23214	MAT 1:1	Nga be tapiti rara ke Yesu Kirisi nga, ngan Yesu tani, in sasa ke Dawiti, inbe Dawiti in sasa ke Apram.
23219	MAT 1:6	Inbe Yesi in Dawiti yo iyei tool kuto mai pang tana kidi Isrel le imot i, in tamana. Inbe Dawiti tani in Solomon tamana. Ngan Solomon tinana in muku ngan Uria rimana.
23230	MAT 1:17	Le rara tani in be tapiti a ipa ye Apram le ise ye Dawiti nga, ngan pudi sangaul be balana pai. Lo ngan be imadit ye Dawiti le ise ye kene yo di Babilon tikap di Yuda la titar di ye tana kidi nga, ngan di rara tina ngan pudi sangaul be balana pai. Lo ngan be imadit mulu ye kene yo tiyepe Babilon ye in le ise ye lal yo Kirisi pombe in nga, ngan di rara tina ngan pudi sangaul be balana pai lapau.
23233	MAT 1:20	Bong tina yo lon kaua urata nen nga, le mooloo tiap inbe bangabangana ke Tool Mai atu isi pombe pang ye, ye mianga ki a iwete panga. Iyei ne, “Yosep, ong in Dawiti natunu. Kin kutattadai a lom kap gogo dada belebele leu ye yo be kouo Madia a kuyooloo, ngan be, yesoo kase yo kapono ye i, in Maro Amunu Silene la ikauu panga i.
23251	MAT 2:13	Di tooltool tina ngan timulu a tidu, motong la bong a Yosep iken, ngan ikamata bangabangana ke Tool Mai ye mianga ki. Ngan bangabangana tani in iwete panga nen, “Yosep, kumadit a kouo kase in iye tinana a kakoo a kala pang tana mai Isip la kayepe nango le lo awete pong mulu ngan, yesoo Erot ni ngo ikapye be isere kase i le ipuske nga, ngan ole iraumate a imata.”
23267	MAT 3:6	Di tooltool tina timan, motong la titulu lodi panga ye noonoo kidi, inbe irriu di ye ran Yodan.
23294	MAT 4:16	Di tooltool kiang yo tiyepe todo lono nga, ngan tikamata sul maiyoko. Inbe di tooltool kiang yo todo mai ke matenge iduk di nga, ngan sul tani in ilangarai di lapau.”
23299	MAT 4:21	Yesu iye di suru tina ngan tipa kasin a tila, inbe ikamata di tooltool ru mulu, ngan taidi le toodi lapau. Di tooltool ru tina, ngan atu ene la Yemis yo Sebedi natunu i, in iye taini Yowan. Di ngan tiye tamadi Sebedi tiyepe ookoo pono kidi a tikarata pu kidi, inbe Yesu ikamata di le nga koonoo pang di be titoo lapau.
23303	MAT 4:25	Ngan tina tilongo bingi ke Yesu yo iyei urata nen nga, le nga di tooltool alunu le alunu san tipa ke Galili, inbe ke Dekapolis, inbe ke Yerusalem le tana mai Yudia, inbe di tooltool kapala tipa ke malala le imot yo iken ke ran Yodan koonoo kapala nga, ngan di le imot la tipa a titoo Yesu nga.
23306	MAT 5:3	“Di tooltool yo lodi galanga ben di ngan ballingadi tiap ye so ke Maro nga, ngan lodi ponana, yesoo Maro ole iyei urata dook mata pang di a matan kala di.
23323	MAT 5:20	Awete pobe pang nen, kumata le dada kiang yo kayei nga be itoo dada dook mata noonoonoo ke Maro le illos dada kidi Paresi le di pannoongoo ke ger ke Maro, ngan tiap nga, ngan o ke be lo kagaua ye di tooltool yo Maro be matan kala di, ngan tiap yege. Yesu Iwete Ye Dada Ke Raumatenge Di Tooltool
23350	MAT 5:47	Inbe kumata le be kawete lo ponana kiang dook mata pang di sokamim leu nga, ngan soo dada kayeii le kallos di tooltool kapala ye i? Di tooltool yo lodi galanga ye Maro tiap ngan tiyei dada nen lapau.
