23215	MAT 1:2	Ngan rara tani in be tapiti le ipa ye Apram a ise nga, ngan nen. Apram ikere ngan le natunu la Esaka i. Inbe Esaka in Yakop tamana. Inbe Yakop in Yuda iye di toonoo le taini tamadi.
23216	MAT 1:3	Inbe Yuda tani in Peres iye Sarra yo tinadi Tamar nga, ngan tamadi. Inbe Peres in Esron tamana. Inbe Esron in Ram tamana.
23226	MAT 1:13	Inbe Serubabel in Abiut tamana. Inbe Abiut in Eliakim tamana. Inbe Eliakim in Asor tamana.
23239	MAT 2:1	Ye kene yo Madia ipasuiu Yesu ye malala mai tiap Betlem ye tana mai ke Yudia ye in nga, ngan Erot iyei tool kuto mai pang tana mai yo Yudia i. Inbe ye kene tani in di tooltool ke be tikatmata kanpitiki ngan lodi kaua urata ye nga, ngan pattu ke ni yo ke ipa ye a ise i, ngan tilo pang Yerusalem
23241	MAT 2:3	Tiwete betanga nen, le di tooltool pattu la tillaikoo pang Erot yo tool kuto mai i, in a ilongo, ngan le lon gurrungu le dook tiap yege. Inbe di tooltool ke Yerusalem yo tilongo betanga tani nga, ngan di le imot lodi gurrungu ye lapau.
23242	MAT 2:4	Ngan tina Erot ilongo betanga nen, le nga ikiu di tooltool maimai ke paroranga so pang Maro, inbe di pannoongoo ke ger ke Maro, ngan man tigaua. Motong la itor di nen, “Ai, ni yo Kirisi tinana ipasuiu ye i, in ngai?”
23245	MAT 2:7	Tiwete pang Erot nen, motong la ikiu di tooltool yo ke be tikamata kanpitiki ngan lodi kaua urata ye nga, ngan sollono be man iye di leu tigaua, inbe itor panin di ye soo lal moolmool yo kanpitiki pombe ye i.
23247	MAT 2:9	Ngan di tooltool yo lodi kaua urata ye di kanpitiki nga, ngan tilongo betanga ke Erot a imot, motong la tiyege sila iyepe, inbe tipa mulu. Ngan le tikamata kanpitiki tani yo tikamata muku i, inbe titoo titoo le la tukbe ke ete le iken ye ni tani yo kase iyepe ye i.
23250	MAT 2:12	Le nga tiyepe a nga tiken, ngan timi be Maro iwete pang di nen, be timulu a tila pang ye Erot be. Ngan la le titoo dada san a timulu a tidu pang ni kidi nga.
23251	MAT 2:13	Di tooltool tina ngan timulu a tidu, motong la bong a Yosep iken, ngan ikamata bangabangana ke Tool Mai ye mianga ki. Ngan bangabangana tani in iwete panga nen, “Yosep, kumadit a kouo kase in iye tinana a kakoo a kala pang tana mai Isip la kayepe nango le lo awete pong mulu ngan, yesoo Erot ni ngo ikapye be isere kase i le ipuske nga, ngan ole iraumate a imata.”
23253	MAT 2:15	a la tiyepe tiyepe le lo Erot tani in imata. Ngan nen le betanga yo Maro koonoo iwete nga, ngan kanono pombe moolmool. Muku ngan Maro koonoo tani in iwete nen, “Natuk tamoto iyepe Isip, le akiuu ngan la le iyege Isip a iman nga.”
23254	MAT 2:16	Erot itar tinini ngan tool sa mala be pombe pang ye a iwete panga tiap. Le nga lon tar nen, be di tooltool tina yo ke be lodi kaua urata ye kanpitiki nga, ngan o tillungu, le katen malmal dook tiap. Motong la iman tina le iwanga di tooltool ki ke patokongo be la tiraumatamata di kakase tamoto ke Betlem inbe di kakase tamoto kapala yo tiyepe potai pang Betlem yo rai kidi ru inbe isi pang lopo nga, ngan le imot. Yesoo, lal yo Yesu tinana ipasuiu ye i, in ikauu ye di tooltool yo lodi kaua urata ye kanpitiki, ngan oo.
