553	GEN 22:5	“Mpwelherl-ayntenh-atherr. Akngeyek inkwerelhemel alhem-kety! Awey nhenh atyenh atha alerey akngem-kety. Anerl-ayntenh-atherr! Mpwelh-ayntenherr-atherr tangkey nhitwek. Akngeyek inkwerelhemel alhem-kety.”
790	GEN 28:16	Jacob akemirrenhey-alpek, “INGKART wenh apmer nhel aneyel! Atha iterl-arey-angenharl! Iwerr altywer alker-warl-athek!”
1103	GEN 37:19	“Yanh ra apetyeyel altyerr arey-angker, tnakelherl-aney-angker. Atyetyart ilelherl-aney-angker! Mpa, anwingkerr ywerrelhemel atwey!
1542	EXO 1:9	Ingwer-ingeran Pharaoh ikwerenh-rnemek apatemel angkek, “Nhak arenherr-arey, Israel-kenh-rnem! Akngerr innganem irrek! Nthakenh anwantherr irrem?
1635	EXO 5:2	Pharaoh arrkngert angkek, “Ay! Angwenharlap ran? Athan INGKART iterl-arey-angenharl! Ayengan ikwer awelhey-angenharl! Athan Israel-kenh-rnem tyarlewey-angenharl, arlpaw-warl alhetyek, arrangkwarl!”
1986	EXO 17:2	Rernem Moses ikwer ahelerrek, renh ayernek, “Kwaty-wenyarl arrangkwarl! Kwaty anwenhantherr antherl-ayna wenh, anwantherr antywetyek!” Moses ikwer-rnem angkek, “Ilek arrantherr atyeng ahelerreyel? Ilekek arrantherr INGKART arrkerneyelarl? INGKART-angkwarr apek arrantherr apentey-angenh! Arrantherr iterreyel apek, INGKARTel anwenhantherr iwerl-alhenty-arrpantey! Arrantherr iterreyel apek, INGKART rlterrk-weny, nthakenh ra anwenhantherr arntarnt-arey-angenh! Arrantherr alakenh iterrenty, INGKART arrekantherr ahelerrem!”
7308	1SA 4:9	Anantherr Philistia-areny-rnem rlterrk-antey aneyew! Renh-rnem antengeleyew, anantherraw atyetyart ikwer-rnem aneyew. Rernem anewantherr atyetyartarl anewerr! Atererrey-angenh ikwer-rnem-wety! Artewenty atweyew anantherr!”
7565	1SA 15:3	Amalek-areny-rnem atweyew alhenh-arey! Arrtyemel ilek-ilek ikwer-rnem-wenh! Ingkerrenh atweyew ywerrelhelemel; artwernem, arelh-rnem, ampernem, pwelek-rnem, yep-yep-rnem, kamwerl-rnem, tangkey-rnem-akerr ingkerr-antey! Atyeng ingkerrenh antheyew alakenh.’”
7583	1SA 15:21	Artwa ahawarr-rnemel, rernem inew atnwenth mwerr-rnemant ikwer-rnem-wenh! Yep-yep-then pwelek-rnem-then rernem akngey-alpew, ntwaw arrtyeyew INGKARTew apmer nhenh-itwew Gilgal-itwew.”
7585	1SA 15:23	Ntwa iterl-aremer, ingwerenty awelhey-angenh INGKARTew, rap apmwa inngarl mpwarem. Apmwarlap alakenhan, inweng apmwa ayernenty-apeny. Ingwerenty tangkemel anenty, INGKARTan ikwer inkwerelhey-angenh. Apmwarlap alakenhan, ampwal-rnemewarl kwenerreyel-apenyarl arwerl-penhew apwert-penhew. Nga awelhey-angenh angka INGKART-wenhew, rap ngkweng-wety intwemelerrew arrpemarl. Nga atyetyart apmwanem irrew Israel-wenh-rnemew! Ngarl apmwelhelew-wety, INGKARTel ilew, ‘Nthakenh nga atyetyart aney-angenh-anem, arrangkw.’”
7870	1SA 25:6	INGKARTel ngenh arntarnt-arem ngwenh-rnem-then atnwenth-rnem-then!
