8	GEN 1:8	Akngeyel arrkngert renh itnewek “Alker.” Ikwer-they angkep arrpemarl ra akethirrenhey-alhek. Ingwirrek arrpemarl. Arlta 2 ikwerel, kel ingwepenh-anem irrenhek.
13	GEN 1:13	Ingwirrek arrpemarl. Arlta 3 ikwerel, kel ingwepenh-anem irrenhek.
19	GEN 1:19	Ingwirrek arrpemarl. Arlta 4 ikwerel, kel ingwepenh-anem irrenhek.
23	GEN 1:23	Ingwirrek arrpemarl. Kel ingwepenh-anem irrenhek, arlta 5 ikwerel.
33	GEN 2:2	Arlta 7 ikwerel-antey Akngeyel warrk ikwerenh ywerrelhilek. Ltyerrek-anem. Ra ipmelhek-anem.
34	GEN 2:3	Akngeyel arlta 7 anyentan akngakek ltyerrey-angker, impenan arlta ikwerel ra ltyerrenh.
153	GEN 6:15	Arlpenty innga mpwara 130 metres-ek-atwety. Arlpaw innga mpwara, 25 metres-ek-atwety. Irrwerl innga mpwara, 15 metres-ek-atwety.
161	GEN 7:1	INGKARTel Noah renh ilek, “Rtnwewarl aylpa, ngkwenh-rnem-akert. Atha ngenh iterl-areyelarl, mwerrarl ngan atyeng awelheyel.” Kel arlta ikwerel-antey Noah-rnem rtnwewarl aylpenhek, Shem, Ham, Japheth. Ingkerrenh-antey rernem aylpenhek rtnwa ikwer-warl, anewikw-rnem-anem alerikw-rnem-anem. Noah ikwerenh-rnem-akert aylpenhek rtnwa kwen-warl. Aker ahern-areny ingwerek-ingwer rernem akwernek rtnwewarl, atnwenth ateralth-rnem-then ingkerrenh, thip-rnem-then akwernek rtnwa ilkwa ikwer-warl. Anewart-anewart irrwey-rnem-then amarl-rnem-then ingwerek-ingwer atherrarl-atherrarl akwernek rtnwa kwen-warl, Akngeyelarl renh-rnem ilanthek. Ingkerrenharl ahern-areny renh-rnem tywenek. INGKARTel rtnwa arriw ikwer-rnemenp akentek. Kwaty apeynt ikwer-they irrwerl-anem irrwerl-anem lherrparnpek kwen-they. Akngeyel alker renh altywerilek. Kwaty thelhelek alker-they, arlta 40-ek-atwety, ingwa 40-ek-atwety. Kwaty rntwek arlta arrpanenhel. Kwatyan kwen innganem. Kwaty atnyerrel rtnwa ilkwa irrwerlilek, irrwerl-anem irrwerl-anem. Apwert ingkerrenh kwatyel kwenek. Kwatyel rtnwa irrwerlilek ikwer-rnemenp. Ahern-areny ingkerrenh kwatyel ilwerl-athenek. Apmer arrpanenhel anenh-rnem, atnyerrel ingkerrenh ilwerl-athenek. Akngeyel ingkerrenh apmer arrpanenhek irrarlkek ingkerrenh kwaty atnyerrel. Irrpetyap rtnwa ilkwelarl anek-rnem rernemant iteth anenh. Noah rant ikwerenh-rnem-akert iteth anek. Kwaty rtnenh aleth arlta 150-ek-atwety, arlta arrpanenhel. ...
187	GEN 8:3	Arlta 150-penh kwaty akelyant-anem ahernel rtnenh. Alkent 5-ek-atwety kwaty ra akely-anem irreynenh.
189	GEN 8:5	Alkent 10-penh apwert ingkerrenhan akethel-anem arem-anemirrek. Alkent 10-ek-atwetyarl rtnek-penh kwaty akelyirrek.
194	GEN 8:10	Arlta 7-penh, Noah-el pwelker anyent renh arrpemarl thwenek.
196	GEN 8:12	Arlta 7-penh pwelker renh thwenek arrpemarl, ra arlta ikwerel apey-alpeyang ywerrey-alhek.
299	GEN 11:32	Terah ra ampwirremel aherrety 205 anenh. Ikwer-penhan Haran tawen ikwerel-antey ilwek.
303	GEN 12:4	Abram aherrety 75 anenh, artwa ampwanem, Akngeyelarl ilek apmer ingwer-warl-anem ra alpetyek. Abram Akngeyek awelhek. Anew ikwerenh Sarai ampikw ikwerenh Lot, ampwal ilek-ilek ingkerrenh warrkenh-rnem-then, rernemarl apmer Canaan ikwer-warl alpek.
345	GEN 14:8	... Atyetyart tawen ikwer-areny-rnem, Sodom-areny, Gomorrah-areny, Admah-areny, Zeboim-areny, Bela-areny. Rernem atwerrenh Atyetyart ingwer-areny-rnem-then. Atyetyart Chedorlaomer, Elam-areny atyetyart, Tidal, Goiim-areny atyetyart. Amraphel, Shinar-areny atyetyart. Arioch, Ellasar-areny atyetyart. Atyetyart 5-pel-ek aherrety 12 anek, ikwer-rnemek.
374	GEN 15:13	INGKARTel ilek, “Ngkwenh-rnem ingwer-rnemek warrk antherl-aneynenh, arlkarewerl-aneyenh. Ngkwenh-rnem nhak-itwek ingwer-rnemel warrk antherl-aneyn, rernem aleth innga warrkirr-ayntetyek aherrety 400-ek-atwety. Apmer ingwer-areny-rnemel renh-rnem ilpertileyenh. Ngkwenh-rnem apmer ingwerel arlengeny-apeny aneyenh. Atha apmer ingwer-areny-rnem ingkerrenh arntety antheyenh. Atharl apmer renh atwem-kety, rernem apmer-they alpeyenh ampwal akngerr-akert.
377	GEN 15:16	Rernem aherrety 400-penh apey-alpeyenh, Amor-areny-rnemel apmer nhenh atnyeney-kety.”
383	GEN 16:1	Sarai, Abram, ratherr anewart ampeweny anenh. Arelh warrkenh anyent ikwerenh, itnan Hagar. Sarai angkek Abram-warl, Akngeyel ayenh menty ilek ampekety. “Warrkenh atyenh ntwa ikngwa, ntwa ampa atnyenetyek.” Alakenhaym Abram ra arelh warrkenh-anem ikngwek. Abram apmer Canaan-itwek aherrety 10 anenh. Abram awelhek, anew ikwerenhelarl renh ilek. Sarai ra warrkenh Egypt-areny ikwerenh Abram renh anthek.
397	GEN 16:15	Abram-el atherr Hagar-el-atherr awey akely atnyenek, awey ikwerenh itna itnewemel Ishmael. Abram ra aherrety 86 ampwa innga anenh, renharl ratherr atnyenek-penh.
399	GEN 17:1	Abram ra aherrety 99-anem. Akngey ikwer aremirrek angkemel, “Ayeng Akngey Atyetyart ra. Nga aleth anaynta, arraty innga.
410	GEN 17:12	Arlta 8 ikwerel-antey arrantherr awey renh-rnem artwa mpwaretyek, alethang-rnem-then ingkerrenh, rernemarl warl ngkwenhel aneyel-rnem-then.
415	GEN 17:17	Abraham ra ilperr ayntek arrpemarl. Ra irrpelthirremel atherrek, “Nthakenhan artwa aherrety 100-kenh ampa atnyenetyek? Sarah-el nthakenh ampa atnyeney-angenh aherrety 90-el?”
418	GEN 17:20	Ra Atyetyart irreyenh 12 prince ikwer-rnem. Atha renh Atyetyart ilkwa anetyek arrerneyenh, apmer arrpanenhek.
