23214	MAT 1:1	Niga mikoma Jesos Christ. Ogima Davidikag odaiagizigoban aa Jesos, acitc dac ogima David 8in Abanaamikag (Abraham) odaiagizigoban. Midac oo 8edaiagizipan Jesos:
23219	MAT 1:6	Jesse ini og8izisibanin ogima Davidan. David ini og8izisibanin Sanamo (Salomon). Sanamo odjodjoman, mi ini ockadok Ori (Urie) okokomimbanin.
23230	MAT 1:17	Midatcin acitc ni8in dac ki ani aianike nta8igi8ag ka ako tedj Abanaam (Abraham) pinici David. Mina8adj dac midatcin acitc ni8in inigik ki ani aianike nta8igi8ag ka ako tedj David pinici kidji odjitcisenig apitc kagi ijinija8agani8i8agobanen Israel a8iagog 8edi Babilon akikag. Mina8adj dac midatcin acitc ni8in ki ani aianike nta8igi8ag ka ako ijinija8agani8i8agobanen Israel a8iagog 8edi Babilon akikag pinici kidji nta8igindjin Jesosan, mi ini Kije Manido kagi ikidogobanen kidji pidjinija8agobanen.
23233	MAT 1:20	Ka8in maci ododji onendasinaban adi ke inakamigizidj, apitc ka pi nda 8abamigodjin ka Tibendjigendjin odajenimini meg8adj e nibadj. Ajenin dac ogi igon: “Josep, kin David odanike ojisan, ka8in segiziken Mani kidji iji o8idigemaganian. Teb8e mega Mino Manidon ogi minigon kidji kigicka8adjin abinodjijan.
23475	MAT 9:27	Jesos dac ki odji madja iima migi8amikag. Meg8adj dac e ani pimosedj, nijin a8iagon ega ka 8abindjin ogi madji nosoneogon, e pabibagimigodjin: “Kin ogima David odanike ojisan! Kidimagenimicinam!”
23561	MAT 12:3	Jesos dac ogi nak8e8ajian: “Kana 8ikad kidodji nabo8adasina8a Kije Manido Omazinaiganikag adi ka todamogobanen ogima David? Nigodin ki mamida8askade8agoban 8in acitc o8idji8aganan.
23562	MAT 12:4	David dac ki pidigegoban Kije Manidon odaiamiemigi8aminikag. 8in dac acitc o8idji8aganan ogi am8a8agoban pak8ejiganan Kije Manidon kagi ca8enimagani8indjin. Kidinakonige8inanan ikidomaganon ega e inendagozi8adj kidji am8a8adjin ini pak8ejiganan, inazinade Coda8inni aiamie ogimag eta kidji am8a8adjin.
23581	MAT 12:23	Kakina dac a8iagog iima ka te8agobanen ki kitci mamakadendamobanig, acitc ki ikido8ag: “Mi ini ne8ad Kije Manido kagi ikidopan kidji pidjinija8adjin, 8aa Davidikag ke pi odaiagizindjin.”
23599	MAT 12:41	8eckadj a8iagog Ninip (Ninive) ka tajike8agobanen ki an8endizo8ag apitc ka noda8a8adjin Jonasan e kagik8endjin. Aja dac te nogom ooma pejig a8iag na8adj e kitci apitendagozidj apitc8in Jonas. Apitc dac Kije Manido tibakonadjin a8iagon, Ninip ka tajike8agobanen a8iagog kada pazig8i8ag kidji inactaona8adjin ini8e a8iagon nogom ka tendjin ega ka 8i an8endizondjin.
23724	MAT 15:22	Pejig ik8e iima tajikegoban ega e Coda8inni8idj, Kenan (Canaan) akini kagi odjinipanin okitci anicinabeman. Ogi pi nda 8abaman Jesosan acitc ogi pabibagiman: “Ka Tibendjigean! Kin ogima David odanike ojisan! Kidimagenimicin! Nidanis okigickagon madji manidon, kitci kodagito dac!”
23891	MAT 20:30	Nijin nabeg ega e 8abi8adj taji abi8agoban opimekana. Apitc dac ka nodage8adj Jesosan kidji pimi ijandjin iima, ki madji pabibagi8ag: “Tebendjigean! Ogima David odanike ojisan! Kidimagenimicinam!”