7923	1SA 26:15	David kwanthemel angkew, “Abner, artwa ilek-apeny ngan? Nga ilelhem atyetyart ahawarr ilkwa ingwer-rnem-angkwarr! Ntwa arntarnt-arey-angenh atyetyart ngkwenh! Ngwamp ingwerenty alhew apmer arrewantherrenh-warl, atyetyart ipmew atweyew-anew!
7924	1SA 26:16	Ngan ahawarr-arrpantey ilkwa! INGKARTel ngenh ipmew ilwerl-athenemer ahawarr ngkwenh-rnem-then! Arrantherr arntarnt-arey-angenh artewenty atyetyart, rarl rlwanew! Nhak ara! Irrtyart atyetyart-wenh-alew? Tyampet ikwerenh-alew?”
8185	2SA 7:2	Rap angkew artwa angkakertew Nathan-ew, “Ayengan aneyel warl mwerr-angker ilkwa nhenh-itwew, box impen Akngey-wenh ranap rtneyel kalikw-itwew-antey! Warl ingwer atha arteyew box ikwer.”
23295	MAT 4:17	Jesus ranem renh-rnem akalty-anthenh, “Angkepirrenherr-arey apmwekety Akngey-warl-athek! Arlta ikwerenh arrer-anem ra Ingkart ingkerrenhek anetyek.”
23546	MAT 11:18	John ran artwa ipmeng, amern arlkwey-angenh, ngkwarl wayn antywey-angenh, arrangkw. Arrantherr ikwer angkerrenh arrenty-akertek-arrpantey! Arrantherr ikwerety arlkarirrenh.
23663	MAT 13:55	“Jesus ahern-areny-kenh alerikw! Ilek-ilek arwerl-penh arnwarney-angkeran-kenh! Ilenhan Mary-kenh ampikwarl! Ayteyikw-rneman ikwerenh apmer nhareny-rnemarl. Itnan ayteyikw-rnem ikwerenh, James, Joseph, Simon, Judas.
23818	MAT 18:22	Jesus-el renh tyernek, “7-inger-weny. Intem-antey atwerrey-angenh arrantherr anetyek, Akngey-kenh-angkwarr!
23992	MAT 23:5	Rernem tnakelheyel. Mwantyel arntarnt-arelhenherr-arey yanh-rnem-kety kwet arlpenty-akert-kety! Akngey-kenh pip-rnem rernem rlwewarl arertnelhem iyterlarr-apeny akwewarl-then, ingkerrenhel renh-rnem arayntetyek.
24024	MAT 23:37	Jesus-an amperrngirreyelpek Jerusalem-areny-rnemek. “Ayengan ikwer-rnem amperrngirreyel Jerusalem-areny-rnemek! Rernem Akngey-kenh angkakert-rnem atwek, Akngeyelarl ikwer-rnem thwenek. Rernem apwertel wemel, ipmew-antey atwek renh-rnem. Ayenganap ilkelhenh, renh-rnem ingkerrenh-antey arntarnt-arayntetyek. Ayengan ilkelhenh, renh-rnem ingkerrenh akarriletyek, tywek-tywekelarl akely-rnem akarrilem-apeny, aympelhel artemel. Alakenh-anyem. Arrangkwarl! Rernem ingkerrenhel ayenh artepelant arek!
24068	MAT 24:42	Mwantyel arntarnt-arelhenherr-arey! Arrantherr iterl-arey-angenh, ilenger Ingkart arrekantherrenh apey-alpeyenh.
24071	MAT 24:45	“Artwa ilkwa anyent anem warrkenh akngerrew-artey. Atwerrpan ra angkem ikwerenh-rnemek, ‘Ayengarl alhem-kety, arrantherran warl atyenh akarerl-ayntenherr-arey! Mpwelherl-anemel, ayengant apey-alpetyek-atety, arntarnt-arelhemel.’ Akngerr apmer ikwerel akarrirrem, amern akngerr inkwerelhemel amern kwenty arlkwerrem. Ingwa ikwerel-antey artwa ilkwa ra alpem warl ikwerenh-warl. Warrkenh ikwerenh-rnem atyek-antey anem, arntarnt-arelhem ikwer lyenenty-akert. Artwa ilkwan inkwerelhem, warrkenh ikwerenh-rnemarl atyek-antey ikwer mpwelhemek, rarl ilanthek-angkwarr. Ra renh-rnem ilem arrernelhetyek, rap amentel-antey amern-anem ampernem, rernem arlkwetyek.
