23282	MAT 4:4	Bong ngan Yesu iraua betanga ki nen, “Rau ke Maro iwete nen, ‘Porong leu la be itoko di tooltool ye yepongo kidi, in tiap, bong betanga le imot yo ipa ye Maro koonoo nga, ngan la itoko di tooltool ye yepongo kidi nga.’ ”
23285	MAT 4:7	Bong ngan Yesu iraua betanga ki nen, “Rau ke Maro iwete lapau nen, ‘Kin kutouo Maro yo Tool Mai kiong, in be.’ ”
23531	MAT 11:3	Le nga iwete pang di nen, “Kala ngan katoru nen. Kayei ne, ‘I ong tool tani yo Maro ipamede betanga ye be ole iwanga a isi, in naii, too ole amtar matamam a amnama tool san mulu?’ ”
23638	MAT 13:30	Le kin kalama be, bong sila tiken nen a tidada gaongo a tilo le lo ye lal yo ke saputungu dingding ngan. Ngan ye lal tani in ole awete pang di tooltool ke saputungu dingding be tilama dingding yo dook tiap ngan muku a tiliki ye ooroo, inbe tikatte lo ei ikan. Lo ngan be tisaput dingding yo dook mata ngan a tikap kanono lo tigaun para lono kiau.’ ”
23820	MAT 18:24	Ye kene yo imadit ye karatanga betanga ye in nga, ngan iwete le tikaua tool atu yo ikap pat gol ben 10,000 a iyei bun panga i, in a iman pang ye.
23876	MAT 20:15	So yo nga so kiau. Too yelei, au i o ke be atoo lok a agiri pat kiau au tauk ye soo so yo lok be ayeii, in tiap, too? Too yelei, ang nga lomim dook tiap pau ye yo ayei dada dook mata pang di tooltool kapala nga, too?’ ”
23900	MAT 21:5	Ngan betanga tina yo Maro koonoo iwodo ngan nen, “Kawete pang di tooltool ke Saion nen, ‘Kakamata, tool kuto mai kiang yo be matan kala tana mai kiang le imot i, in ya la be ise pang yang i. Ya in tool ke lo silene pang di tooltool nga le imot, inbe iwur donki pono. Ya la iwur donki kase paunu pono a ise pang yang i.’ ”
24089	MAT 25:12	“Bong tool tani in iraua betanga kidi nen, ‘Awete pang moolmool nen, au i lok galanga yang pitiap yege.’ ”
24092	MAT 25:15	Ngan tool tani in ikamata di kapraingi ki ye lo galanga le gurana kidi, inbe imalimi di atu atu ye pat. Nen le kapraingi ki atu in ikap pat gol limi panga, inbe san in ikap pat gol ru panga, inbe san in ikaua pat gol atu panga. Motong la imadit a ipa pang ye malala yo iken ni mooloo san i, a du iyepe nango.
24107	MAT 25:30	Le kapraingi dook tiap, in kakauu a kakatte du diki ye ni todo lono ni. Ngan ye ni tani, ole timassingi a titangtang, inbe tikanen dongadi a iparrasa.’ ”
24122	MAT 25:45	“Ngan Tool Mai tani in ole raua betanga kidi nen, ‘Awete pang moolmool nen. Soo so be kayeii pang tool kiau nga atu tiap i, in so tani in ben kayeii pau tiap lapau. Nen le kumata be kayeie dada dook mata sa pang tool kiau atu yo taukan ene, in tiap lapau nga, ngan gaongo leu, so tani in ben kayeii pau tiap lapau.’ ”
24163	MAT 26:40	Motong la imulu a iman pang ye di galiunu tol tina, ngan ikamata di tiken mata oo. Le nga itoro Pita nen, “Nga yelei, ang tol nga ke be matamim rere a ayang tanat dook a tayepe ye manga kasin tiap, too?
24271	MAT 28:7	Lo ngan be kamulu palbe a la kawete pang di galiunu nen. Kayei ne, ‘Yesu imadit mulu ye ni ke matenge a imuku a ila pang Galili oo. Ole la kakamata nango.’ ” Bangabangana tani in iwete pang di nen a imot, motong la iwete mulu nen, “Oo, betanga tani nain la nookoot nga aweta pang koot i.”
