13944	PSA 1:1	ܛܘܼܒ݂ܵܐ ܠܐܢܵܫܵܐ ܕܒܡܸܠܟܵܐ ܕܒܝܼܫܹ̈ܐ ܠܵܐ ܚܕܝܼܪܹܗ، ܘܒܐܘܼܪܚܵܐ ܕܚܲܛܵܝܹ̈ܐ ܠܵܐ ܟܠܹܐ ܠܹܗ، ܘܒܡܵܘܬܒ݂ܵܐ ܕܡܲܣܚܸܪ̈ܵܢܹܐ ܠܵܐ ܝܬܝܼܒ݂ ܠܹܗ؛
13946	PSA 1:3	ܒܸܬ ܗܵܘܹܐ ܐܲܝܟ݂ ܐܝܼܠܵܢܵܐ ܫܬܝܼܠܵܐ ܥܲܠܔ ܫܵܩ̈ܝܼܵܬܹ‌ܐ ܕܡ̈ܝܼܵܐ، ܕܛܥܘܼܢܬܹܗ ܟܹܐ ܝܵܗܒܹܠܔ ܒܙܲܒ݂ܢܹܗ، ܘܛܲܪܦܹܗ ܠܹܐ ܢܵܬܹܪ، ܘܟܠܔ ܕܥܵܒܹܕ ܟܹܐ ܡܲܢܬܹ‌ܐ؛
13947	PSA 1:4	ܠܹܐ ܝܢܵܐ ܗܵܕܟ݂ܵܐ ܒܝܼܫܹ̈ܐ، ܐܸܠܵܐ ܐܲܝܟ݂ ܬܸܒ݂ܢܵܐ ܝܢܵܐ ܕܟܹܐ ܕܲܪܹܐ ܠܹܗ ܦܵܘܚܵܐ،
13948	PSA 1:5	ܒܘܼܬ ܐܵܗܵܐ، ܒܝܼܫܹ̈ܐ ܠܹܐ ܟܵܠܝܼ ܡܩܵܘܝܵܢܹ̈ܐ ܒܕܝܵܢܬܵ‌ܐ، ܐܵܦܠܵܐ ܚܲܛܵܝܹ̈ܐ ܒܟܢܘܼܫܝܵܐ ܕܙܲܕܝܼܩܹ̈ܐ؛
13949	PSA 1:6	ܣܵܒܵܒ ܟܹܐ ܝܵܕܹܥ ܡܵܪܝܵܐ ܐܘܼܪܚܵܐ ܕܙܲܕܝܼܩܹ̈ܐ، ܐܝܼܢܵܐ ܐܘܼܪܚܵܐ ܕܒܝܼܫܹ̈ܐ ܒܸܬ ܛܵܠܩܵܐ.
13950	PSA 2:1	ܩܵܡܘܿܕܝܼ ܫܵܓ݂ܫܝܼ ܐܸܡܘܵܬܹ̈‌ܐ، ܘܥܲܡܡܹ̈ܐ ܗܲܓܝܼ ܒܣܪܝܼܩܘܼܬܵ‌ܐ؟
13951	PSA 2:2	ܫܩܝܼܠܔ ܠܗܘܿܢ ܫܵܘܦܵܝܗ‌ܝ ܡܲܠܟܹ̈ܐ ܕܐܲܪܥܵܐ، ܘܫܲܠܝܼ̈ܛܹܐ ܥܒ݂ܝܼܕ ܠܗܘܿܢ ܡܸܠܟܵܐ ܥܲܡ ܚܕܵܕܹ̈ܐ، ܥܲܠܔ ܡܵܪܝܵܐ ܘܥܲܠܔ ܡܫܝܼܚܹܗ، ܒܹܐܡܵܪܵܐ:
