23275	MAT 3:14	Ammi mamat haman i Hwan nga mangzigut tentu, “Te anu haman pazigut ka teyak bakawa iyak mina ya zigutam?” kunna te Hesus.
23459	MAT 9:11	A ta nepakaita na Pariseyu kiden te Hesus ta makikkanan hapa ta bali ni Matyu a linibakan da hapa, ammi ya ituldu na kiden ya nangibaran da; “Anu haman ta makikkanan ya mistro muy ta agsingir kiden ta bwis ikid na dulay na tolay?” kunda.
23462	MAT 9:14	A ta nekabalin na kumanen a umange hapa nakibidan ya ituldu kiden ni Hwanen nga nangzigut ta tolay kiden. A ya pohut da hapa te Hesus a “Anu kawagan na, Afu, ta awena ngilinan na ituldum kiden ya arawen nga aweda pangan, te ikami ikid na Pariseyu kiden a ngilinan mi haman?” kunda.
23476	MAT 9:28	A ta nesarok nig Hesus ta pagyanan na en bali a dumagdag hapa tentu ya daram kiden, a yen ya nepaguhohug ni Hesus tekid. “Ikatalak muy hud ta mabalin ku hala ya adangan muy teyak?” kunna hapa tekid, a “On, Afu,” kunda hapa.
23486	MAT 9:38	A te awemuy haman ibar ta Makkamu en magpagatab, petta doban na kam hapa nga manguffun maggatab?” kunna tekid.
23531	MAT 11:3	A ya nebar da tentu a “Damagan mi kan am iko ya Mangikerutanen nga nekari na Namaratu ewan nga indagan mi? O itta para la ya takwan nga indagan mi?” kunda tentu.
23662	MAT 13:54	A tentu en dumatang ta ili na en a umange hapa nangituldu ta kapilya. A pake nepagpaka-lat da hapa, te kalugarān da haman a papa-nun na makkamu mangituldu, a yen ta nagimpopohut kid na ta pagpaka-lat da tentu. “Inya hud ya nangalapan na ta kumanin na bida?,” kun na takday. “A anu hud ya ikayat na uhohugan?” kunna hapa na takday. “A anu kawagan na ta itta ya pakapangwa na?” kunna para na takday.
23663	MAT 13:55	A gafu ta kalugarān da ikid na kagitta da en napanglaw a aweda kinurug, a nedadula da. “Bakkan hud ta anak na kalapintero ikid ni Mariya en nga kagitta tam napanglaw? Yaga kagitta tam hapa ya kabagis na kiden Santiago ikid ni Hose, ikid ni Simon, ikid ni Hudas, ikid na wāgi na kiden nga babay nga magyan sin. A inya mantu ya nangalapan na ta ituldu na ikid na pakapangwa na?” kunda. Ammi ya uhohug ni Hesus tekid a “Kakurugan ta madayawan ya paguhohugan na Namaratu ta ngamin kiden lugar, ammi fwera la ta lugar na en hapa la ikid na bali na,” kunna.
23704	MAT 15:2	“Anu awena haman dumagdag na ituldum kiden ta netuldu na dadagkal tam kiden, te am kada mangan kid a aweda bit magbaggaw ta kamat da?” kunda tentu.
23714	MAT 15:12	A ta magananwan la a itta hapa ya ibar na ituldu na kiden tentu. “Awem de amu, Afu, ta pake ikatupag na ka na Pariseyu kiden gafu ta inuhohug mu tekid?” kunda.
23729	MAT 15:27	“Kakurugan, Afu, ya uhohug mina, ammi awena hud mangan na atu kiden ta hugta na dafu na en nga nahunnak ta lutak?” kunna hapa na babbayen.
23736	MAT 15:34	“A awan hud ta huna muy nga pan?” kunna ha tekid. “A itta ay, ammi pitpitu hukal la, ikid na assang kid la na daldalag,” kunda hapa.
