67	GEN 3:11	Akngey INGKART angkek, “Nthakenh mpwelanth iterl-arelhek, mpwelanth arnkweweny anenhan? Ntwa amern-angketyarr ampep-itwek arwerl anyent-penh arlkwek apek?”
86	GEN 4:6	INGKARTel Cain renh ilek, “Ilekek ngarl aneyel artwerretyan?
366	GEN 15:5	Akngeyel renh atnwenhek aketh-warl. Ra renh ilek, “Alker-warl itnywena! Antyarr-rnem ntwa areyel? Ntwa count-em-anem renh-rnem ila! Ngkwenh-rnem antyarr ilenh-rnem-apeny akngerrirreyenh.”
415	GEN 17:17	Abraham ra ilperr ayntek arrpemarl. Ra irrpelthirremel atherrek, “Nthakenhan artwa aherrety 100-kenh ampa atnyenetyek? Sarah-el nthakenh ampa atnyeney-angenh aherrety 90-el?”
438	GEN 18:13	INGKARTel Abraham ilek, “Nthakenhek Sarah angkek atherremel-anem, atyeng irrpelthirreyel? Ayengan INGKARTarl, ampa innga atha anthey-angker!
448	GEN 18:23	Abraham-el INGKART renh ayernek, “Artwa apmwernem ntwa atwenty, artwa mwerr-rnem ntwa atwem arrpemarl? Arlernem-alew?
452	GEN 18:27	Abraham angkek, “Ayengan ahern-arenyarl. Nthakenharl artwa 45 mwerr-rnem arentyan? Ntwa tern ilkwa yanh ywerrelhilemel atwetyek?”
455	GEN 18:30	Abraham angkek, “Nga atyeng ahelirrey-angenh, INGKARTay. Nthakenharl artwa 30 mwerr-rnem arentyan? Ntwa tern ilkwa ywerrelhilemel atwetyek?” INGKART angkek, “Atha apek artwa mwerr-rnem 30 arentyel, atha apmer Sodom renh ywerrelhilemel atwey-angenh.”
470	GEN 19:12	Ratherr Lot ikwer angkek, “Ngkwenh-rnem apek apmer nhel aneyel? Alerengkw-rnem-then. Ingkerrenh apmer nhenh-they akngeyna, aylanth apmer nhenh atwem-kety. Aylanth apmer nhenh atwem, rernem apmwangkwarr alheyel-kety.”
531	GEN 21:17	Akngeyel awey renh awek, rarl artnek. Akngey-kenh angel-el irrwerl-they arlkek, “Hagar, ilekek nga artneyel? Aterirrey-angenh. Akngeyel awek, awey rarl artnek.
555	GEN 22:7	Awey rap apatey-alhek, “Aker nthenharl ngkwenh tyenkerrew? Yep-yepew?” Abraham renh-anem ayernenh. Awey apatenh-anem. Abraham-anem ikwer angkenh, “Akngeyelarl tyenkerr anthem.”
576	GEN 23:4	“Ayengan alethang. Nthenhek atha anew atyenh arrewaly akwernem? Apmer mwerr ngay ntwa akely atyenh anthem?”
577	GEN 23:5	Rernem angkek, “Ngarl Atyetyart ilkwan intey nthenhek ngarl arlkwententyelan? Kel, ntwa intey yanhek anew ngkwenh arrewaly akwerna.”
615	GEN 24:23	Warrkenh ra ayernek, “Angwenh aynengkw ngkwenhan? Warl arlpimp ngkwenhan aynteyel, anwantherr ayntetyek?”
761	GEN 27:33	Ikwer-penhan Isaac artewentyel arrewemel iterrek. “Angwenhelarl aker arrwekel-antey akngetyek? Atharl arlkwek, mwerr ayeng angkek, atharl arrwekel alhelek-anemarl renh, kel-antey. Kel, yanhey-antey atha ilek.” Artwampel ilek.
801	GEN 29:5	Jacob-el renh-rnem ayernek, Arrantherr iterl-areyel Laban apek, Nahor-kenh arrengikw? Kel, anwantherr renh iterl-areyel, rernem renh ilek.
802	GEN 29:6	Rap renh-rnem ayernek, Ilek-apenyarlap ran? Kel, ra mwerr, rernem renh ilek. Alerikw ikwerenh Rachel apetyeyel apmer nhenh-warl yep-yep-rnem-akert.
