23243	MAT 2:5	Fey kisu engün feypi: —Belen waria mew Judea trokiñ mapu mew, chumngechi tañi wirikünuel ti pelon wentru:
23246	MAT 2:8	Feymew werküfi ñi amuael engün ta Belen, fey ka feypifi: —Amumün üyew, ka küme inaramtupuafimün ñi chumngechi pichichengen tati püñeñ, fey pefilmün, kimelelmupatuan, tañi amuael kay ta iñche ñi püramyeafiel ngillatun mew ti pichiche ―pi.
23275	MAT 3:14	Welu Juan pilafuy tañi fawtisayaetew, fey ka feypieyew: —Eymi may ta felefuy tami fawtisayafiel, fey ¿chumngelu am eymi küpaymi iñche mew?
23276	MAT 3:15	Fey Jesus llowdungufi ta Juan: —Fey tüfa famngechi felepe. Doy kümey tayu femael kom tañi feypikünuelchi werkün dungu ta Ngünechen. Feymew wüla ta Juan eluwi ñi fawtisayafiel ta Jesus.
23281	MAT 4:3	Fey tati weküfü fülkontufi ta Jesus ñi kintukaduamafiel, ka feypifi: —Rüf dungu mew Ngünechen ñi Fotümngelmi, werkünge tañi kofkewtuael ta tüfachi pu kura.
23282	MAT 4:4	Welu Jesus ta llowdungueyew: —Tati Wirin Chillka ta feypiley: ‘Re kofke mew müten mongeluwkelay ta che, welu may mongeleay Ngünechen ñi dungu mew.’
23284	MAT 4:6	Ka feypifi: —Rüf dungu mew Ngünechen tañi Fotümngelmi, ütrüfnagümuwnge tüfa mew, tati Wirin Chillka am feypilelu: ‘Ngünechen ta werküay tañi pu werken püllü tami llüwatunieaetew. Fey pürüm witrañpüramaeymew engün tañi kuwü mew, femngechi tami allfüpunoael ti pu kura mew.’
23285	MAT 4:7	Fey Jesus llowdungueyew: —Ka femngechi feypiley tati Wirin Chillka: ‘Kintukaduamkefilnge tami Ñidol Ngünechen.’
23287	MAT 4:9	fey feypifi: —Püramyeeli ngillatun mew, iñche eluaeyu kom tami peel.
23288	MAT 4:10	Fey Jesus ta llowdungueyew: —Kiñe püle tripange, weküfü. Tati Wirin Chillka feypiley: ‘Püramyeafimi ngillatun mew ka poyeafimi tami Ñidol Ngünechen müten.’
23421	MAT 8:7	Fey Jesus llowdungufi ti kapitan: —Amuan tañi tremolafiel.
23424	MAT 8:10	Jesus allkülu tüfachi dungu afmatulewey, fey feypifi ti pu che ñi inanieetew: —Rüf dungu feypiwayiñ iney no rume ngelay israelche mew fente feyentulelu tüfachi wentru reke.
23427	MAT 8:13	Feymew müten Jesus feypifi tati kapitan: —Amutunge tami ruka mew. Felepe kom chumngechi tami feyentun. Feychi lelen mew müten tañi kona tremolewetuy.
23434	MAT 8:20	Fey Jesus llowdungufi ti wentru: —Tati pu ngürü niey engün ta lolo ka tati pu üñüm niey engün ñi dañe, welu tati Wentrukünuwpalu nielay chew tañi küme kansatuam.
23436	MAT 8:22	Feymew Jesus llowdungufi ti wentru: —Eymi inaen, fey elkünufinge tati pu che la reke felelu ñi rüngalafiel tati pu la.
23460	MAT 9:12	Fey Jesus allkülu ñi feypin engün, fey feypieyew: —Tati külfünkülelu ka mongelelu duamlay engün ta lawentuchefe, welu tati pu kutran may ta duami ta lawentuchefe.
23462	MAT 9:14	Fey Juan tati Fawtisachefe tañi pu disipulu fülkonpuy engün ta Jesus mew, fey ka ramtupufi: —Iñchiñ ka tati pu farisew ayunakeiñ, fey ¿chumngelu am tami pu disipulu kay ayunakelay engün?
