13944	PSA 1:1	ܛܘܼܒ݂ܵܐ ܠܐܢܵܫܵܐ ܕܒܡܸܠܟܵܐ ܕܒܝܼܫܹ̈ܐ ܠܵܐ ܚܕܝܼܪܹܗ، ܘܒܐܘܼܪܚܵܐ ܕܚܲܛܵܝܹ̈ܐ ܠܵܐ ܟܠܹܐ ܠܹܗ، ܘܒܡܵܘܬܒ݂ܵܐ ܕܡܲܣܚܸܪ̈ܵܢܹܐ ܠܵܐ ܝܬܝܼܒ݂ ܠܹܗ؛
13946	PSA 1:3	ܒܸܬ ܗܵܘܹܐ ܐܲܝܟ݂ ܐܝܼܠܵܢܵܐ ܫܬܝܼܠܵܐ ܥܲܠܔ ܫܵܩ̈ܝܼܵܬܹ‌ܐ ܕܡ̈ܝܼܵܐ، ܕܛܥܘܼܢܬܹܗ ܟܹܐ ܝܵܗܒܹܠܔ ܒܙܲܒ݂ܢܹܗ، ܘܛܲܪܦܹܗ ܠܹܐ ܢܵܬܹܪ، ܘܟܠܔ ܕܥܵܒܹܕ ܟܹܐ ܡܲܢܬܹ‌ܐ؛
13948	PSA 1:5	ܒܘܼܬ ܐܵܗܵܐ، ܒܝܼܫܹ̈ܐ ܠܹܐ ܟܵܠܝܼ ܡܩܵܘܝܵܢܹ̈ܐ ܒܕܝܵܢܬܵ‌ܐ، ܐܵܦܠܵܐ ܚܲܛܵܝܹ̈ܐ ܒܟܢܘܼܫܝܵܐ ܕܙܲܕܝܼܩܹ̈ܐ؛
13949	PSA 1:6	ܣܵܒܵܒ ܟܹܐ ܝܵܕܹܥ ܡܵܪܝܵܐ ܐܘܼܪܚܵܐ ܕܙܲܕܝܼܩܹ̈ܐ، ܐܝܼܢܵܐ ܐܘܼܪܚܵܐ ܕܒܝܼܫܹ̈ܐ ܒܸܬ ܛܵܠܩܵܐ.
13951	PSA 2:2	ܫܩܝܼܠܔ ܠܗܘܿܢ ܫܵܘܦܵܝܗ‌ܝ ܡܲܠܟܹ̈ܐ ܕܐܲܪܥܵܐ، ܘܫܲܠܝܼ̈ܛܹܐ ܥܒ݂ܝܼܕ ܠܗܘܿܢ ܡܸܠܟܵܐ ܥܲܡ ܚܕܵܕܹ̈ܐ، ܥܲܠܔ ܡܵܪܝܵܐ ܘܥܲܠܔ ܡܫܝܼܚܹܗ، ܒܹܐܡܵܪܵܐ:
13952	PSA 2:3	”ܩܵܛܥܲܚ ܐܸܣܘܼܪ̈ܵܝܗ‌ܝ، ܘܪܲܦܲܚ ܡܥܲܠܲܢ ܚܲܒ݂ܠܵܝ̈ܗ‌ܝ.“
13955	PSA 2:6	”ܐܝܼܢܵܐ ܐܵܢܵܐ ܡܘܼܩܸܡ ܠܝܼ ܡܲܠܟܝܼ ܥܲܠܔ ܨܸܗܝܘܿܢ، ܛܘܼܪܵܐ ܕܩܘܼܕܫܝܼ.“
13957	PSA 2:8	”ܛܠܘܿܒ ܡܸܢܝܼ ܘܒܸܬ ܝܵܗܒܹܢ ܐܸܡܘܵܬܹ̈‌ܐ ܠܝܵܪܬܘܼܬܘܼܟ݂، ܘܡܘܼܠܟܘܼܟ݂ ܗܲܠܔ ܡܲܪ̈ܙܵܢܹܐ ܕܐܲܪܥܵܐ.
13958	PSA 2:9	”ܒܸܬ ܬܵܒ݂ܪܹܬ ܠܗܘܿܢ ܒܩܵܛܝܼܵܐ ܕܦܪܸܙܠܵܐ، ܐܲܝܟ݂ ܡܵܐܢܵܐ ܕܦܲܚܵܪܵܐ ܒܸܬ ܛܵܒ݂ܚܹܬ ܠܗܘܿܢ.“
13961	PSA 2:12	ܢܫܘܿܩܘܼܢ ܠܒܪܘܿܢܵܐ ܕܠܵܐ ܟܵܪܹܒ ܘܐܵܙܠ݇ܝܼܬܘܿܢ ܠܐܲܒ݂ܕܵܢܵܐ ܓܵܘ ܐܘܼܪܚܵܐ، ܣܵܒܵܒ ܒܸܬ ܠܵܒ݂ܟ݂ܵܐ ܒܓ̰ܲܠܕܘܼܬܵ‌ܐ ܚܸܡܬܹܗ. ܛܘܼܒ݂ܵܐ ܠܐܵܢܝܼ ܕܫܵܩܠܝܼ ܓܵܘܣܵܐ ܒܝܼܹܗ.
