23214	MAT 1:1	Yesus Kristusi mani weriria na ne werengno Mananu Dauti tuti na ne werengno Abrahami ma. Ne ririafoi mani sonina:
23225	MAT 1:12	Tuti ne riria na rabuang bo enai na nu Babeli foi mani, toninai: Yakoniasi dawingno Sealtieli, Sealtieli dawingno Zerubabeli,
23255	MAT 2:17	Finanai kawariai kariri fianai aino nabi Yeremiai meduraia fo, amani dotu tonina:
23282	MAT 4:4	Manamo Yesusi yoa wei aha deyo, “Na Sempaisi ne Kaiwofo dotu tonina: ‘Inontarai eminohi etarang fo, na fiangfo titou kaha, mae na ohong kariri Seng Allai ne Kaiwo kiai ne kontai.’”
23284	MAT 4:6	Mayeai medu wei deyo, “Taraie Seng Allai ne Kaisung di wau mani, tawing wau tawai na ninai aweu, ambori wewaifosa esoru wau wori, tau aweu, mureha kaha. Weo Sempaisi ne Kaiwone rabuang bei dotu kariri wau tonina: ‘Allai ambori demi ne wewaifosa etamang we wau,’ tuti, ‘Etamang we wau na ewaramifo, ampafe tau kofafea kaha.’”
23285	MAT 4:7	Wape Yesusi yoa wei aha deyo, “Na Sengnei ne Kaiwone medurai kontai tonina: ‘Wiro meweanggari mene Mananu Seng Allai fanai.’”
23288	MAT 4:10	Yesusi yoa wei aha deyo, “Saminseni, ro weru yau. Weo na Sempaisi ne Kaiwone dotu tonina: ‘Mesomi terai we Allai mene Sengfoi tuti metohong kariri ne Kaiwofo terai.’”
23329	MAT 5:26	Tuti aromuaifa: na aitamu rorong fo watai paria bai nemu fiwaifoi paria kiai fino ro to borieife.”
23330	MAT 5:27	“Metaramio kaiwo ninai kontai ampa, amani dotu tono: ‘Menayai ria wiwing siai fanai.’
23334	MAT 5:31	“Aunaufo weai kontai dotu toninai: ‘Mandoni dino dira ne wiwingfoi mani todoni kontaio niari surati bei kariri dirarifo tuti dohoni we wiwingfoi.’
23341	MAT 5:38	“Metaramio kaiwo dotu tonina ne ampa: ‘Ureng yiwang ureng, tuti dereng yiwang dereng.’
23346	MAT 5:43	“Metarami kaiwo ninai kontai ampa, amani: ‘Menemiwawu mene doroifosa mae menemirireu mene aitetafosa.’
23453	MAT 9:5	Doni aino mawa ne: imadu yeyo, ‘Yeiai nemu sasarifi ampa,’ ete yeyo, ‘Boabari wau, ka nemu andaungwai, tuti roa’?
23461	MAT 9:13	Ampafe mera wa menemitituai sauarai kariri kaiwo rabuang dotu na Kaiwofoi tonina ne: ‘Wiro yawi we inontarai etohong korbani fiahung we yau kaha, mae fi yawi pari wea fo mani, earomio inontarai siai.’ Weo wiro ira ma we isahu inontarai emararebana fosa kaha, mae ira we isahu inontarai sasari fosa.”
23488	MAT 10:2	Yesusi ne inontarai ewesuraya mandu dirisa we rasuli fosa mani ewonomi finina: reantenang mani Simoni (mano sahui we Petrusi foi), Andareasi (Simoni ne tahatuifoi), Yakobusi (Zebedeusi ne kaisungfoi), Yohanesi (Yakobusi ne tahatuifoi),
23521	MAT 10:35	Weo ira ma ninai iwedaya wori: ‘Kaisung manei dapa tamanai ki, kamitung manei dapa inanai ki, tuti urawing manei dapa niong wiwini ki.
