23488	MAT 10:2	Ngan di galiunu tina sangaul be ru nga, ngan edi nen: atu ene la Simon yo tikiui ene san ye Pita i; inbe Simon tani in taini kase yo Antares i; inbe Sebedi di natunu ru yo Yemis iye taini Yowan nga;
23721	MAT 15:19	Le so dook tiap yo awete iken tool lono lo ngan be ipas ye koonoo nga, ngan so nen: lon kap gogo dada dook tiap, inbe iyei dada dook tiap ke raumatenge di tooltool a timmata, inbe iyei bauk, inbe ikapsap ye dada ke kerenge, inbe iyei dada dook tiap ke pinnau, le isopo koonoo ye betanga doko, inbe illung pang di tooltool a igarung edi.
23849	MAT 19:18	Bong tool tani in itoro Yesu mulu nen, “Soo ger ke Maro kuwete ye i?” Ngan Yesu iyei ne, “Ger ke Maro yo awete ye ngan nen: ‘Kin kuraumata di tooltool be; inbe kin kuyei bauk be; inbe kin kupinoo be; inbe kin kusopo koom ye betanga doko be;
24010	MAT 23:23	“Atoo, ang di pannoongoo ke ger ke Maro inbe di Paresi nga, ang nga di tooltool ke kaplungunu sa, le kin kakamatang dook leu! Kanakana ngan katoo ger mitiap kapala le kagogo so matana matana kiang ke kumu yo ben bede le ooroo puana ke kaningi le so kapala nga, a katar le iken ye budanga sangaul, lo ngan be kakaua budanga tina, ngan atu pang Maro. Bong nga yelei a katoo ger maimai yo ke Maro nga, ngan tiap nga? Ngan ger maimai tina ngan nen: katoo dada yo dook mata tarantatu ngan pang di diemim; inbe lomim mulumulu ye di diemim a kayei dada dook mata pang di; inbe katara lomim medana le iken so pang Maro leu. Le dook mata ngan nen, ole katoo ger maimai tina nga le imot le ipa ye ger yo maimai tiap, ngan lapau.
24141	MAT 26:18	Motong la iwete pang di nen, “Kapa le kalo malala mai ni lono, a kala ye tool atu yo iyepe i, inbe kawete panga nen. Kayei ne, ‘Pannoongoo kiam iwangam be man amwete pong nen: Lal yo Maro ipootoo pau i, in iman potai oo. Le au i lok be aye di galiuk amgaua a lomam ponana, inbe amkana kaningi ke Paskimoolooningi ke Maro in ye rumu lono kiong.’”
24235	MAT 27:37	Ngan ke ete, ye ni yo Yesu kutono ilo pang ye i, in tiwodo betanga yo tikadoni ye a le tirauu nga, ngan nen: I YESU, Tool Kuto Mai Yo Matan Kala Di Yuda Le Imot I.
24373	MRK 3:16	Ngan di tooltool sangaul be ru tina yo ipootoo di panga nga, ngan edi nen: Simon yo Yesu isu ene san ye Pita i,
24676	MRK 10:19	Ong i lom galanga ye ger yo Maro ikap pang Mose ngan oo. Ger tina ngan iwete nen: ‘Kin kuraumata di tooltool be, inbe kin kuyei bauk be, inbe kin kupinoo be, inbe kin kusopo koom ye betanga doko be, inbe kin koom paweserai di diem a kop sokorai so kidi be, inbe kuraua pang tamam le tinam a kulongo betanga kidi.’ ”
24771	MRK 12:29	Motong la Yesu iraua betanga ki nen, “Ger yo imuku pang di ger yo kapala nga, in nen: ‘Ang di Isrel katar talngamim a kapalongo. Tool Mai yo Maro kiidi i, in ya taleu la Maro moolmool i.
24837	MRK 14:14	Katoo a kala le kakamata be idewe pang ye rumu atu nga, ngan katoo a kalo le lo katoro rumu taunu nen. Kayei ne, ‘Pannoongoo kiam iwete be man amtorong nen: Rumu lono yo kukarata pau be se aye di galiuk amyepe ye inbe amkana kaningi ke Paskimoolooningi ke Maro ye i, in la nangai i?’
24921	MRK 15:26	Motong la tiwodo betanga tina yo tikadoni ye a le tirauu, ngan nen: TOOL KUTO MAI YO MATAN KALA DI YUDA LE IMOT I.
25441	LUK 10:9	Ngan urata yo be kayeii ye malala tani in nen: kakarata di tooltool yo matamatenge ikap di nga, ngan le tinidi dook mata mulu, inbe kakaua bingi dook mata pang di a kayei ne, ‘Mooloo tiap, inbe dada yo Maro be matan kala di tooltool ki ye i, in ole si pombe mallangana pang yang.’
