13946	PSA 1:3	ܒܸܬ ܗܵܘܹܐ ܐܲܝܟ݂ ܐܝܼܠܵܢܵܐ ܫܬܝܼܠܵܐ ܥܲܠܔ ܫܵܩ̈ܝܼܵܬܹ‌ܐ ܕܡ̈ܝܼܵܐ، ܕܛܥܘܼܢܬܹܗ ܟܹܐ ܝܵܗܒܹܠܔ ܒܙܲܒ݂ܢܹܗ، ܘܛܲܪܦܹܗ ܠܹܐ ܢܵܬܹܪ، ܘܟܠܔ ܕܥܵܒܹܕ ܟܹܐ ܡܲܢܬܹ‌ܐ؛
13951	PSA 2:2	ܫܩܝܼܠܔ ܠܗܘܿܢ ܫܵܘܦܵܝܗ‌ܝ ܡܲܠܟܹ̈ܐ ܕܐܲܪܥܵܐ، ܘܫܲܠܝܼ̈ܛܹܐ ܥܒ݂ܝܼܕ ܠܗܘܿܢ ܡܸܠܟܵܐ ܥܲܡ ܚܕܵܕܹ̈ܐ، ܥܲܠܔ ܡܵܪܝܵܐ ܘܥܲܠܔ ܡܫܝܼܚܹܗ، ܒܹܐܡܵܪܵܐ:
13954	PSA 2:5	ܗ̇ܝܓܵܗ ܒܸܬ ܗܲܡܙܸܡ ܐܸܠܵܝܗ‌ܝ ܒܟܲܪܒܹܗ، ܘܒܚܸܡܬܹܗ ܒܸܬ ܡܲܪܓܸܕ ܠܗܘܿܢ، ܒܹܐܡܵܪܵܐ:
13957	PSA 2:8	”ܛܠܘܿܒ ܡܸܢܝܼ ܘܒܸܬ ܝܵܗܒܹܢ ܐܸܡܘܵܬܹ̈‌ܐ ܠܝܵܪܬܘܼܬܘܼܟ݂، ܘܡܘܼܠܟܘܼܟ݂ ܗܲܠܔ ܡܲܪ̈ܙܵܢܹܐ ܕܐܲܪܥܵܐ.
13961	PSA 2:12	ܢܫܘܿܩܘܼܢ ܠܒܪܘܿܢܵܐ ܕܠܵܐ ܟܵܪܹܒ ܘܐܵܙܠ݇ܝܼܬܘܿܢ ܠܐܲܒ݂ܕܵܢܵܐ ܓܵܘ ܐܘܼܪܚܵܐ، ܣܵܒܵܒ ܒܸܬ ܠܵܒ݂ܟ݂ܵܐ ܒܓ̰ܲܠܕܘܼܬܵ‌ܐ ܚܸܡܬܹܗ. ܛܘܼܒ݂ܵܐ ܠܐܵܢܝܼ ܕܫܵܩܠܝܼ ܓܵܘܣܵܐ ܒܝܼܹܗ.
13968	PSA 3:7	ܠܹܐ ܙܵܕܥܹܢ ܡ̣ܢ ܪܸ̈ܒܘܵܬܹ‌ܐ ܕܥܲܡܡܹ̈ܐ، ܐܲܝܢܝܼ ܕܟܪܝܼܟ݂ ܠܗܘܿܢ ܠܕܲܠܩܘܼܒ݂ܠܝܼ ܡ̣ܢ ܟܠܔ ܓܹܒܵܐ.
13969	PSA 3:8	ܩܘܼܡ، ܝܵܐ ܡܵܪܝܵܐ! ܦܲܪܸܩ ܠܝܼ، ܝܵܐ ܐܲܠܵܗ‌ܝܼ! ܣܵܒܵܒ ܡܸܚܝܵܝ ܝܘܸܬ ܟܠܵܝܗ‌ܝ ܕܸܫ̃ܡܸܢܝܼ̈ ܥܲܠܔ ܦܵܬܵܝܗ‌ܝ، ܟܹܟܹ̈ܐ ܕܒܝܼܫܹ̈ܐ ܬܒ݂ܝܼܪܵܝ ܝܘܸܬ.
13972	PSA 4:2	ܒܩܪܵܝܬ‌ܝܼ ܓ̰ܲܘܸܒ ܠܝܼ، ܝܵܐ ܐܲܠܵܗܵܐ ܕܙܲܕܝܼܩܘܼܬ‌ܝܼ، ܓܵܘ ܐܘܼܠܨܵܢܝܼ ܩܵܡ ܡܲܪܘܸܚܸܬ ܠܝܼ، ܪܲܚܸܡ ܥܲܠܝܼ ܘܫܡܹܥ ܠܨܠܘܿܬ‌ܝܼ.