23257	MAT 2:19	Yosep iye Madia tiyepe Isip le lo Erot imata, motong la bong atu ngan Yosep iken ngan imi be bangabangana ke Tool Mai atu iwete panga nen.
23260	MAT 2:22	Bong ngan Yosep ilongo be Erot natunu Akilus in iloni a iyei tool kuto mai pang tana mai Yudia. Le nga Yosep itattadai be imulu pang ni nga. Le ye mianga ki san mulu, ngan bangabangana ke Tool Mai iwete panga be ila pang ni be, bong be idik a ila pang ye tana mai san yo Galili i.
23264	MAT 3:3	Yowan tani, in mukot ngan Maro koonoo yo Esai i, in iwetewete ye nen, “Ole kalongo tool atu kalngana ye ni sorrakene, in iwete le koonoo maimai nen, ‘Kakarata dada pang Tool Mai, inbe kayeii le tarantatu panga be ipa ye.’”
23265	MAT 3:4	Yowan tani in sousoungu ki ngan tikarata ye asara ke solanga burum yo ene kamel in bulbulini. Inbe iwittoo galini ye bittoongoo ki yo tikarata ye asara kulini i. E kaningi ki yo ikan nga, ngan ikan sis inbe iyin bagil surunu.
23275	MAT 3:14	Bong Yowan ikapye be ilele Yesu a iyei nen be. Le nga iwete panga nen, “Ai, au i la ke be kurriu au i. E nga yelei be kuman pang yau be man arriu ong nga?”
23292	MAT 4:14	Ngan ye dada tani yo Yesu iyeii nen i, in le iyeie betanga ke Maro koonoo Esai yo iweta in le kanono pombe. Ngan Esai tani in iyei ne,
23325	MAT 5:22	Bong nga be awete pang nen, kumata le tool sa be katen malmal pang ene atu nga, ngan ole tikauu lo tipatokode ye ni ke karatanga betanga a ikap masngana ye dada ki tani. E le kumata tool sa be iwete pang ene be ya in tool dook tiap nga, ngan ole tikauu lo ye di tooltool kuto maimai ke karatanga betanga. Bong kumata le tool sa be iwete pang ene be ya in tool kapakapa nga, ngan kin ikawai ye dook, ole nen ngan Maro ikatte du iyepe ye malala ke masngana yo ei ikan ye le taukan motingi i.
23335	MAT 5:32	Bong nga be awete pang nen, kumata be tamoto atu rimana iyei bauk tiap, inbe isukraii sokorai nga, ngan tamoto in ikapsap, yesoo iyeie garup in le ikapsap ye dada ke kerenge. Le kumata be garup tani in iyooloo tamoto san nga, ngan garup in iyei dada dook tiap ke bauk. Inbe tamoto paunu yo iyooloo garup tani yo nintooroo isukraii in nga, ngan ya in iyei dada dook tiap ke bauk lapau. Kin Kawete Moolmool Le Ete Be
23340	MAT 5:37	Ngan nanga, be nen ngan kapas le kayei ne, ‘E’ ngan ‘E’ le iken leu, too be kayei ne, ‘Tiap’ ngan ‘Tiap’ le iken leu. Bong be kawete betanga san mulu le ipa ye betanga yo be kawete nga, ngan betanga yo ngan ipa ye tool dook tiap Satan.
23345	MAT 5:42	Inbe kumata be tool sa itorong ye so kiong nga, ngan kouo so yo itorong ye i, in panga. E kumata le tool sa lono be ikaua so kiong sa be iyei urata ki ye lo ngan be ipamule pang yong nga, ngan kurutaii be.
