23215	MAT 1:2	Abraam em yallfi ta Isaak, Isaak em yallfi ta Jakob. Jakob em yallfi ta Juda ka tañi pu peñi.
23218	MAT 1:5	Salmon em ta Raab mew yallfi ta Boos, Boos em Rut mew yallfi ta Obed, Obed em ta Isay.
23219	MAT 1:6	Isay em yallfi tati longko ülmen David. Tati longko ülmen David Uria em ñi kure mew yallfi ta Salomon.
23244	MAT 2:6	‘Belen waria, mülelu ta Judea mapu mew, doy falintufal-lay tati kakelu fütrake waria mew müleyelu Judea trokiñ mapu mew. Belen mew am choyüngealu kiñe longko ülmen, fey kisu ngülamtunieafi tati Israel trokiñche’ pi.
23258	MAT 2:20	“¡Pepikawnge! Yetuafimi tati pichiwentru tañi ñuke engu, fey wiñotumün ta Israel mapu mew. Dew lay tati ayüfulu ñi langümafiel tati pichiwentru.”
23259	MAT 2:21	Feymew Jose pepikawi, fey küpaltufi tati pichiwentru tañi ñuke engu ta Israel mapu mew.
23264	MAT 3:3	Juan ta tiye ürke tañi feypikünuel tati pelon wentru Isaia tañi wirielchi chillka mew: “Kiñe dungun ta allküngey mawkenochi uwe mapu mew: ‘Kiñe nor küme rüpü reke feletupe tamün rakiduam, femngechi tamün llowafiel ta Ñidol.’ ”
23268	MAT 3:7	Welu Juan pefilu fentren pu farisew ka sadusew ñi akun kisu mew tañi fawtisangeael, fey feypifi: “¡Llükanngechi llepü filu reke ta feleymün! ¿Iney anta feypieymünmew tamün duamtun ta montun ti fülkülepachi fütra kutrankawün mew?
23270	MAT 3:9	Rakiduamkilmün tamün welukonkechi feypiael müten: ‘Abraam ñi tuwünche ta iñchiñ’. Iñche ta feypiwayiñ: Ngünechen tüfachi pu kura femkünuafuy Abraam ñi yomelchengeael.
23272	MAT 3:11	Iñche ta fawtisakefiñ ko mew tati pu che rüf dungu mew wiñorakiduamtulu tañi yafkan mew, welu tati inalepalu iñche mew, fawtisacheay ti Lif Küme Püllü mew ka kütral mew reke. Kisu ta doy fütra pepiluwün niey ta iñche mew. Iñche fente tañi yamniefiel mew ta kisu nentupüroñmalayafuiñ rume tañi okota.
23292	MAT 4:14	Fey ta famngechi femi tañi mupiael tati pelon wentru Isaia ñi wirintukuelchi dungu:
23297	MAT 4:19	Fey Jesus feypifi ti epu wentru: —Inamuchi, tamu challwafengefel, welu tüfa kintuafimu ta che tamu küpalafiel iñche mew.
23320	MAT 5:17	“Iñche ñi küpan mew apümafilu tati ley dungu ka tati pu pelon wentru tañi kimeltuelchi dungu trokiwkülekilmün. Küpalan tañi apümafiel, welu may iñche küpan tañi doy küme mupiael kisu engün tañi piel.
23328	MAT 5:25	“Iney rume ta wingkañmaelmew ka mütrümfalelmew tami trafdunguaetew, fey petu tami puwnon ti kues mew, küme dungufinge tamu kümelkawtuael. Fey femngechi tami wültukungepunoael tati kues mew, fey tati kues am ta ka femngechi wültukuaetew eymi tati pu soltaw mew, fey püresuntukukünungeaymi ta karsel mew.
23334	MAT 5:31	“Ka feypingey ta kuyfi mew: ‘Iney rume ta wüdafile tañi kure, feley tañi eluafiel kiñe wirin dungu tañi wüdafiel mew tañi kure.’
23337	MAT 5:34	Iñche ta feypiwayiñ tamün kuyalltunoael ta chem dungu mew no rume. Kuyalltun mew tukukefilmün ta wenu mapu, Ngünechen am nielu ñi longko ülmen mülewe ta wenu mapu mew.