23466	MAT 9:18	Petu dungumekelu ta Jesus, akuy kiñe longkolelu tati pu judiu mew, fey lukutunagi kisu ñi fülpüle ka feypieyew: —Tañi ñawe fewla we lapey, welu eymi amulmi ka fampuwülelfilmi tami kuwü, fey wiñomongetuay.
23472	MAT 9:24	fey feypipufi ti pu che: —Tripatumün ta tüfa mew. Tüfachi pichidomo ta lalay. Re umawküley müten. Fey Jesus ayeñeeyew ti pu che,
23477	MAT 9:29	Feymew Jesus idañmafi ñi nge tati epu trawma, ka feypifi: —Femngechi felepe chumngechi tamu feyentulen ta eymu.
23478	MAT 9:30	Fey pelotuy engu. Feymew Jesus ta fente küme feypifi tati epu wentru: —Feypilayafimu iney no rume femngechi tañi kimngenoael tüfachi dungu.
23482	MAT 9:34	Welu tati pu farisew feypiyey engün: —Tati longkolelu ti pu weküfü mew elufi tüfachi wentru feychi pepiluwün tañi wemünentuafiel tati pu weküfü.
23485	MAT 9:37	Feymew feypifi tañi pu disipulu: —Rüf dungu mew pütrüley ta kosecha, welu küdawfe rume pichiley.
23560	MAT 12:2	Fey ti pu farisew pefilu tüfa, feypifi engün ta Jesus: —Tüfey tami pu disipulu ñi fempeel kümelay ñi femael ta ürkütun antü mew.
23568	MAT 12:10	Tüfey mew müley kiñe wentru lañmalelu ñi kiñe kuwü. Fey ti pu farisew inayawületew am re koyla ngünen mew ñi feypintukuafiel ta Jesus, fey ramtueyew engün: —Tañi tremolngeael ta kiñe kutran ürkütun antü mew, ¿feley kam felelay?
23571	MAT 12:13	Feymew feypifi ta tiyechi wentru lañmalelu ñi kuwü: —Norümentunge tami kuwü. Fey ti wentru norümentuy ñi kuwü, fey küme tremolewetuy ti kangelu kuwü reke.
23597	MAT 12:39	Fey Jesus llowdungueyew: —Eymün wesake piwkengelu ka müngeltukenolu. Ayükeymün tamün peael afmatufal dungu, welu pengeleluwlayayiñ kangelu afmatufal dungu, dew kimnielu am eymün tati pelon wentru Jona ñi rupaelchi afmatufal dungu mew.
23605	MAT 12:47	Fey feypingey ta Jesus: —Tami ñuke ka tami pu peñi wekuntu mülepay. Ayüley engün tami dunguaetew.
23607	MAT 12:49	Feymew, adkintufi tañi pu disipulu, fey feypifi: —Tüfa engün may ta iñche ñi ñuke ka tañi peñi.
23660	MAT 13:52	Feymew Jesus feypifi ti pu disipulu: —Kom tati kimeltukelu Moyse tañi ley dungu ka küme adümlu Ngünechen tañi longko ülmenngen, kiñe ngen ruka reke ta feley, fey kom tañi nieelchi weke chemkün ka kuyfintuwkülechi chemkün mew, kake kiñeke kimniefi ñi tunteke falin.
23665	MAT 13:57	Feymew pilay engün tañi allkütuael, welu Jesus feypifi ti pu che: —Kom püle ta yamngekey kiñe pelon wentru, welu kisu tañi mapu mew femngekelay ka tañi ruka mew no rume.
23674	MAT 14:8	Feymew ñi ñuke ñi feypietew mew, feypi tati üllchadomo: —Eluen kiñe rali mew Juan ti Fawtisachefe tañi longko.
23681	MAT 14:15	Fey dew putrafialu am, ñi pu disipulu fülkontueyew ka feypieyew: —Dew putrafiay, ka lelfüntripaleiñ. Feymew chalitufinge tati pu che, ñi amutuael ta waria mew ñi ngillayael ta iyael.
23682	MAT 14:16	Fey Jesus llowdungufi ñi pu disipulu: —Ngelay tañi amutuael engün. Eymün eluafimün ta iyael.
23683	MAT 14:17	Fey kisu engün llowdunguy: —Nielaiñ iyael ta tüfa mew. Kechu kofke ka epu challwa müten nieiñ.
23684	MAT 14:18	Jesus feypifi ñi pu disipulu: —Küpalelmuchi ti kofke ka ti challwa.
23695	MAT 14:29	—Küpange may ―pi ta Jesus. Feymew Pedro tripay ti pichi farku mew, fey llituy ñi trekayael wente ko ñi puwael ta Jesus mew.