23892	MAT 20:31	Mane a8iagon ogi kaganonigo8an acitc ogi igo8an kidji ponimo8adj. Na8adj dac kiabadj ki kiji8e8agoban e pabibagi8adj: “Tebendjigean! Ogima David odanike ojisan! Kidimagenimicinam!”
23896	MAT 21:1	Apitc Jesos acitc okikinoamaganan e ani pec8abadamo8adj Jerusalem odenani, pecodj Betapaje (Bethphagé) odenajicini ani tebanig, Olip (Oliviers) pik8adinajic ka iji tag8ag. Iima dac, Jesos ogi niganinija8an nijin okikinoamaganan,
23904	MAT 21:9	A8iagog ka pimose8apan nigan Jesosikag, acitc ke8ina8a igi8e ka nosone8a8agobanen, kitci pabibagi8agoban: “Kitcit8a8endagozi ogima David odanike ojisan! Ca8endagozi aa8e ka Tibendjigendjin kagi pidjinijaogodjin! Kitcit8a8endagozi Kije Manido icpimig ka tedj!”
23910	MAT 21:15	Coda8inni kitci aiamie ogimag acitc Coda8inni kikinoamage8innig ogi 8abadana8an ini kegonan ka kitci mamakadendag8anigin kagi todamindjin Jesosan, acitc ogi noda8a8an abinodjijan kitci aiamiemigi8amikag e pabibagindjin: “Kitcit8a8endagozi ogima David odanike ojisan!” Ki kitci nickadizi8ag dac.
23983	MAT 22:42	“Adi enenimeg aa8e Kije Manidon kagi ikidonipanin kidji pidjinijaogodjin? Adi enenimeg 8edadabigicig?” Ogi nak8e8ajia8an dac: “Ogima David ini odanike ojisan.”
23984	MAT 22:43	Jesos dac ogi inan: “Adi dac 8edji ki ijiseg David kidji ijinikanadjin ‘Tebendjigean’? David mega, e kigickagodjin Mino Manidon, ki ikidogoban oo8eni:
23986	MAT 22:45	David dac ‘Ka Tibenimijidj’ odijinikanan ini a8ian Kije Manidon kagi ikidonipanin kidji pidjinija8andjin. Adi dac kegi odji ijisedj David kidji odanike ojisidj ini?”
24029	MAT 24:3	Jesos ki a8i abigoban Olip (Oliviers) pik8adinajicikag. Okikinoamaganan dac eta ogi pi nazikagon, acitc ogi k8ag8edjimigon: “8idamaocinam anapitc ke iji8ebag ii, acitc 8egonen ke 8abadai8emagag e odjitciseg kidji pi koki tag8icinian, acitc kidji ponaki8ag.”
24153	MAT 26:30	Ki nigamo8ag dac ini aiamie nigamo8inan ka nigamonani8anig ako apitc e Kitci Magocani8anig, midac ka iji ija8adj 8edi pik8adinajicikag Olip (Oliviers) ka ijinikadenig.
24343	MRK 2:14	Meg8adj e pimaadodj, Lepin (Lévi) ogi odji 8abaman, Alpi (Alphée) og8izisan. Ojibiige8igi8amikag ka iji ma8adjiagani8indjin conian e kijikaomagani8indjin kitci ogiman taji abigoban. Jesos dac ogi inan: “Nosoneocin.” Lepi dac ki pazig8i acitc ogi nosone8an.
24354	MRK 2:25	Jesos dac ogi nak8e8ajian: “Kana 8ikad kidodji nabo8adasina8a Kije Manido Omazinaiganikag adi ka todamogobanen ogima David? Nigodin midjimini onada8endana8agoban 8in acitc o8idji8aganan e mamida8askade8agobanen.
24355	MRK 2:26	David dac ki pidigegoban Kije Manidon odaiamiemigi8aminikag acitc ogi am8an pak8ejiganan Kije Manidon kagi ca8enimagani8indjin. Ii apitc Abiatar Coda8inni aiamie ogima8igoban ma8adji ka niganizipan. Kidinakonige8inanan ikidomaganon Coda8inni aiamie ogimag eta kidji am8a8adjin ini pak8ejiganan. Anic dac David ogi odapinan acitc ogi minan o8idji8aganan.”
24704	MRK 10:47	Apitc ka nodagedj Jesosan, Nazaret ka odjindjin, e tenipanin iima, ki madji pabibagi: “Jesos! Ogima David odanike ojisan! Kidimagenimicin!”
