23282	MAT 4:4	Bong ngan Yesu iraua betanga ki nen, “Rau ke Maro iwete nen, ‘Porong leu la be itoko di tooltool ye yepongo kidi, in tiap, bong betanga le imot yo ipa ye Maro koonoo nga, ngan la itoko di tooltool ye yepongo kidi nga.’ ”
23285	MAT 4:7	Bong ngan Yesu iraua betanga ki nen, “Rau ke Maro iwete lapau nen, ‘Kin kutouo Maro yo Tool Mai kiong, in be.’ ”
23288	MAT 4:10	Bong ngan Yesu iraua betanga ki nen, “Satan, kukoo yau! Yesoo, Rau ke Maro iwete nen, ‘Kusung pang Maro yo Tool Mai kiong i, inbe kuraua panga ya taleu.’ ”
23324	MAT 5:21	“Ang nga kalongo betanga yo muku ngan tiweta pang di sasa kiidi, in oo. Ngan betanga tani in nen, ‘Kin karaumata di tooltool be. Kumata le tool sa be iraumata tool atu nga, ngan ole tikauu lo tipatokode ye ni ke karatanga betanga a ikap masngana ye dada ki tani yo iyeii i.’
23330	MAT 5:27	“Ang nga kalongo betanga yo muku ngan tiweta, in oo. Ngan betanga tani in nen, ‘Kin kayei bauk be.’
23334	MAT 5:31	“Ang nga kalongo betanga yo muku ngan tiweta, in oo. Ngan betanga tani in nen, ‘Kumata le tool atu lono be isukraia rimana nga, ngan ole ikaua rau yo tiwodo betanga ke parsukraingi ilo ye i, in pang rimana.’
23336	MAT 5:33	“Ang nga kalongo betanga yo muku ngan tiweta pang di sasa kiidi, in oo. Ngan betanga tani in nen, ‘Be kapamede betanga ye so atu be kayeii nga, ngan kin kagarungu be. Bong kayeie so tani yo kapamede betanga pang Tool Mai ye be ole kayeii i.’
23341	MAT 5:38	“Ang nga kalongo betanga yo muku ngan tiweta, in oo. Ngan betanga tani in nen, ‘Kumata be tool atu igarungu ene matana nga, ngan ole kakaua tool tani in kootoonoo a kagarungu ene tani in matana lapau. Inbe kumata be tool atu iraukata ene dongana nga, ngan kakaua tool tani in kootoonoo a karaukata ene tani in dongana lapau.’
23346	MAT 5:43	“Ang nga kalongo betanga yo muku ngan tiweta, in oo. Ngan betanga tani in nen, ‘Lomim pang di diemim mai san, inbe lomim dook tiap pang di koi kiang.’
23364	MAT 6:13	Inbe kupasongosongam le kin amkapsap ye dada dook tiap ke touanga be, bong kou am le kupalisam ye tool dook tiap Satan.’
23367	MAT 6:16	“Kene yo be kasapa ye kaningi so a be kasung pang Maro ye in nga, ngan kin kayei ang le matamim mallai ben di tooltool ke kaplungunu tiyei, ngan be. Yesoo, di ngan tiyei di tapdi le matadi mallai a be tipatnai di pang di tooltool a tikamata di ngan tiyei ne, ‘Tool ni ngo ya taunu isapariuu ye kaningi so a be isung pang Maro.’ Bong awete pang moolmool nen, di tooltool yo tiyei dada nen nga, ngan tikap balingi ye urata kootoonoo kidi oo.
23389	MAT 7:4	Be ong taum kumata kai palunu maiyoko yo iken ye matam, in tiap nga, ngan yelei be kuwete pang taim ne, ‘Taik, au i lok be apaia tidi mitiap yo iken ye matam in.’
23407	MAT 7:22	Le pang dama ni, ye lal yo Maro itaru be ikarata betanga kidi tooltool ye in nga, ngan ole di tooltool alunu la be tikiu au a tiyei ne, ‘Tool Mai, Tool Mai! Nga yelei, ye ong em, ngan am nga amkaua koom a amwete betanga kiong pang di tooltool a tilonga. Inbe ye ong em, ngan amgiri di so sadi ye di tooltool a tikoo. Inbe ye ong em, ngan amyei mos matana matana ye lapau.’