25777	LUK 18:20	Ong in lom galanga ye ger yo Maro ikap pang Mose ngan oo. Ger tina ngan iwete nen: kin kuyei bauk be, inbe kin kuraumata di tooltool be, inbe kin kupinoo be, inbe kin kusopo koom ye betanga doko be, inbe kuraua pang tamam le tinam a kulongo betanga kidi.”
25890	LUK 20:42	Ngan awete pang nen, mukot yege ni nga, ngan Dawiti ya taunu iwodo betanga ki ilo ye rau yo ene Rau ke Woungu in nen: ‘Maro yo Tool Mai i, in iwete pang Tool Mai kiau nen, “Kuwur ye baek oonoo a kuyepe nen
25944	LUK 22:11	Ngan kalo, lo ngan be katoro rumu taunu nen, ‘Pannoongoo kiam iwete be man amtorong nen: Rumu lono yo kukarata panga be se iye di galiunu tiyepe ye, inbe tikana kaningi ke Paskimoolooningi ke Maro ye i, in la nangai i?’
26042	LUK 23:38	Motong la tiwodo betanga pattu a tirauu lo ye kai palasingi ke Yesu kutono ke ete. Ngan betanga tina ngan tiwodo nen: I TOOL KUTO MAI YO MATAN KALA DI YUDA LE IMOT I.
26106	LUK 24:46	Le nga Yesu iwete pang di nen, “Betanga tina yo tiwodo ngan nen: Kirisi ole isolo masngana mai a imata, lo ngan be iken ye ke ru, le ye ke tol ki nga, ngan ole imadit mulu ye ni ke matenge.
26147	JHN 1:34	Le akamata so tina yo nen ngan pombe pang ye, ngan la be awete pang nen: Ya in Maro Natunu moolmool.”
26208	JHN 3:19	Ngan ye punu yo be Maro iyemenai di tooltool ye i, in nen: Maro iwanga sul a isi tana i oo, bong ngan di tooltool lodi pang sul nunngana tiap. Di ngan lodi pang dada dook tiap yo ke todo lono nga, ngan mai san, yesoo di ngan ran kidi yeingi dada yo dook tiap nga.
26267	JHN 4:42	Motong la tiwete pang garup tani in nen, “Am nga amtara lomam medana ye betanga kiong yo kuwete ngan leu tiap. Bong nookoot nga am tapmam amlongo betanga ye le lomam galanga nen: Ya in tool tani yo isi be si ipamulu di tooltool ke tana i ye so dook tiap yo be igarung di i.”
26642	JHN 11:50	Ang nga lomim galanga ye dada atu yo be ilonang, in lapau? Dada dook mata in nen: Kumata be tool atu ikol di tooltool kiidi a imata nga, ngan ole di tooltool kiidi le imot sa tilledi tiap.”
26733	JHN 13:34	Le nookoot nga be awete ger paunu pang nen: Lomim pang di diemim mai san. Ngan au i lok pang mai san, le katoo dada gaongo leu a lomim pang di diemim mai san nen lapau.
26780	JHN 15:12	Le betanga kiau yo be katoo ngan nen: Lomim pang di diemim mai san, dawa ben yo au i lok pang mai san nga.
26785	JHN 15:17	Le betanga kiau yo akap pang nga, ngan nen: Lomim pang di diemim mai san.”
26788	JHN 15:20	Le lomim tut betanga yo awete pang koot nga: ‘Tool yo iyei urata ben kapraingi i, in ene mai le illoso tool mai ki, in tiap.’ Ngan nanga, kumata be di tooltool tiyei dada dook tiap be tigarungau ye nga, ngan ole tigarungang nen lapau. Inbe kumata le titoo betanga kiau yo be apatomonai di ye nga, ngan ole titoo betanga kiang nen lapau.
26868	JHN 18:14	Inbe ya in la muku ngan iwete pang di Yuda nen, “Dada dook mata in nen: Kumata be tool atu ikol di tooltool kiidi a imata nga, ngan ole di tooltool kiidi le imot nga sa tilledi tiap.”
26893	JHN 18:39	Bong momo kiang Yuda atu in nen: Ye rai kanakana nga, ngan kumata le be talo ye lal maiyoko kidi Yuda ke be lodi tut ye Paskimoolooningi Ke Maro in pombe nga, ngan ole katorau be apadu di tooltool yo tiyepe rumu dook tiap kidi talnga dikidiki lono nga, ngan atu a isi tana. Le lomim be apadu tool kuto mai yo matan kala di Yuda le imot in a isi pang yang, too?”
