23381	MAT 6:30	Ko pigkinabaan pa to Magboboot ka dorounan dio to lati no ogkabuhi kuntoon di asolom ogkagangu ro woy ogsilaban soini, agad sikaniu no mgo otow ogbogayan kow rin to litos no ilis now. Amana no doisok do ka pogsalig now!
23463	MAT 9:15	Nigtabak si Hisus kandan to pananglitan. Nigkagi to, “Litos to goinawa now to kono ogkoon ka mgo pigtugunan to pagkoonan to kasal? Ka ku kow! Ko duon pad ka lukos no ogpangasawa, kono ogkaayun no oglangkad ogkoon. Di ko ogdakopon on ka lukos no ogpangasawa, nò, sikan on ka allow no oglangkad on sikandan no ogkoon.”
23985	MAT 22:44	Kagi ni Dabid, “Ka Magboboot nigkagi rio to Lagboy no Igbuyag ku to, ‘Dini ka to kawanan ku ogpinnuu taman to ogdoogon ku ka tibo no mgo usig nu oyow ogpakaluhud on dini to tangkaan nu!’ ”
24120	MAT 25:43	To magaliug a rio to ugpaan now no waro ogdatongan ku wara a now palopawa to baloy now. Nigdaralu a woy napirisu ad, di wara a now panumbalayi!’
24168	MAT 26:45	Naponga sikandin nig-ampu, niglibong sikandin dio to mgo hibatoon din woy nig-inso to, “Oghibathibat kow pad naan woy oghirogo? Pitow kow! Koddi, ka Kakoy to mgo koot-otawan, noumaan ad on no igpanabod ad dio to mgo otow no makasasalo.
24178	MAT 26:55	Nò, nig-insaan ni Hisus ka sikan no mohon-ing no mgo otow. Kagi rin, “Manio to nigkomkom now ka mgo moirob now woy to mgo kayu to ogdakop koddi? Bak ogpanakow a! Allow allow nigpinnuu a no og-anad to mgo otow dio to Dakol no Ampuanan. Manio to wara a now dakopa rio?
24311	MRK 1:27	Noinuinu ka tibo no mgo otow no nigmoin-insooy to, “Nokoy buwa ka soini? Iam no ig-anad ian! Duon kabogbogan to soin no lukos to agad ko ogdogilon din ka mgo busow, ogbabali sikandan.”
24336	MRK 2:7	Kagi to goinawa ran, “Manio naan ka soin no lukos no ogboboot? Ogsumpaliton din ka Magboboot! Waro agad sagboka no otow no ogpakapasaylu to salo ko kono ka Magboboot do.”
24348	MRK 2:19	Nigtabak si Hisus to pananglitan. Inso din, “Litos to goinawa now ko kono pad ogkoon ka mgo otow no pigtugunan to kasal? Ka ku kow! Ko duon dod ka lukos no ogpangasawa, kono ogkaayun no oglangkad ki ogkoon.
24353	MRK 2:24	Songo nighipanow dio ka duma no mgo Parisiu. Ko nigkita ran, pigkagian dan si Hisus no kagi ran, “Pitawa nu! Ogpakalapas ka mgo hibatoon nu to Balaod ta to oghimu to soin to Allow ta to Oghimoloy.”
24380	MRK 3:23	No nigparani ni Hisus ka sikan mgo nigbayung kandin no nigkagian din sikandan to mgo pananglitan. Nig-inso din to, “Ogmonuon naan ni Satanas to pogdogil ki Satanas? Ka ku kow!
24395	MRK 4:3	“Pamminog kow! Songo allow, duon sagboka no otow no nighipanow dio to kamot din oyow og-orok.
24413	MRK 4:21	Nigparagas nigkagi ni Hisus kandan. “Ko ogparokotan ta ka ilawan, og-insa a ko igholos ta dio to liang woy ko dio to diralom to sulambi? Kono kid! Dio ta isabuk to paga woy ko taliwaro to soog.