422	GEN 17:24	Abraham aherrety 99 anenh, artwa ampwanem.
423	GEN 17:25	Ishmael aherrety 13 anenh, amerrk-antey, rernemarl renh-rnem ingkerrenh-anem artwilek.
449	GEN 18:24	Tern yanh alerl atnyenenty artwa mwerr-rnem 50-akert?
451	GEN 18:26	INGKART angkek, “Atha apek artwa mwerr-rnem 50 arentyel, atha apmer Sodom renh ywerrelhilemel atwey-angenh.”
452	GEN 18:27	Abraham angkek, “Ayengan ahern-arenyarl. Nthakenharl artwa 45 mwerr-rnem arentyan? Ntwa tern ilkwa yanh ywerrelhilemel atwetyek?”
453	GEN 18:28	INGKART angkek, “Atha apek artwa mwerr-rnem 45 arentyel, atha apmer Sodom renh ywerrelhilemel atwey-angenh.”
454	GEN 18:29	“Artwa mwerr-rnem 40-alew?” Abraham-el renh ayernek. “Kel menty atwey-angenh.” INGKART angkek, “Atha tern ilkwa ywerrelhilemel atwey-angenh.”
455	GEN 18:30	Abraham angkek, “Nga atyeng ahelirrey-angenh, INGKARTay. Nthakenharl artwa 30 mwerr-rnem arentyan? Ntwa tern ilkwa ywerrelhilemel atwetyek?” INGKART angkek, “Atha apek artwa mwerr-rnem 30 arentyel, atha apmer Sodom renh ywerrelhilemel atwey-angenh.”
456	GEN 18:31	Abraham angkek, “Ayengan arrangkw. Artwa 20 mwerr-rnem-alew?” INGKART angkek, “Atha apmer renh ywerrelhilemel atwey-angenh.”
457	GEN 18:32	Abraham angkek, “Nga atyeng ahelirrey-angenh INGKARTay, artwa mwerr-rnem 10-alew?” “Kel, menty atwey-angenh,” INGKART angkek. “Atha tern ilkwa ywerrelhilemel atwey-angenh.”
518	GEN 21:4	Arlta 8 ikwerel-antey renh artwilek, INGKARTelarl renh ilek-angkwarr.
519	GEN 21:5	Abraham aherrety 100 anenh.
573	GEN 23:1	Sarah aherrety 127 anenh, apmer Kiriath Arba ilwemel-antey ikwer-itwek-antey. Apmer itna ingweran Hebron, Canaan-itwek.
586	GEN 23:14	Ephron ra ilek, “Menty! Thilp 400 ntwa payemeley-areny inteyekey! Arwa ngkweng aknga, man-weny. Atha ngenh menty anthek, man-weny-anem.”
588	GEN 23:16	Abraham-el artwa Hitt-kenh 400 thilp anthek, artwa akngerrel aytarek-angkwarr. Alakenh Abraham-el apmer Ephron-kenh payemelek ikwerant-anem, ikwerenh-rnem-akert, intey-akert, arrewaly renh akwernetyek. Apmer ranap arwerl-angketyarr.
602	GEN 24:10	Ikwer-penhan warrkenh ra ampwal ilek-ilek akngerr-anem Abraham-kenh kamwerl 10-warl tywenek. Ikwer-they ra anperl-alhek apmer Syria-ampeny-warl, artwa Nahor anenh-warl. Nahor Abraham-kenh ayteyikw.
660	GEN 25:1	Abraham ra anew ingwer-anem ikngwek itnan Keturah. Ampernem atnyenek 6-pel. ...
666	GEN 25:7	Abraham aherrety 175 ampwa innganem anenh.
679	GEN 25:20	Isaac aherrety 40 anenh ra itengirrek Rebekah-itwek, Bethuel-kenh alerikw-itwek. Bethuel ra apmer Aram-areny anenh. Laban Rebekah-kenh awayikw apmer Aram-areny anenh arrpemarl.
686	GEN 25:27	Awayenheng-atherr ratherr ilkwerrek-anem. Esau ran awangk-awarrarl anenh, Jacob ra arteny-areny anenh. Isaac Esau-ek arlkwentenh, rarl akerel renh wantenhek. Amikw ikwer-atherrenh Jacob anyentekant arlkwentenh. Isaac aherrety 60 anenh.
814	GEN 29:18	Jacob ilkelhenh Rachel-ekant. Laban ikwer-warl angkek, “Aherrety 7-pelek-atwety ayeng warrkirrem ngkweng Rachel-itwek-anem ayeng itengirrey-alenty.”
816	GEN 29:20	Jacob aherrety 7-pelek-atwety warrkirrek Laban-ek, Rachel renh anthey-akenh. Ra ikwer-itwel itengirrey-angenh-antey. Kel, aherrety 7-penh, Jacob ra inkwerelhek Rachel-ek. Jacob angkek Laban ikwer-warl,
817	GEN 29:21	“Kel-anem anew atyeng Rachel anthanem, ayeng ikwer-itwek ayntetyek. Aherrety 7-pel ayeng warrkirrenh. Atha warrk atyenh kel ywerrelhilek.”
822	GEN 29:26	Laban-el Jacob renh ilek, “Apmer anwekantherrenh-itwekan arrwekeleny-tangkwel itengirrem. Kwey arrwekeleny antheman, ingkerneny nthakenh anthey-angenh. Alakenh-anyem anwekantherrenh-angkwarran aynteyel, arrwekelenyant antheyel, ingkernenyan arrangkwarl. Wik anyentek-atwety mpwelanth Leah-atherr anetyek. Ikwer-penhan nga Rachel-itwek itengirrey-akenh, nga aherrety 7 ingwerek-atwety atyeng warrkirretyek, atharl Rachel anthek-penh, iteng-anem.”
823	GEN 29:27	Wik anyent-penh, kwenty arlkwek-penh Laban-el alerikw ikwerenh Rachel anthek Jacob-itwek itengirretyek. Laban-el arelh Bilhah renh ilanthek, Rachel-ek warrkirretyek. Jacob Rachel-itwek innganem ayntek. Ra Rachel ikwerant inkwerelhek, Leah-angkwarran. Aherrety 7 ingwerek-atwety warrkirrek.
848	GEN 30:17	Akngey Leah-ek inkwerelhemel awelhek, rarl renh ayernek, ampa renh anthetyek. Leah-el ampa akely atnyenek, awey anyent. Jacob-kenh awey 5-pel anek, Leah ikwer-angkwarr.
850	GEN 30:19	Leah-el ampa ingwer atnyenek, awey akely. Jacob-kenh awey 6-pel-anem anek, amikw anyent-kenh 6 Leah-ek.
851	GEN 30:20	Leah angkek, “Akngeyel ayenh ampa akngerr anthemel kwartewek. Anew atyenh atyeng inkwerelhem, aylernekanthenharl awey 6-pel aneyel.” Ranem renh Zebulun itnewek.
897	GEN 31:23	Laban-el Jacob renh alwernek, artwa ikwerenh-rnem-akertel, arlta 7-el, apmer Gilead-ek-atwety.
912	GEN 31:38	Iterl-aray, ayengarl ngkweng warrkirrek aherrety 20-ek-atwety. Yep-yep akwerrk-rnem arek ilwey-angenharl mwerr. Ingkerrenh mwerr itethewek. Yep-yep irrwey atha anyelkel ngkwenh iney-angenh, inemel atwey-angenh.
914	GEN 31:40	Itwernek rwenp inngarl, ingwel ayenh irrentelarl atwek ankwayntey-angenh ilek. Aherrety 20-ek-atwety ayeng iylpareth ngkweng warrkirrenh, aylpenyirrey-angenh.
915	GEN 31:41	Ayeng ngkweng warrkirrenh aherrety 14-ek-atwety, alerengkw ngkwenh-atherr atha payemelemel. Aherrety 6-ek-atwety ayeng ngkweng warrkirrenh, atnwenth-rnem ingkerrenh payemelemel, ntwa ayenh anthetyek. Ntwa ayenh man mwerr payemeley-angenh, ntwa ayenh man akelyarl anthenh. Akngeyel-anem ayenh arntarnt-arenh, Akngey renharl arrengey atyenh Abraham-el apentek, akngey atyenh Isaac-el apentek. Arrengey atyenh-kenh Akngey Abraham-kenh, akngey atyenh-kenh Isaac-kenh Akngey ra ayenh arntarnt-arenh.