23343	MAT 5:40	Iney rume müntuñmaelmew tami kamisa, ka eluwnge tami yeñmaetew tami chaketa.
23345	MAT 5:42	Iney rume ngillatuelmew chem rume, elufinge ka wiñonentukefilnge tami aretuetew chem rume.
23361	MAT 6:10	Itrokom che kimpe tami longko ülmenkülen kisu engün mew. Chumngechi müngeltuniengeymi wenu mapu, ka femngechi müngeltun mülepe tüfachi mapu mew.
23367	MAT 6:16	“Eymün ta ayunalmün, weñangkülelu reke felekelayay tamün ange, tati küme piwkekawünngechi pu che reke. Weñangkülelu reke felekey engün ‘petu ayunarkey’ tañi piaetew tati pu che. Iñche ta feypiwayiñ fey tüfey tañi femün mew engün, dew llowi tañi kullitu.
23375	MAT 6:24	“Iney rume ta poyelayafuy epu ülmen wentru tañi mür küdawelafiel. Kiñe müleafuy ñi illamafiel, fey kangelu ñi poyeafiel. Küme puwtunieafi kiñe, fey illamtuafi kangelu. Fey ta famngechi pepi poyengelayafuy ta Ngünechen ka fentren chemkün.
23378	MAT 6:27	¿Iney rume fill rakiduamkülele, doy alüntupeafuy may ñi mongen kiñe ora rewall?
23422	MAT 8:8	Fey tati kapitan llowdunguy: —Ñidol, Ñidol, küpakilnge. Rume yamnieeyu tami konpuael iñche ñi ruka mew. Iñche ta Roma tuwünche. Fey eymi werkülmi müten, iñche tañi kona tremoltuay.
23423	MAT 8:9	Iñche ta ka femngechi müley tañi werkünieetew, ka iñche ta nien soltaw tañi werkükeel. Feypifiyüm kiñeke soltaw ñi amuael, amukey. Fey feypifiyüm kangelu ñi küpayael, küpakey. Ka werküfiyüm tañi kona tañi chem chumael rume, fey femkey.
23425	MAT 8:11	Feypiwayiñ fentren che ñi küpayael tripawe antü püle ka konwe antü püle, ka anüay ñi iyael Abraam, Isaak ka Jakob engün Ngünechen tañi ülmen mülewe mew,
23431	MAT 8:17	Fey tüfa famngechi femi ñi mupiael tañi kimelkünuel tati pelon wentru Isaia, feychi feypilu: “Kisu kutrantupiwkey iñchiñ tati pu kutrankawkülelu mew, fey tremoltueiñmew taiñ kutran mew.”
23441	MAT 8:27	Fey kisu engün, afmatulen welukonkechi ramtuwi engün: “¿Iney ürke am tüfachi wentru, kürüf ka ti rew lafken kütu ta müngeltueyew?”
23457	MAT 9:9	Jesus tripatuy ta tiye mew, fey pefi ta kiñe wentru Matew pingelu, anülelu chew tañi kofrakemum ta impuestu Romangealu. Fey Jesus feypifi ta Matew: —Inaen. Feymew Matew witrapüray, fey inaeyew.
23461	MAT 9:13	Amumün ka kimtukuaymün ñi chem piel ta tüfachi wirin dungu: ‘Iñche may ta duamnien tamün kutranpiwkeyecheael, welu tamün chalintukumekenoael tati langümelchi kulliñ müten.’ Iñche am küpanolu tati pu küme piwkekawünnngelu mew, welu may tati pu yafkafe ñi wiñorakiduamtuael ―pi.
23462	MAT 9:14	Fey Juan tati Fawtisachefe tañi pu disipulu fülkonpuy engün ta Jesus mew, fey ka ramtupufi: —Iñchiñ ka tati pu farisew ayunakeiñ, fey ¿chumngelu am tami pu disipulu kay ayunakelay engün?
23464	MAT 9:16	Iney rume ta lapatule ta kiñe llud takuwün, lapantukulelkelafi ta kiñe we katrün pañu. Tati lapantukuelchi we katrün pañu trüküfkey, fey doy wesa wikürkey tati llud takuwün, fey doy alükey tati wichafün ti lapatukeel.