24513	MRK 6:37	Di nigtabak si Hisus kandan to, “Sikaniu porom ka ogpakoon kandan.” Kagi ran, “Otowoy naan do! Oghondio koy buwa to lunsud oyow ogboli koy to paan dan no bali darua no gatus no putow no salapi oyow igpakoon kandan!”
24541	MRK 7:9	Nigkagian man do ni Hisus sikandan to, “Nahan now no mapandoy kow to pog-iniug to Balaod to Magboboot oyow ka batasan to kabuybuyagan now ka ogkounug kow. Ka ku kow, nò!
24628	MRK 9:21	Nig-insaan ni Hisus ka amoy to bato to, “Kon-u niggoram ka bato to soini?” Kagi to amoy, “Ko molintok pad bag sikandin!
24690	MRK 10:33	Kagi rin, “Pamminog kow! Oghondio kinow to Hirusalim no ko dio, koddi no Kakoy to mgo Koot-otawan, ighatod a rio to mgo igbuyag to mgo talagpanubad woy to mgo talag-anad to Balaod ta. Ogbobootan a ran to ogpohimatayan a no ighatod ad on dio to mgo otow no kono no Hudiu.
24704	MRK 10:47	Nakarinog ka sikan nabutud to si Hisus no taga Nasarit ka ogligad. Pogdinog din nigbabansagon to, “Wow Hisus, pinanganak ni Dabid! Kohoy-ui a nu.”
24741	MRK 11:32	Di ko ogpuun to otow ka igtabak ta, ay, angkuwan kanta!” Kono dan porom ogtabak to ogpuun to otow su nahallok to mgo otow su nigtuu sikandan to malogot si Huan no talagnangon to kagi no nigpuun to Magboboot.
24752	MRK 12:10	Nigparagas si Hisus no nig-inso, “Hontow kaniu ka waro buwa makabasa to impasulat to Magboboot? Waro buwa!” Soini ka kagi to impasulat din “Ka batu no nig-ongkoran to mgo talaghimu to baloy su nahan dan no waro pulus, sikan ka nohimu nasi no marigon lagboy no batu no igpounturan to baloy.
24819	MRK 13:33	Bantoy kow! Tanudtanud kow woy ampu kow su sikaniu pa, waro kow mataga ko kon-u a oglibong.
24823	MRK 13:37	Unawa ka kagi ku to tibo no mgo otow to kagi ku kaniu. Bantoy kow!
24859	MRK 14:36	“Amo,” kagi rin, “Amoy ku! Agad nokoy, ogpokohimu ka to tibo. Awaa nu ka igkabaybayari no ogpokouma kai to koddi. Di kono no sikoddi ka ogboboot; ka koykow ian no pogboot ka ogkatuman.”
24864	MRK 14:41	Ka igkatatolu no poglibong dio to hibatoon din, nig-inso ni Hisus kandan to, “Oghihibat kow pad woy oghirogo? Litos on ian. Pitow kow! Koddi no Kakoy to Tibon Koot-otawan, noumaan ad on woy inpanabod ad dio to mgo makasasalo no mgo otow.
24865	MRK 14:42	Nò, onow kow on! Sasindog kow on no oghipanow kid on. Pitow kow, kaid on ka sikan no lukos no ogpanabod koddi.”
24871	MRK 14:48	Nigkagian ni Hisus ka mgo otow. “Bak takawon a to nigkomkom now ka mgo moirob now, mgo kayu now oyow ogdakopon a now!
24924	MRK 15:29	Ko ogpanligad ka mgo otow dio to krus, nighabian dan si Hisus woy nigsumpalit dan sikandin no kagi ran, “Pitow ka naan! Koykow ka oggulak to Dakol no Ampuanan no oghimuon nu ka dangob to tatolu ro no allow,
24931	MRK 15:36	Nigpallaguy ka sagboka no otow no og-angoy to songo doisok no kotson no nig-olod din to mangilu no bino no intuik din ka sika kotson to songo tukod no intaruwoy rin dio ki Hisus oyow ogsupsupon din. Kagi rin “Tagaran ta ro! Pitow ki ko oghondini kun si Ilias no igpalogsad sikandin to krus.”