13974	PSA 4:4	ܐܝܼܢܵܐ ܝܕܹܥܡܘܼܢ ܕܦܪܝܼܫ ܠܹܗ ܡܵܪܝܵܐ ܡܗܘܼܡܢܵܐ ܩܵܐ ܓܵܢܹܗ، ܡܵܪܝܵܐ ܒܸܬ ܫܵܡܹܥ ܒܩܪܵܝܬ‌ܝܼ ܐܸܠܹܗ.
13975	PSA 4:5	ܪܓܘܿܕܘܼܢ ܒܙܕܘܼܥܬܵ‌ܐ ܘܠܵܐ ܚܵܛܹܝܬܘܿܢ، ܗܲܓܹܝܡܘܼܢ ܒܠܸܒܵܘܟ݂ܘܿܢ ܥܲܠܔ ܫܘܝܼܬܵܘܟ݂ܘܿܢ ܘܦܘܼܫܘܼܢ ܫܸܠܝܹܐ. ܣܹܠܵܗ
13978	PSA 4:8	ܕܪܹܐ ܠܘܼܟ݂ ܦܨܵܚܵܐ ܒܠܸܒܝܼ، ܒܘܼܫ ܙܵܘܕܵܐ ܡ̣ܢ ܙܲܒ݂ܢܵܐ ܕܦܸܪܝܘܼܬܵ‌ܐ ܕܕܲܚܠܵܝܗ‌ܝ ܘܚܲܡܪܵܝܗ‌ܝ.
13982	PSA 5:3	ܗܲܒ݂ܠܔ ܢܵܬܵ‌ܐ ܠܩܵܠܵܐ ܕܓܥܵܝܬ‌ܝܼ، ܡܲܠܟܝܼ ܘܐܲܠܵܗ‌ܝܼ، ܒܗ̇ܝ ܕܐܸܠܘܼܟ݂ ܨܲܠܘܼܝܹܐ ܝܘܸܢ.
13983	PSA 5:4	ܝܵܐ ܡܵܪܝܵܐ، ܒܨܲܦܪܵܐ ܒܸܬ ܫܵܡܥܹܬ ܩܵܠܝܼ، ܒܨܲܦܪܵܐ ܒܸܬ ܡܲܩܪܸܒܸܢ ܨܠܘܿܬ‌ܝܼ ܐܸܠܘܼܟ݂، ܘܒܸܬ ܗܵܘܹܝܢ ܩܲܙܘܼܕܹܐ.
13985	PSA 5:6	ܠܹܐ ܟܵܠܝܼ ܫܲܒ݂ܗܸܪ̈ܵܢܹܐ ܩܲܕܡ ܥܲܝ̈ܢܘܼܟ݂، ܟܹܐ ܣܵܢܹܝܬ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ.
13987	PSA 5:8	ܐܝܼܢܵܐ ܐܵܢܵܐ ܒܣܲܓܝܼܐܘܼܬܵ‌ܐ ܕܛܵܒ݂ܵܬܘܼ̈ܟ݂ ܒܸܬ ܥܵܒ݂ܪܹܢ ܠܒܲܝܬܘܼܟ݂، ܒܙܕܘܼܥܬܵ‌ܐ ܡܸܢܘܼܟ݂ ܒܸܬ ܣܵܓ݂ܕܹܢ ܠܓܹܒܵܐ ܕܗܲܝܟܠܵܐ ܕܩܘܼܕܫܘܼܟ݂.
13988	PSA 5:9	ܝܵܐ ܡܵܪܝܵܐ، ܡܗܲܕܝܼ ܠܝܼ ܒܙܲܕܝܼܩܘܼܬܘܼܟ݂ ܒܥܸܠܬܵ‌ܐ ܕܕܸܫ̃ܡܸܢܝܼ̈، ܥܒ݂ܘܿܕ ܬܪܘܼܨܬܵ‌ܐ ܩܲܕܡܝܼ ܐܘܼܪܚܘܼܟ݂.
13989	PSA 5:10	ܒܗ̇ܝ ܕܠܲܝܬ ܒܦܘܼܡܵܝܗ‌ܝ ܫܪܵܪܵܐ ܡܩܵܘܝܵܢܵܐ، ܓܵܘܵܝܗ‌ܝ ܚܪܵܒ݂ܵܐ ܝܠܹܗ. ܒܵܠܘܿܥܬܵܝܗ‌ܝ ܩܲܒ݂ܪܵܐ ܦܬܘܼܚܬܵ‌ܐ، ܒܠܸܫܵܢܵܝܗ‌ܝ ܟܹܐ ܫܲܕܠܝܼ.
13990	PSA 5:11	ܕܘܼܢ ܐܸܠܵܝܗ‌ܝ ܐܲܝܟ݂ ܚܲܝܵܒܹ̈ܐ، ܝܵܐ ܐܲܠܵܗܵܐ، ܫܒ݂ܘܿܩ ܢܵܦܠܝܼ ܒܡܸܠܟܵܐ ܕܓܵܢܵܝܗ‌ܝ، ܒܘܼܬ ܦܸܪܝܘܼܬܵ‌ܐ ܕܓܢܵܗܵܝ̈ܗ‌ܝ ܚܲܪܙܸܦ ܠܗܘܿܢ، ܒܗ̇ܝ ܕܗܘܹܐ ܠܗܘܿܢ ܡܵܪ̈ܘܿܕܹܐ ܥܲܠܘܼܟ݂.
13991	PSA 5:12	ܐܝܼܢܵܐ ܦܵܨܚܝܼ ܟܠܵܝܗ‌ܝ ܐܵܢܝܼ ܕܫܵܩܠܝܼ ܓܵܘܣܵܐ ܠܟܸܣܠܘܼܟ݂، ܫܲܒܚܝܼ ܒܚܲܕܘܼܬܵ‌ܐ ܠܥܵܠܲܡ، ܘܟܲܣܝܼ ܠܗܘܿܢ ܒܢܵܛܘܿܪܘܼܬܘܼܟ݂، ܕܦܨܵܚܵܐ ܦܵܨܚܝܼ ܒܝܼܘܼܟ݂ ܡܲܚܸܒܵܢܹ̈ܐ ܕܫܸܡܘܼܟ݂.
13996	PSA 6:4	ܘܓܵܢܝܼ ܪܓܝܼܕܬܵ‌ܐ ܝܠܵܗ̇ ܪܵܒܵܐ. ܗܲܠܔ ܐܝܼܡܲܢ، ܝܵܐ ܡܵܪܝܵܐ، ܗܲܠܔ ܐܝܼܡܲܢ؟
13998	PSA 6:6	ܒܗ̇ܝ ܕܠܲܝܬ ܓܵܘ ܡܵܘܬܵ‌ܐ ܕܟ݂ܵܪܘܼܟ݂، ܒܫܝܘܿܠܔ ܡܵܢܝܼ ܒܸܬ ܫܲܒܸܚ ܠܘܼܟ݂؟
13999	PSA 6:7	ܟܟ̰ܝܼܚ ܠܝܼ ܡ̣ܢ ܬܲܢܲܚܬ‌ܝܼ، ܟܹܐ ܡܲܣܚܹܝܢ ܫܘܝܼܬ‌ܝܼ ܟܠܹܗ ܠܲܝܠܹܐ، ܒܕܸܡܥܝܼ̈ ܕܘܼܟܵܐ ܕܕܡܵܟ݂ܬ‌ܝܼ ܟܹܐ ܡܲܬܪܹܝܢ.
14000	PSA 6:8	ܡ̣ܢ ܚܲܫܵܐ ܢܘܝܼܠܔ ܠܗܘܿܢ ܥܲܝܢܝܼ̈، ܚܒܹܐ ܠܗܘܿܢ ܒܥܸܠܬܵ‌ܐ ܕܟܠܵܝܗ‌ܝ ܕܲܠܩܘܼܒ݂ܠܵܝܝܼ̈.
14001	PSA 6:9	ܪܚܘܿܩܘܼܢ ܡܸܢܝܼ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ، ܒܗ̇ܝ ܕܫܡܝܼܥ ܠܹܗ ܡܵܪܝܵܐ ܩܵܠܵܐ ܕܒܸܟ݂ܝܝܼ.
