23231	MAT 1:18	Gasanga ke Yesu Kirisi yo tinana ipasuiu i, in ipa nen. Tinana yo Madia in titarkala pang Yosep be iyooloo, bong yaru tigaua tiao, inbe tikamata Madia tani in kapono ye kase yo Maro Amunu Silene ikauu panga i.
23236	MAT 1:23	Ngan betanga tani in nen, “Garup atu yo iye tamoto sa tipa pitiao i, in ole kapono a ipasuiu natunu tamoto, lo ngan be tisua ye Imanuel.” Ngan betanga tani yo Imanuel i, in punu ben, “Maro iyepe yidi.”
23260	MAT 2:22	Bong ngan Yosep ilongo be Erot natunu Akilus in iloni a iyei tool kuto mai pang tana mai Yudia. Le nga Yosep itattadai be imulu pang ni nga. Le ye mianga ki san mulu, ngan bangabangana ke Tool Mai iwete panga be ila pang ni be, bong be idik a ila pang ye tana mai san yo Galili i.
23274	MAT 3:13	Ye kene tani yo Yowan irriu di tooltool ye in nga, ngan Yesu ipa ke Galili a iman pang ran Yodan be man Yowan irriuu lapau.
23290	MAT 4:12	Ye kene yo Yesu ilongo bingi ke Yowan yo titaru lo rumu dook tiap kidi talnga dikidiki lono ye in nga, le nga imulu a ilo pang tana mai Galili.
23291	MAT 4:13	Ilo, ngan le iyege malala Nasaret, inbe la iyepe ye malala mai yo ene Kapenam i. Ngan malala mai Kapenam tani in iken potai pang ye ran Galili gigini, ye tana ke di rara kidi Sebulen le Naptali.
23293	MAT 4:15	“Ang di rara ke Sebulen le Naptali nga kalongo. Ang ngan di tooltool yo kayepe pang ke tiek du nga, inbe ang ngan di tooltool yo kayepe potai pang ye ran Yodan koonoo kapala nga, inbe ang ngan di tooltool yo kayepe ye tana mai Galili ye ni yo di tooltool yo tipa ye di rara kidi Yuda tiap ngan tiyepe ye i.
23296	MAT 4:18	Motong la Yesu ipelele ran koonoo Galili a ila, ngan ikamata di tooltool ru, yaru ngan taidi le toodi. Ngan atu, in ene la Simon i, inbe tiwete ene san ye Pita, in iye taini yo Antares i. Yaru ngan tikatte pu kidi du ran lono a be tikap i ye, yesoo di ngan tiyei urata ye kaungu i be tiyawar a tikap pat ye.
23301	MAT 4:23	Yesu ila ipa ye malala kapala ke tana mai Galili in le imot a ipatomonai di tooltool ye rumu kidi Yuda ke gaongo in lono, inbe iwetewete bingi dook mata pang di tooltool ye dada yo Maro be matan kala di tooltool ki ye i. Inbe ikarata di tooltool yo matamatenge matana matana ikap di nga, ngan le tinidi dook mata mulu.
23303	MAT 4:25	Ngan tina tilongo bingi ke Yesu yo iyei urata nen nga, le nga di tooltool alunu le alunu san tipa ke Galili, inbe ke Dekapolis, inbe ke Yerusalem le tana mai Yudia, inbe di tooltool kapala tipa ke malala le imot yo iken ke ran Yodan koonoo kapala nga, ngan di le imot la tipa a titoo Yesu nga.
23319	MAT 5:16	Le gaongo leu, ang nga kayepe ben sul yo ilangaraia ni i, a be nen ngan di tooltool ole tikamata dada dook mata kiang yo kayei nga, inbe tiyitmaka Tamamim yo iyepe ye malala ki ete ni, in ene. Betanga Ke Ger Ke Maro
23442	MAT 8:28	Ye kene tani yo Yesu iye di galiunu tila tisolo ran koonoo kapala ye tana kidi Gadara nga, ngan di tooltool ru yo so sadi tidiwidiwi di a tiyepe agoro lono kidi matenge ngan tisi pang ye Yesu. Yaru ngan di so sadi tidiwidiwi di le guradi mata, inbe tikap malmal le tool sa ke be ipa a ikapus di ye ni tani, in tiap.
