23297	MAT 4:19	Fey Jesus feypifi ti epu wentru: —Inamuchi, tamu challwafengefel, welu tüfa kintuafimu ta che tamu küpalafiel iñche mew.
23416	MAT 8:2	Feymew fülkontueyew kiñe kutrankülechi wentru nielu lepra kutran, fey lukunagpay kisu ñi fül mew ka feypieyew: —Ñidol, pifulmi, tremoltuafen tañi kutran mew.
23418	MAT 8:4	Feymew Jesus feypikünufi ti wentru: —Feypiaeyu, iney no rume feypilayafimi tüfachi dungu. Amunge, pewfaluwmenge tati saserdote mew müten, ka yenge ta ofrenda Moyse tañi feypikünuel ñi femael ta che, femngechi tañi kimael kom che tami dew tremolewetun tati kutran mew.
23420	MAT 8:6	Fey feypieyew: —Ñidol, iñche ñi kona müley ruka mew, rume kutranküley, pepi nengümlay rume.
23422	MAT 8:8	Fey tati kapitan llowdunguy: —Ñidol, Ñidol, küpakilnge. Rume yamnieeyu tami konpuael iñche ñi ruka mew. Iñche ta Roma tuwünche. Fey eymi werkülmi müten, iñche tañi kona tremoltuay.
23433	MAT 8:19	Feymew fülkontueyew kiñe kimeltukelu Moyse tañi ley dungu, fey feypieyew: —Kimeltufe, ayülen tami inayafiel chew püle rume amulmi.
23435	MAT 8:21	Fey kiñe tati allkütuyawülkefilu, feypirkeeyew ta Jesus: —Ñidol, wüne üngüman ñi layael ñi fütakeche, fey wüla inayaeyu.
23445	MAT 8:31	fey llellipueyew ti pu weküfü: —Wemünentumuliyiñ, elumuiñ taiñ konpuael tüfeychi pu sañwe mew.
23450	MAT 9:2	Feyti mew yelelngey kiñe kutran lañmalelu ñi kuerpu, kudulelu kiñe pichi ngütantu mew. Feymew Jesus ngüneduamfilu tati pu che ñi rume feyentulen engün, feypifi tati kutran: —Yafüluwnge, weni. Dew wiñoduamangetuymi tami yafkan mew ―pifi ti wentru.
23470	MAT 9:22	Welu Jesus wiñokintuy, fey pefi tati domo ka feypifi: —Yafüluwnge, papay. Tami feyentun mew ta tremotuymi. Feychi lelen mew müten tremolewetuy.
23476	MAT 9:28	Feymew Jesus konpulu ti ruka mew, tati epu trawma fülkontueyew, fey Jesus ramtufi ti epu trawma: —¿Feyentuymu anta eymu iñche tañi pepi femael ta tüfachi dungu? —May, Ñidol ―llowdunguy ti epu wentru.
23596	MAT 12:38	Feymew kiñeke tati pu farisew ka ti kimeltukelu tati ley dungu, feypifi engün ta Jesus: —Kimeltufe, ayüleiñ taiñ peael kiñe afmatufal dungu femngechi taiñ kimael eymi rüf mew tami küpan ta Ngünechen mew.
23659	MAT 13:51	Fey Jesus ramtufi ñi pu disipulu: —¿Adümimün kay eymün kom tüfachi dungu? —May, Ñidol ―llowdunguyngün.
23694	MAT 14:28	Feymew Pedro llowdungueyew: —Ñidol, rüf mew eymingelmi, werkünge iñche ñi trekalen amuael wente ko tañi puwael ta eymi mew.
23729	MAT 15:27	Fey ti domo feypifi ta Jesus: —Feley, Ñidol, welu tati pu trewa kütu ikey ta füntülnagchi kofke miñche mesa.
23773	MAT 17:4	Fey Pedro feypifi ta Jesus: —Ñidol, ¡rume kümey taiñ mülepan tüfa mew! Pilmi, dewmayafuiñ küla pichike küni ruka: kiñe eymingealu, ka kiñe ta Moysengealu ka kiñe Eliangealu.
23784	MAT 17:15	—Ñidol, kutranpiwkeyeñmaen tañi fotüm. Lalatukey ka rume kutrankawkey. Kiñeke mew ütrüfkonkey kütral mew, ko mew kütu.