23461	MAT 9:13	Au i lok be kala ngan lomim kaua urata dook ye betanga yo Maro iweta a iken ye rau ki i, in lono ki belei? Ngan betanga tani in nen, ‘Dada yo lok panga mata i, in nen, be lomim mulumulu ye di tooltool a kayei dada dook mata pang di, bong ye dada yo ke paroranga so pau, in tiap.’ Ngan nanga, asi nga be si akiu di tooltool yo noonoodi, nga tiap, bong asi be si akiu di tooltool yo ke noonoo nga.”
23493	MAT 10:7	E le be kala nga, ngan kawetewete bingi dook mata bi e i pang di tooltool. Kayei ne, ‘Ole mooloo tiap, inbe dada yo Maro be matan kala di tooltool ki ye i, in ole si pombe mallangana.’
23498	MAT 10:12	Inbe kapa le kalo ye rumu atu nga, ngan kawete pang di tooltool yo tiyepe ye rumu in nen. Kayei ne, ‘Maro ikaua lo silene ki pang.’
23522	MAT 10:36	inbe tool atu in rara ki ya taunu yo iye di tiyepe ye rumu atu nga, ngan ole tiportak le tiyei koi panga.’
23533	MAT 11:5	Kayei ne, ‘Di mata kis tikamata ni mulu; inbe di tooltool yo kedi dook tiap nga, ngan kedi dook mata a tipa; inbe di tooltool yo botoboto medana ikan di nga, ngan tinidi dook mata mulu; inbe di tooltool yo talngadi dikidiki nga, ngan tilongo betanga; inbe di tooltool yo timmata koot nga, ngan timadit mulu; inbe di tooltool yo ballingadi tiap nga, ngan tilongo bingi dook mata.’
23538	MAT 11:10	Ya tani in la Rau ke Maro iwetewete ye nen i. Iyei ne, ‘Kapalongo! Ole awanga tool atu ke be imuku a ikaua bingi yong. Inbe ya la be imuku a ikarata dada pong i.’
23545	MAT 11:17	‘Am nga ammai kaur pang a be nen ngan kasiki, bong lomim pang sianga tiap sa. E amwou lelang pang a be nen ngan katang, bong lomim pang tangini tiap lapau sa.’
23546	MAT 11:18	Yowan in isi ngan isapariuu ye kaningi le yinungu. Ngan le tiwete mur ye nen, ‘Ai, tool ni so sadi iyepe ye.’
23547	MAT 11:19	Motong la Tool Moolmool ke Maro isi, ngan ikan be iyin ngan le tiwete mur ye lapau. Tiyei ne, ‘Kakamata, tool ni tool mata kaningi inbe tool ke yinungu ran medana sa. Le iye di tooltool ke sodaningi pat le tooltool ke yeingi noonoo tigaua, inbe tikan be tiyin.’ Bong awete pang nen, ole kakamata lo galanga ke Maro ye dada yo be iyeii le itara kanono dook mata ye i.”
23565	MAT 12:7	Ngan Rau ke Maro iwete nen, ‘Dada yo lok panga mata i, in nen, be lomim mulumulu ye di tooltool a kayei dada dook mata pang di, bong ye dada yo ke paroranga so pau, in tiap.’ Ngan la kumata be lomim galanga dook ye betanga i punu nga, ngan o ke be kagarung di tooltool yo tiyei touo busunu siap, ngan tiap.
23602	MAT 12:44	ngan ole iyei ne, ‘Au i nga ole amulukala rumu kiau yo muku ngan ayege i.’ Ngan kene yo imulu a ila pombe ye in nga, ngan ikamata rumu tani in tool sa iyepe ye tiap, bong tisoraii le igalanga, inbe so yo iken rumu lono ngan iken dook mata ye nene.
23623	MAT 13:15	Yesoo, di tooltool tina ngan lodi parkat le betanga ke Maro ilo lodi tiap, inbe tidikidiki talngadi le ke be tilongo betanga ye tiap, inbe matadi kilikili le ke be tikamata ni ye tiap. Ngan yo be tiyei nen tiap nga, ngan matin le tikamata so ye matadi, inbe tilongo betanga ye talngadi, inbe lodi galanga ye, a be nen ngan tiportak lodi a timulu pang yau man akarata di le dook mata.’
