, ya nepatarom teyak. Pake neappiyak ta umag na panyaw kin,
25822	LUK 19:22	‘Kuga dupal ya tagabu in yan,’ kunna hapa na ari en tentu. ‘Ya uhohug mu hapa la ya pangpa-gang ku teko. Am pahig mu ta maporayak na tolay nga magba-nang ta banbannag na kadwan
25889	LUK 20:41	A ta nekabalin na pagpohut da a itta hapa ya pinohutan ni Hesus ta tolay kiden. “Ya kuman na ituldu na mangituldu kiden ta lintig a ibar da ta simsima ni mina Dabid ya Mangikerutanen nga nekari na Namaratu. A kakurugan hapa ya ibar da, ammi had kukunna simsima na?
25950	LUK 22:17	A sangaw nagibbal ta paginuman na binarayang kapye na nakimallak, a sangaw negawat na ta ituldu na kiden. “Ye, sa uminum kanan ta isin,
25953	LUK 22:20	A ta nekabalin na nepamuhab da a inibbalan na ha ya paginuman na binarayang kapye na neatad tekid, “Ye-yan ya panadamdaman muy ta bagu en tulag na Namaratu tekamuy gafu ta dagak nga magarut sangaw ta gafu tekamuy.
25989	LUK 22:56	A ta pagtuttud para la ni Pedru ta dakar na afuyen a neitan na babbayen tagabu ta pagtalib na, a pake inita na ta mappya kapye na netuldu ta kadwan kiden. “Yeyan hapa ya takday kahulun na ginafut da en,” kunna.
26018	LUK 23:14	“Ye-yan na tolay ya neange muy teyak, te ibar muy haman ta sanatan na ya kagitta muy kiden petta makitapil kid mina ta gubyernu. Ammi pinohutan ku ta mappya ta atubang muy, a awan haman ta nadangag ku ta kuman na pangidaruman muy tentu.
26070	LUK 24:10	I Mariya taga Magdala, ikid ni Yohana, ikid ni Mariya nga hina ni Santiago, ikid na kadwan kiden sakā bābāy da, a yen kid ya umange nangibar ta turin kiden.
26107	LUK 24:47	Yaga nesurat da hapa ta mepadangag mina ya ngagan na en ta ngamin tolay, petta magbabawi kid mina ta liwat da, a pakoman na kid hapa na Namaratu. A mappya mantu ta yen ya ipadangag muy ta ili na Herusalem, kapye muy ipadangag ta ngamin kiden lugar abat ta ngamin paglelehutin.
26127	JHN 1:14	Ya ikayat ku mantu uhohugan tekamuy a ya nagngaganen ta “Uhohug na Namaratu” a nagbalin hala ta tolay, a nakipagyan tekami, a sigida nangikallak hapa, ikid na nangituldu ta kakurugan. A gafu ta pake nabilbig mi ya pakedayawan na en, a yen ya nangilasinan mi ta intu hala ya Anak na Namaratu ewan.
26128	JHN 1:15	A intu hala en ya netuldu ni Hwan ta tolay kiden, te ya pake neayag na tekid a “Ye ye-yan ya nabidaken tekamuy nga umange sangaw ta gafan ku, te pumatalin sangaw teyak. A pake atata-nang ammi teyak, te dana ittan ta aweken para la nekeanak”, kunna.
26149	JHN 1:36	a naita na i Hesus ta pagtalib na en tekid, a netuldu na tekid. “Yo ewan ya Kalneru na Namaratu nga mesagapil sangaw ta tolay kiden,” kunna ta kahebing na kiden.
26154	JHN 1:41	A enna mantu inapag ni Andres. A ta nepakaapag na tentu a “O, Simon, ittan hala ya Messayasen nga dana nebar na Namaratu tekitam, te nesimmun min,” kunna. (Ya ikayat na uhohugan na “Messayas” nga kinan na, a “Mangikerutan”.)
26220	JHN 3:31	A ya nagafu en mantu ta utun ya pake atata-nang ammi ta ngamin, ammi ya taga lutakin a intu la amu na ikid na bidan na ya makkwa ta agyan na lutakin. Ya taga langitewan mantu ya pake atata-nang ammi ta ngamin,
26261	JHN 4:36	Ya ange maggatab a itta hala sangaw ya tandan na, te kuman na mauknud ya magatab na kiden petta magnayun ya angat da, pettam kumanen a mahahulun magayayat ya nagmula en ikid na naggataben.
26271	JHN 4:46	A sangaw nagdulot ig Hesus ta ili na Kana. Yen hala ya lugar na boda en tentu en nangihuga ta danumen petta nagbalin ta binarayang. A ta datang da ta ili na Kana a itta hapa ya takday opisyal nga nagtakit ya anak na ta ili na Kapernayum.
26383	JHN 6:57	Ya Damakewan nga awan sangaw masi ya nangidob teyak, a matolayak hapa gafu tentu. A kumanen hapa ta manganen teyak, te matolay hapa gafu teyak.
26528	JHN 9:19	“Ye-yan hud ya anak muyen nga kinan muy nagdaram ta nekeanak na? A am ‘On,’ kummuy a ipasikkal muy mantu am had kukunna makaita ta ayanin,” kunda.
26548	JHN 9:39	A ya pasikkal ni Hesus ta iningwa na en ta nagdaramen a “Yen ta umange yak ta paglelehutin, petta melasin ya mangurug ikid na awan mangurug gafu teyak, pettam kumanen a makaita ya nagdaram kiden, ikid na magdaram ya makaita,” kunna.
