23475	MAT 9:27	Fey tripapatulu ta Jesus tiye mew, epu trawma ta wirarkülen inaeyew: —¡David mew dullielchi Yomelche, kutranpiwkeyemuyu!
23481	MAT 9:33	Fey Jesus wemünentufilu müten tati weküfü, tati ketrongechi wentru pepi dungutuy. Fey tati pu che afmatulen feypi: —¡Fey tüfa famngechi dungu chumkawnorume pengekelay Israel mapu mew!
23692	MAT 14:26	Feymew tañi pu disipulu peetew tañi trekalen ta wente ko, fey rume llükay, ka wirari engün ñi fente llükan mew: —¡Kiñe perimon tati! ―pirkey engün.
23696	MAT 14:30	Fey ngüneduamlu ñi rume newenngen tati kürüf, llükay. Ñochingelu am ñi llañnagün ti ko mew, fey wirari: —¡Montulen Ñidol!
23697	MAT 14:31	Feymew müten, Jesus nüñmafi ñi kuwü ta Pedro ka feypifi: —¡Rume pichin mupiltun nierkeymi! ¿Chumngelu am maneluwlaymi iñche mew?
23699	MAT 14:33	Feymew tati pu disipulu mülelu ti pichi farku mew, lukunagi engün Jesus ñi inafül ka feypi engün: —¡Rüf dungu mew eymi ta Ngünechen ñi Fotüm ürke!
23763	MAT 16:22	Feymew püntünentueyew ta Pedro, fey eluwi tañi feypiafiel tüfachi dungu: —¡Ngünechen montulaeymew, Ñidol! ¡Fey tüfachi dungu mew ta rupalayaymi!
23764	MAT 16:23	Welu Jesus adkintufi ta Pedro, fey feypifi: —¡Püntütripange ta iñche mew, weküfü! ¡Katrülkaduammekeen ta iñche! Eymi ngüneduamkelafimi Ngünechen tañi dungu. Rakiduamküleymi re che ñi dungu mew müten.
23786	MAT 17:17	Fey Jesus feypi: —¡Eymün pu ngenofeyentun che ka wesake rakiduam nielu! ¿Tunteñma anta mülerkean ta eymün mew? ¿Tuntepu mew wüla anta fentekünurkean tamün peniewafiel? Küpalelmuchi tati pichiwentru ―pirkey.
23914	MAT 21:19	Feymew pefi kiñe igera mülelu inaltu rüpü, fey fülkontupufi, welu kiñe fün no rume peñmalafi, re tapül müten. Feymew feypifi tati igera: —¡Chumkawnorume ta wülwelayaymi ta fün! Feychi lelen mew müten choñfünagi tati igera, fey angküy.
24172	MAT 26:49	Feymew, fülkonpalu ta Jesus mew, feypi: —¡Pun may, kimeltufe! Fey truyufi.
24188	MAT 26:65	Feymew tati Wünen Longko Saserdote wikürkay tañi takuwün ñi kimngeael tañi rume lladkün, fey feypi: —¡Tüfachi wentru tañi dungun mew notukafi ta Ngünechen! Chem dungu rume duamtuwelaiñ tañi feypintukungeael. ¡Eymün allküñmafimün tañi wesa notukafiel ta Ngünechen ñi dungun mew!
24195	MAT 26:72	Fey ka wiñome feypi ta Pedro, kuyalltulen mew: —¡Kimlafin tüfeychi wentru!
24197	MAT 26:74	Feymew Pedro kuyalltuy, feypilen mew: —¡Kimlafiñ tüfeychi wentru! ―pi. Feychi lelen mew müten kakaray ta kiñe alka,
24219	MAT 27:21	Fey tati gobernador ka ramtueyew engün: —¿Chuchi am tati epulechi püresu ayüleymün ta eymün tañi lifrekünungetuael? Kisu engün feypi: —¡Tati Barabas pingelu!
24220	MAT 27:22	Pilato ta ramtueyew engün: —¿Fey chumafiñ anta Jesus, tati Cristo pingekelu? Kom llowdunguy engün: —¡Langümngepe ta kürus mew!
24221	MAT 27:23	Pilato ta feypieyew engün: —Fey ¿chem wesa femi amfe? Welu kisu engün ka wirari: —¡Langümngepe ta kürus mew!
24223	MAT 27:25	Kom tati pu che llowdunguy: —¡Iñchiñ ka taiñ yomel pu che yafkayaiñ tañi layael mew!
24227	MAT 27:29	Ka tukulelngey tañi longko mew kiñe wayngechi pülliñ korona ka kiñe katrün wifngechi mamüll tañi man kuwü mew. Feymew müten ka lukutuy engün kisu tañi fül mew, tañi ayentuafiel engün, fey feypi engün: —¡Püramyengepe tati pu judiu tañi longko ülmen!
