23268	MAT 3:7	Bong yeisa be Yowan ikamata di tooltool ke budanga ru yo tiwete edi ye di Paresi le di Sedusi, ngan alunu timan pang ye a be man irriu di, motong la iwete pang di nen, “Ai, ang ngan ben moto dook tiap di natunu! Sei iwete be kayei nen ngan ole kasuru kate malmal ke Maro yo be pang dama ni ngan pombe i?
23288	MAT 4:10	Bong ngan Yesu iraua betanga ki nen, “Satan, kukoo yau! Yesoo, Rau ke Maro iwete nen, ‘Kusung pang Maro yo Tool Mai kiong i, inbe kuraua panga ya taleu.’ ”
23378	MAT 6:27	Ngan nanga, be ang tina ngan atu lon modoko ye so yo be iloni ye yepongo ki ke tana i nga, ngan ole yelei, urata tani yo iyeii nen i, in ole iloni ye yepongo ki a iseke kasin pang dama a ila, too? O tiap!
23381	MAT 6:30	Atoo, ang nga katara lomim medana pang Maro mai mata tiap. Kakamata, dingding sokorai yo ke be tikodo katai nga leu, e bongbong ngan tisaput a tikatte lo ei ikan di nga, ngan Maro ikap moro dook mata pang di. Le yelei, ang nga o ke be ikap moro dook mata pang tiap, too? O tiap! Dada dook mata yo be iyei pang ngan ole illos dada dook mata yo iyei pang di ool le dingding nga.
23390	MAT 7:5	Ona, ong in tool ke kaplungunu! Lom be nen ngan ong taum kukulu kai palunu maiyoko yo iken ye matam in muku a kumata ni dook, lo ngan be kupaia tidi mitiap yo iken ye taim matana i.
23394	MAT 7:9	“Ngan ang tina ngan atu be natunu itoru be ikap porong panga nga, ngan ole ikaua pat panga, too? Tiap!
23395	MAT 7:10	Too, be natunu itoru be ikaua i panga nga, ngan ole ikaua moto panga, too? Tiap yege!
23401	MAT 7:16	Le di tooltool yo tiyei urata nen nga, ngan ole lomim galanga ye di ye dada kidi yo tiyei nga. Oo kakamata, di tooltool be tila ye ooroo kaudangdang nga, ngan ole yelei, la tigogo ooroo wain puana ye, too? Tiap! Too, be tila ye kai marini nga, ngan ole yelei, la tikaut kun puana ye, too? Tiap yege!
23407	MAT 7:22	Le pang dama ni, ye lal yo Maro itaru be ikarata betanga kidi tooltool ye in nga, ngan ole di tooltool alunu la be tikiu au a tiyei ne, ‘Tool Mai, Tool Mai! Nga yelei, ye ong em, ngan am nga amkaua koom a amwete betanga kiong pang di tooltool a tilonga. Inbe ye ong em, ngan amgiri di so sadi ye di tooltool a tikoo. Inbe ye ong em, ngan amyei mos matana matana ye lapau.’
23422	MAT 8:8	Ngan tool tani iraua betanga ke Yesu nen, “Atoo, Tool Mai, o nen tiap! Au i lok tarau ngan au i tool dook mata ke be kuman a kulo rumu lono kiau tiap. Bong kupas le kuwete ye koom leu, inbe kapraingi kiau tani ole tinini dook mata mulu.
23439	MAT 8:25	Ngan tina eng mai nen nga, le nga di galiunu la tipoongoo a tiyei ne, “Tool Mai, kulonam! Nga be tamere a tallede!”
23441	MAT 8:27	Ngan iyei nen a di galiunu tina tikamata, le titakrai, inbe di tapdi tipartortor nen, “Ona tiap! I tool belei a le eng le kokor tilongo koonoo nga?”
23451	MAT 9:3	Ye kene tani in di pannoongoo pattu ke ger ke Maro tilongo yo Yesu iwete nen nga, le nga di tapdi tiwetewete pang di nen, “Ona, tiap! Tool i nga yelei a iwete betanga nen nga? Nga o be ikaua Maro nene, too?”