23794	MAT 17:25	—May, kullikey ta kisu ―llowdunguy ta Pedro. Fey Pedro konputulu ruka mew, Jesus ramtufemeyew: —¿Eymi chumngentufimi kay, Pedro? Kiñe longko ülmen wentru ta tüfachi mapu mew, ¿ineykechi am kofrakefi impuestu: kisu tañi pu yall kam ti kakelu pu che?
23817	MAT 18:21	Feymew Pedro fülkontufi ta Jesus ka ramtufi: —Ñidol, ¿mufü rupachi am feley tañi wiñoduamatuael tañi chafche, chem wesa femelimew rume? ¿Regle rupachi pemay?
23856	MAT 19:25	Fey allküñmaetew tañi pu disipulu, doy afmalewey engün ka feypi engün: —Fey, ¿iney am pepi monturkeay?
23883	MAT 20:22	Jesus ta llowdunguy: —Eymu kimlaymu tamu ngillatupeel. ¿Putuafuymu am tati füre pulku tañi putuael ta iñche? ¿Ka femngechi fawtisangeafuymu chumngechi fawtisangen ta iñche? Fey kisu engu feypi: —May, putuafuyu.
23894	MAT 20:33	Fey llowdungueyew engu: —Ñidol, ayüleyu tayu pelotuafel.
23911	MAT 21:16	Feymew feypifi engün ta Jesus: —¿Allküymi am tañi feypimeken tüfachi pichikeche? Fey llowdungueyew ta Jesus: —May, allküñmafiñ. Welu ¿adümlafimün anta eymün tati wirikonkülechi dungu ta Wirin Chillka mew? Fey feypiley: ‘Ayüwimi tami püramyeaetew tati pu pichikeche ka tati pu llusu pichikeche.’
23957	MAT 22:16	Feymew werküngey kiñeke tati kiñewkülelu kisu engün mew, ka Erode tañi küdawelkeetewchi pu che engün, tañi feypimeafiel: —Kimeltufe, iñchiñ kimnieiñ eymi tami ayüken rüf dungu ka tami kimeltuken rüf mew Ngünechen tañi dungu. Ka kimnieiñ tami eluwkenon tami ngünenkayaetew tati pu che, inaduamüñmakenofilu am ta eymi tañi chumngechi mongen ñi nien tati pu che.
23965	MAT 22:24	—Kimeltufe, Moyse feypi kiñe wentru lale fey ñi nienon fotüm, tañi peñi feley tañi kureyeafiel tañi elelchi lantu domo, femngechi ñi nieael fotüm tañi lachi peñi.
23970	MAT 22:29	Feymew llowdunguy ta Jesus, feypilen mew: —Welulkakeymün, tamün kimnon mew tati wirin dungu ka Ngünechen tañi pepiluwün.
23977	MAT 22:36	—Kimeltufe, kom tati ley dungu mew, ¿chuchi werkün dungu am doy kümey?
24145	MAT 26:22	Fey kisu engün rume weñangkülewey, feymew kake kiñeke ramtuy engün: —Ñidol, ¿iñche pemay?
24148	MAT 26:25	Feymew Juda, tañi ngünenmanieetew, ramtueyew: —Kimeltufe, ¿iñche am tati? —May, eymi tati ―pi ta Jesus.
24173	MAT 26:50	Jesus feypieyew: —Weni, femnge müten tami ayüelchi dungu. Feymew tati kakelu fülkonpuy, fey nüfi engün ta Jesus tañi püresuafiel.
24187	MAT 26:64	Jesus ta llowdungueyew: —May, eymi tami feypipeel rüf dungu tati. Iñche ta feypiwayiñ kay eymün tamün pemuafiel tati Wentrukünuwpalu tañi anülen tati kom pepiluwünngechi Ngünechen ñi man püle, ka tañi wiñometuael wenu mapu kiñe tromü mew.
24209	MAT 27:11	Fey Jesus ta yengey tati gobernador mew, fey ramtueyew ta Pilato: —¿Eymi am tati longko ülmenkülelu ti pu judiu mew? —May, eymi rüf dungu feypipeymi ―pi ñi llowdungun ta Jesus.
24247	MAT 27:49	Welu tati kakelu feypi engün: —Femkünufinge, küpayay chey am Elia tañi montulpayaetew.
24261	MAT 27:63	Fey feypifi engün: —Ñidol, tukulpatukefiyiñ ta tiyechi koylatufe Jesus, feychi petu mongelefulu, feypi ‘küla antü rupale, wiñomongetuan.’
