23295	MAT 4:17	Ii apitc Jesos ki madjitagoban kidji kagik8edj oo8eni: “An8endizok! Aja mega peconag8ani Kije Manido Odogima8i8in.”
23352	MAT 6:1	Jesos kiabadj ki ikido: “Iag8amig! Apitc mino kegon todameg, ka8in ii todakegon ka iji manenani8ag, kidji gi 8abamigo8eg kakina a8iagog. Ka8in mega Kidadami8a, 8in icpimig ka tedj, kiga ca8enimigosi8a, kicpin iidi todameg.”
23433	MAT 8:19	Pejig Coda8inni kikinoamage8inni ogi pi nazika8an Jesosan acitc ogi inan: “Kikinoamage8inni! Kiga nosoneon adigotc ke ija8anen.”
23450	MAT 9:2	Ki pidji8idama8agani8i pejig a8ian ega e mazikandjin tesiniganikag. Apitc Jesos 8eabamadjin ini a8iagon kagi pidji8inandjin ini naben adi epitci sogi teb8etamindjin, ogi inan ini8e ega ka mazikandjin: “Nig8izis! Ka8in ana8endjigeken! Aja ki kasiigade8an kipatado8inan.”
23596	MAT 12:38	Nandam Coda8innig ka nagadjito8agobanen inakonige8inan acitc nandam Coda8inni kikinoamage8innig ogi ina8an Jesosan: “Kikinoamage8inni! Mamada8izin, kidji 8abadai8ean teb8e kimacka8izi8in Kije Manidokag epitci odjimaganog8en.”
23776	MAT 17:7	Jesos dac ogi nazika8an acitc ogi taginan. Ogi inan dac: “Pazig8iok! Ka8in segizikegon!”
23806	MAT 18:10	“Iag8amig! Ka8in tabasenimakegon pejig ii e taci8adj igi8e ega ka kitci apitendagozi8adj. Teb8e ki8idamonom, odaia8a8an ajenin 8ak8ig ka tendjin e nagadjiigo8adjin, acitc apanigotc Nidadaman 8ak8ig ka tendjin o8idji tajikema8an igi ajenig.
23847	MAT 19:16	Nigodin pejig nabe ogi pi nazika8an Jesosan, acitc ogi k8ag8edjiman: “Kikinoamage8inni! Adi ke iji mino ijitcigeian kidji gi odisigo8an kagige pimadizi8in?”
23957	MAT 22:16	Ogi ijinija8a8an dac nandam okikinoamagani8an acitc nandam kitci ogima Herod odanodaganan kidji nda 8idama8andjin Jesosan: “Kikinoamage8inni! Nikikendananan kin e teb8ean. K8aiak kikikinoamage adi ke todjigadenig 8e8enda kidji gi nosoneigadenig Kije Manido omikana. Ka8in kikosasi8ag adi enendamo8adj a8iagog, ka8in mega kipabiziskendasin adi eji apitenimagani8idj a8iag.
23965	MAT 22:24	“Kikinoamage8inni! Mois kigi minigonanaban oo8e inakonige8ini: ‘Kicpin pejig nabe odji nibodj, ega egi aia8adjin abinodjijan, inendagozi8an o8idjiki8en kidji iji niba8indjin okokomiman, kidji gi odabinodjijimiadjin o8idjiki8en kagi nibondjin.’ Mi ka inakonigedj Mois.
23977	MAT 22:36	“Kikinoamage8inni! Kidinakonige8inanakag, adi ii8e inakonige8in ma8adji ketci apitendag8anog8en?”
24148	MAT 26:25	Judas dac, 8in ke mamijimadjin Jesosan, ogi k8ag8edjiman: “Kikinoamage8inni! Ka8in nin aa, kana?” Jesos dac ogi nak8e8ajian: “Kinigotc kidikidonan.”
24195	MAT 26:72	Kiabadj dac Pien ki ikido ega e teb8emaganig ii, e ikidodj: “Niteb8e! Ka8in nikikenimasi aa nabe!”
24334	MRK 2:5	Apitc Jesos 8eabamadjin ini a8iagon kagi pidji8inandjin ini naben adi epitci sogi teb8etamindjin, ogi inan ini8e ega ka mazikandjin: “Nig8izis! Aja ki kasiigade8an kipatado8inan.”