862	GEN 30:31	Laban-el renh ayernek, “Ilek atha ngenh antheman, nga nhel atyeng-itwel anetyek? Ilek-angkwarr ngkweng mwerran?” Jacob-el renh ilek, “Kel menty, man-weny. Ngkwelty ntwa ayenh antheyang. Yep-yepel-then nanikwetel-thenant ntwa ayenh kwartewa.
910	GEN 31:36	Jacob ra ahelarl irrekel, Laban renh iltek, “Ilekekarl ntwa ayenhan itwengetilek, atha ampwal-rnem irrtyert-inenty-arrpantey? Atha anyelkel ingkart-arrpantey renh-rnem akngey-alpenty-arrpanteyan. Ayeng arlarl, atha renh-rnem akngey-alpeyangarl. Ilek ntwa ayenharl alwerneyel?
1094	GEN 37:10	Ra aynikw ilek, rarl altyerr renh arek. Aynikw ikwer ahelirrek. “Ilekarlap ran alakenh aynteyel? Ayeng amengkw awayengkw-rnem-then ngkweng kwenirretyek Atyetyart-apeny?”
1254	GEN 42:1	Jacob-el awek ntang weyt-angketyarr apmer Egypt-itwek, angkemel, “Ilek arringkerr apatemel aneyel?
1318	GEN 43:27	Joseph-el renh-rnem ayernek, “Mwerrang arringkerr? Artwa ampwalew arrekingkerrenh? Iteth-antey ra aneyel?”
1320	GEN 43:29	Joseph-el ayteyikw ikwerenh akely arek, rap renh-rnem ayernek, “Nhenhang aytey arrekingkerrenh ran? Artwa nhenhang aytey arrekingkerr ran, arringkerr renh atyeng-warl ilenhan.”
1329	GEN 44:4	Artwernem arrerenty-antey alpenh, Joseph-el warrkenh ikwerenh ilanthek, “Anterrkwetyek alha. Anterrkwentyelan renh-rnem ayernem, ‘Angwenhel irrkwa thilp-penh antywey-angker atyenh anyelkel inek irrtywerremel? Nhenh ikwerenh impen inngarl antywey-angker, akaltyiley-angker ikwerenh, ngangker-apeny. Arringkerr apmwel-areth mpwarek, ampwal atyenh anyelkel inerl-alhemel.’” Warrkenhel inngantey renh-rnem arey-alhek angath-antey alperl-anenty.
1542	EXO 1:9	Ingwer-ingeran Pharaoh ikwerenh-rnemek apatemel angkek, “Nhak arenherr-arey, Israel-kenh-rnem! Akngerr innganem irrek! Nthakenh anwantherr irrem?
1568	EXO 2:13	Ingwepenh Moses alhek angkep irrkaty-warl Israel-kenh warrkenh-rnem-warl. Artwa Israel-kenh-atherr ra arek, ilterrenharl. Artwa anyentel ra atwek artwa anyent ingwer. Moses-el renh iltek, “Ay! Ilekekarl ntwa artwa yanhan atwek? Apmer anyent-areny-atherran innganem atwerreyel!”
1569	EXO 2:14	Artwa ra tyernek, “Nganang atyetyartarl? Angwenhel-anem ngenh arrernek, nga atyetyart anwekantherr anetyek, anwenhantherr ilayntetyek? Ayenh-anem ntwa atwetyek, wetharl ntwa atwek-apeny apmwerrkel?” Atwekarl-kety Moses aterirrek. Ra iterrek, “Ilekay? Nthakenhay? Akngerrel ayenh iterl-areyelarl, atharl atwek wenh!” Moses-arl aterel anterrek apmer arleng-warl, apmer Midian-warl. Pharaoh-el awek-penh ra iltyemwerney-rnem ilanthek, Moses atwetyek. Iltyemwerney rernem alhek, ywarn-antey ikwer nthwenh. Midian-ampeny-itwek Moses aney-alhek kwaty ngentyel.
1575	EXO 2:20	Jethro-el ayernek, “Nthenharl artwa ran? Ilekarl arringkerr iwerl-alhekan artwa renhan? Kel artwa renh ikngwetyek alhenherr-arey. Ra apetyetyek, amern arlkwetyek.” Kel rernem ikngwerl-alpek Moses renh.