13965	PSA 3:4	ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ، ܡܵܛܵܠܵܐ ܝܘܸܬ ܠܚܵܕܸܪ̈ܘܵܢܝܼ، ܚܸܩܪܝܼ ܘܡܲܪܡܵܢܵܐ ܕܪܹܝܫܝܼ.
13966	PSA 3:5	ܒܩܵܠܝܼ ܠܡܵܪܝܵܐ ܟܹܐ ܩܵܪܹܝܢ، ܘܟܹܐ ܓ̰ܲܘܸܒ ܠܝܼ ܡ̣ܢ ܛܘܼܪܵܐ ܕܩܘܼܕܫܹܗ. ܣܹܠܵܗ
13967	PSA 3:6	ܐܵܢܵܐ ܟܹܐ ܕܵܡܟܹܢ ܘܛܵܠܥܹܢ، ܟܹܐ ܪܵܥܫܹܢ، ܣܵܒܵܒ ܡܵܪܝܵܐ ܟܹܐ ܣܵܢܹܕ ܠܝܼ.
13973	PSA 4:3	ܝܵܐ ܒܢܲܝ̈ܢܵܫܵܐ، ܗܲܠܔ ܐܝܼܡܲܢ ܡܲܕܸܪܝܼܬܘܿܢ ܐܝܼܩܵܪܝܼ ܠܢܟ݂ܝܼܦܬܵ‌ܐ؟ ܗܲܠܔ ܐܝܼܡܲܢ ܡܲܚܸܒܝܼܬܘܿܢ ܣܪܝܼܩܘܼܬܵ‌ܐ، ܘܛܵܥܹܝܬܘܿܢ ܒܵܬܪ ܕܘܼܓܠܵܐ؟ ܣܹܠܵܗ
13975	PSA 4:5	ܪܓܘܿܕܘܼܢ ܒܙܕܘܼܥܬܵ‌ܐ ܘܠܵܐ ܚܵܛܹܝܬܘܿܢ، ܗܲܓܹܝܡܘܼܢ ܒܠܸܒܵܘܟ݂ܘܿܢ ܥܲܠܔ ܫܘܝܼܬܵܘܟ݂ܘܿܢ ܘܦܘܼܫܘܼܢ ܫܸܠܝܹܐ. ܣܹܠܵܗ
13977	PSA 4:7	ܪܵܒܵܐ ܝܢܵܐ ܐܵܡܪ̈ܵܢܹܐ: ”ܡܵܢܝܼ ܡܵܨܹܐ ܡܲܚܙܹܐ ܠܲܢ ܛܵܒ݂ܬܵ‌ܐ؟“ ܡܲܪܸܡ ܥܲܠܲܢ ܒܲܗܪܵܐ ܕܦܵܬܘܼܟ݂، ܝܵܐ ܡܵܪܝܵܐ.
13979	PSA 4:9	ܒܫܠܵܡܵܐ ܒܸܬ ܕܵܡܟܹܢ ܐܘܼܦ ܒܸܬ ܛܵܠܥܹܢ، ܣܵܒܵܒ ܐܲܢ݇ܬ ܒܢܲܦ̮ܫܘܼܟ݂، ܝܵܐ ܡܵܪܝܵܐ، ܒܫܲܝܢܵܐ ܒܸܬ ܡܲܫܪܹܝܬ ܠܝܼ.
13986	PSA 5:7	ܟܹܐ ܛܲܠܩܸܬ ܠܗܲܡܙܸܡܵܢܹ̈ܐ ܕܕܲܓܵܠܘܼܬܵ‌ܐ، ܡ̣ܢ ܫܲܦܟ݂ܵܢܵܐ ܕܕܸܡܵܐ ܘܡ̣ܢ ܦܸܠܡܵܐ ܟܹܐ ܓܲܢܓܸܙ ܡܵܪܝܵܐ.
13987	PSA 5:8	ܐܝܼܢܵܐ ܐܵܢܵܐ ܒܣܲܓܝܼܐܘܼܬܵ‌ܐ ܕܛܵܒ݂ܵܬܘܼ̈ܟ݂ ܒܸܬ ܥܵܒ݂ܪܹܢ ܠܒܲܝܬܘܼܟ݂، ܒܙܕܘܼܥܬܵ‌ܐ ܡܸܢܘܼܟ݂ ܒܸܬ ܣܵܓ݂ܕܹܢ ܠܓܹܒܵܐ ܕܗܲܝܟܠܵܐ ܕܩܘܼܕܫܘܼܟ݂.
13991	PSA 5:12	ܐܝܼܢܵܐ ܦܵܨܚܝܼ ܟܠܵܝܗ‌ܝ ܐܵܢܝܼ ܕܫܵܩܠܝܼ ܓܵܘܣܵܐ ܠܟܸܣܠܘܼܟ݂، ܫܲܒܚܝܼ ܒܚܲܕܘܼܬܵ‌ܐ ܠܥܵܠܲܡ، ܘܟܲܣܝܼ ܠܗܘܿܢ ܒܢܵܛܘܿܪܘܼܬܘܼܟ݂، ܕܦܨܵܚܵܐ ܦܵܨܚܝܼ ܒܝܼܘܼܟ݂ ܡܲܚܸܒܵܢܹ̈ܐ ܕܫܸܡܘܼܟ݂.