23754	MAT 16:13	A tekiden umabikan ta ili na Sesariya Pilipo a itta ya pinohutan ni Hesus ta ituldu na kiden; “Anu kan ya pangitan na tolay kiden teyak am inya yak?” kunna tekid.
23756	MAT 16:15	“A ikamuy ay, anu hapa ya pangitan muy teyak?” kunna ha tekid.
23788	MAT 17:19	A sangaw ta awan ta nakibidan te Hesus a umange tentu ya ituldu na kiden, a “Anu awemi napatugut ya anitu na en?” kunda tentu.
23793	MAT 17:24	A tekiden dumatang ta ili na Kapernayum a nesimmun da ya magtuki kiden ta bwis na Simbaan. A pinohutan da hapa te Pedru am magpaga i Hesus ta bwis. “Anu, awena de magpaga na mistro muy ta bwis na Simbaan?” kunda tentu.
23794	MAT 17:25	“Haan man,” kunna hapa ni Pedru. Ammi ta datang ni Pedru ta bali a nepagka-ma na hapa ya pohut ni Hesus tentu. “Anu ya uray mu, Simon, ta gagangay na ari kiden ta lutakin am had sin na tolay ya pagpagan da ta bwis? Intu de pagpagan da ya kagitta da kiden ono taga kadwan kiden lugar?” kunna tentu.
23797	MAT 18:1	A ta pagyan da para la ten a itta ya ikayat na ituldu na kiden ta pohutan da te Hesus, a “Afu, inya hud sangaw tekami ya pake kadakalan na makipagturay teko ta pagariyan na Namaratu ewan?” kunda.
23817	MAT 18:21	A tentu en nabalin nagbida a umabikan hapa i Pedru nga mangpohut tentu. “A am pagliwatan nak na kabagis ku, Afu, a mamempiga mina ya pagpakomak tentu am inaman nak? Gustu de ya mamempitu?” kunna.
23834	MAT 19:3	A umange hapa tentu ya kadwan kiden Pariseyu, te itta ya pinohutan da tentu ta pangparuba da tentu. “Mistro, had kun na pangawatam ta lintigen nga netuldu ni Moses gafu ta magatawa kiden, te mepalubus de ta igungay na lalaki ya atawa na ta kompormi la na razon?” kunda tentu.
23838	MAT 19:7	A ya pohut da ha tentu a “Anu kawagan na mantu ta nepalubus ni Moses ta makigungay ya lalaki ta atawa na am iatad na tentu ya papel na pakigungay na?” kunda.
23849	MAT 19:18	“A onay ammi had sin hud na lintig ya kurugan ku?” kunna ha na lalaki en. “A amum haman ya lintig na kiden ta awem mamapasi ta tolay, ikid na awem mangadallaw, ikid na awem magtakaw, ikid na awem magladdud.
23851	MAT 19:20	Ammi ya tabbag ha na lalaki en, “A onay ammi kanayun kinurug ku yana kid na lintig abat ta kaabbing ku, a anu para ya pagkurangan ku?” kunna.
23856	MAT 19:25	A pake nepagpaka-lat da hapa ya inuhohug na tekid, a “Am gagangay ta kunna ten, Afu, a itta hud para ya mekerutan?” kunda.
23882	MAT 20:21	“Anu ya ikayat mu, Ina?” kun ni Hesus tentu. “A te ya ikayat na duwa kidin anak ku a ikid kan mina ya mesaad sangaw ta hebing mu am makatogkok kan sangaw ta pagariyam ta lutakin,” kunna hapa.
23883	MAT 20:22	“Ahu, awemuy de amu ya zigat na adangan muy,” kun ni Hesus tekid. “Makkwa muy hud sangaw ya magattam ta kagitta na neatad na Namaratu teyak ta zigat kin?” kunna. “A on ay, makkwa mi hapa,” kunda.