25006	LUK 1:44	Pitow ka! Pogdinog ku to kagi nu, nigwoilwoil on ka bato ku kai to gotok ku to igkarago din.”
25154	LUK 4:22	Ka tibo no mgo otow no namminog, maroyow ka kagi ran bahin ki Hisus. Di to nabolongbolong sikandan to maroyow lagboy ka kagi rin no nalituk, kagi ran to, “Hontow buwa no lukos soini ko kono do no anak ni Husi!”
25184	LUK 5:8	Nò! Pogkita ni Simon to nohimu ni Hisus bahin to ngalap, nigluhud to tangkaan ni Hisus. Kagi rin ki Hisus to, “Buyag, mariu ka koddi su makasasalo ad no otow.”
25210	LUK 5:34	Nigtabak si Hisus to pananglitan. Nig-inso din, “Litos to goinawa now to kono ogkoon ka mgo pigtugunan to pagkoonan to kasal? Ka ku kow! Ko duon pad ka lukos no ogpangasawa kono ogkaayun no oglangkad ki ogkoon.
25338	LUK 8:24	Ka mgo hibatoon ni Hisus, nigdalapak kandin no nohirogo woy nigpukow ran sikandin. Kagi ran kandin to, “Buyag. Buyag. Ogkamatoy kinow on!” Nighimata on si Hisus no nig-onow no nigparagas no nigsasindog woy nigsaparan din ka kalamag woy ka luwak no dakol. Nò, nighagtong on ka kalamag woy nigkilos on ka woig no nigmalongon on.
25602	LUK 13:15	Nigtabak si Hisus to igbuyag to anaranan to mgo Hudiu. Kagi rin, “Ogpatuutuu ro ka pogtuu now! Hontow pad no otow dii ka kono din oghokaron ka lubid to baka rin woy ko kuddo din no ogtuyukon din dio to woig oyow ogpoinumon din to Allow ta to Oghimoloy?
25620	LUK 13:33	Di og-awoson to ogparagas a kuntoon, woy asolom, woy mapawo man do no oghondia a to Hirusalim su hondoi ka litos no oghimatayan ka songo talagnangon to kagi to Magboboot ko kono dio to Hirusalim!” kagi ni Hisus.
25652	LUK 14:30	Kagi ran buwa to, ‘Soin no otow no, kono ogpakaponga to nigbunsuran din!’
25686	LUK 15:29	Di nigtabak ka anak din no kakoy kuwo to amoy rin to, ‘Dokad naan sikoddi no matolon kai to baloy nu no waro a mogligal to agad nokoy ka insugu nu koddi di waro a nu bogayi to agad nati to kambing oyow oghimu a to pagkoonan to mgo duma ku!
25795	LUK 18:38	Nò, nigbabansagon ka nabutud to, “Wow Hisus, pinanganak ni Dabid, kohoy-ui a nu!”
25796	LUK 18:39	Di ka mgo otow no nighun-a ki Hisus dio to dalan, nigsaparan dan ka nabutud no kagi ran kandin to, “Hagtong ka kun no og-umow,” di nigpaagbotan din nasi ka pogbabansagon din to, “Pinanganak ni Dabid, kohoy-ui a nu!”
25825	LUK 19:25	Di kagi to mgo otow, ‘Otowoy, Buyag. Duon on sampulu no salapi no bulawan dio to kandin!’
25864	LUK 20:16	Kagi, “To og-uli ka tagtuun no oghimatayan din on ka sikan no mgo otow no talag-uyamu to pinamula rin no ogpasoipan din to loin no mgo otow.” Pogdinog to mgo otow to kagi ni Hisus, kagi ran to, “Otowoy! Mamug ka! Maroyow ko kono ogkatuman on ka impananglitan nu.”