13992	PSA 5:13	ܣܵܒܵܒ ܐܲܢ݇ܬ ܟܹܐ ܒܲܪܟܸܬ ܠܙܲܕܝܼܩܵܐ، ܝܵܐ ܡܵܪܝܵܐ، ܐܲܝܟ݂ ܡܵܛܵܠܵܐ ܒܫܵܦܵܩܲܬ ܟܹܐ ܚܲܪܕܸܬ ܠܹܗ.
13997	PSA 6:5	ܕܘܼܪ، ܝܵܐ ܡܵܪܝܵܐ، ܦܲܨܝܼ ܠܵܗ̇ ܓܵܢܝܼ، ܦܲܪܸܩ ܠܝܼ ܒܘܼܬ ܛܲܝܒܘܼܬܘܼܟ݂.
14006	PSA 7:3	ܠܵܐ ܗܵܘܹܐ ܕܐܲܝܟ݂ ܐܲܪܝܵܐ ܦܲܪܦܸܛ ܠܵܗ̇ ܓܵܢܝܼ، ܦܵܪܹܛ ܟܲܕ ܠܲܝܬ ܦܲܨܝܵܢܵܐ.
14009	PSA 7:6	ܫܒ݂ܘܿܩ ܢܵܦܹܠܔ ܕܸܫ̃ܡܸܢ ܒܵܬܪ ܓܵܢܝܼ ܘܡܵܛܹܐ ܥܲܠܝܼ، ܘܕܲܫܕܸܫ ܠܐܲܪܥܵܐ ܚܲܝܝܼ̈، ܘܡܲܬܸܒ݂ ܠܥܲܦܪܵܐ ܐܝܼܩܵܪܝܼ. ܣܹܠܵܗ
14014	PSA 7:11	ܡܵܛܵܠܝܼ ܝܠܹܗ ܥܲܡ ܐܲܠܵܗܵܐ، ܦܲܪܩܵܢܵܐ ܕܬܪ̈ܘܼܨܹܐ ܕܠܸܒܵܐ.
14018	PSA 7:15	ܗܵܐ، ܪܲܫܝܼܥܵܐ ܟܹܐ ܕܵܒܹܩ ܚܸܒ݂ܠܹ̈ܐ ܕܥܵܘܠܵܐ، ܘܟܹܐ ܒܵܛܹܢ ܐܘܼܠܨܵܢܵܐ، ܘܝܵܠܹܕ ܦܸܠܡܵܐ.
14020	PSA 7:17	ܐܘܼܠܨܵܢܹܗ ܒܪܹܝܫܹܗ ܒܸܬ ܕܵܐܹܪ، ܘܛܠܘܼܡܝܹܗ ܠܩܲܪܩܲܦܬܹܗ ܒܸܬ ܨܵܠܹܐ.
14028	PSA 8:7	ܝܘܼܗܒܹܠܔ ܠܘܼܟ݂ ܫܘܼܠܛܵܢܵܐ ܐܸܠܹܗ ܥܲܠܔ ܦܘܼܠܚܵܢܹ̈ܐ ܕܐܝܼܕܵܬܘܼ̈ܟ݂؛ ܟܠܔ ܡܸܢܕܝܼ ܡܘܼܬܸܒ݂ ܠܘܼܟ݂ ܬܚܘܿܬ ܐܲܩܠܵܬܘܼ̈ܗ‌ܝ،
14030	PSA 8:9	ܛܲܝܪܹ̈ܐ ܕܫܡܲܝܵܐ ܘܢܘܼܢܹ̈ܐ ܕܝܵܡܵܐ، ܟܠܔ ܓ̰ܵܘܓ̰ܵܢܵܐ ܒܪܵܗܛܵܐ ܕܡ̈ܝܼܵܐ ܓܵܘ ܝܵܡܵܬܹ̈‌ܐ.
14035	PSA 9:4	ܐܝܼܡܲܢ ܕܕܵܝܪܝܼ ܕܸܫ̃ܡܸܢܝܼ ܠܒܵܬܪܵܐ، ܟܹܐ ܬܲܪܩܸܠܝܼ ܘܛܵܠܩܝܼ ܡ̣ܢ ܩܲܕܡܘܼܟ݂؛
14037	PSA 9:6	ܢܓ̰ܝܼܘ ܠܘܼܟ݂ ܒܐܸܡܘܵܬܹ̈‌ܐ، ܛܘܼܠܸܩ ܠܘܼܟ݂ ܠܒܝܼܫܹ̈ܐ، ܫܸܡܵܝܗ‌ܝ ܓܪܝܼܕ ܠܘܼܟ݂ ܠܥܵܠܲܡ ܥܵܠܡܝܼܢ.