24252	MAT 27:54	Feymew tati Roma tuwchi kapitan ka tati müleyelu kisu engün ñi llüwatuafiel ta Jesus, pefi engün ñi rupan tati nüyün ka kom tüfachi dungu, fey llükay engün ka feypi engün: —¡Rüfngerkey ta tüfachi wentru ta Ngünechen ñi Fotümngen!
24309	MRK 1:25	Fey Jesus ta katrütudungueyew feypilen mew: —¡Feypikilnge tüfeychi dungu ka elkünutufinge ta tüfachi wentru!
24368	MRK 3:11	Fey tati pu weküfü pefilu ta Jesus, lukutunagmekey engün Jesus ñi fül mew ka wirarümekey: —¡Eymi ta Ngünechen tañi Fotüm!
24440	MRK 5:7	fey wirarkülen feypifi ta Jesus: —¡Kontupakeeli ta iñche, Jesus, fütra pepiluwünngechi Ngünechen tañi Fotüm! ¡Llellipuaeyu Ngünechen mew tami kutrankanoafiel!
24602	MRK 8:33	Welu Jesus wiñokintuy, fey leliwülfi tati pu disipulu, feymew katrütudungufi ta Pedro, feypilen mew: —¡Kiñe püle tripange ta iñche mew, weküfü! Eymi ta ngüneduamkelafimi tati dungu chumngechi ngüneduamniey ta Ngünechen, welu may chumngechi peniey re che müten.
24626	MRK 9:19	Fey Jesus ta llowdunguy: —¡Mupiltunngenochi pu che! ¿Tunteñma anta mülerkean ta iñche eymün mew? ¿Tuntepu mew wüla anta tüngkülewerkean ta iñche? Küpalfimün faw püle tati pichiwentru.
24680	MRK 10:23	Feymew Jesus adkinturupay wall püle, fey feypifi tañi pu disipulu: —¡Rume küdawngeay ñi konpuael tati nielu fentren chemkün Ngünechen ñi longko ülmenngeelchi mülewe mew!
24705	MRK 10:48	Fentren che ta feypieyew tañi ñüküfküleael, welu kisu ta doy wirari: —¡David ñi Yomelche, kutranduamyeen ta iñche!
24723	MRK 11:14	Feymew feypifi tati igera: —¡Chumkawnorume ka iney no rume wiñome iwelayay eymi tami fün! Fey kisu ñi pu disipulu allküy ñi feypifiel tati igera.
24888	MRK 14:65	Kiñekentu eluwi engün tañi tofkütuafiel, ka takuñmangey tañi nge ka wülelfi engün, ka feypiniefi: —¡Feypinge iney am ta wülelpeeymew! Fey tati pu llüwatulekelu ngillatuwe ruka mew wülelkafi ta Jesus.
24894	MRK 14:71	Feymew Pedro eluwi tañi wesa dunguael ka ñi kuyalltuael, feypilen mew: —¡Kimlafiñ ta tüfeychi wentru eymün tamün nütramyepeel!
24908	MRK 15:13	Fey kisu engün wirarkülen llowdunguy: —¡Langümngepe ta kürus mew!
24909	MRK 15:14	Fey Pilato ta feypieyew engün: —Fey ¿chem wesa dungu femürkey amfe? Welu ta kisu engün ka wiñome wirari: —¡Langümngepe ta kürus mew!
24913	MRK 15:18	Feymew müten eluwi tañi wirarael engün ayentun mew: —¡Püramyengepe tati pu judiu tañi longko ülmen!
24924	MRK 15:29	Tati pu che rupayelu tiye mew, fill wesapieyew. Ütrüfütrüftuy ñi longko engün feypilen mew: —¡Eymi no am tati teyfükefilu ti ngillatuwe ruka, fey küla antü mew ka wiñome dewmatukefilu,
25004	LUK 1:42	Feymew newentu dungun mew feypi: —¡Ngünechen ta doy küme felen elueymew kom ti kakelu pu domo mew ka tami püñeñ rume küme felen eluafi!
25167	LUK 4:35	Feymew Jesus katrütudungufi tiyechi weküfü feypilen mew: —¡Dungukilnge ka elkünutufinge ta tüfeychi wentru! Feymew ti weküfü ütrüfpuwülfi pülli mew ti wentru chew müley ti pu che, feymew tripatuy ti wentru mew ka chem wesa allfül-lafi rume.