24178	MAT 26:55	Jesus-el renh-rnem ilek, “Ilekekarl arrantherr apetyek irrtyertelan, ayenh arrantherr anterrkwetyekan? Nayp arlpenty-rnem-thenan, walth-rnem-thenan arrantherr akngetyek, ayenh atwetyek, ayeng apmwa atwey-angker-arrpantey! Akngerr-inger atha arrenhantherr akalty-anthenh angka Akngey-kenh, ilerl-anemel, Jew-rnem-kenh tyaty ilkwitwek. Arrantherr ayenh anterrkwemer ikwer-antey artwa akngerrel arenty-angkwarr. Arraty-wenyarl alakenh arrantherr ayenh anterrkwek.
24486	MRK 6:10	Jesus-el atherr-atherrarl amentew-ament ilek, “Mpwelanth alhem tawen-warl, warl anyentel-antey aney-alhenherr-atherr! Mpwelanth warl anyentelarl aney-alhenty-penh, mpwelanth tawen ingwer-warl-anemarl alhetyek.
24819	MRK 13:33	Mwanty-antey arntarnt-arelhenherr-arey! Arlta anyent ikwerel, anwantherr iterl-arey-angenh ilenger ayeng apetyem.
24871	MRK 14:48	Jesus-el renh-rnem ilek, “Ilekekarl arrantherr apetyek irrtyertelan, ayenh arrantherr anterrkwetyekan? Ayen arlpenty-rnem-thenan, walth-rnem-thenan arrantherr akngetyek, ayenh atwetyek, ayeng apmwa atwey-angker-arrpantey!
24957	MRK 16:15	Jesus-el renh-rnem thwenek. “Angka atyenh apmer arrpanenhek iley-ayntenherr-arey!
25097	LUK 3:3	Kel John-el angka Akngey-wenh awew, rap ilpay Jordan-el-antey alhenh, rap angka ilerl-apenh akngerr ingwer-rnemew alakenh: “Arrantherran amperrngerrenh-arey, apmwethey angkeperrenhey-alpenh-arey! Arrantherr iterrenh-arey, arraty-angkwarr Akngey-warl-athek anaynteyew! Akngey rap apmwa ingkerr arrewantherrenh irrarlkem. Atharl arrenhantherrenh baptise-emelem kwaty-warl, ingwer-rnemel areyew, arrantherr apmwewety angkeperrenty!” Alakenh-anyem John-el ingkerrenh ilenh.
25332	LUK 8:18	“Kel arrantherran atyeng mwanty awelh-ayntenh-arey! Akngey arrantherr awem iylparethel, rap arrenhantherrenh akalty-anthem, ilek-ilek iterl-areyew. Arrantherr ikwer awelhey-angenh, rap arrenhantherrenh akwerrngarl ilpertelem. Arrantherrap angkan ikwerenh iylpelerlewem-anem.” Alakenh Jesus angkew ikwer-rnem.
25543	LUK 12:15	Rap ingkerrew-anem angkew, “Arternp anemel awelhenherr-arey. Anketyerrerl-aney-angenh! Nthakenh arrantherr ampwal akngerrew inkwerelhey-angenh. Nthakenh ilek-ilekel arrenhantherrenh akngey-angenh Akngey-warl, arrangkw.”
25552	LUK 12:24	Angerl yanh-rnem arenh-arey. Rernem-alew? Rernem irrngwa ilkanthey-angenharl, amern atherrkeny lyapeyewan, arrangkw. Amern ampengerrenty, rernemap akalthemel iney-angenh, arrangkw. Rernem amern warl-warl-anem akwerney-angenh, ingwer-ingwer-anem arlkwaynteyew. Arrangkwarl! Akngey rant renh-rnem wantem, rarl ikwer-rnem athamerreman. Arrewantherranap ran athamerrem inngarl, nthakenh iwerl-alhey-angenh!
25556	LUK 12:28	Akngeyel arnwarnew ilek-ilek alpeyt-rnem atherrk-rnem-then. Aherretyel rernem arlenyerrem, anantherrap arrtyem-anem. Ra ingkerr arntarnt-arem, arrewantherr Akngey artewenty athamerrem, nthakenh iwerl-alhey-angenh! Artewenty iterrey-angenh, arnkwa akngerrel aylpaynteyew. Arrantherran Akngeyewan awelh-aynteyew. Irrtywerremel renh apentey-angenh!
