23219	MAT 1:6	Si Jesse ka amoy to Labow no Igbuyag dongan no si Dabid. Si Dabid ka amoy ni Solomon. To inoy rin, asawa ni Urias no songo naasawa on ni Dabid.
23221	MAT 1:8	Si Asa amoy ni Hosapat. Si Hosapat amoy ni Horam. Si Horam amoy ni Usias.
23222	MAT 1:9	Si Usias amoy ni Hotam. Si Hotam amoy ni Akas. Si Akas amoy ni Isikias.
23251	MAT 2:13	To nanhipanow on ka mgo mamimituon no mgo otow, to nohirogo si Husi, natagoinop din ka diwata no kagi to diwata to, “Onow ka Husi, dumaa nu ka bato woy ka inoy rin woy salsalia kow dio to ugpaan to Ehipto. Ugpo kow dio taman to ognangonan ku sikaniu to og-awo kow dio su ogpamanghoon ni Hirodis ka bato su ogkoiniatan din no ogpohimatayan sikandin.”
23256	MAT 2:18	“Duon ogkarinog tanow no mamatalo dio to lunsud to Rama. Ogkarinog tanow ka ogsisinogow woy ogpandalawit su si Rakil masakit lagboy so goinawa rin to mgo anak din. Ungod sikandin ogsinogow woy kono ogkoim-imuan ka goinawa rin su nammatoy ka mgo anak din.”
23258	MAT 2:20	“Onow ka Husi, dumaa nu ka bato woy ka inoy rin. Uli kow on dio to ugpaan to Israil su namatoy on ka mgo ogsugu no oghimatoy porom to bato.”
23319	MAT 5:16	Unawa soini pad ka oghimuon now. Oglayag kow pinabayo to maroyow no batasan now dio to mgo otow su pinabayo to soini, ogsayoon to mgo otow ka Amoy tanow dio to langit.
23374	MAT 6:23	Di ko duon ig-atang dut mata ta, marusilom do ian dio to goinawa ta. Unawa rod, ko maroot ka goinawa ta, maroot lagboy ka tibo no oghimuon ta.”
23383	MAT 6:32	Ungod ogkasasow ka mgo otow no waro mataga to duon ka Magboboot to sikan. Di ka kaniu no Amoy no Magboboot no dio to langit, tahan din on natagaan ka og-awoson now.
23407	MAT 7:22	Uromo to allow to ogbobootan to Magboboot ka tibo no mgo otow,” kagi ni Hisus, “Mohon-ing ka mgo otow no ogkagi to, ‘Buyag, nighingaranan noy ka koykow no ngaran ko nignangonnangon koy to kinagian to Magboboot woy pigpandogil noy ka mgo busow no nigsoloran to lawa to mgo otow, woy mohon-ing ka nighimu noy no kabolbolonganan.’
23418	MAT 8:4	Nò, kagi ni Hisus kandin, “Pamminog ka Usi, kono nu nangoni ka agad hontow to soini no nighimu ku koykow. Di hondio ka to talagpanubad dio to Dakol no Ampuanan oyow ipapitow nu kandan to noulian kad on to sikan no kogang nu. Nò, bogoy ka to Magboboot to insugu ni Moisis dongan no igtubad. Tumana nu soini su ian ka igpoitaga to tibo no mgo otow to noulian kad on to kogang nu.”
23423	MAT 8:9	Natagaan ku soini su ogkounawa ro to igbuyag ku no duon katondanan din koddi. Ogtumanon ku agad nokoy ka igsugu din koddi. Songo unawa ro koddi no duon katondanan ku to mgo sundalu ku. Ogsuguon ku ka sagboka to, ‘Hondio ka’, nò, oghondio sikandin. Ogsuguon ku ka dangob to ‘Hondini ka’, nò, oghondini sikandin. Woy ognangonan ku ka suguanon ku to, ‘Himua nu soini.’ nò, oghimuon din on. Unawa ro to koykow, su agad nokoy no ignangon nu ogkatuman ian.”