23472	MAT 9:24	Le nga Yesu ipasak pang di. Iyei ne, “Ai, kakoo a kadu tana! Garup kase in imata tiap, bong iken mata leu.” Ngan nen le di tooltool tina tingeleraii ye yo iwete nen nga.
23501	MAT 10:15	Awete pang moolmool nen, ye lal yo Maro itaru be ikarata betanga kidi tooltool ye in nga, ngan ole iyemenai di tooltool ke malala tani in ye urata moonoo dook tiap ki taunu le illoso urata moonoo dook tiap yo be pombe pang di tooltool ke malala mai ru, Sodom le Gomora nga.”
23529	MAT 11:1	Yesu ipatomonai di galiunu sangaul be ru ngan a imot, motong la iyege ni tani in, inbe ipa mulu a ila ye malala maimai ke tana mai Galili la ipatomonai di tooltool, inbe iwetewete bingi dook mata ke Maro pang di.
23609	MAT 13:1	Motong la ye ke tani in Yesu ipas a iyege rumu tani, inbe ipa mulu le du iwur ran koonoo ke Galili.
23641	MAT 13:33	Motong la Yesu ikatte betanga san mulu pang di nen. Iyei ne, “Dada yo Maro be matan kala di tooltool ki ye i, in dawa ben yis yo tataru lo ye porong ngan iyeii a isung i. Garup atu ikaua so mai tiap tani a itaru ilo ye porong tina maiyoko in a ipargarungraii ye, ngan le iyeie porong tani a isung le imot.”
23667	MAT 14:1	Ye kene tani in Erot Andepas yo iyei tool kuto mai a matan kala tana mai ke Galili i, in ilongo bingi ke Yesu ye urata maimai yo iyei nga,
23700	MAT 14:34	Motong la tipie siut a tila, ngan le la tisolo ye malala atu yo ene Genesaret i.
23730	MAT 15:28	Motong la iwete pang garup tani nen, “Garup, kutara lom medana pau mai mata. Le so yo lom be alonong ye i, in ole pombe ben tina yo kuwete nga.” Ye kene yo Yesu iwete nen ye in nga, ngan le pattu leu be natunu garup tani in tinini dook mata mulu.
23731	MAT 15:29	Yesu iyege ni tani, inbe imadit a ila pang ran koonoo Galili. Motong la ipa a ilo pang kawal atu madini a du iwur a iyepe.
23791	MAT 17:22	Kene atu in Yesu iye di galiunu tigaua tana mai Galili, motong la iwete pang di nen, “Ole titara Tool Moolmool ke Maro la di tooltool baedi,
23832	MAT 19:1	Ye kene tani in Yesu iwete betanga tina a imot, motong la iyege tana mai Galili, inbe ila pang tana mai ke Yudia yo iken ke ran Yodan koonoo kapala i.
23849	MAT 19:18	Bong tool tani in itoro Yesu mulu nen, “Soo ger ke Maro kuwete ye i?” Ngan Yesu iyei ne, “Ger ke Maro yo awete ye ngan nen: ‘Kin kuraumata di tooltool be; inbe kin kuyei bauk be; inbe kin kupinoo be; inbe kin kusopo koom ye betanga doko be;
23851	MAT 19:20	Ngan tool kase paunu tani iyei ne, “Ger yo kuwete nga, ngan atoo le imot. Bong soo so ayeii tiao i?”
23906	MAT 21:11	Motong la di tooltool tina yo tiye Yesu tipa nga, ngan tiyei ne, “I Yesu! I Maro koonoo yo ipa ke malala Nasaret ke tana mai Galili i, in naii.”
23920	MAT 21:25	Oo, kawete! Yowan yo irriu di tooltool i, in ikaua gurana ngai a le iyei urata ki ye nga? Gurana tani in ipa ye Maro yo iyepe ye malala ki ete ni, too ipa ye di tooltool ke tana leu?” Motong la di tooltool tina ngan sila di tapdi tiwetewete nen, “Ona! Kumata le tawete be Maro yo iyepe ye malala ki ete ni, in la ikaua gurana pang Yowan in nga, ngan ole itoridi nen. Iyei ne, ‘Ngan nga yelei a le katara lomim medana ye betanga ki tiap nga?’