23636	MAT 13:28	“Ngan kumu taunu iraua betanga kidi nen, ‘Ona, o koi kiau sa la iyei dada nen pau i.’ “Motong la di kapraingi ki titoru. Tiyei ne, ‘Le nga lom belei, be la amlama dingding dook tiap ngo, too?’
23638	MAT 13:30	Le kin kalama be, bong sila tiken nen a tidada gaongo a tilo le lo ye lal yo ke saputungu dingding ngan. Ngan ye lal tani in ole awete pang di tooltool ke saputungu dingding be tilama dingding yo dook tiap ngan muku a tiliki ye ooroo, inbe tikatte lo ei ikan. Lo ngan be tisaput dingding yo dook mata ngan a tikap kanono lo tigaun para lono kiau.’ ”
23706	MAT 15:4	Awete nen nga, yesoo Maro iwete nen, ‘Kuraua pang tamam le tinam a kulongo betanga kidi.’ Inbe iwete mulu nen, ‘Be tool iwete betanga dook tiap a be igarungu tamana too tinana ye nga, ngan karaumate a imata.’
23711	MAT 15:9	Di ngan tiwete be tipatomonai di tooltool ye betanga ke Maro yo moolmool i, bong tiap, tipatomonai di tooltool ye dada le momo yo ke di sasa kidi nga leu. Ngan la le sungunu kidi yo kanakana ngan tisung pau ye nga, ngan taukan kanono.’ ”
23743	MAT 16:2	Motong la iraua betanga kidi nen, “Rrai be ke idu le kakamata tete ikororo nga, ngan ole kayei ne, ‘Bongbong ngan ole eng siap.’
23744	MAT 16:3	Inbe muntu be ke se le kakamata lang katene ikoro inbe ikolo muk nga, ngan ole kayei ne, ‘Katai nga ole eng pa, inbe ki imol.’ Le ang nga kakamata so yo ke lang katene nga, inbe lomim galanga ye, ngan le moolmool ben tina yo kawete nga. Bong so kapala yo pombe pang yang nookoot nga, ngan ang nga kakamata ngan o ke be lomim galanga ye tiap.
23822	MAT 18:26	“Bong kapraingi ki tani in ilongo betanga ki nen, le nga igun turunu du dama ke tool mai tani, inbe iwete a imangmang ye nen, ‘Alei, kin katem malmal pau be! Ole arau bun kiau le imot yo akap yong nga, ngan pong mulu.’
23824	MAT 18:28	“Bong ye kene yo kapraingi tani in ila ye in nga, ngan ikamata ene kapraingi atu yo ikap pat yo ene silba i, in 100 a iyei bun panga i. Le nga la iparama ene tani a ikisi gurini, inbe iwete le kon mede panga nen, ‘Oo, palbe be awete ngan kurau tarai bun kiong yo kop yau nga.’
23825	MAT 18:29	“Bong kapraingi tani in ilongo betanga ke ene tani, le nga igun turunu du dama ki, inbe iwete a imangmang ye nen, ‘Alei, kin katem malmal pau be! Ole arau bun kiau le imot yo akap yong nga, ngan pong mulu.’
23835	MAT 19:4	Ngan Yesu iraua betanga kidi nen, “Ang nga o kakinkata betanga ke Maro yo iken ye rau ki, in tiap, too? Ngan betanga tani in nen, mukot yege ye kene yo Maro itar so le imot a pompombe ye in nga, ngan ‘ikarata di tooltool le tamoto be garup.’
23836	MAT 19:5	Inbe betanga ke Maro yo iken ye rau ki in iwete mulu nen, ‘Ye punu yo nen in la le tamoto be ikere nga, ngan ole iyege tamana le tinana, inbe la iye rimana tiyepe gaongo, a be nen ngan yaru tigaua le tinidi ataleu.’
23850	MAT 19:19	inbe kuraua pang tamam le tinam a kulongo betanga kidi.’ Inbe san in nen, ‘Lom pang di diem mai san dawa ben yo ong taum lom pong mai san nga.’ ”
23865	MAT 20:4	Le iwete pang di nen, ‘Ai, ang lapau kaman a kadi kakaua urata ye kumu kiau ke wain ni ngan. Lo ngan be ole ayimang le lo iye urata kootoonoo kiang.’