14038	PSA 9:7	ܕܸܫ̃ܡܸܢ ܬܝܼܡ ܠܹܗ ܒܚܪܵܒ݂ܵܐ ܥܵܠܡܝܼܢܵܝܵܐ، ܘܡܕܝܼܢܵܬܵܝ̈ܗ‌ܝ ܥܩܝܼܪܘܼܟ݂، ܛܠܝܼܩ ܠܹܗ ܕܟ݂ܵܪܵܐ ܕܝܼܵܝܗ‌ܝ.
14042	PSA 9:11	ܘܒܸܬ ܣܵܒܪܝܼ ܒܝܼܘܼܟ݂ ܝܵܕܥܵܢܹ̈ܐ ܕܫܸܡܘܼܟ݂، ܒܗ̇ܝ ܕܠܹܐ ܝܘܸܬ ܫܒ݂ܝܼܩܵܐ ܠܛܵܥܝܵܢܹ̈ܐ ܕܐܸܠܘܼܟ݂، ܝܵܐ ܡܵܪܝܵܐ.
14047	PSA 9:16	ܛܒܝܼܥ ܠܗܘܿܢ ܐܸܡܘܵܬܹ̈‌ܐ ܒܓܘܼܒܵܐ ܕܚܦܝܼܪܗܘܿܢ، ܒܓܲܪܕܵܐ ܕܛܘܼܡܸܪܗܘܿܢ ܦܝܼܫ ܠܵܗ̇ ܕܒ݂ܝܼܩܬܵ‌ܐ ܐܲܩܠܵܝܗ‌ܝ.
14050	PSA 9:19	ܣܵܒܵܒ ܠܥܵܠܲܡ ܠܹܐ ܦܵܐܹܫ ܡܘܼܢܫܝܼܵܐ ܣܢܝܼܩܵܐ، ܠܹܐ ܛܵܠܹܩ ܣܲܒ݂ܪܵܐ ܕܡܸܣܟܹܢܹ̈ܐ ܠܥܵܠܲܡ.
14053	PSA 10:1	ܩܵܡܘܿܕܝܼ، ܝܵܐ ܡܵܪܝܵܐ، ܟܵܠܹܝܬ ܪܸܚܩܵܐ، ܛܲܫܹܝܬ ܓܵܢܘܼܟ݂ ܒܥܕܵܢܵܬܹ̈‌ܐ ܕܥܵܘܩܵܢܵܐ؟
14055	PSA 10:3	ܣܵܒܵܒ ܟܹܐ ܚܵܬܹܪ ܒܝܼܫܵܐ ܒܘܼܬ ܫܲܗܘܲܬܬܵ‌ܐ ܕܢܲܦ̮ܫܹܗ، ܘܚܵܛܘܿܦܵܐ ܟܹܐ ܠܵܐܹܛ ܘܟܹܐ ܡܲܣܠܹܐ ܠܡܵܪܝܵܐ.
14056	PSA 10:4	ܒܝܼܫܵܐ ܢܵܚܝܼܪܹܗ ܪܵܡܵܐ ܠܹܐ ܛܵܥܹܐ ܒܵܬܪܹܗ، ܠܲܝܬ ܐܲܠܵܗܵܐ ܒܟܠܵܝܗ‌ܝ ܚܘܼܫܵܒ݂ܘܼ̈ܗ‌ܝ.
14059	PSA 10:7	ܦܘܼܡܹܗ ܡܸܠܝܵܐ ܝܠܹܗ ܠܵܘܛܬܵ‌ܐ ܘܦܸܠܡܹ̈ܐ ܘܓܸܙܡܵܐ، ܬܚܘܿܬ ܠܸܫܵܢܹܗ ܡܲܠܝܲܨܬܵ‌ܐ ܘܥܵܘܠܵܐ.
14060	PSA 10:8	ܟܹܐ ܝܵܬܹܒ݂ ܒܟܡܹܐܢܵܐ ܓܵܘ ܡܵܬܘܵܬܹ̈‌ܐ، ܓܵܘ ܣܸܬܵܪܹ̈ܐ ܟܹܐ ܩܵܛܹܠܔ ܠܙܲܟܵܝܵܐ، ܥܲܝܢܘܼ̈ܗ‌ܝ ܒܛܸܫܘܵܐ ܟܹܐ ܛܵܥܝܼ ܠܒܝܼܫܓܲܕܹ̈ܐ.
14061	PSA 10:9	ܟܹܐ ܝܵܬܹܒ݂ ܒܣܸܬܵܪܹ̈ܐ ܐܲܝܟ݂ ܐܲܪܝܵܐ ܒܓܘܼܒܹܗ، ܟܹܐ ܝܵܬܹܒ݂ ܒܟܡܹܐܢܵܐ ܠܸܚܛܵܦܵܐ ܠܡܸܣܟܹܢܵܐ، ܟܹܐ ܚܵܛܹܦ ܠܡܸܣܟܹܢܵܐ ܐܝܼܡܲܢ ܕܓܵܪܹܫ ܠܹܗ ܠܓܲܪܕܹܗ.