23463	MAT 9:15	Ngan Yesu iraua torungu kidi nen, “Kumata tamoto atu yo be ikere i, in ikiu di sokana le di tooltool ki be man tiye tiyepe ye kerenge ki nga, ngan yelei, ole lodi modoko a tisapa ye kaningi, too tiap? Tiap yege! Bong pang dama ni ngan ole di tooltool tikaua tool tani yo be ikere in le iyege di tooltool ki nga, ngan la be ole lodi modoko a tisapa ye kaningi nga.”
23472	MAT 9:24	Le nga Yesu ipasak pang di. Iyei ne, “Ai, kakoo a kadu tana! Garup kase in imata tiap, bong iken mata leu.” Ngan nen le di tooltool tina tingeleraii ye yo iwete nen nga.
23475	MAT 9:27	Motong la Yesu iyege malala tani, inbe ipa mulu nga. Ngan di tooltool mata kis ru titoo a koodi panga nen, “Atoo, Dawiti natunu! Lom pam a kulonam.”
23536	MAT 11:8	Too yelei, be la kakamata tool atu yo itar moro dook mata lo tinini i, too? O tiap! Di tooltool yo titar moro dook mata ilo tinidi le tinidi dook mata ye nga, ngan di tooltool yo nen nga, ngan tipas le tiyepe leu ye rumu mai ke tool yo iyei kuto mai pang tana mai atu i.
23551	MAT 11:23	Inbe ang di tooltool ke malala mai Kapenam ngan lomim tar belei, ole Maro iyitmakang le kalo meneng lang katene ni, too? Tiap yege! Ole ikatte ang kadu meneng lopo ni, ye ni kidi matenge. Inbe mos yo pombe pang yang nga, ngan yo be pombe ye malala mai Sodom a di tooltool ki tikamata nga, ngan matin nga tiportak lodi le tilledi tiap, bong nga tiyepe go.
23560	MAT 12:2	Bong di Paresi pattu tikamata di yo tiyei nen nga, le nga tipasak pang Yesu. Tiyei ne, “Ai, kumata! Di galium ngo tiyei dada yo ger kiam Yuda igunkalam be amyei ye lal ke sungunu tiap nga.”
23592	MAT 12:34	Ang nga moto dook tiap di natunu! Le ang ngan ke be kawete betanga sa yo dook mata nga tiap. Ngan nen, yesoo so yo iken tool lono nga, ngan la iwete a ipas ye koonoo si mallangana nga.
23662	MAT 13:54	Inbe ipa ngan le lo pombe ye malala ki ya taunu, motong la ilo rumu kidi Yuda ke gaongo in lono, a lo ipatomonai di tooltool. Ngan di tooltool tina tilongo betanga ki le tisorroko ni ye, le nga di tapdi tipartortor. Tiyei ne, “Ona tiap! Tool i lo galanga inbe gurana yo iyei mos ye nga, ngan ikap ngai?
23683	MAT 14:17	Ngan di galiunu tiwete panga nen, “Ona tiap! Am nga porong kiam nga dukumu limi, inbe i paranga kiam nga ru leu.”
23693	MAT 14:27	Bong palbe leu be Yesu koonoo pang di nen, “Katattadai be! I au tani naii. Kin lomim mede leu.”
23697	MAT 14:31	Motong la palbe leu be Yesu iro baene du ikauu a iyitmaki, inbe iwete panga. Iyei ne, “Ong i kutara lom medana pau mai mata tiap sa! Nga yelei, a le be lom rru nga?”
23709	MAT 15:7	Ang nga tooltool ke kaplungunu sa! Le betanga ke Maro yo muku ngan ikap pang Esai a iwetewete yang nga, ngan moolmool sa. Ngan betanga tina ngan iwete nen,
23716	MAT 15:14	Le lomim rru ye di pang soo? Sila tikino! Di ngan dawa ben di tooltool mata kis yo be tipatnaia dada pang di diedi nga. Bong awete pang nen, kumata be tool mata kis atu be irara ene mata kis san nga, ngan ole yaru le ru, be timol du gomo lono.”
23724	MAT 15:22	Motong la garup atu ke Kenan yo ipa ye rara kidi Yuda tiap a iyepe ye ni tani i, in iman pang ye man itang panga, inbe iyei ne, “Tool Mai, ong in Dawiti Natunu. Lom pau! Natuk garup ni so sadi idiwidiwoo a igarungu, le imassingi dook tiap yege.”