23868	MAT 20:7	“Ngan tiyei ne, ‘Am nga amkododo sokorai nen, yesoo tool sa ikap urata pam be amyei tiap.’ “Motong iwete pang di nen, ‘Dook mata! Be nen ngan ang lapau kadi kakaua urata ye kumu kiau ke ooroo wain ni.’
23869	MAT 20:8	“Ngan di tooltool tina tikaua urata a nga du rrai be ni burrum, motong la kumu taunu iwete pang tool ki yo matan kala di tooltool ki ke urata i. Iyei ne, ‘Kukiu di tooltool ke urata ngo a timan man kuyimi di. Bong be kuyimi di nga, ngan kumadit ye di tooltool yo akap di mur nga, le lo imot ye di tooltool yo akap di muku nga.’
23900	MAT 21:5	Ngan betanga tina yo Maro koonoo iwodo ngan nen, “Kawete pang di tooltool ke Saion nen, ‘Kakamata, tool kuto mai kiang yo be matan kala tana mai kiang le imot i, in ya la be ise pang yang i. Ya in tool ke lo silene pang di tooltool nga le imot, inbe iwur donki pono. Ya la iwur donki kase paunu pono a ise pang yang i.’ ”
23908	MAT 21:13	Motong la iwete pang di nen, “Betanga ke Maro yo tiwode lo ye rau ki in iwete nen. ‘Rumu kiau i, ole tiweta ye rumu ke pataraungu.’ Bong ang nga kayeii le iyei ben ‘ni kidi tooltool ke pinnau be tiko ye.’ ”
23911	MAT 21:16	Le nga titoro Yesu nen, “Ai, ong i kulongo betanga yo di kakase maimai tiap ngo koodi ye ngan lapau? “Ngan iraua betanga kidi nen, “E, alongo lapau. Bong nga yelei, ang nga o kakinkata betanga yo iken ye Rau ke Maro, in tiap, too? Betanga tani in iwete nen, ‘Maro ong taum la kupamadit di kakase paunu inbe di kakase yo maimai tiap ngan lodi i, ngan la le di nga tiyitmaka em ye koodi nga.’ ”
23923	MAT 21:28	Motong la Yesu iwete le ikatte betanga atu pang di tooltool tina nen, “Ang lomim belei ye betanga kiau yo awete nga? Oo kakamata, tool atu in natunu tamoto ru. Ngan ila ye yo mai i a la iwete panga nen. Iyei ne, ‘Natuk, katai nga lok be kudi kouo urata ye kumu kiidi ke ooroo wain ni.’
23924	MAT 21:29	“Ngan natunu tani iraua betanga ki nen, ‘Na, au i tinik booroomoo, le o adi akaua urata tiap.’ Bong iyepe kasin, motong la lon portak mulu a idi iyei urata nga.
23925	MAT 21:30	“Motong la tool tani, in ila pang ye natunu kase a la iwete panga ben tina iwete pang yo mai in nga. Ngan le natunu tani in iyei ne, ‘Tamak, ngan dook mata. Au i lok ponana be ayei urata pong.’ Bong iyepe, ngan tinin booroomoo le ke be idi iyei urata tiap.”
23932	MAT 21:37	Motong la kumu taunu tani, in lon wete nen, ‘Nookoot nga ole awanga natuk tamoto i a ila, ngan la be ole tiraua panga nga.’
23933	MAT 21:38	“Bong ye kene yo di tooltool ke kapkingi tina ngan tikamata natunu tani ye in nga, ngan di tapdi tiwetewete nen, ‘Kakamata, kumu taunu tani in natunu la iman i. Kumata le be pang dama ni nga, ngan ole ikolo tamana ye kumu i a iyei kumu taunu. Le kaman a taraumate le imata, a be nen ngan so yo tamana be ikap panga nga, ngan takap le imot paidi.’