951	GEN 32:23	Ingwa ikwerel-antey Jacob ra akemirrek. Anew ikwerenh atherr-akert arelh warrkenh ikwerenh-atherr-akert alerikw ikwerenh 11-pel-akert.
962	GEN 33:1	Jacob-el Esau renh arnarek, irlkenty akngerr-akert, artwa 400, ikwer-warlarl apetyenh. ...
1040	GEN 35:28	Aherrety 180 ra anenh. Isaac ra ilwek.
1085	GEN 37:1	Jacob ra apmer Canaan-itwek anenh, aynikw ikwerenharl Isaac anenh-itwek. Angka nhenh Jacob-kenh-rnem-akert. Joseph aherrety 17-anem anenh. Yep-yep-rnem-then nanikwet-rnem-then arntarnt-arenh, atherrk-warl ra akngenh, apmer Shechem-itwek. Kakey ikwerenhel-rnem. Aynikwel Joseph thwenek awayengkw-rnem-warl, “Alha yep-yep-rnem arntarnt-arayntetyek.” Joseph awayikwel-rnem-then yep-yep-rnem arntarnt-arek. Amikw ingwer atherr-kenh Bilhah-kenh-rnem, Zilpah-kenh-rnem. Jacob-kenh anew atherr-kenh. Joseph-el aynikw ikwerenh angka apmwa ikwer-rnem ilenh.
1093	GEN 37:9	Joseph-el altyerr ingwer-anem arek. Ra awayikw-rnem angka ilek, rarl altyerr arek, “Ingkeny-then alkent-then antyarr 11-pel, rernem atyeng kwenirrek Atyetyartek-apeny.” Joseph-el ikwer-rnem anayntiley-angenh-antey.
1112	GEN 37:28	Joseph-kenh awayikw-rnemel renh tharlemiletyek weker-rnem-warl. Irrkethey tyerrek. Weker-rnemel renh payemelek, ngkwelty 20-pel-ek. Rernem Joseph renh akngek apmer Egypt-warl.
1198	GEN 41:2	Pwelek-rnem anter-akngerr 7-pel tyerrelhey-ayntek kwaty-they.
1199	GEN 41:3	Kel aremel pwelek 7-pel ngkwernant-anem kwaty ikwer-they-antey arrpemarl tyerrelhey-ayntek.
1214	GEN 41:18	pwelek anter-akngerr 7-pel kwaty-they tyerrelhey-ayntenty.
1218	GEN 41:22	“Atharl altyerr arek ntang 7-pel mwerr-angker ilkwernem.
1222	GEN 41:26	Aherrety 7-pelant ntwa arlkweman, pwelek anter-akngerr arlkwem-apeny, alakenhaym ra aynteyelan. Alakenh-anyem ntwa ntang arleny 7-pel arlkwey-angenh, ntwa aherrety 7-pel arlengelan arlkwey-angenh arrpemarl. Aherrety 7-pelant ntwa arlkweman, ntang mwerr-angker ntwa arlkwem-apeny. Alakenh-anyem ra aynteyelan.
1223	GEN 41:27	Pwelek 7-pel ampwernem, aherrety 7-pel apmwernem-apeny arrpemarl, pwelek 7-pel anter-akngerr-rneman aherrety 7-pel mwerr-rnem-apeny, aherrety atherrk-angketyarr, atherrkeny. Nthakenh arlkwey-angenh arlenyelan. Alakenh-anyem ntwa pwelek ampwerneman arlkwey-angenh, ntwa aherrety 7-pel arlenyelan arlkwey-angenh arrpemarl. 7-pel aherretyel aherrety ilkwa aynteyenh amern lyapey-angenh.
1225	GEN 41:29	Aherrety mwerr-angker 7-pel aynteyenh apmer Egypt-el, amern-angketyarr.
1226	GEN 41:30	Aherrety apmwernem 7-pel aynteyenh Egypt ikwer-itwek-antey. Amernek ywarn iterreyel, amern arrangkw.
1230	GEN 41:34	Artwa ingwer arrernem, rernem amern-rnem arntarnt-arayntetyek. Rernem ntang akngerr innga inetyek aherrety 7-pel apmwernem-kety, amern-angketyarr rernem arntarnt-aretyek, amern akngerr arlkwemel.
1231	GEN 41:35	Arlwarey-arlwarey akwernem warl ilkwewarl, rernem ikwer-penh arlkwayntetyek aherrety apmwernem 7-pelek-atwety, amern ingkerrenh ywerremel. Ingkerrenh-antey iteth anetyek-awaty amern ntang akngerr arlkwemel.
1232	GEN 41:36	Rernem amern renh arrernek aherrety 7-pel ikwerel, amern-weny irrentyek, amernek apatentyek.”
1242	GEN 41:46	Joseph ra aherrety 30 anek, Pharaoh-el Atyetyart arrernek Egypt-areny ingkerrenh ra arntarnt-aretyek. Ra ingkerrenh-angkwarr arntarnt-arerl-apenh, warrk-itwek.
1243	GEN 41:47	Aherrety 7 ingweran anek, mwerr-angkerarl. Amern akngerr rernem arlkwenharl.
1249	GEN 41:53	Aherrety 7-pel mwerr-rneman ywerrenhek-anem.
1250	GEN 41:54	Aherrety 7-pel ingwer apmwernem ayntek, amern-weny-rnemarl, Joseph-el ilek-angkwarr-antey. Apmer ingkerrenh-itwek, amern lyapey-angenh ayntek. Apmer aparnpel. Amern akngerr-antey Egypt-itwek ayntenh. Egypt-itwek rernem angayakw-anem irrek, amern-wenyel.
1256	GEN 42:3	Joseph-kenh awayikw 10-pel alhek apmer Egypt-warl.
1266	GEN 42:13	Rernem Joseph renh ilek, “12-an anwingkerr anekan, artwamp anyent-kenh-antey. Akelyan artwamp anwekingkerrenh-itwek anerl-anem Canaan-itwek. Anyent ingweran ilwekarl.”
1285	GEN 42:32	12-an anwingkerr anekan, artwamp anyent-kenh-antey. Akelyan artwamp anwekingkerrenh-itwek anerl-anem Canaan-itwek. Anyent ingweran ilwekarl.’
1365	GEN 45:6	Aherrety atherrel kwaty rntwey-angenh. Aherrety 5-pelel artwerrety arrpemarl, kwaty rntwey-angenh arrangkw arrpemarl. Nthakenh ingwerentyel amern rnkerney-angenh arrangkw, akwetyey-angenh arrangkw.
1370	GEN 45:11	Atha arrenhantherr arntarnt-arem apmer Goshen-itwek aherrety 5-pelek-atwety. Canaan-itwek arringkerr anentyan atnwenth-rnem-akert arrantherr ilwemarl amern-wenyel.
1381	GEN 45:22	Joseph-el awayikw-rnem arnkwa mwerr-rnem amentew-ament anthek. Benjamin arnkwa 5-pel anthek thilp man akngerr-then.
1382	GEN 45:23	10 tangkey ra thwenek ampwal Egypt-areny ilek-ilek-akert, aynikw ikwerenhek. Tangkey 10-pel ingwer-rneman amern ilek-ilek-akert, alethek-arelh.
1413	GEN 46:26	Akngerr innganem, 66-pel-anem ikwerenh-rnem rernem anperl-alhek, apmer Egypt-warl. Anew ikwerenh-rnem-kenh akngerr arrpemarl.
1414	GEN 46:27	Jacob-kenh arrengeyikw atherr Egypt-ekarl atnyenek-atherr, ratherr Egypt-itwel anenh. Artwamp ikwerenh-rnem 70-pel ikwerenh-rnem anekan ra artwamp-anemarl.
