23439	MAT 8:25	Ngan tina eng mai nen nga, le nga di galiunu la tipoongoo a tiyei ne, “Tool Mai, kulonam! Nga be tamere a tallede!”
23516	MAT 10:30	Le kumata be Maro matan kala di man dook mata nen nga, ngan ole matan kalang dook mata lapau, yesoo ye matana ngan ang nga kallos di man. Maro lon galanga yang dook mata san, le kinkatingi ke kutomim raunu nga, ngan lon galanga ye le imot lapau. Ngan nen le kin katattadai be!”
23692	MAT 14:26	Ipa a ila potai pang ye di, motong la tikamata yo ipa ran pono a be ila pang ye di nga. Le nga titattadai a titangarur, inbe tisulu. Tiyei ne, “Ai, nisene atu la iman pang yidi i!”
23696	MAT 14:30	Bong ye kene yo ipa a ila ye in nga, ngan ikamata kokor ke eng tani maimai leu, le nga itattadai, inbe kotorbe kasin pang ran lono. Yo ngan le taun koonoo palbe pang Yesu. Iyei ne, “Atoo, Tool Mai, kulonau!”
23704	MAT 15:2	“Ai, nga yelei a di galium nga titoo dada kidi sasa kiam tiap nga? Kumata, di ngo titoo momo kiam ke ngasingi baede a tingas baedi muku lo ngan be tikan so, ngan tiap!”
23727	MAT 15:25	Motong la garup tani in ipa le iman potai ye Yesu, inbe igun turunu du kene punu ke dama, inbe iyei ne, “Tool Mai, kulonau!”
23763	MAT 16:22	Ngan Pita ilongo tina yo iwete nen nga, le nga ipasnaka Yesu a yaru leu tila manga mooloo kasin, inbe ipasak panga. Iyei ne, “Tool Mai, o tiap! Au i lok be so yo nen ngan pombe pang yong tiap!”
23774	MAT 17:5	Pita iwetewete nen pang Yesu go, inbe eng tene ikoko le pilik pilikbe, in isi le si rur ki iloko la podi. Inbe tool atu kalngana pombe eng tene tani lono in iwete nen, “Tool in au natuk. Au i lok panga mai san, inbe lok ponana ye. Le kalongo betanga ki yo be iwete pang nga!”
23776	MAT 17:7	Bong Yesu ipa le iman potai ye di a itoko di, inbe iwete pang di nen, “Kamadit! Kin katattadai be!”
23891	MAT 20:30	Tila, ngan di tooltool mata kis ru tiwurur dada gigini. Ngan yaru tilongo betanga be ole Yesu ipa nen a iman, le nga koodi le mai nen, “Tool Mai, ong in Dawiti natunu. Lom pam a kulonam!”
23892	MAT 20:31	Ngan di tooltool budanga mai tina tipasak pang di, inbe tilele di be koodi dookoot. Bong tiap, yaru koodi mulu le somai nen, “Tool Mai, ong in Dawiti natunu. Lom pam a kulonam!”
23904	MAT 21:9	Inbe di tooltool tina ngan kapala yo timuku be Yesu itoo di, inbe di kapala yo tikimur nga, ngan di le imot koodi le mai. Tiyei ne, “Tayitmaka Dawiti natunu in ene! Maro ole iyei urata dook mata pang ye tool yo isi ye Tool Mai ene i! Tayitmaka Maro ene le ilo ete!”
23910	MAT 21:15	Bong di tooltool maimai ke paroranga so pang Maro, inbe di pannoongoo ke ger ke Maro, ngan tikamata mos dook mata tina yo iyei nga, inbe tilongo di kakase yo kookoodi bareme mai ke sungunu lono nen, “Tayitmaka Dawiti natunu, in ene!” Ngan nen le di tooltool kuto maimai tina lodi dook tiap san.
24172	MAT 26:49	Tina nen nga, le pattu leu, inbe Yuta ipa pobe pang ye Yesu a ila le la iyei ne, “O bong dook mata, Pannoongoo!” inbe iwarra a isomo pangana.
24195	MAT 26:72	Bong ngan Pita koon mede le ipataukala a iwete mulu nen, “Awete pang moolmool le ete, au i lok galanga ye tool ni pitiap yege!”
24197	MAT 26:74	Tina yo ngan le Pita iwete nen, “Kumata le be allung nga, ngan dook mata nen be Maro igarungau. Le awete pang moolmool le ete nen, tool ni au i lok galanga ye pitiap yege!” Ngan iwete nen le pattu leu inbe tareke itang.