23763	MAT 16:22	Ngan Pita ilongo tina yo iwete nen nga, le nga ipasnaka Yesu a yaru leu tila manga mooloo kasin, inbe ipasak panga. Iyei ne, “Tool Mai, o tiap! Au i lok be so yo nen ngan pombe pang yong tiap!”
23764	MAT 16:23	Motong la Yesu iportak pang ye a iwete katkat panga. Iyei ne, “Satan, kukoo yau a kudu ke murik! Nga yelei a lom be kuyakala dada kiau nga? Betanga yo kuwete nga, ngan kutoo Maro lono tiap, bong kutoo di tooltool ke tana lodi.”
23767	MAT 16:26	Le kakamata, tool be iyau balingi matana matana le imot ke tana i panga, lo ngan be imata a ila nga, ngan ole balingi tina ngan iloni belei? Too, soo so dook mata ke be tool sa ikauu pang Maro a be ikaua yepongo dook mata tani yo taukan motingi in panga i? So siap!
23786	MAT 17:17	Tool tani iwete nen, motong la Yesu iyei ne, “Ona tiap! Ang di tooltool yo nookoot kayepe nga, ngan katara lomim le imede ye Maro tiap, bong lomim kap gogo dada dook tiap alunu san. Nga ole ke pi mulu be nen ngan ayang tayepe, inbe awete a kayei dada yo nen ngan mulu ye nga? Oo, kakaua kase in a iman yau me e ni.”
23803	MAT 18:7	“Atoo, ang tooltool ke tana mai i le imot yo kayei di tooltool kapala a tikapsap ye noonoo nga, ngan kin kakamatang dook leu! Moolmool, so yo nen nga, ole pombe pang ye di tooltool, bong atoo, ang di sema tooltool yo kayei so nen a pombe nga, kin kakamatang dook leu!
23822	MAT 18:26	“Bong kapraingi ki tani in ilongo betanga ki nen, le nga igun turunu du dama ke tool mai tani, inbe iwete a imangmang ye nen, ‘Alei, kin katem malmal pau be! Ole arau bun kiau le imot yo akap yong nga, ngan pong mulu.’
23825	MAT 18:29	“Bong kapraingi tani in ilongo betanga ke ene tani, le nga igun turunu du dama ki, inbe iwete a imangmang ye nen, ‘Alei, kin katem malmal pau be! Ole arau bun kiau le imot yo akap yong nga, ngan pong mulu.’
23828	MAT 18:32	“Motong la tool kuto mai tani, in ikiui kapraingi ki tani man iwete panga nen, ‘Ai, ong i tool dook tiap sa! Muku ngan kumangmang a kutang pau, le awete be bun kiong ngan kurau be. Dookoot, sila ikino.
23845	MAT 19:14	Bong ngan Yesu iwete pang di nen, “Ai, kin kasoror di kakase ngan be! Bong kamalum pang di a timan pang yau. Yesoo, di tooltool yo be lo tigaua ye di tooltool yo Maro be matan kala di nga, ngan dawa ben di kakase tina nga.”
23855	MAT 19:24	Nga be awete pang mulu nen. Kumata be asara mai ke solanga burum yo ene kamel i, in ikapye be idewe ye sar gumono mitiap in nga, ngan ole yelei, urata imoo panga, too? E, moolmool! Ngan ole gaongo leu, kumata le tool yo ballingana in lono be ilo igaua ye di tooltool yo Maro be matan kala di nga, ngan ole urata imoo panga nen lapau.”
23856	MAT 19:25	Yesu di galiunu tina tilongo betanga yo iweta i, ngan le titakrai welewele ye. Le nga titoru nen, “Ona tiap! Be nen nga, ngan ole sei tool be Maro ipamule ye so dook tiap yo be igarungu i?”
23868	MAT 20:7	“Ngan tiyei ne, ‘Am nga amkododo sokorai nen, yesoo tool sa ikap urata pam be amyei tiap.’ “Motong iwete pang di nen, ‘Dook mata! Be nen ngan ang lapau kadi kakaua urata ye kumu kiau ke ooroo wain ni.’