23937	MAT 21:42	Motong la Yesu iwete pang di mulu nen, “Ang nga o kakinkata betanga ke Maro yo iken ye rau ki, in tiap, too? Ngan betanga tani in nen, ‘Pat yo di tooltool ke renge rumu lodi panga tiap a tisukraii i, in la iyei pat dook mata yo ipamede rumu le imede i. Tool Mai iyeie so nen, le amkamata ye matamam, ngan dook mata san.’ ”
23945	MAT 22:4	“Motong la iwanga di kapraingi ki kapala mulu a be tila, ngan iwete pang di nen, ‘Kala nga, ngan la kawete pang di tooltool yo atara betanga pang di ngan nen, be akarata so a dook oo. Inbe au i araumata bulumakau tamoto atu, inbe bulumakau kapala yo lodi welewele nga, ngan la araumata di inbe akum di a ime oo. Le kawete pang di a timan man taye di takana mailang ke kerenge i.’
23950	MAT 22:9	Le nookoot nga kala la kapa ye ni ke yawaringi so, le be kakamata di tooltool sa nga, ngan kawete pang di le imot a timan ye mailang ke kerenge i.’
23973	MAT 22:32	‘Au i Maro ke Apram ye Esaka inbe Yakop.’ Le i Maro kidi tooltool yo timmata koot nga, ngan tiap, bong i Maro kidi tooltool yo tiyepe mauredi nga.”
23978	MAT 22:37	Motong la Yesu iraua torungu ki nen, “‘Lomim pang Maro yo Tool Mai kiang i, in mai san, inbe kagaua lomim le tinimim ipa ye lo galanga kiang le imot panga.’
23980	MAT 22:39	Inbe ger san yo itoo i, in nen. ‘Lom pang di diem mai san dawa ben yo ong taum lom pong mai san nga.’
23994	MAT 23:7	Inbe di ngan lodi be tipa ye ni ke yawaringi so, a nen ngan di tooltool tiwete lo ponana kidi pang di, inbe tikiu di ye ‘Tool mai ke Patomonaingi.’
24003	MAT 23:16	“Atoo, ang nga tooltool mata kis yo lomim be karara di tooltool kapala nga, le kin kakamatang dook leu! Ang nga kapatomonai di tooltool nen, ‘Kumata be tool sa ipootoo bareme mai ke sungunu a be ipamede betanga ki ye nga, ngan betanga ki in ben so sokorai. Bong kumata be tool sa ipootoo pat gol yo iken bareme mai ke sungunu lono ni, a be ipamede betanga ki ye nga, ngan ole iyei so tina yo ipamede betanga ye nga.’
24005	MAT 23:18	Inbe kawete nen lapau, ‘Kumata be tool sa ipootoo kookoowoo ke paroranga so a be ipamede betanga ki ye nga, ngan betanga ki in ben so sokorai. Bong kumata be ipamede betanga ki ngan ipootoo so yo tikap pang paroranga a lo iken kookoowoo ke paroranga so pono nga, ngan ole iyei so tina yo ipamede betanga ye nga.’
24017	MAT 23:30	Inbe ang nga kawete nen, ‘Ye kene yo di sasa kiam tiyepe ye in nga, ngan yo be am lapau amyepe nga, ngan matin nga ke be amlon di a amye di amraumata di Maro koonoo, nga tiap.’
24026	MAT 23:39	Awete pong nen, nookoot nga o ke be di tooltool kiong tikamatau mulu tiap, le ilo ye lal yo be tiyei ne, ‘Maro kuyeie urata dook mata pang tool yo isi ye Tool Mai ene i.’ ”
24055	MAT 24:29	Motong la Yesu iwete pang di galiunu mulu nen, “Ye kene yo be urata moonoo dook tiap tina pombe pang ye di tooltool nga, ngan ole pattu leu inbe ‘ke ole matan gumugumu, inbe taudu ole isini mulu tiap. Inbe di kanpitiki ole timakedekede ke lang katene a timol a tisi, inbe so ke lang katene yo gurana kidi maimai mata nga, ngan ole titangarur.’
24074	MAT 24:48	Bong kumata be kapraingi tani in tool dook tiap nga, ngan ole lon kaua urata nen, ‘Tool mai kiau ni ila manga mooloo mukot san le ke be imulu tarai tiap.’
24083	MAT 25:6	“Tiken, tiken le lo bong kataunu, inbe tilongo tool atu koonoo le mai nen, ‘Ai, tamoto tani yo be ikere paunu in ya la pombe i, a kamadit a kasi si kakamata.’