14068	PSA 10:16	ܡܵܪܝܵܐ ܡܲܠܟܵܐ ܝܠܹܗ ܠܥܵܠܲܡ ܥܵܠܡܝܼܢ، ܛܠܝܼܩ ܠܗܘܿܢ ܐܸܡܘܵܬܹ̈‌ܐ ܡ̣ܢ ܐܲܪܥܹܗ.
14069	PSA 10:17	ܛܠܵܒܬܵ‌ܐ ܕܡܸܣܟܹܢܹ̈ܐ ܫܡܝܼܥ ܠܘܼܟ݂، ܝܵܐ ܡܵܪܝܵܐ، ܒܸܬ ܡܲܩܘܹܝܬ ܠܸܒܵܝܗ‌ܝ، ܒܸܬ ܨܲܠܹܝܬ ܢܵܬܘܼܟ݂.
14071	PSA 11:1	ܒܡܵܪܝܵܐ ܫܩܝܼܠܔ ܠܝܼ ܓܵܘܣܵܐ، ܕܐܲܝܟ݂ ܐܵܡܪܝܼܬܘܿܢ ܠܓܵܢܝܼ: ”ܥܪܘܿܩܝ ܠܛܘܼܪܵܟ݂ܝ ܐܲܝܟ݂ ܛܲܝܪܵܐ؟“
14074	PSA 11:4	ܡܵܪܝܵܐ ܒܗܲܝܟܠܵܐ ܕܩܘܼܕܫܹܗ، ܡܵܪܝܵܐ ܒܫܡܲܝܵܐ ܟܘܼܪܣܝܹܗ، ܥܲܝܢܘܼ̈ܗ‌ܝ ܟܹܐ ܚܵܙܝܼ، ܛܸܠܦܵܦܘܼ̈ܗ‌ܝ ܟܹܐ ܒܵܚܪܝܼ ܠܒܢܲܝ̈ܢܵܫܵܐ.
14075	PSA 11:5	ܡܵܪܝܵܐ ܟܹܐ ܒܵܚܹܪ ܠܙܲܕܝܼܩܵܐ، ܐܝܼܢܵܐ ܠܒܝܼܫܵܐ ܘܠܡܲܚܸܒܵܢܵܐ ܕܛܠܘܼܡܝܵܐ ܟܹܐ ܣܵܢܝܵܐ ܓܵܢܹܗ.
14081	PSA 12:4	ܒܸܬ ܩܵܛܹܥ ܡܵܪܝܵܐ ܟܠܵܝܗ‌ܝ ܣܸܦܘܵܬܹ̈‌ܐ ܟ̰ܘܼܥܝܹ̈ܐ، ܘܠܸܫܵܢܵܐ ܕܗܲܡܙܸܡ ܡܸܢܕܝܼܵܢܹ̈ܐ ܓܘܼܪܹ̈ܐ.
14083	PSA 12:6	”ܡ̣ܢ ܥܸܠܬܵ‌ܐ ܕܛܠܘܼܡܝܵܐ ܕܡܸܣܟܹܢܹ̈ܐ، ܡ̣ܢ ܥܸܠܬܵ‌ܐ ܕܬܲܢܲܚܬܵ‌ܐ ܕܣܢܝܼܩܹ̈ܐ، ܐܵܕܝܼܵܐ ܒܸܬ ܩܵܝܡܹܢ،“ ܒܹܐܡܵܪܵܐ ܝܠܹܗ ܡܵܪܝܵܐ، ”ܒܸܬ ܡܲܬܒܸܢܗܘܿܢ ܒܫܲܝܢܵܐ، ܐܲܝܟܵܐ ܕܪܲܚܪܘܼܚܹܐ ܝܢܵܐ ܕܗܵܘܝܼ.“
14085	PSA 12:8	ܐܲܢ݇ܬ، ܝܵܐ ܡܵܪܝܵܐ، ܒܸܬ ܢܵܛܪܹܬ ܠܗܘܿܢ، ܒܸܬ ܚܲܡܹܝܬ ܠܗܘܿܢ ܡ̣ܢ ܐܵܗܵܐ ܕܵܪܵܐ ܗܲܠܔ ܥܵܠܲܡ.
14088	PSA 13:2	ܗܲܠܔ ܐܝܼܡܲܢ، ܝܵܐ ܡܵܪܝܵܐ؟ ܒܸܬ ܡܲܢܫܹܝܬ ܠܝܼ ܠܥܵܠܲܡ؟ ܗܲܠܔ ܐܝܼܡܲܢ ܒܸܬ ܛܲܫܹܝܬ ܦܵܬܘܼܟ݂ ܡܸܢܝܼ؟
14090	PSA 13:4	ܚܘܼܪ ܓ̰ܲܘܸܒ ܠܝܼ، ܝܵܐ ܡܵܪܝܵܐ ܐܲܠܵܗ‌ܝܼ، ܒܲܗܪܸܢ ܥܲܝܢܝܼ̈ ܕܠܵܐ ܛܵܡܪܹܢ ܒܫܸܢܬܵ‌ܐ ܕܡܵܘܬܵ‌ܐ؛
14092	PSA 13:6	ܐܝܼܢܵܐ ܐܵܢܵܐ ܒܛܲܝܒܘܼܬܘܼܟ݂ ܣܒܝܼܪܝܼ، ܒܸܬ ܦܵܨܹܚ ܠܸܒܝܼ ܒܦܘܼܪܩܵܢܘܼܟ݂. ܒܸܬ ܙܵܡܪܹܢ ܠܡܵܪܝܵܐ، ܒܗ̇ܝ ܕܒܦܸܪܝܘܼܬܵ‌ܐ ܩܵܡ ܦܵܪܹܥ ܠܝܼ.