23538	MAT 11:10	Weo i mani andino Allai medu kaririai na ne Kaiwofo dotu tono: ‘Mewati ma! Yemi nehu inontaraio kia nehu kaiwone manei, da foni Wau. I ambori meinenang nemu rangfoi we Wau.’
23565	MAT 12:7	Kaiwofea dotu toninai: ‘Wiro yawi we inontarai etohong korbani fiahung we yau kaha, mae fi yawi pari wea fo mani, earomio inontarai siai.’ Ampafe masino metafu Sempasi ne Kaiwofo nanai na mai mani, wiro metinggai mano enari sarawa kaha nesa kaha.
23908	MAT 21:13	Tuti medu wesa deyo, “Na Allai ne Kaiwofo medu fieai, amani dotu tonina: ‘Nehu Mununei ahui we munuo wenadi nai,’ wape menariri wemunu mananapia.”
23911	MAT 21:16	Ainanaya emadu wei eteyo, “Taramuo arikangnesa kaiwo emadurai nina e?” Yesusi yoa wesa deyo, “Yo, tarahuoa to! Wape mea mani, metatorai na Sengnei ne Kaiwofo kaharai e? Kaiwo dotu tono: ‘Na arikang eawemifang bararika fosa tuti arikang baba fosa, Wau moinenang fiaifo na eboromifo kawuru ampa.’”
23923	MAT 21:28	Yesusi medu deyo, “Menemitituai tofino: inontarai manei ne kaisung mandu. I da wa deisaharai we ne kaisung fuba foi deyo, ‘Kaisungne waune, rahida nini roa rufi na tone romi angguri foi.’
23937	MAT 21:42	Yesusi medu wesa aha deyo, “Metato Sengnei ne Kaiwo arawang bo dotu tonina nei kaha rai e? Amani: ‘Kamieio mano enari munu nesa ehabioi fi, andi wekamiei reantenang we etang kamieifoi doa sauwi ampa. Sengnei andino niari finina, tuti fi mehikai paria na tauremine.’”
23980	MAT 22:39	Tuti hukumi boru foi mesi kariri nanai amani: ‘Enemuwawu inontarai siai kariri enemuwawu bera mantaung wau wa.’
24078	MAT 25:1	“Kaisung Inontarai nei rahida bo yarabera yau we iweMananu nai ma foi mani ne tarai toyari fiyiwansoai nini ki: kadawing ewesura emainenang ene oborifo, ambori era wa we etamang we mandiraufoi.
24154	MAT 26:31	Ainanaya Yesusi medu wesa deyo, “Diru bonini kontaio, mea kiai ambori mewawu taterai weru yau ki. Weo na Allai ne Kaiwofo dotu tono: ‘Imung ne mantahungfoi, tuti dombafosa ambori ewawu taterai ki.’
24215	MAT 27:17	Kaiwasa bitoya fianduhi na wanai, ampafe Pilatusi dutang berasa deyo, “Mandoni dino itawini we mea ne: Barabasi, ete Yesusi mano ahui we Mananu Mampariri nei e?”
24286	MRK 1:2	Amani Allai medu we ne Kaisungfoi, tuti nabi Yesayai soi kaririaia, ampafe dotu tonina: “Yemi nehu inontaraio kia nehu kaiwone manei, da foni Wau. I ambori meinenang nemu rangfoi we Wau.”
24338	MRK 2:9	Doni aino mawa ne: imadu yeyo, ‘Yeiai nemu sasarifi ampa,’ ete yeyo, ‘Boabari wau, ka nemu andaungwai, tuti roa,’ ne?
24404	MRK 4:12	ambori, kariri kaiwo nabi Yesaiai soi fo, amani dotu tono: ‘Ambori ewatioaia ewati wawurai, wape etafura kaha. Etaramioaia etarami wawurai, wape ewaitawana kaha. Kaiwone ne tarai tonanai, ambori wiro etaraberasa we Allai ma tuti feriri ene sasarifoi fanai.’”
24418	MRK 4:26	Yesusi medu pari aha deyo, “Allai ne weMananu rorong ne mani ne tarai toyario ninai: inontarai manei da wa sanang patibu na ne romifoi.