23874	MAT 20:13	“Motong la kumu taunu iraua betanga tani pang di tooltool tina ngan atu nen. Iyei ne, ‘Tool kiau, au i ayeie dada sa yo dook tiap pong, ngan tiap. Au i awete pang be kakaua urata ye ke atu nga, ngan ole ayimang ye pat silba atu atu, ngan ong i o lom ponana ye betanga kiau i tiap, too? Tiap!
23904	MAT 21:9	Inbe di tooltool tina ngan kapala yo timuku be Yesu itoo di, inbe di kapala yo tikimur nga, ngan di le imot koodi le mai. Tiyei ne, “Tayitmaka Dawiti natunu in ene! Maro ole iyei urata dook mata pang ye tool yo isi ye Tool Mai ene i! Tayitmaka Maro ene le ilo ete!”
23906	MAT 21:11	Motong la di tooltool tina yo tiye Yesu tipa nga, ngan tiyei ne, “I Yesu! I Maro koonoo yo ipa ke malala Nasaret ke tana mai Galili i, in naii.”
23920	MAT 21:25	Oo, kawete! Yowan yo irriu di tooltool i, in ikaua gurana ngai a le iyei urata ki ye nga? Gurana tani in ipa ye Maro yo iyepe ye malala ki ete ni, too ipa ye di tooltool ke tana leu?” Motong la di tooltool tina ngan sila di tapdi tiwetewete nen, “Ona! Kumata le tawete be Maro yo iyepe ye malala ki ete ni, in la ikaua gurana pang Yowan in nga, ngan ole itoridi nen. Iyei ne, ‘Ngan nga yelei a le katara lomim medana ye betanga ki tiap nga?’
23959	MAT 22:18	Titoru nen, bong Yesu lon galanga ye dada dook tiap yo iken lodi a le titoru ye in oo. Le nga iyei ne, “Ang nga di tooltool ke kaplungunu sa! Nga yelei a kakapye be katou au nga?
23962	MAT 22:21	Ngan tiyei ne, “In Sisa.” Motong la Yesu iwete pang di nen, “Aoo, ngan dook mata! Be so ke Sisa, ngan kakap pang Sisa. E so ke Maro, ngan kakap pang Maro.”
24000	MAT 23:13	Motong la Yesu iwete mulu nen, “Atoo, ang di pannoongoo ke ger ke Maro inbe di Paresi nga, ang nga tooltool ke kaplungunu sa, le kin kakamatang dook leu! Ang tapmim nga kalo kagaua ye di tooltool yo Maro be matan kala di, ngan tiap. Bong di tooltool yo tikapye be tilo nga, ngan kawonokala dada ye di le ke be tilo tiap.
24002	MAT 23:15	“Atoo, ang di pannoongoo ke ger ke Maro inbe di Paresi nga, ang nga di tooltool ke kaplungunu sa, le kin kakamatang dook leu! Ang nga kapa ye ni mai i le imot ke bodanga inbe tiek pono, a be nen ngan kayeie tool sa le iyei galiumim. Ngan kumata be tool atu ilongo betanga kiang le be lon portak a itoo ang nga, ngan ya in kayeii le iyei dada dook tiap kiang le lo illosang ye dada dook tiap kiang. Ngan nen le pang dama ni nga, ngan ole kaye kadu pang ye malala ke masngana.
24003	MAT 23:16	“Atoo, ang nga tooltool mata kis yo lomim be karara di tooltool kapala nga, le kin kakamatang dook leu! Ang nga kapatomonai di tooltool nen, ‘Kumata be tool sa ipootoo bareme mai ke sungunu a be ipamede betanga ki ye nga, ngan betanga ki in ben so sokorai. Bong kumata be tool sa ipootoo pat gol yo iken bareme mai ke sungunu lono ni, a be ipamede betanga ki ye nga, ngan ole iyei so tina yo ipamede betanga ye nga.’
24004	MAT 23:17	Ang di tooltool mata kis nga kapakapa sa! Soo so maiyoko le illoso ene i? Lomim tar be pat gol la illoso bareme mai ke sungunu i, too bareme mai ke sungunu la illosi i? Ole lomim galanga nen, pat gol in iken ye bareme ke sungunu, ngan la le bareme mai ke sungunu iyeie pat tani le iyei ben pat mison ke Maro nga.