26913	JHN 19:19	Motong la Pailot iwete le tiwodo betanga pattu ilo ye siri, inbe tirauu lo kai palasingi kutono ke Yesu. Ngan betanga tina ngan iwete nen: YESU KE NASARET, Tool Kuto Mai Yo Matan Kala Di Yuda Le Imot I.
27054	ACT 2:36	“Ngan nanga, ang di tooltool le imot ke Isrel nga, ngan ole lomim galanga nen: Yesu tani yo kapatota lo kai palasingi kaini i, in Maro itaru le iyei Tool Mai inbe Kirisi yo Maro ipootoo be si ikap di tooltool ki a ipamulu di i.”
27097	ACT 4:6	Ngan di tooltool yo tilo tiye di tigaua ngan nanga: di tooltool kuto maimai ke paroranga so pang Maro, ngan edi la Anas iye Kepas, inbe Yowan iye Aleksanda, inbe di rara ke Anas kapala lapau la tise tiye di tigaua nga.
27277	ACT 8:32	Ngan betanga tani yo iken ye rau ke Maro koonoo a tool tinin mata tani in ikinkati i, in iwete nen: “Ya in iwete touo betanga siap. Ya in koom pakom dawa ben sipsip yo tirara be la tiraumate i, inbe taukan koonoo ben sipsip natunu yo tikauu be la tikot bulbulini i.
27698	ACT 20:4	Ngan be imulu ngan le di tooltool alunu la tiyei ene a tiye tipa nga. Di tooltool tina ngan edi nen: Sopata yo Pirus ke malala mai Beria, in natunu; inbe Aristakus iye Sekundus ke malala mai Tesalonaika; inbe Gaius ke malala mai Debe; inbe Timoti iye di tooltool ru ke tana mai Esia, yo edi Tikikus ye Toropimus nga.
28158	ROM 6:22	Bong nookoot nga Maro ipamulang le kayepe la gurana yo ke noonoo in parmana mulu tiap, inbe nookoot nga kayei ben poranga pang Maro. Ngan tina kayei poranga pang Maro nga, ngan soo so yo kakauu be ilonang i, in nen: Maro ole iyei ang a kayepe le taukamim busunu ye matana, a be nen ngan kakaua yepongo dook mata yo taukan motingi i.
28262	ROM 10:6	Bong di sema tooltool yo Maro iwete di ye tooltool noonoonoo yesoo titara lodi medana pang Kirisi nga, ngan ke be tiwete pang di tooltool ben Mose iwete, nga lapau. Ngan ya in iwete nen, “Kin lom wetewete nen, ‘Ai, nga ole sei tool be ilo ete ye malala ke Maro i?’ too, ‘Nga ole sei tool be idu lopo ye ni kidi matenge i?’ ” (Ngan betanga tina ngan lono ki nen: Be tool sa ilo ete inbe iwete pang Kirisi a isi tana, too be tool sa idu lopo inbe iwete pang Kirisi a ipa ye ni kidi matenge a ise. Bong nen tiap, yesoo Kirisi tani in isi tana oo, inbe ya in Maro ipamaditi ye ni ke matenge a ise oo.)
28274	ROM 10:18	Bong nga be ator: Di tooltool ke Isrel nga tilongo bingi dook mata lapau, too tiap? Moodoom, di ngan tilonga oo. Le ben tina Dawiti iwodo betanga lo ye Rau ke Maro a iwete nga, “Betanga ke Maro i, in di tooltool tiweta, le ila ye di tooltool nga le imot ke tana i, inbe betanga kidi tina, ngan ila le la itaua motingi ke tana mai i le imot.”
28275	ROM 10:19	Oo, nga be ator mulu: Di tooltool ke Isrel nga lodi galanga ye betanga ke Maro lapau, too tiap? Moodoom, di ngan lodi galanga ye, yesoo di tooltool yo tipa ye rara kidi Yuda tiap nga, ngan lodi galanga ye, le moolmool, di Yuda lodi galanga ye lapau. Ngan Mose in tool tani yo kulkulunu ngan iwete betanga i. Iyei ne, “Di tooltool yo kakamata di ben so sokorai inbe taukadi lo galanga nga, ngan ole ayei dada dook mata pang di. Ngan dada tani yo be ayeii pang di i, in ole iyei ang le matamim gorengana ye so kidi a lomim dook tiap pang di.”
28278	ROM 11:1	Le nga be ator nen: Nga yelei, Maro in iwala murini pang di Yuda yo tooltool ki nga, too? Tiap yege! Kakamata, au tauk i tooltool ke Isrel, inbe au i sasa ke Apram, inbe au i apa ye rara yo ke Bensamen i.