24705	MRK 10:48	Mane a8iagon ogi kaganonigon acitc ogi igon kidji ponimodj. Na8adj dac kiabadj ki kiji8egoban e pabibagidj: “Ogima David odanike ojisan! Kidimagenimicin!”
24710	MRK 11:1	Apitc Jesos acitc okikinoamaganan e ani pec8abadamo8adj Jerusalem odenani, pecodj Betapaje (Bethphagé) acitc Betani (Béthanie) odenajicikag, ki tag8icinog Olip (Oliviers) pik8adinajicini ka ijinikadenig. Iima dac, Jesos ogi niganinija8an nijin okikinoamaganan,
24719	MRK 11:10	Ca8endag8an ii ogima8i8in ka pijamagag, David 8eckadj kikitci anicinabeminaban odogima8i8in. Kitcit8a8endagozi Kije Manido icpimig ka tedj!”
24777	MRK 12:35	Apitc Jesos e kikinoamagepan Coda8inni kitci aiamiemigi8amikag, ki k8ag8ed8e oo8eni: “Adi dac 8ina8a Coda8inni kikinoamage8innig 8edji ikido8adj Davidan ini odanike ojisini ini a8ian Kije Manidon kagi ikidonipanin kidji pidjinija8andjin?
24778	MRK 12:36	David mega, e kigickagodjin Mino Manidon, 8inigotc ki ikidogoban oo8eni: ‘Ka Tibendjigedj ogi inan ka Tibenimijindjin: Nikitcinikikag iji pi nda abin, pinici kidji cagodjiag8a ka madjenimik8a, kinikag kidji iji tabasendizo8adj.’
24779	MRK 12:37	David dac 8inigotc ‘Ka Tibenimijidj’ odijinikanan ini a8ian Kije Manidon kagi ikidonipanin kidji pidjinija8andjin. Adi dac kegi odji ijisedj David kidji odanike ojisidj ini?” Mane a8iagog ogi kitci minota8a8an Jesosan.
24789	MRK 13:3	Jesos ki abi Olip (Oliviers) pik8adinajicikag, nigan Coda8inni kitci aiamiemigi8amikag. Pien, Jak, John, acitc Andre, 8ina8a eta o8idji8a8abanin Jesosan. Ogi k8ag8edjima8abanin dac:
24849	MRK 14:26	Ki nigamo8ag dac ini aiamie nigamo8inan ka nigamonani8anig ako apitc e Kitci Magocani8anig, midac ka iji ija8adj 8edi pik8adinajicikag Olip (Oliviers) ka ijinikadenig.
24989	LUK 1:27	Ogi ijinija8an pejig ockinigik8ekag, Mani ka ijinikazondjin. Aja Mani ki inaco8anagani8igoban kidji 8idigemadjin pejig naben, Josep ka ijinikazonigobanen, ogima Davidiban odanike ojisan.
24994	LUK 1:32	Kada kitci apitendagozi acitc Kije Manido ma8adji ka icpendagozidj Og8izisan kada ijinikanagani8i. Kije Manido ka Tibendjigedj oga minan kidji ogima8indjin tabickotc Davidiban, 8eckadj okitci anicinabembanin.
25031	LUK 1:69	Kigi pidjinijaamagonan a8ian e kitci macka8izindjin kidji ag8aciminak. 8in odanodaganan kitci ogiman David, odaiagizi aa a8iag.
25046	LUK 2:4	Josep dac, Nazaret odenakag 8edi Galilee akikag ki odji madja, Betleem (Bethléem) odenag Coda (Judée) akikag e ijadj. Mi ii 8eckadj ogima David ododenam. David mega odanike ojisan ini Josepan.
25053	LUK 2:11	Nogom ka onag8icig David ododenamikag, pejig a8iag ki pi nta8igi ke ag8acimadjin a8iagon. Mi aa Kije Manidon ka ikidonigobanen kidji pidjinijaogodjin, mi aa ka Tibendjigedj.
25118	LUK 3:24	Matat (Matthat) ini og8izisibanin Elin. Lepi (Lévi) ini og8izisibanin Matatan. Melki (Melchi) ini og8izisibanin Lepin. Janai (Jannaï) ini og8izisibanin Melkin. Josep ini og8izisibanin Janain.
25123	LUK 3:29	Jesos ini og8izisibanin Eran. Eliezer ini og8izisibanin Jesosan. Jorim ini og8izisibanin Eliezeran. Matat (Matthat) ini og8izisibanin Joriman. Lepi (Lévi) ini og8izisibanin Matatan.