23379	MAT 6:28	“E nga yelei a lomim modoko mai mata ye so ke lonloningi nga? Oo, kakamata di ool ke karam lono yo tisup nga. Di tapdi ngan tiyei touo urata sa be tikarata moro pang di ye, ngan tiap.
23402	MAT 7:17	Ngan gaongo leu, kai dook mata in be ipu nga, ngan ole kanono dook mata. E kai dook tiap in be ipu nga, ngan ole kanono dook tiap.
23423	MAT 8:9	Awete nen nga, yesoo ayepe gurana ke tool mai kiau yo matan kalau i, in parmana. Inbe au tauk i di tooltool kiau ke patokongo nga, ngan tiyepe gurana kiau parmana lapau. Le kumata be awete pang atu nen, ‘Kula,’ ngan ole ila. E be awete pang san nen, ‘Kuman,’ ngan ole iman. E be awete pang kapraingi kiau nen, ‘Kuyeie urata i,’ ngan ole itoo kook a iyeie urata tani.”
23425	MAT 8:11	Le awete pang nen, di tooltool alunu kaiye dawa ben ya i ole tipa ke ni yo ke ipa ye a ise i, inbe ye ni yo ke idu ye i, a timan tiye Apram ye Esaka inbe Yakop man tiwur, inbe tikan so ye lal yo Maro itaru be matan kala di tooltool ki ye i.
23431	MAT 8:17	Ngan tina Yesu iyei nen, le iyeie betanga ke Maro koonoo yo Esai i, in le kanono pombe moolmool. Ngan Esai tani in iwete nen, “Ya in igiri matamatenge kiidi, inbe iyei idi le tiniidi dook mata mulu.”
23476	MAT 9:28	Yesu ipa a ilo rumu lono, ngan di tooltool mata kis ru tina ngan timan pang ye. Motong la itor di yaru nen, “Angru katara lomim medana yau be ole ayeie urata nen yang angru?” Ngan yaru tiraua betanga ki nen, “E, Tool Mai.”
23493	MAT 10:7	E le be kala nga, ngan kawetewete bingi dook mata bi e i pang di tooltool. Kayei ne, ‘Ole mooloo tiap, inbe dada yo Maro be matan kala di tooltool ki ye i, in ole si pombe mallangana.’
23525	MAT 10:39	E sei tool yo lono mai san ye yepongo ki ke tana i mai mata a iparama i, in ole ilene. Bong sei tool yo lono mai san ye yepongo ki ke tana i tiap, inbe iraia tinini le imot be iyei urata kiau i, in ole ipuske yepongo dook mata yo taukan motingi i.
23537	MAT 11:9	Oo kawete ngan, soo so kala be la kakamata i? Nga o be la kakamata Maro koonoo atu, too? E, moolmool. Bong nga be awete pang nen, ya ni illos di Maro koonoo kapala yo ke muku nga le imot.
23545	MAT 11:17	‘Am nga ammai kaur pang a be nen ngan kasiki, bong lomim pang sianga tiap sa. E amwou lelang pang a be nen ngan katang, bong lomim pang tangini tiap lapau sa.’
23575	MAT 12:17	Ngan nen le betanga yo muku ngan Maro koonoo Esai iweta i, in iyeii le kanono pombe. Ngan betanga tani in nen,
23622	MAT 13:14	Di ngan tiyei nen, le tiyeie betanga ke Maro koonoo yo Esai iweta i, in le kanono pombe moolmool. Ngan Esai ikaua Maro koonoo inbe iwete nen, ‘Kanakana ngan ole kalongo betanga yo Maro iwete nga, bong o ke be lomim galanga ye tiap. Inbe kanakana ngan ole kakamata so yo Maro iyei nga, bong o ke be kakilala tiap.
23646	MAT 13:38	E kumu in tana mai i le imot. Inbe dingding dook mata patunu nga, ngan di tooltool yo Maro igaua di panga be matan kala di nga. Inbe dingding dook tiap, ngan di tooltool yo tool dook tiap, Satan, iyei mai pang di nga.