13952	PSA 2:3	”ܩܵܛܥܲܚ ܐܸܣܘܼܪ̈ܵܝܗ‌ܝ، ܘܪܲܦܲܚ ܡܥܲܠܲܢ ܚܲܒ݂ܠܵܝ̈ܗ‌ܝ.“
13957	PSA 2:8	”ܛܠܘܿܒ ܡܸܢܝܼ ܘܒܸܬ ܝܵܗܒܹܢ ܐܸܡܘܵܬܹ̈‌ܐ ܠܝܵܪܬܘܼܬܘܼܟ݂، ܘܡܘܼܠܟܘܼܟ݂ ܗܲܠܔ ܡܲܪ̈ܙܵܢܹܐ ܕܐܲܪܥܵܐ.
13959	PSA 2:10	ܒܘܼܬ ܐܵܗܵܐ، ܝܵܐ ܡܲܠܟܹ̈ܐ، ܗܘܹܝܡܘܼܢ ܗܵܘܢܵܢܹ̈ܐ، ܩܲܒܠܘܼܢ ܡܲܪܕܘܼܬܵ‌ܐ، ܝܵܐ ܕܲܝܵܢܹ̈ܐ ܕܐܲܪܥܵܐ.
13963	PSA 3:2	ܝܵܐ ܡܵܪܝܵܐ، ܟܡܵܐ ܙܝܼܕܹܐ ܝܢܵܐ ܡܲܠܝܸܨܵܢܝܼ̈، ܪܵܒܵܐ ܝܢܵܐ ܩܵܝܡܵܢܹ̈ܐ ܕܥܲܠܝܼ،
13964	PSA 3:3	ܪܵܒܵܐ ܝܢܵܐ ܐܵܡܪ̈ܵܢܹܐ ܒܘܼܬ ܓܵܢܝܼ: ”ܠܲܝܬ ܠܹܗ ܦܘܼܨܵܝܵܐ ܒܐܲܠܵܗܵܐ.“ ܣܹܠܵܗ
13965	PSA 3:4	ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ، ܡܵܛܵܠܵܐ ܝܘܸܬ ܠܚܵܕܸܪ̈ܘܵܢܝܼ، ܚܸܩܪܝܼ ܘܡܲܪܡܵܢܵܐ ܕܪܹܝܫܝܼ.
13968	PSA 3:7	ܠܹܐ ܙܵܕܥܹܢ ܡ̣ܢ ܪܸ̈ܒܘܵܬܹ‌ܐ ܕܥܲܡܡܹ̈ܐ، ܐܲܝܢܝܼ ܕܟܪܝܼܟ݂ ܠܗܘܿܢ ܠܕܲܠܩܘܼܒ݂ܠܝܼ ܡ̣ܢ ܟܠܔ ܓܹܒܵܐ.
13969	PSA 3:8	ܩܘܼܡ، ܝܵܐ ܡܵܪܝܵܐ! ܦܲܪܸܩ ܠܝܼ، ܝܵܐ ܐܲܠܵܗ‌ܝܼ! ܣܵܒܵܒ ܡܸܚܝܵܝ ܝܘܸܬ ܟܠܵܝܗ‌ܝ ܕܸܫ̃ܡܸܢܝܼ̈ ܥܲܠܔ ܦܵܬܵܝܗ‌ܝ، ܟܹܟܹ̈ܐ ܕܒܝܼܫܹ̈ܐ ܬܒ݂ܝܼܪܵܝ ܝܘܸܬ.
13973	PSA 4:3	ܝܵܐ ܒܢܲܝ̈ܢܵܫܵܐ، ܗܲܠܔ ܐܝܼܡܲܢ ܡܲܕܸܪܝܼܬܘܿܢ ܐܝܼܩܵܪܝܼ ܠܢܟ݂ܝܼܦܬܵ‌ܐ؟ ܗܲܠܔ ܐܝܼܡܲܢ ܡܲܚܸܒܝܼܬܘܿܢ ܣܪܝܼܩܘܼܬܵ‌ܐ، ܘܛܵܥܹܝܬܘܿܢ ܒܵܬܪ ܕܘܼܓܠܵܐ؟ ܣܹܠܵܗ
