23318	MAT 5:15	To womt wawanyko. Nhai wom yimam lamt hta funakhato tfit rikat o bro baket yakhato lamthu funeft hta tasifkahmt. Nhai. Lamt hta funak thombat yura hegirwatmt nd kunys rhuyuk yimam nukeft kekwotm.
24343	MRK 2:14	Mrokfom ptha tanyhato yimor. Yau hanyhato Alfiusrhu yon Lifair yihom htimorr takis marut tuyuk kunyent rhu hasetrn. Yihom htihato kfo memorr, “Wania wahikna.” Be Lifair sinyahato fak hikakni twanhomorr.
24344	MRK 2:15	Jisasri disaiperm Lifairhu kunys yi nuwa yamohat bok takis marut yakyuk yimam yo fasoh nefm nayet yimam rpat yihato nuwa famom. Ndhtet ndhtet yimaroh Jisasrpno rpat yi htfasneft bi riruhakmot. Nhai be nd yiharpar hikrmomr.
24413	MRK 4:21	Jisasr tfit wom ttiwon mrokfot htamort. Kfo ttiwon memorm, “Niko lamm hta thombat ka yiro rohmn kafknitkomm? O womnam yiro hwe tik rfashitn hta hamongwokomm? Ka nhai. Lamm buha dany yuhamn htewukomm.
25095	LUK 3:1	Jon baftaisr Bro Nkifrarhu mrokfom yakhato pthamoa yihart, nd yihar Taiberius Sisar, Romroh gafmanr tohmour. Toh yukatoh hanymorn, namba fiftinyuk gunyjimrpno Pontius Pailatr, Judiaroh gafanar tohmor. Herotrn Galilikort, rorhu najom Filifrn Ituriakorti Trakonitiskort, Lisaniasrne Abilenekort.
25118	LUK 3:24	Helirhu yifemr Matatr. Matatrhu yifemr Lifair. Lifairhu yifemr Melkir. Melkirhu yifemr Janair. Janairhu yifemr Josefr.
25123	LUK 3:29	Errhu yifemr Josuar. Josuarhu yifemr Elieser. Elieserhu yifemr Jorimr. Jorimrhu yifemr Matatr. Matatrhu yifemr Lifair.
25124	LUK 3:30	Lifairhu yifemr Simeonr. Simeonrhu yifemr Judar. Judarhu yifemr Josefr. Josefrhu yifemr Jonamr. Jonamrhu yifemr Eliakimr.
25130	LUK 3:36	Selarhu yifemr Kenanr. Kenanrhu yifemr Apaksatr. Apaksatrhu yifemr Semr. Semrhu yifemr Noar. Noarhu yifemr Lamekr.
25131	LUK 3:37	Lamekrhu yifemr Metuselar. Metuselarhu yifemr Enokr. Enokrhu yifemr Jaretr. Jaretrhu yifemr Mahalalerr. Mahalalerrhu yifemr Kenanr.
25203	LUK 5:27	Nd neft htinimomt, tfit kto Jisasr fnahnihato takis maruharoh yakyuk yimar turhu takis marut tuyuk kunyent rhu hasetrn yihom htimorr. Nd yimarhu yufat Lifair. Ror yihom htihato kfo memorr, “Wania wahikna.”
25204	LUK 5:28	Lifair wanyhato be nd tamoh tamoh wuskam htanymormn, hikakni twanhomorr.
25205	LUK 5:29	Kto Lifair turhu kunysn yemro burwat yak htatamortn, Jisasr naku yakmorr. Jisasr yihato nd yemro burwat rhu famoft. Nd wom wom yimam yo tu nd rpahtet hingrnafat tohyukm rpat fenyhomomf nd yemro burwat.
25464	LUK 10:32	Be nd prisr inji yihom hti marsisanehato yimor. Rorhu mongkorn Lifai frikefthu wom yimar niamor. Ror nhaf inji. Ror be nd yimar yihom htihato fau hhrifakmor.
25507	LUK 11:33	“Nhai wom yimar lamt hta funakhato tfit rikat o wom bro baket yakhato lam funeft hta tasifafkahrt. Nhai. Lamt dany yuha tafontn htewatrt yimam witaniyukm htitwomt.