1583	EXO 3:3	Moses iterrek, “Ay! Ilekarl nhan? Alperran atherrk-anteyarl ampey-angenharl! Arrer-warl alhey, atha aretyek.”
1593	EXO 3:13	Moses-el Akngey ayernek-anem, “Ayeng ikwer-rnem-warl alhenty, alakenh ayeng angkenty, ‘Akngey rey-anteyarl ayenh angkakert thwenek arrekantherr-warl, Akngey weth arrwekeleny-rnemel awank-akerr apentenh.’ Rernem irrpelthirremel ayernekerr, ‘Angwenhel ngenh thwenek? Ilek-apenyarl ran wenh, itnan ilekarl ra?’ Nthakenh atha iley-alhem?”
1635	EXO 5:2	Pharaoh arrkngert angkek, “Ay! Angwenharlap ran? Athan INGKART iterl-arey-angenharl! Ayengan ikwer awelhey-angenharl! Athan Israel-kenh-rnem tyarlewey-angenharl, arlpaw-warl alhetyek, arrangkwarl!”
1637	EXO 5:4	Pharaoh angkek-anem Moses ikwer-atherr, “Ilek-kety mpwel Israel-kenh-rneman warrk-kety akngem wenh? Warrkan impenarl! Rernem akngerrarl! Warrk-kety mpwel arrkngert angkeyel! Iley-alpenherr-atherr ikwer-rnem-warl, ‘Arrantherr warrkirr-ayntetyek!’”
1648	EXO 5:15	Atyetyart Israel-kenhel-rnem Pharaoh renh ayerney-alhek, “Irrepern anwernantherr! Ilekekarl nga ahelerrekan anwernekantherr? Anwernantherr warrkenh-rnemarl ngkwenh. Ilekekarl atyetyart Egypt-areny-rnemel anwernenhantherr atweyelan?
1737	EXO 8:22	Moses-el tyernek renh, “Nthakenharl alakenhan? Anwernantherr pwelek-rnem atwemel, ampernenty, INGKARTek anthenty, Egypt-areny-rnem, ahelerrekerr anwernekantherr. Rernem iltenty apek, ‘Ilekek arrantherr pwelek-rnem atweyel? Impen anwernekantherr! Anwernantherr kwenerrem ikwerek altyerr-rnem!’ Ikwer-penharl rernem apwertel anwernenhantherr wekerr, ipmek atwekerr.
1788	EXO 10:10	Pharaoh Moses-warl angkek, “Arrangkwaw! Athan arrenhantherr tyarlewenty arelh-rnem-then ampernem-then-angkwarr, arrantherrap apey-alpekerr, atwetyek anenhantherr ingkerr Egypt-itwek. Mwanty atyeng awelhenherr-atherr, ament iylpelant awey-angenh. Ayeng mwerr-weny arrekantherr anem. Arrantherr arelh-rnem ampernem-then atnwenheynetyek apek? Arrangkwaw! Nthakenh atha renh-rnem tyarlewey-angenh.
1822	EXO 12:5	Yep-yep ilek-apeny arrantherr rlwanem wenh, arlkwetyek? Yep-yep ampwerrk aherrety anyentel ilkwerrek irrwey mwerr-angker rlwanetyek, alyelk inngarl. Yep-yep-wenyelan nanikwet irrwey akely rlwanenherr-arey.’”
1843	EXO 12:26	Ingwer-inger aler arrekantherrenh alakenh ayernenty, ‘Ilekekarl aker tyenkerr yep-yep anwantherr arlkweyel? Ilekekarl yep-yep anwantherr atweyelan alakenh?’
1905	EXO 14:15	Ikwer-penh INGKART angkek Moses-warl, “Ilekek ntwa atyeng arlkeyelan wenh? Israel-kenh-rnem ila, kwaty alay Apenng-angketyarr-warl alhetyek.
1945	EXO 15:24	Israel-kenh-rnem Moses-ek tyel-angkenh, “Kwaty mwerr-weny wenh! Arrngeynparl wenh, nthakenh anwantherr antywey-angenhan! Nthenharl kwaty mwerran antywem wenh? Nthenharl wenh?”
1976	EXO 16:28	INGKARTel ilek Moses renh, “Ay! Nthakenh arrantherr irreyelan? Atharl arrenhantherr ilek-angkwarr! Atyeng awelhey-angenharl arrantherr, apal nthwenh!