28288	ROM 11:11	Nga be ator mulu nen: Di tooltool ke Yuda yo kedi saurai a timol nga, ole yelei, o ke be Maro ipamulu di tiap, too? Tiap yege! Ngan nen, yesoo ye dada dook tiap kidi ke noonoo yo tiyei nga, ngan la Maro ikap di tooltool yo tipa ye rara kidi Yuda tiap ngan a ipamulu di ye so dook tiap yo be igarung di in nga. Ngan Maro iyei nen, a be di Yuda tikamata ngan matadi gorengana ye dada dook mata yo iyei pang di tooltool yo tipa ye rara kidi Yuda tiap nga.
28304	ROM 11:27	Le i betanga medana yo apamede pang di, in naii: Ole agiri noonoo kidi yo tiyei nga le imot.”
28316	ROM 12:3	Au i Maro lono pau a iyei dada dook mata pau, le ipootau be ayei aposol. Ngan la lok be awete pang ang tina ngan atu atu nen: Kin kumatong ben ong in kulo ete a kuwete be kullos di tooltool kapala, ngan be, bong kumatong dook ye dada kiong yo kuyei nga. Le kulkulunu ngan kumata lom medana yo kutaru pang Maro i, in ke be ilonong le kuyei urata maimai yo ke Maro nga ye, too tiap? Lo ngan be kuwete be ong in tool belei kooti.
28343	ROM 13:9	Ngan ger kapala yo Maro iwete ngan nen, “Kin kuyei bauk be,” inbe “Kin kuraumata di tooltool be,” inbe “Kin kupinoo be,” inbe “Kin matamim gorengana ye so kidi tooltool kapala be.” Bong ger yo iduk ger kapala nga le imot a igaua le ataleu, in nen: “Lom pang di diem mai san dawa ben yo ong taum lom pong mai san nga.”
28359	ROM 14:11	Le dawa ben betanga yo tiwodo a iken ye Rau ke Maro nga, “Au i Tool Mai yo ayepe nen le taukak motingi i. Inbe awete betanga medana nen: Di tooltool nga le imot ole tigun turudi ke dama kiau, inbe di le imot ole tiwete nen, ‘Moolmool, ong in la Maro i.’ ”
28362	ROM 14:14	Ngan au i atara lok medana pang Tool Mai Yesu Kirisi, inbe ya in ipagalanga lok le lok galanga moolmool nen: So le imot yo ke kaningi ngan sa yo dook tiap ke be takani tiap, ngan tiap. Bong kumata le tool atu lon tar be so in giri leu le dook tiap ke be ikani tiap nga, ngan kin ikawai ye dook leu, yesoo kumata le be ikana so tani in nga, ngan ya in ikapsap ye noonoo.
28391	ROM 15:20	Ngan au i kanakana ngan so yo lok panga mai mata i, in nen: Akapye be le awetewete bingi dook mata ke Kirisi pang di tooltool yo tilonga tiao nga. Ngan nen, yesoo au i lok be au tauk ape saua inbe are rumu lo pono, bong di tooltool kapala tipe saua, lo ngan be are rumu ilo pono, ngan tiap.
28471	1CO 2:9	Bong lodi galanga ye tiap le dawa ben tina Rau ke Maro iwete nga: “So yo Maro ipare pang di tooltool yo lodi panga mai san nga, ngan tool sa ikamata ye matana tiap, inbe ilongo ye talngana tiap, inbe lon kau urata ye le ikauu, ngan tiap lapau.”
28508	1CO 4:7	Le nga be atorang atu atu nen: Sei tool itarang le kallos di diemim kapala i? Tool siap! Inbe so dook mata kiang nga, ngan kakap ye gurana kiang ang tapmim, too? Tiap yege! Maro la ikap so tina ngan le imot pang, le dada kiang sa yo be kayitmak emim ye, ngan tiap.
28561	1CO 7:6	Le noonoongoo kiau yo au i akap pang ngan nen: Kumata le ong kuye rimam too nimtooroo lomim be kayepe ki ki ye manga modono kasin a be nen ngan kapatarau nga, ngan dook mata. Bong awete betanga yo nga pang nga, ngan be awete betanga medana pang a be nen ngan agunkalang ye dada ke kerenge tiap.
28565	1CO 7:10	Di tamoto le garup yo kerenge nga, nga be awete betanga medana i pang. Bong betanga tani i, in betanga kiau tiap, in ke Tool Mai. Le betanga tani in nen: Ang garup yo kerenge nga, kin kasukrai di nimimtooroo be.