23469	MAT 9:21	Famngechi rakiduamürkelu am: “Idañmafili müten tañi takuwün, tremolewetuan.”
23481	MAT 9:33	Fey Jesus wemünentufilu müten tati weküfü, tati ketrongechi wentru pepi dungutuy. Fey tati pu che afmatulen feypi: —¡Fey tüfa famngechi dungu chumkawnorume pengekelay Israel mapu mew!
23490	MAT 10:4	Simon tati kananita, ka Juda Iskariote, fey tüfa tati ngünenmafilu ta Jesus.
23492	MAT 10:6	Amuaymün may tati pu Israel trokiñche mew, tati ñamkülechi ufisa reke felelu.
23502	MAT 10:16	“¡Ngüneduammün! Iñche ta werküwayiñ tamün amuael ufisa reke rangi trapial reke felechi pu che mew. Nieaymün may ta adümuwün, filu reke, ka femngechi ñom piwkengeaymün palluma reke.
23509	MAT 10:23	Inantukungelmün ta kiñe waria mew, amumün ta kangelu waria mew. Iñche ta rüf dungu feypiwayiñ ñi küpatuael ti Wentrukünuwpalu petu tamün kom rupanon israelche tañi pu waria mew.
23518	MAT 10:32	“Iney rume ta nütramyeelimew tati pu che mew, iñche ka femngechi nütramyeafiñ ta kisu iñche tañi wenu mapu mülechi Chaw mew,
23524	MAT 10:38	Iney rume inaelimew, welu eluwkülenole ñi layael kütu iñche ñi duam, koneltulelay iñche mew.
23526	MAT 10:40	“Iney rume tamün küme llowetew, iñche ta llowenew. Fey iney rume tañi küme llowetew, ka femngechi llowfi iñche tañi werküetew.
23528	MAT 10:42	Iney rume elufile kiñe fasu firkün ko kiñeke tati doy ñom piwkengelu iñche tañi inanieetew, rüf dungu feypiwayiñ kutranpiwkeyeaeyew ta Ngünechen.”
23538	MAT 11:10	Tati Wirin Chillka feypiley kisu mew: ‘Iñche werküan tañi werken, wüne kimeltuafilu tati trokiñche, femngechi tami küme llowaetew engün’ ―pi.
23555	MAT 11:27	“Tañi Chaw chalintukulelenew kom dungu. Iney no rume ta küme kimlafi tati Fotüm, welu Chaw müten küme kimnieeyew. Ka iney no rume küme kimlafi ta Chaw, welu tati Fotüm küme kimnieeyew ka tüfeychi pu che müten Fotüm tañi küpa kimelelfiel.
23558	MAT 11:30	Iñche ñi yuku tamün tukuleluwfiel fanelay yen mew ka küdawngelay tamün eluwfielchi dungu” pi.
23565	MAT 12:7	Eymün ta kimlaymün tañi chem pilen tati Wirin Chillka: ‘Iñche ayülen tamün kutranpiwkeyecheael, welu tamün chalintukunoael tati langümelchi kulliñ.’ Rüf dungu mew adümfulmün tüfachi dungu, kondenakelayafuymün tati nienolu chem yafkan no rume.
23569	MAT 12:11	Jesus llowdungufi ti pu che: —¿Fey eymün chem piaymün kay? Iney rume niele kiñe ufisa, fey ti ürkütun antü mew ütrüfkonle ti ufisa kiñe rüngan mew, ¿nentupetulayafuy may?
23575	MAT 12:17	Fey tüfa famngechi femi tañi mupituael ñi kimelel tati pelon wentru Isaia, feychi feypilu:
23577	MAT 12:19	Wirartuchelayay ka wirarkiyawlayay rume. Iney rume allküñmalayaeyew ñi dungun rüpü mew.
23578	MAT 12:20	Illamtulayafi tati pu che newe nienolu kimün kiñe epe watrolechi rüngi reke felelu ñi kimün mew, ka chongümlayafi rume tati chomadwe kütral ella üykülelu, welu kom ñi pu kayñe apümnagümafi kisu tañi nor dungu mew.
23594	MAT 12:36	Iñche feypiwayiñ tati afaelchi antü mew, kom che ta entudunguay engün chem wesa dungu rume ñi feypikeel engün.
