23240	MAT 2:2	Fey akulu ta Jerusalen waria mew, famngechi ramtuyawi engün: —¿Chew anta müley tati pu judiu tuwünche tañi longko ülmen, tati we choyüngelu? Pefiyiñ ti wangülen ñi küdetunagkülen chew ñi choyüngemum ti Cristo, feymew küpaiñ taiñ püramyeafiel ngillatun mew ―pi engün.
23440	MAT 8:26	Fey kisu llowdunguy: —¿Chumngelu anta fente llükaymün? ¡Müna pichin mupiltun nieymün ta eymün! Feymew feypikünulu, witrapüray, fey werküfi tati kürüf ka ti rew lafken ñi tüngnagael. Feymew ti kürüf ka ti rew lafken tüngkülewetuy.
23452	MAT 9:4	Jesus am kimnielu tañi femngechi rakiduamkülen engün, fey ramtufi ti pu wentru: —¿Chumngelu anta fente wesa rakiduamküleymün ta eymün?
23459	MAT 9:11	Fey tati pu farisew, pefilu tüfachi dungu, ramtufi engün Jesus tañi pu disipulu: —¿Chumngelu am tamün kimeltufe kiñentrür imekey tati kofrakelu impuestu ka ti pu yafkafe engün?
23463	MAT 9:15	Jesus llowdungueyew: —¿Weñangküleafuy am tati pu mangelngelu kiñe mafün mew, petu tañi mülen tati nofio ta kisu engün mew? Welu akuay ti antü ñi yengetuael tati nofio, fey wülake ta ayunayay engün.
23476	MAT 9:28	Feymew Jesus konpulu ti ruka mew, tati epu trawma fülkontueyew, fey Jesus ramtufi ti epu trawma: —¿Feyentuymu anta eymu iñche tañi pepi femael ta tüfachi dungu? —May, Ñidol ―llowdunguy ti epu wentru.
23561	MAT 12:3	Fey Jesus llowdunguy: —¿Kimlaymün am ñi chumün ta David kiñe rupa kisu ka tañi pu kompañ ngüñülu engün?
23569	MAT 12:11	Jesus llowdungufi ti pu che: —¿Fey eymün chem piaymün kay? Iney rume niele kiñe ufisa, fey ti ürkütun antü mew ütrüfkonle ti ufisa kiñe rüngan mew, ¿nentupetulayafuy may?
23606	MAT 12:48	Welu Jesus llowdungufi tañi feypietew: —¿Iney am tañi ñuke, ka iney engün am tañi peñi?
23659	MAT 13:51	Fey Jesus ramtufi ñi pu disipulu: —¿Adümimün kay eymün kom tüfachi dungu? —May, Ñidol ―llowdunguyngün.
23662	MAT 13:54	fey puwtuy Nasaret waria mew. Tüye mew eluwpuy tañi kimeltuael tati mülechi sinagoga mew. Fey tati pu che afmatulen feypingün: —¿Chew am kimeltungey tüfachi wentru kom tañi adümelchi dungu? ¿Chumngechi am pepi pengeli tati afmatufal pepiluwün?
23704	MAT 15:2	—¿Chumngelu am tami pu disipulu ta müngeltukelay iñchiñ taiñ fütake laku em tañi wimtun dungu? ¿Chumngelu am wüne küchakelay tañi kuwü petu tañi inon engün?
23705	MAT 15:3	Feymew ramtueyew Jesus: —¿Chumngelu am kay ta eymün müngeltukelafimün Ngünechen tañi werkün dungu tamün inayael kisuke tamün dewmaelchi wimtun dungu?
23714	MAT 15:12	Feymew tati pu disipulu fülkonpuy engün ta Jesus mew ka ramtueyew: —¿Kimimi am tañi wesa duamün tati pu farisew allkülu engün tami femngechi feypin mew ta eymi?
23718	MAT 15:16	Fey Jesus llowdunguy: —¿Eymün ta ka femngechi kimlaymün?
23736	MAT 15:34	Fey Jesus ramtufi ñi pu disipulu: —¿Tunten kofke am nieymün ta eymün? —Regle kofke, ka kiñe mufün pichike challwa ―llowdunguy kisu engün.
23748	MAT 16:7	Fey ti pu disipulu welukonkechi feypiwi engün: —¿Fey tüfachi dungu feypipelaeiñmew taiñ küpalnon mew ta kofke?