23893	MAT 20:32	A nagtayuk hapa i Hesus, a binaran na kid; “Anu hapa ya pakkwa muy teyak?” kunna tekid.
23905	MAT 21:10	A ta nepakasarok nig Hesus ta ili na Herusalem a pake masitang na ya tolay kiden ta pagpaka-lat da tentu, te “Inya hud ya tolayin yan?” kukunda.
23911	MAT 21:16	“Awem hud madangag ya uhohugan na anak kiden?” kunda hapa te Hesus ta pagporay da. “A onay, a awemuy hud nabasa ya uhohug na suraten ta maski abbing ikid na asitay ya netuldu na Namaratu ta pangdayaw da tentu?” kunna tekid.
23915	MAT 21:20	A ta nepakaita na ituldu na kiden ta kayu en a “Anu alistu nagkatang ya kayu in?” kunda ta pagpaka-lat da.
23918	MAT 21:23	A ta datang da ha ta ili na Herusalem a kuga simarok kid ha ta simbaanen, a nangituldu hapa i Hesus ta tolay kiden. A sangaw umabikan hapa tentu ya padi kiden ikid na kadwan kiden pinakadakal na tolay kiden, a pinohutan da ya gafu na tarabaku na. “Inya hud ya nangatad ta turay mu petta maguray ka la ta ngamin tinarabakum ta isin?” kunda.
23920	MAT 21:25	A ya pohut kin tekamuy a inya hud ya nangatad ta turay ni mina Hwanen petta mangzigut ta tolay, te ibar muy teyak am Namaratu, ono tolay la ya nangatad ta turay na?” kunna tekid. A gafu ta napopoyung kid na ta saludsud na en tekid a dana nagbabidan da bit ta melemad am anu mina ya tabbag da tentu; “A anu mina ya tabbag tam tentu, te am ibar tam ta Namaratu ya nangatad tentu a ‘Anu kawagan na mantu ta awemuy kinurug,’ kunna sangaw tekitam.
23926	MAT 21:31	A had sin mantu ta duwa kiden ya nangurug ta dama da en?” kun ni Hesus tekid. “A ya napolu en ay,” kunda hapa. “A yen mina ya pagnonotan muy, te ta neange ni Hwanen nga nangipadangag ta katunungan tekamuy a awemuy haman kinurug. Ammi ya nagdarogas kiden nga nagsingir ta bwis ikid na nakisweldu ta pakidallaw da a kinurug da a nagbabawi kid. A maski am naita muy ya panguli na gagangay da, a usut kam la nga awan nagbabawi. A yen ta ikid sangaw ya mesipat ta pangikerutan na Namaratu, ammi tekamuy a melogot kam,” kunna.
23935	MAT 21:40	“A ta kuman na uray muy, a anu sangaw ya uray na makāunasen ta nangābāng kiden am dumatang sangaw tekid?” kunna.
23961	MAT 22:20	“A inya hud ya makāmukat ikid na makāngagan ta pirakin yan?” kunna tekid.
23969	MAT 22:28	A am kakurugan ta matolay hala sangaw ya nagpasi kiden a had sin hud ta pitu kiden ya atawa sangaw na babbayen, te sa inatawa da haman?” kunda te Hesus.
23983	MAT 22:42	“Anu hapa ya uray muy ta Mangikerutanen nga nekari na Namaratu tekamuy? Inya hud ya gingginafu na?” kunna tekid. “A intu gingginafu na i mina ari en Dabid,” kunda hapa.
23986	MAT 22:45	A am nengagan na mantu ni mina Dabid ta ‘Dafu ken,’ kunna, a had kukunna mantu magbalin ta simsima na para?” kun ni Hesus tekid,
24029	MAT 24:3	A tekiden nakadatang ta utun na bagetay na Olibo, a nagtuttud i Hesusen. A umange ha tentu ya ituldu na kiden, a pinohutan da ya nebar na en tekid. “Afu, dangagan mi haen am kanu sangaw na araw ya nebar men nga kaperdi na simbaanen. A am magtugut kan sangaw a anu hapa sangaw ya pakaitan mi ta pagtolim sangaw sin ikid na pagaddetan na arawin yan?” kunda.