23606	MAT 12:48	Welu Jesus llowdungufi tañi feypietew: —¿Iney am tañi ñuke, ka iney engün am tañi peñi?
23608	MAT 12:50	Iney rume ayülelu ñi küdawyeael iñche ñi wenu mapu mülechi Chaw ñi ayükeelchi dungu, fey ta iñche ñi ñuke reke feley, ñi lamngen ka ñi pu peñi ka müten ―pi.
23622	MAT 13:14	Femngechi, kisu engün mew ta mupituy tañi piel tati pelon wentru Isaia: “ ‘Tunte allkütuay engün rume, welu ngüneduamlayafi. Tunte adkintuay engün rume, pelayay engün reke.
23693	MAT 14:27	Welu Jesus dungufi ñi pu disipulu, feypilen mew: —¡Yafüluwmün! ¡Iñche tati! ¡Llükakilmün!
23707	MAT 15:5	Welu eymün ta feypikeymün kiñe wentru ñi feypiafiel tañi chaw kam tañi ñuke: ‘Iñche ta pepi kellulayaeyu. Kom tañi nieel dew chalintukulelfiñ ta Ngünechen’.
23709	MAT 15:7	¡Koyla ngünen! Fente küme feypi tati pelon wentru Isaia ta dungulu eymün mew, feychi feypilu:
23726	MAT 15:24	Fey Jesus feypi: —Ngünechen ta werküenew tati Israel trokiñche mew müten, tati ñamkülechi ufisa reke felelu.
23733	MAT 15:31	Fey tati pu che rume afmatulewey engün pefilu ñi dungutun tati pu ketro, tati pu trekakenolu ñi tremotun ka ñi trekatun, ka tati pu trawmangelu ñi pelotun. Fey eluwi engün tañi püramyeafiel Israel tañi Ngünechen.
23747	MAT 16:6	Feymew Jesus feypifi ñi pu disipulu: —Inaduamfimün ka kuñiwtuwmün tati pu farisew ka tati pu sadusew ñi lefawra mew.
23758	MAT 16:17	Feymew Jesus feypifi ta Simon Pedro: —Sakinngeymi eymi, Simon, Jona tañi fotüm. Iney no rume mülelu tüfachi mapu mew feypilaeymew ta tüfachi dungu, tañi Chaw wenu mapu mülelu fey may ta kimeleymew tati.
23759	MAT 16:18	Iñche ta ka feypiaeyu, eymi ta Pedro, fey tüfachi kura mew amul trawültukuniean tañi trokiñche, welu chem wesa pepiluwün ñi ngünenieel ta weküfü no rume wewlayaeyew.
23765	MAT 16:24	Feymew müten Jesus feypifi tañi pu disipulu: —Iney rume ayüle iñche ñi disipulungeael, kisu ngüyünentuwpe, ka eluwkülepe ñi kutrankawael ta kürus mew ngeay rume, fey inaechimew.
23766	MAT 16:25	Iney rume ayüle montulael ñi mongen, fey ta pelayay ta mongen, welu tati lakonlu iñche tañi duam, fey peay ta mongen.
23778	MAT 17:9	Fey petu nagpatulu engün tati wingkul mew, Jesus feypifi ñi küla pu disipulu: —Iney no rume ta nütramel-layafimün tamün peelchi dungu, wiñomongetule wüla tati Wentrukünuwpalu küpalu ta wenu mapu.
23791	MAT 17:22	Petu miyawlu kiñentrür ñi disipulu engün Galilea tañi trokiñ mapu mew, Jesus feypifi ñi pu disipulu: —Iñche tati Wentrukünuwpalu ta chalintukungean tati pu wentru mew.
23797	MAT 18:1	Feychi mew müten tati pu disipulu fülkonpuy Jesus mew, fey ramtufi engün: —¿Iney anta doy sakifali ta Ngünechen tañi ülmen mülewe mew?
23802	MAT 18:6	“Iney rume ngünenkafile ñi yafkayael ta kiñe feyentulelu iñche mew ñom piwkengelu kiñe pichiche reke, doy kümeafuy kiñe fütra kura ñi trapeltukukünulelngeael ñi pel mew, fey ñi ütrüftukungeael tati doy llufülechi lafken mew.