25612	LUK 13:25	Warlew-arteyelarl arriw akenteyenh, ingwerenty nthakenh kwen aylpenhey-angenh, arrangkw. Arrantherr Akngey-warl-athek arraty aney-angenh-rnem, arrantherrap akethel rtnayntem. Arrantherrap arriwan rltar-atwerl-aneyenh ywarn-antey, ayernerl-aneyenh alakenh-anyem, ‘Atyetyartay! Arriw anewantherr altywerela!’ Warlew-arteyelan tyerneyenh, ‘Arrangkwaw! Athan arrenhantherrenh iterl-arey-angenh! Nthek-arenyarl arrantherran?’
25614	LUK 13:27	Ranap tyerneyenh arrpemarl, ‘Rwengk, athan arrenhantherrenh iterl-arey-angenh, ayenh apentey-angenharl! Atha apmer arrewantherrenh iterl-arey-angenh! Arrantherr irrtywerremel ayenh apentenh, apmwel-ayeth anemel! Alpenh-arey atyeng-wety!’
25621	LUK 13:34	Jesus-an amperrngerreyelpew Jerusalem-areny-rnemew. “Ayengan ikwer-rnem amperrngerreyel Jerusalem-areny-rnemew! Rernem atwew Akngey-wenh angkakert-rnem, Akngeyelarl ikwer-rnem thwenew. Rernem apwertel wemel, ipmew-antey atwew renh-rnem. Ayenganap ilkelhew, renh-rnem ingkerrenh-antey arntarnt-araynteyew. Ayengan ilkelhew, renh-rnem ingkerrenh akarreleyew, tywek-tywekelarl akely-rnem akarrelem-apeny, aympelhel artemel. Alakenh-anyem. Arrangkwarl! Rernemanap ayenh ingkerrenhel artepelant arew!
26032	LUK 23:28	Rap artepang aremel angkew ikwer-rnem, “Arelh Jerusalem-areny-rnemay! Atyeng artney-angenh arrantherr! Amenheng nhenh-areny-rnemew artnenh-arey!
26044	LUK 23:40	Artwa apmwa ingwerelan renh iltew. “Ipmelha, atherrelerl-aney-angenh! Nga atererremer Akngey-wety! Anantherr ilweyew-anem arwerl nhenh-rnemel!
26199	JHN 3:10	Jesus-el renh ilek, “Ngan akalty-anthenh-anthenh inngan Israel-areny-rnem-kenharl. Ntwa angka nhayneman iterl-arey-areny!
26507	JHN 8:57	Ikwer-penh Jew-rnemel Jesus tyernek, “Ngan artwamp-weny-antey! Nthakenh ntwa Abraham arek?”
26512	JHN 9:3	Jesus-el renh-rnem tyernek, “Menty! Artwa nhenh apmwangkwarr aney-angenh, amikw-then aynikw-then-antey, akelyank artwa aparrng anenh. Atha arrekantherr-itwek anngetherr mwerriletyek, arrantherr aretyek-awaty, ayeng rlterrk ilkwa Akngey-kenh-akert aneyel. Arrantherr rlwanty-anenherr-arey!
26583	JHN 10:33	Rernem Jesus ikwer irrpelthirrek, “Arrangkw. Nthakenh anwantherr ngenh atwey-angenh warrk ngkwenh-angkwarr. Ngan Ingkart-wenyarl. Ngan Akngey ilkwarrpantey irrtywerremel ilelheyel, anyent-angkwarr-arrpantey! Alakenh-they anwantherr ngenh apwertel wetyek!”
26641	JHN 11:49	Council-rnem artwa anyent itnan Caiaphas-arl. Ra ingkart atyetyart anenh tyaty ilkwitwek. Ra ingwer-rnem-warl angkek, “Arrantherr arwengkarl, iterl-arey-angenh!
26900	JHN 19:6	Tyaty ilkwa atyetyart-rnemel iltyemwerney-rnemel-then Jesus arek-penh, rernem arlkek, “Artwa renh atwetyek! Arwerl iylpeyl-atherr-warl renh tywenetyek!” Pilate angkek ikwer-rnem, “Menty! Arrantherrant renh arwerl iylpeyl-atherr-warl aylpar-arrernenherr-arey! Atha renh arrwekel-antey arrkernemel ayernek, ilek-ilek-angkwarr. Ran apmwangkwarr mpwarey-angenh, arlarl ra.”