24220	MAT 27:22	Motong la Pailot itor di mulu. Iyei ne, “Lomim belei ye Yesu yo tiweta ye Kirisi i? Ole ayeie soo panga?” Ngan di le imot tikata be koodi le mai nen, “Kupatota lo kai palasingi kaini a imata!”
24221	MAT 27:23	Le nga Pailot itor di nen, “Nga yelei? Soo dada dook tiap ikapsap ye i?” Bong di tooltool tina ngan oorootang a koodi le mai mulu nen, “Kupatota lo kai palasingi kaini a imata!”
24227	MAT 27:29	Inbe tikaua ooroo yo dongana iso in a titali, motong titaru lo Yesu kutono. Inbe tikaua toto kidi tooltool kuto maimai panga a titaru lo baene oonoo, motong la tigun turudi du dama ki a tipalele sere ye. Tiyei ne, “Aa, tool kuto mai yo matam kala di Yuda le imot i, kemai dook!”
24238	MAT 27:40	Tiyei ne, “In ong tool tani yo kuwete be kusaua bareme mai ke sungunu, lo ngan be kupatokode mulu ye ke tol leu i, too? Be nen ngan ong taum kulonong! Kumata be ong in Maro Natunu moolmool nga, ngan kuyege kai palasingi in a kusi tana!”
24252	MAT 27:54	Ngan tool turana bulbulini ke patokongo, in iye di tooltool ki ke patokongo yo matadi kala Yesu nga, ngan tikamata nauningi mai yo itak i, inbe so kapala yo pompombe nga, le titattadai, inbe tiyei ne, “Ona, moolmool sa, tool i Maro Natunu!”
24309	MRK 1:25	Bong Yesu iwete le koon mede ye betanga a ilele so sadi tani. Iyei ne, “Ai, kuwetewete dookoot! Kupas ye tool in a kusi tana!”
24341	MRK 2:12	Motong la di tooltool le imot matadi ikenen ye, inbe imadit tina le ikaua mie ki a ipa a ila. Ngan nen le di tooltool tina yo tikamata nga, ngan titakrai a tiyitmaka Maro ene. Tiyei ne, “Muku ngan amkamata so sa yo nen, ngan tiap!”
24429	MRK 4:37	Tikooi a tila, le nga Yesu idu ke ookoo kirini du iken a ipaloko kutono lo ye kaliki le iken mata a ila oo, inbe mooloo tiap be eng mai imadit tina le kokor ki popobe a ipases lo ookoo pono. Ngan nen le kasin leu be ookoo kidi imere. Motong la di galiunu du tipoongoo a tiwete panga nen, “Pannoongoo, kumadit! Nga yelei, o lom pam tiap, too? Nga be tamere a tallede!”
24431	MRK 4:39	Le nga Yesu imadit lo ikodo, inbe iwete katkat pang eng le kokor tina. Iyei ne, “Dookoot! Kayepe moonoombe!” Motong la eng mai tani in imata inbe manini susube dook mata.
24440	MRK 5:7	Motong la Yesu iwete pang so sadi tani nen, “Ong in so sadi, le kupas a kusi tana ye tool in!” Le nga tool tani in koonoo le mai nen, “Atoo! Yesu, ong i Maro yo iyepe ete ni, in natunu! Nga soo so be kuyeii pau i? Kupamede betanga ye Maro ene pau nen, be kin kop masngana pau be.”
24474	MRK 5:41	Tilo rumu lono tani, motong la itoko baene inbe iwete panga nen, “Talita kum!” Ngan betanga nga punu nen, “Garup mitiap, awete pong nen, kumadit!”
24614	MRK 9:7	Motong la eng tene atu isi le si rur ki iloko la podi, inbe tool atu kalngana pombe eng tene tani lono in iwete nen. Iyei ne, “Tool in au Natuk yo lok panga mai san i. Le kalongo betanga ki yo be iwete pang nga!”
24704	MRK 10:47	Le nga ye kene yo ilongo betanga be Yesu ke Nasaret la ipa a iman in nga, ngan imadit tina le koonoo le mai nen. Iyei ne, “Yesu, ong in Dawiti natunu. Lom pau a kulonau!”
24705	MRK 10:48	Ngan le di tooltool alunu tipasak panga a tilele be koonoo dookoot. Bong ngan tool tani in koonoo le mai mulu. Iyei ne, “Atoo, Dawiti Natunu, lom pau a kulonau!”