23806	MAT 18:10	“Ngüneduamaymün tamün illamnienoafiel kiñe no rume ta tüfachi pichikeche. Iñche feypiwayiñ kake kiñeke kisu engün tañi werken püllü rumel puwpuwngekey chew müley iñche tañi Chaw, wenu mapu mülelu.
23828	MAT 18:32	Feymew tati longko ülmen mütrümfalfi, ka feypifi ti wesa piwkengechi küdawfe: ‘¡Eymi ta rume wesa piwke wentru ürke! Iñche wiñoduamatueyu nga kom tami defeniefiel mew tami llellipufiel mew.
23840	MAT 19:9	Iñche ta feypiwayiñ tati wüdalu tañi kure fey tañi ñiwañpenoetew rume, fey ka domo kureyetule, fey ta ñiwaldomofengey. Fey kureyefilu ti wüdakünuelchi domo, ka femngechi ñiwaldomofengey.
23858	MAT 19:27	Feymew feypieyew ta Pedro: —Iñchiñ elkünuiñ kom taiñ niekefel fey ka inawiyiñ. ¿Chem am llowaiñ?
23859	MAT 19:28	Fey Jesus llowdungufi ñi pu disipulu: —Rüf dungu feypiwayiñ, puwle tati antü kom tañi wengetuael, feychi mew tati Wentrukünuwpalu mapu mew anüle tañi afmafalchi ülmen mülewe mew, eymün am feyentumufiel feymew ka femngechi anüaymün ta mari epu ülmen mülewe mew tamün ramtukadunguafiel Israel tañi mari epu trokiñche.
23868	MAT 20:7	Llowdungungey: ‘Iney no rume am elukenoetew küdaw ta iñchiñ.’ Feymew feypingey engün: ‘Amumün kay eymün tamün küdawael iñche tañi ofadentu mew.’
23873	MAT 20:12	feypilen mew: ‘Tüfa engün, tati akuyelu epe konantü, kiñe ora müten ta küdawi engün. Eymi ta tunteke kullimuiñ iñchiñ ka fente kullifimi ta kisu engün. Iñchiñ ta kom antü rume küdawiyiñ ka arekawiyiñ ta antü mew.’
23875	MAT 20:14	Fey nünge tami kullitu ka amutunge. Iñche ta küpa elufili ta tüfa engün tati inangechi konlu tañi küdawael ka fenten eymi tunteleyu,
23898	MAT 21:3	Iney rume ramtuelmumew chumngelu tamu fempen, feypiafimu: ‘Ñidol ta duamtueyew tati’ ka ‘Pürüm wiñolpatuafiyu’ piaymu.
23905	MAT 21:10	Feychi Jesus konpulu ta Jerusalen, kom tati pu waria che pofolkawi, ka rume fentren che welukonkechi ramtuwi engün: —¿Iney anta tüfachi wentru?
23908	MAT 21:13	ka feypifi: —Tati Wirin Chillka mew wirikonküley: ‘Iñche tañi ruka ngillatuwe ruka pingey’, welu eymün nietufimün weñefe ñi ruka reke.
23917	MAT 21:22	Itrokom tami eluen piel ta ngillatun mew feyentulelmün, llowaymün ―pi.
23918	MAT 21:23	Dew rupalu kom tüfachi dungu, Jesus konpuy ti ngillatuwe ruka ñi lepün mew. Fey mülepulu tüfey mew ka kimeltumekelu, fülkontupueyew tati pu longkolelu ti pu saserdote mew ka ti pu longkolelu tati pu judiu mew, fey ramtufi engün ta Jesus: —¿Iney am werküeymew tami femael tüfachi dungu? ¿Iney anta elueymew ta tüfachi pepiluwün?
23919	MAT 21:24	Jesus llowdungueyew feypilen mew: —Iñche ka ramtuwayiñ kiñe dungu. Fey küme llowdungulelmuli, iñche ta ka feypiwayiñ iney ñi werküetew tañi femael iñche tüfachi dungu.
23922	MAT 21:27	Feymew llowdungufi engün ta Jesus: —Kimlaiñ iney tami werküetew. Feymew Jesus llowdunguy: —Iñche ka feypiwlayayiñ iney tañi werküetew tañi femael tüfachi dungu.
