Wildebeest analysis examples for:   apn-apnNT   M    February 11, 2023 at 17:55    Script wb_pprint_html.py   by Ulf Hermjakob

23223  MAT 1:10  Nẽ Ejekis kra na pre kêp Manase. Nẽ Manase hkra na pre kêp Amõ. Nẽ Amõ hkra na pre kêp Josis.
23228  MAT 1:15  Nẽ Eriux kra na pre kêp Eresa. Nẽ Eresa hkra na pre kêp Matã. Nẽ Matã hkra na pre kêp Jako.
23229  MAT 1:16  Nẽ Jako hkra na pre kêp Juje. Nẽ Juje hprõ na pre kêp Marir. Nẽ Marir Kra na pre kêp Jejus. Mkotm: “Tĩrtũm kot mpakaxyw ãm xwỳnh” anhỹr xwỳnhta na pre.
23231  MAT 1:18  Tã ã mhixi jarẽnh kot anhỹr kanrẽhã na pre ã Jejus Kris kator anẽ. Nhũm pre kormã Jujeja Marir o hprõ kaxyw. Nom kormã ho hprõ hkêt ri nhũm htujarô. Kormã hkukrit tã nhũm Tĩrtũm Karõ tanhmã ho nhũm htujarô.
23233  MAT 1:20  Nẽ ã hamaxpẽr anhỹrja o ra gõr nẽ nõ. Nhũm Tĩrtũm kapẽr o mwrỳk xwỳnhjê hõ hwỳr wrỳ nẽ hwỳr axàn kuri xa.mri nẽm: —Pa Juje? E ot pa awỳr tẽ. Kwa tee ri Marir o aprõ hkukamã ajamaxpẽr punuj kêt nẽ. Mãmho aprõ. Mẽhõ kot apê tanhmã ho hkêt. Tĩrtũm Karõ na pre ã hipêx anẽ. Jakamã kwa tee ri ajamaxpẽr kêt nẽ mãmho aprõ nẽ war apa.
23234  MAT 1:21  Koja hkrare kato nẽ myre nẽ hprêk.mri nẽ mkot hkôt amnhĩ xunhwỳr xwỳnhjaja mkot amnhĩ tomnuj piitã pê mutàr pa. Jakamã koja kato ka wa hã hixi mnhũm kêp Jejus. Anẽ. Nhũm pre ã Tĩrtũm kapẽr o mwrỳk xwỳnhjam kapẽr anẽ. Ijaew kapẽrm Jejus jarẽnhja te kêp “Tĩrtũm kêp mpapytàr xwỳnh” anhỹr pyràk. Jakamã nhũm Tĩrtũm kapẽr o mwrỳk xwỳnhja Juje õtm ãm Marir jarẽnh anẽ.
23237  MAT 1:24  Jakamã nhũm Tĩrtũm kapẽr o mwrỳk xwỳnhja Juje mã kapẽr par mnhũm hkrãkato.mri nẽ kotm ujarẽnh xá hkôt Marir o hprõ.
23239  MAT 2:1  Nhũm pre Jejus Perẽj kamã kato. Pika pê Jutej kamã. Pahi Erox kormã kot Jutej nhõ xwỳnhjê ho amnhĩptàr o pa ri nhũm õ pika kamã kato.mri nhũm Tĩrtũmja kaxkwa kamã Kra kator jarẽnh xà hã kanhêti raxta õ nhô nhũm pika hõ kamã kanhêti ho studa xwỳnhjaja omu. Kanhêtija pumu nẽ hkĩnh nẽ axpẽn mã: —Kwa ga mkanhêti raxti mũj pumu. Mãn ra Ijaew nhõ pahi nywta kato nhũm kanhêti mũj kêp ho amnhĩrĩt xà hã ajêt. Kwa pu mma hapêr o mõ nẽ nhỹri tokyx omu nà. Anẽmri nẽ amnhĩ to pikuprõnh pa nẽ ma hapêr o pa. Ma myt gjêx xà hwỳr hapêr o pa hã apkati xohtô nẽ.mri nẽ ra Ijaew nhõ pika hwỳr pôj nẽ krĩ pê Jerujarẽ hwỳr hapêr o mõ. Pahi Erox nhõ krĩja wỳr nhũm mhapêr o mõ mri nẽ kamã pôj nẽ mhkrare nywta ã krĩ nhõ xwỳnhjê kukjêr o mõ
23240  MAT 2:2  nẽ mm: —Pa? Ot pa mapê Ijaew nhõ pahi nywreta pumunh kaxyw mõ. Ham kator xwỳnhta. Minhõ pika kamã na pa prem kaxkwa hkraxm kot ho amnhĩrĩt xà hã kanhêti raxta pumu. mri nẽ nhỹri pahi nywre pumunh nẽ kutã mixkõn krã ho ixtẽm nẽ ixkrĩ nẽm mex o mex ã harẽnh kaxyw nẽtãnh minhõ krĩm hapêr o mõ. Kwa minhmã harẽ. Nhỹri na? Na pa minhmã omunh prãm tỳx kumrẽx. Anhỹr o hã mhkukjêr o mõr jakamã nhũm mpiitã pahi nywja jarẽnh ma nẽ axpẽn mã harẽnh o hprõt.
23242  MAT 2:4  mri nhũm pahi Eroxja amnhĩ wỳr hkwỳjê hã karõ. Mõ patre krãhtũmjaja nẽ Tĩrtũm kapẽrm o mahkre ho mpa xwỳnhjaja nhũm amnhĩ wỳr mhã karõ nẽ Tĩrtũm kot nhỹrmã mhwỳr mẽnh mã xwỳnhta ã mhkukjêr kaxyw. Nẽ mm: —E Tĩrtũm kot nhỹrmã mpahwỳr mẽnh mã xwỳnhta ã na pa makukjêr kaxyw mato akuprõ. Kwa matõ inhmã harẽ. Koja nhỹrmã kator kaxyw nẽ nhỹri koja we kato? Xà jar mpanhõ krĩ kamã nà? Xà nhỹri krĩ hõ kamã? Anẽ.
23244  MAT 2:6  Pa Perẽj nhõ xwỳnhjaja? E manhõ krĩ grire htã kamã koja nhỹrmã mpanhõ Pahi Maatija kato. Koja mpahpê Ijaewjê piitã mpahto amnhĩptàr mex o pa. Jakamã manhõ krĩ grire htã koja Ijaew piitã axpẽn mã mex ã harẽnh o pa. Ã na pre Tĩrtũm kot mpahwỳr mẽnh mã xwỳnhta kukamã mm harẽ nẽ hã kagà anẽ. Anẽ.
23249  MAT 2:11  Jakamã nhũm mma hkôt mra nẽ ixkreja wỳr pôj nẽ kapem xa.mri nẽ mm kapẽr nẽ mhwỳr agjê nẽ Jejus mkatorxàja wa omu. mri nẽ Jejus kutã hkõn krã ho hkrĩ hpa nẽm kapẽr nẽm: —Pa Xugitre. Hêxta waa nẽ. Nà amex o amex. Kot kaj nhỹrmã axàptàrmri nẽ apê minhõ Pahi Maati. ãm mri na pa mapumu nẽ ixkĩnh nẽ. Anẽ.mri nẽ ahpỹnhãm hkĩnh xà gõ.m ôr kwỳ gõ nẽm mẽhkuxwa xà hkwỳ gõ nẽm te kotmre kuxware pyràk pê mĩraja nhũm mm hkwỳ gõ. Mhkĩnh xà hã kàxpore xohtô nhũm prem m õr pa.
23251  MAT 2:13  nhũm kanhêti ho studa xwỳnhjaja ma akupỹm hapêxmri nhũm Tĩrtũm axte Marir mjên Juje hwỳr kapẽr o mwrỳk xwỳnhjê hõ mẽ. Nhũm kê axte hpimtir m hwỳr wrỳ nẽm kapẽr nẽm: —Pa Juje. E kwa kànhmã nhỹ. Na ra pahi Eroxja aprõ pê hkrata ã amỹnê. Koja tokyx pôristi hkwỳjaja manhõ krĩ hwỳr pôj nẽ war apê hpĩr kaxyw ri hapêr. Jakamã kwa wa tokyx akato nẽ ma pika pê Ejit wỳr amõr kurê kumrẽx. Nẽ Ejit kamã apa rãhã pa nhỹrmã akupỹn amnẽ war amẽ. E kwa tokyx. Anẽ.
