1634	EXO 5:1	Ikwer-penh Moses-then Aaron-then Pharaoh-warl alhek, ratherrap angkek, “Anwernantherr Israel-kenhel-rnem apentem INGKART renh, Akngey anwekantherrenh. INGKARTel ngenh ilem alakenh, ‘Arrngert angkey-angenh Israel-kenh-rnemek. Tyarlewetyek renh-rnem, rernem alhetyek apmer arlpaw ikwer-warl. Kwenty rernem arlkwetyek, aker tyenkerr atyeng anthemel!’”
1748	EXO 9:5	Arraty, INGKART angkek atyeng, ‘Ingwelarreng atnwenth-rnem Egypt-areny-rnem-kenh ingkerrenh ilwenherrem!’”
1980	EXO 16:32	Moses angkek-anem, “INGKARTel ilek, atha amern mana arrernetyek tyampit ilkwewarl, intem-antey atnyenetyek, ampernemel renh arayntetyek aleth-antey. Amern renh arenty, rernem iylpangkerl-ayntetyek, INGKARTelarl arrwekeleny-rnem atnwenhey-alpek Egypt-they, ra amern irrkaty renh anthenh apmer arlpaw-itwek. Ampernem rernem alakenh angkenty, ‘Ay! Amern irrkaty!’”
2030	EXO 19:3	Moses apwert ikwer-warl nganenhek, Akngey awetyek. INGKART apwert irrwerl-they Moses-ek arlkek, “Alakenh-anyem nga angketyek Israel-kenh-rnemek Jacob-kenh-rnemek.” Ra angka Moses-ek ilek. Kel Moses apwert-they atwarrenhey-alpek. Ra artwamp-rnem akarrelek, rernem angkerretyek. Ra ikwer-rnem ilek, “Alakenh INGKART arrekantherr angkeyel, ‘Arrantherr INGKART ayenh arek, atha Egypt-areny-rnem atwek. Arrantherr iterl-areyel, atha arrenhantherr Egypt-they atnwenhey-alpek. Atha arrenhantherr mwerr-angkwarr atnwenhey-alpek apwert nhenh-warl atyeng-warl. Atha arrenhantherr arntarnt-arenh, irretyelarl akwerrk ikwerenh arntarnt-arem-apeny. Alakenhaym atha arrenhantherrenh arntarnt-arenh. Mwerranty atyeng awelhenherr-arey, angka atyenh-rnem mwerr-angkwarr apentemel. Ingkerrenh apmer arrpanenhel aneyel-rnem, atyenh ingkerrenh. Arrantherr Israel-kenh-rnem atyeng awelhenty, atha arrenhantherrenh ayerrpelem, arrantherr atyenh ingkerrenh anem impen mwerr-rnemarl. Arrantherr atyengant awelh-ayntetyek apenterl-ayntetyek. Arrantherr ingkerrenh ingkart-rnem anetyek, atyengant warrkirr-ayntetyek intem-antey. Israel-kenh-rnem arrantherr ingkerrenh atyeng-angkwarr mwerr-angkwarr anayntetyek!’”
8494	2SA 18:13	Atha apek renh ipmew atwem, aynikw ikwerenhel anamerl-antey awem. Ran ingkerr iterl-areyel, rap ayenh-anemarl atwewerr ipmew. Ntwa apekan ayenh alpemeley-angenh, alakenh angkemel, ‘Ayengan arlarl! Ayengan ingwerarl!’”
23875	MAT 20:14	Man ngkwenh inerl-alha, akngeynemel apmer-warl. Atha renh-rnem man ilkwa antheyel mwerr-angkwarr. Ilek-they ntwa alharlkwek artwa ingwer-rnem, atharl man akngerr anthek? Man ilkwarl atha alhewer payemelem!’”
24645	MRK 9:38	John angkek, “Artwa anyent ingwerel arrenty irrentek itna ngenh-apeny itnewemel, rlterrk ngkwenh-akertel, arrenty-rnem irrentetyek. Anwernantherr renh iltek, ‘Nga ipmelha, ngan ingkart-wenyarl, anwernantherrarl ingkart inngan!’”
25646	LUK 14:24	Rap angkew-anem akngerrew warl ikwer-itwew, ‘Awelhenh-arey atyeng! Ingwer-rneman atha ilew arrwekel-antey ywarn. Rernem ayenh nyerrel anthew. Rernemap nthakenh amern atyenh arlkwey-angenharl, arrangkw!’” Jesus-elan angka nhenh ilenh, artwa ilkwel-rnemarl angka Akngey-wenh inwerlewenh. Nthakenh rernem ikwer-itwel aney-alpey-angenh.
25770	LUK 18:13	Artwa apwert akarreley-angker ranap nyerrerremel arleng innga rtnenh. Ran ilkelhew, angkeperreyew Akngey-warl-athek. Rap kwenerremel alakenh angkew, ‘Akngeyay, amperrngerra atyeng! Ayengan apmwa innga!’”
26033	LUK 23:29	Ya, pwarrk antheyenh rernem ayenh artewenty innga. Ingwer-ingwer arrewantherr Jerusalem-areny-rnemew apmwernemel pwarrk ilkwa innga antheyenh. Arrantherrap angkeyenh, ‘Arelh ampeweny-rneman inkwerelheyel. Arelh ampernem-akertan amperrngerreyel-anem, apmwernemelarl ampa ikwer-rnem-wenh atwew.’ Arlta ikwerel arrantherr apwert ilkwernem-warl anterreyenh. Arrantherrap rtneyenh apwert impalth-itwew, angkemel Akngeyew, ‘Artwa ahawarr-rnemelan ipmew atwewerr, apwert nhenh-rneman ntwa arrewelhela, anewantherr-warl aytneyew, anenhantherrenh ipmew lthweyew!’”
26147	JHN 1:34	Athanem renh anngetherr arek, ayeng ikwer akaltyan, artwa Akngey-kenh alerikw rarl!’”
26915	JHN 19:21	Atyetyart ilkwa tyaty-areny rernem pip renh arek arwerl-itwek, rernem angkey-alhek Pilate ikwer-warl, “‘Atyetyart Jew-rnem-kenh’ ingkwerney-angenh. Alakenh ingkwernetyek, ‘Jesus Jew-rnem-kenh atyetyart ilkwarrpantey ilelhenh!’”
29757	2TH 3:12	Anantherrap renh-rnem ileyel pip nhenh-angkwarr, “Jesus-arl angkeyel-angkwarr, ‘Arratyerreyew! Warrkerr-aynteyew intem, amern inaynteyew!’”
31008	REV 14:13	Ingwerenty-anem atha awew, irrwerl-they angkerl-anenty, “Alakenh ingkwerna pip-warl! ‘Ingwer-rnem Jesus-arl apentenh-rnem, rernem iteth-tangkwel anenh ahern-itwew, rernemap ilwew-anem. Aleyanap rernem iteth aneyel inkwerelhemel!’” Inweng Akngey-wenhel ran awew, rap tyernew, “Ya innga! Akngeyel iterl-areyel, rernem artewenty ikwer warrkerrenh. Rernem ltyerremel ikwer-itwel aney-alpeyenh intem-antey.”