23353	MAT 6:2	“Ye kene yo lomim be kakap so pang di tooltool yo timaka ye so nga, ngan kin kamaia so dawa ben tauru a kawete pang di tooltool ye so tina, ngan be. Dada yo nen i, in kidi tooltool ke kaplungunu. Di ngan lodi be tiyei nen ye rumu kidi Yuda ke gaongo, too ye ni ke yawaringi so, a be nen ngan di tooltool tiyitmak edi ye. Bong awete pang moolmool nen, di tooltool yo tiyei dada nen nga, ngan tikap balingi ye urata kootoonoo kidi oo.
23356	MAT 6:5	“Ye kene yo be kapatarau ye in nga, ngan kin kayei ben di tooltool ke kaplungunu tiyei, ngan be. Di ngan lodi be tikodo dama kidi tooltool ye rumu kidi Yuda ke gaongo inbe ye ni ke yawaringi so, inbe tipatarau a be nen ngan di tooltool tikamata di, ngan tiyitmak edi. Bong awete pang moolmool nen, di tooltool yo tiyei dada nen nga, ngan tikap balingi ye urata kootoonoo kidi oo.
23377	MAT 6:26	Oo, kakamata di man. Di ngan tikapki so kumu le itar kanono, lo ngan tigogo kanono, ngan tiap. Inbe di ngan ke be tire para yo be titar kaningi kidi ye nga, ngan tiap lapau, bong Tamamim yo iyepe ye malala ki ete ni, in ya la ipakan di i. Le awete pang nen, ang tooltool nga, Maro ikamatang ben ang nga kallos di man ye matana.
23379	MAT 6:28	“E nga yelei a lomim modoko mai mata ye so ke lonloningi nga? Oo, kakamata di ool ke karam lono yo tisup nga. Di tapdi ngan tiyei touo urata sa be tikarata moro pang di ye, ngan tiap.
23381	MAT 6:30	Atoo, ang nga katara lomim medana pang Maro mai mata tiap. Kakamata, dingding sokorai yo ke be tikodo katai nga leu, e bongbong ngan tisaput a tikatte lo ei ikan di nga, ngan Maro ikap moro dook mata pang di. Le yelei, ang nga o ke be ikap moro dook mata pang tiap, too? O tiap! Dada dook mata yo be iyei pang ngan ole illos dada dook mata yo iyei pang di ool le dingding nga.
23383	MAT 6:32	Di tooltool yo lodi galanga ye Maro tiap nga, ngan lodi kap gogo dada be tikap so yo nen nga. Bong Tamamim yo iyepe ye malala ki ete ni, in lon galanga ye so yo kamaka ye, ngan oo.
23400	MAT 7:15	“Kin kakamatang dook leu ye di tooltool ke kaplungunu yo tiwete di ye Maro koonoo nga. Di ngan kumata be timan pang yang nga, ngan ole kakamata di ben di asara dook mata yo edi sipsip nga, bong moolmool tiap, ye lodi ngan di ngan dawa ben di gaunu gok yo malmalidi nga.
23406	MAT 7:21	“Di tooltool yo tikiu au ye ‘Tool Mai, Tool Mai’ nga, ngan o ke be di le imot tilo tigaua ye di tooltool yo Maro be matan kala di, ngan tiap. Bong di tooltool la tiyei so le titoo Tamak yo iyepe ye malala ki ete ni, in lono le imot nga, ngan di leu la be tilo nga.
23409	MAT 7:24	“Di sema tooltool yo tilongo betanga kiau, ngan tiparama a titoo dook le imot nga, ngan di ngan dawa ben tool ke lo galanga yo ire rumu ki lo pat pono i.
23417	MAT 8:3	Motong la Yesu itara baene lo tool tani in pono, inbe iwete panga nen, “Dook mata, au i lok nen, le ole tinim igalanga mulu.” Ngan le pattu leu, inbe botoboto medana tina ngan imapmap, inbe tinini dook mata mulu.