25709	LUK 16:20	Yo tor tohmor wom yima bebr. Rorhu yufat Lasarusr. Nd maru kunyet yimarhu kuny yifhatikt ndha rhutamour. Duka memour, ‘Nd maru kunyet yimar ye bruraf hanyuk dborioh dborioh yeshrthu krpupenm tebor rfashit misuhyukm nann ye tuthatak hanyruhanm.’ Inji dukahato rim rhuta hasomour. Lasarusenr nd yonmari, yonmari fhutpno kku bebt harhutamoahat memoum, ‘Nndo yau kuteter.’ Nd fhu tikroh kku bunyangrt tonemoatt tfit yaum yimoamn tepen dbrorhamoumr.
25711	LUK 16:22	Lasarusenr tohhany toh hanymorne nohmor. Nohmotr rorhu yafothat mounmotm yaknimomt, Abrahamrpno brbo mhtanymomt yura hefenrn. Tfit rorhu mongkorn nd maru kunyet yimar nohmotr fopmomr.
25712	LUK 16:23	Nd maru kunyet yimar nohnihato rorhu yafothat Maringour yimot. Maringour yihato be mitasismor kahtn. Memor, ‘Kekutak auhtiya,’ Abrahamr yurak wuhtimorr. Abrahamrhu kkrekorn Lasarusr rhumor.
25713	LUK 16:24	Nd maru kunyet yimar nd kah nyunguramt tohhato naku tuhaf memor, ‘Daja Abrahame, wayuhuwafkahna Lasarusr wakfokahtnr bupenm tirpinyafe tayifaknekahrn nanhu tort bupaye ahta gonngafort. Na tu be bro kaht tohwa.’
25714	LUK 16:25	Abrahamr kekutak wahtihato kfo memorr, ‘Wawanyn bar yone, ni yima nfri tohmohat ninhu hifa yihar tohmour, Lasarusr nd yihat fasoh tkit bebt warhutamor. Tfit arihat ror bi hifa tkitt yorhwarn ni bi tfit fasoh tkitt korhn.
25716	LUK 16:27	Be wom maru kunyet yimar inji wanysihato kfo memor, ‘Dajaya, be ndnatn tfit wom mrokfot kfiwann. Kangane, Lasarusre wakfo tkrurafkahtnr nanhu yifemroh kunyko air.
25718	LUK 16:29	Abrahamr kfo memorr, ‘Lasarusr nhai tfit yihato kfokfot ninhu nmemrom. Tom Mosesrhu boririfhum yo profetroh mrokfom, rom nd mrokfom htihato kfoyuk yuhatn toh hikkfot.’
25748	LUK 17:28	Lotrhu tndht nhaft to inji. Lotrhu yiha tohmo yimam nhaf to be nd turoh nuwa ye mmoneft yo wommpno wuskam yak tuknanefm, yo mswir hingrna, kuny hingrna, nd nd nefm duka hasomomn nhai wom dukefm dukarmom.
25749	LUK 17:29	Lotr nd kmi Sodomt htanymort, bi be kah rifhumi kah rifuhet tahim mountko wuyohninamohat nd kmi Sodomthu met yindari bugam nhai rhurmom. Be tuha kmi Sodomtn mikur batinihato be tounpam rhumom.
25752	LUK 17:32	Niko waduka hiktwakomt nd Lotrhu mett yakmo neft.
26132	JHN 1:19	Judaroh bro yima boyimat kfo tkrurafmomm prismi yo Lifaim. Taun Jerusalemt htanyhato yimomn Jonr kfo ttiwon memomr, “Nine frohe?”
26593	JHN 11:1	Wom yimarhu yufat Lasarusr. Nd yimarhu kmit Betanit. Turhu kmit tohhato dbohneft rifakakmotr. Nd kmi Betanitn tohmouf Martati tuthu nmem Mariat.
26594	JHN 11:2	To nd met Mariatn Jisasrhu wuram sanda welpaye yuk wunahato tfit tuthu yuke tmarifaye wuram trk domtmotr. Nd dbohnamo yima Lasarusr to nd Marta Maria met najohfhu mndaremer.