25985	LUK 22:52	Pogkaponga, nigkagian ni Hisus ka mgo igbuyag to mgo talagpanubad, woy ka mgo igbuyag to talagbantoy to Dakol no Ampuanan to mgo Hudiu woy ka mgo tahuronon to mgo Hudiu no ogdakopon dan sikandin. Kagi ni Hisus, “Manio to og-alap kow to mgo moirob mgo kayu no iglampos? Bak takawon a!
26034	LUK 23:30	“Sikan ka mgo allow no ogpakapangumow ka mgo otow to mgo matikang no bubungan no kagi ran, ‘Katobali koy on!’ woy kagi ran to sika malopot no bubungan to, ‘Kalunawi koy on!’ ” kagi ni Hisus.
26039	LUK 23:35	No ka mgo otow no mohon-ing, nigsasindog to marani no nigbantoy to tibo no mgo hinimuan, di ka mgo igbuyag, nigsusumpalit dan do si Hisus to kagi ran to, “Talagpangabang sikandin to duma no mgo otow. Ko ian ka Im-imanan to mgo Koot-otawan, pitow ki pad ko ogpakapangabang to kandin no lawa!”
26085	LUK 24:25	Kagi ni Hisus kandan, “Malopot so pogdoromdom now! Malugoy kow ogtuu to tibo no innangon dongan to mgo talagnangon to kagi to Magboboot!”
26159	JHN 1:46	Kagi ni Natanial, “Umba soini nò! Waro buwa no maroyow ko taga Nasarit!” Kagi ni Pilipi, “Ogduruma ki pad; pitow ka.”
26160	JHN 1:47	Pogkita ni Hisus ki Natanial, nigkagi si Hisus bahin kandin to, “Pitow kow! Soini ka sagboka no taga Israil no kono ki ogpakasawoy to batasan din, mgo kagi rin.”
26167	JHN 2:3	Ko warad on ka inumanon dan, nigkagi to inoy ni Hisus ki Hisus. Kagi rin, “Warad on ka inumanon dan; noubus on!”
26184	JHN 2:20	Kagi to mgo Hudiu, “Umba bag ian sikoykow nò! Kahop-atan no tuid woy hon-om ka poghimu noy to soin no Dakol no Ampuanan. No sikoykow atag, tatolu ro bag no allow ka poghimu nu oghutuk? Ka ku kow!”
26193	JHN 3:4	Nig-inso si Nikodimu kandin to, “Ogkoomonu man ka otow to oghutuk ogpokootow ko buyag on sikandin? Konad ogkoimu no oglibong dio to gotok to inoy rin oyow ogkohutuk no ogkootow kandin. Ka ku kow!”
26234	JHN 4:9	Nabolongbolong ka sikan no matig Samaria no boi no nigtabak din to, “Nokoy soini! Hudiu ka woy matig Samaria a no boi no ogbuyuan a nu to woig.” Sikan ian ka kagi rin. Kono ogpakag-alkuy ka mgo Hudiu to mgo matig Samaria.
26293	JHN 5:14	Nò, waro malugoy no pigkita ni Hisus ka sikan no otow dio to Dakol no Ampuanan. Kagi ni Hisus kuwo kandin, “Nò, man, noulian kad on! Kono ka oghutuk ogpakasalo su ko oghutuk ka, ogkoumaan ka buwa to molmohirap pad no masakit nu.”
26333	JHN 6:7	Nigtabak si Pilipi no kagi rin, “Pila buwa no libu, Buyag, ka litos to ogboli to paan no litos to soin no mohon-ing no mgo otow woy kono do no litos to ogpakoon to soin no mgo otow!”