23252  MAT 2:14  mri nhũm kuma nẽ kànhmã nhỹ nẽ Marir mra nẽ war amnhĩ to akuprõ nẽ ra nojarêt.mri nẽ krĩja pê Jejus o kato nẽ ma o mõr kurê kumrẽx. Wa mõr ryy nẽmri nẽ Ejit wỳr pôj nẽ kamã pa ho pa.
23253  MAT 2:15  m nhũm pahi Erox tee ri amnhĩ wỳr kanhêti ho studa xwỳnhjê kamã hamak o pa nom nhũm makupỹm hwỳr mrar kêt nẽ. Jakamã nhũm mkamã gryk nẽ hamaxpẽr o: —Tk. Kwa nà. Na mãm inhmã hêx nẽ akupỹn ixwỳr mrar nẽ nhỹri inhmã pahi nywta jarẽnh kêt nẽ. Nà kwãr mmãmã inhĩpêx anẽ. Mkot ixpê ho hpimxuure kaxyw ã. Nà kot paj mkêp kupĩ nhũm m amnhĩ pumu. Na xep prem kanhêti kot harẽnh xàja pumunh ã ra hã amgrà pyxi nẽ hkôt mytwrỳ kêp 6. Jakamã mãn mhkrata ra hã amgrà axkrut kaxyw. Nà na pa ra ijamaxpẽr. Kot paj Perẽj kamã mhkra myjaja ra m amgrà axkrut xwỳnhjaja nẽ kormã m amgrà axkrut kêt xwỳnh piitã mhimex pa. Jao ra mkamã pahi nywta pĩ. Nà ixte hpĩr mã kênã. Koja hprêk nẽ ixpãnhã Ijaew o amnhĩptàr kêt nẽ. Anhỹr o hamaxpẽr mri nẽ amnhĩ wỳr õ pôristi hkwỳjê hã karõ nẽ mm mhkrajê hã amỹnê nẽ mm: —E kêr ka mma Perẽj wỳr mra nẽ kamã mkêp mhkra myrejaja ra m amgrà axkrut xwỳnhjê nhĩmex pa. Nẽ kormã m amgrà axkrut kêt xwỳnhjaja mããnẽn mhimex par kumrẽx. Nẽ Perẽj pu hã ri krĩ hkryre hkôt mããnẽn ri ajapôj nẽ ã mhimex par anẽ. Anẽ.mri nhũm mkuma nẽ ma mhwỳr mrar kurê kumrẽx. mri nẽ Perẽj wỳr pôj nẽ mkêp mhkra myre piitã mhimex pa. Jakamã nhũm mkatorxà nẽ mhipêêxàjaja tee ri mhkra htyk xwỳnhjê pumu nẽ hkaprĩ htỳx nẽ mỳr rũnh nẽ. Nom na pre Tĩrtũm nhỹ hã kapẽr jarẽnh o mpa xwỳnh finat Jeremĩstija ra amnepêm ã mkot amnhĩ nhĩpêx anhỹrja kukamã mpanhĩgêtjê mã mharẽ nẽ hã kagà. Na pre mm Ijaew kurê xwỳnhjê pynênh nẽ ma mõ pika hwỳr mho hapêx par kaxyw.mri nhũm mpanã Rrakewja te ra kot tee ri ja hã momunh nẽ tanhmã amnhĩ nhĩpêx to pyràk nhũm Jeremĩstija tanhmã Ijaewjê jarẽnh to nẽ hã kagà. Nẽ hã kagà ho: Amnepêm Perẽj kamã na pre mpanã Rrakewja hpijagri ho nõrja ã ra htyk kaxyw nẽ tee ri hkra kator mã xwỳnhta kukamã hamaxpẽr nẽ mỳr o nõ. Nhũm hkwỳjaja tee ri akupỹm tam hamaxpẽr kaxywm kapẽr. Tã jarãhã Rrakew kanrẽhã hkra nẽ htàmnhwỳ nijaja ra uràk nẽ tee ri mhkrare ho hamak xàj mỳr o pa. Mkot mkêp utàr nẽ mhimex par jakamã nhũm mtee ri mho hamak xàj mỳr o pa. Anẽ. Nhũm pre finat Jeremĩsja mhkukamã ã mharẽ nẽ mhã kagà anẽ. Tã ra jarãhã mẽni piitã Rrakew pyrà nẽ hkrajê o hamak xàj mỳr o pa. Tã nhũm mytwrỳ grêre nẽ hapêx nhũm pahi Erox ty. Jakamã nhũm kamàt nhũm Jujeja gõr nẽ nõ. Nẽ kê õtm axte amỹti. Nhũm Tĩrtũm kapẽr o mwrỳk xwỳnhja axte hwỳr wrỳ nẽm: —Pa Juje? E na ra Marir pê hkra pĩr mã xwỳnhta ty. Jakamã kwa wa mãmma akupỹm mõ. Ma akupỹm mapê Ijaewjê nhõ pika hwỳr axàmnhĩx aprõ mhkrata wa o mõ. Anhỹr om kapẽr. Na pre ra amnepêm Tĩrtũm nhỹ hã kapẽr o mpa xwỳnhjê hõja ja kukamã mpanhĩgêtjê mã ja jarẽ nẽ hã kagà. Nẽ hã kagà kot: “Ixpê Tĩrtũm kot paj nhỹrmã Ejitm ma akupỹm õ pika hwỳr ixkrata wa mkumẽ.” Anhỹr o kot hkukamã harẽnh nẽ hã kagà.
23259  MAT 2:21  Jakamã nhũm Tĩrtũm kapẽr o mwrỳk xwỳnhja ã Juje mã karõ anẽmri nhũm kuma nẽ ma akupỹm wa o mõ. Ma akupỹm mõ pika hwỳr wa o mõ.
23267  MAT 3:6  mri nẽ kapẽr ma nẽ Tĩrtũm noo mã mkot amnhĩ tomnuj xwỳnh ãm amnhĩ jarẽ. Mkot amnhĩ tomnuj kaga nẽ tam amnhĩ nhĩpêx o pa hprãm xàj ãm amnhĩ jarẽnh anẽ. Nhũm Tĩrtũm kaxkwa kamã hkrĩ htã mkuma nẽ amnhĩ katut kôt mkot amnhĩ tomnuj rẽnh pa nẽ axtem hamaxpẽr kêt nẽ. Jakamã nhũm pre Juãw Paxisja Tĩrtũm mã gôxm mhkrã kumrãr pa. Pyhti pê Jotãw kamã mhkrã kumrã.
23268  MAT 3:7  nhũm Parijew mSatusew nhõ xwỳnhjaja mããnẽn mhkôt ma Juãw Paxis wỳr mra. Muràk nẽ mkêp Ijaew jakamã haxwỳja Juãw Paxis kot mhkrã kumrãr kaxyw ma hwỳr mra. No ãm hkwỳjê hkĩnhã mkot amnhĩ tomnuj kaga hprãm xàjm amnhĩ jarẽnh kêt nẽ. Ãm amnhĩ krã hkôt hkwỳjê hkôt hwỳr mra nẽ amnhĩ to kuma. Nom nhũm Juãw Paxisja ra hprĩ hã ã mhamaxpẽr anhỹrja kôt momunh mex nẽ. Jakamã mm: —Tk kwa nà. Kormã mate amnhĩ tomnuj pix o ri apa kênã. Xà kot paj mate amnhĩ tomnuj o apa rãhã makrã kumnhũm Tĩrtũm ja hã mapumu nhũm jam mex nẽ? Nà koja jám mex kêt nẽ. Koja ja mỳrapê nhỹrmã tanhmã matomnuj tỳx to ka mtee ri umaj apimxur prãm kaprỳ.
23270  MAT 3:9  Na ka htem atỳx ri ajamaxpẽr o:Mixpê finat Apraãw kanrẽhã htàmnhwỳ hkwỳ na pa mẽ. Jakamã koja Tĩrtũm ja hã mixpumu mri nẽ mixte amnhĩ tomnuj o ixpa tã nhũm ja hã tanhmã mixto hkêt nẽ. Koja mixto mex nẽ.” Anhỹr o atỳx ri amnhĩ kukamã ajamaxpẽr. Nom ja kot anhỹr kêt. Mapê Apraãw kanrẽhã htàmnhwỳ htã mate uràk nẽm amnhĩ nhĩpêxre hã. Kot kaj mapê htàmnhwỳ htã amnhĩ tomnuj o ri apamri nẽ Tĩrtũm noo mã te mapê pikap kẽnre nhĩkwỹ pix pyràk.
