23233	MAT 1:20	Fey Jose dew rakiduamlu tañi femngechi femael, feymew Ñidol tañi kiñe werken püllü pewfaluweyew ta pewma mew, ka feypieyew: “Jose, David tañi yomelche, ngünewkilnge tami kureyeafiel ta Maria, tati Lif Küme Püllü ñi pepiluwün mew nieay tañi püñeñ.
23235	MAT 1:22	Kom tüfachi dungu ta femngechi feley tañi mupiael kom tañi feypikünuel ta Ñidol ñi pu pelon wentru mew:
23251	MAT 2:13	Fey dew amutulu tati pu kimke wentru, Ñidol tañi kiñe werken püllü pewfaluwfi ta Jose pewma mew, fey feypifi: “¡Pepikawnge! Fey yefinge tati pichiche ka tañi ñuke Egipto mapu mew. Mülepuaymün ta üyew, fey iñche kimeluwayiñ wüla chumül tamün wiñometuael, Erode am ayülelu ñi kintuafiel tati püñeñ ñi langümafiel” pi.
23253	MAT 2:15	fey üyew mülepuy engün. Fey lalu wüla Erode, wiñometuy engün. Fey femngechi rupay tüfachi dungu ñi mupiael ñi feypikünuel ta Ñidol feychi dungulu tati pelon wentru mew: “Egipto mew mütrümfalün tañi Fotüm” pi.
23257	MAT 2:19	Welu dew lalu ta Erode, Ñidol tañi kiñe werken püllü pewfaluwfi ta Jose pewma mew, Egipto mapu mew, fey feypifi:
23264	MAT 3:3	Juan ta tiye ürke tañi feypikünuel tati pelon wentru Isaia tañi wirielchi chillka mew: “Kiñe dungun ta allküngey mawkenochi uwe mapu mew: ‘Kiñe nor küme rüpü reke feletupe tamün rakiduam, femngechi tamün llowafiel ta Ñidol.’ ”
23269	MAT 3:8	Welu feley ñi küme kimfalael tamün mongen mew tamün wiñorakiduamtun ta Ñidol mew.
23285	MAT 4:7	Fey Jesus llowdungueyew: —Ka femngechi feypiley tati Wirin Chillka: ‘Kintukaduamkefilnge tami Ñidol Ngünechen.’
23288	MAT 4:10	Fey Jesus ta llowdungueyew: —Kiñe püle tripange, weküfü. Tati Wirin Chillka feypiley: ‘Püramyeafimi ngillatun mew ka poyeafimi tami Ñidol Ngünechen müten.’
23330	MAT 5:27	“Eymün ta allkükeymün ñi feypingen ta kuyfi mew: ‘Ñiwaldomokilnge.’
23336	MAT 5:33	“Ka femngechi allkükeymün eymün tañi feypingeken tamün fütake laku em: ‘Femkünukilmün tamün mupiael tamün chalintukulelfiel ta Ñidol kuyalltun mew.’
23406	MAT 7:21	“Kom tañi feypikeetew: ‘Ñidol, Ñidol’, konpulayay engün ta Ngünechen tañi ülmen mülewe mew. Tati femkelu may iñche ñi Chaw wenu mapu mülelu ñi ayükeelchi dungu, konpuay tüfey mew.
23407	MAT 7:22	Feychi antü ta fentren che feypiaenew: ‘Ñidol, Ñidol’, iñchiñ ta dungukeiñ eymi tami üy mew. Eymi tami üy mew wemünentukeiñ weküfü, ka eymi tami üy mew femiyiñ afmanngechi dungu.
23416	MAT 8:2	Feymew fülkontueyew kiñe kutrankülechi wentru nielu lepra kutran, fey lukunagpay kisu ñi fül mew ka feypieyew: —Ñidol, pifulmi, tremoltuafen tañi kutran mew.
23420	MAT 8:6	Fey feypieyew: —Ñidol, iñche ñi kona müley ruka mew, rume kutranküley, pepi nengümlay rume.
23422	MAT 8:8	Fey tati kapitan llowdunguy: —Ñidol, Ñidol, küpakilnge. Rume yamnieeyu tami konpuael iñche ñi ruka mew. Iñche ta Roma tuwünche. Fey eymi werkülmi müten, iñche tañi kona tremoltuay.