23712	MAT 15:10	Feymew müten Jesus mütrümfi tati pu che ka feypifi: —Allkütumün ka küme kimaymün:
23715	MAT 15:13	Kisu llowdungufi ñi pu disipulu: —Femkünukafimün müten. Chem anümka rume tañi wenu mapu Chaw ñi anümnoel, ngeduentungeay folilkülen. Trawma reke feley engün, tati rüpütulkefilu ta kakelu trawma. Kiñe trawma rüpütulfile ta kangelu trawma, mür ütrüfkonafuyngu ta kiñe lol mew.
23717	MAT 15:15	Feymew feypieyew ta Pedro: —Küme kimelmuiñ tami feypimupefielchi dungu.
23725	MAT 15:23	Welu Jesus chem llowdungulay rume. Feymew ñi pu disipulu fülkonpuy kisu mew ka llellipungey: —Feypifinge ta tüfachi domo tañi amutuael, wirarkülen am inaniepaetew ta iñchiñ.
23726	MAT 15:24	Fey Jesus feypi: —Ngünechen ta werküenew tati Israel trokiñche mew müten, tati ñamkülechi ufisa reke felelu.
23728	MAT 15:26	Jesus llowdungueyew: —Kümelay ñi müntuñmangeael ñi kofke tati pu fotüm fey ñi elungeael tati pu trewa.
23734	MAT 15:32	Jesus mütrümfi tañi pu disipulu, ka feypifi: —Rume kutranpiwkeyefiñ tati pu che ta küla antü dewma ñi mülepan ta tüfa mew iñche engün ka chem rume niewelay engün tañi iyael. Ayülelan tañi amutuael engün ñi ruka mew petu tañi inon tati pu che. Rume ngüñüle tranapuafuy engün rüpü mew.
23735	MAT 15:33	Fey tañi pu disipulu feypieyew: —Welu ¿chew am entulelafiyiñ fentren iyael tüfachi fentren chengealu? Tüfachi lelfün mapu mew ngelay kiñe rukache no rume.
23736	MAT 15:34	Fey Jesus ramtufi ñi pu disipulu: —¿Tunten kofke am nieymün ta eymün? —Regle kofke, ka kiñe mufün pichike challwa ―llowdunguy kisu engün.
23747	MAT 16:6	Feymew Jesus feypifi ñi pu disipulu: —Inaduamfimün ka kuñiwtuwmün tati pu farisew ka tati pu sadusew ñi lefawra mew.
23754	MAT 16:13	Feymew Jesus puwlu Sesarea Filipo tañi trokiñ mapu mew, ramtufi tañi pu disipulu: —Tati pu che, ¿iney pikeenew anta iñche, tati Wentrukünuwpalu?
23755	MAT 16:14	Kisu engün llowdungueyew: —Kiñeke che Juan ti Fawtisachefe pikeeymew. Ka kiñeke Elia pikeeymew, ka kiñeke Jeremia pikeeymew ka kiñeke kakelu pu pelon wentru pikey.
23756	MAT 16:15	—Eymün kay, ¿iney pimuken anta iñche? ―ramtungey engün.
23757	MAT 16:16	Fey Simon Pedro llowdungueyew: —Eymi lle tati Cristo, tati rumel mongelekechi Ngünechen tañi Fotüm.
23758	MAT 16:17	Feymew Jesus feypifi ta Simon Pedro: —Sakinngeymi eymi, Simon, Jona tañi fotüm. Iney no rume mülelu tüfachi mapu mew feypilaeymew ta tüfachi dungu, tañi Chaw wenu mapu mülelu fey may ta kimeleymew tati.
23765	MAT 16:24	Feymew müten Jesus feypifi tañi pu disipulu: —Iney rume ayüle iñche ñi disipulungeael, kisu ngüyünentuwpe, ka eluwkülepe ñi kutrankawael ta kürus mew ngeay rume, fey inaechimew.