14003	PSA 6:11	ܒܸܬ ܢܵܟ݂ܦܝܼ ܘܪܵܓܕܝܼ ܪܵܒܵܐ ܟܠܵܝܗ‌ܝ ܕܸܫ̃ܡܸܢܝܼ̈، ܒܸܬ ܕܵܝܪܝܼ ܘܒܸܬ ܢܵܟ݂ܦܝܼ ܡܸܢܫܸܠܬܵܢܹܐ.
14005	PSA 7:2	ܝܵܐ ܡܵܪܝܵܐ ܐܲܠܵܗ‌ܝܼ، ܒܝܼܘܼܟ݂ ܫܩܝܼܠܔ ܠܝܼ ܓܵܘܣܵܐ، ܦܲܪܸܩ ܠܝܼ ܡ̣ܢ ܟܠܵܝܗ‌ܝ ܪ̈ܵܕܘܿܦܝܼ ܘܦܲܨܝܼ ܠܝܼ.
14008	PSA 7:5	ܐܸܢ ܦܪܝܼܥ ܠܝܼ ܒܝܼܫܬܵ‌ܐ ܠܡ̇ܢ ܕܝܼܠܹܗ ܒܫܠܵܡܵܐ ܥܲܡܝܼ، ܘܣܠܝܼܒ ܠܝܼ ܠܕܲܠܩܘܼܒ݂ܠܵܝܝܼ ܒܠܵܐ ܥܸܠܬܵ‌ܐ؛
14010	PSA 7:7	ܩܘܼܡ، ܝܵܐ ܡܵܪܝܵܐ، ܒܟܲܪܒܘܼܟ݂، ܡܲܪܸܡ ܓܵܢܘܼܟ݂ ܥܲܠܔ ܚܸܡܬܵ‌ܐ ܕܕܸܫ̃ܡܸܢܝܼ̈، ܘܪܥܘܿܫ ܒܘܼܬ ܕܝܼܝܼ ܒܕܝܼܘܵܢ ܕܦܩܝܼܕܵܐ ܝܘܸܬ،
14011	PSA 7:8	ܘܫܒ݂ܘܿܩ ܟܸܢܫܵܐ ܕܐܸܡܘܵܬܹ̈‌ܐ ܓ̰ܵܡܥܝܼ ܚܵܕܸܪ̈ܘܵܢܘܼܟ݂، ܘܝܬܘܿܒ݂ ܥܲܠܵܝܗ‌ܝ ܕܲܝܵܢܵܐ ܡ̣ܢ ܪܵܘܡܵܐ.
14012	PSA 7:9	ܡܵܪܝܵܐ ܟܹܐ ܕܵܐܹܢ ܠܥܲܡܡܹ̈ܐ، ܥܒ݂ܘܿܕ ܠܵܗ̇ ܕܝܼܘܵܢܝܼ، ܝܵܐ ܡܵܪܝܵܐ، ܐܲܝܟ݂ ܙܲܕܝܼܩܘܼܬ‌ܝܼ ܘܐܲܝܟ݂ ܬܲܡܝܼܡܘܼܬܵ‌ܐ ܕܐܝܼܬ ܒܝܼܝܼ.
14013	PSA 7:10	ܗܵܐ، ܫܒ݂ܘܿܩ ܬܵܝܡܵܐ ܒܝܼܫܬܵ‌ܐ ܕܪ̈ܲܫܝܼܥܹܐ، ܘܡܲܩܘܝܼ ܠܙܲܕܝܼܩܵܐ؛ ܝܵܐ ܒܵܚܪܵܢܵܐ ܕܠܸܒܵܘܵܬܹ̈‌ܐ ܘܪܸ̈ܥܝܵܢܹܐ، ܐܲܠܵܗܵܐ ܙܲܕܝܼܩܵܐ.
14015	PSA 7:12	ܕܲܝܵܢܵܐ ܙܲܕܝܼܩܵܐ ܝܠܹܗ ܐܲܠܵܗܵܐ، ܘܓܵܘ ܚܸܡܬܵ‌ܐ ܝܠܹܗ ܐܲܠܵܗܵܐ ܟܠܔ ܝܘܿܡ.
14017	PSA 7:14	ܘܙܲܝܢܹ̈ܐ ܕܡܵܘܬܵ‌ܐ ܗܘܼܕܪܵܝ ܠܹܗ ܐܸܠܹܗ، ܓܹܐܪ̈ܘܼܗ‌ܝ ܥܒ݂ܝܼܕܵܝ ܠܵܗܝܵܢܹ̈ܐ.
14024	PSA 8:3	ܡ̣ܢ ܦܘܼܡܵܐ ܕܝܵܠܹ̈ܕ݇ܐ ܘܝܲܠܘܼܕܹ̈ܐ ܫܘܼܬܐܸܣ ܠܘܼܟ݂ ܚܲܝܠܵܐ، ܒܥܸܠܬܵ‌ܐ ܕܕܲܠܩܘܼܒ݂ܠܵܝܘܼܟ݂، ܠܡܲܫܠܘܼܝܹܐ ܕܸܫ̃ܡܸܢ ܘܫܵܩܠܵܢܵܐ ܕܬܘܼܥܠܵܐ.