28567	1CO 7:12	Inbe di tooltool yo kapala nga, nga be awete pang nen. Bong betanga tina nga ke Tool Mai tiap, nga betanga kiau au tauk. Le betanga tina ngan nen: Kumata tamoto atu be ya in tool ke Kirisi, inbe iyooloo garup atu yo itara lono medana pang Yesu tiap, bong rimana tani in lono dook mata be yaru tiyepe nga, ngan ke be isukraii tiap.
28694	1CO 11:26	Ngan tina Yesu iwete nen nga, ngan la lomim galanga nen: Ye kene yo be kakana porong, inbe kayin ye ruku nga, ngan ben kawetewete pang di tooltool kapala ye matenge ke Tool Mai. Le ang ngan ole kayei nen le lo ye lal yo be imulu a isi ye i.
28730	1CO 12:28	Le di tooltool yo tigaua ye bareme ke Yesu nga, ngan Maro itar di ye urata ki ki. Nen le di tooltool yo urata kidi mai le imuku, ngan di aposol, inbe yo titoo di, ngan di Maro koonoo. Inbe tol kidi ngan di pannoongoo. Inbe kapala mulu yo itar di le titoo di nga, ngan nen: Di tooltool yo be tiyeii mos nga; inbe di tooltool yo ikap gurana pang di a be nen ngan tikarata di tooltool yo matamatenge ikap di ngan le tinidi dook mulu nga; inbe di tooltool yo be tilon di diedi nga; inbe di tooltool yo lo galanga kidi dook mata ke be matadi kala urata nga; inbe di tooltool yo Maro Amunu Silene ipamede di le ke be tiwetewete ye di malala malala koodi nga.
28789	1CO 15:3	Ngan betanga yo muku ngan tikauu pau, motong awetekesi pang a kalonga in nen: Kirisi ikaua nede a imata ye noonoo kiidi dawa ben tina tiwodo betanga ki ilo ye Rau ke Maro nga.
29243	GAL 5:14	Ngan ger tina le imot ke di Yuda nga, ngan punu igaua le imot a iken ye ger ataleu naii: “Lom pang di diem mai san dawa ben yo ong taum lom pong mai san nga.”
29248	GAL 5:19	Le ang ngan lomim galanga ye dada dook tiap ke noonoo yo di tooltool lodi be tiyei ngan oo. Ngan dada tina ngan nen: dada ke bauk, inbe dada yo giri leu ye Maro matana nga, inbe dada ben kidi gaunu yo tiyei nga,
29251	GAL 5:22	Bong be Maro Amunu Silene ipassongo di tooltool ye panga kidi nga, ngan ole tiyei dada yo nen nga: lodi pang di diede mai san, inbe lodi ponana ye yepongo kidi, inbe tiyepe ye lo silene, inbe titoko too katedi le katedi malmal tarai pang di tooltool tiap, inbe tilon di tooltool, inbe tiyei dada dook mata leu, inbe titoo betanga kidi dook mata,
29283	EPH 1:10	Le dada tani in nen: Ya in ole matan kala so tina nga le imot le lo tagoro lal yo itaru be Yesu imulu a isi ye in nga, ngan la be iwinoko so tina yo ke malala ki ngan le ipa ye ke tana i nga, ngan le imot man igaua, inbe itar du Kirisi parmana a be nen ngan iyei kuto mai panga inbe matan kala.
29324	EPH 3:6	Ngan dada ki tani yo iken sollono i, in nen: Bingi dook mata in dada yo be ang di tooltool yo Yuda tiap nga, ngan ole kakap so dook mata gaongo leu ben yo Maro ipamede betanga ye be ole ikap pang di tooltool ki yo di Yuda nga.
29376	EPH 5:5	Au i ole ayeie betanga kiau i le igalanga, a nen ngan lomim galanga nen: Tool yo ikapsap ye dada ke di kerenge, too iyei dada yo giri leu, too matana gorengana ye so kidi diene i, in o ke be lo igaua ye di tooltool yo Kirisi iye Maro be matadi kala di, ngan tiap. Yesoo, tool yo nen i, in dawa ben isung pang di kai padodo, le ke be ikaua so yo Maro ipamede betanga ye be ikap pang di tooltool ki, ngan siap.
29385	EPH 5:14	Yesoo, so le imot yo ise le iken ni galangana nga, ngan todo ke be iduku mulu tiap, bong ole se iken mallangana. Le ye punu in la le di tooltool tiwete nen: “Ang di tooltool yo kaken kalli nga, ngan kamadit! Kayege ni ke matenge a kamadit le kamaur mulu. Kumata be ang ngan kayei nen nga, ngan Kirisi ole ilangarai lomim ye sul ki, a be nen ngan kayepe ye ni galangana.”