23276  MAT 3:15  mri nhũm m: —Kwa nà. Mãmixkrã kumJuãw Paxis. Tĩrtũm m ja prãm kênã kot ka kêt ri axtem nẽ ixkaga. Kot puj mTĩrtũm m hprãm xà hkôt tanhmã amnhĩ nhĩpêx to ho ri papa. Anẽ.mri nhũm kuma nẽm: —Tôe. Nà kot paj akrã kumrã. Anẽ.
23294  MAT 4:16  E. Kot paj mamã mmoj mex jarẽ ka minhma. Mate Tĩrtũm pumunh kêt jakamã te mate kamàt kamã ri apa pyràk. Tã koja Tĩrtũm mamã amnhĩ to amnhĩrĩt ka mhpãnhã te mate hirã kamã ri apa pyràk o amnhĩ nhĩpêx nẽ ra hkôt amnhĩ xunhwỳ. Anhỹr o mhkukamã mharẽ nẽ hã kagà.
23297  MAT 4:19  —Pa. E kwa ma ixkôt mãn war apa. Kot paj tanhmã war ajahkre hto ka wa ma mm ijarẽnh o ri apa. Mkot war amar nẽ ra ixkôt amnhĩ xunhwỳr kaxyw. Anẽ.
23302  MAT 4:24  Jakamã nhũm mpiitã pikaja kamã ri axpẽn mã harẽnh o hprõt. Nẽ pika pê Sir kôt mããnẽn ma ri axpẽn mã harẽnh o hprõt. Nhũm mpiitã harẽnh ma nẽ ma hwỳr mà xwỳnhjê ho mra. Ahpỹnhã ri tanhmã mà kute xwỳnhjaja. Mà htỳx xwỳnhjaja. Nẽ mĩ kamã mhtyk xwỳnhjaja. Nẽ mhkrã pipãnh xwỳnhjaja. Nẽ mẽkarõmnuti kot Satanasti nhỹ hã tanhmã ri mho xwỳnhjaja. Nhũm prem mhamnẽ ma Jejus wỳr mo mra nhũm momu nẽ akupỹm mho mex pa.
23313  MAT 5:10  Nẽ koja mẽhõ mate Tĩrtũm kapẽr mar xà hkôt amnhĩ nhĩpêx o apa hã mapumu nẽ hã tanhmã manhĩpêx kati hto. Tã nom koja Tĩrtũm arĩ mato mex nẽ. Mapê hkra jakamã mkot tanhmã manhĩpêx hto htã ka majamakêtkati nẽ axàmnhĩx akĩnh nẽ ri apa.
23320  MAT 5:17  Nhũm Jejus arĩ mm kapẽr nẽ mm: —Nẽ amnepêm Mojes kot Tĩrtũm nhỹ hã Ijaewjê mã tanhmã mkot amnhĩ nhĩpêx to hã mm karõja. Nẽ amnepêm Tĩrtũm nhỹ hã kapẽr jarẽnh o mpa xwỳnhjê kapẽrja. Ixte mkapẽr o ijapêx kaxyw na pa pre mawỳr ixwrỳk kêt nẽ. Jakamã kwa mri ã axpẽn mã ijarẽnh anhỹr kêt nẽ. Kêt ixprĩ hã ixte mamã mkapẽr jarẽnh nhũm mate mar mex kaxyw na pa pre kaxkwam mawỳr wrỳ.
23323  MAT 5:20  —No Parijew nhõ xwỳnhjaja nẽ Tĩrtũm kapẽrm o mahkre ho mpa xwỳnhjaja. Mkot Tĩrtũm kapẽr kôt amnhĩ nhĩpêx mex ã amnhĩ jarẽnh tã no ãm hkôt ã amnhĩ nhĩpêx anhỹr kêt nẽ. Jakamã kot kaj mhkôt amnhĩ nhĩpêx o ri apamri nẽ muràk nẽ nhỹrmã Tĩrtũm mwa inhõ krĩ kamã apa hkêt nẽ. Anẽ.
23325  MAT 5:22  Tã kot paj ixprĩ hã mamã tanhmã harẽnh to ka minhma. Kot kaj mmmoj tã anhĩõ kamã agryk.mri nhũm Tĩrtũm tee ri ja hã apumu nhũm jam mex kêt nẽ. Jakamã koja manhõ pahihti tanhmã ja hã mato japêr hã koja ja mex nẽ. Rỳ kot kaj mtanhmã mẽhõ japrỳ hto. Ho hagrô rỳ ho rop. Mỳrapê kop apu akwỳ kot apynênh nẽ anhõ pahihti hwỳr ato htẽm nẽ ĩhkram ajaxàr ronhỹx ja inhmã mex nẽ. Rỳ kot kaj mtanhmã anhĩõ mã akapẽr punuj to nẽm: “Tk. Ate ho warêhti hã. Te apê hagrô pyràk kênã.” Anhỹr om akapẽr. Tã kop apu Tĩrtũm ra ã akapẽr anhỹrja mỳrapê mkot amnhĩ xà htỳx kamã hamak m xàta wỳr amẽnh ronhỹx ja inhmã mex nẽ. Ja pumaj kwa kêr ka mã axpẽn mã akapẽr anhỹr kêt nẽ. Kêt maxpẽn mã m akapẽr pix o ri axpẽn kôt apa.
23330  MAT 5:27  Nhũm Jejus arĩ mm kapẽr nẽ mm: —Nẽ na pre finat Mojesja mpanhĩgêtjê mã Tĩrtũm kapẽrm kwỳ jarẽ nẽ mm: “Kêr ka mamnhĩ prõ pix tãnopxar o ri apa. No mkuhpa hã nhãm mẽhõ ho amnhĩkati ho ri apa hkêt nẽ.” Anẽ. Ãm mri na pre mm ja hã karõ.
23333  MAT 5:30  —Nẽ kot kaj manhĩhkra ho tanhmã amnhĩ tomnuj to kaxyw.mri nẽ tee ri ja hã amnhĩ pumu nẽ te ate amnhĩ nhĩhkra krãhyr nẽ mẽnh pyràk o amnhĩ nhĩpêx nẽ tanhmã amnhĩ tomnuj to hkêt nẽ. Mĩhkra ho mkot tanhmã amnhĩ tomnuj to ho mpa xwỳnhjaja koja mnhỹrmã ma mkot amnhĩ xà htỳx kamã hamak m xàta wỳr ma mra nẽ kamã pa rãhã ho pa. Anẽ.
23334  MAT 5:31  Nhũm Jejus arĩ mm kapẽr nẽ mm: —Nẽ na pre finat Mojes mpanhĩgêtjê mã Tĩrtũm kapẽrm kwỳ jarẽ nẽ mm: “Kot kaj matõ aprõ kaga kaxywmri nẽ ate hkaga hã amnhĩ jarẽnh ã kagà nhĩpêx nẽm agõ nẽ rĩ kormã hkaga.” Anẽ. Ãm mri na pre ã mm Tĩrtũm kapẽrm jarẽnh anẽ.
23336  MAT 5:33  Nhũm Jejus arĩ mm kapẽr nẽ mm: —Nẽ na pre finat Mojes mpanhĩgêt nẽ pahpãmmã Tĩrtũm kapẽrm jarẽnh o: “Kêr ka mTĩrtũm mã mmoj to anhỹr ã amnhĩ jarẽmri nẽ amnhĩ jarẽnh xà hkôtm tanhmã amnhĩ nhĩpêx to. Nom kêr ka matỳx rim tanhmã amnhĩ jarẽnh to ho amnhĩ to axêx kêt nẽ. Ãm akatàt kôt mate amnhĩ jarẽnh to xà hkôtm tanhmã mmoj to.” Anẽ. Ãm mri na pre mm ja jarẽ.