24155	MAT 26:32	Bong ole amadit mulu ye ni ke matenge, lo ngan be amuku pang le la anamang la Galili ngo.”
24159	MAT 26:36	Motong la Yesu ikap di galiunu a tilo pang ye ni atu yo tiwete ene ye Getsemani i. Tilo pombe, motong iwete pang di nen, “Si kawur nanga, inbe au ole ala ni la apatarau pang Maro ngan.”
24192	MAT 26:69	Ye kene tani in Pita iwurur damadama ke rumu tani in ke koongoo lono, inbe garup kase atu yo iyei kapraingi i, in ipa a iman ye. Motong la iwete panga nen, “Ai, ong i kuye Yesu ke Galili i, in kayepe lapau.”
24231	MAT 27:33	Ngan nen le tipa a tilo pombe ye ni yo tiwete ene ye Golgata i. (Ngan betanga yo Golgata in punu ben Tool Kutono Ruruana).
24253	MAT 27:55	Inbe di garup alunu yo titoo Yesu ke Galili a timan be man tiloni ye so nga, ngan tikodo manga mooloo kasin ye kai palasingi, inbe tikamata so tina yo pompombe ngan ye matadi lapau.
24271	MAT 28:7	Lo ngan be kamulu palbe a la kawete pang di galiunu nen. Kayei ne, ‘Yesu imadit mulu ye ni ke matenge a imuku a ila pang Galili oo. Ole la kakamata nango.’ ” Bangabangana tani in iwete pang di nen a imot, motong la iwete mulu nen, “Oo, betanga tani nain la nookoot nga aweta pang koot i.”
24274	MAT 28:10	Motong la Yesu iwete pang di yaru nen, “Kin katattadai be! Bong angru kala ngan kawete pang di taik ngo a tila pang Galili. Ole la tikamatau nango.”
24280	MAT 28:16	Motong la Yesu di galiunu sangaul be atu, ngan tila pang Galili a tipa so a tilo ye kawal yo Yesu iwete pang di be tilo ye i.
24293	MRK 1:9	Ye kene yo Yowan iyei urata ki ye in nga, ngan Yesu ipa ke malala Nasaret yo iken ye tana mai Galili in a isi pang ye Yowan le si irriuu ye ran Yodan.
24298	MRK 1:14	Ye kene yo titara Yowan lo rumu dook tiap ke di talnga dikidiki lono ye in nga, motong la Yesu ipa le la pombe ye tana mai Galili a iwetewete bingi dook mata ke Maro nga.
24300	MRK 1:16	Motong la ye kene atu, ngan Yesu ipelele ran koonoo Galili a ila, ngan ikamata Simon iye taini Antares yo tikatte pu kidi du ran lono a be tikap i ye, yesoo yaru ngan tiyei urata ye kaungu i be tiyawar a tikap pat ye.
24312	MRK 1:28	Motong la palbe leu be bingi ke Yesu idada le ingaua tana mai yo Galili in le imot.
24323	MRK 1:39	Ngan nen le Yesu imadit tina le ipa a ila ye malala le imot yo iken ye tana mai Galili nga, inbe ilo rumu kidi Yuda ke gaongo ngan lono lo iwetewete bingi dook mata ke Maro pang di tooltool, inbe inganga di so sadi ye di.
24342	MRK 2:13	Motong la iyege malala tani, inbe ipa mulu a idu pang ye ran ke Galili. Idu, ngan di tooltool alunu kaiye la timan pang ye man tiye tipa, inbe ipatomonai di nga.
24361	MRK 3:4	Motong la itor di tooltool tina nen, “Ger ke Maro iwete belei ye lal kidi Yuda ke sungunu? Iwete be tayei dada dook mata pang di tooltool, too be tayei dada dook tiap pang di? Too, iwete be talon di a tiyepe dook mata, too be tagarung di a timmata?” Yesu itor nen, bong tiwete kan betanga siap.
24364	MRK 3:7	Motong la Yesu iye di galiunu tiyege ni tani, inbe tidu pang ran Galili, ngan le di tooltool alunu kaiye ke tana mai Galili la titoo di a tidu nga.