1986	EXO 17:2	Rernem Moses ikwer ahelerrek, renh ayernek, “Kwaty-wenyarl arrangkwarl! Kwaty anwenhantherr antherl-ayna wenh, anwantherr antywetyek!” Moses ikwer-rnem angkek, “Ilek arrantherr atyeng ahelerreyel? Ilekek arrantherr INGKART arrkerneyelarl? INGKART-angkwarr apek arrantherr apentey-angenh! Arrantherr iterreyel apek, INGKARTel anwenhantherr iwerl-alhenty-arrpantey! Arrantherr iterreyel apek, INGKART rlterrk-weny, nthakenh ra anwenhantherr arntarnt-arey-angenh! Arrantherr alakenh iterrenty, INGKART arrekantherr ahelerrem!”
1987	EXO 17:3	Rernem angkethakw-anem irrek, kwaty-wenyel. Rernem Moses-ek aleth-antey tyel-angkerrenh. “Ilekek ntwa anwenhantherr Egypt-they atnwenhey-alpek wenh arlpaw-warlan kwaty-weny-warlan? Ilekekarl ntwa anwenhantherrenh ampernem-then, atnwenth-rnem-then nhenh-warl atnwenhey-alpek, aherrety inngewarl wenh? Anwantherr ingkerrenh ilwenherretyek arlpawel, kwatyek arrangkw-itwek wenh! Ilek-anem anwantherr antyweman?”
1988	EXO 17:4	Moses INGKARTek arlkek, “Nthakenh atha nhenh-rnem ileman? Rernem atyeng awelhey-angenh. Rernem apwertel ayenh wekerr, ipmek atwekerr!”
2014	EXO 18:14	Jethro-el arek, Moses rarl alakenh angka arratyilenh. Ra angkek, “Nthakenh nga irreyelan? Ilekek ntwa angka arratyileyel amentelan, aleth-antey ngenh ayernem, ingwepenh-they atwerrpek-atwety ingkerrenhel?”
2440	EXO 32:1	Moses apwert Sinai-itwek arleng-alenty anenh-antey. Israel-kenh-rnem alhek Aaron-warl, rernem renh ayernek, “Ayteyengkw Moses-alew? Nthakenh ra irrek? Ilek-kety ra apey-alpey-angenh? Artwa rarl anwenhantherr Egypt-they atnwenhek. Ilwek apek ra. Aaron-ay! Ilengem ntwa anwekantherr mpwara arwerl-penh apek, apwert-penh apek, ra altyerr anwekantherr anetyek. Ra ilayntetyek apek, nthenh-angkwarr anwantherr alhetyek.”
2462	EXO 32:23	Rernem atyeng angkek alakenh, ‘Ayteyengkw Moses nthakenh irrek? Ilek-kety ra apey-alpey-angenh? Artwa weth ra anwenhantherrenh Egypt-they atnwenhey-alpek. Ilwek apek ra. Aaron-ay! Ilengem ntwa anwekantherr mpwara arwerl-penh apek apwert-penh apek, ra altyerr anwekantherr anetyek. Ra ilayntetyek apek nthenh-angkwarr anwantherr alhetyek.’
7141	RUT 1:12	Ya, apmer-warl-anem alpetyek. Ayengan arelhampw-anem, nthakenh itengerrey-angenh-anem. Anherrey-atherray, arwa angkeyel-anem. Ayeng apek lyert ingwel artwitwel intengerrem, ikwer-penh ingwer-ingweran awey atherr-anem atnyenemel. Nthakenh-anem irrem?
7150	RUT 1:21	Atharl apmer nhenh iwerl-alhek awank-akerr, atha ilek-ilek atnyenek. Aleyan INGKARTel ayenh arrangkw akngey-alpek. Ilekek ayenh Naomi antweyel? Akngey Atyetyart Ilkwa Ingkerrenhel atnert ayenh apmwelek. Ayengan amperrngerreyel-antey.”
7170	RUT 2:19	Naomi-el ayernek, “Nthenh-itwel ntwa ntang akngerr akwetyerl-alpek? Katen angwenh-kenh-itwel nga warrkerrenh? Artwa yanhan atham-atham ngkweng anenh. Athan Akngey ikwer katy ayernem, mwerr ikwer anetyek arrpemarl, renh irrngerney-anthetyek.” Ruth-elan angka ikwer ilek artwakert, katen antywer parley-akertek-artweyarl. Rap angkek, “Artwa katenek-artwey itnan Boaz.”