14029	PSA 8:8	ܥܸܪ̈ܒܹܐ ܘܬܵܘܪܹ̈ܐ ܟܠܵܝܗ‌ܝ، ܘܐܘܼܦ ܚܲܝܘܵܬܹ̈‌ܐ ܕܕܸܫܬܵ‌ܐ؛
14033	PSA 9:2	ܒܸܬ ܫܲܟܪܸܢ ܠܡܵܪܝܵܐ ܒܟܠܹܗ ܠܸܒܝܼ، ܒܸܬ ܗܲܩܹܝܢ ܟܠܵܝܗ‌ܝ ܕܘܼܡܵܪ̈ܘܼܟ݂؛
14037	PSA 9:6	ܢܓ̰ܝܼܘ ܠܘܼܟ݂ ܒܐܸܡܘܵܬܹ̈‌ܐ، ܛܘܼܠܸܩ ܠܘܼܟ݂ ܠܒܝܼܫܹ̈ܐ، ܫܸܡܵܝܗ‌ܝ ܓܪܝܼܕ ܠܘܼܟ݂ ܠܥܵܠܲܡ ܥܵܠܡܝܼܢ.
14038	PSA 9:7	ܕܸܫ̃ܡܸܢ ܬܝܼܡ ܠܹܗ ܒܚܪܵܒ݂ܵܐ ܥܵܠܡܝܼܢܵܝܵܐ، ܘܡܕܝܼܢܵܬܵܝ̈ܗ‌ܝ ܥܩܝܼܪܘܼܟ݂، ܛܠܝܼܩ ܠܹܗ ܕܟ݂ܵܪܵܐ ܕܝܼܵܝܗ‌ܝ.
14040	PSA 9:9	ܘܗ̇ܘ ܒܸܬ ܕܵܐܹܢ ܠܒܪܝܼܬܵ‌ܐ ܒܙܲܕܝܼܩܘܼܬܵ‌ܐ، ܒܸܬ ܥܵܒܹܕ ܕܝܵܢܬܵ‌ܐ ܠܥܲܡܡܹ̈ܐ ܒܬܪܘܼܨܘܼܬܵ‌ܐ.
14043	PSA 9:12	ܙܡܘܿܪܘܼܢ ܠܡܵܪܝܵܐ ܥܵܡܪܵܢܵܐ ܒܨܸܗܝܘܿܢ، ܡܲܕܸܥܡܘܼܢ ܥܒ݂ܵܕܘܼ̈ܗ‌ܝ ܓܵܘ ܥܲܡܡܹ̈ܐ.
14046	PSA 9:15	ܕܗܲܩܹܝܢ ܟܠܵܝܗ‌ܝ ܬܸܫܒܘܿܚܝܵܬܘܼ̈ܟ݂ ܒܕܲܪ̈ܘܵܙܹܐ ܕܒܪܵܬ ܨܸܗܝܘܿܢ، ܥܵܒ݂ܕܹܢ ܦܨܵܚܵܐ ܒܦܘܼܪܩܵܢܘܼܟ݂.
14047	PSA 9:16	ܛܒܝܼܥ ܠܗܘܿܢ ܐܸܡܘܵܬܹ̈‌ܐ ܒܓܘܼܒܵܐ ܕܚܦܝܼܪܗܘܿܢ، ܒܓܲܪܕܵܐ ܕܛܘܼܡܸܪܗܘܿܢ ܦܝܼܫ ܠܵܗ̇ ܕܒ݂ܝܼܩܬܵ‌ܐ ܐܲܩܠܵܝܗ‌ܝ.
14048	PSA 9:17	ܦܝܼܫܵܐ ܝܠܹܗ ܝܕܝܼܥܵܐ ܡܵܪܝܵܐ ܒܕܝܼܘܵܢ ܕܥܒ݂ܝܼܕ ܠܹܗ، ܪܲܫܝܼܥܵܐ ܒܦܘܼܠܚܵܢܵܐ ܕܐܝܼܕܘܼ̈ܗ‌ܝ ܟܹܐ ܦܵܐܹܫ ܕܒ݂ܝܼܩܵܐ ܒܩܘܼܠܬܵ‌ܐ. ܗܓܵܝܘܿܢ ܣܹܠܵܗ
14049	PSA 9:18	ܒܸܬ ܕܵܝܪܝܼ ܒܝܼܫܹ̈ܐ ܠܫܝܘܿܠܔ، ܟܠܵܝܗ‌ܝ ܐܸܡܘܵܬܹ̈‌ܐ ܢܵܫܝܵܢܹ̈ܐ ܕܐܲܠܵܗܵܐ.
14051	PSA 9:20	ܩܘܼܡ، ܝܵܐ ܡܵܪܝܵܐ، ܕܠܵܐ ܡܲܫ݇ܟ̰ܸܚ ܙܵܟ݂ܘܼܬܵ‌ܐ ܐܢܵܫܵܐ، ܦܵܝܫܝܼ ܕܝܼܢܹܐ ܐܸܡܘܵܬܹ̈‌ܐ ܩܲܕܡ ܦܵܬܘܼܟ݂.
14052	PSA 9:21	ܡܲܬܸܒ݂، ܝܵܐ ܡܵܪܝܵܐ، ܙܕܘܼܥܬܵ‌ܐ ܥܲܠܵܝܗ‌ܝ، ܕܝܵܕܥܝܼ ܐܸܡܘܵܬܹ̈‌ܐ ܕܒܢܲܝ̈ܢܵܫܵܐ ܝܢܵܐ ܐܵܢܝܼ. ܣܹܠܵܗ
14053	PSA 10:1	ܩܵܡܘܿܕܝܼ، ܝܵܐ ܡܵܪܝܵܐ، ܟܵܠܹܝܬ ܪܸܚܩܵܐ، ܛܲܫܹܝܬ ܓܵܢܘܼܟ݂ ܒܥܕܵܢܵܬܹ̈‌ܐ ܕܥܵܘܩܵܢܵܐ؟
14055	PSA 10:3	ܣܵܒܵܒ ܟܹܐ ܚܵܬܹܪ ܒܝܼܫܵܐ ܒܘܼܬ ܫܲܗܘܲܬܬܵ‌ܐ ܕܢܲܦ̮ܫܹܗ، ܘܚܵܛܘܿܦܵܐ ܟܹܐ ܠܵܐܹܛ ܘܟܹܐ ܡܲܣܠܹܐ ܠܡܵܪܝܵܐ.
14056	PSA 10:4	ܒܝܼܫܵܐ ܢܵܚܝܼܪܹܗ ܪܵܡܵܐ ܠܹܐ ܛܵܥܹܐ ܒܵܬܪܹܗ، ܠܲܝܬ ܐܲܠܵܗܵܐ ܒܟܠܵܝܗ‌ܝ ܚܘܼܫܵܒ݂ܘܼ̈ܗ‌ܝ.
14057	PSA 10:5	ܡܲܢܬܝܼܵܢܹ̈ܐ ܝܢܵܐ ܐܘܼܪ̈ܚܵܬܘܼܗ‌ܝ ܒܟܠܔ ܥܕܵܢܵܐ، ܪ̈ܵܡܹܐ ܝܢܵܐ ܕܝܼܘܵܢܘܼ̈ܟ݂، ܥܸܠܸܠܔ ܡ̣ܢ ܚܙܵܝܬܹܗ، ܟܹܐ ܓܲܫܸܩ ܒܥܲܝܢܵܐ ܕܡܲܣܠܲܝܬܵ‌ܐ ܠܟܠܵܝܗ‌ܝ ܕܸܫ̃ܡܸܢܘܼ̈ܗ‌ܝ.