24287	MRK 1:3	Ole kalongo tool atu kalngana ye ni sorrakene, in iwete le koonoo maimai nen, ‘Kakarata dada pang Tool Mai, inbe kayeii le tarantatu panga be ipa ye.’ ”
24404	MRK 4:12	a be nen ngan, ‘kanakana ngan ole tikamata so yo Maro iyei nga, bong o ke be tikilala tiap. Inbe kanakana ngan ole tilongo betanga yo iwete nga, bong o ke be lodi galanga ye tiap, ole nen ngan be tiportak lodi nga, ngan Maro igiri noonoo kidi!’ ”
24676	MRK 10:19	Ong i lom galanga ye ger yo Maro ikap pang Mose ngan oo. Ger tina ngan iwete nen: ‘Kin kuraumata di tooltool be, inbe kin kuyei bauk be, inbe kin kupinoo be, inbe kin kusopo koom ye betanga doko be, inbe kin koom paweserai di diem a kop sokorai so kidi be, inbe kuraua pang tamam le tinam a kulongo betanga kidi.’ ”
24712	MRK 11:3	Le kumata be tool sa ikamatang le itorang nen, ‘Ai, nga yelei a kayei nen nga?’ ngan kawete panga nen, ‘Tool Mai be iyei urata ki ye, lo ngan be ole palbe leu be ipamule a ise.’ ”
24753	MRK 12:11	Tool Mai iyeie so nen, le amkamata ye matamam, ngan dook mata san.’ ”
24778	MRK 12:36	Kakamata, Maro Amunu Silene la ipamaditi Dawiti lono, le Dawiti ya taunu iwete nen, ‘Maro yo Tool Mai i, in iwete pang Tool Mai kiau nen. “Kuwur ye baek oonoo a kuyepe nen le lo atar di koi kiong a tidu ke kem parmana.” ’
24881	MRK 14:58	“Am nga amlongo tool in iwete nen. Iyei ne, ‘Au i ole asua bareme mai ke sungunu yo di tooltool tire i, lo ngan be ole apatakodo san mulu ye ke tol leu. Ngan bareme san tani, in dawa ben yo di tooltool tire ye baedi, in tiap.’ ”
24949	MRK 16:7	Bong kakamata nene, lo ngan be kamulu a kala la kakaua bingi pang di galiunu, inbe Pita lapau. Ngan kawete pang di nen, ‘Yesu imuku a ila pang Galili oo. Le katoo a kala ngan la be la kakamata nango, ben tina yo muku ngan iwete pang nga.’ ”
24967	LUK 1:5	Ye kene yo Erot iyei tool kuto mai a matan kala tana mai Yudia ye in nga, ngan tool atu ke paroranga so pang Maro, in ene la Sakaria i. Ya in iyepe ye budanga atu ke di tooltool ke paroranga so pang Maro yo tiweta ye Abia i. Ngan iye rimana yo Ilisapet, ngan Aron di sasa ki.
25066	LUK 2:24	Le nga yaru tilo lo titoo Ger ke Tool Mai yo iweta a tiwode lo ye rau be tiparoro “bal utu ru, too bal kase ru” panga i.
25100	LUK 3:6	Ngan la be di tooltool le imot tikamata urata ke tool tani yo Maro iwanga be si ipamulu di ye so dook tiap tani yo be igarung di in nga.’ ”
25134	LUK 4:2	Ngan Yesu ya taleu ila iyepe ye ni sorrakene tani ye ke sangaul pai, inbe tool kuto mai kidi so sadi iman a man itoua. Ngan ye ke tina yo Yesu iyepe ye nga, ngan ikan touo so pitiap le nga pitolo welewele.