23435	MAT 8:21	Fey kiñe tati allkütuyawülkefilu, feypirkeeyew ta Jesus: —Ñidol, wüne üngüman ñi layael ñi fütakeche, fey wüla inayaeyu.
23439	MAT 8:25	Feymew tañi pu disipulu amuy ñi trepelmeaetew, fey feypimengey: —¡Ñidol, montulmuiñ! ¡Petu llañnagiyiñ!
23476	MAT 9:28	Feymew Jesus konpulu ti ruka mew, tati epu trawma fülkontueyew, fey Jesus ramtufi ti epu trawma: —¿Feyentuymu anta eymu iñche tañi pepi femael ta tüfachi dungu? —May, Ñidol ―llowdunguy ti epu wentru.
23553	MAT 11:25	Feychi mew Jesus feypi: “Püramyeeyu Chaw, Ñidolkülelu wenu mapu ka tüfachi nag mapu mew. Eymi tami adkünuelchi dungu elulafimi ñi kimael tati pu mallmangelu ka kimkawünngelu, welu fewla Chaw, eymi kimelelfimi tami dungu tati ñom piwkengechi pu che eymi tami pin mew.
23635	MAT 13:27	“Feymew tati pu küdawfe amuy engün tañi feypimeafiel tati ngen kachilla: ‘Ñidol, ¿küme fün ketran ama nganlaymi tami lelfün mew? ¿Fey chumngelu am wefi tati wesake kachu?’
23659	MAT 13:51	Fey Jesus ramtufi ñi pu disipulu: —¿Adümimün kay eymün kom tüfachi dungu? —May, Ñidol ―llowdunguyngün.
23694	MAT 14:28	Feymew Pedro llowdungueyew: —Ñidol, rüf mew eymingelmi, werkünge iñche ñi trekalen amuael wente ko tañi puwael ta eymi mew.
23696	MAT 14:30	Fey ngüneduamlu ñi rume newenngen tati kürüf, llükay. Ñochingelu am ñi llañnagün ti ko mew, fey wirari: —¡Montulen Ñidol!
23724	MAT 15:22	Fey kiñe kananche domo müley tiyechi mapu mew, fey wirarkülen fülkontupaeyew: —¡Ñidol, David ñi Yomel tuwünche, kutranpiwkeyeen! ¡Ñi püñeñ konweküfüley!
23727	MAT 15:25	Welu tati domo lukutupuy kisu tañi fül mew, fey feypifi ta Jesus: —¡Ñidol, kelluen!
23729	MAT 15:27	Fey ti domo feypifi ta Jesus: —Feley, Ñidol, welu tati pu trewa kütu ikey ta füntülnagchi kofke miñche mesa.
23763	MAT 16:22	Feymew püntünentueyew ta Pedro, fey eluwi tañi feypiafiel tüfachi dungu: —¡Ngünechen montulaeymew, Ñidol! ¡Fey tüfachi dungu mew ta rupalayaymi!
23771	MAT 17:2	Fey tiyechi wingkul mew, kisu engün ñi adkiñ mew, kangerumetuy ñi ad ta Jesus. Ñi ange alofi antü reke, ka tañi takuwün rume lingari pire reke.
23773	MAT 17:4	Fey Pedro feypifi ta Jesus: —Ñidol, ¡rume kümey taiñ mülepan tüfa mew! Pilmi, dewmayafuiñ küla pichike küni ruka: kiñe eymingealu, ka kiñe ta Moysengealu ka kiñe Eliangealu.
23784	MAT 17:15	—Ñidol, kutranpiwkeyeñmaen tañi fotüm. Lalatukey ka rume kutrankawkey. Kiñeke mew ütrüfkonkey kütral mew, ko mew kütu.
23817	MAT 18:21	Feymew Pedro fülkontufi ta Jesus ka ramtufi: —Ñidol, ¿mufü rupachi am feley tañi wiñoduamatuael tañi chafche, chem wesa femelimew rume? ¿Regle rupachi pemay?