24393	MRK 4:1	Tiyepe a kene san, motong la Yesu ipamaditi urata ki ke patomonaingi di tooltool ye betanga ke Maro mulu ran koonoo Galili nga. Ngan ye kene tani in di tooltool yo man tigaua a tigaliuu nga, ngan alunu le alunu san. Le nga iyiri a lo iwur ookoo atu pono, inbe tisurpaki le du idau manga mooloo kasin, inbe ipatomonai di. Inbe di tooltool tina, ngan di le imot tiyepe ke tana ke ran koonoo a tilongo betanga ki.
24434	MRK 5:1	Yesu iye di galiunu tipie a tisiutu ran le la pombe ran koonoo kapala ye tana kidi Gerasa.
24474	MRK 5:41	Tilo rumu lono tani, motong la itoko baene inbe iwete panga nen, “Talita kum!” Ngan betanga nga punu nen, “Garup mitiap, awete pong nen, kumadit!”
24497	MRK 6:21	Tiyepe, tiyepe, a lo tigoro lal ke Erot yo tinana ipasuiu ye i, in pombe. Motong la ye kene tani in Erot iyeie mailang maiyoko atu be lon ponana ye lal tani yo tinana ipasuiu ye i. Le nga ikiu di tooltool yo itar di a tiyei kuto maimai be matadi kala tana maimai kapala nga, inbe di tooltool kuto maimai yo matadi kala di tooltool ke patokongo tiye di tooltool maimai ke tana mai Galili nga, ngan man tigaua be tikan so. Ngan nen le Erodias ikamata ben in lal dook mata tani yo be iraumata Yowan ye i.
24529	MRK 6:53	Yesu iye di galiunu tipie siutu ran a tila ke koonoo kapala le la tisolo ye malala atu yo ene Genesaret i, inbe tiwata ookoo nango.
24563	MRK 7:31	Motong la Yesu imadit a iyege tana mai yo malala mai Taia iken ye i, inbe ila pang ye malala mai san yo ene Saidon i, motong la be imulu ngan iwakai le ipa kataunu ye tana yo ene Dekapolis i, le du pombe ye ran Galili.
24637	MRK 9:30	Motong la Yesu iye di galiunu tiyege malala tani, inbe tipa so le tila Galili. Ngan lono be di tooltool sa lodi galanga ye ni yo be la tiyepe ye in tiap,
24660	MRK 10:3	Motong la Yesu iraua betanga kidi nen, “Ger yo Mose ikap pang nga, ngan iwete belei?”
24676	MRK 10:19	Ong i lom galanga ye ger yo Maro ikap pang Mose ngan oo. Ger tina ngan iwete nen: ‘Kin kuraumata di tooltool be, inbe kin kuyei bauk be, inbe kin kupinoo be, inbe kin kusopo koom ye betanga doko be, inbe kin koom paweserai di diem a kop sokorai so kidi be, inbe kuraua pang tamam le tinam a kulongo betanga kidi.’ ”
24739	MRK 11:30	Oo, kawete! Yowan yo irriu di tooltool i, in sei ikaua gurana panga a le iyei urata ki nga? Gurana tani in ipa ye Maro yo iyepe ye malala ki ete ni, too ipa ye di tooltool leu?”
24771	MRK 12:29	Motong la Yesu iraua betanga ki nen, “Ger yo imuku pang di ger yo kapala nga, in nen: ‘Ang di Isrel katar talngamim a kapalongo. Tool Mai yo Maro kiidi i, in ya taleu la Maro moolmool i.
24851	MRK 14:28	Bong ole amadit mulu ye ni ke matenge, lo ngan be amuku pang le la anamang la Galili ngo.”
24855	MRK 14:32	Yesu iye di galiunu tipa le lo pombe ye ni atu yo ene Getsemani i. Motong la iwete pang di nen, “Si kawur nanga, inbe au ole ala apatarau pang Maro ngan.”
24893	MRK 14:70	Bong ngan Pita ipataukala mulu. Le nga tiyepe le mooloo tiap, inbe di tooltool yo tikododo potai ye nga, ngan tiwete panga nen, “Moolmool sa, ong i di tooltool tina ngan atu kidi, yesoo ong i tool ke Galili lapau.”