26378	JHN 6:52	Nò nigpaap-apuloy ka mgo igbuyag to mgo Hudiu no kagi ran, “Ka ku kow! Ogmonuon naan to soin no otow no ogbogoy kanta to lawa rin oyow ogkoonon ta?”
26412	JHN 7:15	Noinuinu ka mgo Hudiu dio to pog-anad din no kagi ran, “Nokoy buwa soini nò! Dakol ka katagaanan to soin no lukos no waro man nig-anad kai to kanami.”
26445	JHN 7:48	Og-inso koy kaniu ko duon buwa ka sagboka kanami no igbuyag now woy ko sagboka no Parisiu no nigtuu kandin? Waro man!
26472	JHN 8:22	Moin-insooy ka mgo Hudiu no ogsamilian dan. Kagi ran, “Manio buwa ka sikan no kagi rin to kono ki ogpakasundul dio to kandin no ogdatongan? Nokoy buwa ka kalitukan? Oghimatayan din buwa ka lawa rin!”
26490	JHN 8:40	Di kuntoon, oghimatayan a now no sikoddi ka ognangon kaniu to malogot no pigdinog ku no ogligkat to Magboboot. Di duon atag bantaan now to oghimatoy koddi. Waro moghimu si Abraham no unawa to soini!
26496	JHN 8:46	Nig-inso pad ni Hisus to, “Hontow dapit kaniu ka nakatitigus to nakasalo a? Waro! Ko ogkagi a kaniu to malogot no kinagian, manio to kono kow ogtuu koddi?
26502	JHN 8:52	Kagi to mgo Hudiu kuwo kandin, “Otowoy ra! Kuntoon, nataga koy on to nigsoloran ka to busow. Si Abraham, mgo talagnangon to kagi to Magboboot, tibo, namatoy ro. Di sikoykow atag no kagi, ko ogtumanon to otow ka kagi nu, kono ogkamatoy sikandin.
26507	JHN 8:57	Kagi to mgo Hudiu kuwo ki Hisus, “Waro pad nokouma ka kalimmaan no tuid no inkootow nu no nakakita kad ki Abraham! Ka ku kow!”
26517	JHN 9:8	Pogkita to mgo otow dio to songo baloy ran woy ka duma no mgo otow no nigkita kandin no ogbuyuan din to salapi dongan, kagi ran, “Soini buwa ian ka otow no ogpinpinnuu no ogpamuyu to salapi kanta!”
26525	JHN 9:16	Kagi to duma no mgo Parisiu bahin ki Hisus, “Soin no lukos nò! Waro sugua to Magboboot su kono ogtuman to Balaod ta to kono ki ogtalabau ko Allow ta to Oghimoloy.” Di nigkagi ka mgo duma ran no kagi ran to, “Kono ogkohimu ka koin-inuan ko duon salo din.” No nabaad ka goinawa ran.
26539	JHN 9:30	Nigtabak ka nabawian. Kagi rin, “Ka ku kow! Ogkoinuinu ki kaniu su waro kow mataga ko hondoi nigligkat di nigbawian din ka mata ku.
26543	JHN 9:34	Nabolu on ka mgo igbuyag to Hudiu no nigtabak sikandan to nabawian. Nig-inso dan, “Umba sikoykow! Og-anad ka kanami porom? Sikoykow no nootow ka no nabutud woy makasasalo ka di kuntoon nig-anad kad on kanami no mgo talag-anad to tinuuan ta? Ka ku kow!” Nò, pigdogil dan sikandin no kono dan ogbogoy to oghutuk og-ampu dio to anaranan dan.
26600	JHN 11:8	Kagi to mgo hibatoon din kandin, “Buyag, pila no allow no pigligad no pigdogpaka ka porom to mgo Hudiu! Nò, oglibong ka rod naan dio?”