25125	LUK 3:31	Melea ini og8izisibanin Eliakiman. Menna ini og8izisibanin Melean. Matata (Matthata) ini og8izisibanin Mennan. Natan (Nathan) ini og8izisibanin Matatan. David ini og8izisibanin Natanan.
25126	LUK 3:32	Jesse ini og8izisibanin Davidan. Obed ini og8izisibanin Jessen. Booz ini og8izisibanin Obedan. Sala ini og8izisibanin Boozan. Naasson ini og8izisibanin Salan.
25218	LUK 6:3	Jesos dac ogi nak8e8ajian: “Kana 8ikad kidodji nabo8adasina8a Kije Manido Omazinaiganikag adi ka todamogobanen ogima David? Nigodin ki mamida8askade8agoban 8in acitc o8idji8aganan.
25219	LUK 6:4	David dac ki pidigegoban Kije Manidon odaiamiemigi8aminikag. Ogi odapinan pak8ejiganan, Kije Manidon kagi ca8enimagani8indjin. Ogi am8agoban ini pak8ejiganan acitc ogi minagoban o8idji8aganan. Kidinakonige8inanan ikidomaganon Coda8inni aiamie ogimag eta kidji am8a8adjin ini pak8ejiganan.”
25504	LUK 11:30	Apitc Jonas ka ag8acimagani8ipan nibikag, kakina a8iagog Ninip (Ninive) odenag ka tajike8agobanen ogi kikendana8agoban Kije Manidon egi ijinija8andjin ini Jonasan ododenami8akag. Midac pejig8an nogom nin, Ka pi Anicinabe8iidizodj, a8iagog nogom ka te8adj niga kikenimigog Kije Manidon egi pidjinijaojindjin.
25506	LUK 11:32	8eckadj a8iagog Ninip (Ninive) ka tajike8agobanen ki an8endizo8ag apitc ka noda8a8adjin Jonasan e kagik8endjin. Aja dac te nogom ooma pejig a8iag na8adj e kitci apitendagozidj apitc8in Jonas. Apitc dac Kije Manido tibakonadjin a8iagon, Ninip ka tajike8agobanen a8iagog kada pazig8i8ag kidji inactaona8adjin ini8e a8iagon nogom ka tendjin ega ka 8i an8endizondjin.”
25795	LUK 18:38	Ki madji pabibagi dac: “Jesos! Ogima David odanike ojisan! Kidimagenimicin!”
25796	LUK 18:39	Igi8e dac ka nigani8adj ogi kaganona8abanin, acitc ogi ina8an kidji ponimondjin. Na8adj dac kiabadj ki kiji8egoban e pabibagidj: “Ogima David odanike ojisan! Kidimagenimicin!”
25829	LUK 19:29	Apitc e ani pec8abadag Betapaje (Bethphagé) acitc Betani (Béthanie) odenajican, pecodj pik8adinajic Olip (Oliviers) ka ijinikadeg, Jesos ogi niganinija8an nijin okikinoamaganan acitc ogi inan:
25889	LUK 20:41	Jesos ogi inan: “Adi 8edji ikidonani8ag David ini odanike ojisan ini a8ian Kije Manidon kagi ikidonipanin kidji pidjinija8andjin?
25890	LUK 20:42	Apitc mega kagi ojibiagin David 8eckadj Kitci Nigamo8inan Kije Manido Omazinaiganikag, David 8inigotc ki ikidogoban oo8eni: ‘Ka Tibendjigedj ogi inan ka Tibenimijindjin: Nikitcinikikag iji pi nda abin,
25892	LUK 20:44	David dac ‘Ka Tibenimijidj’ odijinikanan ini a8ian Kije Manidon kagi ikidonipanin kidji pidjinija8andjin. Adi dac kegi odji ijisedj David kidji odanike ojisidj ini?”
25932	LUK 21:37	E kijiganig ako, Jesos kikinoamagegoban Coda8inni kitci aiamiemigi8amikag. E onag8icinig dac, 8edi pik8adinajicikag, Olip (Oliviers) ka ijinikadenig, ijagoban ako.
25972	LUK 22:39	Jesos dac ki sagaam acitc ki ija 8edi pik8adinajicikag, Olip (Oliviers) ka ijinikadenig, mojag ako ka ijagobanen. Okikinoamaganan ogi nosoneogon.