23822	MAT 18:26	“Fey tati defelechi küdawfe lukutuy ti longko ülmen ñi fül mew, ka llellipufi: ‘Ñidol, kutranduamyeen ta iñche. Pichi üngümen. Kom wiñoleltuaeyu tati.’
23891	MAT 20:30	Epu trawma anülelu ta inaltu rüpü, allküy engu Jesus tañi rupalen fey püle, fey wirari engu: —¡Ñidol, David mew tripachi dullin Yomelche tati küpayay piniekeel, kutranpiwkeyemuyu!
23892	MAT 20:31	Tati pu che lladkütu dungueyew tañi wirarkümekenoael engu, welu kisu engu doy wirari: —¡Ñidol, David ñi Yomelche, kutranpiwkeyemuyu ta iñchiw!
23894	MAT 20:33	Fey llowdungueyew engu: —Ñidol, ayüleyu tayu pelotuafel.
23898	MAT 21:3	Iney rume ramtuelmumew chumngelu tamu fempen, feypiafimu: ‘Ñidol ta duamtueyew tati’ ka ‘Pürüm wiñolpatuafiyu’ piaymu.
23937	MAT 21:42	Feymew Jesus feypifi ti pu che: —¿Kimlaymün am ñi feypilen tati Wirin Chillka? Feypiley: ‘Tati pu dewmakelu ruka tañi illamelchi kura, fey tüfa ta dullin kurangetuy. Ñidol tañi femkünuel ta tüfa, fey ta afmatuleiñ.’
23978	MAT 22:37	Fey feypieyew ta Jesus: “Piwkeyefinge tami Ñidol Ngünechen kom tami piwke mew, kom tami mongen mew, ka kom tami kimün mew.”
23984	MAT 22:43	Feymew Jesus feypifi: —¿Fey David, dungulu ti Küme Püllü ñi pepiluwün mew, chumngelu am Ñidol pifi kisu ñi yomelchengele? David am ta feypilu:
23985	MAT 22:44	‘Ta Ñidol Ngünechen feypifi iñche tañi Ñidol: Anüpange iñche tañi man ad püle, wewfili wüla tami pu kayñe.’
23986	MAT 22:45	Fey ¿tati Cristo David ñi tuwünngele, chumngelu am David ta Ñidol pifi tati Cristo?
23997	MAT 23:10	Ka eluwkelayaymün tamün ñidol pingeael rume, Cristo müten tamün kiñen Ñidol.
24026	MAT 23:39	Tüfa ka feypiwayiñ: wiñome pemuwelayan feypingele wüla tüfachi dungu: ‘¡Püramyengepe tati küpalelu Ñidol Ngünechen mew!’ ”
24068	MAT 24:42	“Trepeluwkülemün reke ta eymün, kimnolu am ta eymün chem ora ñi akuael tamün Ñidol.
24088	MAT 25:11	“Feymew wüla akutulu tati kakelu üllchake domo, feypi engün: ‘¡Ñidol, Ñidol, nülalmuiñ ta wülngiñ!’
24097	MAT 25:20	“Wünelu mew akuy tati llowlu ti kechu moneda, fey elutufi tati ülmen wentru ka kechu moneda tañi wewel feypilen mew: ‘Ñidol, eymi eluen kechu moneda. Fey tüfa tami nien ka kechu moneda tañi wewel.’
24099	MAT 25:22	“Feymew ka akuy tati kangelu kona ti llowlu epu moneda, ka feypi: ‘Ñidol, epu moneda eluen nga, fey tüfa tami nien ka epu moneda iñche tañi wewel.’
24101	MAT 25:24	“Welu akulu tati kona ti llowlu kiñe moneda, feypifi tañi ülmen: ‘Ñidol, iñche ñi rakiduam mew femngentun eymi tami yafü piwke wentrungen. Kosechakeymi chew tami ngannoel mew ka ñimitukeymi chew tami widpünoel mew.