23427	MAT 8:13	Pignangonan ni Hisus ka kapitan to, “Uli kad on. Tongod to nigtuu kad on koddi, ogkatuman ka pogpabuyu nud koddi.” To sikan lagboy no oras noulian ka sikan no suguanon to kapitan.
23468	MAT 9:20	To poghipanow woy ni Hisus, duon sagboka no boi no nigdani dut poka rin no nigsamsam din ka sikaran to kinabo din. Soini no boi duon dalu rin. Ungod sikandin oglangosa no waro ian nighagtong to sampulu woy darua on no tuid. Nakaroromdom sikandin ko ogpakasamsam do buwa to sikaran to kinabo din, ogkoulian sikandin to dalu rin.
23532	MAT 11:4	Nigtabak si Hisus kandan to, “Uli kow on dio ki Huan. Nangoni now sikandin bahin to nakitaan now no nighimu ku woy bahin to narinog now. Nangoni now sikandin no pinabayo koddi ogpakakita on ka mgo nabbutud woy ogpokohipanow on ka mgo napulid woy nabawian on ka mgo ibungon, warad ka igkaligsomi ran woy ogpakarinog on ka mgo nabongol woy nabuhi on ka mgo nammatoy woy nakarinog ka mgo publi bahin to Maroyow no Nangnangonon. Napulusan ka sikan no otow no kono no limanglimang so goinawa rin to sikoddi ka impohondini to Magboboot.”
23550	MAT 11:22	Kagi ni Hisus to “Uromo ko ogkatuman on ka allow to ogbobootan to Magboboot ka mgo otow, dodoisok pad ka iglogpad din to mgo taga Tiru woy ka mgo taga Sidon to kaniu no taga Korasin woy taga Bitsaida su dakoldakol ka iglogpad kaniu.
23592	MAT 12:34	Unawa do kaniu, waro ogkagion now no maroyow su maroot ka mgo batasan now. Ogkounawa kow to ulod no oghilu su ogpakoid kow no mgo otow. Ko nokoy ka dio to goinawa now, ian ka oglibuwas dut bo-bo now.
23599	MAT 12:41	Uromo to allow to ogbobootan to Magboboot ka mgo otow, ogsolsolan kow to mgo taga Ninibi dongan su pogkarinog dan to innangon ni Hunas kandan, nigpan-ongkoran dan ka maroot no mgo batasan dan. No, kuntoon duon on kai to kaniu ka labow pad lagboy ki Hunas di waro now tuui ka innangon din kaniu.
23600	MAT 12:42	Uromo to allow to ogbobootan to Magboboot ka mgo otow, songo ogsunditan kow to dongan no Labow no Igbuyag no boi dio to lunsud no oghingaranan to Siba, su nigpuun sikandin to mariu lagboy no lunsud oyow oghondio do no ogpaminog to ig-anad to Labow no Igbuyag no si Solomon. No, kuntoon duon otow no og-anad kaniu no labow pad lagboy ki Igbuyag Solomon di waro now tuui ka ig-anad din kaniu.”
23622	MAT 13:14	Ka innangon ni Isaias no talagnangon dongan to Magboboot natuman to soini no mgo otow. Innangon dongan ni Isaias to, ‘Ungod sikandan ogpaminog, di kono sikandan ogpakasabut. Songo ungod sikandan ogpitow di kono sikandan ogpakamolmolog.
23718	MAT 15:16	Nigtabak si Hisus to, “Un-unawa ka kakogal to ulu now to sika dangob no mgo otow. Waro kow pad naan makasabut? Agad nokoy no igtagu ta to bo-bo ta ogpakabayo dio to gotok ta no oglibuwas to lawa ta.
23831	MAT 18:35	Unawa rod ian ka oghimuon to Amoy ku no dio to langit kaniu ko kono no malogot no igpasaylu now to duma now no ogpakasalo koykow.”