24719	MRK 11:10	Maro ole iyei urata dook mata pang tool yo isi be si iyei tool kuto mai a matan kalam i, in dawa ben sasa kiidi yo Dawiti i. Tayitmaka Maro ene le ilo ete!”
24823	MRK 13:37	Ngan betanga yo awete pang nga, ngan awete pang di tooltool le imot lapau. Awete nen, kin kakamatang dook leu!”
24908	MRK 15:13	Ngan koodi la mai nen, “Kupatota lo kai palasingi kaini a imata!”
24909	MRK 15:14	Motong la Pailot itor di mulu nen, “Nga yelei? Soo dada dook tiap ikapsap ye i?” Bong di tooltool tina ngan oorootang a koodi le mai mulu nen, “Kupatota lo kai palasingi kaini a imata!”
24913	MRK 15:18	Inbe tiwete panga nen, “Aa, tool kuto mai yo matam kala di Yuda le imot i, kemai dook!”
24934	MRK 15:39	Inbe ye kene tani in tool kuto mai yo matan kala di tooltool ke patokongo i, in ikododo dama ke Yesu. Nen le ilongo tina yo Yesu koonoo le mai nga, inbe ikamata so tina yo Yesu iyei motong imata nga, le nga iyei ne, “Ona, moolmool sa, tool i Maro Natunu!”
25167	LUK 4:35	Motong la Yesu ipasak pang so sadi tani a iwete katkat panga. Iyei ne, “Ai, kuwetewete dookoot! Kupas ye tool in a kusi tana!” Motong la so sadi ikatte tool tani du tana sila dama kidi tooltool tina, inbe ipas a ikoo, bong igarungu tiap.
25168	LUK 4:36	Ngan nen le di tooltool tina tikamata le nga titakrai, inbe tiwete pang di diedi nen, “Ona tiap! I soo patomonaingi nen i na? Patomonaingi ki ipa ye gurana mai san, le ipas le iwete leu, inbe di so sadi tilongo betanga ki a tikoo!”
25173	LUK 4:41	Inbe di so sadi tina yo inganga di ye di tooltool nga, ngan tipas a tikoo ye di, inbe koodi le mai nen, “Ong in Maro natunu!” Ngan tiwete nen, yesoo di ngan lodi galanga ye be ya in Kirisi. Bong ngan Yesu ipasak pang di, inbe ilele di be tiwetewete be.
25278	LUK 7:14	Motong la ila potai la itoko sasaka ke tool matene tani, le nga di tooltool yo tisola nga, ngan sila tikodo. Inbe Yesu iwete pang tool matene tani nen, “Tamoto koskos, awete pong, kumadit!”
25338	LUK 8:24	Le nga di galiunu tina ngan tipoongoo. Tiyei ne, “Tool mai, tool mai, kumadit! Nga be tallede!” Motong la Yesu imadit tina le iwete katkat pang eng le kokor tina, le taun katen si, inbe ran manini dook mata.
25342	LUK 8:28	Yeisa be tool tani in ikamata Yesu, motong la itang le mai, inbe imol du igun turunu Yesu kene punu, inbe koonoo le mai. Iyei ne, “Atoo! Yesu, ong i Maro yo iyepe ete ni, in natunu. Nga soo so be kuyeii pau i? Atorong be kin kop masngana pau be!”
25405	LUK 9:35	Inbe tool atu kalngana pombe eng tene tani lono in iwete nen, “Tool in au natuk yo apootoo be iyei urata kiau i. Le kalongo betanga yo be iwete pang nga!”
25733	LUK 17:13	inbe koodi le mai. Tiyei ne, “Atoo, Yesu! Tool mai, lom pam a kulonam!”
25795	LUK 18:38	Motong la tool mata kis tani in koonoo le mai nen, “Yesu, ong in Dawiti natunu. Lom pau a kulonau!”
25796	LUK 18:39	Le nga di tooltool tina ngan kapala yo timuku nga, ngan tipasak panga a tilele be koonoo dookoot. Bong ngan tool tani in koonoo le mai mulu nen, “Atoo, Dawiti Natunu, lom pau a kulonau!”
25838	LUK 19:38	“Maro ole iyei urata dook mata pang ye tool kuto mai yo isi ye Tool Mai ene i. Maro yo iyepe ye malala ki ete ni, in iyei idi tooltool le imot le tayepe ye lo silene ki. Le tayeie ene le ilo ete ke be di tooltool tipayiti ye!”