26958	JHN 20:22	Ranem renh-rnem pewilek, angkemel, “Kel arrantherr Itnweng Rlwart-akert-anem!
26984	JHN 21:17	Jesus-el renh ayernek arrpemarl, “Simon-ay! John-kenh alerikway! Nganang atyeng artewenty ilkelheyel?” Jesus-el renh irrpety-inger ayernek-penh, Peter artwerrety-anem anenh. Ra Jesus-warl angkek, “Ingkartay! Ntwan ingkerrenh iterl-areyel. Ntwa ayenh kel iterl-areyel, ayeng ngkweng ilkelheyelarl.” Jesus angkek ikwer-warl, “Yep-yep atyenh-rnem arntarnt-arerl-aynta!
27218	ACT 7:33	Ingkartel-anem renh ilek, ‘Ngarl yanh rtneyel amek-amek-itwel! Pwet ngkwenh ingkety-they lhelha!
27348	ACT 10:20	Akemirra anamerl alhant ikwerenh-rnem-angkwarr! Atha renh-rnem ngkweng-warl thwenek.”
27498	ACT 14:15	“Artwernemay, aylernanth ahern-areny arrpemarl, arrekantherr-apeny. Aylernanth angka mwerr arrekantherr ilerl-apeyel. Irrtywerrey-angker altyerr ahern nhareny ipmay! Akngey iteth-warl angkepirrenhey-alpenherr-arey! Akngey ikwer-warl, rarl alker-then ahern-then kwaty alay-then arrpmernekarl, thip-rnem-then irrpeng kwaty-areny-rnem-then ingkerrenh-antey. Ingkerrenh anenh apatemel awank-akerr, Akngey iterl-arey-angenh. Aleyan Akngey ilkelheyel, ingkerrenh ikwer-warl angkepirretyek, altyerr irrtywerrey-angker apmwekety ipmelhetyek, renhant anyent iterl-aretyek.
27534	ACT 15:23	Kel rernem pip ingkwernek thwenetyek ikwer-atherr-angkwarr. Rernem alakenh ingkwernek pip-warl, Antioch tyaty-areny-rnemek, “Atyenh-rnem, Jesus-arl apenteyel-rnem akngerr, angkakert-rnem-then tyaty-areny atyetyart-rnem-then! Arrantherrarl Jew-weny-rnem, arrantherr Antioch tawen-itwek aneyel apmer Syria-el apmer Cilicia-el-then.
27689	ACT 19:35	Ikwer-penhan tawen-areny atyetyartel-anem akngerr akatelhilek, “Artwa Ephesus-areny-rnemay! Anantherr ingkerrenh akalty Artemis-kenh tyaty arraty arntarnt-areyel. Anantherr apwert aknganenty ikwerenh alker-theyarl aytnek arraty arntarnt-aretyek. Paul arlkarirrek, rernem altyerr anyent ikwerenh apentetyek, rernemarl arnwarnek.
27725	ACT 20:31	Aray, atha arrenhantherr akalty-anthek aherrety irrpetyek-atwety, artewentyel amperrngirrek artnemel Arrantherr mwantyel arntarnt-arelhenherr-arey!
27760	ACT 21:28	“Artwa Israel-kenh-rnemay! Artwa nhenhey ra, apmer arrpanenh-warl Moses-kenh angka apmwangkwarr ilerl-apeyel, apmwangkwarr ileyel warl nhenhek Paul-el Jew-weny-rnem atnwenhek Jew-kenh tyaty ilkwewarl, nthakenh alhey-angenh-warl.”
27807	ACT 23:5	Paul ilelhek, “Atyenh-rnemay, atha renh ywemek, alhengk-arey-angenh! Atyetyart ikwer Akngey-kenh angka aynteyel, atyetyartek apmwel-areth angkey-angenh.”
29674	1TH 4:4	Akngeyan ilkelhem, arelh Christian anaynteyew artwa anyentelant. Artwan irrkaty-angkwarr arrpemarl anaynteyew arelh anyent-akert. Nthakenh iwerrey-angenh! Arntarnt-arerr-aynteyew! Ingwer-rnem-apeny irrey-angenh, Akngey iterl-arey-angenh-rnem-apeny. Artwethen arelh-then rernem rakerrem.