25136	LUK 4:4	Bong Yesu iraua betanga ki nen, “Rau ke Maro iwete nen, ‘Porong leu la be itoko di tooltool ye yepongo kidi, in tiap.’ ”
25140	LUK 4:8	Bong ngan Yesu iraua betanga ki nen, “Rau ke Maro iwete nen, ‘Kusung pang Maro yo Tool Mai kiong i, inbe kuraua panga ya taleu.’ ”
25143	LUK 4:11	Ole tisipong ye baedi, a be nen ngan pat isolo kem katene be.’ ”
25144	LUK 4:12	Motong la Yesu iraua betanga ki nen, “Rau ke Maro iwete nen, ‘Kin kuyei dada dook tiap yo be kutouo Maro yo Tool Mai kiong, in be.’ ”
25272	LUK 7:8	Awete nen nga, yesoo ayepe gurana ke tool mai kiau yo matan kalau, in parmana. Inbe au tauk i di tooltool kiau ke patokongo nga, ngan tiyepe gurana kiau parmana lapau. Le kumata be awete pang atu nen, “Kula,” ngan ole ila. E be awete pang san nen, “Kuman,” ngan ole iman. E be awete pang kapraingi kiau nen, “Kuyeie urata i,” ngan ole itoo kook a iyeie urata tani.’ ”
25283	LUK 7:19	inbe iwete pang di nen, “Kala pang ye Yesu la katoru nen. Kayei ne, ‘I ong tool tani yo Maro ipamede betanga ye be ole iwanga a isi i, in naii, too ole amtar matamam a amnama tool san mulu?’ ”
25340	LUK 8:26	Ye kene tani in Yesu iye di galiunu tina ngan tipie ye ookoo kidi a tila le la pombe ye tana mai Gerasa yo iken ke ran Galili koonoo kapala i.
25459	LUK 10:27	Motong tool kuto mai tani in iraua betanga ke Yesu nen, “Ger ke Maro iwete nen, ‘Lomim pang Maro yo Tool Mai kiang i, in mai san, inbe kagaua lomim le tinimim ipa ye gurana le lo galanga kiang le imot panga.’ Inbe ger san yo itoo i, in nen, ‘Lom pang di diem mai san dawa ben yo ong taum lom pong mai san nga.’ ”
25467	LUK 10:35	Tiyepe a bongbongini ki, motong la ikap pat silba ru la ikap pang rumu taunu, inbe iwete panga nen, ‘Nga ole matam kala tool i dook, bong kumata be kotte pat kiong sa mulu ye nga, ngan amulu a aman lo ngan be kuwete pau a nen ngan arau pat kiong tina.’ ”
25478	LUK 11:4	Inbe kugiri noonoo kiam, yesoo am nga ole amgiri noonoo kidi diemam yo tiyei pam, ngan lapau. Inbe kupasongosongam le kin amkapsap ye dada dook tiap ke touanga be.’ ”
25547	LUK 12:19	Lo ngan be au tauk awete pau nen, “Nookoot nga la so kiau alunu san le ole iken kaiye ye rai alunu nga. Ngan nanga, nookoot nga ole amaryoo a awur leu, inbe kanakana ngan ole lok ponana a akan be ayin leu.” ’
25548	LUK 12:20	“Bong ngan Maro iwete panga nen, ‘Barau, ong i tool kapa moolmool sa. Ye bong yo katai i, ngan ole kumata. Lo ngan be so tina le imot yo kuwinoko pong ong taum nga, ngan ole sei be ikap i?’ ”
25596	LUK 13:9	Kumata be talo ye rai san pang dama i, le be ipu a itar kanono nga, ngan o dook mata. Bong kumata be ipu tiap nga, lo ngan be kuwete a atara du tana.’ ”
25622	LUK 13:35	Le kutar talngam a kulongo, ole Maro iyege bareme mai kiong ke sungunu tani a ilo, inbe bareme tani in sila iken sokorai. Awete pong nen, nookoot nga o ke be di tooltool kiong tikamatau mulu tiap, le ilo ye lal yo be tiyei ne, ‘Maro kuyeie urata dook mata pang tool yo isi ye Tool Mai ene i.’ ”
25646	LUK 14:24	Awete pong nen, di tooltool yo akiu di muku be tise ye mailang kiau ngan le tise tiap nga, ngan o ke be tikan touo kaningi naunu ke mailang i pitiap yege.’ ”
25663	LUK 15:6	Ngan ye kene yo ila pombe rumu ki nga, ngan ole ikiu di tooltool ki, inbe di tooltool yo tiyepe potai ye rumu ki nga, ngan man tigaua, inbe iwete pang di nen, ‘Kaman a man ayang lod ponana, yesoo sipsip kiau atu yo ilene i, in apuske a akauu mulu oo.’ ”