13976	PSA 4:6	ܕܒ݂ܘܿܚܘܼܢ ܕܸܒ݂ܚܹ̈ܐ ܕܙܲܕܝܼܩܘܼܬܵ‌ܐ، ܘܣܒܘܿܪܘܼܢ ܒܡܵܪܝܵܐ.
13977	PSA 4:7	ܪܵܒܵܐ ܝܢܵܐ ܐܵܡܪ̈ܵܢܹܐ: ”ܡܵܢܝܼ ܡܵܨܹܐ ܡܲܚܙܹܐ ܠܲܢ ܛܵܒ݂ܬܵ‌ܐ؟“ ܡܲܪܸܡ ܥܲܠܲܢ ܒܲܗܪܵܐ ܕܦܵܬܘܼܟ݂، ܝܵܐ ܡܵܪܝܵܐ.
13981	PSA 5:2	ܠܗܹܡܸܙܡܵܢܝܼ̈ ܨܲܠܝܼ ܢܵܬܵ‌ܐ، ܝܵܐ ܡܵܪܝܵܐ، ܡܲܣܸܡ ܒܵܠܵܐ ܠܬܲܢܲܚܬ‌ܝܼ.
13985	PSA 5:6	ܠܹܐ ܟܵܠܝܼ ܫܲܒ݂ܗܸܪ̈ܵܢܹܐ ܩܲܕܡ ܥܲܝ̈ܢܘܼܟ݂، ܟܹܐ ܣܵܢܹܝܬ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ.
13986	PSA 5:7	ܟܹܐ ܛܲܠܩܸܬ ܠܗܲܡܙܸܡܵܢܹ̈ܐ ܕܕܲܓܵܠܘܼܬܵ‌ܐ، ܡ̣ܢ ܫܲܦܟ݂ܵܢܵܐ ܕܕܸܡܵܐ ܘܡ̣ܢ ܦܸܠܡܵܐ ܟܹܐ ܓܲܢܓܸܙ ܡܵܪܝܵܐ.
13987	PSA 5:8	ܐܝܼܢܵܐ ܐܵܢܵܐ ܒܣܲܓܝܼܐܘܼܬܵ‌ܐ ܕܛܵܒ݂ܵܬܘܼ̈ܟ݂ ܒܸܬ ܥܵܒ݂ܪܹܢ ܠܒܲܝܬܘܼܟ݂، ܒܙܕܘܼܥܬܵ‌ܐ ܡܸܢܘܼܟ݂ ܒܸܬ ܣܵܓ݂ܕܹܢ ܠܓܹܒܵܐ ܕܗܲܝܟܠܵܐ ܕܩܘܼܕܫܘܼܟ݂.
13988	PSA 5:9	ܝܵܐ ܡܵܪܝܵܐ، ܡܗܲܕܝܼ ܠܝܼ ܒܙܲܕܝܼܩܘܼܬܘܼܟ݂ ܒܥܸܠܬܵ‌ܐ ܕܕܸܫ̃ܡܸܢܝܼ̈، ܥܒ݂ܘܿܕ ܬܪܘܼܨܬܵ‌ܐ ܩܲܕܡܝܼ ܐܘܼܪܚܘܼܟ݂.
13990	PSA 5:11	ܕܘܼܢ ܐܸܠܵܝܗ‌ܝ ܐܲܝܟ݂ ܚܲܝܵܒܹ̈ܐ، ܝܵܐ ܐܲܠܵܗܵܐ، ܫܒ݂ܘܿܩ ܢܵܦܠܝܼ ܒܡܸܠܟܵܐ ܕܓܵܢܵܝܗ‌ܝ، ܒܘܼܬ ܦܸܪܝܘܼܬܵ‌ܐ ܕܓܢܵܗܵܝ̈ܗ‌ܝ ܚܲܪܙܸܦ ܠܗܘܿܢ، ܒܗ̇ܝ ܕܗܘܹܐ ܠܗܘܿܢ ܡܵܪ̈ܘܿܕܹܐ ܥܲܠܘܼܟ݂.