24006	MAT 23:19	Ang nga tooltool mata kis sa! Soo so maiyoko inbe dook mata le illoso ene i, so ke paroranga, too kookoowoo ke paroranga so? Ole lomim galanga nen, kaningi le so ke paroranga ngan iken kookoowoo ke paroranga so pono nga, ngan la le iyei so ke paroranga tina le iyei ben so mison ke Maro nga.
24010	MAT 23:23	“Atoo, ang di pannoongoo ke ger ke Maro inbe di Paresi nga, ang nga di tooltool ke kaplungunu sa, le kin kakamatang dook leu! Kanakana ngan katoo ger mitiap kapala le kagogo so matana matana kiang ke kumu yo ben bede le ooroo puana ke kaningi le so kapala nga, a katar le iken ye budanga sangaul, lo ngan be kakaua budanga tina, ngan atu pang Maro. Bong nga yelei a katoo ger maimai yo ke Maro nga, ngan tiap nga? Ngan ger maimai tina ngan nen: katoo dada yo dook mata tarantatu ngan pang di diemim; inbe lomim mulumulu ye di diemim a kayei dada dook mata pang di; inbe katara lomim medana le iken so pang Maro leu. Le dook mata ngan nen, ole katoo ger maimai tina nga le imot le ipa ye ger yo maimai tiap, ngan lapau.
24012	MAT 23:25	“Atoo, ang di pannoongoo ke ger ke Maro inbe di Paresi nga, ang nga di tooltool ke kaplungunu sa, le kin kakamatang dook leu! Ang nga kangas ruku le omai kiang diki ki nga le igalanga dook mata san, bong lono ngan ipon ye giri dawa ben tool yo gadagadana inbe matana so i.
24013	MAT 23:26	Ang di Paresi nga matamim kisis! Be nen ngan kangas ruku le omai kiang lono muku le igalanga dook ngan, ngan la be diki ki ngan ole igalanga lapau nga.
24014	MAT 23:27	“Atoo, ang di pannoongoo ke ger ke Maro inbe di Paresi nga, ang nga di tooltool ke kaplungunu sa, le kin kakamatang dook leu! Ang nga dawa ben agoro yo titar di tooltool matedi ye i, inbe tisirimi diki ki ye kau kookoonoo le tikamata ngan dook mata san i. Bong lono in ipon ye di tooltool turadi inbe ye so yo giri leu nga.
24016	MAT 23:29	“Atoo, ang di pannoongoo ke ger ke Maro inbe di Paresi nga, ang nga di tooltool ke kaplungunu sa, le kin kakamatang dook leu! Ang nga kakarata agoro yo titar di Maro koonoo bobodi ye nga le dook mata san. Inbe kamoro gomo koonoo kidi tooltool noonoodi ke Maro.
24019	MAT 23:32	Le kumata be nen nga, ngan ang kamadit a kakap malala kidi! Le soo dada dook tiap ke noonoo be di sasa kiang tiyei le imot tiap nga, ngan ang kaseke di ye a kayei le lo imot.
24020	MAT 23:33	“Ang nga moto dook tiap, inbe ang nga moto dook tiap di natunu! Ole Maro ipaposang ye urata dook tiap yo kayei nga, a ikatte ang du ye malala ke masngana. Le ole kasuru kate malmal ke Maro belei?
24098	MAT 25:21	“Motong la tool mai ki iwete panga nen, ‘Dook mata! Ong i kapraingi dook mata le kuyei urata dook mata ye pat yo akap pong nga! Muku ngan atarong be matam kala urata mai tiap, ngan matam kala dook mata san. Le nookoot nga ole atarong a kuyei mai pang so alunu a be matam kala. Kuman a man aru tayepe, inbe lod ponana.’
24100	MAT 25:23	“Tool tani iwete nen, le nga tool mai ki iyei ne, ‘Dook mata! Ong i kapraingi dook mata le kuyei urata dook mata ye pat yo akap pong nga! Muku ngan atarong be matam kala urata mai tiap, ngan matam kala dook mata san. Le nookoot nga ole atarong a kuyei mai pang so alunu a be matam kala. Kuman a man aru tayepe, inbe lod ponana.’
24118	MAT 25:41	“Lo ngan be iportak a iwete pang di tooltool yo tiyepe ke arono ngas ngan nen. ‘Ang nga, Maro igarungang ye betanga le ang nga ole kallemim. Kakoo yau! Kakoo le kalo ye ei yo ikan nen le taukan motingi i, in lono. Ngan ei ni Maro la ikarata pang tool kuto mai kidi so sadi iye di bangabangana ki i.