26601	JHN 11:9	Nigtabak si Hisus to pananglitan. Kagi rin, “Duon sampulu no oras woy darua woy ki ogkoumaan to marusilom. Ko oghipanow ki ko maawang pad, kono ki ogpakarogpak dut dalan su maawang man!
26635	JHN 11:43	To naponga nig-ampu, nigbabansagon nig-umow. Kagi rin, “Wow Lasaru, libuwas ka!”
26641	JHN 11:49	Di nakakagi ka sagboka no si Kaipas ka ngaran din. Kandin ka Labow to mgo Talagpanubad to sikan no tuid. Kagi rin, “Waro nanaan gindawanan now to soini!
26662	JHN 12:13	To nakarinog, nanabukan dan ka mgo lalasangan no duon dod dohun to kalasi no kayu no ogkounawa to niug. Nanhipanow on no ogtagbu ki Hisus no layun on ogbabansagon no ogsayo to Magboboot. Nigbabansagon dan, “Ogsayoon ta ka Magboboot! Ogkapulusan ka soini no lukos no oghondini to ngaran to Magboboot. Ogkapulusan pad to Magboboot ka soini no Labow no Igbuyag to mgo taga Israil.”
26664	JHN 12:15	Kagi dio to sika nolulun, “Kaniu no og-ugpo dio to lunsud to Hirusalim kono kow ogkahallok! Pitow kow! Magaan on ogpokouma ka Lagboy no Igbuyag now no nig-untud to nati to asno.” Sikan ka kagi dio to Nasulatan.
26668	JHN 12:19	Nò, nigmakagkagioy ka mgo Parisiu no kagi ran, “Pitow kow! Ogmonuon tad to naatangan kid. Pitow kow naan dio! Tibo no mgo koot-otawan, og-unug on kandin.”
26800	JHN 16:5	Di magaan ad on og-uli dio to sikan no nigsugu koddi. Di agad sagboka kaniu, waro kow mog-inso ko hondoi a ogdolog!
26871	JHN 18:17	Kagi to sikan no boi kuwo ki Pedro to, “Agad sikoykow songo hibatoon ka buwa to sikan no lukos no nigdakop dan.” Nigtabak si Pedro to, “Kona a no duma rin!”
26889	JHN 18:35	Nigtabak si Pilatu to, “Bak Hudiu a! Ka duma nu no mgo Hudiu woy ka mgo igbuyag to talagpanubad now ka nighatod koykow kai to koddi no gobirnador. Nokoy man ka salo nu?”
26897	JHN 19:3	Ko napongaan on to nigsalaub woy ka kogos din, tag sagboka no sundalu ka nigdani ki Hisus no ogsumpalit do duon to tahud dan. Kagi ran, “Kumusta ka, Labow to Igbuyag to mgo Hudiu!” woy nigtagpi dan ka langlanguwan din.
26899	JHN 19:5	Nò, niglibuwas si Hisus no nasalauban on to sikan no moitom-itom no manggad woy duon ka sikan no kogos din no dugi. Kagi ni Pilatu kuwo kandan, “Pitow kow! Soinid ka lukos!”
26952	JHN 20:16	Nigkagi ni Hisus kandin. Kagi rin, “Maria!” Nigtangko sikandin ki Hisus no nigkagi to Hinibriu. Kagi rin, “Rabonai.” Ka kalitukan, “Maistru.”
27421	ACT 12:15	Di kagi to mgo otow to, “Nangog ka ra!” Di nigbaghot to nigkagi ni Roda to, “Tu–tuu ian to si Pedro ian ka duon.” Kagi to mgo otow, “Diwata buwa to Magboboot no ogbantoy kandin.”
28183	ROM 7:24	Kalogon do ian kanak da! Hontow buwa ka ogpakapangabang kanak oyow ogkaawo ad on to soini no pogkouripon ku to mgo maroot no koiniatan to soini no lawa ku no ogpakaalap poron kanak dio to kamatayon no waro katamanan?