24917	MRK 15:22	Inbe di tooltool ke patokongo tina, ngan tipagege Yesu a tilo pang ye ni yo tiwete ene ye Golgata i. (Ngan betanga yo Golgata in punu ben, Tool Kutono Ruruana).
24936	MRK 15:41	Di ngan, ye kene yo Yesu iyepe Galili ye in nga, ngan titoo a tiloni. Inbe di garup yo titoo a tiye tilo pang Yerusalem nga, ngan alunu kaiye la tiyepe lapau nga.
24949	MRK 16:7	Bong kakamata nene, lo ngan be kamulu a kala la kakaua bingi pang di galiunu, inbe Pita lapau. Ngan kawete pang di nen, ‘Yesu imuku a ila pang Galili oo. Le katoo a kala ngan la be la kakamata nango, ben tina yo muku ngan iwete pang nga.’ ”
24981	LUK 1:19	Motong la bangabangana tani ke Maro in iraua betanga ki nen, “Au i Gabrel! Inbe kanakana ngan akodo dama ke Maro. Ngan Maro ya taunu la iwangau be si akaua bingi dook mata i pong i.
24988	LUK 1:26	Ye kene yo Ilisapet kapono a iyepe le taudu limi be atu iman a ila ye in nga, ngan Maro iwanga bangabangana ki yo ene Gabrel in a idu pang ye malala mai yo ene Nasaret i. Ngan malala tani, in iken ye tana mai Galili.
25046	LUK 2:4	Ngan Yosep tani in ipa ye rara ke Dawiti. Le nga imadit ye malala Nasaret ke tana mai Galili a ilo pang Yudia ye malala mai ke Dawiti, yo ene Betlem i.
25065	LUK 2:23	ben tina Ger ke Tool Mai iwete nga. Ngan iwete nen, “Di kakase tamoto mumuanga le imot yo tinadi tipasui di nga, ngan be tikap di pang Tool Mai.”
25066	LUK 2:24	Le nga yaru tilo lo titoo Ger ke Tool Mai yo iweta a tiwode lo ye rau be tiparoro “bal utu ru, too bal kase ru” panga i.
25069	LUK 2:27	Nen le Simion tani in Maro Amunu idiwidiwoo be imadit a ilo pang koonoo lono ke bareme mai ke sungunu. Motong la Yosep iye Madia tikaua natudi Yesu a tilo bareme mai ke sungunu lono, in lapau, a be tiyei urata le titoo betanga tina yo Ger ke Maro iwete be tiyei nga.
25078	LUK 2:36	Garup atu yo itoko urata ben Maro koonoo i, in ene la Ana i. Ya in Panuel natunu garup, inbe ya in ipa ye rara ke Aser. Muku ngan ikere le iye nintooroo tiyepe ye rai limi be ru. Motong nintooroo imata a iyei tap a iyepe sokorai le se rai ki 84 a iyei konga ki taunu. Ngan Ana tani in iyege bareme mai ke sungunu pitiap yege, bong ye ke le bong, ngan iyepe bareme mai ke sungunu lono be ipatarau a isung pang Maro. Inbe ye lal kapala ngan ole isapa ye kaningi so, inbe ipas le ipatarau leu.
25081	LUK 2:39	Yosep iye Madia tiyei so le imot yo Ger ke Tool Mai iwete be tiyei, ngan a imot, motong la timulu a tidu pang tana mai Galili, pang ye malala mai kidi tapdi yo Nasaret i.
25095	LUK 3:1	Ye kene yo Sisa Taibirias iyepe ben tool kuto mai a matan kala tana maimai ke Rom le imot ye in nga, ngan itar di tooltool kapala be tiloni a matadi kala tana kapala. Le ye rai sangaul be limi tina yo itoko urata ki tani nga, ngan Pontius Pailot iyei tool kuto mai pang tana mai Yudia, inbe Erot in iyei tool kuto mai pang tana mai Galili, inbe toonoo Pilip in iyei tool kuto mai pang tana mai Ituria inbe Tarakonitis, inbe Lisanias in iyei tool kuto mai pang tana mai Abilene.