24430	MRK 4:38	Meg8adj dac ii, Jesos odakeonag taji nibagoban, apik8ecimoban. Okikinoamaganan ogi pi kockonigon, acitc ogi igon: “Kikinoamage8inni! Aja kiga nisaba8emin! Kana kinigodinendasin?”
24474	MRK 5:41	Ogi na8adjindjibinan ini ik8esesan acitc ogi inan: “Talita kom,” mi ekidomagag: “Ik8eses! 8anickan, kidinin!”
24612	MRK 9:5	Pien dac ogi inan Jesosan: “Kikinoamage8inni! Kitci min8acin egi pijaiak ooma. Niga padakisidonananan nisin nibaganan, pejig kin odji, pejig Mois odji, acitc pejig Eli odji.”
24624	MRK 9:17	Pejig nabe iima ka tepan ogi nak8e8ajian: “Kikinoamage8inni! Kipidamaon nig8izis. Okigickagon madji manidon, ega e pagidinigodjin kidji anim8edj.
24631	MRK 9:24	Teci8ag dac aa ockina8es odadaman ki madji pabibagi8an e ikidondjin: “Kiteb8etaon! 8idokaocin enigok kidji ani teb8etaman!”
24645	MRK 9:38	John ogi inan Jesosan: “Kikinoamage8inni! Nigi 8abamanan pejig nabe ega e nosoneogo8ak e sagidjinija8adjin madji manidon ki8izoni e abadjitodj. Nigi k8ag8e odjianan dac.”
24674	MRK 10:17	Apitc Jesos ka 8i madjadj, pejig nabe ki pidjibato, ogi nibak8ita8an Jesosan, acitc ogi k8ag8edjiman: “Kikinoamage8inni! Kin e kije8adizian! Adi ke todamaban kidji odisigo8an kagige pimadizi8in?”
24677	MRK 10:20	Aa dac nabe ka 8anadizidj ogi inan: “Kikinoamage8inni! Kakina nigi nosoneanan ini inakonige8inan ka ako abinodjiji8ian.”
24692	MRK 10:35	Kegapitc dac Jak (Jacques) acitc John, Zebedee og8izisan, ogi pi nda nazika8a8an Jesosan. Ogi ina8an dac: “Kikinoamage8inni! Kinada8enimigo kidji todaojiag adi ke iji k8ag8edjimigo8an.”
24708	MRK 10:51	Jesos ogi k8ag8edjiman: “8egonen eji nda8endaman kidji todaonan?” Aa nabe ega ka 8abidj ogi nak8e8ajian: “Kikinoamage8inni! Kipagosenimin kidji kigeijian kidji gi koki 8abian.”
24730	MRK 11:21	Pien ki mika8i adi ka iji8ebanig acitc ogi inan Jesosan: “Kikinoamage8inni! Kana8abam! Aa minatig ka ana8enimadiban kitci paso.”
24756	MRK 12:14	Ogi pi ina8an: “Kikinoamage8inni! Nikikendananan kin e teb8ean. Ka8in kikosasi8ag adi enendamo8adj a8iagog, ka8in mega kipabiziskendasin adi eji apitenimagani8idj a8iag. K8aiak kikikinoamage adi ke todjigadenig 8e8enda kidji gi nosoneigadenig Kije Manido omikana. 8idamaocinam dac, ikidomaganon na kidinakonige8inanan kidji kijika8aiak ma8adji kitci ogima Sesar (César), Rom ka tajikedj, kek8an ka8in? Kida kijika8anan na?”
24761	MRK 12:19	“Kikinoamage8inni! Mois kigi minigonanaban oo8e inakonige8ini: ‘Kicpin pejig nabe ka o8idigemaganidj odji nibodj, ega egi aia8adjin abinodjijan, inendagozi8an o8idjiki8en kidji iji niba8indjin okokomiman, kidji gi odabinodjijimiadjin o8idjiki8en kagi nibondjin.’ Mi ka inakonigedj Mois.
24774	MRK 12:32	Aa Coda8inni kikinoamage8inni ogi inan Jesosan: “Kikinoamage8inni! Maia kiminotagozinan. Kiteb8e. Motci pejigo eta Kije Manido, ka8in kodag tesi.