26596	JHN 11:4	Jisasr nd mrokfot wanyakhato kfo memor, “Nd dbohneft nhai Lasarusr wundiat minohnihato mifnahniruhatr. Nhai. Nd dbohneft tuhan yindariroh Bro Nkifrarhu bbukeft htihato Bro Yifemr bro yufat hayuket. Yo nd yuhatn Bro Najomr bro yufat yakrahr.”
26597	JHN 11:5	Jisasr Marta Maria najohfi rofhu mndarem Lasarusr be tu marbit htamourm.
26598	JHN 11:6	Lasarusrhu dbohna mrokfot wanyakmohat nhai bi marimor, “Bmbri yirhoyann rorhu dbohneft htihiruhanr.” Nhai. Afo wom hus yihaf toh tanymor nd ror tohmo kmit.
26603	JHN 11:11	Jisasr inji kfonihato tfit kfo memorm, “Nmoh yimatem Lasarusr be hwitr. Na yi shombat yak thakruhanr.”
26605	JHN 11:13	Disaiperm nhai marimom Jisasr kfiwohat Lasarusr bi nohetrn hwekfot kfiwurr. Rom memom, “Ka be hwe mifneft kfiwur.”
26606	JHN 11:14	Ndnettn Jisasr kfo nuhas marnya memorm, “Lasarusr bi noh mifmor.
26607	JHN 11:15	Na hifa nhai bi marimoya bi yirhoyann Lasarusr htiruha. Nhai. Niko mdukakmoya. Memoya, ‘Rpat yiruhanomn rom turoh nyingaye htiruhamn rroh bro dukefm htarahma.’ Yo be waniako yi htirahnomr.”
26609	JHN 11:17	Jisasr kmi Betanit mfnahmohat Lasarusr bi tahi muht rim htafhato bi husfihus marm bi tohetm mfnahmor.
26635	JHN 11:43	Jisasr inji kfonihato yufat yutahato mfro rinakumor, “Lasaruse, wari-sinyana.”
26636	JHN 11:44	Be Lasarusr sinyahato yarim fnahna twanhomor. Rorhu tir wurami nyingatikt nohet yimam rir borirmoa rmonthaye kitf botfmomr. Be yuht rmontha kitf kihetr fnahnamor. Jisasr kfo memorm, “Nd rmontham kitf botfetm wayak nyusakafokahtkomr ayir.”
26637	JHN 11:45	Nd tuhant yindars Lasarusrhu nur kunys niahato Mariat rhunhoyukm, Jisasr Lasarusr kasinyamo yuhat htihato nd yiha hti memom, tu Bro Nkifrar kfo tkruraf mifmorr.
26650	JHN 12:1	Afo yuhre 6-pela yiham Pasofa burwathu rhuyuk yiham afo ruhetmn Jisasr Betaniko yimor. Nd kmi Betanit, Jisasr kasinyamo yima Lasarusrhu kmiyet.
26651	JHN 12:2	Betani thofm Jisasr htiyakhato you yeshrt yakhato Jisasrpno yimam rpat rhuhato nuwa famom. Martatn nd htamo yeshrt fak nhta nhombrahemotm. Yimam Jisasrpno rhuhato yeshri yamom, Lasarusr tor rhuhato fenyhomorm.
26658	JHN 12:9	Bok Judam wanymom Jisasrhu Betanithu toh nmbuhat, ndnetmn memom Betaniko yihato Jisasr htirahnom. To nhai be Jisasrhu htinefrpat marimom yirahnom. Nhai. Jisasr Lasarusr kasinyamo mrokfot bi wanyetmn, be memom Jisasr yi htihato Lasarusr htirahnom, ndnetmn yimom.
26659	JHN 12:10	Ndnetmn prisroh bro yimam bi kfo habofkni htamom Jisas Lasarusrofhu rpat wasneft.
26660	JHN 12:11	Nhai be sfno nd Lasarusrhu wasneft kfo ptha kasinya-rmomt. Rroh dukeft duka memom, “Ni Lasarusnn, Jisasr kasinyamotrn Judam ndt wahtiyafhato prisroh bro yimaroh tngm bi yakhato yiho tuhaf tanywamm bi Jisasrn hikwom.” Nd dukefmpno memom, “Lasarusr awasnom.”