23647	MAT 13:39	Inbe koi ke kumu taunu yo igiri dingding dook tiap patunu lo kumu lono i, in tool kuto mai kidi so sadi. Inbe lal ke saputungu dingding, in lal yo be tana i imot ye i. E di kapraingi ke kumu taunu nga, ngan di bangabangana ke Maro.
23656	MAT 13:48	Yeisa be di i tilo tilo le pu tani in ipon, motong di tooltool ke yoosoongoo tiyolo pu tani in idi tana. Idi tana, motong la du tiwur, inbe tipelnai di i yo dook mata nga, ngan a ilo karei lono. E yo dook tiap nga, ngan tikatte di.
23659	MAT 13:51	Motong la Yesu itor di galiunu nen, “Betanga le imot yo awete nga, ngan ang nga lomim galanga ye punu lapau?” Ngan di galiunu tiyei ne, “E.”
23664	MAT 13:56	Inbe di lini nanga la taye di tayepe ni nga. E tool i nga ikap lo galanga le gurana nga ngai?”
23667	MAT 14:1	Ye kene tani in Erot Andepas yo iyei tool kuto mai a matan kala tana mai ke Galili i, in ilongo bingi ke Yesu ye urata maimai yo iyei nga,
23669	MAT 14:3	Erot tani, in muku ngan iwete le di tooltool ki tikaua Yowan a tipauu, motong la titaru lo rumu dook tiap kidi talnga dikidiki lono, yesoo Yowan ipasak panga ye yo iyooloo toonoo Pilip rimana yo Erodias in nga.
23670	MAT 14:4	Ye kene tani in Yowan iwete pang Erot nen, “Ong i nga kopsap ye ger ye yo kuyooloo garup in nga.”
23671	MAT 14:5	Ngan nen le Erot lono mai san be iraumata Yowan a imata, bong itattadai di tooltool ke Yuda, yesoo di ngan tikamata Yowan ben ya in Maro koonoo atu.
23672	MAT 14:6	Tiyepe, tiyepe, le tilo ye kene yo be lodi tut ye lal yo Erot tinana ipasuiu ye i, motong la iyeie kanningi maiyoko atu be tikanen ye lal tani in. Inbe ye kene tani in Erodias natunu garup, in man iki la di tooltool maimai tina matadi, le Erot ikamata ngan lon ponana ye mai san.
23673	MAT 14:7	Le nga Erot ipamede betanga ki pang garup kase tani nen, “Awete pong moolmool le ete nen. Soo so yo lom panga mai mata i, in kuweta, ngan ole akauu pong.”
23674	MAT 14:8	Motong la garup kase tani la itoro tinana ye so yo be Erot ikauu panga i, ngan tinana iwete panga ye Yowan yo irriu di tooltool in kutono. Le nga itoo tinana koonoo a imulu la iwete pang Erot nen, “Lok be kukurutu Yowan yo irriu di tooltool, in gurini, inbe kunono kutono lo ye tawiri atu a kouu pau nookoot nga.”
23688	MAT 14:22	Tikan so a imot, motong la Yesu ipakaikai di galiunu be tisuku ookoo kidi, a be nen ngan tipie a timuku pang ran koonoo kapala. E ya taunu in be sila iyepe a itar di tooltool tina a tila pang malala kidi kidi ngan.
23690	MAT 14:24	E di galiunu tina ngan tipie a tila ke ran kataunu ni, a manga mooloo ye tana oo. Bong eng ipakala di ke dama le nga tirookoorookoo kokor maimai dook.
23709	MAT 15:7	Ang nga tooltool ke kaplungunu sa! Le betanga ke Maro yo muku ngan ikap pang Esai a iwetewete yang nga, ngan moolmool sa. Ngan betanga tina ngan iwete nen,
23766	MAT 16:25	E sei tool yo lono mai san ye yepongo ki ke tana i mai mata a iparama i, in ole ilene. Bong sei tool yo lono mai san ye yepongo ki ke tana i tiap, inbe iraia tinini le imot be iyei urata kiau i, in ole ipuske yepongo dook mata yo taukan motingi i.