23778	MAT 17:9	Fey petu nagpatulu engün tati wingkul mew, Jesus feypifi ñi küla pu disipulu: —Iney no rume ta nütramel-layafimün tamün peelchi dungu, wiñomongetule wüla tati Wentrukünuwpalu küpalu ta wenu mapu.
23780	MAT 17:11	Fey Jesus llowdungufi ñi pu disipulu: —Feyngey tañi wüne küpayafel ta Elia, kisu ñi kom küme elafiel ta dungu.
23789	MAT 17:20	Fey Jesus llowdungufi ñi pu disipulu: —Eymün am müna pichin mupiltun nielu. Rüf dungu feypiwayiñ niefulmün ta mupiltun, kiñe pichi fün mostasa fenteafuy rume, fey feypifilmün tüfachi wingkul: ‘Tripatunge ta tüfa mew. Kañpüle amutunge’, tati wingkul ta engkef tripayafuy. Chem rume ta kisu ngünewlayafuy.
23791	MAT 17:22	Petu miyawlu kiñentrür ñi disipulu engün Galilea tañi trokiñ mapu mew, Jesus feypifi ñi pu disipulu: —Iñche tati Wentrukünuwpalu ta chalintukungean tati pu wentru mew.
23795	MAT 17:26	Fey Pedro llowdungufi ta Jesus: —Kofrakefi tati kakelu pu che. Fey Jesus feypi: —Feley tati, Pedro. Kümey tami piel. Chumngechi tati longko ülmen ñi pu yall ngelay ñi kulliael chem impuestu no rume, ka femngechi ngelafuy Ngünechen ñi pu yall ñi kulliael ti impuestu ta Ngünechen ñi ngillatuwe rukangealu.
23799	MAT 18:3	ka feypi: —Rüf dungu feypiwayiñ eymün we rakiduam nietunolmün kiñe pichiche reke, konpulayaymün ta Ngünechen ñi ülmen mülewe mew.
23818	MAT 18:22	Jesus llowdungueyew: —Regle rupachi müten pipelaeyu. Regle mari rupa regle pin may.
23839	MAT 19:8	Fey Jesus feypifi ti pu farisew: —Re tamün wesa yafü piwkengen mew ta eymün, Moyse elueymünmew tamün wüdayael tamün kure. Llituka mew ta ngelafuy feychi dungu.
23841	MAT 19:10	Fey Jesus tañi pu disipulu feypieyew: —Feychi dungu felele ñi femael ta wentru ñi kure mew, kümelay ta kurengen.
23842	MAT 19:11	Fey Jesus llowdungufi ñi pu disipulu: —Kom che ta pepi ngüneduamlayay ta tüfachi dungu, tiyechi pu che müten ta Ngünechen ñi eluetew ñi ngüneduamafiel.
23845	MAT 19:14	Feymew Jesus feypifi ñi pu disipulu: —Elufimün ti pichikeche ñi küpayael iñche mew. Katrütukefilmün. Ngünechen ñi ülmen mülewe mew koneltuley tati kisu engün reke femngelu.
23847	MAT 19:16	Kiñe weche wentru amuy ñi pemeafiel ta Jesus, fey ka ramtupufi: —Küme piwke kimeltufe, ¿chem küme dungu am feman tañi nieael rumel mongen?
23851	MAT 19:20	—Femken ta kom feychi dungu. ¿Ka chem am petu faltay? ―pi tati weche wentru.
23852	MAT 19:21	Jesus llowdungueyew: —Ayülmi tami nieael nor mongen, amunge, fendenge tami nieel ka elufinge tati pu nienolu chem no rume. Femngechi fütra küme felen nieaymi ta wenu mapu mew. Fey küpange ka inaen.
23854	MAT 19:23	Feymew Jesus feypifi tañi pu disipulu: —Rüf dungu feypian rume küdawngey kiñe riku ñi konpuael Ngünechen ñi ülmen mülewe mew.
23857	MAT 19:26	Jesus adkintufi ñi pu disipulu ka llowdungufi: —Che ñi pepilnoel, Ngünechen ta pepilniey.
23858	MAT 19:27	Feymew feypieyew ta Pedro: —Iñchiñ elkünuiñ kom taiñ niekefel fey ka inawiyiñ. ¿Chem am llowaiñ?
23859	MAT 19:28	Fey Jesus llowdungufi ñi pu disipulu: —Rüf dungu feypiwayiñ, puwle tati antü kom tañi wengetuael, feychi mew tati Wentrukünuwpalu mapu mew anüle tañi afmafalchi ülmen mülewe mew, eymün am feyentumufiel feymew ka femngechi anüaymün ta mari epu ülmen mülewe mew tamün ramtukadunguafiel Israel tañi mari epu trokiñche.