26661	JHN 12:12	Jisasr Betaniko Lasarusrhu kunys nuwa ye tanyhato nd wom marrn memor, “Yiruha Jerusalemko.” Bok met yindarim Jerusalemr turoh Pasofa burwat rifinymom. Wanymom Jisasrhu Jerusalemkorhof yi nmbuhat.
26666	JHN 12:17	Lasarusr yopt husfihus yiham rhuhato tfit Jisasr kasinyamohat bok tuhan yindarim Jisasrpno tohhato htimomr Jisasr Lasarusr nakuhato sinyamohat. Romn tfit wommpno yi rhuhato Jisasr namo neft naptha nuhas hi hanymom.
26993	ACT 1:1	O Tiofiluse, na Luka bi na barkof wandfamo gonborngtn bi wandfa bugamoyanm Jisasr ndar bbinysoft tohhato namoa nefm yo ror hingrnamoa hingrnefm.
27028	ACT 2:10	Yo Frigia Pamfilia distrik tohyuknom, kantri Ijift tohyuknom, Libia thofnom brbo taun Sairinitpno tohwanom yo kantri Rom thofnom be yifra yaus niayuknom.
27127	ACT 4:36	Ndha tohmour wom yimar. Rorhu yufat Josefr. Aposermn tfit wom yufat futamomr Barnabasr. Nd Barnabas yufathu yimbu yuhate, “Yima kfo bmta marnyetr.” Barnabasr, Saiprus tohmoa Lifai tangishofer.
27317	ACT 9:32	Pitar Samariat tohmohat kmi kmim nhombra bugamorm. Wom yiha Lidat yimorn ndha tohyuk Jisasr hikwa yimampno memor, “Ai atoha.”
27320	ACT 9:35	Taun Lidati Saronfhu tuhan yindars inji htihato rom hatohmo fasoh fasoh nefm kfo dbruf bugahato Brorhu mrokfom hikmom.
27323	ACT 9:38	Jopati Lidat nhai wuri wuri rhurmoaf, be brbo. Jisasr hiket yimam Pitarhu Lidathu yi nmbuhat wanyhato wom hus yimaf kfo tkrurafmomf. Memomf, “Waikahfnn Pitar wamihtiyakfnr. Mirahr tfit wom awi kanga hatoha. Bmbri anietwar.”
27324	ACT 9:39	Nd hus yimaf yi mkfomofr nhai wom kuknarmor. Rpat mnahtiyakhato yimom. Pitar Lidat mfnahmotr nd yima gus rhumo kunyshu wom buha tikr hamuhmomr. Rom nd met dhir bodhirm rpat Pitarpno mtohhato nd nohmo mett yima nfrit tohhato nahumo wuskam nur hanyhato kak nuhasmoumr.
27432	ACT 13:1	Antiok tohmo sios, rroh womm profet hingrneft kakitohmoum. Wommn Bro Nkifrarhu mrokfot kmi thofm kfo hta bohta nuhasmoumm. Nd hus bro hingrneff yakitohmoa yimaroh yufam Barnabasr, Simeonr wom yufat futamoumr Niger yo Sairini korhof yima Lusiusr yo Manainr, gafana Herotrpno myewarho fnahmo yimar ee womr Sorr.
27489	ACT 14:6	Rofhu hfnah mrokfot wanyhato Likonia distrikko yorhwa taunf Listrati Derbet, ndko fakrmenimof. Yakrmenihato nd hus kmifpno brbo rhuyuk kmimn toh htfasmof.
27491	ACT 14:8	Nd taun Listratn wom yimar tohmour. Nd yimar nhai wiyauyaur-moar. Wuram bi nohmomr mmemthu yatit rhuhato.
27494	ACT 14:11	Kmi thofm rof hingrnamo hingrna bbukeft htihato turoh Likoniakfotn wakfo nakuyak memom, “Barenko, nkifram yima nyingatikm yak dborha-nehato niem!”
27502	ACT 14:19	Wom yiha Antiokti Aikoniamt tohyuk Judam taun Listrat niamom. Niahato kfo memomm, “Ndar yimaf niko be inji hagrhewukomf. Tatkfote nhitwokomf?” Nd yima yuhum hemotmm rom sinyahto Porr tahiye tahiye yebhoh boyebhoh guyakhato teh briraknimomr. Teh briraknihato kmi gnathu briyahako rim teh htany-momr. Rom memom, “Ka bi fnohr.”