24131	MAT 26:8	Ngan di galiunu tikamata garup tani yo iyei nen nga, le lodi dook tiap. Le nga tiyei ne, “Ona tiap! Nga yelei a ingele ye so ke saliningi dook mata i a iti sokoraii nen nga?
24158	MAT 26:35	Bong Pita iyei ne, “O tiap! Kumata le lodi be au i tiraumatau lapau a aru tammata nga, ngan o ke be awete a apataukalong be au i lok galanga yong tiap, ngan tiap.” Ngan iwete nen le Yesu di galiunu tina ngan di le imot tiwete betanga gaongo nen lapau.
24169	MAT 26:46	Le kamadit a tala! Tool tani yo be itarau la di koi kiau baedi i, in ya la iman i.”
24196	MAT 26:73	Tiyepe le mooloo mata tiap, inbe di tooltool yo tikododo potai ye Pita nga, ngan timan pang ye man tiwete panga. Tiyei ne, “Ai, ngan moolmool sa! Ong i tool kidi atu, yesoo ye kanga ke betanga kiong i la ipaposong a le amkilalong ye i.”
24238	MAT 27:40	Tiyei ne, “In ong tool tani yo kuwete be kusaua bareme mai ke sungunu, lo ngan be kupatokode mulu ye ke tol leu i, too? Be nen ngan ong taum kulonong! Kumata be ong in Maro Natunu moolmool nga, ngan kuyege kai palasingi in a kusi tana!”
24269	MAT 28:5	Motong la bangabangana tani iwete pang di garup ru tina nen, “Kin katattadai be! Au i lok galanga yang nen, nga be man kasere Yesu, tool yo tipatota lo kai palasingi kaini a imata i.
24274	MAT 28:10	Motong la Yesu iwete pang di yaru nen, “Kin katattadai be! Bong angru kala ngan kawete pang di taik ngo a tila pang Galili. Ole la tikamatau nango.”
24309	MRK 1:25	Bong Yesu iwete le koon mede ye betanga a ilele so sadi tani. Iyei ne, “Ai, kuwetewete dookoot! Kupas ye tool in a kusi tana!”
24311	MRK 1:27	Le nga di tooltool le imot yo tikamata so tina nga, ngan titakrai, inbe tiwete pang di diedi nen, “Ona tiap! I soo so nen i? I patomonaingi paunu, inbe ipa ye gurana mai san, le ipas le iwete leu inbe di so sadi tilongo betanga ki a titoo.”
24348	MRK 2:19	Motong la Yesu iraua torungu kidi nen, “Kumata tamoto atu yo be ikere i, in ikiu di tooltool ki be man tiye tiyepe ye kerenge ki nga, ngan yelei, ole tisapa ye kaningi, too tiap? Tiap yege! Ye kene yo tiye tiyepe ye in nga, ngan o ke be tiyeie so sa yo nen, ngan tiap.
24353	MRK 2:24	Bong ngan di Paresi pattu tikamata di, le nga tiwete pang Yesu nen, “Ai, kumata! Nga yelei a di galium ngo tiyei dada yo ger kiam Yuda igunkalam be amyei ye lal ke sungunu tiap nga?”
24380	MRK 3:23	Ngan Yesu ilongo di tina yo tiwete nen nga, le nga ikiu di a timan pang ye, motong la ikatte betanga atu pang di nen, “Nga yelei, ole Satan iyei koi pang di tooltool ki ya taunu a inin di a tikoo, too? Tiap yege!
24395	MRK 4:3	“Katar talngamim a kapalongo! Ye kene atu ngan tool ke kapkingi atu in ikap dingding patunu ke kaningi be la igiri kumu ki.
24413	MRK 4:21	Motong la Yesu iwete pang di mulu nen, “Tool be ikaua sul a ise rumu lono nga, ngan yelei, ole itaru du bor parmana, too ole itaru du kookoowoo ke kenongo parmana? Tiap! Ole ipawoti lo ete.