23434	MAT 8:20	Ngan Yesu raua betanga ki nen, “Di gaunu gok ngan agoro kidi ke kenongo, inbe di man ngan giniu kidi ke kenongo lapau, bong Tool Moolmool ke Maro, in taukan ni yo be iken a imaryoo ye i.”
23436	MAT 8:22	Bong ngan Yesu iraua betanga ki nen, “Di tooltool yo titoo Maro tiap le tiyepe dawa ben di tooltool matedi nga, ngan ole di tapdi tikelmai di diedi yo timmata koot nga. Bong ong in kuman a man kutoo au.”
23443	MAT 8:29	Di tooltool ru tina tikamata Yesu, motong koodi panga nen, “Atoo! Ong i Maro Natunu. Nga soo so be kuyeii pam i? Ngan lal yo Maro itaru be ikap masngana pam ye i, in pombe tiao, bong kuman ni nga be man kop masngana pam, too?”
23460	MAT 9:12	Di Paresi tiwete nen, ngan Yesu ilongo di oo. Le nga ikatte betanga pang di nen, “Di tooltool yo tinidi dook mata nga, ngan tool ke bar ke be ipa pang ye di tiap, bong di tooltool la matamatenge ikap di nga.
23461	MAT 9:13	Au i lok be kala ngan lomim kaua urata dook ye betanga yo Maro iweta a iken ye rau ki i, in lono ki belei? Ngan betanga tani in nen, ‘Dada yo lok panga mata i, in nen, be lomim mulumulu ye di tooltool a kayei dada dook mata pang di, bong ye dada yo ke paroranga so pau, in tiap.’ Ngan nanga, asi nga be si akiu di tooltool yo noonoodi, nga tiap, bong asi be si akiu di tooltool yo ke noonoo nga.”
23475	MAT 9:27	Motong la Yesu iyege malala tani, inbe ipa mulu nga. Ngan di tooltool mata kis ru titoo a koodi panga nen, “Atoo, Dawiti natunu! Lom pam a kulonam.”
23503	MAT 10:17	Le kin kakawai yang dook leu ye di tooltool yo be tigarungang nga. Di ngan ole tiparamang a tikau ang lo kakodo dama kidi kuto maimai ke karatanga betanga, inbe ole tikau ang kalo rumu lono kidi Yuda ke gaongo a be nen ngan tikap koro a tiwalisang ye.
23533	MAT 11:5	Kayei ne, ‘Di mata kis tikamata ni mulu; inbe di tooltool yo kedi dook tiap nga, ngan kedi dook mata a tipa; inbe di tooltool yo botoboto medana ikan di nga, ngan tinidi dook mata mulu; inbe di tooltool yo talngadi dikidiki nga, ngan tilongo betanga; inbe di tooltool yo timmata koot nga, ngan timadit mulu; inbe di tooltool yo ballingadi tiap nga, ngan tilongo bingi dook mata.’
23536	MAT 11:8	Too yelei, be la kakamata tool atu yo itar moro dook mata lo tinini i, too? O tiap! Di tooltool yo titar moro dook mata ilo tinidi le tinidi dook mata ye nga, ngan di tooltool yo nen nga, ngan tipas le tiyepe leu ye rumu mai ke tool yo iyei kuto mai pang tana mai atu i.
23544	MAT 11:16	“Nga ole ayei belei be awete le ananpootoo di tooltool yo nookoot tiyepe nga ye dada kidi nga? Di tooltool tina, ngan dawa ben di kakase yo tiwur ye ni ke yawaringi kaningi, inbe koodi pang di diedi nen,
23548	MAT 11:20	Di tooltool ke malala maimai kapala yo Yesu ipa be iyei gogo mos matana matana a tikamata nga, ngan lodi be tiportak lodi a titoo tiap. Ngan la le Yesu katen malmal a ipasak pang di nga.
23560	MAT 12:2	Bong di Paresi pattu tikamata di yo tiyei nen nga, le nga tipasak pang Yesu. Tiyei ne, “Ai, kumata! Di galium ngo tiyei dada yo ger kiam Yuda igunkalam be amyei ye lal ke sungunu tiap nga.”