13991	PSA 5:12	ܐܝܼܢܵܐ ܦܵܨܚܝܼ ܟܠܵܝܗ‌ܝ ܐܵܢܝܼ ܕܫܵܩܠܝܼ ܓܵܘܣܵܐ ܠܟܸܣܠܘܼܟ݂، ܫܲܒܚܝܼ ܒܚܲܕܘܼܬܵ‌ܐ ܠܥܵܠܲܡ، ܘܟܲܣܝܼ ܠܗܘܿܢ ܒܢܵܛܘܿܪܘܼܬܘܼܟ݂، ܕܦܨܵܚܵܐ ܦܵܨܚܝܼ ܒܝܼܘܼܟ݂ ܡܲܚܸܒܵܢܹ̈ܐ ܕܫܸܡܘܼܟ݂.
13995	PSA 6:3	ܪܲܚܸܡ ܥܲܠܝܼ، ܝܵܐ ܡܵܪܝܵܐ، ܒܗ̇ܝ ܕܟܪܝܼܗܵܐ ܝܘܸܢ ܐܵܢܵܐ، ܒܲܣܸܡ ܠܝܼ، ܝܵܐ ܡܵܪܝܵܐ، ܒܗ̇ܝ ܕܪܓܝܼܕ ܠܗܘܿܢ ܓܲܪ̈ܡܝܼ.
13999	PSA 6:7	ܟܟ̰ܝܼܚ ܠܝܼ ܡ̣ܢ ܬܲܢܲܚܬ‌ܝܼ، ܟܹܐ ܡܲܣܚܹܝܢ ܫܘܝܼܬ‌ܝܼ ܟܠܹܗ ܠܲܝܠܹܐ، ܒܕܸܡܥܝܼ̈ ܕܘܼܟܵܐ ܕܕܡܵܟ݂ܬ‌ܝܼ ܟܹܐ ܡܲܬܪܹܝܢ.
14000	PSA 6:8	ܡ̣ܢ ܚܲܫܵܐ ܢܘܝܼܠܔ ܠܗܘܿܢ ܥܲܝܢܝܼ̈، ܚܒܹܐ ܠܗܘܿܢ ܒܥܸܠܬܵ‌ܐ ܕܟܠܵܝܗ‌ܝ ܕܲܠܩܘܼܒ݂ܠܵܝܝܼ̈.
14001	PSA 6:9	ܪܚܘܿܩܘܼܢ ܡܸܢܝܼ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ، ܒܗ̇ܝ ܕܫܡܝܼܥ ܠܹܗ ܡܵܪܝܵܐ ܩܵܠܵܐ ܕܒܸܟ݂ܝܝܼ.