28444	1CO 1:13	Kono now baadbaara ka lawa ni Kristu su kono man no sikanak no si Pablo ka namatoy no igliwan kaniu dio to krus! No ko nigpabautismuan kow, kono man no ngaran ku ka nigsampit now.
28446	1CO 1:15	su og-awoson no waro otow dio to kaniu no ogpakanangonnangon to nigpasakup sikandin to kanak no ngaran ko nigpabautismu!
28657	1CO 10:22	Nò, kono ta og-ol-ologan ka Magboboot to ogpanalikud kanta ko ogsayoon ta pad sikandin di pogkaponga, ogsoip ki no ogsayo to mgo busow. Bak dakoldakol ka kanokalan ta to kabogbogan to Magboboot!
28689	1CO 11:21	Ian su tag sagboka no otow, ogparagas do duon no ogkoon to kandin no iglabung di duon dod otow no oggutasan woy duon pad ka ogkalasing!
28690	1CO 11:22	Bak waro baloy now su dii kow on oghinalantoy! Og-inso a kaniu ko goinawa now buwa ko oglomotan now ka mgo duma now no songo og-ampu to Magboboot? Woy og-inso a ko goinawa now rod ko ogpasiporan now ka mgo duma now no waro igkaalap dan no iglabung dan? Nokoy buwa ka ignangon ku kaniu, ko ogsayoon ku pad sikaniu to soini no batasan? Kono a man.
28865	1CO 16:21	Nò, kanak no si Pablo, bolad ku lagboy ka ogsulat to soini to, “Kumusta kow!”
29103	2CO 12:13	Nò, og-inso a kaniu, mgo sulod, ko nokoy ka salo ku kaniu? Ka batasan ku dio to kaniu, nokog-unawa ro to batasan ku no dio a to mgo nigtuu no dio to duma no mgo lunsud. Di ian do batasan ku dio to kaniu no waro mokog-unawa to sikan no batasan ku dio to duma no mgo lunsud so waro a nigbuyu kaniu to og-awoson to pog-ugpo ku. Ko salo ku pa kaniu ka sikan, pasaylua a now ro!
29165	GAL 2:17	Nò, ogkoiniatan tad on ian to oyow ogkohimu kinow on no maroyow dio to tangkaan to Magboboot su ligkat to ogkasagboka kinow on ki Kristu. No su nigtuu kid on to sikan, nakatokod kid on to makasasalo kinow nanaan no ogkounawa ki rod to mgo otow no kono no Hudiu. Nò, su malogot ka sikan, og-inso a ko ian ta ignangon to ogkohimu kinow on no makasasalo su ligkat ki Kristu? Kono man ogkaayun no kagi. Ka ku kow!
29170	GAL 3:1	Ka ku kow kaniu no mgo taga Galasia no naawo on ka pogdoromdom now! Hontow ka nigpasuwoy kaniu to pogtuu now to ogpounugon kow porom to Balaod ni Moisis? Di tahan on man nigbat-awan ka goinawa now to innangon noy ka pighimu ni Hisu Kristu no niglansang sikandin dio to krus.
29213	GAL 4:15	An-anayan, narago kow lagboy! Manio to ogkoiling kow on kuntoon? Di ogpakamalogot a kaniu to lagboy no maroyow ka goinawa now kanak nokani. Ko nohimu pa to ogkaloko, ka mata now, imbogoy now poron kanak.
30430	JAS 5:9	Mgo sulod, kono ki ogmugongmugong to duma ta su oyow kono ki ogkabobootan to iglogpad. Pamminog kow! Si Hisu Kristu no ian Talagboot, duon on to gumawan.
30834	REV 3:20	Pamminog kow! Ian ku ogkounawaan ka otow no ogsasindog to gumawan no og-umow oyow ogpapulasan. Ko duon otow no ogdinog to pog-umow ku no ogpulasan a rin, ogsolod a to kandin no baloy woy og-amut a kandin to ogkoon.