23561	MAT 12:3	Motong la Yesu iraua betanga kidi nen, “Ang nga kakinkata rau yo igasa so yo Dawiti iyeii ye kene yo iye di tooltool ki pitolo di ye i, in tiap, too?
23565	MAT 12:7	Ngan Rau ke Maro iwete nen, ‘Dada yo lok panga mata i, in nen, be lomim mulumulu ye di tooltool a kayei dada dook mata pang di, bong ye dada yo ke paroranga so pau, in tiap.’ Ngan la kumata be lomim galanga dook ye betanga i punu nga, ngan o ke be kagarung di tooltool yo tiyei touo busunu siap, ngan tiap.
23578	MAT 12:20	Di tooltool yo taukadi guradi le dawa ben pi kaini yo muru igorumu le telbe in nga, ngan o ke be igarung di tiap. Inbe di tooltool yo ke be di tapdi tilon di ye yepongo kidi tiap, le dawa ben sul yo ikan ngan matana gumugumu in nga, ngan o ke be igarung di tiap lapau. Ole iyei nen le le lo so nga le imot titoo dada dook mata noonoonoo yo Maro lono be titoo nga.
23581	MAT 12:23	Ngan nen le di tooltool yo man tigauagaua nga, ngan tikamata so tani ngan titakrai ye. Le nga tiyei ne, “Ai, tool i o Dawiti Natunu, pa oo?”
23597	MAT 12:39	Motong la Yesu iraua betanga kidi nen, “Di tooltool yo nookoot tiyepe nga, ngan titara lodi le imede ye Maro tiap, bong tiyei dawa ben garup dook tiap yo idada nintooroo a la iyei bauk i. Le kanakana nga, ngan titorau be ayeie mos ke Maro sa a tikamata. Bong mos sa be ayeii a tikamata tiap. Ole tikamata mos ataleu yo pombe ye Maro koonoo yo Yona i, in leu.
23606	MAT 12:48	Ngan Yesu iraua betanga ki nen, “Di sema tinak le di taik nga?”
23622	MAT 13:14	Di ngan tiyei nen, le tiyeie betanga ke Maro koonoo yo Esai iweta i, in le kanono pombe moolmool. Ngan Esai ikaua Maro koonoo inbe iwete nen, ‘Kanakana ngan ole kalongo betanga yo Maro iwete nga, bong o ke be lomim galanga ye tiap. Inbe kanakana ngan ole kakamata so yo Maro iyei nga, bong o ke be kakilala tiap.
23627	MAT 13:19	Di tooltool yo tilongo bingi dook mata ke Maro ye dada yo be matan kala di tooltool ki ye i, bong lodi galanga ye tiap nga, ngan di ngan ben dingding patunu yo imaruru du dada katene nga. Di ngan betanga ke Maro ilo lodi, bong isup tiao, inbe tool dook tiap Satan iman tina ngan le igutak betanga ke Maro yo iken lodi nga.
23632	MAT 13:24	Motong la Yesu iwete le ikatte betanga san mulu pang di nen, “Dada yo Maro be matan kala di tooltool ki ye i, in dawa ben tool atu yo igiri dingding patunu ke kaningi lo kumu lono ki i.
23639	MAT 13:31	Motong la Yesu iwete le ikatte betanga san mulu pang di tooltool tina nen, “Dada yo Maro be matan kala di tooltool ki ye i, in dawa ben kai mastet patunu yo tool atu ikauu a ipe du kumu lono ki i.
23641	MAT 13:33	Motong la Yesu ikatte betanga san mulu pang di nen. Iyei ne, “Dada yo Maro be matan kala di tooltool ki ye i, in dawa ben yis yo tataru lo ye porong ngan iyeii a isung i. Garup atu ikaua so mai tiap tani a itaru ilo ye porong tina maiyoko in a ipargarungraii ye, ngan le iyeie porong tani a isung le imot.”