24787	MRK 13:1	Apitc Jesos e ani sagaag Coda8inni kitci aiamiemigi8amikag, pejig okikinoamaganan ogi igon: “Kikinoamage8inni! Kijigabadan ii aiamiemigi8am! Kitci minojici8ag asinig kagi abadizi8adj kidji ojitcigadeg! Kitci micadon ii aiamiemigi8am acitc kodagian migi8aman ooma ka iji acidakisigin!”
25090	LUK 2:48	Apitc Jesos onigiigon ka 8abamigodjin, ki kitci mamakadendamon. Odjodjoman dac ogi igon: “Nig8izis! 8egonen 8edji ki todaojiag ii? Kidadam acitc nin nigi kitci segizimin e nanada 8abamigo8an.”
25106	LUK 3:12	Nandam ka ma8adjia8adjin conian kitci ogiman odji, ke8ina8a ogi pi nda 8abama8an kidji sigaadago8adjin acitc ogi k8ag8edjima8an: “Kikinoamage8inni! Adi kegi todamagiban?”
25181	LUK 5:5	Simo ogi nak8e8ajian: “Kikinoamage8inni! Kabe tibik nigi kitci mikimomin ega kegon e nto8ag. Anic dac e 8idamaojian, kiabadj niga pakobi8ag nidasabimag.”
25304	LUK 7:40	Jesos ogi inan ini naben: “Simo! Kegon ki8i 8idamon.” Simo ogi nak8e8ajian: “Kikinoamage8inni! 8idamaocin.”
25338	LUK 8:24	Jesos dac okikinoamaganan ogi pi kockonigon, acitc ogi igon: “Kikinoamage8inni! Aja kiga nisaba8emin!” Jesos dac ki kockozi acitc ogi kitci aiamiton e kitci nodinig acitc e kitci mamagaanig. Midac teci8ag ki kitci pekadani acitc ki kitci an8atini.
25359	LUK 8:45	Jesos ki k8ag8ed8e: “A8enen ka taginijidj?” Kakina dac ki ikido8ag ega egi tagina8adjin. Pien dac ki ikido: “Kikinoamage8inni! Kitci mane a8iagog ki8ik8eckagog acitc kikitci sidjickagog 8akaag kinikag.”
25368	LUK 8:54	Jesos dac ogi na8adjindjibinan ini ik8esesan acitc ogi inan: “Ik8eses! 8anickan!”
25403	LUK 9:33	Apitc Jesosan e 8i nagana8adjin igi nijin nabeg, Pien ogi inan Jesosan: “Kikinoamage8inni! Kitci min8acin egi pijaiak ooma. Niga padakisidonananan dac nisin nibaganan, pejig kin odji, pejig Mois odji, acitc pejig Eli odji.” Ka8in dac nisidotadizosiban adi e ikidodj.
25408	LUK 9:38	Pejig dac nabe iima ka tepan ki pabibagi: “Kikinoamage8inni! Kipagosenimin kidji kidimagenimadj nig8izis. Mi eta pejigo nig8izis.
25419	LUK 9:49	John ogi inan Jesosan: “Kikinoamage8inni! Nigi 8abamanan pejig nabe e sagidjinija8adjin madji manidon ki8izoni e abadjitodj. Nigi k8ag8e odjianan dac, ka8in mega ki8idjiogosinan.”
25457	LUK 10:25	Nigodin pejig Coda8inni kikinoamage8inni ogi nda 8abamagoban Jesosan kidji k8ag8e katcidinadjin anodj kidji iji nak8e8ajii8endjin. Ogi k8ag8edjiman dac: “Kikinoamage8inni! Adi ke todamaban kidji gi odisigo8an kagige pimadizi8in?”
25519	LUK 11:45	Pejig Coda8inni kikinoamage8inni ogi inan: “Kikinoamage8inni! E manazomad8a igi8e ka nagadjito8adjin inakonige8inan, kenina8it kimanazomijinam.”
25541	LUK 12:13	Pejig a8iag ka iji kitci manenani8anig ka tegobanen, ogi inan Jesosan: “Kikinoamage8inni! 8idamao nidjiki8e abita kidji minijidj adi ka iji nagadamago8ag nidadaminan.”
25543	LUK 12:15	Ogi inan dac kakina a8iagon: “Iag8a! Ka8in mojag nanada8i manetokegonin kidaimi8an! Ka8in mega e tasinigin odaiman odji pimadizisi a8iag. Misa8adj a8iag ka kitci 8anadizidj, ka8in a8acamej kin8ej kada odji pimadizisi.”