1509	GEN 50:2	Egypt-areny akalty ingkerrenh anek, arrewaly anterel apernetyek. Rernem arlta 40-ek-atwety alakenh-anyem mpwarek.
1510	GEN 50:3	Rernem atnalhelerrenh arlta 70-ek-atwety artwamp ikweran. Joseph-el artwa ilanthek arrewaly renh anterel apernetyek rag-el ataperrelemel.
1529	GEN 50:22	Joseph apmer Egypt ikwer-itwek anenh, awayikw-rnem-akert. Joseph aherrety 110 anenh, artwa ampwanem.
1533	GEN 50:26	Joseph aherrety 110 irrekel-anem, ra ilwek. Rernem arrewaly anterel-anem apernek, rag-el ataperrelemel, coffin-warl arrernemel.
1534	EXO 1:1	Awank-akerr artwamp anyent anenh, itnan ikwerenh Jacob, itnan ingweran ikwerenh Israel. Jacob-kenh alerikw anyent itnan Joseph, kel Egypt-itwek anenh arrwekel. Artwamp ra alerikw ikwerenh-rnem atnwenhek, anewikw ikwer-rnem-kenh-then, arrengey-rnem-then artartey-rnem-then ingkerrenh-antey Egypt-warl-anem, 70-pel. Alerikw ikwerenh-rnem, Reuben, Simeon, Levi, Judah, Issachar, Zebulun, Benjamin, Dan, Naphtali, Gad, Asher.
1571	EXO 2:16	Apmer Midian ikwerel anenh artwa anyent, itnan Jethro. INGKART-areny atyetyartarlap ran, alerikw 7-pel aleyak-rnem-akert. Kwey aleyak-rnem yep-yep-rnemek arrwekel alhenh, kwaty ngenty-warl anthwengiletyek.
1670	EXO 6:14	Israel-kenh-rnem akngerr anew-anenh. Nhenh-rnem itnernem alakenh: Jacob itna ingweran Israel, alerikw ilkwa ikwerenh itnan Reuben. Reuben-kenh alerikw awey-rnem 4-pel, itnan Hanoch-then, Pallu-then, Hezron-then Carmi-then. Awey rernem alkenhirrek. Alerikw akngerr arrengey akngerr-then apetyek ikwer-rnem-they. Nhenh-rnem Reuben-kenh-rnem.
1671	EXO 6:15	Alerikw ingwer Israel-kenh itnan Simeon. Simeon-kenh alerikw awey-rnem 6-pel, itnan Jemuel, Jamin, Ohad, Jakin, Zohar, Shaul. Shaul-kenh amikw Canaan-areny. Awey rernem alkenhirrek. Alerikw akngerr arrengey akngerr-then apetyek ikwer-rnem-they. Nhenh-rnem Simeon-kenh-rnem.
1672	EXO 6:16	Alerikw ingwer Israel-kenh itnan Levi. Levi anek aherrety 137-ek-atwety. Levi-kenh alerikw awey-rnem irrpety, itnan Gershon, Kohath, Merari.
1674	EXO 6:18	Kohath anek aherrety 133-ek-atwety. Kohath-kenh alerikw awey-rnem 4-pel, itnan Amram, Izhar, Hebron, Uzziel.
1676	EXO 6:20	Artwa weth Amram anewarterrek awenhikwek, itnan Jochebed. Jochebed-el awey atherr atnyenek, Aaron-atherr Moses-atherr. Amram anenh aherrety 137-ek-atwety.
1679	EXO 6:23	Artwa weth Aaron anewarterrek Elisheba-ek. Elisheba alerikw kwey Amminadab-kenh anek, angkwerikw Nahshon-kenh. Elisheba-el ampa 4-pel atnyenek, Nadab, Abihu, Eleazar, Ithamar.
1693	EXO 7:7	Moses-atherr artwamp atherr-anem ratherr irrek-anem. Moses-an aherrety 80-pel-anem irrek alyepelarl, Aaron-an aherrety 83-pel-anem ra irrek.
1711	EXO 7:25	INGKARTel kwaty lher Nile-itwek arrnga kwaty-penh mpwarek. Ikwer-penh Moses ra anenh apmer ikwerenhel arlta 7-ek-atwety.
1820	EXO 12:3	Mpwel alhenh-atherr Israel-kenh-rnem alakenh-anyem iletyek, ‘Mpwelhenh-arey arlta 10-ek-atwety. Ikwer-penhan warlek-artweyel-rnem aker yep-yep inenherr-arey, rernem yep-yep akely atwetyek apmer amentew-ament.
1823	EXO 12:6	INGKARTel renh-atherr ilek, “Yep-yep renh inenty, arrantherr renh arntarnt-aretyek arlta 4-ek-atwety. Ikwer-penhan ingkeny aylpenhentyelan, Israel-kenh-rnem arrantherr aker yep-yep atwetyek-anem inkwarteyel, warl arrpanenh-itwek-anem.
1832	EXO 12:15	Arrantherr tyenkerr Anperarl Alhek ‘Passover’ arlkwek-penh, kwenty ingwer arrantherr arlkwayntenherr-arey arlta 7-ek-atwety. Amern ilperr-ilperrant arrantherr arlkwerl-ayntem arlta 7-ek-atwety. Amern pikinpat-akert arlkwey-angenh, arrangkw. Arlta arrwekel ikwerel, pikinpat warl-they inemel iwetyek, arlkwey-angenh. Ingwerentyel amern pikinpat-akert arlkwenty arlta 7-ek-atwety, arrantherr renh irrentenherr-arey intem-antey. Atyenh-wenyarl ra.
1833	EXO 12:16	Arlta anyent arrwekel ikwerel-anem arrantherr akarrirretyek, atyeng inkwerelhetyek wenh arlta anyent ingkern 7 ikwerel-then. Arlta atherrel, nthakenh arrantherr warrkirrey-angenh, arrangkw. Warrkant ipmenherr-arey, amernant alhewer ampernemel.
1834	EXO 12:17	Arlta 7-ek-atwety alakenh-anyem arrantherr amern tyenkerr arlkwem, itnan ‘Amern Ilperr-ilperr’. Arrantherr amern ilperr-ilperr arlkwem, arrantherr iterl-arerl-ayntetyek, atharl arrenhantherr Egypt-they atnwenheynem. Rlengk-they aler arrekantherrenh-rnem-then arrengey arrekantherrenh-rnem-then artartey-rnem-then rernem iterl-arayntem, iylpelerrey-angenh arrangkwarl. Arrantherr nhenh-angkwarr apenterl-ayntetyek, atha arrernek-angkwarr. Arrantherr intem-antey kwenty arlkwayntetyek.
1835	EXO 12:18	Aherrety arrpanenhel alkent arrwekel arrantherr itnewem Abib. Abib ra irrentyel, arrantherr anenherr-arey arlta 14-ek-atwety. Mpwelhenh-arey ingkeny aylpenhentyek. Ikwer-penh amern ilperr-ilperrant arlkwenherr-arey. Amern ilperr-ilperr arlkwenherr-arey arlta 7-ek-atwety.
1836	EXO 12:19	Pikinpat iwenherr-arey warl-they, amern ilperr-ilperr arlkwey-alenty. Ingwerentyel amern pikinpat-akert arlkwenty, renh irrentenherr-arey, aleth-antey alpetyek. Arlta 7-penh, ingkeny tyerrelhenh-penh arrantherr alhewer amern pikinpat-akert arlkwetyek. Nhenh atha arrekantherr arrernek, arrantherr Israel-kenhel-rnem angka nhenh apentetyek, ingwerel-rnem arrekantherr-itwek aneyel-rnem-then. Apmer ingwerel apek aney-alpenty, amern ilperr-ilperr arlkwetyek-antey arlta impen ikwerel, angka nhenh apentemel.” Alakenh INGKARTel Moses-then Aaron-then ilek.