24085	MAT 25:8	Ngan di garup yo taukadi lo galanga nga, ngan tiwete pang di diedi yo lodi galanga ngan nen, ‘Ai, kakap ran kiang kasin pam, yesoo sul kiam mooloo tiap nga be timmata.’
24086	MAT 25:9	“Bong tiraua betanga kidi nen, ‘Ona, o amkap pang tiap, yesoo ran nga mai ke be iye yidi a kasin pam inbe pang, ngan tiap. Le dook mata nen, ole kala ye ni yo tiyawar ran ye i, a be nen ngan la ang tapmim kayimi kamim pa.’
24089	MAT 25:12	“Bong tool tani in iraua betanga kidi nen, ‘Awete pang moolmool nen, au i lok galanga yang pitiap yege.’ ”
24097	MAT 25:20	Ngan tool yo ikap pat gol limi i, in ikap le ipa ye pat gol limi mulu yo ikap nga, a iman iyei ne, ‘Tool mai, muku ngan kop pat gol limi pau, bong kumata, nookoot nga ayei urata ye pat kiong tina le akap pat gol limi mulu.’
24098	MAT 25:21	“Motong la tool mai ki iwete panga nen, ‘Dook mata! Ong i kapraingi dook mata le kuyei urata dook mata ye pat yo akap pong nga! Muku ngan atarong be matam kala urata mai tiap, ngan matam kala dook mata san. Le nookoot nga ole atarong a kuyei mai pang so alunu a be matam kala. Kuman a man aru tayepe, inbe lod ponana.’
24099	MAT 25:22	“Motong la tool san yo ikap pat gol ru i, in ya lapau iman ye tool mai tani man iwete panga nen, ‘Tool mai, muku ngan kop pat gol ru pau, bong kumata, nookoot nga ayei urata ye pat kiong tina le akap pat gol ru mulu.’
24100	MAT 25:23	“Tool tani iwete nen, le nga tool mai ki iyei ne, ‘Dook mata! Ong i kapraingi dook mata le kuyei urata dook mata ye pat yo akap pong nga! Muku ngan atarong be matam kala urata mai tiap, ngan matam kala dook mata san. Le nookoot nga ole atarong a kuyei mai pang so alunu a be matam kala. Kuman a man aru tayepe, inbe lod ponana.’
24102	MAT 25:25	Ngan nen le au i atattadai ong, le pat kiong gol atu yo kouu pau i, in ala ataia tana a akelmaii ye. Le kumata, i pat kiong tani naii.’
24104	MAT 25:27	Le nga yelei a lom be kutara pat kiau i ilo ye rumu ke tarungu pat tiap nga? Nga yo be kuyei nen nga, ngan matin nga ye kene yo be amulu a along ye in nga, ngan akaua pat kiau tani, inbe tipaloko kasin mulu lo pono lapau.’
24107	MAT 25:30	Le kapraingi dook tiap, in kakauu a kakatte du diki ye ni todo lono ni. Ngan ye ni tani, ole timassingi a titangtang, inbe tikanen dongadi a iparrasa.’ ”
24113	MAT 25:36	Inbe kene yo au i taukak so ke lonloningi ye in nga, ngan ang nga kakap so ke lonloningi pau. Inbe kene yo matamatenge mai ikau au ye in nga, ngan ang nga matamim kalau dook mata. Inbe kene yo titarau lo rumu dook tiap kidi talnga dikidiki lono ye in nga, ngan ang nga kapa man kakamatau lapau.’
24117	MAT 25:40	“Motong la Tool Mai yo iyei kuto mai pang di in ole iwete pang di nen, ‘Awete pang moolmool nen, soo so be kayeii pang tool kiau atu i, in so tani in ben kayeii pau. Nen le kumata be kayeie dada dook mata pang tool kiau atu yo taukan ene in nga, ngan gaongo leu, so tani in ben kayeii pau.’