23961	MAT 22:20	fey Jesus ramtuy: —¿Iney ñi ange am adentuley ka iney ñi üy wirintukuley ta tüfa mew?
23973	MAT 22:32	‘Iñche ta Abraam, Isaak ka Jakob tañi Ngünechen’? ¡Fey Ngünechen tati pu lalelu tañi Ngünechen no, welu may tati pu mongelelu tañi Ngünechen!
23983	MAT 22:42	Jesus ta ramtufi ti pu farisew: —¿Chem rakiduamküleymün am tati Cristo mew? ¿Iney am ñi tuwünchengey? Llowdungungey: —David tañi tuwünche.
23987	MAT 22:46	Iney rume ta llowdungulaeyew kiñe dungu no rume, fey feychi antü mew ta fentekünuy ñi ramtumekeael engün, ka femngechi iney no rume doy ramtuwelay chem dungu no rume.
23992	MAT 23:5	“Itrokom wimtun dungu femkey engün tañi peaetew tati pu che. Ayükey ñi yeael engün ñi tol mew ka ñi lipang mew pichike wirin dungu trarilelu alüke rupachi katrün pañu mew, ka tukukey engün fütrake chiñayngechi takuwün.
24003	MAT 23:16	“¡Awngeymün ta eymün, pu rüpütultrawmakelu!, tati feypikelu: ‘Iney rume ta wüldungulu kuyalltun mew tati ngillatuwe ruka mew, chem mew rume eluwkelay tañi koneltuael, welu kuyalltule tati oro mew mülelu ta ngillatuwe ruka mew, feymewke ta eluwküley tañi koneltuael.’
24005	MAT 23:18	Ka feypikeymün ta eymün: ‘Iney rume ta kuyalltule kiñe eldungu ta ngillatun mew, chem mew rume ta aporia koneltulelay. Welu kuyalltule tati chalintukukeelchi chemkün mew mülelu ta ngillatuwe mew, feymewke ta koneltuley ñi mupituael ñi kuyalltuel.’
24017	MAT 23:30	Feymew ka feypikeymün: ‘Iñchiñ mülekefuliyiñ taiñ kuyfike fütakeche em iñchiñ, kellulayafuiñ engün tañi langümafiel tati pu pelon wentru.’
24021	MAT 23:34	Iñche ta werküleluwayiñ pelon wentru, rume kimke wentru ka kimeltufe, welu kiñeke tüfey engün tañi werküael, langümafimün ta kürus mew, fey kakelu wülelkangeay sinagoga mew ka kiñeke inantukuyawülngeay kom waria mew.
24031	MAT 24:5	Rume fentren che küpayay ‘iñche tati Montulchefe’ pialu. ‘Iñche ta Cristo’ piay engün, fey rume fentren che ta ngünenkayafi engün.
24061	MAT 24:35	Wenu mapu ka nag mapu ta ngewetulayay, welu iñche tañi dungu chumkawnorume katrütungelayay. Itrokom mupiay tañi chem pilen.
24085	MAT 25:8	Feymew tati kechu pepikawkülenolu ñi nieael aseyte feypifi engün tati kechu pepikawkülelu: ‘Pichikelmuiñ eymün tamün nieelchi aseyte. Iñchiñ taiñ pelontuwe chongmekey.’
24137	MAT 26:14	Kiñe tati mari epu disipulu, tati Juda Iskariote pingelu, amuy tañi pemeafiel tati pu longkolelu tati pu saserdote mew,
24149	MAT 26:26	Fey petu ilu engün, Jesus nüy tañi kuwü mew ta kofke. Fey rupan mañumtufilu ta Ngünechen, wükafi ti kofke. Fey ka eluyefi tañi pu disipulu, feypilen mew: —Imün tüfa ta iñche tañi kuerpu.
24159	MAT 26:36	Feymew müten amuy ta Jesus tañi pu disipulu engün Getsemani pingechi lelfün mew, fey feypifi tañi pu disipulu: —Mülewemün tüfa mew. Iñche amuan tiye mew tañi ngillatuael.
24162	MAT 26:39	Feymew müten Jesus doy pichi wüneluwi üyew püle. Lloyünagi ka küme idapuy pülli mew tañi tol, fey famngechi ngillatuy: “Iñche ñi Chaw, pifulmi, montulaen tüfachi fütra kutrankawün mew, welu felekilpe iñche tañi ayüel, eymi tami ayüel mayfe.”