23794	MAT 17:25	Ngan Pita iyei ne, “E, kanakana nga iyei nen.” Motong la Pita imulu a ila pang ye rumu yo Yesu iyepe lono i nga. Ila le nga iwete touo betanga siao, inbe Yesu isangkala ye betanga. Iyei ne, “Simon, lom belei? Di tooltool yo tiyei kuto maimai pang tana maimai le imot nga, kanakana ngan pat yo tikap be tiyei urata kidi ye nga, ngan tikap ye di tooltool kidi tapdi yo tiye di tiyepe nga, too tikap ye di tooltool ke malala san?”
23855	MAT 19:24	Nga be awete pang mulu nen. Kumata be asara mai ke solanga burum yo ene kamel i, in ikapye be idewe ye sar gumono mitiap in nga, ngan ole yelei, urata imoo panga, too? E, moolmool! Ngan ole gaongo leu, kumata le tool yo ballingana in lono be ilo igaua ye di tooltool yo Maro be matan kala di nga, ngan ole urata imoo panga nen lapau.”
23873	MAT 20:12	‘Ai, di tooltool yo kop di mur a long tikaua urata nga, ngan tiyei urata ye ke matana ataleu. Bong am nga amkaua urata mai san, inbe ke isinam tina muntu ngan le le du rrai. E nga yelei be kuyimi urata kootoonoo kidi ye pat gaongo ben kiam nga?’
23883	MAT 20:22	Motong la Yesu iraua betanga ki panga iye di natunu nen, “Ang nga, so yo kator ye i, in lomim galanga ye moonoo ki tiap. Angru kakanamai ang ngan belei, o ke be kayin ye ruku ke masngana yo be ayin ye i, too?” Ngan yaru tiyei ne, “E, amkanamai am ngan o ke be amyei nen.”
23897	MAT 21:2	“Nga ole angru kamuku a kalo pang ye malala yo iken pang dama ni. E kalo nga, ngan ole pattu leu be kakamata asara pakara atu yo ene donki i, in tiwatu iye natunu a tikododo. Le be kakamata di nga, ngan karu ooroo ye di a kadede di yaru a kasi pang yau.
23898	MAT 21:3	E kumata be tool sa itorang ye di nga, ngan kawete panga nen. Kayei ne, ‘Tool Mai lono be iyei urata ki ye di ngan, lo ngan be ole palbe leu be ipamulu di pang yong a tise.’”
23911	MAT 21:16	Le nga titoro Yesu nen, “Ai, ong i kulongo betanga yo di kakase maimai tiap ngo koodi ye ngan lapau? “Ngan iraua betanga kidi nen, “E, alongo lapau. Bong nga yelei, ang nga o kakinkata betanga yo iken ye Rau ke Maro, in tiap, too? Betanga tani in iwete nen, ‘Maro ong taum la kupamadit di kakase paunu inbe di kakase yo maimai tiap ngan lodi i, ngan la le di nga tiyitmaka em ye koodi nga.’ ”
23939	MAT 21:44	Le kumata sei tool be imol le du irauu pang ye pat i nga, ngan ole turana bokobokobe le moromorana. E kumata be pat tani in imol le du ikata tool sa nga, ngan ole igarungu tool tani le dook tiap yege.”
23957	MAT 22:16	Motong la tiwanga di galiudi tiye di tooltool pattu yo tikata suanga ye Erot nga, a tila pang ye. Tila, motong la tiwete panga nen, “Pannoongoo, am nga lomam galanga yong nen, be ong i kuwete betanga kiong nga, ngan moolmool le imot. Inbe kupatomonai di tooltool ye dada moolmool ke Maro le imot. Inbe ong i kutattadaia kam tooltool siap. Le kumata be kuwete pang di nga, ngan lom rru ye di be di tooltool belei, ngan tiap, bong ole kuwete betanga gaongo leu pang di.