29489	PHP 3:1	Di diek nga, ngan betanga kiau tina yo be awete porai pang ngan nen: Lomim ponana pang Tool Mai! Ngan au i o ke be tinik booroomoo ye wodenge betanga yo nen ngan mulu pang, ngan tiap. Yesoo, lok tar be betanga yo nen ngan la be iwonokalang nga.
29517	PHP 4:8	Ngan la di diek nga, betanga kiau yo be awete poraii a be lomim kaua urata ye, in nen. Kanakana ngan ole lomim kaua urata dook ye dada le imot yo dook mata nga. Le dada tina ngan nen: dada yo moolmool nga, inbe dada yo tarantatu nga, inbe dada kidi tooltool yo noonoodi nga, inbe dada kidi tooltool yo tinidi igalanga ye Maro matana nga, inbe dada yo di tooltool tiyei le lodo ponana ye nga, inbe dada yo dook mata ki taunu nga, inbe dada yo di tooltool tiyei le tayitmak edi ye nga, ngan kin lomim kaua urata ye dook.
29814	1TI 3:16	Le moolmool, Maro ipatnai dada dook mata yo lono be tatoo ngan paidi. Muku ngan betanga tani in iken sollono, bong nookoot nga lod galanga ye nen: Yesu in iyei tool moolmool a pombe mallangana. Inbe Maro Amunu Silene ipatnaii paidi ben ya in Maro natunu. Di bangabangana ke Maro tikamata. Inbe di tooltool tikaua betanga ki a tiweteweta pang di tooltool ke ni mai i le imot. Le di tooltool ke tana i ngan alunu kaiye la titara lodi medana panga nga. Motong la Maro ikauu a ilo pang malala ki, a be nen ngan iyeie ene le ilo ete ke be di tooltool tipayiti.
30112	HEB 6:1	Ngan so yo tipatomonai di tooltool yo di ngan paunu ye betanga ke Maro nga, ngan so tina nanga: dada yo ke be taportak lodo ye dada dook tiap ke noonoo yo be tammata ye nga, inbe dada ke be tatara lodo medana pang Maro nga. Inbe di ngan tipatomonai di ye dada matana matana ke rriungu, inbe ye dada yo be tapaloko baede lo tool pono a be tapamede ye betanga dook mata nga, inbe ye dada ke be di tooltool yo timmata koot ngan timadit ye ni ke matenge nga, inbe ye dada yo be Maro iyemenai di tooltool a timassingi ye le iken nen le taukan motingi i. Ngan betanga yo nen nga, ngan tipatomonai di tooltool yo paunu ye betanga ke Maro nga, yesoo in dawa ben tipe saua yo idi nga be tare rumu lo pono i. Bong idi tooltool yo paunu tiap nga, ngan kin le tamulukala betanga ke Kirisi yo tipatomonai idi ye koot, ngan be. Bong tayege sila iken inbe tawetewete ye betanga kapala yo ke be ilonidi le tayei ben di tooltool yo lodi galanga ye betanga ke Maro koot nga.
30133	HEB 7:2	Motong la Apram ipoto so tina le imot yo ikap ye patokongo nga, ngan le iken ye budanga sangaul, inbe ikaua budanga atu pang Melkisedek. Ngan Melkisedek tani in ene lono ki ru: atu in nen, “Tool kuto mai yo itoo dada dook mata noonoonoo i”, inbe san in nen, “Tool kuto mai ke malala mai yo ene Salem i.” Ngan betanga yo Salem i, in lono ki nen, lo silene. Le ya in tool kuto mai ke lo silene.
30160	HEB 8:1	Ngan betanga mai yo am nga amwetewete ye in nen: Idi nga, tool kuto mai kiidi ke paroranga so yo dook mata nen i, in iyepe. Inbe ya in ilo ye malala ke Maro le lo iwur ye Maro, yo ene mai san i, in baene oonoo. Le nookoot nga, ya in iyepe potai ye kookoowoo ke burungu yo Maro iwur ye a matan kala so nga le imot ye i,
30169	HEB 8:10	Le au Tool Mai awete nen, ye kene yo be lal ki tani in iman le pombe koot nga, ngan la be apamede betanga medana paunu pang di tooltool ke Isrel nga. Ngan i betanga medana paunu tani, in naii: Au i ole atar ger yo kiau nga lo iken kutodi lono, inbe ole awodo lo iken lodi. Inbe au i ole ayei ben Maro kidi, inbe di ngan ole tiyei ben di tooltool kiau.