23337  MAT 5:34  Tã kot paj ixprĩ hã mamã tanhmã harẽnh to ka minhma. Kêr ka mẽhõ mã tanhmã amnhĩ jarẽnh to. Tĩrtũm mã pix mã amnhĩ jarẽnh kêt nhãm mẽhõ mã mããnẽn tanhmã amnhĩ jarẽnh to. Nẽ akatàt kôtm amnhĩ jarẽ. Na ka htem mkot maxêx kêt kôt mapumunh kaxyw mmoj nhĩxi jarẽnh kôt amnhĩ jarẽ. Nom kêr ka maxte ã mmo nhĩxi hã amnhĩ jarẽnh anhỹr kêt nẽ. Mmoj amnhĩ jarẽ nẽ akatàt kôt amnhĩ jarẽnh kurê kumrẽx. No mkot axêx kêt kôt apumunh kaxyw mmoj nhĩxi hkôt amnhĩ jarẽnh kêt nẽ. Tanhmãn kaxkwa nhĩxi jarẽnh kôt mmoj amnhĩ jarẽnh kêt nẽ. Kaxkwa kêp Tĩrtũm krĩ xà maati kênã kot ka kêt maxtem nẽ atỳx ri amnhĩ kaxyw hixi jarẽ.
23340  MAT 5:37  ãm akatàt kôtm amnhĩ jarẽnh kurê kumrẽx. Jao mm: “Tỳ. Nà kot paj ho anẽ.” Anhỹr o mmoj tanhmã ho. Rỳ mm: “Nà kot paj ho anhỹr kêt nẽ.” Anhỹr o mmoj tanhmã ho hkêt nẽ. Ãm akatàt kôt tanhmã mmoj amnhĩ jarẽnh to xà hkôt ho anhỹr kurê kumrẽx. Mkot Satanasti hkôt amnhĩ nhĩpêx o mpa xwỳnh pixjaja na htem hêx rom mmoj nhĩxi jarẽnh kôt tanhmã amnhĩ jarẽnh to ho pa. Anẽ.
23348  MAT 5:45  Na hte ã kaxkwa kamã Mẽpahpãm Tĩrtũmja amnhĩ nhĩpêx anhỹr o pa. Mkot amnhĩ tomnuj xwỳnhjaja nẽ mkot amnhĩ to mex xwỳnhjaja nhũm hte mho hpimrààtã mho mex o axpẽn pyràk. Jao hamwa hwỳr na rẽ nẽ hamwa hwỳr myyti rẽ nhũm hamwam hirã ho pa. Jakamã kêr ka muràk nẽ mpiitãm mhipêx o axpẽn pyràk. Mkot amnhĩ tomnuj xwỳnhjê mmkot amnhĩ to mex xwỳnhjê mho apimrààtã mho mex o axpẽn pyràk.
23349  MAT 5:46  —Nẽ xàt kaj mamã mpiitã mho mex prãm kêt nẽ ãm mkot mato mex xwỳnh pixjaja ka mamã mho mex prãm nhũm Tĩrtũm ja hã mapumu nhũm jam mex nẽ nà? Nà kojam mex kêt nẽ. Koja mẽhõ ato mex kêt tã kêr ka ãm amnhĩ rom ho mex nẽ. Nhũm Tĩrtũm ja hã apumu nẽ amnhĩm amex ã ajarẽ. Mkot amnhĩ tomnuj xwỳnhjaja na htem ãm mkot mho mex xwỳnh pixjaja nhũm mamnhĩ xwar mho mex. Nom mkot amnhĩ nhĩpêx xwỳnhjaja na htem mpiitã mho mex o axpẽn pyràk. Mkotm amnhĩ nhĩpêx xwỳnhjaja nẽ mkot amnhĩ tomnuj xwỳnhjaja nhũm mho hpimrààtã mho mex o axpẽn pyràk.
23350  MAT 5:47  —Nẽ na hte mhkwỳjaja ãm amnhĩ kwỳjê pix mã kapẽr mex o pa. Nom mpiitãm mhipêx kêt nẽ. Nom kêr ka mã amnhĩ nhĩpêx anhỹr kêt nẽ. Kêr ka mkurom mpiitãm mhipêx o axpẽn pyràk. Makwỳjê mmakwỳ hkêt xwỳnhjaja ka mhipêx o axpẽn pyràk. Nẽm mm akapẽr o axpẽn pyràk.
23351  MAT 5:48  Kaxkwa kamã Mẽpahpãm Tĩrtũm pyrà nẽ mkot amnhĩ tomnuj xwỳnhjê mmkot amnhĩ to mex xwỳnhjaja mho apimrààtã mho mex o axpẽn pyràk. Na hte ã Tĩrtũmja mpanhĩpêx anẽ. Anẽ.
23352  MAT 6:1  Nhũm Jejus arĩ mm kapẽr nẽ mm: —Nẽ na htem mpiitã hkwỳjê noo mã tanhmã mkêp amrakati xwỳnhjê ho mex to. Nom m mhkaprĩ kamã tanhmã mho mex to hkêt nẽ. Ãm hkwỳjaja kot ja hã momunh nẽ mmex ã mharẽnh pix kaxyw na htem krĩ hkôt ri mkêp amrakati xwỳnh piitã mho mex o pa. Nẽ mpikuprõnh xà hã ixkre kamã kuhê nẽ tanhmã mho mex to. Mhkwỳjaja kot ja hã momunh nẽ amnhĩm mmex ã mho jarkrar kaxyw. Jakamã koja nhỹrmã Tĩrtũmja axte ja hã mm mmoj mex nhõr kêt nẽ. Ra jar mhkwỳjaja kot ja hã momunh nẽ amnhĩm mmex ã mharẽnh kênã. Jakamã kwa kêr ka mho muràk kêt nẽ. Nẽ tanhmã mẽhõ ho mex to kaxyw nẽ akwỳjê no kuhpa hã mhkàx ã tanhmã mho mex to. No kot kaj mnoo mã tanhmã mho mex to. Mkot hã apumunh nẽ ato jarkrar kaxyw tanhmã mho mex to nhũm kaxkwa kamã Mẽpahpãmja ja hã apumu nẽ m tanhmã ato mex to hkêt nẽ. Koja ãm apumu.
23357  MAT 6:6  No mkajaja. Kêr ka muràk nẽ ã amnhĩ nhĩpêx anhỹr kêt nẽ. Ãm Tĩrtũm mã amnhĩ jarẽnh kaxyw nẽ akwỳjê no hkàx ã hitom wỳr agjê nẽ hitom m ahtem amnhĩ jarẽ.mri nhũm Tĩrtũm tapxipix ja hã mapumu. Mamã amnhĩ to amnhĩrĩt kêt tã mapumu. mri nẽ mato mex nẽ.
23360  MAT 6:9  —Nẽ kêr ka mm amnhĩ jarẽnh kaxyw nẽ amnhĩ krã hkôt tanhmã m amnhĩ jarẽnh to rỳm amnhĩ jarẽnh o: Pa Mẽinhĩpêêxà maati pê kaxkwa kamã ri apa xwỳnh? Amex o amex Tĩrtũm.
23365  MAT 6:14  —Nẽ koja mẽhõ tanhmã anhĩpêx to htã ka ho ajamakêtkati nẽ axtem ajamaxpẽr pix o ri apa hkêt nẽ. Hã koja kaxkwa kamã Mẽpahpãm maatija ja hã apumu nẽ apyrà nẽ tanhmã ate amnhĩ tomnuj to ho hamakêtkati nẽ axtem hamaxpẽr kêt nẽ.
23366  MAT 6:15  Nom kot kaj mã amnhĩ nhĩpêx anhỹr kêt nẽ. Nẽ tanhmã mkot matota ã anohtỳx rãhã ho apamri nhũm Mẽpahpãm maatija mapyrà nẽ mate tanhmã amnhĩ tomnuj to ho hamakêtkati hkêt nẽ. Ãm hã nohtỳx rãhã ho pa ho pa. Anẽ.
23376  MAT 6:25  Nhũm Jejus arĩ mm kapẽr nẽ mm: —E. Kwa kêr ka mtee ri mmoj amnhĩ kukamã ajamaxpẽr kêt nẽ. Tanhmãn axàpkur xà rỳ axê ka mtee ri hkukamã ajamaxpẽr kêt nẽ. Mmoj piitã hkukamã tee ri ajamaxpẽr o ri apa hkêt nẽ. Tĩrtũmja àhpumunh tỳx o àhpumunh tỳx xwỳnh na. Na pre àhpumunh tỳx o manhĩpêx ka mkukwak ri atĩr nẽ apa. Jakamã xà kot mamã manhõ ho pa kaxyw àhpumunh kêt? Nà ja kaxyw àhpumunh tỳx kênã. Kêp manhĩpêx xwỳnh jakamã mããnẽn kêp mamã manhõ xwỳnh. Nẽ kêp mamã maxê nhõr xwỳnh.