25666	LUK 15:9	Ye kene yo be isere pat ki tani ilene in le ipuske nga, ngan ole ikiu di tooltool ki, inbe di tooltool yo tiyepe potai ye rumu ki nga, ngan man tigaua, inbe iwete pang di nen, ‘Kaman a man ayang lod ponana, yesoo pat kiau atu yo ilene i, in apuske a akauu mulu oo.’ ”
25676	LUK 15:19	Le nookoot nga, au i tool dook tiap le ke be kukiu au ye natum mulu tiap, bong be nen ngan kutarau le ayei urata ben kapraingi kiong nga.” ’
25689	LUK 15:32	Bong nookoot katai nga, ngan idi le imot be lodo dook mata inbe lodo ponana, yesoo taim i ben imata oo, motong la imaur mulu nga. Ya in ila a la ilene oo, motong la man tapuske a takauu mulu nga.’ ”
25720	LUK 16:31	“Le nga Apram iyei ne, ‘Kumata be tilongo betanga ke Mose inbe kidi Maro koonoo tiap nga, ngan o ke be tilongo betanga ke tool yo imadit mulu ye ni ke matenge, lo ngan be ikap betanga a la iwete pang di i, in tiap lapau.’ ”
25730	LUK 17:10	Ngan nen le ang lapau be kayei porai urata yo Maro iwete pang ye be kayei ngan le imot nga, ngan kawete panga nen. Kayei ne, ‘Am nga ben di kapraingi kiong sokorai leu, le soo urata kiong yo kop pam be amyei nga, ngan ampas le amyei leu.’ ”
25762	LUK 18:5	bong garup tap i kanakana ngan ikaurai au mata san. Le ole aloni a akarata betanga ki le dook ngan. Kumata le ayei nen nga, ngan la be isotoo maningi pang yau tiap nga.’ ”
25770	LUK 18:13	“Bong tool ke sodaningi pat in ikodo manga mooloo ye Paresi tani, ngan lono be matana lo pang ye malala ke Maro tiap. Bong itoo momo kidi Yuda a ipodo katene be ipatnaia lo modoko ki, inbe iyei ne, ‘Maro, au i tool dook tiap ke noonoo, bong lom pau a kulonau.’ ”
25813	LUK 19:13	Le nga ye kene yo be imadit a ipa ye in nga, ngan ikiu di kapraingi ki yo sangaul atu nga, ngan man tigaua. Motong la ikap pat yo ene gol ngan sangaul a imalimi di atu atu ye, inbe iwete pang di nen, ‘Pat yo akap pang koot nga, ngan be la kayei urata ke kaungu pat ye le le amulu a along.’
25827	LUK 19:27	Bong di koi kiau yo lodi be ayei tool kuto mai a matak kala di tiap nga, ngan kakap di le timan matak i, inbe man karaumatamata di le imot a timmata.’ ”
25831	LUK 19:31	Le kumata be tool sa ikamatang le itorang nen, ‘Ai, nga yelei a karu ooroo ke donki in nga?’ ngan kawete panga nen, ‘Tool Mai be iyei urata ki ye ngan.’ ”
25846	LUK 19:46	inbe iwete pang di nen, “Betanga yo tiwodo lo iken ye Rau ke Maro nga, ngan iwete nen, ‘Rumu kiau i, in rumu ke pataraungu.’ Bong ang nga kayeii le iyei ben ‘ni kidi tooltool ke pinnau be tiko ye.’ ”
25891	LUK 20:43	le lo arautoo di koi kiong a tidu tiyepe ke kem parmana.” ’
25940	LUK 22:7	Motong la lal maiyoko tani kidi Yuda yo be tikana porong yo taukan so be iyei a isung i, inbe lodi tut ye Paskimoolooningi ke Maro, in pombe. Le nga ye kene tani in, ngan ole di Yuda tina be tiraumata asara yo ene sipsip in natunu a be tiyei paroranga ye a tikan ye lal ke Paskimoolooningi tani.
25970	LUK 22:37	Ngan awete pang nen, yesoo betanga yo tiwodo ilo ye Rau ke Maro nga, ngan iwete nen, ‘Di tooltool ole tikamata dawa ben ya in tool dook tiap atu.’ Le ole tiyei dada nen pau, yesoo so tina le imot yo tiwodo betanga ki lo iken ye Rau ke Maro nga, ngan ole kanono pombe pang yau moolmool le imot.”