24114	MAT 25:37	“Feymew tati pu nor piwkengelu ramtuaeyew engün: ‘¿Ñidol, chumül am pewkeyiñ tami ngüñüyawün, fey eluwiyiñ ta iyael? ¿Kam chumül am pewkeyiñ tami wüywüyawün, fey ka eluwiyiñ ko tami pütokoael?
24121	MAT 25:44	“Feymew kisu engün ramtuaeyew: ‘Ñidol ¿chumül am pewkeyiñ tami ngüñülen kam tami wüywülen, kam tami pekenon tami umañtuam, kam tami nienon takuwün, kam tami kutranküleken, kam tami karsel mew müleken, fey kelluwlayiñ?’
24145	MAT 26:22	Fey kisu engün rume weñangkülewey, feymew kake kiñeke ramtuy engün: —Ñidol, ¿iñche pemay?
24208	MAT 27:10	fey ti pülata mew ngillafi engün tati pu Widüfe Che ñi Lelfün, femngechi tañi werküetew ta Ñidol.”
24235	MAT 27:37	Ka kisu tañi wente longko tukuy engün ta kiñe letreru, chew tañi wirikonkülemum chem dungu mew tañi kondenangen. Tati letreru feypiley: FEY TÜFA TA JESUS, TATI PU JUDIU ÑI LONGKO ÜLMEN.
24261	MAT 27:63	Fey feypifi engün: —Ñidol, tukulpatukefiyiñ ta tiyechi koylatufe Jesus, feychi petu mongelefulu, feypi ‘küla antü rupale, wiñomongetuan.’
24287	MRK 1:3	“Kiñe wirartu dungun allküngey uwe mapu mew: ‘Kiñe nor küme rüpü reke feletupe tamün rakiduam, femngechi tamün llowafiel ta Ñidol.’ ”
24306	MRK 1:22	Fey ti pu che ta afmatuley femngechi tañi kimeltungeel mew engün, fentren pepiluwün mew am kimeltumekelu. Ñi kimeltun trürlay chumngechi ñi kimeltuken tati kimeltukelu ta Moyse ñi ley dungu.
24336	MRK 2:7	“¿Chumngechi anta kisu ngünewi tañi femngechi feypiael ta tüfa? Ñi femngechi dungun mew notukafi ta Ngünechen. Ngünechen müten ta wiñoduamachetuafuy ta yafkan mew.”
24357	MRK 2:28	Feymew ti Wentrukünuwpalu Ñidolküley tati ürkütun antü mew.
24361	MRK 3:4	Feymew ka ramtufi ti kakelu pu che: —¿Chem dungu anta feley tañi femael ta che ürkütun antü mew: ñi femael küme dungu kam wesa dungu? ¿Ñi montulmangeael ñi mongen ta kiñe che kam ñi elungeael ñi layael? Welu kisu engün chem pilay rume.
24431	MRK 4:39	Jesus ta witrapüray, fey werküfi tati kürüf, ka feypifi tati lafken: —¡Ñüküfnagnge! ¡Tüngnagnge! Fey ti kürüf tüngnagi ka itrokom fente küme ñüküfkülewetuy.
24452	MRK 5:19	Welu Jesus elulaeyew ñi femael, fey feypieyew: —Amutunge tami ruka mew, tami pu reñma mew, ka nütramelputuafimi itrokom ñi chumel ta Ñidol, ka chumngechi tami kutranduamyeetew ta eymi.
24459	MRK 5:26	Rume kutrankawürkey. Fentren lawentuchekelu mew ruparkey, ka itrokom ñi nieñmufel kullirkey, welu pichi no rume tremorkelay. Ñi tremoafel, doy amuley ñi wesalkalen.
24560	MRK 7:28	Fey ti domo ta llowdungueyew: —Felelley may, Ñidol, welu trewa kütu ikefuy ta miñche mesa tañi füntülnagümyeel tati pu fotüm.
24700	MRK 10:43	welu ta eymün mew ngelay tamün femngechi femael. Ñi feleafel, tati küpa longkolelu kiñeke eymün mew, feley tañi rumel eluwküleael ñi poyeafiel ta kakelu.