24138	MAT 26:15	A ta datang na tekid a “Piga hud sangaw ya iatad muy teyak am uffunan ta kam manggafut te Hesus?” kunna tekid. A nagtatulagan da ya tallufulu hukal na pirak.
24145	MAT 26:22	A gafu ta nebar na en a nagdadamdam kid na, a ya tagtakday kid hapa ya nagpohut tentu, “Iyak hud ya kinamen, Afu?” kun na tagtakday tekid.
24148	MAT 26:25	A yen hapa ya nepagpohut ni Hudasen nga manggakkad mangitalaba tentu. “A iyak hud, Afu, ya kinamen nga mangitalaba teko?” kunna. “Maski iko,” kunna hapa ni Hesus tentu.
24177	MAT 26:54	Ammi am kunna ten a had kukunna sangaw magdulot na uhohug na surat kiden?” kunna tentu.
24185	MAT 26:62	A sangaw nagtayuk hapa ya kadakalan na padi, kapye na naguhohug te Hesus. “Awan hud ta tabbag mu? Anu mantu ya uhohugam ta ipaliwat na duwa kiden teko?” kunna.
24189	MAT 26:66	Anu mantu ya uray muy tentu?” kunna ha. “A mappya ta mapapasi!” kunda.
24209	MAT 27:11	A i Hesusen hapa a pinagtayuk da ta atubang na gubernadoren, petta imbestigaran na. “Anu, iko hud ya nebar da en nga Ari na Hudyo kiden?” kunna te Hesus, “A iko mina ya mangibar,” kunna hud la ni Hesus tentu.
24211	MAT 27:13	“Anu awem hud madangag ya ngamin ipasikkal da ta liwat mu?” kunna hapa ni Pilato tentu.
24215	MAT 27:17	A gafu ta nagaammung na ya tolay kiden a pinohutan ni Pilato tekid am inya ya ikayat da pohetan. “Had sin mina ta duwa kidin ya ikayat muy ta pohetan ku? I Barabas ya ikayat muy, ono i Hesus nga magngagan hapa ta Kristu?” kunna.
24219	MAT 27:21	A sangaw pinidwa ni Pilato ya pohut na ta tolay kiden, “A anu ya uray muy ta duwa kidin, had sin mina tekid ya pohetan ku?” kunna ha tekid. “I Barabas!” kunda hapa.
24220	MAT 27:22	“A anu mantu ya uray muy te Hesusin nga magngagan te Kristu?” kunna ha ni Pilato tekid. A giaggayan kid na ta “Pagappam ta kayu,” pakakin kid.
24221	MAT 27:23	“Te anu hud, anu hud ya liwat na?” kunna hapa. Ammi pake giaggayan kid ha ta masikan ta “Pagappam ta kayu, pagappam ta kayu,” pagkin kid ha.
24245	MAT 27:47	“Anu, ayagan na de i Eliyas?” kunna hapa na kadwan kiden nga nagbuya tentu.
24307	MRK 1:23	A tentu para la nangituldu a ka-ma la kimahalwan hapa ya takday lalaki ta umag na kapilya en gafu ta anitu na en; “O, Hesus taga Nasaret, anu itta ka sin tekami? Amu ta ka, te iko ya kagitta na Namaratu ewan. Yen hud ya umeyam sin petta pakākāllakan na kami?” kunna.
24345	MRK 2:16	A ta pakaita na Pariseyu kiden ta nakikkanan hapa i Hesus ta agsingir ta bwis ikid na dulay na tolay, a linibakan da hapa, ammi ya ituldu na kiden ya nangibaran da; “Anu makikkanan hapa ya mistro muy ta agsingir kiden ta bwis ikid na dulay na tolay?” kunda.