26067	LUK 24:7	Ngan ya in iwete nen, ‘Ole tikaua Tool Moolmool ke Maro a titaru la di tooltool dook tiap ke noonoo baedi, a nen ngan tipatota lo kai palasingi kaini a imata. Ngan ole iken ye ke ru, bong ye ke tol ki nga, ngan ole amadit mulu.’ ”
26128	JHN 1:15	Yowan iwetewete pang di tooltool ye, le tina koonoo le mai nen. Iyei ne, “Tool tani, in tool yo muku ngan awete pang ye a ayei ne, ‘Tool atu yo be itoo au a ipa mur a isi i, in ene mai san le illosau, yesoo ye kene yo tipasui au ye tiao nga, ngan ya in iyepe mukot.’ ”
26136	JHN 1:23	Motong la Yowan iwete pang di ye betanga ke Maro koonoo Esai yo mukot ngan iwete nen, “Au i tool atu yo kalongo kalngana ye ni sorrakene a iwete le koonoo maimai nen, ‘Kakarata dada le tarantatu pang Tool Mai be ipa ye.’ ”
26217	JHN 3:28	Ngan ang tapmim nga kalongo betanga yo muku ngan awete pang inbe ayei ne, ‘Au i Mesaia, tool yo Maro ipootoo be si ikap di tooltool ki a ipamulu di ye so dook tiap yo be igarung di i, in tiap. Bong au i Maro iwangau a asi be si amuku panga.’ ”
26357	JHN 6:31	Muku ngan di sasa kiam tikana porong yo ene mana in ye ni sorrakene, ben betanga tina yo tiwodo lo ye Rau ke Maro nga. Ngan betanga tina ngan iwete nen, ‘Ya in ikap porong yo ipa ye malala ke Maro, ngan pang di tooltool be tikan.’ ”
26654	JHN 12:5	“Ona tiap! Nga yelei takaua so ke saliningi ni a tayawari tiap nga? Nga yo be tayawari nga, ngan matin nga le takap pat silba ben 300, lo ngan be takap pat tina ngan pang di tooltool yo ballingadi tiap nga.”
26915	JHN 19:21	Motong la di tooltool maimai ke paroranga so pang Maro ngan tila la tiwete pang Pailot nen, “Ai, nga yelei a kuwodo betanga ngo be ‘Tool Kuto Yo Matan Kala Di Yuda Le Imot,’ in nga? Bong be nen ngan kuwodo nen, ‘Tool I Iwete Be Ya In Tool Kuto Mai Yo Matan Kala Di Yuda Le Imot I.’ ”
26918	JHN 19:24	Le nga di tooltool ke patokongo tina ngan di tapdi tiwetewete nen, “Nga o ke be tasarraki tiap. Bong be nen ngan takatte madamada ngan ole madamada ipaposo sei tool yo be ikaua sousoungu i.” Ngan dada yo tiyeii i, in le iyeie betanga tina yo iken ye Rau ke Maro nga, ngan le kanono pombe moolmool. Ngan betanga tina ngan iwete nen, “Ole timalimi lonloningi kiau nga, a tikap pang di. Inbe ole tikatte madamada a be nen ngan madamada ipaposo tool yo be ikaua sousoungu mooloo kiau i.” Le dada i la di tooltool ke patokongo tiyeii i.
26922	JHN 19:28	Yesu in lon galanga nen, urata ki yo be iyei ngan imot oo, le nga iyei ne, “Au i moorookau.” Ngan betanga yo iwete nga, ngan le iyei betanga tina yo iken ye Rau ke Maro nga, ngan le kanono pombe moolmool.