26556	JHN 10:6	Yen hala ya addet na keangarigan ni Hesus ta Hudyo kiden, ammi aweda nanonot am anu ya ikayat na uhohugan tekid.
26649	JHN 11:57	Yen ya uhohug da, te ya padi kiden ikid na Pariseyu kiden a dana nangibar kid ta am itta ya makkamu ta agyan ni Hesus a ipakamu da mina tekid, petta enda gafutan.
26746	JHN 14:9	“Anu nabayagak na haman tekamuy, Felipe, a awem para la amu am inya yak. Ya nakaita teyak a naita na hapa i Damak. Annum mantu ibar ta ipaitak i Damak tekamuy?
26796	JHN 16:1	“Ye-yen kid na bida ya isirak ku tekamuy, petta awemuy sangaw magbabawi gafu ta dumatang tekamuy,
26823	JHN 16:28	Ya Damakewan ya nagafun ken teyaken lumattog ta lutakin. A ta ayanin a magtoli yak hala tentu, te magtugutak na ta isin,” kunna.
26825	JHN 16:30	A ayanin para la ya pakkamu mi ta maski am awan ta mangibar teko a dana amum ya ikayat na pohutan teko. Yen mantu ya pangurugan min ta Namaratu hala ya nagafum,” kunda.
26889	JHN 18:35	“Annun ku hud ipahig am ari ka, baka Hudyo yak hud. Ya kagittam kiden ikid na pinakadakal da kiden ya nangiange teko ta isin petta iyak mina ya mangibar ta pasim. Anu mantu ya iningwam?” kunna ha ni Pilato tentu.
26899	JHN 19:5	A imuhet na i Hesus nasangngatan ta sit, ikid na nasalnukan ta kuman na ari. “Ye, itan muy ya tolayin,” kunna ha ni Pilato tekid.
26908	JHN 19:14	Alas seis ta lalakwat ya nepagtuttud na ta araw na Byernis ta simana na Hudyo kiden. A ya nebar na tekid a “Yeh, itan muy, itta in ya ari muy,” kunna tekid.
27087	ACT 3:22	“Ya uhohug ni mina Mosesen ta dadagkal tam kiden a ‘Mangidob sangaw ya Namaratu ta takday aglavun ta kuman na nepangidob na teyak, ammi kagitta muy hala sangaw, a mappya ta dangagan muy ya ngamin ituldu na tekamuy.
27234	ACT 7:49	‘Ya langitin ya pagtuttudan ku, a ya lutak ya ilubeg na takkik kidin. A had kukummuy mantu mamadday ta bali nga pagyanan ku? A had sin para ya pangpaddayan muy ta pagiddan ku?
27237	ACT 7:52	Itta hud ya maski takday na aglavun na Namaratu nga awena tinapil na dadagkal tam kiden ta idi, te dinugiman da kid ngamin. Yaga pinapasi da para ya kadwan nga dana nangibar ta iange na Anak na Namaratu, otturu intu hala ya pinadadakat muy ta taga Roma kiden petta papasin da.
27241	ACT 7:56	“Yo, itan muy, mahukatan na ya langit ewan, a umatayuk kad ya Tolayen Taga Langit ta hebing na Namaratu ewan,” kunna.
27243	ACT 7:58	a ginerger da ta lawan na ili petta papasin da ta batu. Ya nagladdud kiden tistigu nga nangipapilit ta liwat na a gagangay ta ikid ya mapolu mangwarad tentu, a dana inazi da mantu ya salnuk na barawasi da, petta awena magsalin na pangwarad da, a nepaibbal da ya salnuk da kiden ta takday kahulun da nga nagngagan te Salu, kapye da winarad i Esteban.
27280	ACT 8:35	A pinegafwanan ni Felipe ya suraten binasa na, petta pake ipadangag na tentu. “Ya nagsuraten ta binasamina a linavun na ya pasi ni Hesusen nga Anak na Namaratu ewan,” kunna, otturu nepadangag na hapa ya katolay na en.
27498	ACT 14:15	“An-anu haman yana O? Bakkan kami ta dyos muy, te kagitta da kami la nga tolay,” kunda. “Yen ta ipadangag mi ya damag ni Hesus tekamuy petta amu muy ya kakurugan na Dyos nga namadday ta ngamin kiden itta ta langit pase paglelehutin. Mappya mantu ta azin muy ya mangatang ikid na makimallak ta awan manguffun tekamuy.
27537	ACT 15:26	Ya duwa kidina ya kakurugan nga nangisagapil ta bari da ta nepangserbi da ta dafu tamewan Hesus Kristu.
27569	ACT 16:17	A dimmagdag la ya balatangen tekami abat ta addu na araw, a iayayag na kami ta tolay kiden. “Ye-yan kid na tolay ya daddoban na Kata-nangan na Dyos, a ipadamag da ya mangikerutan tekamuy,” kun na ayag na en.
27598	ACT 17:6	Ammi mappya te dana nagkahan kid nagtugut, a aweda kid mantu nadatangan. A gafu ta kumanen a nekabkabat da ig Hason ginafut ikid na kadwan kiden mangurug, a ginerger da kid ta atubang na konsihal da kiden ta ili. “Ye-yan kid ya kahulun na duwa kiden nga manabtabang ta ngamin kiden lugar, te pinagdulot na kid ni Hason ta bali na. A sa makaliwat kid ta lintig na Ari en ta ili na Roma, te ipapilit da ya takwan na ari nga magngagan te Hesus,” kun na ayag da en.