24493	MRK 6:17	Herodesi enetituaitafo tonina: Rahida beiru teai ampa, kia ne tafuai Pilipusi binengno Herodiasi ama dauti weruria fefe. Wedaya Yohanesi suari pampang deyo, “Rau nemu tafuai binengfoi tonana mani, nari roaing hukumifo paria tuti bohong sarawai paria.” Ampafe kaiwo nanai wedaya bineng Herodiasi enerong pirahai weo miung Yohanesi. Wape sobu rahida we niari tonana kaha, weo ne mangno Herodesi suari fefe. Herodesi dino demi etafu Yohanesi, eworahi wiatai na aitamu rorong foi weru Herodiasi.
24542	MRK 7:10	Weo Musai soi Kaiwofeai dotu tonina: ‘Mesomi we mene dai tuti ai,’ tuti, ‘Mandoni dino deikanggani ne dai ete ne ai mani sodai aiboi marareha fo.’
24663	MRK 10:6	Wape na reantenangfo, amani reantenang Allai niari nunei mani, kaiwofo dotu tofino: ‘Allai niari inontarainesa mang tuti wiwing.’
24676	MRK 10:19	Allai ne Hukumi dohonai we tatohong kariria fo boitawanai ampa, amani: ‘Wiro mung inontarai fanai, bena ria wiwing siai fanai, wiro komananapi fanai, binggai inontarai na kaiwo wetarai kaha fo fanai, wiro totofa manei we ka ne fianggengfo fanai, womi we nemu dai tuti nemu ai.’”
24726	MRK 11:17	Mayeai deunausa deyo, “Na Allai ne Kaiwofo medu fieai, amani dotu tonina: ‘Nehu Mununei ahui we munuo inontarai nunei kiai ewenadi nai dine,’ wape menariri wemunu mananapia.”
24752	MRK 12:10	Ainanaya Yesusi medu aha deyo, “Metato Sengnei ne Kaiwo arawang bo dotu tonina nei kaha rai e? Amani: ‘Kamieio mano enari munu nesa ehabioi fi, andi wekamiei reantenang we etang kamieifoi doa sauwi ampa.
24771	MRK 12:29	Yesusi yoa wei deyo, “Kaiwo reantenang ne mani dotu tono: ‘Inontarai Israeline meaine, metarami ma, Allai mani tane Seng dine, tuti manei siai ahang kahai, mae meiri terai.
24850	MRK 14:27	Na rang rorong era to wiwoifoia fo, Yesusi medu wesa deyo, “Mea kiai ambori mewawu taterai weru yau ki. Weo na Allai ne Kaiwo dotu tono: ‘Imung ne mantahungfoi, tuti dombafosa ambori ewawu taterai ki.’
24923	MRK 15:28	Na tonanane mai kariri Sempaisi ne Kaiwo dotu tono: “I esahui kontai we inontarai niari fi karira.”
25098	LUK 3:4	Nana mani wetarai kariri kaiwo nabi Yesayai soi fo, dotu tonina: “Inontarai manei sahu pampang na katai wekamamiei minano foi deyo, ‘Memainenang rang beng feai we Sempaisi, tuti menaria mimoya wei.
25136	LUK 4:4	Manamo Yesusi yoa wei aha deyo, “Na Sempaisi ne Kaiwofo dotu tonina: ‘Inontarai eminohi etarang fo, na fiangfo titou kaha.’”
25140	LUK 4:8	Manamo Yesusi yoa weia deyo, “Sempaisi ne Kaiwo dotu toninai: ‘Mesomi terai we Allai mene Sengfoi, tuti metohong kariri ne Kaiwofo terai.’”
25142	LUK 4:10	Weo Sempaisi ne Kaiwone rabuang bei dotu kariri wau tonina: ‘Allai ambori demi ne wewaifosa etamang we wau, tuti ewaitawang wau ki.’
25144	LUK 4:12	Manamo Yesusi yoa weia deyo, “Na Sengnei ne Kaiwofo dotu tonina: ‘Wiro meweanggari mene Mananu Seng Allai fanai.’”