26439	JHN 7:42	Mazinadeni mega Kije Manido Omazinaiganikag Davidikag kidji odaiagizidj aa8e Kije Manidon kagi ikidonipanin kidji pidjinijaogodjin, acitc Betleem kidji iji nta8igidj, ka iji tajikegobanen David,” ikidobanig.
26451	JHN 8:1	Jesos dac 8in ki ija pik8adinajicikag, “Olip” (Oliviers) ka ijinikadenigobanen.
27004	ACT 1:12	Olip (Oliviers) pik8adinajicikag te8agoban kakina Anodaganag. Midac ki koki ki8e8ag Jerusalemikag. Ii dac pik8adinajic 8aiej abita tibaigan inigik apisinag8anoban Jerusalem odenakag.
27008	ACT 1:16	“Nidjiki8eg! Aja ki inateban kidji ijiseg adi Mino Manido kagi ikidopan Kije Manidon Omazinaiganikag. Ogi anim8ean Davidan, kijadj e tibadjimodj Judasan kidji niganindjin apitc nda takonagani8indjin Jesosan.
27043	ACT 2:25	Mamidonendamok David 8eckadj kagi ikidogobanen e mikomadjin Jesosan: ‘Nikikenima apanigotc e pec8abamag ka Tibendjigedj. Opimena ninikag te. Ka8in dac a8iag nigagi cagodjiigosi.
27046	ACT 2:28	Kikikendamonijinan adi ke ijaian pimadizi8in kidji mikaman. Apitc 8idjiojian niga kitci modjigendan.’ Mi ka ikidodj David 8eckadj.”
27047	ACT 2:29	“Nidjiki8eg! Nikackiton 8e8enda kidji mikomag 8eckadj kikitci anicinabeminaban David. Ki nibo, ki naatcigadeni o8ia8 acitc o8ibabikinigan mi ooma kiabadj nogom e tag8anig.
27048	ACT 2:30	David ogi nigani 8abadan adi ke iji8ebanig, midac ogi mikoman kidji abidjibandjin ini8e Kije Manidon kagi ikidonipanin kidji pidjinija8andjin apitc ka ikidodj: ‘Ka8in odji pagidji8ebinagani8isi ka nibondjin ka iji tendjin. Ka8in odji pagidinigadesini kidji taji nici8anadanig o8ia8 iima nibo8inikag.’ Aa mega David niganadjimo8inni8iban acitc okikendanaban Kije Manidon 8e8enda egi 8idamagodjin pejig odanike ojisan kidji pi abindjin ke8in kidji ogima8indjin taji ka iji ogima8ipan.”
27052	ACT 2:34	Ka8in dac 8in tibina8e David 8ak8ig ki icpikasi. Anic oo8e ki ikido: ‘Ka Tibendjigedj ogi inan ka Tibenimijindjin: Nikitcinikikag iji pi nda abin,
27116	ACT 4:25	Kin kigi mina ke ikidodj kidanodagan David nikitci anicinabeminaban, egi iji minadj Mino Manidon. Midac oo8e kagi ojibiigedj David: ‘Adi 8edji kiji8azi8adj kakina enakanezi8adj a8iagog? Adi 8edji apanigotc kitci nanada8i todamo8adj kidji madjiseto8adjin kegonan? Anica dac eta ii!
27117	ACT 4:26	Kitci ogimag ooma akikag ick8ata8ag kidji migazo8adj, acitc ka kitci niganizi8adj ma8adjiidi8ag, e 8i nak8ita8a8adjin ka Tibendjigendjin acitc ini a8ian kagi pidjinija8andjin.’ Mi kagi ikidodj David.
27230	ACT 7:45	Mina8adj dac, Tcaco8a (Josué) ogi iji8inan 8eckadj kikitci anicinabeminabanin kodagian ka inakanezindjin a8iagon odakini. Midac ka iji pidige8adj acitc Kije Manido ogi madjinija8an ini kodagian ka inakanezindjin a8iagon. Apitc ka pidige8adj iima ocki akikag, ogi madjidona8a ii kitcit8a nibagani, 8eckadj okitci anicinabemi8akag kagi odinamo8adj. Pinici kidji ani ogima8idj David ki abadan ii nibagan.