23652	MAT 13:44	Motong la Yesu iwete le ikatte betanga san mulu pang di galiunu nen, “Dada yo Maro be matan kala di tooltool ki ye i, in dawa ben pat ke yimoongoo so yo iken ye karei mai atu a tikelmaii du tana lono i. Ngan pat tani in iken nen le tool san ipuske, motong la itarkoo mulu sila iken. Ngan nen le tool tani in lon ponana kaiye le ila, ngan la iyawar so ki ngan le imot a ikap pat ye, a be nen ngan imulu la iyimi tana tani yo tikelmaia pat ye i, in panga.”
23653	MAT 13:45	Motong la ikatte betanga san mulu nen, “Dada yo Maro be matan kala di tooltool ki ye i, in dawa ben tool atu yo ipa be isere pat ke gomo yo sallinene dook mata i.
23655	MAT 13:47	Motong la Yesu ikatte betanga san mulu pang di nen, “Dada yo Maro be matan kala di tooltool ki ye i, in dawa ben pu yo di tooltool tikatte du ran lono a tikap di i matana matana ye i.
23682	MAT 14:16	Motong la Yesu iraua betanga kidi nen, “Di tooltool nga o ke be tila tiap. Ole ang tapmim kakap kaningi pang di a tikan.”
23710	MAT 15:8	‘Di tooltool nga tiyitmaka ek ye koodi pono leu, bong lodi yo be pau nga, ngan iken manga mooloo yau.
23711	MAT 15:9	Di ngan tiwete be tipatomonai di tooltool ye betanga ke Maro yo moolmool i, bong tiap, tipatomonai di tooltool ye dada le momo yo ke di sasa kidi nga leu. Ngan la le sungunu kidi yo kanakana ngan tisung pau ye nga, ngan taukan kanono.’ ”
23714	MAT 15:12	Motong la di galiunu timan pang ye man titoru. Tiyei ne, “Ai, nga lom galanga ye di Paresi ngo lapau? Di ngo tilongo betanga kiong yo kuweta i le lodi dook tiap ye sa.”
23716	MAT 15:14	Le lomim rru ye di pang soo? Sila tikino! Di ngan dawa ben di tooltool mata kis yo be tipatnaia dada pang di diedi nga. Bong awete pang nen, kumata be tool mata kis atu be irara ene mata kis san nga, ngan ole yaru le ru, be timol du gomo lono.”
23724	MAT 15:22	Motong la garup atu ke Kenan yo ipa ye rara kidi Yuda tiap a iyepe ye ni tani i, in iman pang ye man itang panga, inbe iyei ne, “Tool Mai, ong in Dawiti Natunu. Lom pau! Natuk garup ni so sadi idiwidiwoo a igarungu, le imassingi dook tiap yege.”
23726	MAT 15:24	Motong la iraua betanga kidi nen, “Au i Tamak iwangau a asi nga pang di tooltool ke Isrel leu. Di ngan dawa ben di sipsip yo taukadi taudi a tilledi nga.”
23735	MAT 15:33	Motong la di galiunu tiwete panga nen, “Dook mata, bong ni balim koonoo sa. Ole amkap porong le alunu ngai be ampakan di tooltool malala mai nga ye i?”
23745	MAT 16:4	Di tooltool yo nookoot tiyepe nga, ngan titara lodi le imede ye Maro tiap, bong tiyei dawa ben garup dook tiap yo idada nintooroo a la iyei bauk i. Le kanakana nga, ngan lodi be ayeie mos ke Maro sa a tikamata. Bong mos sa be ayeii a tikamata tiap. Ole tikamata mos ataleu yo pombe ye Maro koonoo yo Yona, in leu.” Yesu iwete pang di nen, inbe iyege di sila tiyepe, be ikoo a ila.
23755	MAT 16:14	Ngan di galiunu tiraua torungu ki nen, “Di tooltool kapala tiwete be ya in Yowan yo irriu di tooltool i, inbe kapala ngan tiwete be ya in Ilia. Inbe di tooltool kapala ngan tiwete be ya in Yedimia, too ya in o Maro koonoo atu.”