14093	PSA 14:1	ܐܡܝܼܪܹܗ ܣܲܟ݂ܠܵܐ ܒܠܸܒܹܗ: ”ܠܲܝܬ ܐܲܠܵܗܵܐ.“ ܚܪܝܼܒܹܐ ܝܢܵܐ، ܥܒ݂ܝܼܕ ܠܗܘܿܢ ܦܘܼܠܚܵܢܹ̈ܐ ܛܲܢ̈ܦܹܐ، ܠܲܝܬ ܥܵܒ݂ܕܵܢܵܐ ܕܛܵܒ݂ܬܵ‌ܐ.
14094	PSA 14:2	ܡܵܪܝܵܐ ܡ̣ܢ ܫܡܲܝܵܐ ܓܘܼܫܸܩ ܠܹܗ ܥܲܠܔ ܒܢܲܝ̈ܢܵܫܵܐ، ܠܸܚܙܵܝܵܐ ܐܸܢ ܐܝܼܬ ܦܲܪܡܝܼܵܢܵܐ، ܛܵܥܝܵܢܵܐ ܠܐܲܠܵܗܵܐ.
14095	PSA 14:3	ܟܠܵܝܗ‌ܝ ܩܠܝܼܒ ܠܗܘܿܢ، ܡܸܚܕܵܕܹ̈ܐ ܗܘܹܐ ܠܗܘܿܢ ܛܲܡܐܹ̈ܐ، ܠܲܝܬ ܥܵܒ݂ܕܵܢܵܐ ܕܛܵܒ݂ܬܵ‌ܐ، ܠܲܝܬ ܐܘܼܦ ܚܲܕ.
14099	PSA 14:7	ܛܘܼܒ݂ܵܐ ܕܐܵܬܹ‌ܐ ܡ̣ܢ ܨܸܗܝܘܿܢ ܦܘܼܪܩܵܢܵܐ ܕܐܝܼܣܪܵܐܹܝܠܔ؛ ܐܝܼܡܲܢ ܕܡܲܕܸܪ ܡܵܪܝܵܐ ܠܥܲܡܹܗ ܡ̣ܢ ܓܵܠܘܼܬܵ‌ܐ، ܒܸܬ ܦܵܨܹܚ ܝܲܥܩܘܿܒ݂، ܒܸܬ ܚܵܕܹܐ ܐܝܼܣܪܵܐܹܝܠܔ.
14100	PSA 15:1	ܝܵܐ ܡܵܪܝܵܐ، ܡܵܢܝܼ ܡܵܨܹܐ ܥܵܡܹܪ ܒܡܲܫܟܢܘܼܟ݂؟ ܡܵܢܝܼ ܡܵܨܹܐ ܫܵܪܹܐ ܒܛܘܼܪܵܐ ܕܩܘܼܕܫܘܼܟ݂؟
14105	PSA 16:1	ܢܛܘܿܪܝܼ، ܝܵܐ ܐܲܠܵܗܵܐ، ܒܗ̇ܝ ܕܫܩܝܼܠܔ ܠܝܼ ܓܵܘܣܵܐ ܒܝܼܘܼܟ݂.
14106	PSA 16:2	ܐܡܝܼܪܝܼ ܠܡܵܪܝܵܐ: ”ܡܵܪܝܼ ܝܘܸܬ ܐܲܢ݇ܬ، ܛܵܒ݂ܬܵ‌ܐ ܠܲܝܬ ܠܝܼ ܫܒ݂ܘܿܩ ܡܸܢܘܼܟ݂.“
14108	PSA 16:4	ܒܸܬ ܙܵܝܕܝܼ ܐܘܼܠܨܵܢܹ̈ܐ ܕܐܵܢܝܼ ܕܪܵܚܛܝܼ ܒܵܬܪ ܐܲܠܵܗܵܐ ܐܚܹܪܢܵܐ، ܠܹܐ ܨܲܢܨܸܠܸܢ ܢܘܼܩܵܝܵܝ̈ܗ‌ܝ ܕܕܸܡܵܐ، ܘܠܹܐ ܡܲܕܟܸܪܸܢ ܫܸܡܵܢܵܝ̈ܗ‌ܝ ܥܲܠܔ ܣܸܦܘܵܬ‌ܝܼ̈.
14117	PSA 17:2	ܫܒ݂ܘܿܩ ܦܵܠܛܵܐ ܕܝܼܘܵܢܝܼ ܡܸܢܘܼܟ݂، ܥܲܝ̈ܢܘܼܟ݂ ܚܵܙܝܼ ܠܬܪ̈ܘܼܨܘܼܝܵܬܹ‌ܐ.
14118	PSA 17:3	ܒܘܼܚܸܪܘܼܟ݂ ܠܸܒܝܼ، ܣܘܼܚܒܸܪܘܼܟ݂ ܐܸܠܝܼ ܒܠܲܝܠܹܐ، ܨܘܼܪܸܦܸܢܘܼܟ݂، ܠܵܐ ܡܘܼܫ݇ܟ̰ܸܚ ܠܘܼܟ݂ ܡܸܢܕܝܼ ܚܸܠܛܵܐ ܒܝܼܝܼ، ܥܒ݂ܝܼܕ ܠܝܼ ܩܛܵܥܬܵ‌ܐ ܕܠܹܐ ܚܵܛܹܐ ܦܘܼܡܝܼ.