14058	PSA 10:6	ܐܡܝܼܪܹܗ ܒܠܸܒܹܗ: ”ܠܹܐ ܫܵܥܫܹܢ، ܠܹܐ ܚܵܙܹܝܢ ܣܸܪܝܘܼܬܵ‌ܐ ܡ̣ܢ ܕܵܪܵܐ ܠܕܵܪܵܐ.“
14059	PSA 10:7	ܦܘܼܡܹܗ ܡܸܠܝܵܐ ܝܠܹܗ ܠܵܘܛܬܵ‌ܐ ܘܦܸܠܡܹ̈ܐ ܘܓܸܙܡܵܐ، ܬܚܘܿܬ ܠܸܫܵܢܹܗ ܡܲܠܝܲܨܬܵ‌ܐ ܘܥܵܘܠܵܐ.
14060	PSA 10:8	ܟܹܐ ܝܵܬܹܒ݂ ܒܟܡܹܐܢܵܐ ܓܵܘ ܡܵܬܘܵܬܹ̈‌ܐ، ܓܵܘ ܣܸܬܵܪܹ̈ܐ ܟܹܐ ܩܵܛܹܠܔ ܠܙܲܟܵܝܵܐ، ܥܲܝܢܘܼ̈ܗ‌ܝ ܒܛܸܫܘܵܐ ܟܹܐ ܛܵܥܝܼ ܠܒܝܼܫܓܲܕܹ̈ܐ.
14066	PSA 10:14	ܐܝܼܢܵܐ ܚܸܙܝܵܐ ܠܘܼܟ݂ ܐܲܢ݇ܬ! ܟܹܐ ܚܵܝܪܹܬ ܠܥܵܘܩܵܢܵܐ ܘܠܚܲܫܵܐ، ܠܸܫܩܵܠܵܐ ܓܵܘ ܐܝܼܕܵܬܹ̈‌ܐ ܕܓܵܢܘܼܟ݂؛ ܥܲܠܘܼܟ݂ ܟܹܐ ܣܲܦܹܐ ܠܵܗ̇ ܓܵܢܹܗ ܒܝܼܫܓܲܕܵܐ، ܠܝܲܬܘܼܡܵܐ ܐܲܢ݇ܬ ܟܹܐ ܗܵܘܹܝܬ ܗܲܝܸܪܵܢܵܐ.
14068	PSA 10:16	ܡܵܪܝܵܐ ܡܲܠܟܵܐ ܝܠܹܗ ܠܥܵܠܲܡ ܥܵܠܡܝܼܢ، ܛܠܝܼܩ ܠܗܘܿܢ ܐܸܡܘܵܬܹ̈‌ܐ ܡ̣ܢ ܐܲܪܥܹܗ.
14069	PSA 10:17	ܛܠܵܒܬܵ‌ܐ ܕܡܸܣܟܹܢܹ̈ܐ ܫܡܝܼܥ ܠܘܼܟ݂، ܝܵܐ ܡܵܪܝܵܐ، ܒܸܬ ܡܲܩܘܹܝܬ ܠܸܒܵܝܗ‌ܝ، ܒܸܬ ܨܲܠܹܝܬ ܢܵܬܘܼܟ݂.
14072	PSA 11:2	ܒܗ̇ܝ ܕܗܵܐ، ܪ̈ܲܫܝܼܥܹܐ ܒܸܡܬܵܚܵܐ ܝܢܵܐ ܩܸܫܬܵ‌ܐ، ܗܘܼܕܸܪܗܘܿܢ ܓܹܐܪ̈ܵܝܗ‌ܝ ܥܲܠܔ ܡܸܠܬܵ‌ܐ، ܠܪܲܦܘܼܝܹܐ ܒܚܸܫܟܵܐ ܥܲܠܔ ܬܪ̈ܘܼܨܹܐ ܕܠܸܒܵܐ.
14074	PSA 11:4	ܡܵܪܝܵܐ ܒܗܲܝܟܠܵܐ ܕܩܘܼܕܫܹܗ، ܡܵܪܝܵܐ ܒܫܡܲܝܵܐ ܟܘܼܪܣܝܹܗ، ܥܲܝܢܘܼ̈ܗ‌ܝ ܟܹܐ ܚܵܙܝܼ، ܛܸܠܦܵܦܘܼ̈ܗ‌ܝ ܟܹܐ ܒܵܚܪܝܼ ܠܒܢܲܝ̈ܢܵܫܵܐ.
14080	PSA 12:3	ܣܪܝܼܩܘܼܬܵ‌ܐ ܟܹܐ ܗܲܡܙܸܡܝܼ ܐܢܵܫܵܐ ܥܲܡ ܚܲܒ݂ܪܹܗ؛ ܒܣܸܦܘܵܬܹ̈‌ܐ ܟ̰ܘܼܥܝܹ̈ܐ، ܒܬܪܹܝ ܠܸܒܹ̈ܐ ܦܪ̈ܝܼܫܹܐ ܟܹܐ ܗܲܡܙܸܡܝܼ.
14081	PSA 12:4	ܒܸܬ ܩܵܛܹܥ ܡܵܪܝܵܐ ܟܠܵܝܗ‌ܝ ܣܸܦܘܵܬܹ̈‌ܐ ܟ̰ܘܼܥܝܹ̈ܐ، ܘܠܸܫܵܢܵܐ ܕܗܲܡܙܸܡ ܡܸܢܕܝܼܵܢܹ̈ܐ ܓܘܼܪܹ̈ܐ.
14083	PSA 12:6	”ܡ̣ܢ ܥܸܠܬܵ‌ܐ ܕܛܠܘܼܡܝܵܐ ܕܡܸܣܟܹܢܹ̈ܐ، ܡ̣ܢ ܥܸܠܬܵ‌ܐ ܕܬܲܢܲܚܬܵ‌ܐ ܕܣܢܝܼܩܹ̈ܐ، ܐܵܕܝܼܵܐ ܒܸܬ ܩܵܝܡܹܢ،“ ܒܹܐܡܵܪܵܐ ܝܠܹܗ ܡܵܪܝܵܐ، ”ܒܸܬ ܡܲܬܒܸܢܗܘܿܢ ܒܫܲܝܢܵܐ، ܐܲܝܟܵܐ ܕܪܲܚܪܘܼܚܹܐ ܝܢܵܐ ܕܗܵܘܝܼ.“
14086	PSA 12:9	ܒܟܠܔ ܓܹܒܵܐ ܪ̈ܲܫܝܼܥܹܐ ܟܹܐ ܚܵܕܪܝܼ، ܐܝܼܡܲܢ ܕܡܲܣܠܲܝܬܵ‌ܐ ܦܵܝܫܵܐ ܡܝܘܼܩܸܪܬܵ‌ܐ ܓܵܘ ܒܢܲܝ̈ܢܵܫܵܐ.
14090	PSA 13:4	ܚܘܼܪ ܓ̰ܲܘܸܒ ܠܝܼ، ܝܵܐ ܡܵܪܝܵܐ ܐܲܠܵܗ‌ܝܼ، ܒܲܗܪܸܢ ܥܲܝܢܝܼ̈ ܕܠܵܐ ܛܵܡܪܹܢ ܒܫܸܢܬܵ‌ܐ ܕܡܵܘܬܵ‌ܐ؛
14092	PSA 13:6	ܐܝܼܢܵܐ ܐܵܢܵܐ ܒܛܲܝܒܘܼܬܘܼܟ݂ ܣܒܝܼܪܝܼ، ܒܸܬ ܦܵܨܹܚ ܠܸܒܝܼ ܒܦܘܼܪܩܵܢܘܼܟ݂. ܒܸܬ ܙܵܡܪܹܢ ܠܡܵܪܝܵܐ، ܒܗ̇ܝ ܕܒܦܸܪܝܘܼܬܵ‌ܐ ܩܵܡ ܦܵܪܹܥ ܠܝܼ.