23749	MAT 16:8	Jesus am kimnielu ñi femngechi rakiduamkülen engün, fey feypifi ñi pu disipulu: —¿Chumngelu anta ‘nielaiñ kofke’ pipeymün? ¡Rume pichin feyentun nieymün ta eymün!
23779	MAT 17:10	Fey tañi pu disipulu ramtueyew: —¿Chumngelu am feypikerkey tati pu kimeltukelu tati ley dungu Elia tañi wüne küpayael tati Cristo mew?
23788	MAT 17:19	Fey wüla ñi pu disipulu wichu nütramkaeyew, fey ramtueyew: —¿Chumngelu am iñchiñ pepi wemünentulafiyiñ tati weküfü?
23793	MAT 17:24	Feymew Jesus ka tañi pu disipulu puwlu engün ta Kapernaum waria, tati pu kofrakelu impuestu ta ngillatuwe rukangealu amuy engün ñi pemeafiel ta Pedro, ka ramtufi engün: —¿Tami kimeltufe kullikelay ta impuestu tati ngillatuwe rukangealu?
23794	MAT 17:25	—May, kullikey ta kisu ―llowdunguy ta Pedro. Fey Pedro konputulu ruka mew, Jesus ramtufemeyew: —¿Eymi chumngentufimi kay, Pedro? Kiñe longko ülmen wentru ta tüfachi mapu mew, ¿ineykechi am kofrakefi impuestu: kisu tañi pu yall kam ti kakelu pu che?
23797	MAT 18:1	Feychi mew müten tati pu disipulu fülkonpuy Jesus mew, fey ramtufi engün: —¿Iney anta doy sakifali ta Ngünechen tañi ülmen mülewe mew?
23834	MAT 19:3	Kiñeke ti pu farisew fülkonpuyngün ta Jesus mew re ngünen mew tañi ramtuafiel, fey feypieyew: —¿Kümey am kiñe wentru ñi wüdakureael chem dungu mew rume?
23835	MAT 19:4	Feymew Jesus llowdungufi ti pu farisew: —¿Adümlafimün am tati wirikonkülechi dungu ta llituka mew müten, feychi dewmangelu ta wentru domo engu?
23838	MAT 19:7	Feymew ramtueyew engün: —¿Chem mew ürke am Moyse werküfi ta wentru ñi eluafiel kiñe wirin dungu ñi kure tañi wüdafiel?
23848	MAT 19:17	Jesus llowdungueyew: —¿Chem mew anta küme piwke kimeltufe pien? Kiñeley müten tati küme piwkengelu. Welu ayülmi tami nieael tati rumel mongen, müngeltuafimi tati werkün dungu.
23849	MAT 19:18	—¿Chuchi werkün dungu am? ―ramtuy tati weche wentru. Fey Jesus llowdungueyew: —‘Langümchekilnge, ñiwaldomokilnge, weñekilnge, üñfitukefilnge koyla dungu mew ta kangelu,
23882	MAT 20:21	Feymew Jesus ta ramtueyew: —¿Chem anta duamimi? Fey tati domo feypi: —Tami longko ülmen mülewe mew kiñe tañi epu püñeñ anüpupe eymi tami man ad püle, fey kangelu ñi püñeñ, tami wele ad püle.
23893	MAT 20:32	Feymew Jesus witrakünuwi ka mütrümfi tati epu trawma, fey ramtufi: —¿Chem duamnieymu am tamu kelluwafiel?
23905	MAT 21:10	Feychi Jesus konpulu ta Jerusalen, kom tati pu waria che pofolkawi, ka rume fentren che welukonkechi ramtuwi engün: —¿Iney anta tüfachi wentru?
23911	MAT 21:16	Feymew feypifi engün ta Jesus: —¿Allküymi am tañi feypimeken tüfachi pichikeche? Fey llowdungueyew ta Jesus: —May, allküñmafiñ. Welu ¿adümlafimün anta eymün tati wirikonkülechi dungu ta Wirin Chillka mew? Fey feypiley: ‘Ayüwimi tami püramyeaetew tati pu pichikeche ka tati pu llusu pichikeche.’
23915	MAT 21:20	Fey tati pu disipulu, pefilu engün am ti igera ñi angkülewen, afmatulewey ka ramtuy engün: —¿Chumngechi am fente müchay angküy tati igera?