25839	LUK 19:39	Nandam Coda8innig ka nagadjito8agobanen inakonige8inan ka te8apan ke8ina8a ka iji kitci manenani8anig, ogi ina8an Jesosan: “Kikinoamage8inni! Ijik kikikinoamaganag ega kidji pabibagi8adj.”
25869	LUK 20:21	Igi8e dac a8iagog ogi k8ag8edjima8an Jesosan: “Kikinoamage8inni! Kikikenimigo e teb8ean acitc k8aiak e kikinoamagean. Kakina a8iagog pejig8an kidinenimag. K8aiak kikikinoamage adi ke todjigadenig 8e8enda kidji gi nosoneigadenig Kije Manido omikana.
25876	LUK 20:28	Ogi pi k8ag8edjima8an dac Jesosan: “Kikinoamage8inni! Mois kigi minigonanaban oo8e inakonige8ini: ‘Kicpin pejig nabe ka o8idigemaganidj odji nibodj, ega egi aia8adjin abinodjijan, inendagozi8an o8idjiki8en kidji iji niba8indjin okokomiman, kidji gi odabinodjijimiadjin o8idjiki8en kagi nibondjin.’ Mi ka inakonigedj Mois.
25887	LUK 20:39	Nandam Coda8inni kikinoamage8innig ogi ina8an: “Kikinoamage8inni! Teb8e kiminotagozinan.”
25902	LUK 21:7	Ogi k8ag8edjima8an: “Kikinoamage8inni! Anapitc ke iji8ebag ii? 8egonen ke 8abadai8emagag e odjitciseg kidji iji8ebagin ini kegonan?”
25929	LUK 21:34	“Iag8amenimidizok! Ka8in pijicig mamidonendakegon kidji magoceieg acitc kidji minik8eieg, acitc ka8in animendakegon adi ke iji pimadjio8eg. Kicpin mega iidi inakamigizieg, kiga kitci kock8endana8a apitc ke koki tag8icig Ka pi Anicinabe8iidizodj, ega pabajine e pieg.
26134	JHN 1:21	Igi8e dac Coda8innig ogi k8ag8edjima8an: “A8enen dac kin? Kin na Eli ka piagidj?” Cabadis dac ki ikido: “Ka8in! Ka8in nin Eli.” Kiabadj dac ki k8ag8edjimagani8i: “Kin na niganadjimo8inni Kije Manidon kagi ikidonipanin kidji pidjinijaogodjin?” “Ka8in!” ki ikido Cabadis.
26162	JHN 1:49	Midac Natanien ogi inan: “Kikinoamage8inni! Kin Kije Manido Og8izisan! Kin Israel a8iagog odogimami8an!”
26191	JHN 3:2	Meg8adj e tibikanig, aa Nikodem ogi pi nda 8abamagoban Jesosan acitc ogi inan: “Kikinoamage8inni! Nikikendananan Kije Manido egi pidjinijaok kidji kikinoamagean. Ka8in mega a8iag okackitosin kin ka iji kackito8an kidji mamada8izian kicpin ega Kije Manidon ki 8idjiogodjin.”
26215	JHN 3:26	Ogi nda 8abama8an dac Cabadisan acitc ogi ina8an: “Kikinoamage8inni! Kimika8inan na aa ka paba 8idji8adiban agamig Jourdain sibikag, aa ka mikomadiban? Mi aja sigaadage acitc kakina 8inikag ijani8ani!”
26256	JHN 4:31	Meg8adj dac ii, Jesos okikinoamaganan ogi kadjinijaogon: “Kikinoamage8inni! Kida 8isin pinama!” ogi igon.
26351	JHN 6:25	Apitc dac Jesos kagi mika8agani8idj k8ekagam, ki k8ag8edjimagani8i: “Kikinoamage8inni! Anapitc ka tag8icinian ooma?”
26454	JHN 8:4	Midac ogi ina8an Jesosan: “Kikinoamage8inni! Aa ik8e ki katcidinagani8i e taji 8idji8adjin kodagian naben.
26460	JHN 8:10	Jesos dac ki koki pazig8i acitc ogi inan: “Ik8e! Adi apan a8iagog? Kana a8iag kidick8aienimigosi?”
26511	JHN 9:2	Okikinoamaganan dac ogi k8ag8edjimigon: “Kikinoamage8inni! Adi 8edji ki ijinagozidj ega e 8abidj ka ako nta8igidj aa nabe? 8in na ki patadi kek8an onigiigon?”