24347	MRK 2:18	A ta takday ha na araw a ngilinan na Pariseyu kiden ya arawen nga aweda pangan gafu ta pagdamdam da, a kumanen hapa ta ituldu kiden ni Hwanen nga nangzigut ta tolay. Ammi ta ituldu kiden ni Hesus a aweda ngilinan. A yen ta umange ya kadwan kiden tolay te Hesus, petta damagan da ya uray na. “Anu kawagan na, Afu, ta awena ngilinan na ituldum kiden ya arawen nga aweda pangan, ammi ta Pariseyu kiden ikid na ituldu kiden ni Hwan a ngilinan da?” kunda.
24361	MRK 3:4	kapye na naguhohug hapa ta nagilalap kiden tentu; “A anu hapa ya uray muy ta ipalubus na Namaratu ta araw na agimmang? Intu ipalubus na ya mappya ono dulay? Mappya panaw ta magpamappya kitam ono magpapasi kitam?” kunna tekid. Ammi aweda la nagasitang.
24380	MRK 3:23	Ammi pinaabikan na kid ni Hesus hapa petta pake madangag da ya tabbag na ta uhohug da. “Mabalin hud ta Satanas ya magpatugut ta sakā anitu na kiden?” kunna tekid, otturu nepasikkal na para ta keangarigan.
24432	MRK 4:40	“Anu haman ta magburung kam? Awan hud ta pangikatalak muy?” kunna hapa tekid.
24442	MRK 5:9	“Anu hud ya ngagam?” kunna ha ni Hesus ta anitu na en. “Armado ya ngagan ku te adaddu kami sin,” kunna hapa.
24463	MRK 5:30	Ammi narikna hapa ni Hesus ya imuhet ta bari na en nga nagpamappya ta magtakit, a alistu nagbalittag, a “Inya ya nangsi-ged ta barawasikin?” kunna,
24478	MRK 6:2	A sangaw ta araw na agimmang a umange kid nakigimung ta kapilya, a nangituldu hapa i Hesus ta addu na tolay. A pake nepagpaka-lat da hapa, te kalugaran da haman, a papa-nun na makkamu mangituldu, a yen ta nagimpopohut kid na ta pagpaka-lat da tentu. “Inya hud ya nangalapan na ta kumanin na bida?” kun na takday. “A anu hud ya ikayat na uhohugan?” kunna hapa na takday. “A anu kawagan na ta itta ya pakapangwa na?” kunna para na takday.
24513	MRK 6:37	“A ikamuy na mina ya mangatad ta kanan da,” kunna hapa tekid. “A had mantu ya pangalapan mi ta awan bababang na pirak, petta igatang mi ta ipakan mi tekid?” kunda hapa.
24560	MRK 7:28	“A kakurugan, Afu, ya kinamina, ammi awena hud mangan na atu kiden ta hugta na anak kiden nga nahunnak ta lutak?” kunna hapa na babbayen.
24573	MRK 8:4	“Ahu, had ya pangalapan tam ta isin na lugar ta ipakan tam tekid, te adayu haman yan ta babali?” kunda hapa tentu.
24574	MRK 8:5	“A piga hud ya nehuna muy nga pan?” kunna ha, “A pitpitu hukal la,” kunda hapa.
24586	MRK 8:17	Ammi ta nepakarikna ni Hesus ta bida da a “Anu kuga pagbabidan muy ya kawan na kanan tam?” kunna. “Awemuy hud para maawatan ya ikayat ku uhohugan tekamuy. Nagbanad hud ya nonot muy?
24588	MRK 8:19	Naliwatan muy de ya lima kiden pan nga nepakan ku ta limaribu kiden. A piga hud na la-ba ya pinannu muy ta huna da kiden?” kunna tekid. “A mafulu duwa,” kunda hapa.