23962	MAT 22:21	Ngan tiyei ne, “In Sisa.” Motong la Yesu iwete pang di nen, “Aoo, ngan dook mata! Be so ke Sisa, ngan kakap pang Sisa. E so ke Maro, ngan kakap pang Maro.”
23973	MAT 22:32	‘Au i Maro ke Apram ye Esaka inbe Yakop.’ Le i Maro kidi tooltool yo timmata koot nga, ngan tiap, bong i Maro kidi tooltool yo tiyepe mauredi nga.”
23986	MAT 22:45	Le kakamata, Dawiti ya taunu la iweta ye Tool Mai ki i. E nga yelei a le ang nga kawete be ya in Dawiti natunu nga?”
24148	MAT 26:25	Motong la Yuta, tool tani yo be itara Yesu la di koi ki baedi i, in imadit tina le itoru. Iyei ne, “Pannoongoo, au i la kuwete nen yau i, too tiap?” Ngan Yesu iraua betanga ki nen, “E, dawa ben tina la kuwete koot nga.”
24187	MAT 26:64	Ngan Yesu iyei ne, “E, dawa ben tina la kuwete koot nga. Bong lok be awete betanga i pang ang nga le imot nen. Pang dama ni nga, ngan ole kakamata Tool Moolmool ke Maro iwur ye Maro yo gurana ki mai mata i, in baene oonoo, inbe ipa ye eng tene a isi pang tana.”
24209	MAT 27:11	Tikaua Yesu lo tipatokode a ikodo dama ke tool kuto mai kidi Yuda, motong la itoru. Iyei ne, “Oo kuwete, ong i la tool kuto mai yo matam kala di Yuda le imot i, too?” Ngan Yesu iyei ne, “E, dawa ben tina la kuwete koot nga.”
24235	MAT 27:37	Ngan ke ete, ye ni yo Yesu kutono ilo pang ye i, in tiwodo betanga yo tikadoni ye a le tirauu nga, ngan nen: I YESU, Tool Kuto Mai Yo Matan Kala Di Yuda Le Imot I.
24244	MAT 27:46	Ngan potai pang ye ke matana tol, motong la Yesu koonoo le mai nen, “Eloi, Eloi, lema sabaktani?” Ngan betanga tina ngan lono ki nen, “Maro kiau, Maro kiau, nga yelei a le kuyegau nga?”
24286	MRK 1:2	Mukot yege ni nga, ngan Maro koonoo yo Esai in iwodo betanga ke Maro yo iwete ngan nen. “Kapalongo! Ole awanga tool atu ke be imuku a ikaua bingi yong. Inbe ya in la be ikarata dada pong i.
24363	MRK 3:6	Yeisa be di Paresi tikamata yo iyei nen nga, ngan tina timadit le tidu tana du tiye di tooltool pattu yo tikata suanga ye Erot nga, ngan tigaua a tiwetewete ye dada yo be tiraumata Yesu ye i.
24464	MRK 5:31	Le nga di galiunu tiwete panga nen, “Kumata, di tooltool malala mai la tigaliu ong le tiparlokoloko nga. E nga yelei be kutor ye tool yo itokong in nga?”
24490	MRK 6:14	Ye kene tani in bingi ke Yesu idada le ingaua ni mai i le imot, le Erot yo iyei tool kuto mai pang tana mai tani, in ilongo lapau. Le nga di tooltool kapala ngan tiwete be ya in Yowan tani yo irriu di tooltool i, in ya la o imadit mulu ye ni ke matenge i, ngan la le gurana ki mai san ke be iyei gogo mos ye nga.
24492	MRK 6:16	Bong ye kene yo Erot ilongo betanga nen ye in nga, ngan le iwete nen, “Tiap, tool ni o Yowan tani yo akurutu gurini muku i, in ya la o imadit mulu ye ni ke matenge i.”