26600	JHN 11:8	Okikinoamaganan dac ogi nak8e8ajiigon: “Kikinoamage8inni! Ka8in 8eckadj Coda8innig kigi k8ag8e nisigog e pabim8asinaik8a. Mi na misa8adj 8a iji koki ijaian 8edi?”
26707	JHN 13:8	Pienan dac ogi igon: “Ka8in! Ka8in 8ikad kiga kizisibadjizidenijisi!” Jesos ogi nak8e8ajian: “Kicpin ega kizisibadjizideninan, ka8in 8ikad mina8adj kiga 8idjiojisi.”
26949	JHN 20:13	Ini ajenin ogi k8ag8edjimigon: “Ik8e! 8egonen 8edji ma8ian?” Ogi nak8e8ajian: “Ki madji8idjigadeni ka Tibenimijidj o8ia8, acitc ka8in nikikendasin adi ka iji atcigadenig.”
26951	JHN 20:15	Jesosan dac ogi k8ag8edjimigon: “Ik8e! 8egonen 8edji ma8ian? A8enen ka nanada 8abamadj?” “Kitige8inni aa,” inendamogoban Mani. Ogi inan dac: “Kicpin kin ka madjina8ad8en, 8idamaocin adi ka iji asadj, midac niga koki odapina.”
27008	ACT 1:16	“Nidjiki8eg! Aja ki inateban kidji ijiseg adi Mino Manido kagi ikidopan Kije Manidon Omazinaiganikag. Ogi anim8ean Davidan, kijadj e tibadjimodj Judasan kidji niganindjin apitc nda takonagani8indjin Jesosan.
27047	ACT 2:29	“Nidjiki8eg! Nikackiton 8e8enda kidji mikomag 8eckadj kikitci anicinabeminaban David. Ki nibo, ki naatcigadeni o8ia8 acitc o8ibabikinigan mi ooma kiabadj nogom e tag8anig.
27055	ACT 2:37	Apitc igi8e a8iagog ka nodamo8adj ini anim8e8inan, ki kitci kackendamise8ag. Midac ogi k8ag8edjima8an Pienan, acitc kodagian ini8e Anodaganan: “Nidjiki8enanag! Adi ke todamag?”
27354	ACT 10:26	Pien dac ogi pazig8idjibinan. Ogi inan: “Pazig8in! Ninabe8inan sa kenin.”
27446	ACT 13:15	Pejig a8iag iima ogi nabo8adan Moisan odinakonige mazinaigani acitc niganadjimo8innin omazinaigani8an. Midac Coda8innig ka niganizi8adj iima aiamiemigi8amikag ogi ijinija8a8an a8ian kidji nda 8idama8andjin Ponan acitc Banabasan: “Nidjiki8eg! Kicpin kegon 8i ineg8a a8iagog, kidji sogidee8adj oteb8etamo8ini8akag, kigagi tibadjimom nogom,” ki inagani8i8ag.
27493	ACT 14:10	Midac Pon ka iji inadjin e kitci kiji8ekada8adjin: “Pazig8in! K8aiakogaba8in!” Aa dac nabe ki pazig8idjise, midac ka iji madji pabamosedj.
27518	ACT 15:7	Kitci kin8ej ki anim8e8ag. Kegapitc Simo Pien ki pazig8i acitc ki ikido: “Nidjiki8eg! Kikikendana8a adi ka iji8ebag 8eckadj. Kije Manido nigi onabamig kidji 8idama8ag8a min8adjimo8ini igi8e ega ka Coda8inni8i8adj, kidji gi nodamo8adj acitc kidji gi teb8etamo8adj.
27752	ACT 21:20	Ka ick8a ndota8a8adjin, ogi icpenima8an Kije Manidon. Midac ka iji ina8adjin Ponan: “Nidjiki8enan! Ki8abamag adi epitci kitci mane8adj Coda8innig egi ani teb8etamo8adj. Okitci apitendana8an Moisan odinakonige8ini.