14003	PSA 6:11	ܒܸܬ ܢܵܟ݂ܦܝܼ ܘܪܵܓܕܝܼ ܪܵܒܵܐ ܟܠܵܝܗ‌ܝ ܕܸܫ̃ܡܸܢܝܼ̈، ܒܸܬ ܕܵܝܪܝܼ ܘܒܸܬ ܢܵܟ݂ܦܝܼ ܡܸܢܫܸܠܬܵܢܹܐ.
14005	PSA 7:2	ܝܵܐ ܡܵܪܝܵܐ ܐܲܠܵܗ‌ܝܼ، ܒܝܼܘܼܟ݂ ܫܩܝܼܠܔ ܠܝܼ ܓܵܘܣܵܐ، ܦܲܪܸܩ ܠܝܼ ܡ̣ܢ ܟܠܵܝܗ‌ܝ ܪ̈ܵܕܘܿܦܝܼ ܘܦܲܨܝܼ ܠܝܼ.
14007	PSA 7:4	ܝܵܐ ܡܵܪܝܵܐ ܐܲܠܵܗ‌ܝܼ، ܐܸܢ ܥܒ݂ܝܼܕ ܠܝܼ ܐܵܗܵܐ، ܐܸܢ ܐܝܼܬ ܥܵܘܠܵܐ ܒܐܝܼܕܝܼ̈؛
14009	PSA 7:6	ܫܒ݂ܘܿܩ ܢܵܦܹܠܔ ܕܸܫ̃ܡܸܢ ܒܵܬܪ ܓܵܢܝܼ ܘܡܵܛܹܐ ܥܲܠܝܼ، ܘܕܲܫܕܸܫ ܠܐܲܪܥܵܐ ܚܲܝܝܼ̈، ܘܡܲܬܸܒ݂ ܠܥܲܦܪܵܐ ܐܝܼܩܵܪܝܼ. ܣܹܠܵܗ
14010	PSA 7:7	ܩܘܼܡ، ܝܵܐ ܡܵܪܝܵܐ، ܒܟܲܪܒܘܼܟ݂، ܡܲܪܸܡ ܓܵܢܘܼܟ݂ ܥܲܠܔ ܚܸܡܬܵ‌ܐ ܕܕܸܫ̃ܡܸܢܝܼ̈، ܘܪܥܘܿܫ ܒܘܼܬ ܕܝܼܝܼ ܒܕܝܼܘܵܢ ܕܦܩܝܼܕܵܐ ܝܘܸܬ،
14011	PSA 7:8	ܘܫܒ݂ܘܿܩ ܟܸܢܫܵܐ ܕܐܸܡܘܵܬܹ̈‌ܐ ܓ̰ܵܡܥܝܼ ܚܵܕܸܪ̈ܘܵܢܘܼܟ݂، ܘܝܬܘܿܒ݂ ܥܲܠܵܝܗ‌ܝ ܕܲܝܵܢܵܐ ܡ̣ܢ ܪܵܘܡܵܐ.
14012	PSA 7:9	ܡܵܪܝܵܐ ܟܹܐ ܕܵܐܹܢ ܠܥܲܡܡܹ̈ܐ، ܥܒ݂ܘܿܕ ܠܵܗ̇ ܕܝܼܘܵܢܝܼ، ܝܵܐ ܡܵܪܝܵܐ، ܐܲܝܟ݂ ܙܲܕܝܼܩܘܼܬ‌ܝܼ ܘܐܲܝܟ݂ ܬܲܡܝܼܡܘܼܬܵ‌ܐ ܕܐܝܼܬ ܒܝܼܝܼ.
14013	PSA 7:10	ܗܵܐ، ܫܒ݂ܘܿܩ ܬܵܝܡܵܐ ܒܝܼܫܬܵ‌ܐ ܕܪ̈ܲܫܝܼܥܹܐ، ܘܡܲܩܘܝܼ ܠܙܲܕܝܼܩܵܐ؛ ܝܵܐ ܒܵܚܪܵܢܵܐ ܕܠܸܒܵܘܵܬܹ̈‌ܐ ܘܪܸ̈ܥܝܵܢܹܐ، ܐܲܠܵܗܵܐ ܙܲܕܝܼܩܵܐ.