24429	MRK 4:37	Tikooi a tila, le nga Yesu idu ke ookoo kirini du iken a ipaloko kutono lo ye kaliki le iken mata a ila oo, inbe mooloo tiap be eng mai imadit tina le kokor ki popobe a ipases lo ookoo pono. Ngan nen le kasin leu be ookoo kidi imere. Motong la di galiunu du tipoongoo a tiwete panga nen, “Pannoongoo, kumadit! Nga yelei, o lom pam tiap, too? Nga be tamere a tallede!”
24433	MRK 4:41	Iwete pang di nen, bong di galiunu titattadai le di tapdi tipartor nen, “Ona tiap! I soo tool nen i a le eng le kokor tilongo koonoo nga?”
24440	MRK 5:7	Motong la Yesu iwete pang so sadi tani nen, “Ong in so sadi, le kupas a kusi tana ye tool in!” Le nga tool tani in koonoo le mai nen, “Atoo! Yesu, ong i Maro yo iyepe ete ni, in natunu! Nga soo so be kuyeii pau i? Kupamede betanga ye Maro ene pau nen, be kin kop masngana pau be.”
24478	MRK 6:2	Tila tiyepe le lal kidi Yuda ke sungunu be pombe nga, ngan ilo rumu kidi Yuda ke gaongo in lono a lo ipatomonai di tooltool ye betanga ke Maro. Ngan le di tooltool alunu yo tilongo betanga ki nga, ngan titakrai, inbe tiyei ne, “Ona tiap! Tool i ikap patomonaingi le lo galanga ki nga, ngai? Inbe nga yelei a iyei gogo mos matana matana ye ya taunu baene nga?
24479	MRK 6:3	Nga yelei, ya i tool ke malala san la be lod sarere ye nga, too? Tiap! Idi nga lod galanga ye be ya i tool ke renge rumu leu, inbe tinana la Madia i. Inbe di taini la Yemis ye Yosep, inbe Yuta ye Simon nga, inbe di lini le imot la taye di tayepe ni nga.” Ngan tina tikamata ben ya in tool sokorai nga, le tiwala muridi panga.
24525	MRK 6:49	bong ngan di galiunu tina ngan tikamata le tiyeisa o markiaua la ipa ran pono i. Ngan nen le titattadai a koodi welewele, yesoo di le imot tikamata. Bong ngan palbe leu inbe Yesu iwete pang di nen, “Katattadai be! I au tani naii. Kin lomim mede leu.”
24568	MRK 7:36	Motong la Yesu iwetekala di be kin tikaua bingi pang tool sa ye so yo pombe in be. Bong tiap! Moolmool iwete betanga nen pang di kaiye, bong ngan di tooltool tina ngan tikaua bingi ye le ikenen leu, le bingi ki ingaua ni.
24569	MRK 7:37	Ngan nen le di tooltool tina le imot yo tilongo bingi ki nga, ngan titakrai welewele. Inbe tiyei ne, “Ona tiap! So le imot yo iyei nga, ngan dook mata san. Le kakamata, ikarata di tooltool yo talngadi dikidiki inbe medi modo nga, le tilongo betanga inbe tiwetewete.”
24573	MRK 8:4	Motong la di galiunu tiraua betanga ki nen, “Ona, idi nga tayepe ye ni balim koonoo sa! Ole takap porong ngai be tapakan di tooltool malala mai nga ye i?”
24606	MRK 8:37	Too, soo so dook mata ke be tool sa ikauu pang Maro a be nen ngan iraukolo yepongo ki yo ilene in ye i? So siap!
24626	MRK 9:19	Motong la Yesu iyei ne, “Ona tiap! Ang di tooltool yo nookoot kayepe nga, ngan katara lomim le imede ye Maro tiap. Nga ole ke pi mulu be nen ngan ayang tayepe, inbe awete a kayei dada yo nen ngan mulu ye nga? Oo, kakaua kase in a iman yau.”
24646	MRK 9:39	Bong ngan Yesu iwete pang di nen, “Tiap, kin kalele be! Kumata tool atu be iyei mos ye gurana ke au ek nga, ngan ke be palbe leu be iportak a igarungau ye betanga dook tiap, ngan tiap.
24657	MRK 9:50	Tiek in so dook mata, bong kumata be gurana ki imot nga, ngan ole kuyeie tiek tani in belei be iyei tiek mulu nga? Dada siap! Ngan nanga, ang nga ole kayei dawa ben tiek dook mata, inbe kapaposo lo silene ke Maro pang di tooltool, a be nen ngan kaye di kagauagaua dook mata.”