7186	RUT 3:12	Yew, ayeng akwerrk Naomi-kenh anewikw-kenh aneyel. Ikwer-artwey anyent ngkweng itengerremer. Artwa ingweran apek ngkweng itengerremer ayeng-mernt? Kakey atyenh apek? Remernt apek ngkweng itengerrem, ngenh arntarnt-aremel?
7222	1SA 1:8	Mpwernikwan ikwer angkenh, “Nthakenh ngan irreyel? Artney-angenh. Arlkwemer ntwa. Arlka apmwa aney-angenh. Ampa irrwey atnyeneyew iterrey-angenh artewenty. Ayengan ngkweng ilkelheyel artewenty!”
7228	1SA 1:14	rap angkew, “Ilekew nga terangkan apetyew? Ngkwarl yanh iwa!”
7240	1SA 1:26	Hannah angkew ikwer, “Artwampay, ntwa ayenh iterl-areyel apek? Awank-akerr ayengan rtney-alhenh ngkweng-itwel, artnemel angkenh INGKART-warl.
7265	1SA 2:23	Rap angkew ikwer-atherr, “Akngerrel ayenh ileyel, mpwelarl apmwa innga mpwareyel. Ilekew mpwel alakenhan apmwelheleyel?
7286	1SA 3:8	INGKART arlkew arrpemarl, “Samuel-ay!” Rap akwentew, Eli-warl arrpemarl anterremel angkey-alhew, “Yew! Ilekay? Nga atyeng arlkew.” Artwampel iterl-arew-anem, INGKARTarl arlkenh ikwer,
7302	1SA 4:3	Israel-wenh-rnemarl alpew angkep apmer ikwer-rnem-wenh-warl, artwamp-rnem ayernerrenh, “Ilek-wety INGKARTel renh-rnem tyarlewew, anewantherrenh-rnem atweyew? Apmer Shiloh-warl alhey, box impen Akngey-wenh inerleweyew. Anantherr box renh atnyeneyew atwerrentyeng-arey Philistia-areny-rnem-then. Akngeyelan anenhantherrenharl alpemelem.”
7305	1SA 4:6	Philistia-areny-rnemel awew, rernemap ayernerrew, “Nthakenh irreyel? Ilekewarl Israel-wenh-rnem arlkalhelerrew?” Rernemarl awew, Israel-wenh-rnemel box impen Akngey-wenh atnyeney-alpew,
7312	1SA 4:13	Eli-an artwamp innganem, 98, aparrng-anem. Ra anenh arriwel arntarnt-arelhemel, chair-el anerl-anemel. Ra atererremel iterrew artewenty, apmwa innga ayntewerr box impen Akngey-wenh ikwer. Artwa rarl apmer-warl aremerrenhew, angka apmwa ilerl-apenh, akngerran artnalhelerrew-anem. Eli-el awew, rap arlkew artwa ikwer, “Nthakenh irreyelay? Ilekewarl akngerr artnalhelerreyel alakenhan?”
7452	1SA 11:5	Saul-an apal warrkerrenh katen-itwew. Rarl apey-alpenh pwelek atherr-akert, rap awew artnalhelerrenharl. Rap ayernew, “Nthakenh irreyelay? Ilekew akngerr artnalhelerreyel?” Rernem renh ilew, angkakert-rnemelarl ilew-angkwarr.
7581	1SA 15:19	Ilekew nga awelhey-angenh ikwer? Ilekew ntwa apmwa mpwarew INGKART-wenh-angkwarr? Ra ngkweng ahelerrew, ntwarl inew ilek-ilek ikwer-rnem-wenh.”
7598	1SA 16:1	Ingwer-ingweran INGKART angkew Samuel-ew, “Samuel-ay! Saul ra atyetyart apmwanem. Athan renh alpemeley-angenh-anem. Ilekew nga amperrngerreyel ikwer? Pweterl anter alip-akert ina. Alhanem, artwamp Jesse areyew apmer Bethlehem-itwew. Alerikw anyent ikwerenh atha rlwanew, atyetyart aneyew, menty-anemarl Saul-an.”