24120	MAT 25:43	Inbe ye kene yo apa ngan au i taukak ni yo be ayepe ye in nga, ngan le mala be kakau au a katarau lo rumu kiang, ngan tiap. Inbe au i taukak so ke lonloningi nga, ngan le mala be kakap touo kak so ke lonloningi siap. Inbe ye kene yo matamatenge mai ikau au, inbe titarau lo rumu dook tiap kidi talnga dikidiki lono ngan lapau, ang nga le lomim be kapa man kapakelau a matamim kalau, ngan tiap.’
24122	MAT 25:45	“Ngan Tool Mai tani in ole raua betanga kidi nen, ‘Awete pang moolmool nen. Soo so be kayeii pang tool kiau nga atu tiap i, in so tani in ben kayeii pau tiap lapau. Nen le kumata be kayeie dada dook mata sa pang tool kiau atu yo taukan ene, in tiap lapau nga, ngan gaongo leu, so tani in ben kayeii pau tiap lapau.’ ”
24154	MAT 26:31	Motong la Yesu iwete pang di galiunu nen, “Bong katai ngan so yo be pombe pang yau i, in ang nga ole kakamata le kayege lomim medana yo kataru pau i, inbe ang le imot kakoo yau. Awete pang nen, yesoo betanga yo tiwode lo ye Rau ke Maro in iwete nen, ‘Au i ole araumata tool yo matan kala di sipsip i, ngan ole di sipsip ki tina timagirigiri a tikoo.’
24261	MAT 27:63	Tila, motong la tiwete pang Pailot nen, “Tool mai, am nga lomam tutu betanga ke tool kaplungunu ni. Ye kene yo iyepe matana rerene go nga, ngan iwete nen, ‘Ole amata a aken ye ke ru, le ye ke tol kiau ngan ole amadit mulu.’
24271	MAT 28:7	Lo ngan be kamulu palbe a la kawete pang di galiunu nen. Kayei ne, ‘Yesu imadit mulu ye ni ke matenge a imuku a ila pang Galili oo. Ole la kakamata nango.’ ” Bangabangana tani in iwete pang di nen a imot, motong la iwete mulu nen, “Oo, betanga tani nain la nookoot nga aweta pang koot i.”
24277	MAT 28:13	Le nga tiwete pang di nen, “Le be kawete pang di tooltool nga, ngan kawete nen. Kayei ne, ‘Am nga, bong amkenen mata, inbe Yesu di galiunu timan tipinoo bobono a tikauu a tila oo.’
24287	MRK 1:3	Ole kalongo tool atu kalngana ye ni sorrakene, in iwete le koonoo maimai nen, ‘Kakarata dada pang Tool Mai, inbe kayeii le tarantatu panga be ipa ye.’ ”
24539	MRK 7:7	Di ngan tiwete be tipatomonai di tooltool ye betanga ke Maro yo moolmool i, bong tiap, tipatomonai di tooltool ye dada le momo yo ke di sasa kidi nga leu. Ngan la le sungunu kidi yo kanakana ngan tisung pau ye nga, ngan taukan kanono.’
24542	MRK 7:10	Kakamata, ger ke Maro atu yo Mose iweta in nen, ‘Kuraua pang tamam le tinam a kulongo betanga kidi.’ Inbe ger san in nen, ‘Be tool iwete betanga dook tiap a be igarungu tamana too tinana ye nga, ngan karaumate a imata.’
24655	MRK 9:48	Ngan ye malala tani, in ‘di motomoto maimai tiap yo be tikan di tooltool nga, ngan timatamata tiap. Inbe ei ki ikan nen le taukan motingi.’
24663	MRK 10:6	Bong kulkulunu yege, ye kene yo Maro itar lang le tana ye in nga, ngan ‘ikarata di tooltool le tamoto be garup.’ Ngan la le betanga yo iken ye Rau ke Maro ngan iwete nen,
24665	MRK 10:8	a be nen ngan yaru tigaua le tinidi ataleu.’ Ngan nen le yaru ke be tiyepe ben di tooltool ru mulu tiap, bong tigaua tinidi le tiyei ben tool ataleu.