29758	2TH 3:13	Arrenhantherrenh anantherr ingkerrenh-antey ileyel, “Warrk-wety ipmelherrey-angenh-antey! Intem-antey arraty anayntenherr-arey!”
29766	1TI 1:3	Aylanth anenh Ephesus-itwew-tangkwel. Ayengan Macedonia-el-anem aney-alpew. Apmer Ephesus-itwew artwa ilkwernem anenh tyaty-itwew, rernem angka apmwew akalty-anthenh. Atha ngenh ilew, arteny anaynteyew, ntnwa renh-rnem arratyel-aynteyew. Athap ngenh ilew, renh-rnem akeleyteleyew. Nthakenh rernem alakenh akalty-anthey-angenh! Atha ngenh ileyel pip nhenh-angkwarr: artwa yanh-rnem ilaw, apmwel-ayeth akalty-anthey-angenh!
29872	1TI 6:17	Tyaty-areny ingwer-rneman man akngerr-akertarl ilek-ilek-then akngerr atnyeneyel. Ntwan ileyew alakenh-anyem: “Arrantherr man akngerr-akert-rnem! Nthakenh arrantherr nakelhey-angenh man akngerr-akert. Man apek arrangkw ywerrewerr. Man yanhanap ahern nhenh-arenyarl, nthakenh ngenh iteth atnyeney-angenh aleth. Arrantherran iterr-aynteyew Akngeyewant anyentew ikwerant. Rant anyentel ilek-ilek mwerr-angker anthem.
30607	2PE 3:18	Alakenh-anyeman mwerr-aytengarl: Jesus iterl-araynteyew mwerranty. Awelh-aynteyew ikwer, akaltyerr-aynteyew ikwer, arrer-apeny anaynteyew ikwer-itwew. Ra athamerreyel arrewantherr. Ya, alakenh-anyeman aletharl angkey ipmelhey-angenh: “Akngey nakaynteyew! Rant arawerrng ilkwakert ingwer-rnem-angkwarr! Ran mwerr-angker aneyel anewantherr!” Kel-antey.
30790	REV 2:5	Arrantherr artewenty atyeng ilkelhenh-tangkwel. Iylpelerrey-angenh-anem! Arrantherran atyeng iterrey-angenh-anem ingwer-rnemew-then. Angkeperrenh-arey artnemel apmwewety atyeng-warl-ilwengk, ayeng arrewantherr-warl alhewerr, rakerl-alpeyew ampwal arlpenty weth lherrm-akert. Irrkaty-angkwarr anayntenh-arey, arrantherrarl arrwekel-antey anenh-apeny.
30792	REV 2:7	Arrantherran iylpakertarl! Awelhenh-arey mwanty-antey, Inweng Mwerr-angkerelarl ileyel-angkwarr Akngey-wenh-rnemew! Ingwerenty rlterrk apek rtnem arrenty-wenh-angkwarr-wety, rap alhewer alhem apmer atherrkeny-warl irrwerl. Apmer ikwer-itwewan arwerl anyent rtneyel itetheley-angker. Ingwerentyel arlkwem amern mwerr-angker ikwerenh, atharl Jesus anthem, rap iteth-anem anem intem-antey.’” Angka nhenhan antyerl ikwer, Christian Ephesus-areny-rnemarl arntarnt-areyelew.
30796	REV 2:11	Arrantherran iylpakertarl! Awelhenh-arey mwanty-antey, Inweng Mwerr-angkerelarl ileyel-angkwarr Akngey-wenh-rnemew! Ingwerenty rlterrk apek rtnem arrenty-wenh-angkwarr-wety, rap nthekwern ampey-angenh rwa ilkwitwew, intemarl ampeyel-itwew, arrangkw.’” Nhenhan angka antyerl ikwer, Christian Smyrna-areny-rnemarl arntarnt-areyelew.