24589	MRK 8:20	“A ta pitu kiden pan nga nepakan ku ta appataribu kiden, a piga hapa na la-ba ya pinannu muy ten ta huna da kiden?” kunna ha. “A pitu hapa,” kunda.
24592	MRK 8:23	A inibbalan ni Hesus ya kamat na nagdaramen, kapye na ginemidan neuhet ta ada-dayu ta babali kiden. A sangaw linutaban na ya mata na kiden kapye na kid hapa sini-ged ta kamat na. “Itta de ya maitam?” kunna tentu.
24596	MRK 8:27	A tekiden nagduldulot ta ili na Sesariya Pilipo a itta ya pinohutan ni Hesus ta ituldu na kiden; “Anu kan ya pangitan na tolay kiden teyak am inya yak?” kunna tekid.
24598	MRK 8:29	“A ikamuy ay, anu hapa ya pangitan muy teyak?” kunna ha tekid. A i Simon Pedru ya alistu tumabbag; “A iko ya Mangikerutanen nga netun na Namaratu ta pinakadama mi,” kunna.
24618	MRK 9:11	A ya pohut da en hapa tentu a “Am gagangay ta kumanen sangaw ya kasasaad mu, Afu, ta iangem ta lutakin a anu mantu ya ikayat na uhohugan na mangituldu kiden, te ibar da haman ta apolu maglattog i Eliyasen kapye na umange ya Mangikerutanen nga nekari na Namaratu, ammi ikon haman ya napolu?” kunda.
24623	MRK 9:16	“Anu hud ya nagtatabbagan muy ta ayanen?” kunna hapa tekid.
24628	MRK 9:21	“Umanu hud ya kabayag na ta kumanin?” kun ni Hesus te dama na en, a “Addet ta pake kaassang na ay,” kunna.
24635	MRK 9:28	A sangaw ta bali ta awan ta nakibidan te Hesus a umange tentu ya ituldu na kiden, a “Anu awemi napatugut ya anitu na en?” kunda tentu.
24659	MRK 10:2	A umange hapa tentu ya kadwan kiden Pariseyu, te itta ya pohut da ta pangparuba da tentu. “Mistro, had kun na pangawatam ta lintig ni Moses gafu ta magatawa kiden, te mepalubus de ta igungay na lalaki ya atawa na?” kunda.
24660	MRK 10:3	A ya tabbag na hapa tekid a “Anu hud ya nebar ni mina Moses tekamuy?” kunna.
24683	MRK 10:26	A pake nepagpaka-lat da ha ya inuhohug na; “A am gagangay ta kunna ten, Afu, a itta hud para ya mekerutan?” kunda.
24693	MRK 10:36	“A anu hud ya ikayat muy?” kunna hapa.
24695	MRK 10:38	“Ahu, awemuy de amu ya zigat na adangan muy. Makkwa muy hud sangaw ya magattam ta kagitta na neatad na Namaratu teyak ta zigat kin?” kunna.
24708	MRK 10:51	“A anu hapa ya pakkwam teyak?” kun ni Hesus tentu. “Ay Afu, ipaitak ya awekin pakaita,” kunna hapa.
24714	MRK 11:5	“Annun muy hud ubadan ya urbunina?” kunna hapa na imatayuk kiden ten.
24737	MRK 11:28	“Inya hud ya nangatad ta turay mu petta maguray ka la ta ngamin tinarabakum ta isin?” kunda.
24739	MRK 11:30	A ya pohut kin tekamuy a inya hud ya nangatad ta turay ni mina Hwanen petta mangzigut ta tolay? Ibar muy teyak am Namaratu, ono tolay ya nangatad ta turay na?” kunna tekid.
24756	MRK 12:14	A ya uhohug da tentu a “Mistro, itta ya pohut mi teko, te amu mi ta matunung ka na tolay, a matunung hapa ya ngamin ituldum ta patarabaku na Namaratu tekitam, te awem la burungan am anu ya uray na tolay, ikid na awan ta idadumam. “A dangagan mi haen teko am ipalubus na lintig ni Moses ya pagpaga tam ta bwis ta ari na taga Roma kiden, petta amu mi am magpaga kami mina ono awan?” kunda.