14014	PSA 7:11	ܡܵܛܵܠܝܼ ܝܠܹܗ ܥܲܡ ܐܲܠܵܗܵܐ، ܦܲܪܩܵܢܵܐ ܕܬܪ̈ܘܼܨܹܐ ܕܠܸܒܵܐ.
14017	PSA 7:14	ܘܙܲܝܢܹ̈ܐ ܕܡܵܘܬܵ‌ܐ ܗܘܼܕܪܵܝ ܠܹܗ ܐܸܠܹܗ، ܓܹܐܪ̈ܘܼܗ‌ܝ ܥܒ݂ܝܼܕܵܝ ܠܵܗܝܵܢܹ̈ܐ.
14018	PSA 7:15	ܗܵܐ، ܪܲܫܝܼܥܵܐ ܟܹܐ ܕܵܒܹܩ ܚܸܒ݂ܠܹ̈ܐ ܕܥܵܘܠܵܐ، ܘܟܹܐ ܒܵܛܹܢ ܐܘܼܠܨܵܢܵܐ، ܘܝܵܠܹܕ ܦܸܠܡܵܐ.
14023	PSA 8:2	ܡܵܪܝܵܐ، ܡܵܪܲܢ، ܟܡܵܐ ܡܫܘܼܒܚܵܐ ܝܠܹܗ ܫܸܡܘܼܟ݂ ܒܟܠܵܗ̇ ܐܲܪܥܵܐ، ܕܡܘܼܫܪܹܐ ܠܘܼܟ݂ ܚܸܩܪܘܼܟ݂ ܥܲܠܔ ܫܡܲܝܹ̈ܐ.
14024	PSA 8:3	ܡ̣ܢ ܦܘܼܡܵܐ ܕܝܵܠܹ̈ܕ݇ܐ ܘܝܲܠܘܼܕܹ̈ܐ ܫܘܼܬܐܸܣ ܠܘܼܟ݂ ܚܲܝܠܵܐ، ܒܥܸܠܬܵ‌ܐ ܕܕܲܠܩܘܼܒ݂ܠܵܝܘܼܟ݂، ܠܡܲܫܠܘܼܝܹܐ ܕܸܫ̃ܡܸܢ ܘܫܵܩܠܵܢܵܐ ܕܬܘܼܥܠܵܐ.