14119	PSA 17:4	ܒܘܼܬ ܦܘܼܠܚܵܢܹ̈ܐ ܕܒܲܪܢܵܫܵܐ، ܐܲܝܟ݂ ܗܹܡܸܙܡܵܢ ܕܣܸܦܘܵܬܘܼ̈ܟ݂، ܐܵܢܵܐ ܢܛܝܼܪܝܼ ܓܵܢܝܼ ܡ̣ܢ ܐܘܼܪ̈ܚܵܬܹ‌ܐ ܕܒܝܼܫܵܐ.
14122	PSA 17:7	ܡܲܚܙܝܼ ܛܲܝܒܘܼܬܘܼܟ݂ ܒܥܲܓ̰ܝܼܒܘܼܬܵ‌ܐ، ܝܵܐ ܦܵܪܘܿܩܵܐ ܕܐܵܢܝܼ ܕܡ̣ܢ ܕܸܫ̃ܡܸܢܵܝ̈ܗ‌ܝ ܫܵܩܠܝܼ ܓܵܘܣܵܐ ܒܝܲܡܝܼܢܘܼܟ݂.
14123	PSA 17:8	ܢܛܘܿܪܝܼ ܐܲܝܟ݂ ܒܹܒܸܠܬܵ‌ܐ ܕܥܲܝܢܵܐ، ܒܛܸܠܵܢܝܼܬܵ‌ܐ ܕܓܘܼܠܦܵܢܘܼ̈ܟ݂ ܛܲܫܹܝܬ ܠܝܼ؛
14127	PSA 17:12	ܒܸܕܡܵܝܵܐ ܠܐܲܪܝܵܐ ܕܫܲܗܘܸܬ ܠܸܦܪܵܛܵܐ، ܘܠܓܘܼܪܝܵܐ ܕܐܲܪܝܵܐ ܝܬܝܼܒ݂ܵܐ ܒܣܸܬܵܪܹ̈ܐ.
14133	PSA 18:3	ܡܵܪܝܵܐ ܩܵܝܝܼ ܝܠܹܗ، ܘܚܸܣܢܝܼ، ܘܦܲܨܝܵܢܝܼ، ܐܲܠܵܗܵܐ ܐܝܼܨܵܪܝܼ ܕܫܵܩܠܹܢ ܓܵܘܣܵܐ ܒܝܼܹܗ، ܡܵܛܵܠܝܼ، ܩܲܠܥܝܼ ܘܚܲܝܠܵܐ ܕܦܘܼܪܩܵܢܝܼ.
14135	PSA 18:5	ܟܪܝܼܟܸܢܗܘܿܢ ܚܸܒ݂ܠܹ̈ܐ ܕܡܵܘܬܵ‌ܐ، ܛܵܘܦܵܢܹ̈ܐ ܣܸܪ̈ܝܹܐ ܨܦܝܼܚ ܠܗܘܿܢ ܥܲܠܝܼ.
14137	PSA 18:7	ܟܲܕ ܥܝܼܩ ܠܵܗ̇ ܐܸܠܝܼ، ܩܪܹܐ ܠܝܼ ܠܡܵܪܝܵܐ، ܘܡܘܼܩܘܸܚ ܠܝܼ ܠܐܲܠܵܗ‌ܝܼ، ܫܡܝܼܥ ܠܹܗ ܡ̣ܢ ܗܲܝܟܠܹܗ ܩܵܠܝܼ، ܘܓܥܵܝܬ‌ܝܼ ܩܲܕܡܘܼܗ‌ܝ ܡܛܹܐ ܠܵܗ̇ ܠܢܵܬܝܵܬܘܼ̈ܗ‌ܝ.
14138	PSA 18:8	ܗ̇ܝܓܵܗ ܫܥܝܼܫ ܠܵܗ̇ ܘܕܘܼܪܘܸܕ ܠܵܗ̇ ܐܲܪܥܵܐ، ܪܓܝܼܕ ܠܗܘܿܢ ܘܫܥܝܼܫ ܠܗܘܿܢ ܒܸܢܝܲܬܹ̈‌ܐ ܕܛܘܼܪ̈ܵܢܹܐ، ܡ̣ܢ ܚܸܡܬܵ‌ܐ ܕܟܲܪܒܹܗ.