25149	LUK 4:17	Etohong buku reraung kafariao nabi Yesayai soi fo weia. Fiorerawi aweu mani deti rabuang bo Yesayai soi tonina:
25199	LUK 5:23	Doni aino mawa ne: imadu yeyo, ‘Yeiai nemu sasarifi ampa,’ ete yeyo, ‘Boabari wau, ka nemu andaungwai, tuti roa’?
25291	LUK 7:27	Weo i mani andino Allai medu kaririai na ne Kaiwofo dotu tono: ‘Mewati ma! Yemi nehu inontaraio kia nehu kaiwone manei, da foni Wau. I ambori meinenang nemu rangfoi we Wau.’”
25325	LUK 8:11	Fiyiwansoafo ne kaiwo tarai finana: Aibongfoi mani yiwanso Seng Allai ne Kaiwone aine.
25459	LUK 10:27	Inontaraifoi yoa deyo, “Yetori mani sonina: ‘Enemuwawu Sempaisi, nemu Allai, na enemurorongwai sentenang, na numuaninuwai sentenang, tuti na enemutituaitawa sentenang.’ Tuti yetori sonina kontai: ‘Enemuwawu inontarai siai kariri enemuwawu bera mantaung wau wa.’”
25476	LUK 11:2	Ainanaya Yesusi dei wesa deyo, “Awao metutangna mani, metutang tonina: ‘Daie, Kadono wonomuwai atori we mirarebanai, Kadono nemu weMananuwa da ma.
25587	LUK 12:59	Tuti aromuaifa: na aitamu rorong fo watai paria bai nemu fiwaifoi paria kiai fino ro to borieife.”
25606	LUK 13:19	Ne tarai toyari fiyiwansoai nini: Sawi bong bei, manei kiariao sanami na ne romifoi. Sawi kamieinei mani ketui pari sewa raung ete fitantanangno tatanami na romi rorong nei kiai. Wape sifua fiebai weai, fiabai demoya we romu enari aisangging na arirawangfo.”
25777	LUK 18:20	Allai ne Hukumio dohonai we tatohong kariria fo boitawanai ampa, amani: ‘Wiro bena ria wiwing siai fanai, mung inontarai fanai, wiro komananapi fanai, binggai inontarai na kaiwo wetarai kaha fo fanai, womi we nemu dai tuti nemu ai.’”
25846	LUK 19:46	Mae medu wesa deyo, “Na Allai ne Kaiwofo medu fieai, amani dotu tonina: ‘Nehu Mununei mani we munuo wenadi nai,’ wape menariri wemunu mananapia.”
25865	LUK 20:17	Yesusi seitesa akawuru wo medu wesa deyo, “Tonana mani Sengnei Ne Kaiwo arawang bonini mani weneung todoni? Amani: ‘Kamieio mano enari munu nesa ehabioi fi, andi wekamiei reantenang we etang kamieifoi doa sauwi ampa.’
25970	LUK 22:37	Tonanai weo Sempaisi ne Kaiwo arawang bo dotu kariri yau toninanei: ‘I esahui kontai we inontaraio kerira.’ Kaiwo kariri yau ninai, ambori wetarai kaririai ki. Weo fifianai aino esoi na Sempaisi ne Kaiwo fi kariri yau ne, isodairai kawuru maninai.”
26155	JHN 1:42	Ampafe kia Simoni we Yesusia. Yesusi seite Simoni mayeai medua wei deyo, “Simoni, Yonai antung di wau. Wau ambori esahu wau we Kefasi ki.” (Kefasi na kaiwo Iberani mani, masi we Petrusi na kaiwo Yunani, amani: Kamiei.)
26208	JHN 3:19	Weyoasoa kahai nani, fi dapai we sobu aiboifo ainina: Sambewarafoi da kawuru to nunei ma ne, wape inontaraine etohong we mamantiti rorong fo sewa weru Sambewarafoi, weo enari ne karirafo fefe.