27771	ACT 21:39	Pon dac ki ikido: “Ka8in! Nin Nicoda8inni8inan, Tasis (Tarse) odenag nidodji, Silisia (Cilicie) akikag. Mi iima odena ka kitci apitendag8ag eji tibendagozian. Pagidinicin kidji aiamiag8a a8iagog.”
27803	ACT 23:1	Pon ogi kana8abaman Coda8inni kitci aiamie onakonige8innin, acitc ogi inan: “Nidjiki8eg! Nikikendan kabe k8aiak egi pi inadizian adi Kije Manido ka iji nda8enimijidj, pinicigotc ogajigag,” ki ikido.
27807	ACT 23:5	Pon ki ikido: “Nidjiki8eg! Ka8in nikikenimasi8aban 8aa nabe e aiamie ogima8idj ma8adji ka niganizidj. Ojibiigadeni Kije Manido Omazinaiganikag oo8e: ‘Ka8in anodj kiga ainasi8a aa8e ka niganizidj kina8akag.’ ”
27808	ACT 23:6	Pon okikenimagoban nandam Coda8innin ka nagadjitonigobanen inakonige8inan e tenigobanen iima ka iji ma8adjiidinani8anig, acitc nandam Sadose8innin (Sadducéens), ini Coda8innin ega ka teb8etamindjin abidjiba8ini. Megadacta 8edji ki kitci kiji8edj e anim8edj nigan 8ina8akag: “Nidjiki8eg! Coda8innig ka nagadjito8adj inakonige8inan nidiji acidagimigo kenin. Nidadam acidagimagani8i ke8in. Osa niketcinamendan kakina a8iagog kidji abidjiba8adj, mi 8edji tibakonigo8an.”
27933	ACT 27:10	“Iag8a! Nikikendan kidji nanizaniziak kicpin iji madjaiak. Kitci tciman kada nici8anadjiomagan acitc ka pimi8ido8akonin. Kekina8it mane kiga odji nici8anadjiomin!”
27984	ACT 28:17	Apitc ka ick8a nisogonaganig, Pon ogi nd8e8eman omigi8amikag ka niganizindjin Coda8innin Rom ka odjindjin. Apitc kakina iima e tendjin, ogi inan: “Nidjiki8eg! Ka8in madji kegon nidodji toda8asig kidanicinabeminanag. Ka8in pakan nidodji inakamigizisi 8eckadj kikitci anicinabeminabanig kagi pi ijitcige8adj. Misa8adj dac nigi takonigo 8edi Jerusalem, acitc ka niganizi8adj Romikag ka iji tibendagozi8adj nigi iji8inigo.
30908	REV 8:13	Meg8adj e taji inabian, nigi odji 8abama migizi e pimisedj 8ak8ig. Ki kitci pabibagi oo8eni e ikidodj: “Iag8amig! Iag8amig! Kada kitci kotadendag8an akikag! Nisin ajenig ka8in maci ododji podadasina8an opodadjigani8an. Apitc podadjige8adj, kada kitci kodagitonani8an.”
31072	REV 18:10	8asag kada iji tajigaba8i8ag. Oga kotana8a mega ke8ina8a kidji kodagito8adj. Kada ikido8ag: “Kotadendag8an! Kitci micaban Babilon odena acitc kitci apitendag8anoban. Mi eta pejigotibaigan ki apitcimagan kidji nici8anadjiomagag.”
31078	REV 18:16	Kada ikido8ag: “Kotadendag8an! Ick8a nici8anadan ii kitci odena! Mi tabickotc ogimak8e ejinag8agiban, e abadjitopanin mino kegojican ka cab8ateiganigin, acitc ka misk8eganigin acitc ka mamazina8anigin ka sanaganigin kegojican, oza8iconian e 8a8ejio8agepan acitc mane asinicecan ka sanagizindjin.
31081	REV 18:19	Ki ma8i8ag acitc ki kitci kackendamog, acitc minigonacini ogi iji8ebinana8a octig8ani8akag kidji nag8anig epitci kackendamo8adj. Ki pabibagi8ag: “Kotadendag8an! Ick8a nici8anadan ii kitci odena! Mi oo8e odena kakina igi8e ka otcimani8adj ka odji ani 8anadizi8adj, e pimi8ido8adjin ka kitci sanaganigin ada8anan pakan 8edi ka odjimaganigin. Mi eta pejigotibaigan ki apitcimagan kidji nici8anadjiomagag!” ki ikido8ag.