14095	PSA 14:3	ܟܠܵܝܗ‌ܝ ܩܠܝܼܒ ܠܗܘܿܢ، ܡܸܚܕܵܕܹ̈ܐ ܗܘܹܐ ܠܗܘܿܢ ܛܲܡܐܹ̈ܐ، ܠܲܝܬ ܥܵܒ݂ܕܵܢܵܐ ܕܛܵܒ݂ܬܵ‌ܐ، ܠܲܝܬ ܐܘܼܦ ܚܲܕ.
14096	PSA 14:4	ܗܵܐ، ܠܵܐ ܝܕܝܼܥ ܠܗܘܿܢ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ، ܕܟܹܐ ܐܵܟ݂ܠܝܼ ܠܥܲܡܝܼ ܐܲܝܟ݂ ܕܐܵܟ݂ܠܝܼ ܠܲܚܡܵܐ، ܘܠܡܵܪܝܵܐ ܠܹܐ ܩܵܪܝܼ؟
14097	PSA 14:5	ܬܵܡܵܐ ܙܕܝܼܥ ܠܗܘܿܢ ܙܕܘܼܥܬܵ‌ܐ، ܒܗ̇ܝ ܕܐܲܠܵܗܵܐ ܝܼܠܹܗ ܥܲܡ ܬܵܘܠܲܕܬܵ‌ܐ ܙܲܕܝܼܩܬܵ‌ܐ.
14099	PSA 14:7	ܛܘܼܒ݂ܵܐ ܕܐܵܬܹ‌ܐ ܡ̣ܢ ܨܸܗܝܘܿܢ ܦܘܼܪܩܵܢܵܐ ܕܐܝܼܣܪܵܐܹܝܠܔ؛ ܐܝܼܡܲܢ ܕܡܲܕܸܪ ܡܵܪܝܵܐ ܠܥܲܡܹܗ ܡ̣ܢ ܓܵܠܘܼܬܵ‌ܐ، ܒܸܬ ܦܵܨܹܚ ܝܲܥܩܘܿܒ݂، ܒܸܬ ܚܵܕܹܐ ܐܝܼܣܪܵܐܹܝܠܔ.
14101	PSA 15:2	ܗ̇ܘ ܕܚܵܕܹܪ ܒܬܲܡܝܼܡܘܼܬܵ‌ܐ ܘܦܵܠܹܚ ܙܲܕܝܼܩܘܼܬܵ‌ܐ، ܘܗܲܡܙܸܡ ܫܪܵܪܵܐ ܒܠܸܒܹܗ.
14102	PSA 15:3	ܘܠܹܐ ܕܵܪܹܐ ܒܘܼܚܬܵܢ ܒܠܸܫܵܢܹܗ، ܘܠܹܐ ܥܵܒܹܕ ܒܝܼܫܬܵ‌ܐ ܠܚܲܒ݂ܪܹܗ، ܘܠܹܐ ܡܲܪܸܡ ܠܵܘܡܵܐ ܥܲܠܔ ܫܒ݂ܵܒܹܗ.
14103	PSA 15:4	ܘܒܥܲܝܢܘܼ̈ܗ‌ܝ ܦܝܼܫ ܠܹܗ ܡܘܼܣܠܝܼܵܐ ܟܵܦܘܿܪܵܐ، ܘܟܹܐ ܡܝܲܩܸܪ ܠܙܕܝܼ̈ܥܹܐ ܕܡܵܪܝܵܐ، ܘܟܹܐ ܝܵܡܹܐ ܠܓܵܢܹܗ ܘܠܹܐ ܫܲܚܠܸܦ، ܐܵܦܸܢ ܕܐܵܬܝܵܐ ܥܲܠܘܼܗ‌ܝ ܒܝܼܫܬܵ‌ܐ.
14106	PSA 16:2	ܐܡܝܼܪܝܼ ܠܡܵܪܝܵܐ: ”ܡܵܪܝܼ ܝܘܸܬ ܐܲܢ݇ܬ، ܛܵܒ݂ܬܵ‌ܐ ܠܲܝܬ ܠܝܼ ܫܒ݂ܘܿܩ ܡܸܢܘܼܟ݂.“
14107	PSA 16:3	ܒܘܼܬ ܩܲܕܝܼܫܹ̈ܐ ܕܒܐܲܪܥܵܐ، ܕܝܼܢܵܐ ܚܩܝܼܪܹ̈ܐ، ܟܠܵܝܗ‌ܝ ܒܘܼܣܵܡܝܼ ܒܝܼܵܝܗ‌ܝ ܝܠܹܗ.
14108	PSA 16:4	ܒܸܬ ܙܵܝܕܝܼ ܐܘܼܠܨܵܢܹ̈ܐ ܕܐܵܢܝܼ ܕܪܵܚܛܝܼ ܒܵܬܪ ܐܲܠܵܗܵܐ ܐܚܹܪܢܵܐ، ܠܹܐ ܨܲܢܨܸܠܸܢ ܢܘܼܩܵܝܵܝ̈ܗ‌ܝ ܕܕܸܡܵܐ، ܘܠܹܐ ܡܲܕܟܸܪܸܢ ܫܸܡܵܢܵܝ̈ܗ‌ܝ ܥܲܠܔ ܣܸܦܘܵܬ‌ܝܼ̈.