23869	MAT 20:8	“Nò, to ogkatangkob on nigsugu to tagtuun to pamulaanan ka kapatas din. Kagi rin to, ‘Umawa nu ka mgo ogtalabau. Bayari nu sikandan di ko ogbayad ka, hun-aa nu to ogbayad ka namoori no mgo nigtalabau woy nu bayari ka nokohun-a.’ ”
23874	MAT 20:13	Nigtabak ka tagtuun to pinamula to songo otow no nigtalabau to, ‘Usi, waro ku holosi sikoykow. Nokouyun kid ganna to sagboka ro no malison no salapi ka igbogoy ku kaniu.
23882	MAT 20:21	Nig-insaan ni Hisus sikandin to, “Nokoy ka ogkoiniatan nu?” Woy nigtabak sikandin to, “Uromo ko rio kad to Pandatuan nu, ogkoiniatan ku to soini darua no mgo anak ku, to ogpakapinnuu dio to longod nu, ka sagboka dio to kawanan nu woy ka dangob dio to gibang nu.”
23911	MAT 21:16	Nò, nig-inso sikandan ki Hisus to, “Umba man, ogdinogon nu ko nokoy ka ignangon to mgo bato?” Nigtabak si Hisus kandan kagi to, “Hoo, nakabasa kow man to kinagian to Magboboot no ingkasulat to songo talagnangon to kagi to Magboboot dongan no kagi rin, ‘Sikoykow, Magboboot, nig-anad nud ka mgo bato oyow litos ka pogsayo dan koykow.’ ”
23953	MAT 22:12	Nig-inso ka labow no igbuyag kandin to, ‘Usi, nigmonu nu to pogsolod nu to waro litos no kinabo nu to kasal?’ Waro ian nakatabak ka otow.
23967	MAT 22:26	Omunaan no ka giboon to namatoy, nig-asawa rin ka boi no nabalu. Songo namatoy sikandin no wa pad nig-anak. Unawa rod ka nohimuan to sika igkararua woy ka igkatatolu no hari taman no noubus on no nig-asawa ka papitu no patalahari to sikan no boi. Tibo sikandan namatoy no waro pad ian anak dan. Bali naan, songo namatoy ka boi no nabalu.
24041	MAT 24:15	Uromo ogkitoon now ka Makahallokhallok no Dorooti no ian ka innangon ni Daniel no talagnangon to kagi to Magboboot dongan. Ogsasindog dio to Dakol no Ampuanan to Magboboot. Nò, agad hontow, ko ogbasa ka to soini, ay-ayari nu to ogbasa oyow ogpakasabut ka.
24061	MAT 24:35	Uromo, ogkaawo ka soini no langit woy ka tano, di atag, kono ogkaawo ka mgo kagi ku.”
24146	MAT 26:23	Woy nigtabak si Hisus to, “Umba naan no ogpokogdongan koy no oghalit to paan dio to boung, sikandin ian ka ogpanabod koddi.
24173	MAT 26:50	Nigtabak si Hisus to, “Magaan ka, Usi, ko nokoy ka oghimuon nu.” Nò, nigdakop to mgo otow si Hisus. Nigdosonan dan sikandin to poggongon.
24231	MAT 27:33	Nò nigdatong sikandan dio to tano no oghingaranan to Golgota, no ka kalitukan “Bokog to Ulu.”
24286	MRK 1:2	Un-unawa ka kagi to insulat dongan ni Isaias no talagnangon to kagi to Magboboot. “Kagi to Magboboot, ‘Nò, ogpohun-oon ku koykow ka suguanon ku oyow kandin ka ogpanagana to dalan no ogbayaan nu.’
24334	MRK 2:5	Pogsabut ni Hisus to dakol ka pogtuu ran kandin, nigkagian din ka sika lukos no nigkolog so lawa rin, “Usi, napasayluan on ka mgo salo nu.”
24339	MRK 2:10	Nò, sikoddi ka Kakoy to Koot-otawan kai to kalibutan no igpakita ku kaniu to duon katondanan ku to ogpasaylu to salo to mgo otow. Nò, nigkagian din ka sika nigkolog to lawa, ‘Usi, ka kagi ku koykow, onow kad, paragas ka ogsasindog honata nu ka ikam nu woy og-uli kad on.’ ”
24383	MRK 3:26	Unawa ian ko ogpokog-ogot ka mgo punduk no sakup ni Satanas ka mgo sakup din, kono ogkalugoy no ogkoubus ka pandatuan din.”