26365	JHN 6:39	Tuti mano demi yau foi ne awiafo ainina: ambori na kaiwasa fuba dohonsa we yau ma nanisa, manei wiro wioru fanai, wape ambori yuwisara esuwi aha na Rahida Wefuiai pari foi.
26371	JHN 6:45	Na kaiwo nabifosa esoi fo dotu tonina: ‘Tuti ea kiai ambori Allai deunausa ki.’ Mandoni kontaio taraoai tuti sobu aunaufo ria Dai fo, da we yau ma.
26391	JHN 6:65	Ainanaya medu aha deyo, “Nanai wedaya anta yeisaharai we mea yeyo: Mandoni kontaio wiro da we yau ma kaha, mae Dai kiari we yau ma reto.”
26717	JHN 13:18	Yesusi medu aha deyo, “Fianai aino imadurai ninai wiro kariri mea kiai kaha, weo iwaitawang mandoni saino yirisara fo. Wape fianai aino dotu na Kaiwo Mararebana fo todoni kontaio kaririai, amani: ‘Mano kionta yau dang nehu rotine mani, wenani ambori biari nehu rewangguainei ki.’
26732	JHN 13:33	Nehu arikangne meaine, wiro inayai waroi ria mea ahang kaha. Ambori mesera we yau ki, wape kariri fianai aino raminde imadurai we mano ewenunggamiei we Yahudi fosara nanai, tonanai kontai imadurai we mea aha, amani yeyo: To katai ira wei foi, todoni kontaio mane ro weia kaha rai.
26733	JHN 13:34	Yohong Kaiwo Pondoai waworu feai we mea amani: Menemiwawu wawera mea. Toyari yau we enehuwawu meafo, mea kontai menemiwawu wawera mea tonanai.
26780	JHN 15:12	Nehu kaiwo pondoai we mea finina: Menemiwawu wawera mea, kariri yau we enehuwawu mea fo.
26785	JHN 15:17	Nehu kaiwo pondoai we metohong kariria fo aininai: Menemiwawu wawera mea.”
26831	JHN 17:3	Minohi arang we numainufo ainina: Inontaraine etaroanso Dai wau, we mesiri wauno Allai tarai di Waune. Tuti etaroanso Yesus Kristusi mano Dai bemi ma nei. Nana mani minohi arang we numainufo ainanai.
26915	JHN 19:21	Ainanaya imami baba we Yahudi fosa emadu we Pilatusi eteyo, “Wiro woi boyo, ‘WeMananu we inontarai Yahudi’ fanai, mae woi boyo, ‘Medu deyo: Yau mani, inontarai Yahudi ene Mananu di yau.’ ”
26930	JHN 19:36	Weo finanai kawariai tonanai ambori mai kariri kaiwo dotu na Kaiwo Mararebana foa fo, amani: “Wiro neinafo bei tikai kaha.”
26931	JHN 19:37	Tuti Kaiwofeai dotu kontai tono: “Esaite mano etisani foi ki.”
27012	ACT 1:20	Ne tonanane kai kariri kaiwo Dauti soi fo, na buku Masmuri, amani dotu toninai: ‘Ne katai minohi naya ne watai wawui, wiro manei minohi naya fanai.’ Ampefe soi toninai kontai: ‘Ne fi yu fo bento, manei yu siaiya.’”
27090	ACT 3:25	Sempaisi ne Kaiwo Areraio nabifesa emaduri nani, amani we mea. Na Allai ne Kaiwo Areraio meduri we mene werengno Abrahami mani dotu toninai: ‘Na nemu ririanei ambori imoang kaiwasanei kiai na nunei ki.’ Kaiwo arerai nanai we mea kontai.
27102	ACT 4:11	Yesusi nini dino Sengnei ne Kaiwo arawang bonini dotu wei ne: ‘Kamieio mano menari munune mea, mehabioifi, andino wekamiei reantenang metang kamiei doa sauwi ampa.’