23879	MAT 20:18	—Fewla ngüneduamaymün taiñ amulen ta Jerusalen, chew ta chalintukungean tati longkolelu pu saserdote mew ka tati pu kimeltukelu tati ley dungu mew, ka kondenangean fey tañi langümngeael.
23882	MAT 20:21	Feymew Jesus ta ramtueyew: —¿Chem anta duamimi? Fey tati domo feypi: —Tami longko ülmen mülewe mew kiñe tañi epu püñeñ anüpupe eymi tami man ad püle, fey kangelu ñi püñeñ, tami wele ad püle.
23883	MAT 20:22	Jesus ta llowdunguy: —Eymu kimlaymu tamu ngillatupeel. ¿Putuafuymu am tati füre pulku tañi putuael ta iñche? ¿Ka femngechi fawtisangeafuymu chumngechi fawtisangen ta iñche? Fey kisu engu feypi: —May, putuafuyu.
23884	MAT 20:23	Feymew Jesus feypifi ñi epu disipulu: —Eymu ta putuaymu ta tüfachi füre pulku, ka fawtisangeaymu chumngechi fawtisangen ta iñche, welu tamu anüpuael iñche tañi man ad püle kam tañi wele ad püle iñche ta koneltulelan tañi feypiael. Tañi Chaw müten kimniey iney tañi füreneafiel.
23886	MAT 20:25	Welu Jesus mütrümfi ñi pu disipulu, feymew feypifi: —Eymün ta kimnieymün tati pu longkoleyelu tüfachi pu trokiñche mew rume ñidolkawkülekey engün, ka tati fütrake longkolelu ayükey engün kom che tañi kimael ñi longkolen engün.
23897	MAT 21:2	fey feypifi: —Amumu tati adkiñkülechi waria mew. Fey tiye mew pepuaymu ta kiñe kude furiku trapelkülelu kiñe pichi furiku inafül mülelu. Nentutrapelafimu, fey küpalelmuan.
23906	MAT 21:11	Fey tati pu che llowdunguwi engün: —Jesus tati, ti pelon wentru Nasaret waria tuwlu, Galilea trokiñ mapu mew.
23908	MAT 21:13	ka feypifi: —Tati Wirin Chillka mew wirikonküley: ‘Iñche tañi ruka ngillatuwe ruka pingey’, welu eymün nietufimün weñefe ñi ruka reke.
23916	MAT 21:21	Fey Jesus ta llowdungufi ñi pu disipulu: —Rüf dungu feypiwayiñ nielmün ta mupiltun, ka femngechi epu rakiduamkülenolmün, fey tüfachi dungu müten ta pepi femlayaymün iñche tañi femfiel tati igera. Eymün ta feypifilmün ta tüfachi wingkul: ‘Kiñe püle tripange ta tüfa mew ka ütrüfkonpunge ta lafken mew’, fey femngechi femay.
23919	MAT 21:24	Jesus llowdungueyew feypilen mew: —Iñche ka ramtuwayiñ kiñe dungu. Fey küme llowdungulelmuli, iñche ta ka feypiwayiñ iney ñi werküetew tañi femael iñche tüfachi dungu.
23922	MAT 21:27	Feymew llowdungufi engün ta Jesus: —Kimlaiñ iney tami werküetew. Feymew Jesus llowdunguy: —Iñche ka feypiwlayayiñ iney tañi werküetew tañi femael tüfachi dungu.
23926	MAT 21:31	¿Fey chuchi anta tüfachi epu fotüm femi tañi chaw tañi werküetewchi dungu? —Tati wünelu mew werküel ―pi ñi llowdungun engün. Fey Jesus ta feypifi tati pu longkolelu: —Rüf dungu feypiwayiñ tati pu kofrakelu impuestu Romangealu, ka tati pu küri domo, tañi feyentun mew ta wünelu mew konpuay engün ta Ngünechen ñi ülmen mülewe mew,
23936	MAT 21:41	Fey llowdungungey: —Langümafi tati wesake che fey tañi pichi kutranduamyenofiel rume, fey arendaltuafi tañi mapu kakelu pu küdawfe tañi eluaetew tañi koneltuleelchi fün ofad puwle tañi kosechangeael.