25839	LUK 19:39	Bong ngan di Paresi pattu yo tipa kataunu ye di tooltool malala mai tina ngan tilongo yo koodi nen nga, le nga tiwete pang Yesu. Tiyei ne, “Pannoongoo, kulele di galium nga a koodi dookoot!”
25864	LUK 20:16	Ya in ole iman man iraumatamata di tooltool tina le imot, inbe itara kumu tani in lo di tooltool kapala baedi a nen ngan matadi kala.” Ngan yeisa be di tooltool tina tilongo yo Yesu iwete nen nga, le nga tiyei ne, “Ona tiap! Kin iyei urata nen be!”
25993	LUK 22:60	Bong Pita iyei ne, “Atoo, tool kiau, au i lok galanga ye betanga yo kuwetewete ye, ngan tiap!” Ngan iwetewete nen go, le tina pattu leu inbe tareke itang.
26025	LUK 23:21	Bong ngan di tooltool tina ngan le imot koodi tootoo nen, “Kupatota lo kai palasingi kaini a imata! Kupatota lo kai palasingi kaini a imata!”
26043	LUK 23:39	Inbe di tooltool talnga dikidiki ru yo tituku di le tipa ye Yesu nga, ngan atu in ikan paseme Yesu, le nga iwete panga nen, “Ai, be kuwete ong in Kirisi nga, ngan ong taum kulonong, inbe kulonam amru lapau!”
26149	JHN 1:36	Inbe nga ikamata Yesu yo ipa a iman a ila nga, motong la iwete pang di nen, “Ai, kakamata! Sipsip Natunu ke Maro meneng, e ni!”
26162	JHN 1:49	Motong la Nataniel iyei ne, “Pannoongoo, ong in Maro Natunu moolmool! Inbe ong in tool kuto mai yo be matam kala tana kidi Isrel le imot i!”
26180	JHN 2:16	Inbe ila la iwete pang di tooltool yo tiyawar man kidi ngan nen, “Kakap man kiang nga a kakoo ye ni! Nga yelei be kayeie rumu ke Tamak i, le iyei ben ni ke yawaringi so nga!”
26396	JHN 6:70	Pita iwete nen, motong la Yesu iraua betanga ki nen, “Ang di galiuk yo sangaul be ru nga, ngan au tauk la apootang i. Bong emim atu in tool kuto mai kidi so sadi iyepe ye!”
26635	JHN 11:43	Yesu iwete nen a imot, motong la koonoo le mai nen, “Lasarus, kupas a kusi tana!”
26677	JHN 12:28	Le Tamak, ong taum kuyeie em le ilo ete ke be di tooltool tipayitong ye!” Yesu iwete nen, motong la tool atu kalngana iwetewete ke malala ke Maro a isi nen, “Au i ayeie ek le ilo ete ke be di tooltool tipayitau ye oo, inbe ole ayei nen mulu.”
26894	JHN 18:40	Pailot itor nen, bong ngan di Yuda tina ngan koodi a tiraua betanga ki. Tiyei ne, “Tiap, ya in kupadua be! Kupadu Barabas a isi pang yam!” Ngan Barabas tani, in muku ngan ipamaditi patokongo a be tinganga di Rom ye tana kidi Yuda, inbe ya in tool dook tiap ke pinnau lapau.
26897	JHN 19:3	inbe tiyei sere ye a tipa a tilo be tisi inbe tiyei ne, “Aa, tool mai yo matam kala di Yuda le imot i, kemai dook!”
26899	JHN 19:5	Le nga ye kene yo Yesu be ipas ye in nga, ngan ooroo yo dongana iso a titali i, inbe sousoungu kooroonoo ngan iken tinini, inbe ipa ye a idu pang tana. Motong la Pailot iwete pang di nen, “Kakamata, tool tani bi!”
26900	JHN 19:6	Yeisa be di tooltool maimai ke paroranga so pang Maro tiye di bianga be tikamata, yo ngan tina le oorootang inbe koodi le mai. Tiyei ne, “Kapatota lo kai palasingi kaini a imata! Kapatota lo kai palasingi kaini a imata!” Di tooltool tina koodi nen, bong ngan Pailot iraua betanga kidi nen, “Ang tapmim kakauu la kapatota lo kai palasingi kaini. Au i apuske touo so sa yo tool i ikapsap ye, ngan tiap.”