24301	MRK 1:17	Jesus ta feypifi ti epu wentru: —Inamuchi, tamu challwafengefel, welu tüfa kintuafimu ta che tamu küpalafiel iñche mew.
24360	MRK 3:3	Feymew Jesus feypifi ti wentru, lañmalelu ñi kuwü: —Witrange, ka rangi ti pu che witrakünuwnge.
24467	MRK 5:34	Fey Jesus feypieyew: —Papay, tami feyentun mew ta tremotuymi. Küme tüngduamkechi amuñmutunge. Dew tremolewetuymi tami kutran mew.
24612	MRK 9:5	Feymew Pedro feypifi ta Jesus: —Kimeltufe, ¡müna kümey taiñ mülepan! Dewmayaiñ ta küla pichike ruka: kiñe eymingealu, Moysengealu ka kiñe Eliangealu.
24624	MRK 9:17	Kiñe tati mülelu feymew llowdungueyew: —Kimeltufe, tüfa ta küpalelpeeyu iñche tañi fotüm, kontunieeyew ta kiñe weküfü fey ta ketrolnieeyew.
24645	MRK 9:38	Juan ta feypieyew: —Kimeltufe, pefiyiñ ta kiñe che wemünentuweküfükelu eymi tami üy mew, fey miyawkenolu am iñchiñ mew, feymew katrütufiyiñ.
24677	MRK 10:20	Fey tati wentru feypifi ta Jesus: —Kimeltufe, kom tüfeychi dungu ta femken wechewentrungelu müten ta iñche.
24692	MRK 10:35	Santiaw ka Juan, Sefedew tañi epu fotüm, fülkonpuy engu ta Jesus mew, fey feypifi: —Kimeltufe, fürenemuayu tüfachi dungu mew.
24708	MRK 10:51	fey ramtueyew ta Jesus: —¿Chem am duamnieymi ñi femael iñche ta eymi mew? Fey tati trawma llowdunguy: —Kimeltufe, ayülefun tañi wiñome pelotuael.
24730	MRK 11:21	Feymew ta Pedro, tukulpafi ti rupachi dungu, fey feypifi ta Jesus: —Kimeltufe, tüfey, tati igera tami malisiael nga angkürkey.
24756	MRK 12:14	Fey tüfa engün wütufi ta Jesus tañi feypimeafiel: —Kimeltufe, kimnieiñ eymi tami feypiken ta rüf dungu. Chem dungu mew rume eluwkelaymi tami ngünenkangeael, ka kañmaniekelafimi ta che ineyngefule rume. Eymi ta kimeltukeymi rüf dungu mew chumngechi mongen ñi nieael ta che, Ngünechen tañi ayükeel. ¿Kümey am taiñ kulliafiel impuestu tati Roma tuwchi emperador, kam kümelay? ¿Feley kam felelay taiñ kulliael?
24761	MRK 12:19	—Kimeltufe, Moyse ta eleleiñmew ta tüfachi wirin dungu fey kiñe kurengechi wentru ta lale ka nienole fotüm ñi kure mew, fey tati lachi wentru ñi peñi feley ñi kureyetuafiel ñi lantuchi fillka, femngechi ñi fotümeltuafiel tañi dew lachi peñi.
24845	MRK 14:22	Petu ilu engün, Jesus nüy ñi kuwü mew tati kofke. Fey rupan mañumtufilu ta Ngünechen, wükafi ti kofke ka eluyefi tañi pu disipulu, feypilen mew: —Ifimün, fey tüfa ta iñche ñi kuerpu tati.
24860	MRK 14:37	Feymew wiñotuy chew tañi mülemum tati küla disipulu, fey pepatufi tañi umawkülen engün. Feypifi ta Pedro: —Simon, ¿umawküleymi am? ¿Kiñe ora rewall anta pepi trepelelaymi?
24885	MRK 14:62	Jesus ta feypi: —May, iñche tati. Fey eymün ta peafimün tati Wentrukünuwpalu anülelu tati kom pepiluwünngechi Ngünechen ñi man püle ka ñi küpayael ta kallfü wenu tromü mew.
24931	MRK 15:36	Feymew kiñe ta kisu engün lefkülen amuy, fey ifokünulfi ta kiñe esponja wesa füre pulku mew ka trarintukufi kiñe wechuñ rüngi mew, fey fülümelpufi ta Jesus tañi wün mew ñi putuafiel, feypilen mew: —Femkünufimün, küpayay chey am Elia ñi nagümpatuaetew ta kürus mew.