25342	LUK 8:28	Fey pefilu ta Jesus, lukunagi ti wentru ñi inafül mew, fey wirarkülen feypifi ta Jesus: —¡Fülpakilnge ta iñche mew, Jesus fütra pepiluwün niechi Ngünechen ñi Fotüm! ¡Iñche llellipuaeyu tami kutrankanoafiel!
25411	LUK 9:41	Feymew Jesus llowdunguy: —¡Wesake tuwünche, ka nienolu mupiltun! ¿Tunteñma anta mülerkealu ta iñche eymün mew ka tamün ngenoafelniewafiel? Küpalnge faw püle tami fotüm.
25501	LUK 11:27	Fey petu feypilu Jesus tüfachi dungu, kiñe domo wirarüy rangi ti pu che: —¡Rume sakinngey ti domo tami choyüetew ka tami tremümetew!
25520	LUK 11:46	Welu Jesus llowdungufi ti wentru kimeltukelu Moyse ñi ley dungu: —¡Awngeymün ta eymün, kimeltukelu ta Moyse ñi ley dungu! Ti kakelu che meñkukünulkefimün reke fentren wimtun dungu, iney rume tañi pepilnoel, welu eymün pichin no rume kellukelafimün.
25637	LUK 14:15	Fey allkülu tüfachi dungu, kiñe ti pu wentru anülelu mesa mew, feypifi ta Jesus: —¡Sakinngeay tati iyalu Ngünechen ñi ülmen mülewe ñi kawiñ mew!
25781	LUK 18:24	Fey Jesus ngüneduamfilu ñi weñangkün, feypi: —¡Rume küdawngey ñi konael tati pu rikungelu Ngünechen ñi ülmen mülewe mew!
25796	LUK 18:39	Feytichi pu che wüne amulelu katrütudungueyew tañi wirarkümekenoael, welu kisu doyelchi wirarüy. —¡David ñi reñma mew tripachi Dullin Yomelche, kutranpiwkeyeen ta iñche!
25799	LUK 18:42	Feymew Jesus feypifi ti trawma: —¡Wiñome pelotunge! Eymi tami maneluwün mew ta iñche mew, tremolngetuymi.
25864	LUK 20:16	Fey küpayay langümpayafi tüfeychi pu küdawfe, fey feytichi ofadentu eluafi ta kakelu küdawfe.” Fey allkülu engün tüfachi dungu, feypi: —¡Tüfeychi dungu chumkawnorume femkilpe!
25948	LUK 22:15	Feymew Jesus feypifi ñi pu disipulu: —¡Rume ayüleken ñi iyafiel tati Paskua iyael eymün iñchiñ petu tañi lanon!
25997	LUK 22:64	Ka munulkünuñmangey ñi nge ka ramtukangey: —¡Konewtufinge iney anta wülelpeeymew!
26022	LUK 23:18	Welu kom ti pu che kiñentrür eluwi ñi wirarün engün: —¡Langümngepe tüfa! ¡Fey lifrekünutungepe ta Barabas!
26025	LUK 23:21	welu kisu engün doy newentu wirarüy: —¡Langümngepe ta kürus mew! ¡Langümngepe ta kürus mew!
26180	JHN 2:16	Fey Jesus feypifi ti pu fendekelu palluma: —¡Tüfa nentutufimün faw! ¡Kiñe merkaw reke nielayafimün iñche ñi Chaw ñi ruka!
26276	JHN 4:51	Petu wiñotulu ñi ruka mew, kisu ñi pu kona trafyemetueyew ka feypieyew: —¡Tami fotüm ta mongetuy!
26346	JHN 6:20	Fey Jesus feypifi ñi pu disipulu: —¡Iñche tati! ¡Llükakilmün!
26417	JHN 7:20	Feymew ti pu che llowdungufi ta Jesus: —¡Weküfü ta kontunieeymew! ¿Iney anta ayüley tami langümaetew?
26425	JHN 7:28	Feymew Jesus allkülu tüfachi dungu ñi feypin ti pu che, petu mekelu ñi kimeltun tati ngillatuwe ruka mew, feypi newentu dungun mew: —¡Felerkey tamün kimniemufiel chew ñi tuwün ta iñche! Welu iñche küpan kisu ngünewün mew no, welu may iñche küpan tañi Chaw tañi werküetew mew, fey ta manelfali, eymün tamün kimnoel.
26443	JHN 7:46	Fey ti pu llüwatulekelu llowdunguy engün: —¡Chumkawnorume ka iney no rume dungukelay chumngechi dungukey ta kisu!