23918	MAT 21:23	Dew rupalu kom tüfachi dungu, Jesus konpuy ti ngillatuwe ruka ñi lepün mew. Fey mülepulu tüfey mew ka kimeltumekelu, fülkontupueyew tati pu longkolelu ti pu saserdote mew ka ti pu longkolelu tati pu judiu mew, fey ramtufi engün ta Jesus: —¿Iney am werküeymew tami femael tüfachi dungu? ¿Iney anta elueymew ta tüfachi pepiluwün?
23923	MAT 21:28	Feymew Jesus ta ramtufi tati pu longkolelu: —¿Chem piafuymün kay eymün tüfachi dungu mew? Kiñe wentru nierkey epu fotüm, fey feypifi kiñe ñi fotüm: ‘Fotüm, amunge tami küdawael iñche tañi ofadentu mew.’
23937	MAT 21:42	Feymew Jesus feypifi ti pu che: —¿Kimlaymün am ñi feypilen tati Wirin Chillka? Feypiley: ‘Tati pu dewmakelu ruka tañi illamelchi kura, fey tüfa ta dullin kurangetuy. Ñidol tañi femkünuel ta tüfa, fey ta afmatuleiñ.’
23961	MAT 22:20	fey Jesus ramtuy: —¿Iney ñi ange am adentuley ka iney ñi üy wirintukuley ta tüfa mew?
23983	MAT 22:42	Jesus ta ramtufi ti pu farisew: —¿Chem rakiduamküleymün am tati Cristo mew? ¿Iney am ñi tuwünchengey? Llowdungungey: —David tañi tuwünche.
23984	MAT 22:43	Feymew Jesus feypifi: —¿Fey David, dungulu ti Küme Püllü ñi pepiluwün mew, chumngelu am Ñidol pifi kisu ñi yomelchengele? David am ta feypilu:
24028	MAT 24:2	Jesus feypieyew engün: —¿Pefimün am eymün kom ñi chumlen tüfachi ngillatuwe ruka? Rüf dungu feypiwayiñ, fey tüfachi ngillatuwe ruka mew ta ngewelayay kiñe kura no rume welu rentrolealu. Kom teyfükangeay.
24131	MAT 26:8	Tati pu disipulu pefilu engün, lladküy ka eluwi tañi feypiael engün: —¿Chumngelu anta ngünamkangey ta tüfachi perfume?
24133	MAT 26:10	Jesus ta allküy, fey feypieyew engün: —¿Chumngelu anta filladtupefimün ta tüfachi domo? Fey tüfa tañi femetew mew rume kümelkaenew tati.
24138	MAT 26:15	fey feypifi: —¿Tunten pülata anta elumuafun kay? Fey iñche chalintukuleluwafuiñ ta Jesus ―pi. Fey kisu engün feypi ñi tunte wülael: —Küla mari moneda pülata ―pingey.
24140	MAT 26:17	Fey wüne llituelchi antü tati kawiñ mew ñi ingekemum tati lefawrangenochi kofke, tati pu disipulu fülkonpuy ta Jesus mew, fey ka ramtufi engün: —¿Chew anta küpa pepikalngeymi tati pun iyael?
24163	MAT 26:40	Feymew müten küpatuy chew ñi mülemum tañi pu disipulu, fey pepatufi ñi umawkülen. Fey feypifi ta Pedro: —¿Kiñe ora rewall anta pepi trepelelaymün?
24168	MAT 26:45	Feymew wiñotuy chew tañi mülemum tati pu disipulu, fey feypifi: —¿Amukonküley tamün umawkülen ka tamün kansatulen? Akuy tati ora tañi chalintukungeael tati Wentrukünuwpalu tati pu yafkafe wentru mew.
24178	MAT 26:55	Feymew müten Jesus ramtuyefi tati pu che: —¿Chumngelu anta küpalnieymün ta wayki ka mamüll tamün püresumuafiel iñche ta kiñe malochefengelu reke? Fill antü ta kimeltumekeken ta ngillatuwe ruka mew, welu turpu püresumukelafun.
24185	MAT 26:62	Feymew tati Wünen Longko Saserdote witratripay, ka ramtufi ta Jesus: —¿Chem llowdungulaymi rume? ¿Chem dungu anta tüfa tami femngechi feypintukumekengen?