14141	PSA 18:11	ܪܟܝܼܒ݂ ܠܹܗ ܥܲܠܔ ܟܪܘܿܒ݂ܵܐ ܘܦܪܝܼܚ ܠܹܗ، ܘܣܛܹܐ ܠܹܗ ܥܲܠܔ ܓܘܼܠܦܵܢܹ̈ܐ ܕܦܵܘܚܵܐ.
14142	PSA 18:12	ܥܒ݂ܝܼܕ ܠܹܗ ܠܚܸܫܟܵܐ ܣܸܬܵܪܹܗ، ܡܛܲܠܠܹܗ ܚܵܕܸܪ̈ܘܵܢܘܼܗ‌ܝ، ܠܚܸܫܟܵܐ ܕܡ̈ܝܼܵܐ، ܥܲܝܒ݂ܵܬܹ̈‌ܐ ܕܪܩܝܼܥܵܐ.
14145	PSA 18:15	ܘܫܘܼܕܸܪܹܗ ܓܹܐܪ̈ܘܼܗ‌ܝ ܘܒܘܼܪܒܸܙܵܝ ܠܹܗ، ܘܫܘܼܕܸܪܹܗ ܒܸܪ̈ܩܹܐ ܪܵܒܵܐ ܘܚܒ݂ܝܼܛܵܝ ܠܹܗ.
14146	PSA 18:16	ܘܡܘܼܒܝܸܢܗܘܿܢ ܪ̈ܵܗܛܹܐ ܕܡ̈ܝܼܵܐ، ܘܦܝܼܫ ܠܗܘܿܢ ܓܸܠܝܹܐ ܫܘܼܬܐܵܣܹ̈ܐ ܕܬܹܒܹܝܠܔ، ܡ̣ܢ ܢܓ̰ܵܘܬܘܼܟ݂، ܝܵܐ ܡܵܪܝܵܐ، ܡ̣ܢ ܢܫܲܡܬܵ‌ܐ ܕܦܵܘܚܵܐ ܕܢܵܚܝܼܪܘܼܟ݂.
14150	PSA 18:20	ܘܦܘܼܠܛܸܢܹܗ ܠܪܘܵܚܵܢܝܼ، ܩܵܡ ܦܲܨܹܐ ܠܝܼ ܒܗ̇ܝ ܕܒܣܝܼܡ ܠܵܗ̇ ܠܹܗ ܒܝܼܝܼ.
14152	PSA 18:22	ܣܵܒܵܒ ܢܛܝܼܪܝܼ ܐܘܼܪ̈ܚܵܬܹ‌ܐ ܕܡܵܪܝܵܐ، ܘܒܪܲܫܝܼܥܘܼܬܵ‌ܐ ܠܵܐ ܦܪܝܼܫ ܠܝܼ ܡ̣ܢ ܐܲܠܵܗ‌ܝܼ.
14154	PSA 18:24	ܘܗܘܹܐ ܠܝܼ ܬܲܡܝܼܡܵܐ ܥܲܡܹܗ، ܘܢܛܝܼܪܝܼ ܓܵܢܝܼ ܡ̣ܢ ܥܵܘܠܝܼ.
14160	PSA 18:30	ܣܵܒܵܒ ܒܝܼܘܼܟ݂ ܡܵܨܹܝܢ ܪܵܚܛܹܢ ܥܲܠܔ ܓܲܝܣܵܐ، ܘܒܐܲܠܵܗ‌ܝܼ ܡܵܨܹܝܢ ܫܵܘܪܹܢ ܡܥܲܠܔ ܫܘܼܪܵܐ.
14161	PSA 18:31	ܬܲܡܝܼܡܬܵ‌ܐ ܝܠܵܗ̇ ܐܘܼܪܚܵܐ ܕܐܲܠܵܗܵܐ، ܚܲܒܪܵܐ ܕܡܵܪܝܵܐ ܨܘܼܪܸܦܵܐ ܝܠܹܗ، ܡܵܛܵܠܵܐ ܝܠܹܗ ܠܟܠܔ ܡ̇ܢ ܕܫܵܩܹܠܔ ܓܵܘܣܵܐ ܒܝܼܹܗ.
14166	PSA 18:36	ܩܵܡ ܝܵܗܒܹܬ ܠܝܼ ܡܵܛܵܠܵܐ ܕܦܘܼܪܩܵܢܘܼܟ݂، ܘܝܲܡܝܼܢܘܼܟ݂ ܩܵܡ ܣܵܢܕܵܐ ܠܝܼ، ܘܓ̰ܲܘܲܒܬܘܼܟ݂ ܐܸܠܝܼ ܩܵܡ ܓܲܪܘܸܣܵܐ ܠܝܼ.
14168	PSA 18:38	ܢܦܝܼܠܔ ܠܝܼ ܒܵܬܪ ܕܸܫ̃ܡܸܢܝܼ̈ ܘܛܘܼܠܩܵܝ ܠܝܼ، ܘܠܵܐ ܕܝܼܪܝܼ ܗܲܠܔ ܬܝܵܡܬܵܝܗ‌ܝ.
14171	PSA 18:41	ܘܕܸܫ̃ܡܸܢܝܼ̈ ܡܘܼܥܒܸܕ ܠܘܼܟ݂ ܕܥܵܪܩܝܼ ܡ̣ܢ ܩܲܕܡܝܼ، ܝܘܼܗܒܹܠܔ ܠܘܼܟ݂ ܐܸܠܝܼ ܕܛܲܠܩܸܢ ܠܣܵܢܝܵܢܝܼ̈.
14173	PSA 18:43	ܘܕܘܼܩܕܸܩܵܝ ܠܝܼ ܐܲܝܟ݂ ܥܲܦܪܵܐ ܩܲܕܡ ܦܵܘܚܵܐ، ܐܲܝܟ݂ ܛܝܼܢܵܐ ܕܥܵܠܘܿܠܹ̈ܐ ܪܘܼܦܝܵܝ ܠܝܼ.