24712	MRK 11:3	Fey iney rume ramtuelmumew chumngelu tamu nentutrapelpefiel, feypiafimu ‘Ñidol yelelmumechi pipeeyumew’, fey müchay müten wiñome elpatuafiyu.
24718	MRK 11:9	Feymew tati wüneleyelu ka ti pu inaleyelu kütu, wirarkülen amuley engün: “¡Osana! ¡Rumel montulepe ti longko ülmen! ¡Fütra küme felen niepe tati küpalelu ta Ñidol ñi üy mew!
24753	MRK 12:11	Fey tüfa ta Ñidol tañi femkünuel, fey rume afmatuleiñ.’ ”
24771	MRK 12:29	Feymew Jesus ta llowdungueyew: —Tati doy küme werkün dungu kom mew fey tüfa tati: ‘Allkünge, Israel: iñchiñ taiñ Ñidol Ngünechen kiñeley.
24772	MRK 12:30	Piwkeyefinge ta Ñidol Ngünechen kom tami piwke mew, kom tami rakiduam mew, ka kom tami kimün mew ka kom tami newen mew.’
24775	MRK 12:33	Ñi piwkeyengeael ta Ngünechen kom piwke mew, kom kimün mew ka kom newen mew, ka ñi piwkeyengeael ta chafche chumngechi piwkeyewkeyiñ kisutu taiñ chengen, fey doy faliy kom chalintukukeel mew ka kom tati lüpümkeelchi ilo kulliñ ta ngillatuwe mew.
24778	MRK 12:36	David, kellunieetew ti Lif Küme Püllü, feypi: ‘Tati Ñidol feypifi iñche tañi Ñidol: Anüpange iñche tañi man püle, fey iñche eluaeyu tami wewafiel kom tami pu kayñe ka tami longkoletuael kisu engün mew.’
24779	MRK 12:37	Fey David ‘iñche ñi Ñidol’ pieyew, ¿fey chem mew am tati Cristo David ñi tuwünngey? Fey rume fentren che, allkülu ñi feypin ta Jesus, “rume küme pi tati” pi engün.
24806	MRK 13:20	Ñidol Ngünechen ta elunofile ñi pichiñmayael tüfeychi kutrankawün, iney no rume ta montulayafuy. Welu ta doy pichiñmayay kisu tañi piwkeyenieelchi pu che ñi duam, kisu tañi dullintunieyeel.
24821	MRK 13:35	Femngechi llemay, eymün ta trepeluwküleaymün, kimnolu am eymün chumül ñi akuael ta Ñidol tati ngen ruka: dew punle chemay, kam kakarale ti alka chey, kam puliwen chemay.
24921	MRK 15:26	Ka elkünulelngey kiñe letreru chew tañi wirikonkülemum chem dungu mew tañi langümngen: TATI PU JUDIU TAÑI LONGKO ÜLMEN.
24961	MRK 16:19	Fey Ñidol Jesus rupan dungufilu tañi pu disipulu, yengetuy ta wenu mapu, fey puwtuy ta Ngünechen ñi man ad püle.
24962	MRK 16:20	Fey ti pu disipulu fill püle tripay engün ñi nütramyeafiel tati we kimelün dungu, fey Ñidol ta müley ta kisu engün mew, ka yafültukunieeyew ñi wewpiafiel ti we kimelün dungu Ñidol ka kellunieeyew ñi femael afmanngechi dungu. Felepe may.
24968	LUK 1:6	Fey mür engu lif mongen nierkey Ngünechen mew ka müngeltuniefuy Ñidol ñi werkün ley dungu, fey ta famngechi iney rume yafkay pirkelayafeyew engu.
24973	LUK 1:11	Feymew Ñidol ñi werken püllü pewfaluwfi ta Sakaria. Witralerkey ti ngillatuwe ñi man ad püle chew lüpümngekey ti insienso.
24977	LUK 1:15	tami fotüm am rume fütra kim wentrungealu Ñidol ñi dungu mew. Fey kisu chumkawnorume putulayay pulku ka pitarilla no rume. Petu ñi choyüngenon, nieay ti Lif Küme Püllü ñi piwke mew.