27039	ACT 2:21	Ye kene tani in di tooltool le imot yo tikiui Tool Mai be ilon di nga, ngan ole ikap di a ipamulu di ye so dook tiap yo be igarung di i.’ ”
27053	ACT 2:35	le lo arautoo di koi kiong a tidu tiyepe ke kem parmana.” ’
27235	ACT 7:50	Ngan so tina nga le imot, ngan atar ye au tauk baek.” ’ ”
27371	ACT 10:43	Ngan di Maro koonoo le imot yo ke muku nga, ngan betanga kidi yo tiwodo ye ngan iwete nen, ‘Ye tool ataleu i, in ene, ngan ole Maro igiri noonoo kidi tooltool nga le imot yo titara lodi medana panga nga.’ ”
27472	ACT 13:41	‘Kapalongo! Ang di tooltool ke kan pasemenge nga, ole katakrai yo be tigarungang nga. Ngan nookoot kayepe nga, ngan au i ole ayeie so atu a pombe kataunu yang. Ngan kumata le be tool atu iwete pang ye so tani in nga, ngan o ke be katara lomim medana ye tiap.’ ”
27478	ACT 13:47	Ngan nen, yesoo betanga i la Tool Mai iwete tootoo pam ye a iyei ne, ‘Au i ole ayei ong le kuyei ben sul loloana pang di tooltool yo tipa ye rara kidi Yuda tiap nga, a be nen ngan kuwete pang di tooltool ke ni mai i le imot ye dada yo be akap di a apamulu di ye so dook tiap yo be igarung di i.’ ”
27529	ACT 15:18	Ngan mukot yege ni nga, ngan Tool Mai iwete betanga nen be ole so yo nen ngan pombe.’ ”
27599	ACT 17:7	Le Yeson i la ikap di a la iye di tiyepe rumu ki i. Ngan di tooltool tina nga di le imot tiwili noonoongoo yo ke Sisa i, inbe tiwete nen, ‘Tool san yo be iyei kuto mai a matan kala di tooltool le imot in la iyepe i, in ene la Yesu i.’ ”
27620	ACT 17:28	Ngan ben tina yo tool atu iwete muku nga. Ngan iwete nen, ‘Ya in la pudu i, le ya taunu la ikaua amunu paidi ngan tamaur, inbe nookoot nga tapa a tala be taman a tayepe nen i.’ Inbe ben tina di tooltool lo galanga kiang tiwete lapau nga. Tiyei ne, ‘Idi le imot nga di natunu.’ ”
27729	ACT 20:35	Inbe ye so tina le imot yo ayei nga, ngan be apatnaia dada pang nen; kumata le be idi nga tayei urata le gurada nga, ngan la be talon di tooltool yo ke be di tapdi tilon di tiap nga. Ngan nen le ole lod tut betanga ke Tool Mai Yesu yo ya taunu iwete nga. Ngan Yesu tani in iwete nen, ‘Lo ponana ke tool yo ikap so pang ene i, in ole illoso lo ponana ke tool yo ikap so i.’ ”
27743	ACT 21:11	Ngan Maro koonoo tani in isi le si pombe pang yam, motong la ikaua bittoongoo ye Paulu galini, inbe ya taunu ipau kene le baene ye, motong la iyei ne, “Maro Amunu Silene iwete nen, ‘Dada yo nookoot ayeii i, in di Yuda yo tiyepe Yerusalem ngo, ole tiyeii pang bittoongoo i taunu, le ole tipau kene le baene, lo ngan be titaru la di tooltool yo tipa ye rara kidi Yuda tiap nga, ngan baedi.’ ”
27793	ACT 22:21	“Ngan awete nen, bong ngan Tool Mai iwete pau nen, ‘Tiap, ole kula. Au i la be awangong a kupa le kula ni mooloo i. Le ole kula pang ye di tooltool yo tipa ye rara kidi Yuda tiap nga.’ ”
27807	ACT 23:5	Motong la Paulu iraua betanga kidi nen, “Ona, di diek nga, au i akilala tool i yo ben tool kuto mai ke paroranga so pang Maro, ngan tiap. Ngan Rau ke Maro iwete nen, ‘Kin kawete wele pang di kuto maimai yo matadi kalang, ngan sa be.’ ”
27858	ACT 24:21	Ngan au i lok tar be betanga atu yo aweta i, in la o lodi ponana ye tiap i. Ye kene tani yo lo akodo kataunu kidi ye in nga, ngan awete le kook maimai nen. Ayei ne, ‘Au i atara lok medana nen, be di tooltool yo timmata koot nga, ngan ole timadit mulu. Ngan ye punu in la le nookoot nga tikau au se akodo dama kiang ye ni ke karatanga betanga i.’ ”
27914	ACT 26:23	Ngan di Maro koonoo tina ngan tiye Mose tiwete nen, ‘Kirisi ole isolo masngana mai a imot, lo ngan be Maro ipamaditi le imuku pang di tooltool yo be timadit mulu ye ni ke matenge nga. Inbe ya la be ole iwetewete pang di Isrel, inbe di tooltool yo tipa ye rara kidi Yuda tiap nga, ngan ye dada yo Maro be ikap di a ipamulu di ye i.’ ”
27994	ACT 28:27	Yesoo, di tooltool tina ngan lodi parkat le betanga ke Maro ilo lodi tiap, inbe tidikidiki talngadi le ke be tilongo betanga ye tiap, inbe matadi kilikili le ke be tikamata ni ye tiap. Ngan yo be tiyei nen tiap nga, ngan matin le tikamata so ye matadi, inbe tilongo betanga ye talngadi, inbe lodi galanga ye, a be nen ngan tiportak lodi a timulu pang yau man akarata di le dook mata.’ ”
28262	ROM 10:6	Bong di sema tooltool yo Maro iwete di ye tooltool noonoonoo yesoo titara lodi medana pang Kirisi nga, ngan ke be tiwete pang di tooltool ben Mose iwete, nga lapau. Ngan ya in iwete nen, “Kin lom wetewete nen, ‘Ai, nga ole sei tool be ilo ete ye malala ke Maro i?’ too, ‘Nga ole sei tool be idu lopo ye ni kidi matenge i?’ ” (Ngan betanga tina ngan lono ki nen: Be tool sa ilo ete inbe iwete pang Kirisi a isi tana, too be tool sa idu lopo inbe iwete pang Kirisi a ipa ye ni kidi matenge a ise. Bong nen tiap, yesoo Kirisi tani in isi tana oo, inbe ya in Maro ipamaditi ye ni ke matenge a ise oo.)