23794	MAT 17:25	Ngan Pita iyei ne, “E, kanakana nga iyei nen.” Motong la Pita imulu a ila pang ye rumu yo Yesu iyepe lono i nga. Ila le nga iwete touo betanga siao, inbe Yesu isangkala ye betanga. Iyei ne, “Simon, lom belei? Di tooltool yo tiyei kuto maimai pang tana maimai le imot nga, kanakana ngan pat yo tikap be tiyei urata kidi ye nga, ngan tikap ye di tooltool kidi tapdi yo tiye di tiyepe nga, too tikap ye di tooltool ke malala san?”
23795	MAT 17:26	Ngan Pita iyei ne, “Di tooltool ke malala san.” Motong la Yesu iyei ne, “Ngan nen le di tooltool kidi tapdi yo tiye di tiyepe nga, ngan o ke be titar pat kidi tiap.
23804	MAT 18:8	Le kumata be baem too kem atu iyolong la kuyei noonoo nga, ngan kusaputu a kotte. Dook mata ke be baem too kem ataleu, ngan la be kulo kuyepe ye yepongo dook mata yo taukan motingi in nga. Bong kumata be baem ru inbe kem ru iken nga, ngan ole tiyolong la kuyei noonoo, a nen ngan tikatte ong lo ye ei yo ikan nen le taukan motingi i, in lono.
23805	MAT 18:9	Inbe kumata le matam atu be iyolong la kuyei noonoo nga, ngan kupaii a kotte. Dook mata ke be matam ataleu, ngan la be kuyepe ye yepongo dook mata yo taukan motingi in nga. Bong kumata be matam le ru iken nga, ngan ole tiyolong la kuyei noonoo, a nen ngan tikatte ong a kudu ye malala ke masngana ye ei yo ikan nen le taukan motingi i.”
23823	MAT 18:27	Ngan nen le tool kuto mai ke kapraingi tani in lono panga, le iwete panga be bun ki ngan irau be. Dookoot, sila ikino. Inbe imalum panga a ila.
23828	MAT 18:32	“Motong la tool kuto mai tani, in ikiui kapraingi ki tani man iwete panga nen, ‘Ai, ong i tool dook tiap sa! Muku ngan kumangmang a kutang pau, le awete be bun kiong ngan kurau be. Dookoot, sila ikino.
23842	MAT 19:11	Ngan Yesu iwete pang di nen, “Di tooltool le imot la be tikaua betanga i nga tiap, bong di tooltool kapala leu la be Maro ipamede di le tikaua betanga kiau i nga.
23843	MAT 19:12	Di tamoto matana matana la tikere tiap a tiyepe nga. Yesoo, di tamoto kapala ngan tinadi tipasui di ngan tinidi dook tiap le ke be tikere tiap. Inbe di tamoto kapala, ngan di tooltool tigarung tinidi a imata le ke be tikere ngan o titar di kakase tiap. Inbe di tamoto kapala ngan lodi pang kerenge tiap, yesoo lodi be tiyepe nen a tiwetewete pang di tooltool ye dada yo Maro be matan kala di tooltool ki ye i. Le sei tool be ikaua betanga kiau i, in ikauu a itoo.”
23862	MAT 20:1	Yesu ikatte betanga atu mulu pang di nen, “Dada yo Maro be matan kala di tooltool ki ye i, in dawa ben kumu taunu atu yo imadit muntu yege a ila be la ikap di tooltool panga be man tikaua urata ye kumu ki ke ooroo yo ene wain i.
23868	MAT 20:7	“Ngan tiyei ne, ‘Am nga amkododo sokorai nen, yesoo tool sa ikap urata pam be amyei tiap.’ “Motong iwete pang di nen, ‘Dook mata! Be nen ngan ang lapau kadi kakaua urata ye kumu kiau ke ooroo wain ni.’
23872	MAT 20:11	Di tooltool tina ngan tikap pat a tikamata, ngan le tiwete gogo betanga pang kumu taunu. Tiyei ne,
23884	MAT 20:23	Motong la Yesu iwete pang di yaru nen, “Dook mata, angru nga ole kayin ye ruku kiau. Bong o ke be apootang le atu iwur ke baek oonoo, inbe san iwur ke baek ngas, ngan tiap. Yesoo, Tamak in la be ipootoo di tooltool a lo tiwur ye ni tani yo ikarata pang di i.”