27231	ACT 7:46	Kije Manidon okitci min8enimigogobanin aa David. Ogi k8ag8edjiman dac Kije Manidon kidji gi ojitodj kitci aiamiemigi8amini, taji kegi tendjin apanigotc, 8in Tcekapan (Jacob) kagi manadjiigondjin 8eckadj.
27453	ACT 13:22	Apitc dac Kije Manido ka ana8enimadjin Saulan, ogi odapinan Davidan kidji ogima8indjin. 8adan oo Kije Manido ka ikidodj ka mikomadjin Davidan: ‘David, Jesse og8izisan, mi aa nabe ka nda8enimag kidji ogima8idj. Nikikendan enendag tabickotc nin ka inendaman. Kada ijita adi ke iji nda8enimag.’ Mi ka ikidodj.
27454	ACT 13:23	Aja odjitcise Kije Manido kagi ikidogobanen kidji todag. Ogi asan pejig Davidan odanike ojisini kidji ag8acimadjin Israel a8iagon, mi 8aa Jesos.
27465	ACT 13:34	Kije Manido ki 8idamagegoban kidji abidjibaadjin nibo8inikag, ega 8ikad mina8adj kidji gi nibondjin acitc kidji gi 8anadanig o8ia8ini. Mi oo ka ikidogobanen: ‘Ketcinadj kiga ca8eniminom, kagi inagiban David kidji todaman.’
27467	ACT 13:36	Meg8adj David ka pimadizipan, ki ijita Kije Manidon kagi iji nda8enimigopanin kidji ijitadj. Midac ka iji nibodj. Pecodj 8eckadj okitci anicinabemikag ki iji asagani8i acitc o8ia8 ki 8anadani.
27527	ACT 15:16	‘Ka Tibendjigedj ikido: Ick8a dac ii, niga koki tag8icin. Mi maia migi8am kagi ka8iseg acitc kagi ick8a abadag ejinag8anig David odogima8i8in. Niga koki ojita8an. Niga kitci sogakisida8an kiabadj.
28001	ROM 1:3	Kije Manido Og8izisan mikomagani8i8an iima min8adjimo8inikag, Jesos Christ ka Tibeniminak. Apitc ka pi anicinabe8iidizodj, ogima Davidikag ki pi odaiagizi.
28096	ROM 4:6	Mi iidi ke8in ka ojibiigedj David. Ogi mikoman a8ian kagi k8aiak8abamigondjin Kije Manidon, misa8adj ega kegoni egi todamindjin kidji kackitamadizondjin. “Ca8endagozi aa a8iag” ki ikido. Mi mega oo8e ka ojibiigedj:
28286	ROM 11:9	Ke8in ogima David ogi ojibian oo8eni: “Mi oo8e eji pagosenimag Kije Manido, tabickotc 8aniigan kidji ijinag8anigin omagocani8an, kidji gi odji tasonigo8adj acitc kidji gi odji pajacte8agani8i8adj.
28294	ROM 11:17	Mi maia tabickotc pimide mitig, “olip” (olive) ka ijinikazodj, kitigan akikag kagi kitigani8ag, ejinagozi8adj Coda8innig. Nandam dac 8adik8anan ki kickidik8anega8agani8i8ag. Kina8a dac ega ka Coda8inni8ieg, mi maia tabickotc 8adik8anan pimide mitig nopimig kagi odji madjigidj ejinagozieg. Kigi kickigaogom dac acitc kigi iji ackodagokanigom kidji madjigieg iima kodag pimide mitigokag, kitigan akikag kagi kitigani8ag. Ini 8adik8anan ka ackodagokadjigadegin kidji madjigigin kodag mitigokag, minoginon e madjigigin, osa mega ka iji odadabigicinindjin ini mitigon, mi 8edanamomagagin ka iji nda8endamomagagin kidji madjigigin. Mi maia pejig8an, mino kegonan kagi odisigo8apanin Coda8innig, kekina8a kidodisigona8an nogom.
29060	2CO 11:3	Kimika8ina8adok aja kitci 8eckadj nitam ik8e ka kijenimagani8idj, Eba (ève) ka ijinikazogobanen, adi kagi iji 8agackibinigopanin kinebigon apitc kagi kagina8ickimigopanin e kitci minotagozinipanin. Nikotan dac pejig8an kidji ijiseieg kidji 8agackibinigo8eg, kidji ani k8ina8i inendameg adi ke iji teb8eta8eg Jesos Christ, acitc ega kiabadj kidji kitci sagieg ka apitci sagiegoban ockadok.