24493	MRK 6:17	Ngan iwete nen, yesoo muku ngan iwanga di tooltool ki la tikaua Yowan a tiparama, inbe tipauu ye ooroo medana a titaru lo rumu dook tiap kidi talnga dikidiki lono. Ngan iyei nen, yesoo Yowan ipammoo ye yo iyooloo toonoo Pilip rimana yo ene Erodias in nga.
24494	MRK 6:18	Le ye kene tani in ngan Yowan iwete pang Erot nen, “Ong i nga kopsap ye ger koot sa ye yo kouo toom rimana a kuyooloo nga.”
24495	MRK 6:19	Tina Yowan iwete nen nga, le nga Erodias lono dook tiap le katen malmal pang Yowan, inbe lono be iraumate a imata. Bong ngan le ipuske dada sa be iraumate ye, in tiap,
24496	MRK 6:20	yesoo Erot in lon galanga be Yowan in tool noonoonoo, inbe ya in tool yo Maro ipootoo panga ya taunu i. Ngan nen le itattadaii le matan kala dook mata. Inbe kanakana ye kene yo Erot ilongo betanga ke Yowan yo iwetewete nga, ngan le lon modoko ye mai san, bong talngana gorengana ye be ilongo.
24497	MRK 6:21	Tiyepe, tiyepe, a lo tigoro lal ke Erot yo tinana ipasuiu ye i, in pombe. Motong la ye kene tani in Erot iyeie mailang maiyoko atu be lon ponana ye lal tani yo tinana ipasuiu ye i. Le nga ikiu di tooltool yo itar di a tiyei kuto maimai be matadi kala tana maimai kapala nga, inbe di tooltool kuto maimai yo matadi kala di tooltool ke patokongo tiye di tooltool maimai ke tana mai Galili nga, ngan man tigaua be tikan so. Ngan nen le Erodias ikamata ben in lal dook mata tani yo be iraumata Yowan ye i.
24498	MRK 6:22	Le nga ye kene tani in tikan so a tiyepe, inbe Erodias natunu garup in ilo rumu lono a lo iki pang di. Ngan le Erot iye di diene tina yo tigaua be tikan so nga, ngan tikamata le lodi ponana ye. Motong la tool kuto mai tani yo Erot i, in iwete pang garup nene tani in nen, “Ai, kumata le kutorau ye so sa be akauu pong nga, ngan ole akauu pong.”
24499	MRK 6:23	Motong la Erot tani in ipamede betanga medana, inbe iwete moolmool le ete panga. Iyei ne, “Be kutorau ye so le imot yo ayei kuto mai panga a matak kala nga, ngan ole apoto kataunu le iken ye budanga ru, lo ngan be akaua budanga atu pong.”
24500	MRK 6:24	Le nga garup nene tani in ipas a idu ke tana du itoro tinana nen, “Tinak, soo so be ole atoro Erot ye be ikauu pau i?” Motong la tinana iraua betanga ki nen, “Ole kutoru a be nen ngan ikaua Yowan yo irriu di tooltool i, in kutono pong.”
24501	MRK 6:25	Motong la palbe leu be garup tani in imulu tarai a ilo pang ye Erot lo iwete panga nen, “Au i lok be kukurutu Yowan yo irriu di tooltool i, in gurini, inbe kunono kutono lo ye tawiri atu a kouu pau nookoot nga.”
24502	MRK 6:26	Erot ilongo betanga nen le nga lon modoko ye mai san. Bong ngan lono be ipalele betanga ki mulu tiap, yesoo ipamede betanga medana a iwete moolmool le ete la di diene tina yo iye di tikan so nga, ngan matadi oo.
24503	MRK 6:27	Le nga pattu leu be Erot tani, in iwanga tool ki atu ke patokongo a ila rumu dook tiap kidi talnga dikidiki lono la isaputu Yowan gurini, inbe ikaua kutono a iman.