25146	LUK 4:14	Motong Maro Amunu Silene ipamede Yesu le gurana, inbe imulu a ila pang tana mai Galili. Ngan bingi ke Yesu tani in ipa le ingaua tana mai Galili le imot a di tooltool le imot tilonga.
25163	LUK 4:31	Motong la Yesu idu iyepe ye malala mai Kapenam yo iken ye tana mai Galili i. Le nga lal kidi Yuda ke sungunu pombe, ngan Yesu ilo ye rumu kidi Yuda ke gaongo, inbe ipatomonai di tooltool.
25177	LUK 5:1	Ye kene atu in Yesu ikododo tana ke ran somai yo ene Genesaret, in koonoo, inbe di tooltool alunu timan pang ye a tigaliuu a tiparkat le tiparlokoloko a be nen ngan tilongo betanga ke Maro.
25193	LUK 5:17	Ye kene atu in Yesu ipatomonai di tooltool yo iye di tiyepe nga, ngan di Paresi le di pannoongoo ke ger ke Maro ngan tiwurur lapau. Ngan di tooltool tina ngan tipa ke malala mai Yerusalem, inbe ke malala le imot yo iken ye tana mai Galili le Yudia a tisi. Ye kene tani in Tool Mai ikaua gurana mai pang Yesu be ikarata di tooltool yo matamatenge ikap di nga.
25224	LUK 6:9	Motong la Yesu iwete pang di nen, “Oo, nga be atorang. Ger ke Maro iwete belei ye lal kidi Yuda ke sungunu? Iwete be tayei dada dook mata pang di tooltool, too be tayei dada dook tiap pang di? Too, iwete be talon di tooltool a tiyepe dook mata, too be tagarung di a timmata?”
25340	LUK 8:26	Ye kene tani in Yesu iye di galiunu tina ngan tipie ye ookoo kidi a tila le la pombe ye tana mai Gerasa yo iken ke ran Galili koonoo kapala i.
25351	LUK 8:37	Ngan di tooltool le imot ke tana mai Gerasa tilongo gasanga tina le titattadai welewele, le nga tiwete pang Yesu be ikoo ye ni kidi, inbe ila pang ye ni san mulu. Motong la Yesu ipas lo ookoo pono a be imulu a ila.
25366	LUK 8:52	Tilo ngan di tooltool le imot yo tiyepe rumu nga, ngan titangtang inbe tiwou aisor. Motong la Yesu iwete pang di a ilele di nen, “Katang dookoot! Garup kase in imata tiap, bong iken mata leu.”
25377	LUK 9:7	Ngan Erot, tool kuto mai yo matan kala tana mai Galili i, in ilongo bingi ke so tina le imot yo Yesu iyei nga, ngan le lon gurrungu, yesoo di tooltool kapala ngan tiwete be Yowan ke rriungu di tooltool tani yo imata koot i, in la o imadit mulu a iyepe i.
25443	LUK 10:11	‘Gauru ke malala kiang yo ingaungau kemam nga, ngan la be amtaurai mulu du tana nga, a nen ngan ipaposang ye dada dook tiap kiang yo kayeii pam i. Bong lomim galanga nen; mooloo tiap, inbe dada yo Maro be matan kala di tooltool ki ye i, in ole si pombe mallangana.’
25459	LUK 10:27	Motong tool kuto mai tani in iraua betanga ke Yesu nen, “Ger ke Maro iwete nen, ‘Lomim pang Maro yo Tool Mai kiang i, in mai san, inbe kagaua lomim le tinimim ipa ye gurana le lo galanga kiang le imot panga.’ Inbe ger san yo itoo i, in nen, ‘Lom pang di diem mai san dawa ben yo ong taum lom pong mai san nga.’ ”
25588	LUK 13:1	Yesu iwetewete pang di a imot, motong la di tooltool pattu yo titar talngadi ye betanga ki nga, ngan tigasa panga ye Pailot yo iwanga di tooltool ki ke patokongo la tiraumata di tooltool ke Galili pattu nga. Ngan ye kene tani in be tiparoro so pang Maro lapau. Ngan nen le rara kidi imati a idu igaua pa ye rara kidi asara tina yo be tiyei paroranga ye pang Maro nga.