14110	PSA 16:6	ܟܝܘܼܠܹ̈ܐ ܢܦܝܼܠܔ ܠܗܘܿܢ ܐܸܠܝܼ ܒܕܘܼܟܵܢܹ̈ܐ ܒܲܣܝܼܡܹ̈ܐ، ܐܘܼܦ ܝܵܪܬܘܼܬ‌ܝܼ ܫܦܝܼܪܵܗ̇ ܒܥܲܝܢܝܼ̈.
14111	PSA 16:7	ܒܸܬ ܒܲܪܟܸܢ ܠܡܵܪܝܵܐ ܕܥܒ݂ܝܼܕ ܠܹܗ ܡܸܠܟܵܐ ܐܸܠܝܼ، ܐܘܼܦ ܒܠܲܝܠܵܘܵܬܹ̈‌ܐ ܟܹܐ ܬܲܥܠܸܡ ܠܝܼ ܪܸܥܝܵܢܝܼ.
14115	PSA 16:11	ܒܸܬ ܡܲܕܥܸܬ ܠܝܼ ܐܘܼܪܚܵܐ ܕܚܲܝܹ̈ܐ، ܣܘܼܒ݂ܵܥܬܵ‌ܐ ܕܚܲܕܘܼܝܵܬܹ̈‌ܐ ܐܝܼܬ ܒܗܸܙܘܼܪܘܼܟ݂، ܒܘܼܣܵܡܹ̈ܐ ܒܝܲܡܝܼܢܘܼܟ݂ ܠܥܵܠܲܡ.
14116	PSA 17:1	ܫܡܹܥ، ܝܵܐ ܡܵܪܝܵܐ، ܠܦܲܪܦܲܠܬܵ‌ܐ ܙܲܕܝܼܩܬܵ‌ܐ، ܨܘܼܬ ܠܡܲܩܘܲܚܬ‌ܝܼ، ܗܲܒ݂ܠܔ ܢܵܬܵ‌ܐ ܠܨܠܘܿܬ‌ܝܼ، ܕܠܹܐ ܝܠܵܗ̇ ܒܣܸܦܘܵܬܹ̈‌ܐ ܕܦܸܠܡܵܐ.
14118	PSA 17:3	ܒܘܼܚܸܪܘܼܟ݂ ܠܸܒܝܼ، ܣܘܼܚܒܸܪܘܼܟ݂ ܐܸܠܝܼ ܒܠܲܝܠܹܐ، ܨܘܼܪܸܦܸܢܘܼܟ݂، ܠܵܐ ܡܘܼܫ݇ܟ̰ܸܚ ܠܘܼܟ݂ ܡܸܢܕܝܼ ܚܸܠܛܵܐ ܒܝܼܝܼ، ܥܒ݂ܝܼܕ ܠܝܼ ܩܛܵܥܬܵ‌ܐ ܕܠܹܐ ܚܵܛܹܐ ܦܘܼܡܝܼ.
14119	PSA 17:4	ܒܘܼܬ ܦܘܼܠܚܵܢܹ̈ܐ ܕܒܲܪܢܵܫܵܐ، ܐܲܝܟ݂ ܗܹܡܸܙܡܵܢ ܕܣܸܦܘܵܬܘܼ̈ܟ݂، ܐܵܢܵܐ ܢܛܝܼܪܝܼ ܓܵܢܝܼ ܡ̣ܢ ܐܘܼܪ̈ܚܵܬܹ‌ܐ ܕܒܝܼܫܵܐ.
14120	PSA 17:5	ܩܘܹܐ ܠܗܘܿܢ ܦܵܣܘܿܥܝܵܬ‌ܝܼ̈ ܒܫܒ݂ܝܼܠܘܼ̈ܟ݂، ܠܵܐ ܫܥܝܼܫ ܠܗܘܿܢ ܐܲܩܠܵܬ‌ܝܼ̈.
14122	PSA 17:7	ܡܲܚܙܝܼ ܛܲܝܒܘܼܬܘܼܟ݂ ܒܥܲܓ̰ܝܼܒܘܼܬܵ‌ܐ، ܝܵܐ ܦܵܪܘܿܩܵܐ ܕܐܵܢܝܼ ܕܡ̣ܢ ܕܸܫ̃ܡܸܢܵܝ̈ܗ‌ܝ ܫܵܩܠܝܼ ܓܵܘܣܵܐ ܒܝܲܡܝܼܢܘܼܟ݂.
14123	PSA 17:8	ܢܛܘܿܪܝܼ ܐܲܝܟ݂ ܒܹܒܸܠܬܵ‌ܐ ܕܥܲܝܢܵܐ، ܒܛܸܠܵܢܝܼܬܵ‌ܐ ܕܓܘܼܠܦܵܢܘܼ̈ܟ݂ ܛܲܫܹܝܬ ܠܝܼ؛
14125	PSA 17:10	ܕܒ݂ܝܼܪܘܼܗ‌ܝ ܝܢܵܐ ܠܸܒܵܝܗ‌ܝ ܩܸܫܝܵܐ، ܒܦܘܼܡܵܝܗ‌ܝ ܟܹܐ ܗܲܡܙܸܡܝܼ ܫܘܼܒ݂ܗܵܪܵܐ.
14126	PSA 17:11	ܚܘܼܪܕܝܼܹܐ ܝܢܵܐ ܐܸܠܝܼ ܐܵܕܝܼܵܐ ܒܦܵܣܘܿܥܝܵܬ‌ܝܼ̈، ܡܘܼܬܸܒ݂ ܠܗܘܿܢ ܥܲܝ̈ܢܵܝܗ‌ܝ ܠܪܲܦܘܼܝܝܼ ܠܐܲܪܥܵܐ.
14128	PSA 17:13	ܩܘܼܡ، ܝܵܐ ܡܵܪܝܵܐ، ܟܠܝܼ ܩܲܕܡ ܦܵܬܵܝܗ‌ܝ ܘܡܲܒܪܸܟ ܠܗܘܿܢ، ܦܲܨܝܼ ܠܓܵܢܝܼ ܡ̣ܢ ܪ̈ܲܫܝܼܥܹܐ ܒܝܲܕ ܣܲܝܦܘܼܟ݂؛
14129	PSA 17:14	ܡ̣ܢ ܐܢܵܫܹ̈ܐ ܒܝܲܕ ܐܝܼܕܘܼܟ݂، ܝܵܐ ܡܵܪܝܵܐ، ܡ̣ܢ ܐܢܵܫܹ̈ܐ ܕܐܵܗܵܐ ܥܵܠܡܵܐ، ܕܣܵܗܡܵܝܗ‌ܝ ܒܐܲܢܹܐ ܚܲܝܹ̈ܐ ܝܠܹܗ، ܘܒܣܝܼܡܬܘܼܟ݂ ܟܹܐ ܡܵܠܹܝܬ ܟܹܪ݇ܣܵܝܗ‌ܝ، ܘܟܹܐ ܣܵܒ݂ܥܝܼ ܒܢܘܿܢܵܝ̈ܗ‌ܝ، ܘܫܵܒ݂ܩܝܼ ܫܲܪܟܵܢܵܐ ܠܝܲܠܘܼܕܵܝ̈ܗ‌ܝ.