23891	MAT 20:30	Tila, ngan di tooltool mata kis ru tiwurur dada gigini. Ngan yaru tilongo betanga be ole Yesu ipa nen a iman, le nga koodi le mai nen, “Tool Mai, ong in Dawiti natunu. Lom pam a kulonam!”
23892	MAT 20:31	Ngan di tooltool budanga mai tina tipasak pang di, inbe tilele di be koodi dookoot. Bong tiap, yaru koodi mulu le somai nen, “Tool Mai, ong in Dawiti natunu. Lom pam a kulonam!”
23904	MAT 21:9	Inbe di tooltool tina ngan kapala yo timuku be Yesu itoo di, inbe di kapala yo tikimur nga, ngan di le imot koodi le mai. Tiyei ne, “Tayitmaka Dawiti natunu in ene! Maro ole iyei urata dook mata pang ye tool yo isi ye Tool Mai ene i! Tayitmaka Maro ene le ilo ete!”
23910	MAT 21:15	Bong di tooltool maimai ke paroranga so pang Maro, inbe di pannoongoo ke ger ke Maro, ngan tikamata mos dook mata tina yo iyei nga, inbe tilongo di kakase yo kookoodi bareme mai ke sungunu lono nen, “Tayitmaka Dawiti natunu, in ene!” Ngan nen le di tooltool kuto maimai tina lodi dook tiap san.
23919	MAT 21:24	Motong la Yesu iwete pang di nen, “Dook mata, bong nga be atorang ye torungu kiau atu ngan. Kumata be karauu nga, ngan la be awete pang ye sei tool yo ikaua gurana pau a le ayei urata i nga.
23922	MAT 21:27	Ngan nen le tiraua betanga ke Yesu nen, “Am nga lomam galanga tiap sa.” Motong la Yesu iyei ne, “Nen ngan au lapau, o ke be awete pang ye sei tool yo ikaua gurana pau a le ayei urata nen ye i, in tiap.” Yesu Ikatte Betanga Ye Tool Atu Di Natunu Tamoto Ru
23938	MAT 21:43	Motong la Yesu iyei ne, “Dada yo be kalo kagaua ye di tooltool yo Maro be matan kala di i, in ole igutaki yang, inbe ikauu pang di tooltool kapala yo tilongo betanga ki ngan titoo dook mata nga.
23940	MAT 21:45	Di tooltool maimai ke paroranga so pang Maro, inbe di Paresi tilongo kattenge betanga ke Yesu yo iweta pang di i, le lodi galanga be nga iwetewete ye di.
23943	MAT 22:2	“Dada yo Maro be matan kala di tooltool ki ye i, in dawa ben tool yo iyei kuto mai pang tana mai atu i. Ngan tool tani in iyeie mailang mai atu ye kerenge ke natunu tamoto.
23946	MAT 22:5	“Di kapraingi ki tina tila tiwete pang di tooltool tina, bong lodi pang bangana ki tiap, le tikoo a tipa kidi kidi. Atu in idi pang kumu ki, inbe san in ila pang ye urata ki ke kaungu pat.
23952	MAT 22:11	“Di tooltool tina timan a tilo ye ni tani, motong la tool mai tani iman a be lo ikamata di, ngan ikamata tool atu in isousou ye sousoungu ke kerenge tiap.
23956	MAT 22:15	Di Paresi tiyege Yesu a tidu ke diki, motong la tigaua inbe tiraua betanga be titoua ye betanga sa.
23971	MAT 22:30	Ye lal yo di tooltool matedi be timadit mulu ye in nga, ngan o ke be tikere mulu tiap. Di ngan ole tiyepe dawa ben di bangabangana ke Maro yo tiyepe ye malala ki ngo.
23975	MAT 22:34	Di Paresi tilongo be Yesu ikatkalakala dada ye di Sedusi ye betanga le tisere betanga nga, le nga di Paresi tina tigaua, inbe timan pang ye.