26489	JHN 8:39	Feymew ti pu judiu feypi: —¡Kangelu no tatey! ¡Iñchiñ taiñ nieelchi chaw Abraam pingey! ―pi. Welu Jesus llowdunguy: —Eymün ta rüf mew Abraam ñi reñma pu chengefulmün, femafuymün kisu tañi femel.
26491	JHN 8:41	Eymün ta femkeymün chumngechi ñi femkeel kangelu chaw tamün nieel. Feymew ti pu judiu feypi: —¡Iñchiñ ta kiñe yalltuku che no! Nieiñ kiñe chaw müten, Ngünechen llemay.
26707	JHN 13:8	Pedro feypieyew: —¡Chumkawnorume eluwlayan tami küchanamunafiel! Jesus llowdungufi ta Pedro: —Fey küchanamunnoeliyu, koneltulayaymi iñche mew ka iñche ñi trokiñche mew.
26708	JHN 13:9	Simon Pedro feypieyew: —¡Femalmi Ñidol, namun müten küchañmalayaen, welu ñi kuwü ka ñi longko!
26894	JHN 18:40	Itrokom wiñome wirari engün: —¡Lifrekünutufinge ta Barabas! Fey Barabas kiñe langümchefe ürke.
26897	JHN 19:3	Ka pürüm fülkontufingün, feypilen mew: —¡Mongelepe ti pu judiu ñi longko ülmen! Fey wülelmafi ñi ange engün.
26899	JHN 19:5	Fey nentungepatuy Jesus fey ti wayngechi pülliñ korona tukuniey kisu ñi longko mew ka tukutuwküley tüyechi kurü kelü takuwün mew. Pilato feypi: —¡Tüfey tañi mülen tamün wültukupaelchi wentru!
26900	JHN 19:6	Feymew peetew ti pu longkolelu pu saserdote mew ka ti pu llüwatulekelu ti ngillatuwe ruka mew, eluwi engün ñi wirarael: —¡Langümngepe kürus mew! ¡Langümngepe kürus mew! Fey Pilato feypi: —Yefimün may ka langümfimün ta kürus mew, welu iñche peñmalafiñ chem yafkan no rume kisu mew.
26906	JHN 19:12	Fey tüyechi lelen mew müten, Pilato rakiduamfuy chumngechi ñi lifrekünutuafiel ta Jesus, welu ti pu judiu wirareleyew: —¡Fey lifrekünutufilmi, weniyelafimi tati emperador! ¡Iney rume longko ülmenkünuwle, fey ta kayñeyefi tati emperador! ―pi engün.
26908	JHN 19:14	Petu kiñelewechi antü ñi akuael ta Paskua, epe rangiantülu, fey Pilato feypifi ti pu judiu: —¡Tüfa ta eymün tamün nieelchi longko ülmen!
26909	JHN 19:15	Welu kisu engün wirari: —¡Langümngepe! ¡Langümngepe! ¡Langümngepe ta kürus mew! Fey Pilato ramtuy: —¿Iñche anta langümafun tamün longko ülmen? Fey ti pu longkolelu tati pu saserdote mew llowdungueyew: —¡Iñchiñ ta nielaiñ kangelu longko ülmen, tati emperador müten!
26938	JHN 20:2	Feymew lefkülen amutuy chew ñi mülemum ta Simon Pedro ka ti kangelu disipulu Jesus ñi rume piwkeyefel, fey feypifi: —¡Nentungerkey ti rüngan lolo mew ta Ñidol ñi kuerpu, fey kimlaiñ chew ñi elkünungen! ―pi.
26955	JHN 20:19	Fey dew punlu, ti llituelchi antü semana mew, fey ti pu disipulu trawüluwürkey kiñe ruka mew, fente küme rakümniey engün ñi wülngiñ tañi llükaniefiel mew engün ti longkolechi pu judiu. Fey Jesus konpuy, fey ti pu disipulu ñi rangiñ mew witrakünuwpuy, fey chalipuy feypilen mew: —¡Küme tüngün mülepe eymün mew!
26957	JHN 20:21	Fey Jesus ka pürüm feypieyew ka kiñe rupachi: —¡Küme tüngün mülepe eymün mew! Chumngechi ta Chaw werküenew ta iñche ka femngechi iñche werküwayiñ ta eymün.
26962	JHN 20:26	Pura antü rupalu mew ti pu disipulu wiñome trawüluwi engün kiñe ruka mew, fey mülerkey Tomas. Rakümnierkey engün ñi wülngiñ, welu Jesus konpuy, fey kisu engün ñi rangiñ mew witrakünuwpuy, fey ka chalipufi feypilen mew: —¡Tüngkülemün ta eymün!