24452	MRK 5:19	Di waro dumaa ni Hisus. Kagi ni Hisus kandin, “Uli kad on dio to koykow no ugpaan. Nangoni nu ka mgo sulod nu mgo amigu nu dio bahin to tibo no kabogbogan to Magboboot dio to koykow, agad to nohoy-uan ka rin.”
24595	MRK 8:26	Ko nigsugu ni Hisus to og-uli on ka lukos, nigkagi to, “Uli kad on di lipas ka ro to soin no lunsud.”
24669	MRK 10:12	Unawa ian to boi ko og-ongkoran din ka asawa rin woy og-asawoon pad to dangob no lukos, ogpakalibug ka sikan no boi.”
24678	MRK 10:21	Pogpitow rin, dakol ka goinawa ni Hisus to sikan no lukos. Kagi rin kandin, “Kulang ka pad to sagboka no oghimuon nu porom. Uli kad on woy ipanaliu nu ka tibo no kalaglagan nu to salapi no ipambogoy nu ka salapi to publi no mgo otow. Ko ogpakatuman ka to sikan, dakol on ka igdasag nu dio to langit no ugpaan to Magboboot. Ko impambogoy nud on, libong ka dii woy ogdurumaruma kad on koddi.”
24706	MRK 10:49	Pogdinog ni Hisus, nigsagdok kandin. Kagi rin, “Umawa now ka sikan no nabutud.” Nò, pig-umow ran ka nabutud no kagi ran kandin, “Sasindog kad su pohondion ka ni Hisus, karago ka.”
24709	MRK 10:52	Kagi ni Hisus kandin to, “Uli kad on, Usi, ogpakakita kad on su ka pogtuu nu koddi, sikan ian ka nakabawi koykow.” Sikan do no nakakita on woy nigduma ki Hisus.
24773	MRK 12:31	Ka igkarangob no sugu no dakol ka pulus, soini ian. Unawaa nu ka goinawa nu to mgo duma nu to goinawa nu to koykow no lawa. Waro duma no sugu no labowlabow to soin no darua.”
24789	MRK 13:3	Songo allow ko ogpinpinnuu si Hisus dio to sikan no bubungan no Ulibu no dio nigtangko to Dakol no Ampuanan, nigdalapak dio to longod din si Pedro, si Santiago, si Huan, woy si Andres do; waro loin no duma ran.
24823	MRK 13:37	Unawa ka kagi ku to tibo no mgo otow to kagi ku kaniu. Bantoy kow!
24854	MRK 14:31	Di nigbabansagon ni Pedro no kagi rin, “Agad darua ki ka oghimatayan dan, kono ku igholos sikoykow.” Uunawa ka kagi to tibo no mgo hibatoon din.
24917	MRK 15:22	Nigduma ran si Hisus to sikan tano no oghingaranan to Golgota, no ian kalitukan, “Bokog to Ulu.”
25033	LUK 1:71	no kagi ran to, ‘Uromo, kanta no mgo Hudiu ogpangabangan ki bahin to mgo usig ta no ogkaawo ka katondanan to agad hontow no ogpangusig kanta.’
25090	LUK 2:48	Nò, nabolongbolong si Maria darua ki Husi to nigkita ran si Hisus. Kagi to inoy rin to, “Utu, manio naan to nighimu nu ka unawa to soini? Nasasow koy lagboy no namangho koykow.”
25196	LUK 5:20	Pogsabut ni Hisus to dakol ka pogtuu ran kandin, kagi rin to sikan no lukos no kono oggoram to lawa rin to, “Usi, napasaylu on ka salo nu.”
25200	LUK 5:24	Nò, “Koddi ka Kakoy to mgo Koot-otawan kai to kalibutan no igpakita ku kaniu to duon ian katondanan ku to ogpasaylu to salo to mgo otow.” Nò, nigkagian din ka sika nigkolog to, “Usi, onow kad on, paragas kad on ogsasindog no puruta nu ka hibatanan nu no uli kad on.”