28359	ROM 14:11	Le dawa ben betanga yo tiwodo a iken ye Rau ke Maro nga, “Au i Tool Mai yo ayepe nen le taukak motingi i. Inbe awete betanga medana nen: Di tooltool nga le imot ole tigun turudi ke dama kiau, inbe di le imot ole tiwete nen, ‘Moolmool, ong in la Maro i.’ ”
30073	HEB 3:11	Ngan tiyei nen le katek malmal pang di a apamede betanga medana nen, ‘O ke be tilo ye ni yo akauu pang di be lo timaryoo ye i, in pitiap yege.’ ”
30084	HEB 4:3	Bong idi tooltool yo tatara lodo medana pang Kirisi nga, ngan idi leu ole takaua maryoongoo dook mata tani. Muku ngan di Isrel tiwala muridi pang Maro, ngan la le iwete nen, “Au i katek malmal le awete le apamede betanga moolmool nen, ‘Di ngan o ke be tilo ye ni yo akauu pang di be lo timaryoo ye i, in pitiap yege.’ ” Ngan Maro iwete nen, bong ngan maryoongoo tani yo ipa ye i, in iken mukot yege ni ye kene yo iyei porai urata ki a imaryoo ye in nga.
30207	HEB 10:7	Ngan tina nen nga, ngan la awete nen, ‘O Maro! Au naii la anam be ayeie soo so yo ong lom be ayeii i. Au i ole ayei nen moolmool, ben betanga tina yo tiwodo yau ilo ye rau lulungu kiong nga.’ ” Le i betanga tani yo Kirisi iweta pang Maro i.
30895	REV 7:17	Ole nen, yesoo Sipsip Natunu yo ikodo kataunu ke ni yo kookoowoo ke tool kuto mai iken ye i, in ya la be matan kala di dawa ben tool dook mata yo be matan kala di sipsip ki i. Ngan ya la be irara di a tila ye ran gumono yo be ikaua yepongo dook mata yo taukan motingi i, in pang di i. Inbe Maro ole imus matadi surunu yo irar a isi nga le imot, le o ke be lodi modoko mulu tiap.’ ”
31082	REV 18:20	Nen le ang di tooltool le imot yo kayepe ye malala ke Maro nga, ngan lomim ponana ye masngana dook tiap yo pombe pang ye malala mai tani ni. Inbe ang di tooltool ke Maro le di aposol inbe di Maro koonoo nga, ngan ole lomim ponana lapau ye yo Maro ikarata betanga ki a be nen ngan iyemenaii ye dada dook tiap ki yo iyei pang, ngan kootoonoo nga.’ ”
31095	REV 19:9	Motong la bangabangana ke Maro iwete pau nen, “Nga ole kuwodo betanga nga: ‘Di tooltool yo Maro ikiu di be timan ye mailang mai ke kerenge ke Sipsip Natunu i nga, ngan lodi ponana, yesoo ole Maro iyei urata dook mata pang di.’ ” Motong la bangabangana ke Maro tani in iseke betanga ki kasin mulu nen, “Ngan betanga yo nga, ngan betanga moolmool ke Maro.”