14025	PSA 8:4	ܐܝܼܡܲܢ ܕܓܲܫܩܸܢ ܠܫܡܲܝܘܼ̈ܟ݂، ܦܘܼܠܚܵܢܵܐ ܕܨܸܒܥܵܬܘܼ̈ܟ݂، ܣܲܗܪܵܐ ܘܟܵܘܟ݂ܒܹ̈ܐ ܕܡܘܼܬܒ݂ܵܝ ܠܘܼܟ݂ ܒܕܘܼܟܵܝܗ‌ܝ،
14027	PSA 8:6	ܘܥܒ݂ܝܼܕ ܠܘܼܟ݂ ܐܸܠܹܗ ܚܲܕܟ̰ܵܐ ܒܘܼܫ ܒܵܨܘܿܪܵܐ ܡ̣ܢ ܡܲܠܲܐܟܹ̈ܐ، ܘܒܚܸܩܪܵܐ ܘܐܝܼܩܵܪܵܐ ܒܘܼܢܦܸܪܘܼܟ݂ ܐܸܠܹܗ.
14028	PSA 8:7	ܝܘܼܗܒܹܠܔ ܠܘܼܟ݂ ܫܘܼܠܛܵܢܵܐ ܐܸܠܹܗ ܥܲܠܔ ܦܘܼܠܚܵܢܹ̈ܐ ܕܐܝܼܕܵܬܘܼ̈ܟ݂؛ ܟܠܔ ܡܸܢܕܝܼ ܡܘܼܬܸܒ݂ ܠܘܼܟ݂ ܬܚܘܿܬ ܐܲܩܠܵܬܘܼ̈ܗ‌ܝ،
14029	PSA 8:8	ܥܸܪ̈ܒܹܐ ܘܬܵܘܪܹ̈ܐ ܟܠܵܝܗ‌ܝ، ܘܐܘܼܦ ܚܲܝܘܵܬܹ̈‌ܐ ܕܕܸܫܬܵ‌ܐ؛
14030	PSA 8:9	ܛܲܝܪܹ̈ܐ ܕܫܡܲܝܵܐ ܘܢܘܼܢܹ̈ܐ ܕܝܵܡܵܐ، ܟܠܔ ܓ̰ܵܘܓ̰ܵܢܵܐ ܒܪܵܗܛܵܐ ܕܡ̈ܝܼܵܐ ܓܵܘ ܝܵܡܵܬܹ̈‌ܐ.
14033	PSA 9:2	ܒܸܬ ܫܲܟܪܸܢ ܠܡܵܪܝܵܐ ܒܟܠܹܗ ܠܸܒܝܼ، ܒܸܬ ܗܲܩܹܝܢ ܟܠܵܝܗ‌ܝ ܕܘܼܡܵܪ̈ܘܼܟ݂؛
14037	PSA 9:6	ܢܓ̰ܝܼܘ ܠܘܼܟ݂ ܒܐܸܡܘܵܬܹ̈‌ܐ، ܛܘܼܠܸܩ ܠܘܼܟ݂ ܠܒܝܼܫܹ̈ܐ، ܫܸܡܵܝܗ‌ܝ ܓܪܝܼܕ ܠܘܼܟ݂ ܠܥܵܠܲܡ ܥܵܠܡܝܼܢ.
14038	PSA 9:7	ܕܸܫ̃ܡܸܢ ܬܝܼܡ ܠܹܗ ܒܚܪܵܒ݂ܵܐ ܥܵܠܡܝܼܢܵܝܵܐ، ܘܡܕܝܼܢܵܬܵܝ̈ܗ‌ܝ ܥܩܝܼܪܘܼܟ݂، ܛܠܝܼܩ ܠܹܗ ܕܟ݂ܵܪܵܐ ܕܝܼܵܝܗ‌ܝ.
14040	PSA 9:9	ܘܗ̇ܘ ܒܸܬ ܕܵܐܹܢ ܠܒܪܝܼܬܵ‌ܐ ܒܙܲܕܝܼܩܘܼܬܵ‌ܐ، ܒܸܬ ܥܵܒܹܕ ܕܝܵܢܬܵ‌ܐ ܠܥܲܡܡܹ̈ܐ ܒܬܪܘܼܨܘܼܬܵ‌ܐ.
14041	PSA 9:10	ܘܒܸܬ ܗܵܘܹܐ ܡܵܪܝܵܐ ܒܹܝܬ ܓܵܘܣܵܐ ܠܡܘܼܠܝܸܨܹ̈ܐ، ܒܹܝܬ ܓܵܘܣܵܐ ܒܥܕܵܢܵܐ ܕܐܘܼܠܨܵܢܵܐ.
14042	PSA 9:11	ܘܒܸܬ ܣܵܒܪܝܼ ܒܝܼܘܼܟ݂ ܝܵܕܥܵܢܹ̈ܐ ܕܫܸܡܘܼܟ݂، ܒܗ̇ܝ ܕܠܹܐ ܝܘܸܬ ܫܒ݂ܝܼܩܵܐ ܠܛܵܥܝܵܢܹ̈ܐ ܕܐܸܠܘܼܟ݂، ܝܵܐ ܡܵܪܝܵܐ.
14043	PSA 9:12	ܙܡܘܿܪܘܼܢ ܠܡܵܪܝܵܐ ܥܵܡܪܵܢܵܐ ܒܨܸܗܝܘܿܢ، ܡܲܕܸܥܡܘܼܢ ܥܒ݂ܵܕܘܼ̈ܗ‌ܝ ܓܵܘ ܥܲܡܡܹ̈ܐ.
14044	PSA 9:13	ܒܗ̇ܝ ܕܫܵܩܠܵܢܵܐ ܕܬܘܼܥܠܵܐ ܕܕܸܡܵܐ ܟܹܐ ܕܵܟܹܪ ܠܡܘܼܠܝܸܨܹ̈ܐ؛ ܠܹܐ ܡܲܢܫܹܐ ܠܡܲܩܘܲܚܬܵܝܗ‌ܝ.
14045	PSA 9:14	ܪܲܚܸܡ ܥܲܠܝܼ، ܝܵܐ ܡܵܪܝܵܐ، ܚܙܝܼ ܐܘܼܠܨܵܢܝܼ ܕܡ̣ܢ ܣܵܢܝܵܢܝܼ̈، ܝܵܐ ܡܲܪܡܵܢܝܼ ܡ̣ܢ ܕܲܪ̈ܘܵܙܹܐ ܕܡܵܘܬܵ‌ܐ،
14046	PSA 9:15	ܕܗܲܩܹܝܢ ܟܠܵܝܗ‌ܝ ܬܸܫܒܘܿܚܝܵܬܘܼ̈ܟ݂ ܒܕܲܪ̈ܘܵܙܹܐ ܕܒܪܵܬ ܨܸܗܝܘܿܢ، ܥܵܒ݂ܕܹܢ ܦܨܵܚܵܐ ܒܦܘܼܪܩܵܢܘܼܟ݂.