7601	1SA 16:4	Samuel awelhew, INGKARTarl angkew-angkwarr, rap anperl-alhew-anem Bethlehem-warl. Ra aremerrey-alhew apmer ikwer-itwew, artwamp-rnem arnekerrey-ayntew ikwer, arrewemel atererremel. Rernemap ayerney-ayntew, “Nga apetyew, angka mwerr-angker ileyew? Arrangkw apek?”
7628	1SA 17:8	Arlta arrpanenhel ra alhenh ampep-warl, arlkey-alhenh atayel Israel-wenh-rnemew alakenh, “Israel-wenh-rnemay! Ilekew arrantherr mpwelheyel? Arrantherr ahawarr-arrpantey! Ayenh arenh-arey! Ayengan ahawarr inngarl Philistia-areny! Arrantherran arwa Saul-wenh warrkenh-rnem! Artwa anyent-anem rlwanenh-arey thwenemel, aylanthaw atwerreyew!
7646	1SA 17:26	David angkew artwernemew, arrerarl ikwer-angkwarr rtnenh-rnemew, “Artwa yanhel anenhantherrenh nyerrel-antheyel. Ingwerentyel renh akeleytelemer. Ilekarl Saul-el anthem, ra artwa renh ipmew atwentyewan? Nthakenh ra arrkentelheley-angenh artwa ahawarr INGKART-wenh-rnem, Akngey inngewenh-rnem, arrangkw!”
7648	1SA 17:28	David-wenh awayikw alkenh Eliab ra awew, rap ahelerrew ikwer. “Ilekewarl ngaw apetyew? Yep-yep irrpetyap akely weth-rnem-alew? Angwenhel renh-rnem arntarnt-areyel aleyan? Ngan apmwelheleyel! Ilekew nga arrkernelheyel ilkwarrpantey? Nga arrkent apetyew arwa, araynteyew werreyelarl!”
7649	1SA 17:29	David-el ayernew, “Ilekew ntwa ayenhan ilteyel? Ilekel ayengan apmwelhelew? Arwarl athan ayerneyel!”
7663	1SA 17:43	Ilekew nga arwerl-akertan apetyeyel? Arengkang ayengan ngkweng? Kel apetya! Atha ngenh ipmew atweyew, thipel-then atnwenth ahelengkw-rnemel-then ngenh arlkweyew! Atha ngenh ilwerl-athenem!” Rap altyerr ikwerenh-rnem ayernenh, David atweyew.
7733	1SA 20:1	Ikwer-they David irrtyert-anterrew apmer Naioth-they Ramah-ampeny-itwew. Ra alhew Jonathan-wenh apmer-warl, renh ayerneyew, “Nthakenh irrew ayeng? Ilekel ayeng apmwelhelew? Ilek-wety aynelengkw ayenh ipmew atweyew nthweyel?”
7737	1SA 20:5	David angkew, “Ingwelarreng akngerran akarrerreyenh, INGKARTew angkaynteyew inkwerelhemel alkent ingkayltel apmelerrel-ayeth. Akngerr akarrerreyenh apmer aynewengkw-wenh-itwew, kwenty arlkwerreyew. Ayenh-then ra ilew, ikwer-itwew arlkweyew. Ayeng ingwa atherrel irrtyert-aneyew-tangkwel katen-itwew. Mwerrang alakenhan?
7764	1SA 20:32	Jonathan-el aynikw ikwerenh ayernew, “Ilek-penh ra ilwem? Ilekel ra apmwelhelew?”
7776	1SA 21:2	Ikwer-penh David alhew apmer Nob-warl, areyew artwamp ingkart itnan Ahimelech. Artwamp rarl renh arey-alhew, rap atererremel arrewew ikwer-wety. Rap renh ayernew, “Ilekew ngan apetyew amentan? Nthekarl artwa ahawarr ngkwenh-rneman? Ilek-penh ngan?”
7778	1SA 21:4	Amern apek ntwa atnyeneyel? Antha atyeng. Rtamp-rnem irrpetyap apek? Amern ingwer-rnem apek antha.”
7783	1SA 21:9	David angkew artwampew, “Arrangkw-anteyarl ayeng apetyew, ampwal-rnem iney-angenh-antey. Atyetyartel ayenh ilew, anamerl-antey alheyew. Irrtyart apek ntwa atnyeneyel? Nayp arlpenty apek?”