24975	LUK 1:13	Welu ti werken püllü feypieyew: —Sakaria, llükakilnge. Ngünechen ta allküñmaeymew tami ngillatun, fey tami kure Isabel nieay kiñe wentru püñeñ, fey ñi üy Juan pintukulelafimi.
24992	LUK 1:30	Fey ti werken püllü feypifi ta Maria: —Maria, llükakilnge. Eymi ta rume fütra ayüwün nieaymi Ngünechen tami füreneetew mew.
25181	LUK 5:5	Fey Simon llowdungueyew: —Kimeltufe, kiñe pun mekefuiñ taiñ challwan. Kiñe challwa no rume nentulaiñ, welu eymi tami feypin mew, ütrüftukutuan tañi challwawe.
25186	LUK 5:10	Ka femngechi femürkey Santiaw ka Juan, Sebedew tañi fotüm, fey tüfa engu Simon ñi kompañ ürke. Fey Jesus feypifi ta Simon: —Llükakilnge, tami challwafengefel, welu tüfa kintuafimi ta che tami küpalafiel iñche mew.
25188	LUK 5:12	Kiñe antü, Jesus mülepulu kiñe waria mew, akuy kiñe wentru lepra kutran nielu, fey pefilu ta Jesus, lloyünagi pülli mew ka llellipufi ta Jesus: —Ñidol, pifulmi kay, tremoltuafen tañi kutran mew.
25196	LUK 5:20	Feymew Jesus ngüneduamfilu ñi nien engün fentren mupiltun, feypifi ti kutran: —Weni, dew wiñoduamangetuymi tami yafkan mew.
25270	LUK 7:6	Feymew Jesus kiñentrür amuy tüfeychi pu che engün, fey fülpulu ti ruka mew, fey ti kapitan werküy ñi pu weni tañi feypiafiel: —Ñidol, küpakilnge. Iñche ta Roma tuwünche. Rume yamnieeyu tami konpuael iñche ñi ruka mew.
25278	LUK 7:14	Feymew müten fülkonpuy, ka nüfi ñi kuwü mew ti llangi ñi yeniengemum ti alwe. Fey ti pu che ñi yenieetew, witrakünuwi engün. Fey Jesus feypifi ti la: —Weche, eymi ta feypipeeyu: ¡Witrapüratunge!
25304	LUK 7:40	Feymew Jesus feypifi ta Simon: —Simon, kiñe dungu ayülen tami feypiafiel. Fey llowdungueyew ta Simon: —Feypien müten, kimeltufe.
25359	LUK 8:45	Feymew Jesus ramtuy: —¿Iney anta idañmapeenew ñi takuwün? Fey kom ti pu che am pinolu ñi feypiael tañi idakünufiel engün, fey Pedro feypi: —Kimeltufe, wall püle küpalechi pu che tenfipeeymew engün.
25362	LUK 8:48	Fey feypieyew ta Jesus: —Papay, dew mongetuymi feyentulu am eymi iñche mew, fey küme duamkechi amutunge.
25403	LUK 9:33	Fey tüyechi epu wentru petu püntütripatulu Jesus mew, Pedro feypifi ta Jesus: —Kimeltufe, ¡rume kümey taiñ mülepan tüfa mew! Dewmayaiñ küla pichike küni ruka, kiñe eymingealu, kangelu Moysengealu ka Eliangealu. Welu Pedro kimlay ñi chem pimeken.
25408	LUK 9:38	Fey kiñe wentru tati pu trokiñche mew feypieyew fütra newentu dungun mew: —Kimeltufe, füreneen. Leliwülmaen ñi kiñen fotüm.
25419	LUK 9:49	Feymew feypieyew ta Juan: —Kimeltufe, pefiyiñ ta kiñe che ñi wemünentumekefiel ti weküfü eymi tami üy mew, welu iñchiñ katrütufiyiñ kisu am miyawkenolu iñchiñ mew.
25424	LUK 9:54	Feymew ñi epu disipulu Santiaw ka Juan, kimlu ñi femngechi femün ti pu che Samaria mapu mew, feypieyew: —Ñidol, ¿eymi pifulmi kay, werküafuymi ñi nagpayael kütral wenu mapu, chumngechi ñi femel ta Elia tañi apümngeael ta tüfachi pu che?