23982	MAT 22:41	Di Paresi tina ngan tigauagaua a tiyepe go, inbe Yesu itor di nen,
23983	MAT 22:42	“Ai, ang nga lomim tar belei ye Kirisi? Be in sei natunu?” Ngan tiyei ne, “Ya in Dawiti natunu.”
23984	MAT 22:43	Motong la Yesu iwete pang di. Iyei ne, “Nga yelei a Maro Amunu ipamaditi Dawiti lono a le ikiui Kirisi tani in ye Tool Mai nga? Kakamata, Dawiti in iwete nen,
23986	MAT 22:45	Le kakamata, Dawiti ya taunu la iweta ye Tool Mai ki i. E nga yelei a le ang nga kawete be ya in Dawiti natunu nga?”
23989	MAT 23:2	“Di pannoongoo ke ger ke Maro tiye di Paresi nga, ngan tikaua malala ke Mose, inbe tipatomonai ang ye ger ke Maro ben tina yo muku ngan Mose iyei nga.
23991	MAT 23:4	Di ngan tikap ger matana matana a man tiwete be di tooltool titoo, le imoo pang di mai san dawa ben tiliki burum moonoo a tipaloka lo di tooltool poopoodi a be tisola nga. Bong di tapdi ngan lodi be titara baedi buruburene atu la tilon di tooltool tina yo tisolo burum moonoo tani, ngan tiap.
24050	MAT 24:24	Awete pang nen, yesoo ole di tooltool ke kaplungunu yo tiwete be di nga Kirisi, inbe di tooltool ke kaplungunu kapala yo tiwete be di ngan Maro koonoo nga, ngan ole alunu la be timan pang yang nga. Di ngan ole tiyei gogo mos le urata maimai a iyei ben tarkilanga pang di, a be tikaua lungunu ye di tooltool. Inbe ole tikapye be tikaua lungunu ye di tooltool yo Maro ipootoo di panga nga, a be nen ngan la titoo di lapau.
24065	MAT 24:39	Di ngan mala be le lodi galanga kasin pa ye soo so yo be pombe pang ye di, in pitiap yege. Bong tiyepe nen le lo oongoo mai tani in pombe a iraumatamata di tooltool tina budanga mai ngan le imot. Le in dada gaongo leu tina yo be pombe lapau ye lal yo Tool Moolmool ke Maro be imulu a isi ye i.
24079	MAT 25:2	Di garup tina ngan diedi limi ngan taukadi lo galanga, e di diedi kapala yo limi ngan la lodi galanga nga.
24091	MAT 25:14	Motong la Yesu ikatte betanga san mulu pang di nen, “Dada yo Maro be matan kala di tooltool ki ye i, in dawa ben tool atu yo lono be ipa a idu ye ni manga mooloo san i. Ngan be ipa nen nga, le nga ikiu di kapraingi ki a timan ye, motong la itar balingi ki kapala la baedi a be nen ngan tikaua urata ye a matadi kala.
24098	MAT 25:21	“Motong la tool mai ki iwete panga nen, ‘Dook mata! Ong i kapraingi dook mata le kuyei urata dook mata ye pat yo akap pong nga! Muku ngan atarong be matam kala urata mai tiap, ngan matam kala dook mata san. Le nookoot nga ole atarong a kuyei mai pang so alunu a be matam kala. Kuman a man aru tayepe, inbe lod ponana.’
24100	MAT 25:23	“Tool tani iwete nen, le nga tool mai ki iyei ne, ‘Dook mata! Ong i kapraingi dook mata le kuyei urata dook mata ye pat yo akap pong nga! Muku ngan atarong be matam kala urata mai tiap, ngan matam kala dook mata san. Le nookoot nga ole atarong a kuyei mai pang so alunu a be matam kala. Kuman a man aru tayepe, inbe lod ponana.’
24127	MAT 26:4	Di ngan tigaua a tiwetewete, inbe tisere dada sa yo be tillung pang Yesu ye, a be nen ngan tikauu a tiraumate ye i.
24133	MAT 26:10	Di galiunu tiwete nen, bong ngan iraua betanga kidi nen, “Nga yelei a koomim kaua garup i nga? Dada yo iyeii pau i, in dook mata le dook mata san.