7803	1SA 22:13	Saul-el ayernew, “Ilekew ngan iterrew, ayenh alakenh irrtywerl-amperneyew? Atyeng-wety rlengkan arlkarerreyel nga. Nga apek iterreyel, Jesse-wenh alerikw atyetyart ilkwa arrerneyew? Ntwa renh alpemelew amernel, nayp arlpenty-then ntwa anthew renh. INGKART-then ntwa ayernew ikwer! Yanhan atyeng-wetyarl arlkarerrewarl. Rap ingwer-ingwer mpwelhem, ayenh ipmew atweyew!”
7874	1SA 25:10	Rap renh-rnem ayernew, “Angwenharl David raw? Nthenh-apeny Jesse-wenh alerikwan? Ran warrkenh ingwer-rnem-apeny, atyetyart ikwer-rnem-wenh-wetyarl anterreyel.
7881	1SA 25:17	Atyetyart nhenh anewantherrenh irrwernelhew ament-antey. Apmwa innga ayntewerr anewantherr apmer nhenh-itwew. Nthakenh ntwa renh ilem? Ranap apmwarl, nthakenh ayeng ikwer angkey-angenh, arrangkw!”
7923	1SA 26:15	David kwanthemel angkew, “Abner, artwa ilek-apeny ngan? Nga ilelhem atyetyart ahawarr ilkwa ingwer-rnem-angkwarr! Ntwa arntarnt-arey-angenh atyetyart ngkwenh! Ngwamp ingwerenty alhew apmer arrewantherrenh-warl, atyetyart ipmew atweyew-anew!
7926	1SA 26:18	David-el tyernew, “Ya atyetyart, ayeng angkeyel! Ilekew ntwan ayenh intem alwerneyel? Ayengan apmwelheley-angenharl! Ilekew ayenhan ayntarrp-ileyel?
7927	1SA 26:19	Arternp atyeng awelha! INGKARTel apek ngenh ilew, atyeng-wety arlkarerreyew? Kel aker apek atha arrtyem ikwer, raw atyeng awakelhey-angenharl, atweyewan angkep. Artwernemel apek ilew, atyeng-wety nga arlkarerreyew? Kel INGKARTelan renh-rnem atwem, rernemarl ayenh irrentew atyenh-rnem-they. Nthakenh ayeng apmer atyenhel Israel-el aney-angenh-anem. Nthakenh ayeng INGKARTew aney-angenh. Alethang-apeny, apmer ingwerel-anem anem. Akngerran apmer ikwer-arenyel apentey-angenharl INGKART.
7928	1SA 26:20	Nthakenh ayeng apmer nhenhel ilwey-angenh, INGKART-they arleng. Ayengan akelyarl, artwa atyetyart-wenyarl. Ilekew nga atyengan nthweyel? Aker-apenyarl ntwan ayenh alwerneyel?”
7954	1SA 28:9	Arelhel ra tyernew, “Ilekew ngan apetyew? Ntwa iterl-areyel, atyetyart Saul-elarl ngangker-rnem irrentew Israel-they! Ntwa ayenh irrwerneyel! Saul-el ingwer-rnem ilewerr, ayenh atweyew ipmew!”
8029	2SA 1:4	“Nthakenh irrew? Ila atyeng!” “Rernem ahawarr akngerr Israel-wenh-rnem wew ipmew pewenarrel. Ingwer-rneman arlperrty anterrerrew. Saul-then alerikw ikwerenh Jonathan-then ipmew atwew arrpemarl.” ...
8053	2SA 2:1	Ikwer-penh David-el INGKART ayernew, “Nthakenh irrem? Alpemang ayeng, aney-alpeyew, apmer anyent-itwew Judah-ampeny-itwew?” INGKARTel tyernew, “Ya, alpa.” David-el ayernew, “Apmer nthenh-warl?” “Hebron-warl.”
8269	2SA 11:7	David-elarl renh arew, rap ayernew, “Joab-alew? Mwerrangay? Ahawarr Israel-wenh-rnem mwerr arrpemarl? Artewentyang rernem werrenh Ammon-areny-rnem-then?”
8272	2SA 11:10	Warrkenh anyentel David ilew, “Uriah-an ayntey-alpey-angenharl warl ikwerenh-itwew.” Rap warrkenh renh ilew, Uriah ingweyew. Rarl apetyew, David-el renh ayernew, “Ilek-wety ngan alpey-angenh, ltyerreyew? Artewentyarl nga warrkerrenh, arleng-they-then nga apetyew.”