24978	LUK 1:16	Fey kisu ñi wewpiaelchi dungu mew rume fentren che, Israel mapu mew mülelu, wiñorakiduamtuay engün Ñidol Ngünechen mew.
24979	LUK 1:17	Fey Juan wüne llituay ñi wewpiyeafiel Ñidol ñi dungu petu ñi pewfaluwnon ti Cristo. Chumngechi pepiluwün niefuy tati pelon wentru Elia ka feychi pepiluwün nieay ta kisu. Fey ti pu fotümwen kümelkawtuay engün ka ti pu wesake piwkengelu adümay ñi müngeltuael engün. Fey tüfa famngechi Juan kimeltunieafi tati pu che ñi llowafiel ta Ñidol.
24987	LUK 1:25	“Ñidol ñi piel mew niean kiñe püñeñ, fey femngechi tati pu che ‘niepüñeñkelay’ piwelayaenew” pirkey ta Isabel.
24990	LUK 1:28	Fey ti werken püllü akuy chew ñi mülemum ta Maria, fey feypipafi: —¡Chalipapeeyu, Ngünechen am sakinieetew ta eymi! Ñidol müley ta eymi mew. Rume sakifal domo ta eymi kakelu pu domo mew.
24994	LUK 1:32	Rume fütra kim wentrungeay, fey fütra pepiluwün niechi Ngünechen ñi Fotüm pingeay. Ka femngechi Ñidol Ngünechen longko ülmenkünuaeyew, kisu ñi kuyfi tuwün em David reke,
25000	LUK 1:38	Feymew Maria feypi: —Iñche poyekefiñ ta Ñidol. Felepe müten iñche mew tami feypipefielchi dungu. Feymew ti werken püllü amutuy.
25005	LUK 1:43	¿Ineyfel anta iñche, ta Ñidol ñi ñuke tañi femngechi witrankontupayaetew?
25007	LUK 1:45	Rume sakin domongeaymi tami feyentun mew femngechi tañi mupiael kom ti dungu tami feypietew ta Ñidol.
25008	LUK 1:46	Maria feypi: “Iñche ñi piwke mew püramyefiñ ta Ñidol ñi fütra pepiluwünngen mew.
25020	LUK 1:58	Fey kimlu ñi pu karukatu che ka ñi pu reñma ñi femngechi pengelün ñi kutranpiwkeyechen ta Ñidol kisu mew, amuy engün ñi pemeaetew.
25028	LUK 1:66	Kom tüfeychi pu che allküyelu tüfachi dungu, kisuke ramtuwingün: “¿Chumngechi wentrungeay chey tüfachi pichiche?” rüf mew am pengel-lu ta Ñidol ñi pepiluwün tati pichiche mew.
25030	LUK 1:68	“¡Rume fütra püramyengepe ta Ñidol, Israel tañi Ngünechen, kisu küpalu am ñi montulael tañi trokiñche!
25036	LUK 1:74	kisu taiñ Ñidol montulürkeaetew iñchiñ taiñ pu kayñe mew, femngechi taiñ poyeafiel ta Ñidol fey taiñ llükanon rume.
25037	LUK 1:75	Ka femngechi taiñ müleael fill antü Ñidol ñi ayfiñ mew lif piwke mew ka nor mongen mew tuntepule taiñ mongen.
25038	LUK 1:76	Fey eymi kay, iñche ñi pichi fotüm, wenu mapu Ngünechen ñi pelon wentru pingeaymi, eymi am wüne llitualu tami wewpin ta Ñidol mew. Ka küme ngülamafimi ti pu che ñi llowngeael ta Ñidol.
25051	LUK 2:9	Feymew perumefi engün Ñidol ñi kiñe werken püllü, fey Ñidol ñi fütra pepiluwün alofürkey kisu engün ñi wall püle, fey rume llükarkeyngün.
25053	LUK 2:11	Tüfachi pun ta choyüngey David ñi waria mew kiñe Montulchefe, feyti Cristo, tati Ñidolngealu.