29511	PHP 4:2	Kina8a Ebodi (Évodie) acitc Sintik (Syntyche), kipagoseniminom kidji mino 8idji8idieg, e midjinijieg mega 8inikag ka Tibendjigedj kidiji tibendagozim.
29796	1TI 2:13	Kije Manido mega nitam Adaman ogi kijeniman acitc mina8adj Eban (ève) ogi kijeniman.
29902	2TI 2:8	Mik8enim Jesos Christ, kagi abidjibadj, Davidikag kagi pi odji odaiagizidj. Mi ii min8adjimo8in ka paba tibadjimo8an.
30088	HEB 4:7	Midac 8edji migi8edj Kije Manido kodag kijigoni kagi ijinikadenig “ogajigag.” Tedago kitci nanage panima ogi ani mikodan ii kijigoni, Davidan e abadjiadjin, apitc kagi ikidondjin ini ikido8inan aja kagi nabo8adamakonin: “Kicpin noda8eg Kije Manido ogajiganig, ka8in cibictig8anekegon.”
30136	HEB 7:5	Ojibiigade Coda8inni Inakonige8inikag: “Igi8e Lepikag (Lévikag) ka odaiagizi8adj ka ani aiamie ogima8i8adj, inendagozi8ag kidji k8ag8edjima8adjin Israel a8iagon midatcin somanike inigik kakina kegoni e aiamindjin,” mi oo8e ka ojibiigadeg. Israel a8iagog acitc aiamie ogimag kakina Abanaamikag odaiagizi8agoban, tcina8emidibanig dac. Misa8adj dac, aiamie ogimag inendagozi8agoban kidji k8ag8edjima8adjin ii otcina8emagani8an kidji gi pimadjio8apan.
30271	HEB 11:32	Adi dac kiabadj ke ikido8aban? Ka8in nigadapitcisi kidji mikomag8a Jedion (Gédéon), Barak, Samson, Jepita (Jefté), David, Samian (Samuel), acitc niganadjimo8innig.
30821	REV 3:7	Nigi inig kiabadj: “Ojibian ke ininan acitc ijinijaamao ojibiigani aa8e ka nagadjiadjin ka teb8etamindjin 8edi Piladelapia odenag. Ojibian dac oo8edi: Mi ekidodj aa8e ka kitcit8a8izidj, ega 8ikad ka kagina8ickidj. Davidan okidabikaigani otakonan. Kicpin cenag ick8ademini, ka8in a8ian ogagi kibaasini. Kicpin kibaag ick8ademini, ka8in a8ian ogagi cenasini.
30852	REV 5:5	Pejig aa kitci anicinabe nigi inig: “Ka8in ma8iken. Inabin, mi aa8e ‘Micibiji ka ogimakada8adjin Coda (Juda) ka inakanezindjin a8iagon’ kagi ijinikanagani8igobanen. Mi aa kitci ogima David odanike ojisan. 8in kakina kegoni ogi cagodjiton. Ogagi manibidonan dac ini nij8atcin pazag8aiganan acitc ogagi abisk8anenan ii ka tidibanakosinig mazinaigani.”
30885	REV 7:7	midatcin acitc nijin kitci midasomidana (12 000) tacibanig aa8e Simian (Siméon) ka ijinikazogobanen ka odakanezindjin, midatcin acitc nijin kitci midasomidana (12 000) tacibanig aa8e Lepi (Lévi) ka ijinikazogobanen ka odakanezindjin, midatcin acitc nijin kitci midasomidana (12 000) tacibanig aa8e Issakar ka ijinikazogobanen ka odakanezindjin,
30944	REV 11:4	Nigan Kije Manidokag, 8in ka ogima8idj akikag, tajigaba8i8ag igi nijin a8iagog. Tabickotc nijin 8asakonendjiganan e ijinagozi8adj, acitc tabickotc nijin mitigog ka oja8ackominagizi8adj, “olip” (olive) ka ijinikadenigin ominiman.
31165	REV 22:16	“Nin Jesos kagi pidjinija8ag nidajenim, kidji pi nda 8idamago8eg ono8e tibadjimo8inan kina8a ka teb8eta8eg Kije Manido, ka ma8adjiidieg kidji aiamieieg. Nin aa Davidikag ka pi odaiagizidj, nin ka piijiegoban. Nin kijeba 8anagoc ka kitci tcakizodj,” ki ikido Jesos.