25251	LUK 6:36	Unawaa now ka batasan now to batasan to Amoy now dio to Langit no ogkohoy-u to mgo otow. Songo kohoy-ui now ka agad hondoi no otow.”
25278	LUK 7:14	no nigdulug si Hisus to namatoy no niggongonan din ka nigpohibatan to namatoy. Nò, nigsagdok on ka mgo lukos no oglolong dut namatoy. Kagi ni Hisus dut namatoy to, “Utu, ogkagian ku sikoykow to onow kad on.”
25286	LUK 7:22	Nigtabak si Hisus to mgo hibatoon ni Huan to, “Uli kow on dio ki Huan woy nangoni now sikandin to tibo no pigkita now woy pigdinog now kuntoon. Inangon now to ogpakakita on ka mgo nabutud, ogpokohipanow on ka mgo napulid, woy nabawian on ka kogang dut mgo ibungon; warad on ka igkaligsomi ran. Ogpakarinog on ka mgo nabongol woy ogkabuhi on ka mgo nammatoy. Woy songo ognangonan ku ka mgo publi to soini no Maroyow no Nangnangonon ligkat to Magboboot.”
25328	LUK 8:14	No ka tano no dugion no nasawaran to boni, ian ogkounawaan ka otow no ogdinog to kagi to Magboboot di pogkalugoy, ogkatalantan to mgo igkasasow ran, mgo kalaglagan dan, mgo igkarago dan. Unawa to homoy no naliboran on dut dugion no konad ogpakalibuwas ka bogas din, songo kono ogpakatood ka pogtuu to sikan no mgo otow.
25353	LUK 8:39	Di waro dumaa ni Hisus. Pinohipanow on ni Hisus ka otow to kagi rin to, “Uli kad on dio to ugpaan now no ipamatbat nu dio to mgo otow to dakol ka kohoy-u to Magboboot koykow.” Ka otow no pigbusawan no nabawian on, nighipanow on no nignangnangonan din ka tibo no mgo otow dio to lunsud din to tibo ka pighimu ni Hisus kandin.
25362	LUK 8:48	Kagi ni Hisus, “Igi, ian to noulian kad su ligkat to pogtuu nu koddi. Uli kad on su malinowon kad.”
25409	LUK 9:39	Duon busow no ogbakuson sikandin no inogo on ogpakangangang ka bato no komoron ka lawa rin woy ogbubuko ka bo-bo din. Ungod oghisakiti to busow ka lawa to bato no kono poron oglokaan to sika busow,” kagi to amoy to bato.
25450	LUK 10:18	Kagi ni Hisus kandan, “Nakitaan kud si Satanas no ian igbuyag to mgo busow no noulug on nigligkat to Langit su naroog on. Unawa to kilat no nigligkat dio to langit ka pogkoulug din.
25467	LUK 10:35	Pogkapawo, nigbogayan on dut taga Samaria ka tagbanwa to salapi no kagi rin to, ‘Uyamui a pa kai to soini no napalian. Ko songo monu ka subla to gastu nu kandin, ogliwanan ku ro ko oglibong a.’ ”
25479	LUK 11:5	No nigparagas si Hisus no nigkagian din ka mgo hibatoon din. Kagi rin, “Pananglitan, agad hontow kaniu, ko oghondio kow to amigu now to liwaro to karusiloman no ogkagian now sikandin to, ‘Usi, ogbuyu a to tatolu ro no malison no paan
25542	LUK 12:14	Di nigtabak si Hisus to, “Utu, hontow naan ka nigbogoy koddi ka katondanan ku to oghusoy woy ogtalad to kalaglagan now no darua?”
25561	LUK 12:33	“Ibaligya now ka tibo no kalaglagan now no ibogoy now ka sikan no salapi to duma no mgo otow no duon og-awoson dan. Unawaa now to soin no pananglitan. Kua now ka pitaka no kono ogkamolu no litos to igkaratu now. Dio now isabuk to langit su dio to Langit, kono ogkoubus woy songo kono ogkatakow, woy kono songo ogkaraat to mgo ulod-ulod.”