8283	2SA 11:21	Arrantherr apek iylpelerrew angka Abimelech-akertew, Gideon-wenh alerikwew? Ra ilwew irrkaty-angkwarr arrpemarl apmer Thebez-itwew. Arelh anyentel apwert ilkwa iwew warl irrwerl-they, renhap ipmewarl lthwew. Ilekew arrantherr arrererrewan?’ Atyetyartelarl ayernem alakenh, ila renh, ‘Uriah-an ilwew arrpemarl.’”
8310	2SA 12:21	Rernem renh ayernew, “Nthakenh irreyel? Ampa akelyarl iteth anenheng-arey, ngan ayntemelant artnenh, amern arlkwey-angenh. Rarl ahaperrew-penh, ngan anamerl-antey akwentew, amern-anem arlkwemel! Nthakenh ngan irreyel?”
8446	2SA 16:17	Alerikw David-wenhel tyernew, “Ilekew nga alakenh arlkeyel? Ngap alhemer David-angkwarr.”
8458	2SA 17:6	Hushai rarl apetyew, alerikw David-wenhel renh ilew, artwa anper arey-angkerarl angkew-angkwarr. Rap ayernew, “Nthakenh ngan iterreyel, Hushai? Angka artwa anper arey-angker-wenhew anantherr awelhem? Arrangkw apek? Nthakenharlap anantherr irrem?”
8492	2SA 18:11	Joab angkew ikwer apatemel, “Innga ntwarl arew? Ntwap renh anamerl-antey atwemer ipmew! Athan ngenh apwert akngerr anthem atyetyart ahawarr-wenh pilt-then!”
8513	2SA 18:32	David-el ayernew, “Alerey-alew atyenh Absalom? Mwerr-anteyang ra?” Artwa ra tyernew, “Irrwerney-angker weth-rnem, ngenharl alhengkerr anthenh, rernem ingkerrarl ilwemer artwa akely rapeny!”
23240	MAT 2:2	Rernem ayernek, “Nthenh ampa akely ra, Jew-rnem-kenh atyetyart ilkwa? Anwantherr antyarr ikwerenh arenhey-alpenh, renharl antyarrel iylparrernek. Anwantherr antyarr renh aremel apentek. Anwantherr apetyek, ikwer inkwerelhemel.”
23275	MAT 3:14	John arrkngert angkek, “Ilekek ngan atyeng-warl apetyek? Ntwa ayenh baptise-emeley-areny!”
23284	MAT 4:6	Arrentyel renh ilek, “Akngey-kenh alerikw apekap ngan? Kel irrwerl-they nhenh atnarnpa. Nthakenh nga atwelhey-angenh. Akngey-kenh pipel alakenh aynteyel: ‘Akngeyel angel-rnem thwenem, ngenh anterrkwetyek, atwelhekerr.’”
23443	MAT 8:29	Artwa ratherr arlkek, “Jesus, ngan Alerikw Akngey-kenh. Ntwa arraty ilay. Ilekek ngan apetyek? Aylernanthenh ntwa atwetyek? Arlta ingkernelant Akngeyel anwernenhantherr atweyenh!”
23531	MAT 11:3	Rernem Jesus renh ayernek, “Ngang John-el arrwekel ilenhan? Ingwerentyek apek anwantherr mpwelhem?”
23536	MAT 11:8	Ilek-apeny artwa arrantherr arekan, arnkwa mwerr-angker-akert? Atyetyart ilkwekenh apmerelarl aneyel?
23537	MAT 11:9	Ilek arrantherr arekan? Akngey-kenh angkakertan? Ran angkakert anyent impen inngarl!
23569	MAT 12:11	Jesus-el artwa ilkwernem ilek, “Angka nhenhek iterrenh-arey arrantherr. Yep-yep apek aytnem irrkewarl, mwernelhemel. Ntwa renh angkep tyerrenhey-alpem itethilemel? Yep-yep itethilem-apeny arlta Saturday-elan,
23606	MAT 12:48	Ran angkek, “Kakey atyenhan angwenh-rnemarl? Amey atyenh angwenharl? Nhareny ingkerrenharl arrangkwarl, nhelarl aneyel-rneman. Arrantherr Akngeyek awelhenty, arrantherr atyenh arrpemarl.