24538	MRK 7:6	Motong la Yesu iraua betanga kidi nen, “Betanga ke Maro yo muku ngan ikap pang Esai a iwetewete yang nga, ngan moolmool sa. Ang nga tooltool ke kaplungunu sa, dawa ben betanga tina yo iwodo a iken ye Rau ke Maro nga. Ngan betanga tina ngan iwete nen, ‘Di tooltool nga tiyitmaka ek ye koodi pono leu, bong lodi yo be pau nga, ngan iken manga mooloo yau.
24560	MRK 7:28	Motong la garup tani in iraua betanga ki nen, “E, Tool Mai, betanga kiong in moolmool. Bong ye kene yo di kakase tikan so ye in nga, ngan di gaunu yo tiyepe kookoowoo parmana nga, ngan ole tikan kaningi moromorana kidi yo imaruru du kookoowoo parmana, ngan lapau.”
24566	MRK 7:34	Motong la itada le matana lo pang ye malala ke Maro, inbe itang le iparama amunu a iwete pang tool tani nen, “Epata!” Ngan betanga tani in punu nen, “Kupanganga!”
24584	MRK 8:15	Motong la Yesu ikap noonoongoo pang di nen, “Kin kakap tutang, inbe kakawai yang dook leu ye yis kidi Paresi tiye Erot.”
24593	MRK 8:24	Ngan tool tani in matana pang ete, inbe iwete nen, “E, akamata di tooltool tipa, bong igalanga tiap, dawa ben kai ila be iman nga.”
24669	MRK 10:12	E kumata garup atu be isukraia nintooroo, inbe la iyooloo tamoto san nga, ngan garup tani in iyei dada dook tiap ke bauk lapau.”
24682	MRK 10:25	Le kakamata, kumata be asara mai ke solanga burum yo ene kamel i, in ikapye be idewe ye sar gumono mitiap in nga, ngan ole yelei, urata imoo panga, too? E, moolmool! Ngan ole gaongo leu, kumata le tool yo ballingana in lono be ilo igaua ye di tooltool yo Maro be matan kala di nga, ngan ole urata imoo panga nen lapau.”
24696	MRK 10:39	Ngan yaru tiyei ne, “E, amkanamai am ngan o ke be amyei nen.” Motong la Yesu iwete pang di nen, “Dook mata, angru nga ole kayin ye ruku yo be ayin ye i, inbe karriu ye rriungu yo be arriu ye i.
24755	MRK 12:13	Di Yuda tina tila tiyepe, motong la tiwanga di Paresi tiye di tooltool pattu yo tikata suanga ye Erot nga, a timulu a tila pang ye Yesu. Ngan tila be la titoua ye betanga sa, a nen ngan be koon kapsap ye nga, ngan tikauu lo tipatokode ye ni ke karatanga betanga.
24759	MRK 12:17	Motong la iwete pang di nen, “Aoo, ngan dook mata! Be so ke Sisa, ngan kakap pang Sisa. E so ke Maro, ngan kakap pang Maro.” Le nga di tooltool tina ngan titakrai ye betanga ki yo iwete nga.
24766	MRK 12:24	Motong la Yesu iraua betanga kidi nen, “Ang nga kawete gogomim, too? E, moolmool, yesoo ang nga lomim galanga ye betanga yo iken ye Rau ke Maro, ngan tiap. Inbe lomim galanga ye gurana ke Maro, ngan tiap lapau.
24768	MRK 12:26	Le nookoot nga be awete pang ye di tooltool yo timadit mulu ye ni ke matenge nga. Ang nga kakinkat betanga ke Mose yo iwodo a igasa kai mai tiap yo ei ikan ye i, in lapau, too tiap? Ye kene tani in Maro kalngana pombe ye ei tani a iwete pang Mose ye di sasa kiidi nen, ‘Au i Maro ke Apram ye Esaka inbe Yakop.’
24773	MRK 12:31	E ger san yo itoo i, in nen, ‘Lom pang di diem mai san dawa ben yo ong taum lom pong mai san nga.’ Ngan ger sa mulu yo imuku le illos di ger ru nga, ngan tiap.”