23959	MAT 22:18	Jesus kimüñmaeyew tañi wesa rakiduamkülen engün, fey feypieyew: —Koyla ngünenngelu, ¿chumngelu anta kintukaduammupen?
23962	MAT 22:21	Fey llowdungungey: —Tati emperador tañi üy ka tañi ange tatey ―pirkey engün. Feymew feypi ta Jesus: —Elufimün tati emperador kisu tañi koneltuleel, ka elufimün ñi koneltuleel ta Ngünechen.
23983	MAT 22:42	Jesus ta ramtufi ti pu farisew: —¿Chem rakiduamküleymün am tati Cristo mew? ¿Iney am ñi tuwünchengey? Llowdungungey: —David tañi tuwünche.
24029	MAT 24:3	Feymew ka amuy engün ti Olifu pingechi wingkul mew. Jesus anükünuwpuy, fey tati pu disipulu fülkontueyew tañi wichu ramtuaetew: —Duamnieiñ tami feypimuafiel chumül tañi rupayael ta feychi dungu. ¿Chem wele dungu am müleay ta wiñometualmi ka afale ta tüfachi mapu?
24030	MAT 24:4	Jesus ta llowdungufi ñi pu disipulu: —Kuñiwtuwküleaymün iney rume tamün ngünenkanoaetew.
24138	MAT 26:15	fey feypifi: —¿Tunten pülata anta elumuafun kay? Fey iñche chalintukuleluwafuiñ ta Jesus ―pi. Fey kisu engün feypi ñi tunte wülael: —Küla mari moneda pülata ―pingey.
24141	MAT 26:18	Fey Jesus ta llowdungueyew: —Amumün ta waria mew, kiñe wentru tañi ruka mew, fey feypiafimün: ‘Tati kimeltufe ta feypi: Fülpay tañi ora, fey amuan tami ruka mew tañi kiñentrür ayüwael ti Paskua kawiñ mew tañi pu disipulu iñchiñ.’
24144	MAT 26:21	Fey petu ilu engün, Jesus feypirumefi tañi pu disipulu: —Rüf dungu feypiwayiñ kiñe ta eymün ellka wültukuaenew.
24146	MAT 26:23	Jesus ta feypi: —Tati ifontukulu tañi kofke iñche engu, fey ta ellka ngünenmayaenew.
24149	MAT 26:26	Fey petu ilu engün, Jesus nüy tañi kuwü mew ta kofke. Fey rupan mañumtufilu ta Ngünechen, wükafi ti kofke. Fey ka eluyefi tañi pu disipulu, feypilen mew: —Imün tüfa ta iñche tañi kuerpu.
24150	MAT 26:27	Feymew müten ka nüy kiñe kopa tañi kuwü mew. Fey rupan mañumtufilu ta Ngünechen, fey eluyefi ta kisu engün, feypilen mew: —Kom eymün putumün ta tüfachi kopa mew.
24154	MAT 26:31	Feymew Jesus ta feypi: —Fey tüfachi pun kom eymün ta niewetulayaymün maneluwün ta iñche mew. Femngechi feypiley tati Wirin Chillka: ‘Langümafiñ tati kamañ. Fey tati pu ufisa kom püd tripayay engün.’
24156	MAT 26:33	Fey Pedro ta llowdungueyew: —Tunte kom elkünutuay engün rume tañi maneluwün eymi mew, welu iñche femlayan.
24157	MAT 26:34	Jesus feypifi ta Pedro: —Rüf dungu feypiaeyu ta tüfachi pun müten, petu ñi kakaranon ta alka ‘kimlafiñ’ piaymi ta küla rupachi.
24158	MAT 26:35	Pedro ta feypieyew: —Tunte layan rume eymi iñchiw, ‘kimlafiñ’ pilayan. Fey kom tati pu disipulu ka femngechi feypi engün.
24159	MAT 26:36	Feymew müten amuy ta Jesus tañi pu disipulu engün Getsemani pingechi lelfün mew, fey feypifi tañi pu disipulu: —Mülewemün tüfa mew. Iñche amuan tiye mew tañi ngillatuael.