24671	MRK 10:14	Ngan Yesu ikamata di galiunu tina yo tiyei nen nga, le nga katen malmal a iwete pang di nen, “Ai, kin kasoror di kakase ngan be! Bong kamalum pang di a timan pang yau, yesoo di tooltool yo be lo tigaua ye di tooltool yo Maro be matan kala di nga, ngan dawa ben di kakase tina nga.
24682	MRK 10:25	Le kakamata, kumata be asara mai ke solanga burum yo ene kamel i, in ikapye be idewe ye sar gumono mitiap in nga, ngan ole yelei, urata imoo panga, too? E, moolmool! Ngan ole gaongo leu, kumata le tool yo ballingana in lono be ilo igaua ye di tooltool yo Maro be matan kala di nga, ngan ole urata imoo panga nen lapau.”
24683	MRK 10:26	Yesu di galiunu tina ngan tilongo betanga nen mulu le nga titakrai welewele. Motong la di tapdi tiwetewete nen, “Ona tiap! Be nen nga, ngan ole sei tool be Maro ipamule ye so dook tiap yo be igarungu i?”
24706	MRK 10:49	Motong la Yesu ikodo, inbe iyei ne, “Kawete panga a iman.” Le nga koodi pang tool mata kis tani a tiwete panga nen, “Ai, kutattadai be! Kumadit. Ya in koonoo pong be kuman pang ye ngan.”
24718	MRK 11:9	Inbe di tooltool kapala yo tipa le timuku, inbe di kapala yo tikimur nga, ngan koodi le mai. Tiyei ne, “Tayitmaka Maro ene! Maro ole iyei urata dook mata pang tool yo isi ye Tool Mai ene i.
24730	MRK 11:21	Motong la Pita lon tut le nga iwete pang Yesu nen, “Pannoongoo, kumata! Kai pik tani yo kuwetetoo i, in iwor oo.”
24739	MRK 11:30	Oo, kawete! Yowan yo irriu di tooltool i, in sei ikaua gurana panga a le iyei urata ki nga? Gurana tani in ipa ye Maro yo iyepe ye malala ki ete ni, too ipa ye di tooltool leu?”
24759	MRK 12:17	Motong la iwete pang di nen, “Aoo, ngan dook mata! Be so ke Sisa, ngan kakap pang Sisa. E so ke Maro, ngan kakap pang Maro.” Le nga di tooltool tina ngan titakrai ye betanga ki yo iwete nga.
24774	MRK 12:32	Motong la tool tani in iraua betanga ke Yesu nen, “Dook mata, pannoongoo! Betanga kiong yo kuwete be Maro i, in Maro ataleu ngan moolmool. Le ni maro sa mulu siap, bong ya taleu.
24787	MRK 13:1	Yesu imadit a iyege bareme mai ke sungunu, inbe ipa a be idu pang diki nga, ngan di galiunu tina ngan atu iwete panga. Iyei ne, “Ona, Pannoongoo! Kumata, bareme ke sungunu i tire ye pat somaimai le dook mata san! Inbe rumu kapala yo tikodo potai ye nga, ngan dook mata san lapau.”
24829	MRK 14:6	Bong ngan Yesu iwete pang di nen “Ai, kayege sila iyepe! Nga yelei a koomim kauu nga? Dada yo iyeii pau i, in dook mata le dook mata san.
24854	MRK 14:31	Bong ngan Pita iwete le koon mede a iyei ne, “O tiap! Kumata le lodi be au i tiraumatau lapau a aru tammata nga, ngan o ke be awete a apataukalong be au i lok galanga yong tiap, ngan tiap.” Ngan le di galiunu tina yo kapala nga, ngan di le imot tiwete betanga gaongo nen lapau.
24864	MRK 14:41	Le nga Yesu la ipatarau patol ki a imulu a iman, motong la iwete pang di galiunu tina. Iyei ne, “Ai, nga kamaryoo a kakenen mata go, too? Kaken mata dookoot! Lal tani in pombe oo. Kakamata, nookoot nga tool atu be itara Tool Moolmool ke Maro la di tooltool ke noonoo baedi.