24202	MAT 27:4	fey feypifi: —Yafkan tañi chalintukufiel mew tañi langümngeael ta kiñe yafkakenochi wentru. Welu kisu engün ta llowdungueyew: —¿Fey iñchiñ am chumkoniyiñ? ¡Eymi may tami dungu tati!
24209	MAT 27:11	Fey Jesus ta yengey tati gobernador mew, fey ramtueyew ta Pilato: —¿Eymi am tati longko ülmenkülelu ti pu judiu mew? —May, eymi rüf dungu feypipeymi ―pi ñi llowdungun ta Jesus.
24211	MAT 27:13	Feymew Pilato ramtueyew: —¿Allkülaymi am tami femngechi dalluntukumekengen?
24215	MAT 27:17	fey trawüluwkülelu kisu engün, Pilato ramtufi ta Jesus: —¿Iney anta ayüniefimün ta eymün iñche ñi lifrenentutuafiel: tati Barabas, kam ta Jesus tati Cristo pingekelu?
24219	MAT 27:21	Fey tati gobernador ka ramtueyew engün: —¿Chuchi am tati epulechi püresu ayüleymün ta eymün tañi lifrekünungetuael? Kisu engün feypi: —¡Tati Barabas pingelu!
24220	MAT 27:22	Pilato ta ramtueyew engün: —¿Fey chumafiñ anta Jesus, tati Cristo pingekelu? Kom llowdunguy engün: —¡Langümngepe ta kürus mew!
24308	MRK 1:24	—¿Chem mew anta kontumupaiñ, Jesus Nasaret tuwlu? ¿Küpaymi am taiñ apümkamuafiel? Iñche ta kimnieeyu, ka kimnien tami ineyngen. Eymi ta Ngünechen ñi dullin.
24337	MRK 2:8	Welu Jesus müchay müten ngüneduami tañi femngechi rakiduamkülen engün, fey ka ramtufi ti pu kimeltuchefe: —¿Chem mew anta femngechi rakiduamküleymün ta eymün?
24345	MRK 2:16	Fey ti pu farisew ka tati pu kimeltukelu ta Moyse ñi ley dungu, pefilu ta Jesus ñi imeken kom kiñentrür tüfey engün mew, ramtufi engün tati pu disipulu: —¿Chumngelu am tamün kimeltufe kiñentrür imekey tati pu kofrakelu impuestu ka ti pu yafkafe engün?
24348	MRK 2:19	Jesus ta llowdungueyew engün: —¿Chumngelu am kay ayunayafuy tati mangelngelu ta mafün mew, petu tañi mülen tati nofio kisu engün mew? Petu tañi mülen kisu engün mew tati nofio, ngelay tañi ayunayael engün.
24354	MRK 2:25	Feymew Jesus llowdungufi ti pu farisew: —¿Kimlaymün am ñi chumün ta David kiñe rupa kisu ka tañi pu kompañ ngüñülelu engün?
24361	MRK 3:4	Feymew ka ramtufi ti kakelu pu che: —¿Chem dungu anta feley tañi femael ta che ürkütun antü mew: ñi femael küme dungu kam wesa dungu? ¿Ñi montulmangeael ñi mongen ta kiñe che kam ñi elungeael ñi layael? Welu kisu engün chem pilay rume.
24390	MRK 3:33	Fey Jesus ta llowdunguy: —¿Iney anta iñche ñi ñuke ka tañi pu peñi?
24432	MRK 4:40	Feymew ta Jesus feypifi tañi pu disipulu: —¿Chem mew anta fente llükaleymün? ¿Petu küme feyentulaymün am?
24433	MRK 4:41	Welu kisu engün ta rume llükalewey, ka welukonkechi ramtuwi engün: —¿Iney ürke anta tüfachi wentru kenü ti kürüf ka lafken kütu ta müngeltueyew? ―pi.
24442	MRK 5:9	Fey Jesus ramtufi ti konweküfülelu: —¿Iney pingeymi am? Fey kisu llowdunguy: —Lekion pingen, rume fentrenngelu am ta iñchiñ.
24463	MRK 5:30	Fey Jesus, ngüneduamlu kisu ñi pepiluwün mew ñi tremoltun ta kiñe che, wiñokintuy tañi adkintuafiel tati pu che, fey ramtuy: —¿Iney anta idakünuñmapeenew tañi takuwün?