1854	EXO 12:37	Israel-kenh-rnem apmer Rameses ikwer-they anperl-alhek, apmer Succoth-warl alhenh. 600,000-pel artwernem ingketyel alperlewenh, arelh-rnem-then ampernem-then.
1857	EXO 12:40	Egypt iwerl-alhey-alenty Israel-kenh-rnem arleng-alenty Egypt-itwek anenh, aherrety 430-ek-atwety rernem anenh.
1874	EXO 13:6	Arrantherr akarrerrentyel, amern ilperr-ilperrant arrantherr arlkwetyek arlta 7-ek-atwety. Amern pikinpat-akert arrantherr arlkwey-angenh, mentyarl. Arlta anyent ingkernel 7-el arrantherr kwenty atnyenetyek, INGKARTek inkwerelhemel.
1875	EXO 13:7	Nhenhan arraty. Apmer ikwerel, arlta 7-ek-atwety amern pikinpat-akert nthakenh arlkwey-angenh, mentyarl. Pikinpat iwenherr-arey ingkerrenh-antey.”
1897	EXO 14:7	Ra ikngwerl-alhek artwa ahelengkw-rnem 600-pel. Rernem alkwert-rnem-then irrtyart-rnem-then inerl-alhek, pakey-rnem-warl nganerl-alhetyek, atwerretyek. Rernem ingkerrenh Pharaoh-angkwarr alhek. Ahelengkw atyetyart-rnem alhek arrpemarl pakey-akert.
1948	EXO 15:27	Ikwer-penhan Israel-kenh-rnem apmer Elim-warl rernem arey-alhek. Apmer Elim ikwer-itwek kwaty apeynt 12-pel ayntenh, arwerl ilkwernem-then 70-pel. Rernem kwaty apeynt impalthel anenh.
1953	EXO 16:5	Arlta 6-el Friday arrpanenhelant arrantherr amern akngerr inetyek arlta ingwerel-rnem-apeny-weny. Friday-elant amern akngerr inetyek, ampernetyek. Friday-el Saturday-el arrantherr arlkwetyek, arlta impenel.”
1970	EXO 16:22	Arlta 6-el Friday-el rernem tyampit atherr-warl ineyam-ayntenh. Artwamp atyetyart-rnem Moses-warl apetyek, angketyek ikwer-warl, “Rernem tyampit atherr-warl amern inek.”
1974	EXO 16:26	Alakenh-anyem INGKART-kenh angka aynteyelan. Arrantherr Sunday-they Friday-ek-atwetyant amernek nthwetyek, arlta 6-ek-atwety-antey. Saturday-el mentyarl, nthakenh arrantherr amernek ahern-itwek nthwey-angenharl. Arlta ikwerel Saturday impen INGKART-kenh, ltyerrey-angker.” Alakenh Moses-el ilek.
1983	EXO 16:35	Israel-kenh-rnemel amern mana arlkwenh, aherrety 40-ek-atwety. Apmer arlpaw-itwek rernem ampererrenh ingketyel aleth-antey. Ikwer-penhan rernem apmer Canaan-warl arrer-anem irrek, INGKARTel renh-rnem amern mana anthey-angenh-anem, arrangkw-anem.
2021	EXO 18:21	Artwa mwerr-rnemant rlwana, artwa mwerr Akngeyek awelhem-rnemant. Rernem irrtywerrey-angenh man inetyek, arrangkw. Rernem arraty innga-rnemant ankety-weny. Renh-rnem atyetyart arrerna ingkerrenhek, rernem ingwer-rnem arntarnt-arayntetyek, arlwarey 10-ek apek, 50-ek apek, 100-ek apek, 1000-ek apek.
2025	EXO 18:25	Ra rlwanek artwa mwerr-rnem, atyetyart ikwer-rnem rnkernek, atyetyart anetyek arlwarey artwa 10-ek apek, 50-ek apek, 100-ek apek, 1000-ek apek.
2061	EXO 20:9	Arlta 6-ek-atwetyant arrantherr alhewer warrkirr-ayntetyek.
2062	EXO 20:10	Arlta 7-el impen ltyerrey-angkerarl, arlta atyenharl. Ayengan Akngey arrekantherrenh, itnan INGKARTarl. Arlta ikwerel warrkirrey-angenh anetyek. Angka nhenh ingkerrenhekarl, aler-rnem arrekantherrenhek-then, warrkenh-rnemek-then, pwelek-rnem arrekantherrenhek-then, alethang-rnemek-then rernemarl aneyel arrekantherr-itwek.
2063	EXO 20:11	Awank-akerr atha ingkerrenh arrpmernek arlta 6-ek-atwety. Atha alker-then ahern-then kwaty alay-rnem ingkerrenh-then arrpmernekan. Atha ahernel alheyel-rnem-then alkerel alheyel-rnem-then kwaty-areny-rnem-then atnwenth ingkerrenh arrpmernek. Ikwer-penhan arlta 7 Saturday-elan ayeng ltyerrek-anem warrkirrey-angenh-anem anenh. Alakenh atha arlta anyent impen renh itnewek, arrantherr ltyerrayntetyek.
2179	EXO 24:1	INGKARTel Moses ilek apwert irrwerl-they, “Aaron, Nadab-then, Abihu-then artwamp 70-pel Israel-kenh-rnem-then renh-rnem ingwerl-alpa wenh, atyeng-warl apetyetyek. Arrer-apeny apetyey-angenh. Atyengety arleng-antey anetyek kwenerremel.
2182	EXO 24:4	Moses-el pip-warl ingkwernek, INGKARTel renh ilek-angkwarr. Ingwepenh ra apwert akely-rnem akarrelek, akerek-arelh mpwarek INGKARTek. Renh rnkernek-anem apwert Sinai arrerenty ikwer-itwek. Apwert arlpenty ingwer-rnem 12 ra rnkerneynek akert-arraty. Apwert-rnem 12-pel ileyel, Israel-kenh-rnem 12-pel amentew-ament rernem iterl-arayntetyek.
2187	EXO 24:9	Moses Aaron-then Aaron-kenh alerikw atherr Nadab-then Abihu-then artwamp 70-pel-then Israel-kenh-rnem rernem apwert irrwerl-warl nganek, Akngey renh awetyek.
2194	EXO 24:16	Innga, INGKART irrwerl-they kwenerrek-anem apwert irrwerl-warl, lyenenty rlterrk ilkwakert arrtyernenh. Kwenpayel apwert renh artek arlta 7-ek-atwety. Arlta ingkernelan INGKART Moses-ek arlkek kwenpay-they.
2196	EXO 24:18	Moses anenh apwert ikwer-itwek, kwenpayel apwert artek. Ra anenh apwert-itwek arlta 40-ek-atwety. ...
2436	EXO 31:15	Warrkirretyek Sunday-they Friday-ek-atwetyant arlta 6-ek-atwetyant. Alakenhan mwerrarl. Saturday arrpanenhel ltyerrayntetyek warrkirrey-angenh. Arlta Saturday-el arrantherr INGKARTek iterr-ayntetyek inkwerelhemel. Ingwerenty apek Saturday-el warrkirrenty, ipmek-antey renh atwem.
2438	EXO 31:17	Arrantherr INGKARTek atyeng Saturday arrpanenhel iterrerl-ayntetyek aleth-antey, atha arrenhantherrenh aleth-antey arntarnt-arayntem. Arrantherr iterl-areyel, alker-then ahern-then ingkerrenh atha arrpmernek arlta 6-ek-atwety. Arlta 7-elan ayeng warrkirrey-angenh ipmelhek, arwa-anem anek ltyerremel. Alakenh arrantherr ayenh iterl-arayntetyek intem-antey, ingkern-penh-rnem rernem ayenh iterl-arayntetyek arrpemarl intem-antey.’”