26964	JHN 20:28	Feymew wirarüy: —¡Iñche ñi Ñidol ka Ngünechen!
26974	JHN 21:7	Feymew tüfeychi disipulu Jesus tañi rume piwkeyeel, feypifi ta Pedro: —¡Ñidol tatey! Allkülu müten Simon Pedro ta “Ñidol tatey”, tukutuwtuy, fey am tukunienofulu takuwün, fey ütrüftukuwi ti pu ko.
27058	ACT 2:40	Tüfachi nütramtun dungu mew Pedro dungueyew engün ka ngülameyew feypilen mew: —¡Famentuwmün tüfachi wesa mongenngechi pu che mew!
27099	ACT 4:8	Fey Pedro ngünenieetew Ngünechen ñi Lif Küme Püllü llowdunguy: —¡Longkolelu ka putrem fütakeche!
27265	ACT 8:20	Feymew Pedro llowdungueyew: —¡Kondenangeaymi tami pülata eymu, rakiduamlu am eymi tami ngillayafel pülata mew Ngünechen ñi re wülkeelchi pepiluwün!
27394	ACT 11:18	Feymew tati pu feyentulelu mülelu ta Jerusalen, allkülu engün tüfachi dungu, ñüküfnagi engün, fey püramyefingün ta Ngünechen, feypilen mew: —¡Ka femngechi tati pu judiu tuwünngenolu kütu Ngünechen elurkefi ñi wiñorakiduamtuael engün kisu mew ka ñi llowael ti rumel mongen!
27413	ACT 12:7	welu petu ñi wünnon, pewfaluwrumey Ñidol Jesus tañi werken püllü, fey tati karsel mew kom alofürkey. Tati werken püllü lengkülengkütufi ta Pedro kadi püle, fey trepelfi, ka feypifi: —¡Pürüm witrapürange! Feymew müten, tati kadena kisutu llangkünagi Pedro tañi kuwü mew,
27421	ACT 12:15	Fey feypingey: —¡Wedwedküleymi am! Welu Rode feypi tañi rüf feyngen. Fey kisu engün feypi. —¡Pedro no tati! ¿Kisu ñi werken püllü peno?
27493	ACT 14:10	Feymew Pablo feypifi ti wentru newentu dungun mew: —¡Witrapürange ka küme witrakünuwnge tami namun mew! Fey tati wentru witrapüray kiñe ringkün mew, fey eluwi ñi trekayael.
27494	ACT 14:11	Pengelu ñi femün ta Pablo, wiraryey engün tati pu che likaoniadungun mew (fey Pablo kimlay ñi chem pimeken engün): —¡Pu ngünechen wentrukünuwpay iñchiñ mew!
27569	ACT 16:17	Tüfachi üllchadomo eluwi taiñ inanieaetew taiñ wirartunieetew Pablo iñchiñ: —¡Tüfachi pu wentru ta poyekefilu wenu mapu mülechi Ngünechen, kimelpapeeymünmew ta eymün ti montun küme dungu! ―pirkey ñi dungun.
27580	ACT 16:28	Welu Pablo wirareleyew: —¡Chem wesa femuwkilnge rume! ¡Kom mülekaiñ tatey!
27598	ACT 17:6	welu penofilu engün am, wingüd küpalfi engün ta Jason ka kiñeke peñi yefi engün tati waria che tañi awtoridad mew, wirarküley engün: —¡Tüfachi pu wentru ta welurakiduamelfi kom mapu mülechi pu che, ka femngechi akuy engün ta tüfa mew,
27667	ACT 19:13	Welu ka femngechi kiñeke tati pu judiu miyawyelu rüpü mew wemünentukerkey engün ti pu weküfü ti pu kutran mew, fey tüfa engün ayürkefuy tañi wemünentuael ti pu weküfü Ñidol Jesus tañi üy mew. Feypikefi engün tati pu weküfü: —¡Jesus tañi pepiluwün mew, Pablo tañi wewpikeel, werküeyu tami tripayael!
27682	ACT 19:28	Allkülu engün fey tüfachi dungu, rume lladküy ka wiraringün: —¡Püramyengepe pu efesoche tañi domo ngünechen!
27805	ACT 23:3	Welu Pablo llowdungueyew: —¡Koyla ngünen wentru, eymi wülelaeymew ta Ngünechen! Anüleymi tami ramtukayafiel ti ley dungu mew, fey ¿chumngelu anta wülelfalpeen? Tami fempeel welulkaley tati ley dungu mew.