25589	LUK 13:2	Motong la Yesu iraua betanga kidi nen, “Lomim belei ye di tooltool ke Galili tina yo tiraumata di a timmata nga, ngan di tooltool dook tiap ke yeingi noonoo le tillos di tooltool kapala yo ke Galili, ngan la tiyei dada nen pang di nga, too?
25590	LUK 13:3	Tiap! Bong awete pobe pang nen, kumata be kaportak lomim mulu pang Maro tiap nga, ngan ole Maro igarungang gaongo leu dawa ben di tooltool ke Galili tina yo tiraumatamata di nga.
25599	LUK 13:12	Le nga Yesu ikamata, motong la koonoo panga a iman pang ye, man iwete panga nen, “Garup, matamatenge kiong in ole akaratong ye, ngan ole tinim dook mata mulu.”
25608	LUK 13:21	Nga ole ananpootoo ye yis yo tataru lo ye porong ngan iyeii a isung i. Garup atu ikaua so mai tiap tani a itaru ilo ye porong tina maiyoko in a ipargarungraii ye, ngan le iyeie porong tani a isung le imot.”
25625	LUK 14:3	Le nga Yesu ikamata tool tani, motong la itor di kuto maimai ke ger ke Maro tiye di Paresi nen, “Ai, nga be atorang. Ger ke Maro iwete belei, be takarata di tooltool yo matamatenge ikap di nga, ngan ye lal kidi Yuda ke sungunu lapau, too tiap?”
25731	LUK 17:11	Motong la Yesu itoo dada a be ilo pang Yerusalem. Ngan le ipa kataunu ye ker ke malala mai ru yo Samaria inbe Galili nga.
25777	LUK 18:20	Ong in lom galanga ye ger yo Maro ikap pang Mose ngan oo. Ger tina ngan iwete nen: kin kuyei bauk be, inbe kin kuraumata di tooltool be, inbe kin kupinoo be, inbe kin kusopo koom ye betanga doko be, inbe kuraua pang tamam le tinam a kulongo betanga kidi.”
25852	LUK 20:4	Oo, kawete! Yowan yo irriu di tooltool i, in sei ikaua gurana panga a le iyei urata ki nga? Gurana tani in ipa ye Maro yo iyepe ye malala ki ete ni, too ipa ye di tooltool leu?”
25992	LUK 22:59	Le nga tiyepe kasin mulu, motong la tool san mulu ikamata, le nga iwete katkat a iyei ne, “Moolmool sa, tool in ya lapau iye tiyepe, yesoo ya in tool ke Galili.”
26009	LUK 23:5	Bong ngan di tooltool tina ngan di le imot tiwete le koodi mede. Tiyei ne, “Tiap, ya in ipa le iwakaia tana mai Yudia i le imot, inbe igarung di tooltool lodi ye patomonaingi ki. Ngan ya in imadit ye urata nen ye tana mai Galili, ngan la le ipa so le se pombe ni nga.”
26010	LUK 23:6	Pailot ilongo tina yo tiwete nen nga, le nga itor di nen, “Ai, ngan tool i ke Galili, too?”
26011	LUK 23:7	Ye kene tani in Erot, yo iyei tool kuto mai pang Galili i, in iyepe Yerusalem lapau. Le nga yeisa be Pailot ilongo yo Yesu in tool ke Galili nga, motong la iwete a tikauu a ila pang ye Erot.
26053	LUK 23:49	Bong di tooltool le imot yo lodi galanga ye Yesu, ngan tipa ye di garup yo titoo ke Galili a tilo nga, ngan sila tikodo manga mooloo kasin, inbe tikamata so tina yo pompombe nga.
26059	LUK 23:55	Ngan di garup tina yo tiye Yesu tipa ke Galili a tise nga, ngan titoo Yosep be la tikamata agoro tani, inbe tikamata Yesu bobono be Yosep itaru belei nga.
26066	LUK 24:6	Ya in iyepe ni tiap. Ya in imadit mulu ye ni ke matenge oo. Ngan lomim tut ye betanga yo muku ngan kaye kayepe Galili inbe iwete pang nga.
26156	JHN 1:43	Tiyepe a bongbongini ki, motong la Yesu lon kau urata be ila pang Galili. Le nga ilo ngan ipuske Pilip, motong la iwete panga nen, “Ai, kuman a man kutoo au.”