27227	ACT 7:42	Ampafe Allai sawing warang werusa tuti suasa esomi we awaha na rorafaisi. Nanai kariri fianai aino mayeai mani nabifosa esoi ahang fo, amani dotu toninai: ‘Inontarai Israeline meaine. Defuina piarue mera na katai wekamamiei wowong fo mani, fiahung memunsa metohonsa we korbanifo mani menari we yau e?
27277	ACT 8:32	Sempaisi ne Kaiwo rabuangno pegawaifoi detora fo ainina: “I ne tarai toyario dombao etafuri, erabitia we emuni, ne tarai toyario domba ne arikangno ehutu nuawurufo mani bibe kaha, tonanai i wetamui beyari.
27534	ACT 15:23	Etanatu kaiwo anatu feai ria sa, amani dotu toninai: Weo bohiwa mea kiai amani Yahudi kaha wa mea na Antiokia, Siria, tuti Kilikia, Na mene doroio taroasoai ruhia ne, amani rasuli tuti wafonia ne amea, Mahikaifeai we mea.
27540	ACT 15:29	Amani: Dohonao metang fiang ohonai wekorbang kawuru we saminseni ete aririwang fe. Metang rika fanai, metang andowa munia mireha ne rika deda kaha foi fe, tuti mehatai weru maninawawausi. Mehatai weru ne tonanane amani metohong kariri ne bengfoa finanai. Mainanaia wo. Mahikaifeai.
27807	ACT 23:5	Paulusi yoa aha deyo, “Oh! Doroi meaine, iserawerahai we i mani imami fuba dine. Tarai na Sengnei ne Kaiwone, rabuang bei dotu toninai: ‘Dohonao meteibera mano ewenunggamiei we kaiwasanei fe.’”
27827	ACT 23:25	Ainanaya komandangfoi soi surati bei amani dotu toninai:
28015	ROM 1:17	Weo na Kaiwo Mahikai nanai aino Allai deinawi kariri todoni inontarai emasi na arongreafo; amani emasi na eroasoifo, tuti na eroasoifo na reantenang pariao we rea fo. Nanai kariri kaiwofo dotu tono: “Inontarai mano mesi dine, darang na ne yoasoafo.”
28054	ROM 2:24	Kaiwofeai dotu tonina: “Meaino mewedaya inontarai Yahudi kaha fosa eteibera Allai wonongfe ne.”
28063	ROM 3:4	Todoni kontaio bereri! Weo masino inontarainesa kiai etatofa, wape Allai mani wetarai pampang. Kariri kaiwo dotu tonina fo: “Ambori atioai we Wau wetarai na kaiwo modura wa, tuti kutu kaiwo mani, manei dapa nemu kaiwowa kaha.”
28069	ROM 3:10	Kariri kaiwo dotu tono: “Inontaraine mandoni kontaio wiro enerorong mesi kaha, tarai, wiro manei mesi kaha.
28087	ROM 3:28	Weo tane kaiwone weneung tonina: Allai deto inontaraine manei denteng riati aha fo wiro na wenani dohong kariri Hukumifoi kaha, mae na yoaso Kristusi fo terai.
28093	ROM 4:3	Na Kaiwo Mirarebana fo rabuang bei dotu tonina: “Abrahami yoaso Allai tuti na ne yoasoafo terai, Allai detori we inontarai enerorong mesi dine.”
28107	ROM 4:17	Kariri Allai ne kaiwo medurai we Abrahami tonina: “Iruai wau weDai we nu bitoya foi.” Abrahami nani, na Allai urengreafo mani, tane dai dine, tuti yoasoi. I mani Allaio wemambiriu mantaung dine, Mano duwi inontarai emarareha fosa etarang aha dine, tuti Allaio dei beyaria mani, finini kiai kawariai.
28123	ROM 5:8	Wape Allai deinawi mantauni ne enewawu tata fo na fininai: rabuang bo taweinontarai sasari nendai fo, Kristusi mireha we tata.
28220	ROM 8:36	Weo na Kaiwofo weai dotu toninai: “Rahida neungne kaiwasa enari kanggani amea, pariao adareti emung amea amemarareha, weo ameraria Sengwa wau fefe. Ewati amea toyari dombao emainenang we emunsa.”