27504	ACT 14:21	Por Barnabasrof Derbet yihato Bro Nkifrarhu mrokfom kfo pthamotfm bok met yindarim wanyhato hifa wany yindhorhato Jisasrhu hiket yimam toh hanymom. Ndha toh tanyhato tfit Listrako yimof. Listratn bi tfit Aikoniamt. Aikoniamt bi tfit Antiokt.
27553	ACT 16:1	Porr tfit Derbet yimor. Derbet tohni tfit Listrat yimor. Listrat yi tohmohat wom Kristen yimar tohmor. Nd Kristen yimarhu yufat Timotir. Timotirhu hiyau mmemt Juda kott. Yifemrne Grik thofr. Timotirhu mmemt Jisasr hikmout.
27554	ACT 16:2	Listrati Aikoniamt tohyuk Kristenm Timotirhu toh nmbuhat hifa hifa kfo yindhormomt Porrpno.
27566	ACT 16:14	Nd rhu rifinyhato nom pthayuk mrokfom wany yakitohmoa metm rroh womt Lidiat. Nd met Lidiat Taiataira efkott. Nd mett Bro Nkifrar hikmout. Rot tohmoahat kukupitha rmontham yakitohmoatn yimam rotpno nia wiknamoumm. Rothu yima yuhur Bro Nkifrar yak marnyamotrt Porr pthayuk mrokfom be fak twanhomotm. Rothu yima yuhur nd yiharn fak krekutmotr.
27567	ACT 16:15	Yima yuhur yak krekuthato baftais fakmot. Rot baftaismot yo rothu kunys tohyuk yimam rpat baftais bugamom. Lidiat baftais yaknihato kfomotnom rothu kunys yinyeft. Kfo memot, “Na Bro Nungothetr hikwa yuhat niko hifa hti thoft to bt nanhu kunyko afo niarfoko.” Be inji kfo yongm hatohmottnom be rothu kunyko yimonom.
27592	ACT 16:40	Be Por Sailasrof inji wanyhato fnahnimohat be Lidiathu kunyrpat yihato Kristenm kfo bmta mrokfom kfohi tanymofm be nd kmit htanyhato yimof.
27828	ACT 23:26	“Na Klodius Lisiasa. Ndar gontwat ni gafmanrhu tohak yima Feliksnpno wandfiwant.
27859	ACT 24:22	Feliksr Kristenroh dukefm bi hti hik bohiketrn to be afo kfo rafo memorm, “Awi bi nhai wom mrokfom kforhotanko. Afo amiroh krnungothet Lisiasr bi niere, ee nikmoh mrokfot yak marnya hiruhanko.”
27928	ACT 27:5	Be bro marombt inji hir hanyhato profins Silisiati Pamfilia hir hagrotnimonomn Lisiakorhof kmi Mairat mfnahmonom.
27931	ACT 27:8	Hta nhimounom sifthu yak hta bohta hanyneft. Ndnettn brbo nambispno hir sshanymonomn wom kmit mfnahmonom. Nd kmit kutewumt Sifroh Dborioh Bekfat. Nd kmi korhwot brbo taun Laseatpno.
28425	ROM 16:21	Nanpno hingrnewa yima Timotir kfo yindhorkfot kahukrko. Yo wom husfirpa yimam, Lusius, Jeson, Sosipater yimandountn wom kfo yindhorkfot kahukmko. Romi na rpa kantriko niayukenom.
28777	1CO 14:31	Lotu yiharoh hingrna yuham inji yi marnyarahm. Htirahko womr pthayuk mrokfomn wom dukefm yakrahm tift womrpno wom dukefm yakrahm tfit womrpno wom dukefm yakrahm, yima yimam kfo pthayuk mrokfom sioshu met yindarim wany hik bohikakruhamn dukefm yakruhamn toh bmtarahm.
29562	COL 2:1	Na kanga akfo nuhasanko niko nanpno tafi nahti duha Kolosiko, Laodisiako yo niko womko, na niko dukahato yiha yiha kfo bruttna nnfiwa.
29622	COL 4:13	Ror niko dukewarn yihof href yihof href kfo bruttna hasiwurko. Niko duka, yo Laodisiathu Kristenm duka, yo Hierapolishu Kristenm duka, nhai rhu witakahr kfo bruttnaneft.