2467	EXO 32:28	Levi-kenh-rnem rernem Moses-ek awelhek. Rernem inkwartey-rnem inek, 3,000 innga rernem ipmek atwek.
2515	EXO 34:18	Amern ilperr-ilperr-akert arrantherr kwenty arlkwetyek inkwerelhemel, kwenty itna ‘Amern ilperr-ilperr’. Arlta 7-ek-atwety arrantherr amern ilperr-ilperr arlkwetyek pikinpat-weny, atharl ilek-angkwarr-antey. Arrantherr alakenh mpwaretyek alkent Abib ikwerel-antey aherrety arrpanenhel. Arrantherr amern ilperr-ilperr renh kwenty arlkwayntetyek, arrantherr iterretyek Abib ikwerel, Egypt-theyarl anperl-alhekan.
2518	EXO 34:21	Arlta 6-ek-atwety warrkirr-ayntetyek, arlta 7-el ltyerretyek warrkirrey-angenh. Ahern angerney-angenh, ntang ineyney-angenh, ikwer-kety ltyerretyek-antey. Menty anetyek arlta ikwerel.
2525	EXO 34:28	Moses INGKART-itwek anenh, arlta 40-ek-atwety. Amern arlkwey-angenh kwaty antywey-angenh. Apwert ilperr-ilperr atherr-warl INGKARTel ingkwernek angkernem 10, rernem aleth-antey apenterl-ayntetyek.
7133	RUT 1:4	Ratherran arelh atherr-then itengerrek Moab-areny atherr. Mahlon ra arelh Ruth-then itengerrek, Kilion ran arelh Orpah-then itengerrekarl. Rernemap arleng-alenty anenh apmer ikwer-itwel, aherrety 10-ek-atwety apek.
7194	RUT 4:2	Boaz-elan artwamp-rnem 10-anem inerl-apenh, rap angkek ikwer-rnem, “Apetyenh-arey! Aylek-itwel arrernelhetyek.” Rernemap aney-alhek-anem. Akngerr ingwer-rneman anenh arrpemarl.
7207	RUT 4:15	Ngarl arelhampw irreyenhel, ra ngenh irrngerney-antheyenh, ngenh rlterrkelemel. Anherrengkw ngkwenhan artewenty ngkweng ilkelheyel, anperarl ingwer-rnem-angkwarran. Arelhampw anyentelan ampa irrwey 7 atnyenem apek, renh arntarnt-arayntetyek. Anherrengkwel ranap ngenh amentarrp athamerremel arntarnt-arenh arlengew-alenty. Aleyan ra aperlengkw ngkwenh-anem atnyenek.”
7301	1SA 4:2	Rernem alhew ampep-warl, werreyew Israel-wenh-rnem-then. Philistia-areny-rnemel renh-rnem ipmew atwew, akngerr innga, 4,000.
7309	1SA 4:10	Rernemap inngarl rlterrk alhew ikwer-rnem-angkwarr, ipmew-anem atwemel artwa ahawarr Israel-wenh-rnem 30,000. Ikwereng-arey Philistia-areny-rnemel irrtyert-inew box impen Akngey-wenh. Eli-wenh alerikw-atherr, Hophni-atherr Phinehas-atherr, ratherr ilwew arrpemarl. Ingwer-rneman arlperrtyarl anterrew, apmer-warl angkep alperlewew.
7312	1SA 4:13	Eli-an artwamp innganem, 98, aparrng-anem. Ra anenh arriwel arntarnt-arelhemel, chair-el anerl-anemel. Ra atererremel iterrew artewenty, apmwa innga ayntewerr box impen Akngey-wenh ikwer. Artwa rarl apmer-warl aremerrenhew, angka apmwa ilerl-apenh, akngerran artnalhelerrew-anem. Eli-el awew, rap arlkew artwa ikwer, “Nthakenh irreyelay? Ilekewarl akngerr artnalhelerreyel alakenhan?”
7317	1SA 4:18	Eli-an anenh-antey chair ikwer-itwew. Rarl awew, Philistia-areny-rnemelarl box impen irrtyert-inew, rap aytnew artepel-ayeth ahern-warl. Artwamp antyelty irrewarl innga, rap rternng-anem akelhew. Artwa ilkwa ra anenh Israel-itwew aherrety 40-ew-atety. ...
7355	1SA 7:1	[Kel Philistia-areny-rnemel thweneynew angkep box impen Akngey-wenh Israel-warl. Israel-wenh-rnemelan] akngeynew apmer Kiriath Jearim-warl, warl Abinadab-wenh-warl apwert irrwerl-warl. Rernemap arrernew alerikw ikwerenh Eleazar, box renh arntarnt-araynteyew. Box ra rtnenh aherrety 20-ew-atety warl ikwer-itwew. Ikwereng-arey Israel-wenh-rnem alpwely anenh, intem-antey ayernenh INGKART, renh-rnem alpemeleyew.
7450	1SA 11:3	Artwamp-rnem apmer ikwer-areny-rnemel angkakert thwenew angkep atyetyart ikwer-warl, alakenh angkeyew, “Alerl anantherr aney arlta 7-ew-atety-tangkwel. Kel anantherr thwenem angkakert-rnem apmer arrpanenh-warl Israel-ampeny-warl. Ingwer-rnem apetyey-angenh apek, anenhantherrenh alpemeleyew. Arrangkwelan, anantherr ngkweng-warl anthelhem. Ntwap anenhantherrenh annga tyerrem-anem.”
7455	1SA 11:8	Saul-el akarrelew artwa akngerr apmer anyent-itwew Bezek-itwew; 300,000 Israel-areny, 30,000 Judah-areny-rnem.
7458	1SA 11:11	Saul-el ikwerenh-rnem irrpety-inger akalkelh-ayntew ingkeny tyerrelhey-angenhel-antey, 110,000 ingkerr amentew-ament, 330,000-penh. Aherlkewarlel-anem rernem anterrerrew apmer Ammon-areny-rnem-wenh-warl, artwa akngerr ipmew atwew. Rernemap renh-rnem atwenh-antey ingkeny ampepew-atety. Irrpetyapant-anem Ammon-areny-rnem aneyelpew, rernemap anterrerrew ingweram-angkwarr. ...
7566	1SA 15:4	Saul-el angka thwenew apmer arrpanenh-warl, artwa ahawarr-rnem akarrerreyew apmer anyentel Telaim-el. Akngerr akarrerrew apmer ikwer-itwew; 200,000 Israel-areny-rnem, 10,000 Judah-areny-rnem.
7607	1SA 16:10	Jesse-el 7 ingkerrenh anyentarl-anyentarl rnkerneynew Samuel-angkwarr. Rap angkew, “INGKARTel rlwaney-angenharl nhenh-rneman.”
7635	1SA 17:15	Arlta arrpanenhel ingwepenh atwerrp artwa arlpenty ra angkey-ayntenh alakenh arlta 40-ew-atety. David-an alperl-arrernenh Saul-wenh apmer-they aynikw-wenh apmer-warl, yep-yep-rnem arntarnt-araynteyew aynewikw-wenh-then.
7637	1SA 17:17	Ingwer-ingweran aynikw ikwerenh angkew, “Yakweth nhenh ina ntang ampeng-akert, rtamp-rnem 10-anem. Aknga awayewengkw-rnem.
7638	1SA 17:18	Aker cheese-rnem 10 aknga, anthemel atyetyart ahawarr-rnemew. Anamerl! Ayeng artewenty iterremel amperrngerreyel awayewengkw-rnemew. Angka akngey-alpa ikwer-rnem-wenh. Atha iterl-areyew, rernem mwerr-antey aneyel.
7660	1SA 17:40	irrertety ikwerenh inew ampwal tyangay-apeny yenp-penh-then, anpenhew-anem. Ilpay-itwew ra akwetyew apwert alyelk-rnem 5, yakweth-warl akwernemel. Rap alhew artwa Philistia-areny ikwer-warl-anem.
7808	1SA 22:18	Saul angkew Doeg-ew, “Kelaw! Ntweteyaym artwa ingkart yanh-rnem ipmew atwa!” Doeg ra apmer ingwer-arenyarl, rap awelhew, Saul-elarl renh ilanthew-angkwarr. Artwa ingkart-rnem 85 ra ipmew atwew.