24472	MRK 5:39	konpuy ka feypifi ti pu che: —¿Chem mew anta fente ngümakawmekeymün? Feyti pichidomo ta re umawküley müten tati.
24478	MRK 6:2	Fey akulu tati ürkütun antü, eluwi tañi kimeltuael tati sinagoga mew. Tati trawülechi pu che, allkütuñmafilu ñi dungun ta Jesus, rume afmatulen ramtuwi engün: —¿Chew anta adümi fentren dungu ta tüfa? ¿Chew anta entuy feychi kimün ka tañi pengelelchi afmanngechi pepiluwün?
24500	MRK 6:24	Fey ti üllchadomo tripapatulu, ramtufi tañi ñuke: —¿Chem am eluen piafuiñ? Fey ñi ñuke llowdungueyew: —‘Eluen Juan ti Fawtisachefe ñi longko’ pifinge.
24513	MRK 6:37	Fey Jesus ta llowdungufi ñi pu disipulu: —Eymün eluafimün ta iyael. Feymew kisu engün ta llowdunguy: —¿Rume fentren pülata mew may ngillapeafuiñ ta kofke, taiñ eluafiel ñi iyael kom tüfachi pu che?
24514	MRK 6:38	Fey Jesus feypi: —¿Tunten kofke am nieymün ta eymün? Amumün tamün pemeael tunten kofke tamün nieel. Fey dew rupan pemelu engün, feypingey ta Jesus: —Kechu kofke ka epu challwa müley.
24537	MRK 7:5	Feymew, tati pu farisew ka tati pu kimeltukelu Moyse ñi ley dungu, ramtufi engün ta Jesus: —¿Chem mew am tami pu disipulu ta müngeltukelay engün iñchiñ taiñ fütakeche em tañi wimtun dungu? Podkülen tañi kuwü ikey engün.
24550	MRK 7:18	Feymew Jesus feypifi tañi pu disipulu: —¿Eymün am longkontukurkelafimün tati dungu? ¿Kimlaymün anta chem iyael rume ile ta che ñi yafkakenon,
24573	MRK 8:4	Kisu tañi pu disipulu ta llowdungueyew: —¿Chumngechi am elungeafuy iyael engün kiñe famngechi lelfün mew, chew ñi ngenomum kiñe ruka che no rume?
24574	MRK 8:5	Fey Jesus ta ramtufi ñi pu disipulu: —¿Mufü kofke am nieymün? —Regle kofke nieiñ ―pi engün.
24581	MRK 8:12	Jesus ta afküduami, fey feypieyew: —¿Chem mew anta pengelelngeaiñ kiñe afmanngechi ngünel dungu pipey ta tüfachi pu che? Rüf dungu feypiwayiñ, pengelelngewelayay ta tüfa engün kiñe afmanngechi dungu no rume.
24586	MRK 8:17	Jesus ta ngüneduameyew ñi femngechi rakiduamkülen engün, fey feypieyew: —¿Chem mew anta ‘nielaiñ alün kofke’ pipeymün? ¿Petu longkontukulaymün ka ngüneduamlaymün iñche tañi femelchi dungu? ¿Rüf dungu mew anta petu longkontukulaymün?
24590	MRK 8:21	Feymew feypingey engün: —¿Petu anta ngüneduamlaymün?
24596	MRK 8:27	Dew rupalu kom tüfachi dungu, Jesus ka tañi pu disipulu amuy engün tati lof ruka che mew müleyelu Sesarea Filipo trokiñ mapu mew. Fey amulelu rüpü mew, Jesus ramtufi tañi pu disipulu: —¿Iney pikeenew am iñche tati pu che?
24618	MRK 9:11	Ramtufi engün ta Jesus: —¿Chem mew am feypikey tati pu kimeltukelu ta Moyse ñi ley dungu Elia tañi wüne küpayael?
24623	MRK 9:16	Fey Jesus ramtufi ti pu che: —¿Chem dungu mew anta notukadunguwmekewimün ta tüfachi pu wentru eymün?
24628	MRK 9:21	Fey Jesus ramtufi tati ngen fotüm: —¿Tunteñma am dewma tañi femken tüfa famngechi? Fey ti ngen fotüm llowdungueyew: —Pichichengelu ñi femrumen.