29623	COL 4:14	Yo nmoh yimatem Lukr, nd dokta hingrneft yakitohwar, rori Demasr wom kfo yindhor mrokfot htefiwurt.
29624	COL 4:15	Na tukanhu kfo yindhor mrokfot wakfohitwokma Laodisiat tohwa Kristenmpno. Yo wom kfo yindhor mrokfot wakfohitwokma Nimfati rothu kunys yi rifinywa Kristenmpno.
29625	COL 4:16	Niko Kolosi thofko ndar gontwat waritimnikahkomt tfit Laodisia thofm wahekahtko rroh sios ritimrahmt. Yo Laodisiathu yufatpno yiyuk gontwat Laodisiathu sios aritimnikahmtn tfit Kolosi thofm ahekahtm rroh sios ritimrahmt.
29791	1TI 2:8	Lotu yiham kmi kmim kfo bruttna-neft, na kanga, yindarim Bro Nkifrar-pno brbo frtkafhato tirm yura hta hanyhato kfo bruttnakfot. Nd yimam nhai wommpno nakfo hutt nakfo nna inji nakfot.
29881	2TI 1:5	Na tuka htitann ni Bro Nkifrarhu mrokfom hikwa hikeft to bi tunhu bapem Loisi tunhu mmem Yunis Bro Nkifrar yakitohhato hikmoa kanjo bi inji Bro Nkifrar yakitohhato hikwonr.
29930	2TI 3:10	To ni Timotin, ni bi nanpno toh hnehato na kfo hta nuhasyuk mrokfom bi fakmonm. Nanhu yau nmbuham, yo nanhu riduka aduka yima yuhur bi fakmonr. Yo Bro Nkifrar hikhato rorpno frtkafhato wom Kristenmpno rpat tohhato nayak marnyamoahat, ndm hti bugamonm. Na Antiok, Aikoniam, Listra nd nd kmim toh hnehato yimam yak beb-moahat htimona. Yo nd na titamoa yonmari yonmari krhopam ni hti buga bobugamonm. To finji htimona? Yakrmehato hingrneft mfak htani-moyant? Nhai. Na tohhato mrokfot kfo pthamoant. Nd yimam hemoa krhopam, tu Bro Nkifrar toh rafohato fak thumourm.
29948	2TI 4:11	Lukrpar asha nanpno tohwor. Ndnettn ni nianeft, Makr wayaknetwa. Nanhu hingrnefm rorn kakitohnho hakutra.
29958	2TI 4:21	Bmbri wom fitoh yuhamn bi wanietwa bi ndar yihamn. Awi knga hatohrahn to finji nieruhanm bro gonng wormrpno sinyayuk wifor bum? Yubulusr, Pundensr, Linusr, Klodiat, yo asha tohwa wom Kristenm niko dukahato kfo yindhorkfot htefiwumt nikompno.
30029	PHM 1:24	Yo Mak, Aristakus, Demas, Luk, nd nd yimandount, nanpno hingrnewam, rom wom kfo yindhor mrokfot htefiwumt.
30132	HEB 7:1	Nd Melkisedekrhu hingrna toh nmbuhat kfo nuhasruhanko. Nd Melkisedekr Salemt tohmour. Rorhu hingrnefm hus hingrneff kakitohmour, king hingrnefti yo yura myorhekwa Bro Nkifrarhu pris hingrneft. Nd hus hingrneff kakitohmour nd bro kmi Salemt tohmoahat. Wom yiha Abrahamrhu wom yinem Lotr yahr kmim yaknimotmr nmbritom Abrahamr mongko tone hikhato memor, “Ayihom nrfa kitohanr.” Yimorn yihom nrfa htiyakhato memor tfit kmiko aiya, buha yihotatn Melkisedekrpno mnafurmof. Mnafurhato Melkisedekr sinyahato Abrahamr yak wus hanyhato kfo memor, “O Bro Nkifraye, Abrahamr wayak marnya bomarnyakahtnr atoh marnyatwar.”