23377  MAT 6:26  Mãn ka htem kuwênhre pumu. Na hte tee ri amnhĩ xàpkur xà hkukamã hamaxpẽr o hkaprĩ nẽ ri pa hkêt nẽ. Manhĩpêêxà maati m na htem õ ho pa. Tãm majapê htỳx o kot kuwênhre jakrenh jakamã koja uràk nẽ mamã manhõ rãhã ho pa.
23379  MAT 6:28  Mãn ka htem akunĩ kamã pixôrã pumu. Na hte tee ri tanhmã kute hkukamã hamaxpẽr o ra hkaprĩ nẽ harir kêt nẽ.
23383  MAT 6:32  Mkot Tĩrtũm kôt amnhĩ xunhwỳr kêt xwỳnhjaja na htem ã ri hamaxpẽr anhỹr o pa. Tã nom kêr ka mho muràk kêt nẽ. Tĩrtũm ra kot mpanhõ mmoj kêt kôt mpahpumunh mex kênã.
23392  MAT 7:7  Nhũm Jejus arĩ mm kapẽr nẽ mm: —Nẽ xà kot we akrajam prãm nẽ tep ã awỳ ka axtem nẽ kagã hõ py nẽm agõ? Rỳ nhũm krãhyre gre hã awỳ ka axtem nẽ makre hõ py nẽm agõ? Nà na ka htem ã mhipêx anhỹr kêt. Na ka htem kot mmoj mawỳr xà hkôtm mmoj gõ. Mate amnhĩ tomnuj tã na ka htem akrajê ho mex o ri apa. Tã kaxkwa kamã Tĩrtũmja na hte mato mex o mate makrajê ho mex jakrenh.m majapê htỳx kôt na hte mamã mmoj mex nhõr o pa. Jakamã kot ka mmmoj tã awỳ nhũm mama nẽ mate mmoj tã hwỳr xàta kôt amã kugõ. Ãm xatã mate hã axàhwỳr o ri apaja nhũm mamã hprãm xwỳnhta gõ. Ãm mmoj tã hwỳr rãhã ho ri apa nhũm mama nẽ mamã mmoj tanhmã hipêx to. Te ho mẽhõ m tep xành nẽ teprẽnhxà hpyr nẽ xatã gôxm rẽnh o ãm pyrà nẽ xatã mmoj tã awỳ.mri nhũm mama nẽ mamã hprãm xwỳnhta gõ. Te tep kanhêr xwỳnhta jatã kot tep kanhêr pyràk. Jao mamã mmoj prãm xwỳnhta gõ.
23397  MAT 7:12  —Nẽ mpiitã mkotm manhĩpêxja na mamã hprãm. Tã kêr ka mamnhĩ pyrà nẽm mpiitã mhipêx o ri apa. Mkotm manhĩpêx kêt tã kêr ka maxàmnhĩx mkêp anhõxỳ hkêt nẽm mhipêx. Kot kaj mã axpẽn nhĩpêx anẽ nẽ finat Mojes mTĩrtũm nhỹ hã mkapẽr o mpa xwỳnhjê xujarẽnh xà hkôt axpẽn nhĩpêx mex o ri apa. Anẽ.
23398  MAT 7:13  Nhũm Jejus arĩ mm kapẽr nẽ mm: —Tĩrtũm kapẽrja mkêp hihtỳx jakamã na htem ohtô nẽ hkôt amnhĩ xunhwỳr kêt nẽ. Na htem ãm hpỹnhre nẽ hkôt amnhĩ xunhwỳ nẽ hkôt amnhĩ nhĩpêx. Jakamã te Tĩrtũm nhõ krĩ hwỳr pry grireta ã hpỹnhre nẽ pa pyràk. No nhũm Satanasti hkôt mkot amnhĩ xunhwỳr xwỳnhjaja na htem Satanasti kôt pix mã tanhmã amnhĩ tomnuj to hprãm. Mm mex jakamã nhũm mamnhĩ nhĩpêx o te pry krepak rax ã axpẽn kôt mohtô nẽ pa pyràk o amnhĩ nhĩpêx. Axtem kuwy hwỳr pry krepakja nõr tã nhũm mhtỳx kuwyja wỳr amnhĩ to pa. Jakamã Tĩrtũm kapẽrja mapê hihtỳx tã kêr ka mmãmhkôt amnhĩ xunhwỳ. Jao Tĩrtũm nhõ krĩ hwỳr pry grireta ã mãn apa. Anẽ.
23400  MAT 7:15  Nhũm Jejus arĩ mm kapẽr nẽ mm: —E kwa mo kora. Makwỳjaja kot kêp Tĩrtũm nhỹ hã kapẽr jarẽnh xwỳnh ã amnhĩ jarẽnh tã na htem ja hã amnhĩ to hêx. Nhũm htem m mkapẽr mar prãm nẽ. Te mkapẽr mex pyràk tã no nhũm htem ãm mm amnhĩ to hêx pix o ri mhkôt pa. Mkot mar nẽ axtem nẽ Tĩrtũm kapẽr kwỳm tanhmã amnhĩ nhĩpêx to kaxyw nhũm htem hêx rom tanhmã mm kapẽr to. Jakamã kwa mo kora. Maxkãm ajamak rom nẽ amnhĩ momunh mex nẽ.
23401  MAT 7:16  Kêr ka aprĩ hã mpiitã mkot tanhmã amnhĩ nhĩpêx to hã momu nẽ rĩ kormã tanhmã mharẽnh to. Mhamaxpẽr punuj xwỳnhjaja kêp Tĩrtũm nhỹ hã kapẽr jarẽnh xwỳnh kêt. No koja mm hamaxpẽr nẽm amnhĩ nhĩpêx ka ja hã momu nẽ mkêp Tĩrtũm nhỹ hã kapẽr jarẽnh xwỳnh ã momunh kurê kumrẽx. Na htem hprĩ hã mkot tanhmã amnhĩ nhĩpêx to ho pa hã momu nẽ rĩ kormã tanhmã mharẽnh to.
23405  MAT 7:20  Jakamã kot kaj mtanhmã mkot amnhĩ nhĩpêx to ho pa hã akwỳjê pumu nẽ ra aprĩ hã tanhmã mkute hã momunh kurê kumrẽx. Mkêp Tĩrtũm nhỹ hã kapẽr xwỳnh ã momu rỳ mkêp hkwỳm ri kapẽr xwỳnh ã momu. Anẽ.
23406  MAT 7:21  Nhũm Jejus arĩ mm kapẽr nẽ mm: —Nẽ Inhĩpêêxà Tĩrtũm mwa inhõ krĩja wỳr koja mpiitã gjêx kêt nẽ. Ãm mkot kapẽr kôt amnhĩ nhĩpêx o mpa xwỳnh pixjaja koja mnhỹrmã ma hwỳr agjê. Na hte mhkwỳjaja ixto “Pahihti” anhỹr ã ijarẽnh tã no ãm ixkôt ri amnhĩ nhĩpêx kêt nẽ. Jakamã koja mnhỹrmã wa inhõ krĩ hwỳr àpir kêt nẽ. Kot paj nhỹrmã mpiitã mhtĩr ri tanhmã mkot amnhĩ nhĩpêx to ho pa hã momunh xà hkôt tanhmã mharẽnh to. Mmex ã mhkwỳjê jarẽ nẽ mkot amnhĩ tomnuj ã mhkwỳjê jarẽ.mri nhũm mhkwỳ kot ixkôt amnhĩ nhĩpêx o pa hkêt xwỳnhjaja kuwyta wỳr ma pa pymaj tee ri amnhĩ kukamã hamaxpẽr mri nẽ tanhmã inhmã amnhĩ jarẽnh to nẽ inhmã: “Kwa Jejus. Xà ate ixpumunh kêt? Na pa pre amnepêm ixtĩr ri pikap ixpare ri anhỹ hã aa mkot mmoj pumunh kêt kwỳ ho anhỹr rax nẽ. Nẽ ixkwỳjê nê mẽkarõmnuti jano nẽ mm akapẽr jarẽnh o ri ixpa. Kwa xà ate ja hã ixpumunh kêt?” Anhỹr o inhmã amnhĩ jarẽ. —Nom mhtĩr ri ã mkot amnhĩ nhĩpêx anhỹr o pa htã ixkapẽr kôt amnhĩ nhĩpêx kêt jakamã kot paj mkuma nẽ ãm mkuma nẽ amnhĩ mhano nẽ mm: “Tk kwa mma mra. Mapê ixkwỳ hkêt. Mate ixkôt amnhĩ nhĩpêx o apare hã. Ãm mate amnhĩ tomnuj xwỳnh na ka mẽ. E mma kuwy hwỳr amrar kurê kumrẽx.” Anhỹr o kot paj amnhĩ mhano.mri nhũm mkot ixkôt amnhĩ nhĩpêx o mpa xwỳnh pixjaja ma Tĩrtũm mwa inhõ krĩ hwỳr gjêx pa. Anẽ.