30802	REV 2:17	Arrantherran iylpakertarl! Awelhenh-arey mwanty-antey, Inweng Mwerr-angkerelarl ileyel-angkwarr Akngey-wenh-rnemew! Ingwerenty rlterrk apek rtnem arrenty-wenh-angkwarr-wety, athap renh anthem amern alker-areny itnan manna. Aleyan amern nhenhan nthakenh arey-angenh, athap anthem ingwerentyew, rernemarl ayenh apenteyelew. Athap renh anthem apwert arlter alyelk. Athap apwert ikwer-warl itnanem ingkwernem, itna ingwer-anem. Ingkerrel itna renh iterl-arey-angenh. Apwert arlter alyelkew-arteyel rant iterl-arayntem.’” Nhenhan angka antyerl ikwer, Christian Pergamum-areny-rnemarl arntarnt-areyelew.
30810	REV 2:25	Iylpelerrey-angenh-antey! Apent-ayntenh-arey atyenh-angkwarr ipmelhey-angenh-antey, atyeng mpwelhemel, ayengarl apey-alpeyenhew.
30825	REV 3:11	Ya, ayengarl ingwer-ingwer apey-alpeyenh-wety! Arraty-angkwarr-antey ayenh apent-ayntenh-arey, aleyan arrantherr aneyel-angkwarr-apeny. Athap mwerr-angker anthem arrewantherr. Arrantherr apek ayenh apentey-angenh, atha nthekwern mwerr-angker anthey-angenharl. Athan ingwerentyewantarl anthem.
30877	REV 6:16	Rernemap arlkenh apwert-rnemew alakenh: “Aytneyew anantherr-warl, irrtyert-akwerneyew weth-atherr-wety! Yanharl chair mwerr-angker ilkwitwew aneyel-wety irrtyert-akwerneyew, ra arewerr! Yep-yep akely-wety-then irrtyert-akwerneyew, rarl anewantherr ahelerreyel, atwewerr ipmew-antey!
30888	REV 7:10	Rernemap aylelherrenh artewentyel alakenh-anyem: “Akngeyay! Ngant anyent aneyel chair ilkwa atyetyart-wenh-itwewan! Ntwethenant yep-yep akelyel-thenant mpwelak anenhantherrenh itethelem ipmewetyan!”
30908	REV 8:13	Athap irrwerl itnywenew, irretyarl alkerelerrenh. Rap arlkenh alakenh artewentyel: “Pwertay! Pwertay! Pwertay! Ayengan amperrngerreyel arrewantherr ahern-areny-rnemay! Antyerl ingwer irrpety yanh-rnem-alew? Rernem-anemarl terampet-rnem angkelh-angkelheleyenh. Irrpety-inger ilek-ilek apmwa aynteyenh ahern-itwew!”
30981	REV 13:4	Rernemap ingkerrenh kwenerrenh apal rtnwem ikwer, Akngey inngewarl-arrpantey, rtnwemel rarl arawerrng ikwerenh anthew arraylenty ikwer. Rernem ingkerr kwenerrenh arraylenty ikwer-warl, nakemel alakenh, “Arraylenty ran rlterrk inngey ingwer-rnem-angkwarrarl! Nthakenh renh ingwerentyel ipmew atwey-angenh!”
31072	REV 18:10	Arleng-they rernem apmwa yanh arerl-aneyenh. Rernemap atererreyenh, nthakenh arrer-apeny alhey-angenh, Akngeyelarl renh-rnem arrtyewerr arrpemarl. Artewenty inngey rernem artneyenh alakenh angkemel: “Atyewey pwertay! Irrepern-rnem Babylon-areny-rnemay! Ywerrelheleyenh ingkerrenh-antey! Rernem anenh atyetyart-tangkwel, aleyan arrangkw-anemarl! Tawen ikwer-rnem-wenh ilkwa rlterrk anenh! Artwa army-areny akngerrelan tawen renh arntarnt-arenh! Aleyan Akngeyel anamerl-antey tawen renh ywerrelheleyenh-anem!”
31082	REV 18:20	Irrwerl-areny-rnem arrantherran inkwerelhenh-arey-anem! Apmer apmwa yanh arrangkw-anem! Inkwerelhenh-arey-anem Akngey-wenh-rnemay! Inkwerelhenh-arey-anem kwertengerl Jesus-wenh-rnemay! Inkwerelhenh-arey-anem artwa angkakert Akngey-wenh-rnemay! Babylon areny-rnemelan arrenhantherrenh atwenh, pwarrk ilkwa anthemel. Aleyanap Akngeyel renh-rnem angkep atwew irrkaty-angkwarr.”