24630	MRK 9:23	Fey Jesus ta feypifi ti ngen fotüm: —¿Chumngechi am pepilfulmi pimi? ¡Kom pepilfali tati feyentulu mew!
24635	MRK 9:28	Feymew müten ta Jesus konpuy ta kiñe ruka mew, fey tañi pu disipulu wichu kafkü dungun mew ramtueyew: —¿Chem mew anta iñchiñ pepi wemünentulafiyiñ ta tüfeychi weküfü?
24640	MRK 9:33	Fey puwi engün ta Kapernaum waria mew. Dew mülepulu ta ruka mew engün, Jesus ta ramtufi tañi pu disipulu: —¿Chem dungu mew am notukawkülen küpalepeymün ta rüpü mew?
24659	MRK 10:2	Fey kiñeke farisew fülkonpuy ta Jesus mew femngechi tañi entuüñfilafiel engün, fey ramtufi engün: —¿Kümey am ñi wüdakureael wentru chem dungu mew rume?
24660	MRK 10:3	Fey Jesus llowdungueyew: —¿Chem werkün dungu am elueymünmew ta Moyse?
24675	MRK 10:18	Jesus ta llowdungueyew: —¿Chem mew anta lif mongen pien? Kiñeley müten ta lif mongenngelu: Ngünechen llemay.
24683	MRK 10:26	Femngechi allkülu ti pu disipulu, doy afmatulewey engün, fey welukonkechi ramtuwi engün: —¿Iney anta pepi monturkeay?
24693	MRK 10:36	Fey Jesus ramtueyew engu: —¿Chem dungun anta duamtunieymu?
24708	MRK 10:51	fey ramtueyew ta Jesus: —¿Chem am duamnieymi ñi femael iñche ta eymi mew? Fey tati trawma llowdunguy: —Kimeltufe, ayülefun tañi wiñome pelotuael.
24714	MRK 11:5	Fey kiñe wentru mülelu tiye mew ramtueyew engu: —¿Chumpeymu anta eymu? ¿Chem mew anta nentutrapelpefimu tati furiku?
24737	MRK 11:28	fey ramtufi engün ta Jesus: —¿Iney anta werküeymew tami femael tüfachi dungu? ¿Iney am elueymew tati pepiluwün tami femael tüfa?
24757	MRK 12:15	Welu Jesus am kimnieetew engün tañi koyla ngünen ñi nien engün, feypieyew: —¿Chem mew anta femngechi ngünenkadungumupen? Küpalelmuchi ta kiñe moneda, tañi peafiel.
24758	MRK 12:16	Fey yelelngey, fey Jesus ta feypieyew engün: —¿Iney am tañi adentun ta tüfa ka ti üy wirikonkülelu ta tüfa mew? Llowdungungey: —Ti emperador tati.
24770	MRK 12:28	Fey allkülu engün ñi fente küme wiñoldunguletew ta Jesus, kiñe tati kimeltukelu Moyse ñi ley dungu allküñmaetew ñi üyawtudungumeken, fülkonpay ta kisu mew, fey ramtufi ta Jesus: —¿Chuchi am tati doy küme fütra werkün dungu kom ti kakelu werkün dungu mew?
24777	MRK 12:35	Jesus mekerkey ñi kimeltun ta ngillatuwe ruka mew, fey ramtuy: —¿Chem mew am feypikey tati pu kimeltukelu Moyse ñi ley dungu ti Cristo David ñi tuwünngen?
24788	MRK 13:2	Fey Jesus llowdungufi tati disipulu: —¿Pefimi anta tüfachi fütrake alü pürachi ruka? Welu ngewelayay kiñe kura no rume welukonke rentrolealu. Kom ta teyfükangeay.
24827	MRK 14:4	Kiñeke tati müleyelu tüfey mew lladküy engün, ka welukonkechi feypiwi engün: —¿Chem mew anta ngünamkangey ta tüfachi perfume?
24835	MRK 14:12	Feychi antü we llitulu ti Paskua kawiñ ñi ingekemum tati lefawrangenochi kofke ka ñi langümngekemum tati korderu, Jesus tañi pu disipulu ramtueyew: —¿Chew anta ayünieymi taiñ amuael ka taiñ pepikayael tati pun ilelkawün Paskuangealu?
24842	MRK 14:19	Kisu engün ta weñangkülewey, fey kake kiñeke eluwi engün tañi welukonkechi ramtuafiel ta Jesus: —¿Iñche pemay? ―pi engün.