23409  MAT 7:24  Nhũm Jejus arĩ mm kapẽr nẽ mm: —E kot paj mamã awjarẽ ka mixujarẽnh ma. mkot ixkapẽr mar nẽ hkôt amnhĩ nhĩpêx o mpa xwỳnhjaja te mkot ixujarẽnh ja pyràk. Mkot amnhĩ nhĩpêx o te mẽhõ kot amnhĩ kukamã hamaxpẽr mex nẽ aptỳxm amnhĩm õrkwỹ nhĩpêxja pyràk.
23418  MAT 8:4  mri nhũm Jejusm: —E kêr ka amnhĩ mm tanhmã ijarẽnh to hkêt rãhã ma patre hwỳr tẽ kê akupỹm akà mex ã apumu. mri ka hpãnhã amnepêm finat Mojes kot mate akupỹm amex ã Tĩrtũm mã tanhmã amnhĩ nhĩpêx to hã karõta kam ho anẽ. Kê mpiitã akupỹm akà mex ã apumu. Anẽ.
23424  MAT 8:10  mri nhũm Jejus amnhĩ jaêr pê kotm ã kapẽr anhỹrta ma nẽ hkĩnh nẽ.mri nẽ hã hkôt ri mmõr xwỳnhjê mã m: —Kwa xà na ka mmyja kapẽr ma? Mpahkĩnh ã kêp Ijaew kêt tã marom amnhĩ kaxyw inhmã hamaxpẽr tỳx nẽ. Aa matõ uràk nẽ ã amnhĩ kaxyw inhmã ajamaxpẽr tỳx anhỹr kêt tã nhũm marom m àpênh xwỳnh kaxyw ã inhmã hamaxpẽr tỳx anẽ.
23425  MAT 8:11  Nà koja nhỹrmã mhkwỳjaja kêp Ijaew kêt tã ohtô nẽ pika piitã kurũm ma Tĩrtũm mwa inhõ krĩ hwỳr api nẽ hwỳr agjê. Nẽ wa ixkuri wa inhõ krĩ kamã Ijaew pàr krax pê Apraãw nẽ Ijak nẽ Jako mpimrààtã pa ho pa. Mkêp Ijaew kêt tã mĩhkô hã apkur mex o hkrĩ nhũm Tĩrtũm mho mex rax o pa.
23426  MAT 8:12  No pẽr mapê Ijaew kwỳjaja kot kaj mhkôt hwỳr agjêx kêt nẽ. Tĩrtũm m hwỳr magjêx prãm tã ka maxtem nẽ hkaga. Jakamã kot kaj mma kamàt kô xihtỳx rax wỳr ajapêx nẽ mkêp awry rax nẽ mkot amnhĩ xà htỳx kamã hamak m xàta kamã apa ho apa.mri nẽ tee ri mixwỳr agjêx prãm kaprỳ nẽ akaprĩ xàj mur nẽ amnhĩ kamã agryk tỳx nẽ. No ãm tee ri amnhĩ kamã agryk kaprỳ. Mate Tĩrtũm kapẽr kaga nẽ hkôt amnhĩ xunhwỳr kêt jakamã kot kaj mnhỹrmã ã amnhĩ nhĩpêx anẽ. Anẽ.
23430  MAT 8:16  nhũm ra awjakry. Ra kamàtre ho mõ nhũm mpiitã Jejus wỳr mà xwỳnhjê ho mra. Nẽ mẽkarõmnuti kot mhwỳr gjêx xwỳnhjaja nhũm mhwỳr mo mra. mri nhũm momu nẽ akupỹm mpiitã mho mex. Mà xwỳnhjê ho mex nẽ mhkwỳjê nê mẽkarõmnuti jano. Ãm kapẽr pix o m mhano nhũm mkêp hapôj nẽ ma hapêx.
23436  MAT 8:22  mri nhũm kuma nẽm: —Kwa nà ri ã ajamaxpẽr anhỹr kêt nẽ. Ma ixkôt apa ho apa kurê kumrẽx. mmoj inhnê ano kupyr rỳ apê àmnàr kêt nẽ. Kwãr mhtĩrm nẽ mpa hkêt mã xwỳnhjaja mãn axwakre kamã amã anhĩpêêxà jamãr o pa nẽ haxà. Anẽ.
23441  MAT 8:27  mri nhũm mamnhĩ jaêr pê ã kot amnhĩ nhĩpêx anhỹrja ã omu nẽ tee ri hamaxpẽr nẽ axpẽn pumunh omunh o kuhê.mri nẽ axpẽn mã: —Kokỹỹ. Pẽr Jejus kêp mpanhĩõ hkêt. Mpahtõ kot pu we te kot amnhĩ nhĩpêx pyrà nẽ kôk mã pakapẽr nhũm hpinhkrênh kurê kumrẽx? Nà Jejusja mpakurom àhpumunh tỳx o àhpumunh tỳx. Anẽ.
23442  MAT 8:28  nhũm mra himô rax pê Garirejja ã rê nẽ pika pê Geras wỳr pôj nẽ kamã mõ. mri nhũm ra mẽhõ myja wa hamẽxkrut nẽ mkutã tẽ. Ra mẽkarõmnuti kot hamwa hwỳr gjêx xwỳnhja wa. Mẽkarõmnuti xohtô kot tanhmã wa ho jakamã nhũm wa oprê htỳx nẽ hihtỳx rax nẽ wa pa. Jakamã nhũm mpiitãm wa uma nẽ amnhĩ mhtykjê jagjênh xà hã kẽn kre kaêxm wa kumnhũm wa kamã pa ho pa. Jakamã nhũm wa Jejus kutã tẽ nẽ amnhĩ wỳr omu mri nẽ amnhĩ tanhmã m kapẽr to. Nom mẽkarõmnuti nhỹ hã àmra kamã m kapẽr nẽm:
23443  MAT 8:29  —Pa Tĩrtũm Kra Jejus? Mo kaxyw na ka mixwỳr tẽ? Kwa tanhmã mixto hkêt nẽ. Ate tanhmã mixtomnu hto hã arĩgrota kormã katoore hã. Anẽ.
23457  MAT 9:9  nhũm Jejus mkêp kato nẽ hkôt mpa xwỳnhjê mnhũm mma mõ. mri nẽ pa ixpê Matêwre ixpumu. Ixtem m mho amnhĩptàr xwỳnh mã krĩ nhõ xwỳnhjê pê kàxpore hkwỳ jamỳnh xwỳnh na pa pre. Nom mkot ho tewẽn kryre htã ixte amnhĩm hkwỳ ho ixàrĩk prãm xàj na pa pre hte mm ho rũnh nẽ harẽ. Jakamã nhũm mpiitãm ixkĩnh kêt nẽ. Tã pa pre mkêp kàxpore jamỳnh xà hã ixkre kamã mkêp hamỳnh o nhỹ nhũm Jejus mhkwỳjaja ijãnh mra nẽ ixpumu nẽ amnhĩ kôt ixwỳ nẽ inhmã: —Pa? E axàpênhta kaga nẽ hpãnhã amnẽ mixkôt mãn tẽ nẽ ixkôt mãn ri apa ho apa. Anẽ.mri pa kuma nẽ ixàpênh kaga nẽ ma hkôt tẽ. Nẽ hpãnhã hkôt ixpa ho ixpa.