30180	HEB 9:8	Le dada yo iyei a be ilo ye Ni Mison Ki Taunu i, in Maro Amunu Silene ipapos paidi nen: Kene yo badabada ke sungunu tani in ikododo go ye in nga, ngan dada yo be di tooltool tipa le tila potai pang ye Maro i, in o koon panganga pang di tiao.
30216	HEB 10:16	“Au Tool Mai awete nen, pang dama ni ye lal yo ataru in be pombe nga, ngan au i ole ipamede betanga medana paunu pang di tooltool kiau. Ngan betanga medana paunu tani in naii: Au i ole atar ger kiau lo lodi, a be nen ngan iyei di le lodi be titoo, inbe au i ole awodo ger kiau lo lodi, a be nen ngan ole lodi tut ye ger kiau yo be titoo nga.” Le i betanga tani yo Maro Amunu Silene iweta paidi kulkulunu,
30242	HEB 11:3	Inbe idi nga, ngan tina tatara lodo medana pang Maro nga, le lod galanga nen: Maro iwete leu, inbe lang le tana pombe. Ngan nen le so le imot yo pombe a takamata nga, ngan pombe ye soo so yo ke be takamata ye matada, ngan tiap.
30441	JAS 5:20	ngan ene tani in iyei dada dook mata panga. Lomim tutu betanga i: Kumata tool atu be ilono ene san le iyege dada dook tiap ke noonoo, inbe imulu man itoo dada ke Maro mulu nga, ngan dawa ben ene tani in ipamule ye matenge yo be igarungu i, inbe ya in iloni le Maro igiri noonoo ki le imot lapau.
30566	2PE 1:20	Bong so maiyoko yo be lomim galanga ye in nen: Di Maro koonoo ngan sa yo be iwodo betanga ilo ye Rau ke Maro ye ya taunu lono, ngan tiap.
30592	2PE 3:3	Ngan so maiyoko yo be lomim galanga ye in nen: Nookoot nga le ilo ye lal yo be Yesu imulu a isi ye in nga, ngan di tooltool ke palenge sere ole pompombe a tingelerai so ke Kirisi. Inbe ole titoo di tapdi lodi a tiyei dada dook tiap yo be lodi ponana ye nga.
30612	1JN 1:5	Le betanga tani yo amlonga ye Yesu Kirisi a be amweta pang in nen: Maro in dawa ben sul loloana, le mala be todo kasin pa iken ye, ngan tiap.
30622	1JN 2:5	Bong kumata tool atu be itoo betanga ke Maro nga, ngan tool tani in la lono pang Maro mai san moolmool i. Le dada yo be lod galanga ben Maro iyepe yidi i, in nen:
30679	1JN 4:9	Inbe Maro ipatnaia lono yo paidi mai san in nen: Ya in iwanga Natunu yo ataleu, in paidi a isi tana be si ikau idi a tayepe ye yepongo dook mata yo taukan motingi i.
30691	1JN 4:21	Nen le betanga yo Maro ikauu paidi be tatoo in nen: Sei tool yo lono pang Maro mai san i, in ole lono pang di diene kapala yo titara lodi medana pang Yesu nga, ngan mai san nen lapau.
30702	1JN 5:11	Inbe betanga tina yo Maro iwete paidi, ngan nanga: Maro in ikaua yepongo dook mata yo taukan motingi in paidi, inbe yepongo dook mata tani in ipa ye Natunu.
30786	REV 2:1	Motong la tool tani in iwete pau mulu nen, “Nga ole kuwodo betanga nga ilo ye rau a kuyawar pang bangabangana ke Maro yo matan kala di tooltool yo tigaua ye bareme ke Yesu a tiyepe Epeses nga. Ngan betanga tina ngan nen: Au i la atoko kanpitiki limi be ru tina ngan ye baek oonoo i, inbe apa kataunu ke sul limi be ru yo tikarata kene ye gol nga. In la ayawar betanga nga a imala pang yong kuye di tooltool kiong nga.
30793	REV 2:8	Motong la tool tani in iwete pau mulu nen, “Nga ole kuwodo betanga nga ilo ye rau a kuyawar pang bangabangana ke Maro yo matan kala di tooltool yo tigaua ye bareme ke Yesu a tiyepe Semena nga. Ngan betanga tina ngan nen: Au i tool tani yo amuku inbe akimur i. Inbe au tani yo muku ngan amata i, bong nookoot nga amaur mulu oo. In la ayawar betanga nga a imala pang yong kuye di tooltool kiong nga.