28238	ROM 9:15	Weo Allai medu we Musai tonina: “Yau ambori yeinawi nehu enehurorong denteng nei we mandoni dino enehurorong denteng wei fo, tuti arohuo mandoni dino yeyo arohuoi fo.”
28240	ROM 9:17	Weo na ne kaiwofo rabuang bei dotu kariri medu we mananu Firauni na nu Mesiri foi fo. Amani medu tonina: “Iruai wau we wemananu Firauni ne mani, we fi beyari terai yawi weai, amani na wau yeinawi nehu mananune tuti inari Yau iwewonohu na nunei sentenang.”
28248	ROM 9:25	Weo na kaiwo nabi Hoseai soi foi Allai medu toninai: “Mano wiro nehu inontarai disa kaha fo, ambori isahusa we ‘Nehu Inontarai’ ki; tuti mano raminde enehuwawusa kaha fosa, ambori isahusa we ‘Mano Enehuwawusa’ ki.”
28256	ROM 9:33	Toyari na Sempaisi ne Kaiwofo rabuang bei dotu kaririai tonina: “Mewati! Nano Sioni yohong kamiei bei wiatai nai ampa, kamiei nani ambori wedaya inontarai esodairi, amani kamiei fubao manei sodairi mani wedayari sawai. Wape mandoni dino yoasoi mani, wiro sobu mamaya kaha.”
28262	ROM 10:6	Wape kariri todoni inontaraine emasi na Allai arongreafo na eroasoafo, Musai ne kaiwo rabuang bei dotu tonina: “Dohonao enemutituai boyo, ‘Mandoni dino dautai to rorafaisi ne?’ [Weo nanai mai kaha weo ne tarai kariri boyo ka Kristusi biari meu ne,]
28264	ROM 10:8	Wape fiani aino kaiwone dotu kariria fo mani tonina: “Allai ne kaiwofo waroi weru mea kaha, mae kefang we mea paria, nayai na meboromiwa tuti na menemirorongwai.” Kaiwo nanai aino amewuwuaifa ne, amani kaiwo we inontaraine eroasoai.
28267	ROM 10:11	Toyari Sempaisi ne Kaiwofo weai dotu tonina: “Mandoni dino yoasoi mani, fiea dohoni mimaya kaha.”
28271	ROM 10:15	Tuti todoni ambori inontarai ewuwu kariri, masino manei demisa kaha? Toyari na Kaiwofo weai dotu tonina: “Inontaraio era ma eha Kaiwo Mahikai fo fosa mani kaiwasa demang wesa.”
28285	ROM 11:8	Weo na Sempaisi ne Kaiwofo, wea dotu tonina: “Allai niarisa toyari euremimamong pariao enumiruainso fiea ahang kaha, tuti wedaya euremifo toyari kabe ampafe wiro ewati ahang kaha, tuti niari etaramifoa etarami fi ahang kaha, pariao rahida nini kontai.”
28332	ROM 12:19	Mano enehuwawu mea wa meaine, dohonao mebai ne karirafo aha we mano enari karira we mea fo fanai, mae finanai metawinai we Allai, ambori andino biaitai na ne kasoufo ki. Weo na Kaiwofo weai dotu tonina: “Sempaisi medu deyo, ‘Bai mano niari ne karirafo mani, yau nehu nana ne. Yauno ambori ibaitai ki.’ ”
28359	ROM 14:11	Weo kaiwofo dotu tonina: “Sengnei fefora na wonongfo deyo, ‘Mandoni kontaio ambori disangkapa awebukafo na arohureane ki, tuti mandoni kontai ambori deyoai we yau mani Seng Allai di yau.’ ”
28374	ROM 15:3	Weo Kristusi kontai wiro sera we fio dohong mantauni piraisera fo kaha, wape niari kariri kaiwo dotu tono: “Kaiwo karirao inontarai eteibera Seng Allai Wau fo, isodairai kontai ampa.”