7844	1SA 24:3	Rap akarreleynew artwa ahawarr akngerr apmer arrpanenh-they Israel-ampeny-itwew, 3,000. Rap anpenhew, nthweyew David-rnemew. Nthweynenh apwert-rnem-angkwarr, apmer itnan Nanikwet Akngerr.
7866	1SA 25:2	Artwa anyent apmer Maon-areny anenh itna Nabal, Caleb-wenh-antey. Apmer ikwerenhan apmer Carmel-ampeny-itwew. Ran apwert akngerr-akert, yep-yep-rnem 3,000, nanikwet-rnem 1,000. Artwa ahelengkwarlap ran. Akelty ikwerenh itnan Abigail. Ranap inngerr mwerr-angker, tyakarl anenh. Ingwer-ingweran Nabal-el yep-yep alta akenh apmer ikwer-itwew.
7869	1SA 25:5	Rap ilew artwa akely-rnem 10 alakenh, “Carmel-warl alhenh-arey, artwa Nabal areyew. Alakenh ikwer angkenh-arey, ‘Atyetyart David mwerr-angkwarr angkeyel ngkweng!
7877	1SA 25:13	David angkew artwa ikwerenh-rnemew, “Nayp arlpenty-rnem inenh-arey! Mpa, alhey ikwer-warl!” Nayp arlpenty-rnem rernem arrernerl-alhew pilt-warl. David-el nayp arlpenty ikwerenh inerl-alhew arrpemarl. Rap anpenhew artwernem 400-akert. 200 ingwer-rneman anenh, apmer arntarnt-araynteyew anteng.
7882	1SA 25:18	Abigail ra mpwelhey-angenh. Rap ilek-ilek akarrelew: rtamp-rnem 200, ngkwarl arranty nanikwet-wenh yenp-penh-akert atherr, aker yep-yep ampeng-rnem 5, ntang ampeng yakweth-akert 5 arrpemarl, amern akngerr akatyerr-apeny, amern akngerr tywerrk-apeny. Rap tywenew tangkey-rnem-warl-anem.
7902	1SA 25:38	Arlta 10-penh INGKARTel atwew-anem renh, rap ilwew-anem.
7906	1SA 25:42	Rap nganew tangkey-warl anamerl-antey, anpenhew-anem. Arelh warrkenh-rnem 5 alpew arrpemarl ikwer-angkwarr. Rernemap ingkerr-antey alpew-anem David-warl. Ratherr iteng-anem irrew.
7910	1SA 26:2	Anamerl-antey Saul-el akarrelew artwa ahawarr-rnem Israel-wenh 3,000. Alhew-anem, David-ew nthweyew apmer ikwer-warl.
8025	1SA 31:13	ngkwern-rnem akwernemel arwerl awenth anyent intert-itwew. Arlta 7-ew-atety rerneman amern arlkwey-angenh anew amperrngerremel, Saul-ew iterremel.
8062	2SA 2:10	Ishbosheth ra 40-anem irrew, renharl atyetyart Israel-ew arrernew. Rap atyetyart anew aherrety atherrew-atety. Judah-areny-rnemelanap David-arl atyetyart arrernew ikwer-rneman.
8063	2SA 2:11	Rap atyetyart anew aherrety 7 alkent 6-ew-atety Hebron-itwew. ...
8139	2SA 5:4	David ra 30-anem irrew, renharl atyetyart Israel-ew arrerneweng-areyan. Rap anew atyetyart arlengew-alenty, aherrety 40-ew-atety.
8140	2SA 5:5	Aherrety 7-ew-atety David ra anew atyetyart Judah-areny-rnemew-tangkwel apmer Hebron-itwewan. Ikwer-penh ra atyetyart anew ingkerrew-anem, rap atyetyart ilkwanem aney-alpew apmer Jerusalem-itwew-anem. Rap apmer atherr pweytelew-anem, Judah-then Israel-then. Apmer ilkwa renh itnewew Israel-anem. ...
8289	2SA 11:27	Arlta 7-ew-atety ra artnew ikwer-rnem-wenh-angkwarr. Ikwer-they David-el warrkenh thwenew ikwer-warl, renh ingwerl-alpeyew. Ratherrap itengerrew-anem. Ingwer-ingwer awey-anem ikwer-atherrenh anew. INGKARTelanap renh-atherr arenh. Rap inkwerelhey-angenh, David-arl apmwelhelewan.
8295	2SA 12:6	Ra athamerrey-angenhel apmwel-ayeth rakew. Rap yep-yep-rnem 4 anthemer angkep ikwer!”
8307	2SA 12:18	Arlta 6-penh ampa akely ahaperrew. David-wenh warrkenh-rnem atererrew, renh ilewerr angka apmwa. Rernem iterrenh alakenh: “Ampa akelyarl iteth-antey anenheng-arey, anantherr ywarn iterrew, angkeyew ikwer. Ran iylpelant awenh anenhantherrenh. Nthakenh anantherr angka apmwa nhenh iley-angenh, ra artewenty atwelhewerr!”
8393	2SA 15:1	Ikwer-penh ingwer-ingweran David-wenh alerikw Absalom ilkelhew, atyetyart ilkwa aneyew. Pakey mwerr-angker ra inew nantew atherr-akert, ra akngaynteyew. Rarl pakey-akert alhenh, artwa 50 anterrenh arrwekel-ampeny, atyetyart ilkwarrpantey ra.
8399	2SA 15:7	Ra alakenh irrenh arleng-alenty. Aherrety 4-penh, ra irrtywerremel angkew aynikw ikwerenhew atyetyartew, “Artwampay, ayengarl anenh apmer Geshur-itwew Aram-ampeny-itwew, atha INGKART alakenh ilew, ‘Ntwa ayenh tyarlewenty, Jerusalem-warl alpeyew, ayengan ngkweng kwenerrey-alpem apmer Hebron-itwew.’ Mwerrang atyeng alpeyewan Hebron-warl, INGKARTew kwenerr-aynteyew?”
8403	2SA 15:11	Alerikw David-wenhel ilew artwernem 200, ikwer-angkwarr alheyew Hebron-warl, aker arrtyaynteyew INGKARTew. Ra arlkarerrenh David-wety, artwernemelan renh apentew apalelarl.
8408	2SA 15:16	David rap anpenhew ikwerenh-rnem-akert. Ra kwey warrkenh-rnem 10 ilew, ikwer-itwelarl itengerrew-rnem, anaynteyew anteng, arntarnt-araynteyew warl ikwerenh. ...
8450	2SA 16:21	Ra tyernew, “Kwey warrkenh 10 aynengkw ngkwenh-warlarl itengerrew-rnem. Rernem antengarl anenh, warl arntarnt-araynteyew. Ngap ayntem ikwer-rnemenp. Alakenhan ntwa aynengkw ngkwenh nyerrel anthem, rap ngkweng-wety arlkarerrem artewenty innga. Ingkerrelan iterl-areyenh, nganemarl atyetyart ilkwa anerl-aneyenh aleyan, warl ikwerenh-itwewan. Rernemarl awem, ntwa arnkatyel mpwarem, rernem ngenh apentem innganemarl.”
8451	2SA 16:22	Warrkenh-rnemel kalikw mpwarew warl irrwerl-itwew, akngerrel areyew. Alerikw David-wenh ra aylpenhew arelh 10 ikwer-rnem-warl nyerr-weny.
8453	2SA 17:1	Artwa anper arey-angker weth, Ahithophel, ra angkew arrpemarl alerikw David-wenhew Absalom-ew, “Alerl atha rlwaney ahawarr-rnem 12,000, aynengkw renh alwerneyew rlengk ingwel.