26909	JHN 19:15	Bong ngan di Yuda tina koodi le mai nen, “Kakauu a ikoo! Kakauu a ikoo! Kupatota lo kai palasingi kaini a imata!” Ngan koodi nen, le nga Pailot iyei ne, “Nga yelei, be apatoto tool kuto mai yo matan kalang le imot i, in ilo kai palasingi kaini, too?” Motong la di tooltool maimai ke paroranga so pang Maro ngan tiraua betanga ki nen, “Am nga, tool sa mulu be iyei kuto mai a matan kalam, nga tiap, bong Sisa ya taleu.”
26954	JHN 20:18	Motong la Madia ke Makdala tani in ila la ikaua bingi pang Yesu di galiunu tina nen, “Ai, au i kamata Tool Mai tani oo!” Inbe iwete pang di ye betanga tina yo Yesu iwete panga ye nga.
26972	JHN 21:5	Motong la Yesu koonoo pang di nen, “Di tooltool kiau nga, kaua i sa lapau?” Ngan tiraua betanga ki nen, “Tiap sa!”
26989	JHN 21:22	Motong la Yesu iwete panga nen, “Kumata le lok be iyepe matana rerene nen le ilo ye lal yo be amulu a asi ye in nga, ngan ole yelei yong? Ong in kuman a kutoo au!”
27069	ACT 3:4	Ngan itor nen, le nga Pita ye Yowan tina ngan matadi ikenen ye, inbe Pita iwete panga. Iyei ne, “Ai! Matam pang yam ngan!”
27325	ACT 9:40	Motong la Pita inganga di tooltool tina yo tiyepe rumu lono ngan le imot a tidu tana. Motong la igun turunu, inbe ipatarau. Motong la iportak le matana pang ye garup tani in bobono, inbe iyei ne, “Tabita, kumadit!” Le nga Tabita tani, in be matan rere ngan ikamata Pita, motong la imadit le se iwur.
27428	ACT 12:22	Di tooltool tina ngan tilongo Erot tani yo iwetewete nen nga, le nga koodi inbe tiwete nen, “Ona tiap! I maro atu kalngana la amlonga i! Tool sa kalngana nen tiap!”
27493	ACT 14:10	Motong la Paulu koonoo panga, inbe iyei ne, “Ai, kumadit le lo kukodo!” Ngan le tool tani in imadit purukbe le lo ikodo, inbe ipa.
27494	ACT 14:11	Ye kene tani in di tooltool malala mai tina yo man tigaua a tilongo betanga nga, ngan tikamata so tani yo Paulu iyeii i, le nga koodi le mai ye di Likonia koodi nen, “Ona tiap! Di maro tiportak le tiyei ben di tooltool nga, inbe tisi pombe pang yidi sa!”
27561	ACT 16:9	Motong la tiyepe a bong be tiken, ngan Paulu ikamata mianga atu. Ngan le ikamata tool atu ke tana mai Masedonia be ikodo, inbe itoru Paulu a imangmang ye nen, “Paulu, kupa so le kupot Masedonia, a nen ngan pot kulonam lapau!”
27569	ACT 16:17	Motong la garup tani in itoo am amye Paulu, inbe koonoo le mai, a iyei ne, “Ai, di tooltool nga kapraingi ke Maro yo iyepe ete ni! Di ngan timan be man tiwetewete pang ye dada yo be Maro ikau ang a ipamulang ye i!”
27682	ACT 19:28	Di tooltool tina ngan tilongo yo Demitirius iwete nen nga, le tina katedi malmal le dook tiap yege, inbe timan le koodi le mai nen, “Atemis yo maro kiidi Epeses i, in ene mai san!”
27688	ACT 19:34	Bong ngan di tooltool tina ngan tikamata le tikilla ben ya in tool kidi Yuda. Yo ngan tina le di le imot tigaua koodi, inbe koodi le mai nen, “Atemis yo maro kiidi Epeses i, in ene mai san!” Di tooltool tina ngan koodi nen le ikenen leu ye manga mooloo san.
27768	ACT 21:36	Bong di tooltool malala mai tina yo titoo di nga, ngan koodi le mai nen, “Karaumate le imata! Karaumate le imata!”
27794	ACT 22:22	Ye kene tani in di Yuda tina ngan titar talngadi pang Paulu le lo tilongo tina yo iwete ye di tooltool yo tipa ye rara kidi Yuda tiap nga, ngan le lodi be tilongo betanga ki mulu tiap. Le nga di le imot timadit tina le koodi le mai nen, “Karaumate le imata a ikoo ye tana pono i! Tool dook tiap yo nen i, in ke be iyepe matana rrene tiap!”