14137	PSA 18:7	ܟܲܕ ܥܝܼܩ ܠܵܗ̇ ܐܸܠܝܼ، ܩܪܹܐ ܠܝܼ ܠܡܵܪܝܵܐ، ܘܡܘܼܩܘܸܚ ܠܝܼ ܠܐܲܠܵܗ‌ܝܼ، ܫܡܝܼܥ ܠܹܗ ܡ̣ܢ ܗܲܝܟܠܹܗ ܩܵܠܝܼ، ܘܓܥܵܝܬ‌ܝܼ ܩܲܕܡܘܼܗ‌ܝ ܡܛܹܐ ܠܵܗ̇ ܠܢܵܬܝܵܬܘܼ̈ܗ‌ܝ.
14138	PSA 18:8	ܗ̇ܝܓܵܗ ܫܥܝܼܫ ܠܵܗ̇ ܘܕܘܼܪܘܸܕ ܠܵܗ̇ ܐܲܪܥܵܐ، ܪܓܝܼܕ ܠܗܘܿܢ ܘܫܥܝܼܫ ܠܗܘܿܢ ܒܸܢܝܲܬܹ̈‌ܐ ܕܛܘܼܪ̈ܵܢܹܐ، ܡ̣ܢ ܚܸܡܬܵ‌ܐ ܕܟܲܪܒܹܗ.
14140	PSA 18:10	ܡܘܼܟܸܦ ܠܹܗ ܫܡܲܝܹ̈ܐ ܘܨܠܹܐ ܠܹܗ، ܟܲܕ ܥܲܝܒ݂ܵܐ ܚܸܫܟܵܢܬܵ‌ܐ ܬܚܘܿܬ ܐܲܩܠܵܬܘܼ̈ܗ‌ܝ.
14142	PSA 18:12	ܥܒ݂ܝܼܕ ܠܹܗ ܠܚܸܫܟܵܐ ܣܸܬܵܪܹܗ، ܡܛܲܠܠܹܗ ܚܵܕܸܪ̈ܘܵܢܘܼܗ‌ܝ، ܠܚܸܫܟܵܐ ܕܡ̈ܝܼܵܐ، ܥܲܝܒ݂ܵܬܹ̈‌ܐ ܕܪܩܝܼܥܵܐ.
14143	PSA 18:13	ܡ̣ܢ ܫܲܦ̮ܩܵܐ ܕܩܲܕܡ ܦܵܬܹܗ ܥܲܝܒ݂ܵܬܘܼ̈ܗ‌ܝ ܡܘܼܥܪܹܐ ܠܗܘܿܢ ܒܲܪܕܵܐ ܘܓܘܼܡܪܹ̈ܐ ܕܢܘܼܪܵܐ.
14145	PSA 18:15	ܘܫܘܼܕܸܪܹܗ ܓܹܐܪ̈ܘܼܗ‌ܝ ܘܒܘܼܪܒܸܙܵܝ ܠܹܗ، ܘܫܘܼܕܸܪܹܗ ܒܸܪ̈ܩܹܐ ܪܵܒܵܐ ܘܚܒ݂ܝܼܛܵܝ ܠܹܗ.
14146	PSA 18:16	ܘܡܘܼܒܝܸܢܗܘܿܢ ܪ̈ܵܗܛܹܐ ܕܡ̈ܝܼܵܐ، ܘܦܝܼܫ ܠܗܘܿܢ ܓܸܠܝܹܐ ܫܘܼܬܐܵܣܹ̈ܐ ܕܬܹܒܹܝܠܔ، ܡ̣ܢ ܢܓ̰ܵܘܬܘܼܟ݂، ܝܵܐ ܡܵܪܝܵܐ، ܡ̣ܢ ܢܫܲܡܬܵ‌ܐ ܕܦܵܘܚܵܐ ܕܢܵܚܝܼܪܘܼܟ݂.
14149	PSA 18:19	ܐܬܹ‌ܐ ܠܗܘܿܢ ܥܲܠܝܼ ܒܝܵܘܡܵܐ ܕܓܘܼܢܚܝܼ، ܐܝܼܢܵܐ ܗܘܹܐ ܠܹܗ ܡܵܪܝܵܐ ܣܢܵܕܬܵ‌ܐ ܐܸܠܝܼ.
14151	PSA 18:21	ܩܵܡ ܦܵܪܹܥ ܠܝܼ ܡܵܪܝܵܐ ܐܲܝܟ݂ ܙܲܕܝܼܩܘܼܬ‌ܝܼ، ܐܲܝܟ݂ ܕܸܟ݂ܝܘܼܬܵ‌ܐ ܕܐܝܼܕܵܬ‌ܝܼ̈ ܡܘܼܕܸܪܹܗ ܐܸܠܝܼ.
14152	PSA 18:22	ܣܵܒܵܒ ܢܛܝܼܪܝܼ ܐܘܼܪ̈ܚܵܬܹ‌ܐ ܕܡܵܪܝܵܐ، ܘܒܪܲܫܝܼܥܘܼܬܵ‌ܐ ܠܵܐ ܦܪܝܼܫ ܠܝܼ ܡ̣ܢ ܐܲܠܵܗ‌ܝܼ.
14153	PSA 18:23	ܣܵܒܵܒ ܟܠܵܝܗ‌ܝ ܕܝܼܘܵܢܘܼ̈ܗ‌ܝ ܠܒܲܠܩܘܼܒ݂ܠܝܼ ܝܢܵܐ، ܘܡ̣ܢ ܩܵܢܘܿܢܘܼ̈ܗ‌ܝ ܠܵܐ ܕܝܼܪܝܼ.
14155	PSA 18:25	ܒܘܼܬ ܐܵܗܵܐ، ܡܘܼܕܸܪܹܗ ܐܸܠܝܼ ܡܵܪܝܵܐ ܐܲܝܟ݂ ܙܲܕܝܼܩܘܼܬ‌ܝܼ، ܐܲܝܟ݂ ܕܸܟ݂ܝܘܼܬܵ‌ܐ ܕܐܝܼܕܵܬ‌ܝܼ̈ ܩܲܕܡ ܥܲܝܢܘܼ̈ܗ‌ܝ.
14159	PSA 18:29	ܣܵܒܵܒ ܐܲܢ݇ܬ ܟܹܐ ܒܲܗܪܸܢܸܬ ܫܪܵܓ݂ܝܼ، ܡܵܪܝܵܐ ܐܲܠܵܗ‌ܝܼ ܟܹܐ ܒܲܗܪܸܢ ܚܸܫܟܝܼ.