25427	LUK 9:57	Petu amulelu engün ti rüpü mew, kiñe wentru feypifi ta Jesus: —Ñidol, iñche ayülen tami inayafiel, chew püle rume amulmi.
25429	LUK 9:59	Fey Jesus feypifi ta kangelu wentru: —Inaen. Welu kisu llowdungueyew: —Ñidol, wüne üngüman ñi layael ñi fütakeche, fey wüla inayaeyu.
25431	LUK 9:61	Fey kangelu feypi: —Ñidol, iñche ayülen tami inayafiel, welu wüne chalikünumetuafiñ tañi pu reñma mülelu ruka mew.
25457	LUK 10:25	Kiñe wentru kimeltukelu Moyse ñi ley dungu amuy ñi dungumeafiel ta Jesus, ka tañi kintukaduamafiel, fey ramtufi: —Kimeltufe, ¿chumafun chey tañi nieael ta rumel mongen?
25472	LUK 10:40	Welu Marta, kisu müten mekelu ñi duamngemeken fentren küdaw mew, fülkonpay Jesus mew ka feypifi: —Ñidol, ¿eymi pichi no rume ngüneduamlafimi iñche ñi lamngen? Kisukünuenew kom ñi küdaw mew. Werküfinge tañi kelluaetew.
25473	LUK 10:41	Welu Jesus llowdungueyew: —Marta, Marta, rume küdaweluwküleymi ka weñangküluwküleymi tami dewmayael rume fentren iyael.
25475	LUK 11:1	Kiñe rupa Jesus mekerkey ñi ngillatun kiñe lelfün mew. Fey dew ngillatulu, kiñe ñi pu disipulu feypieyew: —Ñidol, kimeltumuaiñ kay taiñ ngillatuael, chumngechi ta Juan kimeltuy ñi pu disipulu.
25476	LUK 11:2	Feymew Jesus feypifi ñi pu disipulu: —Ngillatulmün, fey ta famngechi feypikeaymün: ‘Chaw Ngünechen wenu mapu mülelu, yamniengepe tami küme üy. Felepe may tami longko ülmenngen tüfachi mapu mew. Chumngechi müngeltuniengeymi wenu mapu ka femngechi müngeltun mülepe tüfachi mapu mew.
25519	LUK 11:45	Feymew llowdungueyew kiñe ti pu wentru kimeltukelu Moyse ñi ley dungu: —Kimeltufe, fey tami feypin mew iñchiñ piñmaltukamupeiñ may.
25541	LUK 12:13	Fey kiñe wentru mülelu tati trokiñche mew, feypifi ta Jesus: —Kimeltufe, feypifinge ñi peñi tañi eluaetew iñche ñi koneltuleelchi chemkün.
25542	LUK 12:14	Feymew llowdungueyew ta Jesus: —Weni, ¿iney anta kueskünuenew femngechi ñi wüdamelafiel eymün tamün nieelchi chemkün?
25569	LUK 12:41	Fey ramtueyew ta Pedro: —Ñidol, ¿nütramelfimi tüfachi adkünu dungu iñchiñngealu müten, kam kakelu chengealu kay?
25599	LUK 13:12	Feymew Jesus pefilu ti domo, mütrümfi ka feypifi: —Papay, dew lifretuymi tami kutran mew.
25757	LUK 17:37	Feymew ramtungey: —Ñidol, ¿chew püle am rupayay tüfachi dungu? Fey Jesus kiñe adkünu dungu mew llowdungufi ñi pu disipulu: —Chew mülele tati la, feyti mew trawüluway tati pu kanin.
25785	LUK 18:28	Fey feypieyew ta Pedro: —Ñidol, iñchiñ ta elkünuiñ kom taiñ niefel ruka mew, fey inawiyiñ.
25798	LUK 18:41	—¿Chem anta ayüleymi tami fürenengeael? Fey ti trawma llowdunguy: —Ñidol, iñche ayülefun tañi pelotuael.
25805	LUK 19:5	Feymew petu rumelu Jesus inafül ti anümka püle, pürakintueyew ka feypieyew: —Sakew, pürüm nagpatunge. Fachantü iñche witranngemean eymi tami ruka mew.
25808	LUK 19:8	Feymew Sakew witrakünuwi ka feypifi ta Ñidol: —Allkütuen, Ñidol, iñche eluafiñ tati pu pofrengelu rangiñ kom tañi nieelchi chemkün: fey weñeñmakefili chem rume ineyngeay rume, wiñoleltuafiñ doy meli rupachi tañi weñeñmakefiel mew.