8482	2SA 18:1	David-el akarrelew ahawarr ikwerenh-rnem, rap renh-rnem ilew akalkerreyew amentew-ament. Rap atyetyart ahawarr-rnem irrpety arrerneynew ikwer-rnem-akert, renh-rnem yerl-akngeyew; Joab, ayteyikw ikwerenh Abishai, Ittai Gath-areny-anem. Rap ingkerrenh ilew, aneyew 1,000 ingweran, 1,000 ingweran, 1,000 ingweran. Rap 1,000 ikwer-rnem atyetyart ahawarr anyentel-anyent arrernew. Irrkaty-angkwarr-anem rap akalkelhew arrpemarl 100-anemarl. Rap 100 ikwer-rnem atyetyart ahawarr anyentel-anyent arrernew. Rap angkew ingkerrew, “Mpa! Alhey-anem, atweyew anantherr renh-rnem! Ayengan alhem arrpemarl arrewantherr-angkwarr!”
8488	2SA 18:7	Rernem arnerant-arey alwernerremel atwerrenh, artnitwew werrenh. David-rnemel Absalom-rnem antengelew, akngerr atwemel ipmew. Akngerr innga ingwer-rnemanap angkethakw aperrerterremel ilwernerrew artnitwew. Arlta ikwerel-antey akngerr ilwernerrew, 20,000 innga.
8496	2SA 18:15	Artwa 10 Joab-itwew antelhew, rernemap renh ipmew-antey atwew.
23230	MAT 1:17	Abraham-they David-ek-atwety, 14 anenhek. Atyetyart David-they 14-ek-atwety arrpemarl anenhel Babylonia-el anenh-rnemek-atwety. Babylonia-el anenh-penh 14-ek-atwety anenhek Christ-ek-atwety.
23280	MAT 4:2	Jesus ra amern arlkwey-angenh anenh, arlta 40-ek-atwety, angayakw.
23303	MAT 4:25	Galilee-ampeny akngerr innga Jesus ikwer-warl akarrirrek, 10-pel tawen-areny-rnem-then, Jerusalem-areny-rnem-then, Judea-areny-rnem-then anyentirrek arrpemarl, Jordan ilpay intwarr-ampeny-they.
23468	MAT 9:20	Arelh anyent arntety inngan, aherrety 12-ek-atwety, arleng-alenty anenh. Arelh ra ingkern-they apetyek, arnkwanem Jesus-kenh arnep-arnek.
23487	MAT 10:1	Jesus-el kwertengerl ikwerenh 12 akarrilek, ranem renh-rnem rlterrkilek, rernem-anem rlterrk ikwerenh-akertel arrenty-rnem irrenterl-apayntetyek, arntety ilek-ilek-akert-rnem mwerrilerl-apayntetyek.
23491	MAT 10:5	Jesus-el angkakert 12 thwenek, Ranem renh-rnem ilek, “Jew-weny-rnem-warl alhey-angenh, Samaria-areny-rnem-warl alhey-angenh,
23510	MAT 10:24	Kwertengerl 12 lyertant akaltyirreyel, atyetyart-wenyarl, warrkenh atyenh-rnemarl. Ingwer-ingeran ra alyepel akalty-anemarl, ingwer-ingeran artewentyel akalty-anemarl. Rernem warrkirreyel, atyetyart alerl irreyenh. Ingwer-rnem atyeng irrpelthirrenh, rernem kwertengerl-rnemek irrpelthirreyenh arrpemarl, rernem atyeng warrkirrenharl-kety. Ingwer-rnemel apek ayenh Satan antwem, rernem arrenhantherr Satan antweyenh arrpemarl.”
23529	MAT 11:1	Jesus-el kwertengerl ikwerenh 12 ilanthek-penh, ranem alpek tawen-areny-rnem akalty-anthayntetyek, angka ikwer-rnem anayntiletyek.
23603	MAT 12:45	Artwa renh arem-penh, arrenty ra alpem, apmwa innga 7 ingwer-rneman ikngwerl-alpetyek, rernemap ingkerrenh artwa ikwer-warl aylpeyarr-alpetyek-anem. Artwa irrepern ra arrenty anyent-akert-tangkwel. Aleyan ra arrenty akngerr-akert-anem apmwa innganem. Angka atyenh apentey-angenh-they, alakenh apmwangkwarr apenteyel.”
23616	MAT 13:8	Artwa ra ntang ingwerentyan ahern mwerr-warl iwerl-apenh. Amern weyt ahern mwerrelan mwerrarl lyapek. Ntang weyt anyent-they amern akngerr lyapek, ntang 30 apek. Ntang weyt anyent ingwer-they 60 apek, ntang weyt anyent ingwer-they 100 apek. Aparnp-anem irrenh. Arnkengeny-anem inpanem.”
23683	MAT 14:17	Rernem Jesus renh ilek, “Amern ampeng 5-pelant, aker irrpeng atherr-thenant.”
23686	MAT 14:20	Rernem ingkerrenhel arlkwek-penh, rernem atnerteng-anem anek. Rernem akertang arlkwekarl-penh, rernem rtnwa amernek-arelh 12-pel-warl ampwerrk iweynek.
23687	MAT 14:21	Artwa 5,000-el amern arlkwek, arelh-rnem-then, ampernem-then ingkerrenhel.
23736	MAT 15:34	Jesus-el renh-rnem ayernek, “Amern akngerrelang arrekantherrenhan?” Rernem renh tyernek, “Ya, amern ampeng 7-ant aynteyel, aker irrpeng irrpety.”
23738	MAT 15:36	Jesus-el amern 7 renh-rnem inek aker irrpeng-rnem-then. Ra Ingkart Akngey-warl angkek, inkwerelhemel, amern-then aker-then akngerr anthetyek. Jesus-el amern-then aker-then rlweth-akek, kwertengerl ikwerenh-rnem anthemel, rernem artwa ingwer-rnem antheynetyek ingkerrenh.
23739	MAT 15:37	Jesus-el amern irrpety-penh irrpelthel akngerrilek, ingkerrenh wantetyek. Amern akngerr menty-anem irrek. Kwertengerl rernem ingkerrenh amern-rnem akwetyeynek, teram 7-warl ampwerrk iwemel ingkerrenh. Teram 7 amern akngerr-akert rtnenh.
23740	MAT 15:38	Artwa 4,000 rernem atnerteng-anem anenh, arelh-rnem-then ampernem-then.
23750	MAT 16:9	Ayenh arrantherr iterl-aremer, ayeng Akngey-kenh rlterrk-akert. Arrantherr ayenh iterl-aremer, atha artwa akngerr 5,000 wantek, amern 5-pelel.
23751	MAT 16:10	Arrantherr ayenh iterl-aremer, atharl 4,000 amernel-then akerel-then wantekarl amern 7-pelel.”
23770	MAT 17:1	Arlta 6-penh, Jesus-el renh-rnem atnwenhek apwert irrwerl ikwer-warl, amentewarl. Peter-then James-then awayikw ikwerenh John-then.
23797	MAT 18:1	Kwertengerl 12 apetyek Jesus ikwer-warl renh ayernetyek, “Ngenharl apenteyel-rnem, kwertengerl angwenharl atyetyart ilkwan ingwer-rnem-they?”
23808	MAT 18:12	Artwa anyentel yep-yep akngerr 100 arntarnt-arenh. Yep-yep anyent amentirrek ikwer-rnem-they. Aperrertirrek. Artwa ra yep-yep ingwer-rnem iwerl-alhem, yep-yep anyent ikwer nthwetyek. Rap nthwem yep-yep anyent renh arey-alheyek-atwety.
23817	MAT 18:21	Peter Jesus-warl apetyek. Peter-el renh ayernek, “Arleng-alentyang anwantherr angkep atwerrey-angenh anetyek, mwerrant-arey anem, arratyilerretyek? Ra atwenty arrpemarl, anwantherr renh atwey-angenh arrpemarl. Angkep atwey-angenh ngay? 7-ingerant atwenty, anwantherr renh angkep atwey-angenh?”
23818	MAT 18:22	Jesus-el renh tyernek, “7-inger-weny. Intem-antey atwerrey-angenh arrantherr anetyek, Akngey-kenh-angkwarr!