24676	MRK 10:19	Ong i lom galanga ye ger yo Maro ikap pang Mose ngan oo. Ger tina ngan iwete nen: ‘Kin kuraumata di tooltool be, inbe kin kuyei bauk be, inbe kin kupinoo be, inbe kin kusopo koom ye betanga doko be, inbe kin koom paweserai di diem a kop sokorai so kidi be, inbe kuraua pang tamam le tinam a kulongo betanga kidi.’ ”
24712	MRK 11:3	Le kumata be tool sa ikamatang le itorang nen, ‘Ai, nga yelei a kayei nen nga?’ ngan kawete panga nen, ‘Tool Mai be iyei urata ki ye, lo ngan be ole palbe leu be ipamule a ise.’ ”
24726	MRK 11:17	Motong la ipatomonai di ngan iwete pang di nen, “Betanga yo Maro iwete a tiwodo lo iken ye rau ki ngan nen. ‘Rumu kiau i, ole tiweta ye rumu ke pataraungu kidi tooltool ke tana maimai nga le imot.’ Bong ang nga kayeii le iyei ben ‘ni kidi tooltool ke pinnau be tiko ye.’ ”
24748	MRK 12:6	“Ngan nen le tool ataleu yo iyepe a be iwanga i, in ya taunu natunu yo lono panga mai san i. Le nga lon wete nen, ‘I au natuk moolmool, le kumata be awanga a ila nga, ngan ole tiraua panga.’
24749	MRK 12:7	“Bong ngan di tooltool ke kapkingi tina tikamata yo ipa a iman nga, le nga di tapdi tiwetewete nen, ‘Kakamata, kumu taunu tani in natunu la iman i. Kumata le be pang dama ni nga, ngan ole ikolo tamana ye kumu i a iyei kumu taunu. Le kaman a taraumate le imata, a be nen ngan so yo tamana be ikap panga nga, ngan takap le imot paidi.’
24753	MRK 12:11	Tool Mai iyeie so nen, le amkamata ye matamam, ngan dook mata san.’ ”
24768	MRK 12:26	Le nookoot nga be awete pang ye di tooltool yo timadit mulu ye ni ke matenge nga. Ang nga kakinkat betanga ke Mose yo iwodo a igasa kai mai tiap yo ei ikan ye i, in lapau, too tiap? Ye kene tani in Maro kalngana pombe ye ei tani a iwete pang Mose ye di sasa kiidi nen, ‘Au i Maro ke Apram ye Esaka inbe Yakop.’
24772	MRK 12:30	Le lomim pang Maro yo Tool Mai kiang i, in mai san, inbe kagaua lomim le tinimim ipa ye gurana le lo galanga kiang le imot panga.’
24773	MRK 12:31	E ger san yo itoo i, in nen, ‘Lom pang di diem mai san dawa ben yo ong taum lom pong mai san nga.’ Ngan ger sa mulu yo imuku le illos di ger ru nga, ngan tiap.”
24792	MRK 13:6	Yesoo, di tooltool alunu ole timan pang yang man tipootoo ek inbe tiyei ne, ‘Au tool tani naii.’ Ngan ole tikap lungunu ye di tooltool alunu le titara lodi medana ye betanga kidi.
24811	MRK 13:25	Inbe di kanpitiki ole timakedekede ke lang katene a timol a tisi, inbe so ke lang katene yo gurana kidi maimai mata nga, ngan ole titangarur.’
24820	MRK 13:34	Bong lal tani in ole pombe dawa ben tool atu yo ikarata betanga be idu pang ni san i. Le nga be iyege rumu ki nga, ngan ikap urata pang di kapraingi ki ngan atu atu be tiyei. Inbe iwete pang kapraingi ki yo ikodokala dada in nen, ‘Kin kukawai dook leu.’
24850	MRK 14:27	Yesu iye di galiunu tipa a be tilo pang kawal Olip, ngan iwete pang di nen, “Ang nga ole kayege lomim medana yo kataru pau i, inbe ang le imot kakoo yau. Awete pang nen, yesoo betanga yo tiwode lo ye Rau ke Maro in iwete nen, ‘Au i ole araumata tool yo matan kala di sipsip i, ngan ole di sipsip ki tina timagirigiri a tikoo.’
24881	MRK 14:58	“Am nga amlongo tool in iwete nen. Iyei ne, ‘Au i ole asua bareme mai ke sungunu yo di tooltool tire i, lo ngan be ole apatakodo san mulu ye ke tol leu. Ngan bareme san tani, in dawa ben yo di tooltool tire ye baedi, in tiap.’ ”