24758	MRK 12:16	A ta nepangigawat dan ta piraken a “A inya hud ya makāmukat ikid na makāngagan ta pirakin yan?” kunna tekid. “A sinang mukat na Ari en,” kunda hapa.
24765	MRK 12:23	A am kakurugan ta matolay hala sangaw ya nagpasi kiden a had sin hud ta pitu kiden ya atawa sangaw na babbayen, te ikid ngamin ya nangatawa tentu?” kunda te Hesus.
24770	MRK 12:28	A ta pagintabtabbag da para la ni Hesus ikid na Saduseyu kiden, a neddatangan na kid na takday mangituldu. A gafu ta mappya ya tabbag ni Hesus ta Saduseyu kiden a itta hapa ya pinohutan na tentu. “Mistro, ta kuman na ituldum a had sin hud ya fun na ngamin kiden lintig na Namaratu?” kunna.
24779	MRK 12:37	“A am ‘Dafu ken,’ kun ni mina Dabid ta pagtogkokan na Namaratu a had kukunna mantu magbalin ta simsima na para?” kun ni Hesus tekid. A matalakan kid mangdangag ta ituldu na.
24790	MRK 13:4	“Afu, damagan mi haen am kanu sangaw na araw ya nebar men nga kaperdi na simbaanen. A awan hud ta imunnan petta pakaitan mi ta tanagay na ya datang na?” kunda tentu.
24842	MRK 14:19	A nagdamdam kid na hapa ta nebar na en, a ya tagtakday kid hapa ya nagpohut tentu; “Iyak hud ya kinamen, Afu?” kunda.
24883	MRK 14:60	A nagtayuk hapa ya kadakalan na padi, kapye na hapa nagpohut te Hesus. “Awan hud ta tabbag mu? Anu mantu ya uhohugam ta ipaliwat na inin kid teko?” kunna.
24887	MRK 14:64	A masapul hud para ya mangipasikkal ta liwat na awa ikitanan hapa la ya nakadangag ta uhohug na. Anu mantu ya uray muy tentu?” kunna hapa ta kahulun na kiden. A sa ikayat da ta mapapasi.
24897	MRK 15:2	A ta nepagpatayuk dan tentu ta atubang na gubernadoren a nagpohut hapa i Pilato tentu; “Anu, iko hud ya nebar da en nga ari na Hudyo kiden?” kunna te Hesus. “Iko mina ya mangibar,” kunna hud la ni Hesus tentu.
24899	MRK 15:4	“Awan hud ta tabbag mu, awem hud madangag ya ngamin ipasikkal da ta liwat mu?” kunna hapa ni Pilato tentu.
24904	MRK 15:9	“Ikayat muy mantu ta pohetan ku ya ari muy in Hesus?” kunna tekid,
24907	MRK 15:12	A sangaw pinidwa ni Pilato ya pohut na ta tolay kiden, “A anu mantu ya uray muy ta kinan muyin nga ari na Hudyo kiden?” kunna.
24909	MRK 15:14	“Te anu hud, anu hud ya liwat na?” kunna hapa. Ammi pake giaggayan kid ha ta masikan; “Pagappam ta kayu, pagappam ta kayu,” pakakin kid.
24930	MRK 15:35	“Anu, ayagan na de i Eliyas?” kunna hapa na kadwan kiden nga nagbuya tentu.
24945	MRK 16:3	Ammi ya uhohug da hapa ta pakatugtugut da para la ta dalan a “Inya hud sangaw ya manguffun tekitam nga mangazi ta batu en nga nelitup da ta tanamen?” kunda, te dappug haman na batu. Ammi ta datang da a dana naazin, a simarok kid.