30797	REV 2:12	Motong la tool tani in iwete pau mulu nen, “Nga ole kuwodo betanga nga ilo ye rau a kuyawar pang bangabangana ke Maro yo matan kala di tooltool yo tigaua ye bareme ke Yesu a tiyepe Pegamam nga. Ngan betanga tina ngan nen: Au i pul ke patokongo yo matana ru inbe matana le matana san i, in iken yau. In la ayawar betanga nga a imala pang yong kuye di tooltool kiong nga.
30803	REV 2:18	Motong la tool tani in iwete pau mulu nen, “Nga ole kuwodo betanga nga ilo ye rau a kuyawar pang bangabangana ke Maro yo matan kala di tooltool yo tigaua ye bareme ke Yesu a tiyepe Taiataira nga. Ngan betanga tina ngan nen: Au i Tool Moolmool Ke Maro. Inbe au i matak patunu nga ilolo le dawa ben ei loloana, inbe kek nga isallin dawa ben pat baras yo tiyesnaii ye ei ngan le isallin i. In la ayawar betanga nga a imala pang yong kuye di tooltool kiong nga.
30815	REV 3:1	Motong la tool tani in iwete pau mulu nen, “Nga ole kuwodo betanga nga ilo ye rau a kuyawar pang bangabangana ke Maro yo matan kala di tooltool yo tigaua ye bareme ke Yesu a tiyepe Sadis nga. Ngan betanga tina ngan nen: Au i, di bangabangana ke Maro yo limi be ru nga, ngan tiyepe yau. Inbe au i atoko kanpitiki tina yo limi be ru nga ye baek. In la ayawar betanga nga a imala pang yong kuye di tooltool kiong nga. Au i lok galanga ye so yo kayei ngan oo. Ngan di tooltool tiwetang nen, be ang ngan kamaurur go, bong ngan tiap. Ang ngan kammata oo.
30821	REV 3:7	Motong la tool tani in iwete pau mulu nen, “Nga ole kuwodo betanga nga ilo ye rau a kuyawar pang bangabangana ke Maro yo matan kala di tooltool yo tigaua ye bareme ke Yesu a tiyepe Piladelpia nga. Ngan betanga tina ngan nen: Au i, Maro ipootau panga ya taunu, inbe awete betanga kiau ngan moolmool le imot, inbe au i la atoko so ke pamedenge dada ke Dawiti i. Le kumata be aso dada ke so sa nga, ngan tool sa yo be itiukala ngan tiap, inbe kumata be atiukala dada ke so sa nga, ngan tool sa yo be iso, ngan tiap lapau. In la ayawar betanga nga a imala pang yong kuye di tooltool kiong nen.
30828	REV 3:14	Motong la tool tani in iwete pau mulu nen, “Nga ole kuwodo betanga nga ilo ye rau a kuyawar pang bangabangana ke Maro yo matan kala di tooltool yo tigaua ye bareme ke Yesu a tiyepe Laodisia nga. Ngan betanga tina ngan nen: Au i tool tani yo tipootoo ek ye Moolmool i, inbe araia lok moolmool le imot ye urata i, inbe awetewete betanga moolmool ke Maro ye soo so yo akamata nga. Inbe au i tool tani yo kulkulunu yege ngan ayepe le ayei kuto mai pang so tina le imot yo Maro itar nga. In la ayawar betanga nga a imala pang yong kuye di tooltool kiong nga.
30925	REV 9:17	Inbe di oos tipa ye di tooltool yo akamata di ye mianga kiau ngan nen: So medana yo tisousou ye a iyakala katedi, ngan kooroonoo inbe yoongoonoo ben lama koossoonoo, inbe yoongoonoo lapau dawa ben pat yo ene salpa i. Inbe di oos tina, ngan kutodi dawa ben asara gok malmalini yo ene laion i, inbe ei ipa ye so kutana inbe pat salpa yo ikini biana nga, ngan tipas ye koodi a isi pang tana.
31049	REV 17:5	Inbe tiwodo garup tani in ene ilo damono, bong punu in iken sollono. Ngan le ene tani in tiwode nen: GARUP MAI YO BABILON I. DI GARUP LE IMOT YO LEKELEKEDI NGA, INBE DI TOOLTOOL YO TIYEI DADA DOOK TIAP YO GIRI LEU NGA, NGAN TINADI LA YA I.
31095	REV 19:9	Motong la bangabangana ke Maro iwete pau nen, “Nga ole kuwodo betanga nga: ‘Di tooltool yo Maro ikiu di be timan ye mailang mai ke kerenge ke Sipsip Natunu i nga, ngan lodi ponana, yesoo ole Maro iyei urata dook mata pang di.’ ” Motong la bangabangana ke Maro tani in iseke betanga ki kasin mulu nen, “Ngan betanga yo nga, ngan betanga moolmool ke Maro.”