23460  MAT 9:12  mri nhũm Jejus amnhĩ tã ã mkapẽr anhỹrja ma nẽ mm: —Tk. Nà ixtem munhwỳr kaxyw na pa mkutã ixàpkur o nhỹ. Xà na hte tôtôja mmex xwỳnhjê hwỳr mra nẽ mhkane? Nà ãm mà xwỳnhjê pix wỳr na hte mra nẽ tanhmã mhkane hto. Ra mate ja pumunh mex. Tã ja pyrà nẽ na pa pre mkot amnhĩ to mex xwỳnhjê hwỳr ixwrỳk kêt nẽ. Mkot amnhĩ tomnuj xwỳnhjê pix wỳr na pa pre wrỳ. Ixtem munhwỳr kaxyw mhwỳr wrỳ nẽ ã jajê kutã ixàpkur o inhỹr anẽ.
23461  MAT 9:13  Ga mma mra nẽ Tĩrtũm kapẽr ã kagà htũm kot ja jarẽnhja kamã harẽ nẽ ama. Harẽnh kot: Na ka htem inhmã tanhmã amnhĩ jarẽnh to kaxywmri nẽ inhmã mmoj gõ nẽ tanhmã ixto mex to. Nom kêr ka mãm ja pix ho anhỹr kêt nẽ. Mmããnẽn mpiitã tanhmã mho mex to ho ri apa. Anẽ. —Ã Tĩrtũm kapẽr ã kagà htũm kot ja jarẽnh kot anhỹr. Tã ja pyrà nẽ na pa pre mkot amnhĩ tomnuj xwỳnhjê hwỳr wrỳ nẽ mkamã ixukaprĩ ho ixpa. Mkot amnhĩ tomnuj kaga nẽ hpãnhãm amnhĩ nhĩpêx kaxyw na pa pre ã mhwỳr ixwrỳk anẽ. Tã ka mri atỳx amnhĩ krã hkôt ã ixto akapẽr anẽ. Anẽ.
23463  MAT 9:15  mri nhũm mkuma nẽ mm: —Nà mo kaxyw kot kêt mapkur kêt rãhãm amnhĩ jarẽ? Mhkaprĩre hã. Mkot ixkôt pa ho pa hã amnhĩ pumunh jakamã na htem hkĩnh nẽ ixkôt pa. Kormã ixte mkamã ixpa kênã kot kêt mapkur kêt rãhã Tĩrtũm mã tanhmã amnhĩ jarẽnh to. Xà na htem hkràmnhwỳ hã hkĩnh kaxyw hã akuprõ nẽ hkaprĩ nẽ apkur kêt o kamàt nẽ mỳr o hkrĩ? Nà na htem anhỹr kêt nẽ. Na htem hã akuprõ nẽ hkĩnh nẽ hã apkur rũnh nẽ. Ja pyrà nẽ na hte ixkôt mpa ho mpa xwỳnhjaja ixkôt kormã àmnhĩx hkĩnh nẽ apkati mapkur o pa. Nom koja mm ixkurê xwỳnhjaja nhỹrmã tanhmã ixtomri nhũm mhkaprĩ htỳx nẽ rĩ kormã tõhã apkur kêt rãhã Tĩrtũm mã amnhĩ jarẽ. Anẽ.
23464  MAT 9:16  Nhũm Jejus mpiitã mm kapẽr nẽ mm: Mkot amnhĩ tomnuj xwỳnhjaja ra mkot amnhĩ nhĩpêxm o amnhĩ pyràk jakamã na htem tanhmã mkot amnhĩ nhĩpêx nyw tota kaga.
23467  MAT 9:19  mri nhũm kuma nẽm: —Tôe. Nà kot paj ma akôt tẽ. Anẽ.mri nẽ ma hkôt tẽ. Mixpê hkôt ixpa ho ixpa xwỳnhjê mpa mma hkôt mõ.
23468  MAT 9:20  Nhũm mẽhõ ni kamrãhã ho pa xwỳnhja ma mixkôt tẽ. Na pre hte hkamhkryre rãhã ho pa hã amgrà pê 12 nẽ tee rim amnhĩ mex prãm o pa. Jakamã Jejus jarẽnh ma nẽ amnhĩ kaxywm hamaxpẽr kurê kumrẽx nẽ hamaxpẽr o:Ma pa kop ma hwỳr tẽ nẽ kêp ê nhĩrê pix kupênh tã akupỹm inhmex japêr. Anẽ.mri nẽ ma mohtôjê kaêx kôt hwỳr tẽ. Nẽ katut kôt tẽ nẽ kêp ê nhĩrê kupê.
23482  MAT 9:34  Nom nhũm mhkwỳ pê Parijew nhõ xwỳnhjaja axtem nẽ hã mm kapẽr o: —Tk. Kot amnhĩ krã hkôt mhanor kêt kênã. Mẽkarõmnuti nhõ pahi nhỹ hã kot m mhanor kênã. Anẽ.
23484  MAT 9:36  mri nhũm momu nẽm mhkaprĩ nẽ. Na prem tee ri amnhĩ kukamã hamaxpẽr o pa jao ra hkaprĩ nẽ. Nhũm Jejus ja hã momu nẽ hamaxpẽr o: —Hêxta waa nẽ. Na mmex kêt nẽ pa. Te mkêp ôwêhti jamãr xwỳnh kêt kot amnhĩ nhĩpêx pyràk o htỳx ri pa. Mẽhõ kojam mhkaprĩ nẽ tanhmã mho mex to ho pa? Anẽ.mri nẽ mkamã ukaprĩ nẽ.
23487  MAT 10:1  nhũm Jejusja hkôt mixpa ho mixpa xwỳnhjê ho 12 nẽ mixrê. Mixte ma krĩ piitã hwỳr inhmrar nẽ ỹ hã mahkre nẽ tanhmã mà kute xwỳnhjê ho mex o ixpa kaxyw. Nẽ ỹ hã m mẽkarõmnuti janor o ixpa kaxyw nhũm mixrê. Na pre mixto 12 nẽ mixrê. Ã minhĩxi kot anhỹr. Pêtre kumrẽx na pre kuta. Hixi hõ pê Simãw. Nẽ hkôt htõ Andreja ta. Nẽ hkôt Jepetew kra Xiakreja ta. Nẽ hkôt Xiakre htõ Juãwja ta. Nẽ hkôt Firiptija ta. Nẽ hkôt Patoromewja ta. Nẽ hkôt Tomasja ta. Nẽ hkôt pa ixpê Matêwre nhũm pre mhkôt ixta. Ixpê pahi nhỹ hãm mkêp ixujamỳnh xwỳnh tã nhũm pre jajê hkôt ixta. Nẽ ixkôt Apew kra Xiakre hõja ta. Nẽ hkôt Tatewja ta. Nẽ hkôt Simãw Jeroxja ta. Nẽ hkôt Jut Kariotja ta. Kormã kot mm Jejus kurê xwỳnhjê nhĩhkram õr mã nhũm Jejus kot amnhĩ kukamã omunh mex mhkôt amnhĩ kaxyw kuta. Ã mixte ỹ hã mahkre o ixpa kaxyw mixrênh xwỳnhjê nhĩxi kot anhỹr.
23492  MAT 10:6  Ãm mpahpê Ijaew nhõ krĩ kôt pix mã mãn ri apa. Mkot tee ri amnhĩ kukamã hamaxpẽr o pa jakamã te mkêp ôwêhti pikunor nẽ htỳx ri mex kêt nẽ pa pyràk.
23500  MAT 10:14  —Nẽ koja nhỹri krĩ hõ kamã makaga nẽ akapẽr mar kêt japêr. Ka mtee ri amnhĩ mkamã ama mri nẽ tokyx mkurũm ajapôj nẽ ma akupỹm apa. Nẽ akupỹm anojarêt nẽ mnoo mã akuhê nẽ amnhĩ par ã awjagrô kapĩ nẽ ma apa. Mkot Tĩrtũm kaga hã amnhĩ pumunh kaxyw ka mã mnoo mã amnhĩ nhĩpêx anẽ.mri nẽ ma nhỹhỹm hpãnhã apa.
23502  MAT 10:16  Nhũm Jejus arĩ kot mixrênh xwỳnhjê mã kapẽr nẽ minhmã: —E kot paj ma mhwỳr marẽ. Ma mate Tĩrtũm kapẽr o mahkre ho ri mhkôt apa kaxyw. Jakamã kot kaj mte ôwêhti kot mry xoprê hwỳr amnhĩ to mrar nhũm kot hkwỳ hpar pyràk o amnhĩ nhĩpêx. Koja mhkwỳjaja mate mahkre ma nhũm ja mkêp omnuj nẽ nhũm m tanhmã manhĩpêx to. Tã nom kêr ka mtee ri amnhĩ kukamã ajamaxpẽr nẽ amã muma hkêt nẽ.