29582	COL 2:21	Di tooltool yo titoo ger tina, ngan tiwete nen, “Kin kouo so in be! Kin kon toko so in be! Kin kutoko so in be!”
30860	REV 5:13	Ngan tiwou nen a imot, motong la alongo di so matana matana yo Maro itar di a tiyepe ye malala ki, inbe tiyepe tana pono le tana lono, inbe tiyepe tiek pono le tiek lono nga, ngan di le imot tiwou nen, “Ong tool yo kuwur ye kookoowoo ke tool kuto mai yo matan kala tana mai i le imot i, in kuye Sipsip Natunu, ngan angru ngan gurana kiang mai san le ke be amraua pang a amyitmak emim, inbe amyei emim le ilo ete ke be di tooltool tikamatang ngan tipayitang ye a ikenen nen le taukan motingi!”
30862	REV 6:1	Ngan akamata so tina ngan a imot, motong la matak kenen ye Sipsip Natunu tani, inbe ikede bun tina yo limi be ru nga, ngan atu ki. Inbe alongo so mauredi tina yo pai nga, ngan atu kidi in iwetewete le kalngana mai dawa ben looloo itara nga, inbe iyei ne, “Ai, kuman!”
30864	REV 6:3	Ngan ye kene yo Sipsip Natunu ikede bun tina ngan ru ki ye in nga, ngan le alongo so mauredi tina ngan ru ki in iyei ne, “Ai, kuman!”
30866	REV 6:5	Ngan ye kene yo Sipsip Natunu ikede bun tina ngan tol ki ye in nga, ngan le alongo so mauredi tina ngan tol ki in iyei ne, “Ai, kuman!” Le nga be matak gaga mulu, ngan atoo, akamata oos mukkana in ikododo ke dama kiau, inbe tool yo iwur pono i, in itoko so ke kaungu moongoo ke so ye baene.
30867	REV 6:6	Inbe alongo so dawa ben tool kalngana kataunu ke di so mauredi tina yo pai nga, ngan iwete pang tool tani yo be ipa ye oos a ila be la igarung di tooltool ye pitolo mai i, in nen. Iyei ne, “Ai, pat yo be di tooltool tikap ye urata kootoonoo kidi ye ke atu nga, ngan ke be tiyimi wit kanono yo iken ye omai ngan atu ye, too ke be tiyimi bali kanono yo iken ye omai ngan tol ye leu. Bong kin kugarung kai olip surunu inbe ran medana yo wain nga, ngan be!”
30868	REV 6:7	Motong la ye kene yo Sipsip Natunu ikede bun tina ngan pai ki ye in nga, ngan le alongo so mauredi tina ngan pai ki in kalngana iwete nen, “Ai, kuman!”
30890	REV 7:12	Tiyei ne, “Moolmool! Maro kiam, amyitmaka em, inbe amyeie em le ilo ete ke be di tooltool tipayiti. Kanakana ngan ong in lom kaua urata ye dada yo tarantatu ngan leu, le amwete lo ponana kiam pong, inbe amraua pong. Ong in gurana mai iken yong, le kuyei tool kuto mai pang so nga le imot le iken nen le taukan motingi. Moolmool!”
31090	REV 19:4	Di tooltool tina ngan tiwete nen a imot, motong la di kuto maimai ke malala ke Maro yo sangaul ru inbe pai ngan tiye di so mauredi tina yo pai nga, ngan tigun turudi le du damodi toko tana, inbe tisung pang Maro yo iwur ye kookoowoo ki ke burungu i. Inbe tiwete nen, “Moolmool, tayitmaka Maro ene!”
31091	REV 19:5	Ngan tiwete nen a imot, motong la alongo tool atu kalngana pombe ye kookoowoo ke burungu ke tool kuto mai tani in nen. Iyei ne, “Ang di kapraingi ke Maro yo emim maimai inbe yo emim maimai tiap nga, ngan kayitmaka Maro ene! Inbe ang di tooltool nga le imot yo katattadaia Maro kiidi a karaua panga nga, ngan kayitmaka ene lapau!”
31127	REV 21:5	Motong la tool yo iwur ye kookoowoo ke burungu ke tool kuto mai i, in iwete nen, “Kapalongo, au i ole ayei so nga le imot a pombe paunu mulu!” Motong la iwete mulu nen, “Kuwodo betanga nga ilo ye rau, yesoo betanga yo nga, ngan betanga moolmool ke be di tooltool titara lodi medana ye.”