25839	LUK 19:39	Feymew kiñeke ti pu farisew küpalelu ti pu che mew feypingün: —Kimeltufe, katrütudungufinge tami inanieetewchi pu che ñi wirarkümekenoael engün.
25869	LUK 20:21	Tüfa engün ramtueyew: —Kimeltufe, iñchiñ ta kimnieiñ eymi tami feypikeel ka tami kimeltukeel ñi küme nor dungungen ka tami manelkenofiel tati re küme piwkefaluwkechi che. Eymi ta kimelkeymi chumngechi ñi tutengeael ta Ngünechen ta mongen mew.
25876	LUK 20:28	—Kimeltufe, Moyse ta elkünuleleiñmew ñi wirin dungu femngechi ta kiñe kurengechi wentru lale, fey nienole kiñe fotüm no rume ñi domo mew, fey ti lalu ñi peñi müley ñi kureyetuafiel ti lantu domo femngechi tañi fotümelafiel ñi lachi peñi.
25902	LUK 21:7	Feymew ramtungey: —Kimeltufe, ¿tuntepu mew am müleay tüfachi dungu? ¿Chem wele dungu am müleay ñi kimngeam ñi epe puwkülen ñi rupayael kom tüfachi dungu?
25964	LUK 22:31	Ka femngechi ta Ñidol feypifi ta Pedro: —Simon, Simon, allkütunge. Weküfü ta ngillatupefuy eymün tamün chiñükayaetew kachilla reke.
25967	LUK 22:34	—Ñidol, iñche ta dew eluwkülen tañi amuael ta karsel mew tunte layan rume eymi iñchiw. Feymew Jesus feypifi ta Simon: —Pedro, iñche ta feypiaeyu fachantü müten, petu ñi kakaranon ta alka küla rupa, ‘kimlafiñ’ piaymi.
25973	LUK 22:40	Fey puwlu ti lelfün mew, Jesus feypifi ñi pu disipulu: —Ngillatumün, femngechi tamün wewnoaetew tati kintukaduamchekelu.
25981	LUK 22:48	Welu Jesus feypieyew: —Juda, ¿kiñe truyun chalin mew ngünenmayafimi tati Wentrukünuwpalu?
25991	LUK 22:58	Fey ka pichin mew, kangelu peeyew ka feypieyew: —Eymi ka miyawkeymi Jesus eymu. Fey Pedro llowdunguy: —Weni, iñche no tati.
25993	LUK 22:60	Feymew Pedro feypi: —Weni, kimlan tami chem pifel. Feychi lelen mew müten, Pedro petu dungumekelu, kakaray kiñe alka.
26000	LUK 22:67	—Feypimuiñ, ¿eymi am tati Cristo, Ngünechen tañi werküel? Fey llowdungueyew ta kisu: —‘Feyngey tati’ piwliyiñ, eymün feyentumulayan.
26003	LUK 22:70	Feymew kom ti pu che pürüm ramtufi ta Jesus: —Fey, ¿eymi anta Ngünechen ñi Fotüm? Feymew llowdungueyew ta Jesus: —Eymün ta kisu feypimün iñche ta Ngünechen ñi Fotümngen.
26046	LUK 23:42	Ka femngechi feypi: —Jesus, tukulpayaen ta iñche, longko ülmenkületulmi.
26050	LUK 23:46	Feymew Jesus newentu wirari ka feypi: —Chaw, eymi mew chalintukuan tañi püllü. Fey dew feypilu, aftukuy ñi neyen.
26159	JHN 1:46	Fey Natanael feypi: —¿Chem küme dungu am tripayafuy Nasaret waria mew? Fey Felipe llowdungufi ta Natanael: —Küpange, fey küme kimafimi tati wentru.
26162	JHN 1:49	Fey Natanael feypifi ta Jesus: —Kimeltufe, ¡eymi ta rüf mew Ngünechen ñi Fotüm! ¡Eymi ta israelche ñi longko ülmen!
26191	JHN 3:2	Tüfa amurkey pun ñi witrankontumeafiel ta Jesus, fey feypifi: —Kimeltufe, kimnieiñ Ngünechen tami werküetew taiñ kimeltumuafiel, fey chem che no rume femlayafuy tati afmatufal dungu eymi tami femkeel, mülenole ta Ngünechen ta tüfeychi che mew.