30136	HEB 7:5	Lifai frikefthu womm pris hingrneft kakitohwomt. Rroh thfa mntwat kfiwut, “Isrerm yakitohyuk tamoh tamoh wuskam o tamohm tirhus rmonm htahato Bro Nkifrarhu yufathu hayuk wom rmonett prism hekfot.” Nd prismi Isrerm nhai nndo nndo rroh toh nmbuhat. Rroh nkifrar rpa Abrahamrpar. Nd rpa nkifrarhu yon kunyshu tamoh tamoh wuskam tirhus rmonm htahato wom rmonett prism kahukwom. Nhai be sfno inji hekahm. Nhai. Rroh dukefm duka kangm, “Prism Bro Nkifrarhu hingrniwa yimayem.”
30137	HEB 7:6	Nd yima Melkisedekr nhai Lifai frika yuhat niarmor. Ror nndo wom yima furarn nd Abrahamr htamo tirhus rmonroh wom rmonett Abrahamr yakhato hemorr. Bingot Bro Nkifrar Abrahamrpar kfo memorr, “Abrahame, ni yak marnyarhotann wom yimam ndt htiruhamn kfo mirahma, ‘Bro Nkifraye, Abrahamr yak marnyewa kanjo nom inji wayak marnyannom.’” Abrahamrpar inji kfomorr. Nhai Melkisedekr inji kformorr. Nhai. To nhai, Melkisedekrn tohhato tfit Bro Nkifrar kfo memorr, “Bro Nkifraye, Abrahamr wayak marnyatwanr.”
30139	HEB 7:8	Tfit wom yuhat inji. Lifai frika yuhathu yimam pris tohhato Isrer thofroh tamoh tamoh tirhus rmonm yak htatahato wom rmonett yekwa prism nhai toh yifahtakahm. Nhai. Noh frekiwum.
30140	HEB 7:9	To Melkisedekr Lifai kanjo pris hingrneft hingrnamohat nhai Lifaim noh frekomo kanjo nohrmor o hingrna hanyhato mhingrna tmbho-rmor. Nhai. Bro Nkifrarhu rfa borngt nhai htikahnom kfo mekaht, “Melkisedekr fnohr o hingrna tmbhir.” Nhai. Ndt htitihato duka kangnom, “Nd ror yakitohmo hingrneft yuhre kakitoh hanitrt.”
30141	HEB 7:10	Abrahamr ror Lifairoh nkifrar. Ndnettn duka kangnom, Abrahamr yakmo wuskam yak nhtahato wom rmonett Melkisedekr hemohat nhai be sfno inji narmor. Melkisedekrhu yinhitn Abrahamr tohmor. Ndnetrn wom wuskam yak nhtahato hemorr. Lifai frikefthu nkifrayer Abrahamr. Melkisedekr bromohat Abrahamr to tfit rorhu mongko tohyuk Lifai frikeft to be nhai womm brokfot, Melkise-dekrpar bromorm.
30142	HEB 7:11	Bingot Bro Nkifrar Mosesrpno niahato tarioh skurn mtha yuhathu hingrneft boririfhu nuhasmorr. Tfit Mosesrn Isrerm kfo nuhas memorm, “Bro Nkifrarhu tarioh skurn mthanefthu hingrneft inji korht.” Nd hingrneft Aronrhu frikeftn nd hingrnefthu hingrna yuhat romn yakitohhato kfo hta bohtamoumm Isrerm. Aronr Lifai frikeft niamor. To nd tarioh mtha yuhathu hingrneft rom hingrnamoat nhai tu tpiyet hingrneft hingrnarmoam. Nhai. Yimaroh fasoh nefm nhai yak thu marnyarmoatm. Be kak wunatamoutm yimaroh fasoh nefm. Yimam mi yohwa kanjo be inji yura foh wokmoumt. Nhai tu yimbonett tou yifkasakrmoamt.
30145	HEB 7:14	Nmoh Brorhu trha yuhat bi wany bugamokomt. Rorhu trha yuhat nhai nd Lifai frikef yuhat niarmor. Nhai. Ror nndo Juda frikef yuhat niamor. Bingot Mosesr nd pris hingrneft Lifai frikeftn yak htamohat nhai tfit marimor, “Judam yakitohnhotwamm nd pris hingrneft,” tu be nhai. Lifai frikefrpat kfomor nd hingrnefthu yakitohneft.