23507  MAT 10:21  —Nẽ koja mhkwỳjaja ixtã makamã gryk nẽ. Nẽ matã àmnênh pix o pa. Nẽ mkot mapar kaxyw makwỳjê hã amỹnê. Koja manhĩpêêxà hkwỳjaja mapê mhkra hã amỹnê. Nhũm makra hkwỳjaja mapê mhipêêxà hã amỹnê. Nhũm matõ hkwỳjaja mapê mhtõ hã amỹnê. Nhũm makatorxàjaja matã amỹnê. mri nhũm mapa. No ãm kwãr mmãmã manhĩpêx anẽ. Ã mkot manhĩpêx anhỹr tã kêr ka mtee ri amnhĩ kukamã ajamaxpẽr pê ixkaga hkêt nẽ. Mãm amnhĩ to htỳx rãhã ty.mri nẽ akaxwỳnhja ma Tĩrtũm mwa inhõ krĩ hwỳr axàpir kurê kumrẽx nẽ wa ixkuri akupỹm amex nẽ atĩrm nẽ apa ho apa.
23510  MAT 10:24  Mate ixkôt apa ho apa xwỳnh na ka mẽ. No pa na ixpê majahkre xwỳnh. Jakamã koja mkot tanhmã inhĩpêx to ho mããnẽn manhĩpêx. Koja mnhỹrmã tanhmã inhĩpêx to nẽ mã ixkôt mato anẽ nẽ. Mpahte amnhĩ nhĩpêxja kot axpẽn pyràk. Jakamã koja mixpê Satanasti hã ijarẽ nẽ mããnẽn tanhmã majarẽnh punuj to ho pa. Mpahte amnhĩ nhĩpêxja kot axpẽn pyràk jakamã koja mpanhĩpêx o axpẽn pyràk.
23514  MAT 10:28  —E kêr ka mamã mkot tanhmã mato mã xwỳnhjê pyma ho apa hkêt nẽ. Mkot mapar mã tã koja mãm makrãhkà pix pa nom tanhmã makaxwỳnh to hkêt nẽ. Tĩrtũmja tapxipix na hte mhkrãhkà nẽ mhkaxwỳnh mho pimrààtã kot amnhĩ xà htỳx kamã hamak m xàta wỳr mrẽnh pumunh. Tã kot hwỳr marẽnh pymaj kêr ka mamã kapẽr kwỳm ri tanhmã amnhĩ nhĩpêx to pyma ho ri apa.
23515  MAT 10:29  —Nẽ Tĩrtũm kot mpahto hapêx par pumunh mããnẽn kot mpajamãr mex. Mãn ka htem kuwênhre pumu. Na hte Tĩrtũm kuwênhre jamãr mex o pa. Mpiitã mkot ãm omunh nom nhũm Tĩrtũm mkurom hamãr mex mhtãnopxar rãhã ho pa. Tãm mpajapê htỳx o kot kuwênhre jakrenh jakamã kwa mtee ri amnhĩ kukamã ajamaxpẽr o ri akaprĩ nẽ apa hkêt nẽ. Koja Tĩrtũm mpahtãnopxar rãhã ho pa. Kot mpanhĩ piitã omunh par. Nẽ ahpỹnhã tanhmã mpahkrã hkĩ kute hkôt mpahpumunh par. Tã kot mpahtãnopxar rãhã jakamã mo kaxyw kot kaj kêt mri amã muma ho apa? Anẽ.
23522  MAT 10:36  —Koja mã makwỳjaja ixtã makutã amnhĩ xunhwỳr anẽ. Manhõrkwỹ kamã makukwak ri pa htã ixtã makutã amnhĩ xunhwỳ.
23528  MAT 10:42  Nhũm mẽhõ nhỹri mkot ixkôt kormã amnhĩ m nyw nẽ kormã àhpumunh tohtuj anhỹr xwỳnhjê hõ pumu. Nẽm kôr ã omu nẽ hamaxpẽr o: “Kwa Jejus kôt ri pa xwỳnh mũj m kôr. Kormã kot Jejus kôt amnhĩ m tỳx kêt tã kêp hkwỳỳ. E kot pajm gô hkwỳ kê ho ixkõ.” Anẽmri nẽm hkwỳ nhũm ho ixkõ.mri nhũm Tĩrtũm omu nhũm kotm gô pix nhõr nhũm kot ho hkõm nhũm ja hã ho mex rax nẽ. Anẽ. Nhũm pre ã Jejus kot mhwỳr mixrẽnh xwỳnhjê mã kapẽr ry rax anẽ. Mixpê 12jê mã ã kapẽr anẽ.
23532  MAT 11:4  mri nhũm wa kuma nẽ ma hwỳr tẽ. Nhũm Jejus kormã tanhmã mà kute xwỳnhjê ho mex o xa. Mnohkre xwỳnhjaja nhũm akupỹm mho mex. Nẽ mẽkarõmnuti kot mhwỳr gjêx xwỳnhjaja nhũm m mhanor o ãm rãhã nhũm Juãw kôt wa pa xwỳnhta wa hwỳr tẽn pôj. Nẽ kormã m omunh o wa xa.mri nẽm Juãw Paxis kapẽr jarẽ nhũm wa kuma nẽ wam: —Tỳ. Nà ãm mri na ja hã ijarẽ. Ixpê mate ixkamã ajamak o apa xwỳnhta na pa. Na ka wa kam ã ixte amnhĩ nhĩpêx anhỹr ã ixpumu. Jakamã wa ma akupỹm tẽ nẽ aprĩ hãm ijarẽ.
23538  MAT 11:10  Tĩrtũm kapẽr ã kagà htũm kot Juãw kukamã tanhmã harẽnh to nẽ harẽnh kot: Kot paj Ixkra hkukamã ma mhwỳr harẽnh xwỳnhja mnhũm ma ri kutêp mm harẽnh o pa. Mkot mar nẽ kutêpm amnhĩ nhĩpêx o pa kaxyw. —Anhỹr o Tĩrtũm Juãw Paxis kukamã harẽ nhũm prem hã kagà. Tã nhũm ixkukamã mawỳr kumẽ.
23540  MAT 11:12  —Na pre finat Mojes kumrẽx mm Tĩrtũm kapẽr kwỳ hã kagà. Tã nhũm hpãnhã Tĩrtũm nhỹ hã kapẽr jarẽnh xwỳnhjaja Mojes mỳr pê hkwỳ hã kagà. Nhũm prem kamã harẽ nẽ kuma nẽ hkôt amnhĩ nhĩpêx o pa.mri nhũm Juãw Paxisja mmỳrpê kato nẽm Tĩrtũm kapẽr o mahkre ho ri pa. Tã pa hpãnhã ho majahkre ho ri makôt ixpa nhũm mohtô nẽ inhma nẽ ixkôt amnhĩ xunhwỳ nẽm ixkapẽr kôt pix mã amnhĩ nhĩpêx o ri pa hprãm nẽ.
23544  MAT 11:16  Te mẽhprĩre kot amnhĩ nhĩpêx pyràk o na htem amnhĩ nhĩpêx. Mẽhprĩrejaja na htem mõrkwỹ kapem mmoj to amnhĩkati nẽ tee ri hkwỳjê kot amnhĩ nhĩpêx pumu nẽ mm:
23545  MAT 11:17  Kwa na pa mamã gre htã ka mixkutã anhõkrepôx kêt nẽ. Pa mja hã mapumu nẽ hpãnhã mamã mhtyk jarẽ htã ka makaprĩ nẽ amỳr kêt nẽ. Kwa mri ã amnhĩ nhĩpêx anhỹr kêt nẽ. Anẽ.Mẽhprĩjaja na htem ã axpẽn mã kapẽr anẽ. Tã te mate muràk. Tĩrtũm kot mawỳr ỹ hã kapẽr jarẽnh xwỳnhjê rẽnh tã ka mte mẽhprĩre kot amnhĩ nhĩpêx pyrà nẽ mama nẽ ãm mama nẽ mhkôt amnhĩ nhĩpêx kêt nẽ.