25563	LUK 12:35	Nigparagas si Hisus to kagi rin to, “Og-awoson now to ogpanagana kow to agad nokoy ka ogdatong kaniu. Hogota now ka holon to kinabo now woy parokot kow to ilawan now. Unawaa now, pananglitan, to mgo suguonon no ogtatagad to kon-u buwa ogpokouma on ka igbuyag dan no ogpuun to sagboka no pagkoonan to ogpangasawa. Ko ogpokouma on ka igbuyag dan no og-umow, magaan dan do ogkapulasi ka gumawan.
25667	LUK 15:10	“Unawa to narago ka sikan no boi no nigkita to salapi din, songo dakol man ka igkarago to mgo diwata no suguanon to Magboboot no dio to Langit ko duon agad sagboka no makasasalo no otow no og-ongkod to mgo salo din.”
25688	LUK 15:31	Di nigtabak ka amoy rin to, ‘Utu, koykow atag, kai ka ro layun to tangkaan ku, no tibo no kalaglagan ku, koykow rod no kalaglagan.
25800	LUK 18:43	Nò, nakakita on woy nigduma on ki Hisus. Ungod din on sayaa ka Magboboot, no ka tibo no mgo otow, pogpitow ran to nabutud no nabawian on, songo nigsayo on sikandan tibo to Magboboot.
25911	LUK 21:16	Uromo, igpanabod kow to mgo amoy now, mgo inoy now, mgo hari woy ko kakoy now, mgo sulod now woy ko mgo duma now no kono ogtuu no ighatod kow dio to mgo talagboboot. Duon duma kaniu no ogtuu koddi no oghimatayan dan.
25915	LUK 21:20	Kagi ni Hisus, “Uromo ko ogkitoon now ka lunsud to Hirusalim no ogkalinglingotan on to mgo sundalu, sikan ian ka igpoitaga kaniu to magaan on ogkagugus ka soini no lunsud.
25928	LUK 21:33	Uromo ogkaawo ka soini no langit woy soini tano, di kono ogkaawo ka mgo kagi ku.”
25991	LUK 22:58	Wa do malugoy no nigkita ka songo lukos ki Pedro. Kagi rin, “Sikoykow, songo sagboka ka to mgo karumaan ni Hisus,” di nigtabak si Pedro to, “Usi, kona a ra.”
25993	LUK 22:60	Di nigpoomot nigligal si Pedro to kagi rin to, “Usi, waro a makasabut to ogkagion nu.” Inogo on ian no wa pad maponga si Pedro to kagi rin no nig-ukalo on ka manuk.
26037	LUK 23:33	Pogkouma ran to songo tano no ian ighingaran dan to kinagian dan to “Bokog to Ulu,” dio dan do langsangi si Hisus to kayu no krus no pig-onow ran on, woy songo niglansang dan ka darua no tulisan dio to mgo krus no pinoglimang ki Hisus ka sika mgo makasasalo.
26136	JHN 1:23	Nigtabak si Huan to, “Sikoddi ka ogbabansagon dio to holholawan; lantasi now ka dalan woy gawhani now ka ogbayaan to Lagboy no Igbuyag ta oyow ogkatul-id.” Unawa ka kagi ku to nigpasulat to Magboboot ki Isaias dongan.
26156	JHN 1:43	Ka sunud no allow, nigboboot si Hisus to oghondio to Galilia. Nigtagbu rin si Pilipi no nigkagi to, “Usi, duma ka koddi.”
26159	JHN 1:46	Kagi ni Natanial, “Umba soini nò! Waro buwa no maroyow ko taga Nasarit!” Kagi ni Pilipi, “Ogduruma ki pad; pitow ka.”
26184	JHN 2:20	Kagi to mgo Hudiu, “Umba bag ian sikoykow nò! Kahop-atan no tuid woy hon-om ka poghimu noy to soin no Dakol no Ampuanan. No sikoykow atag, tatolu ro bag no allow ka poghimu nu oghutuk? Ka ku kow!”
26192	JHN 3:3	Kagi ni Hisus kuwo kandin, “Soini ka malogot no ogkagion ku koykow, Usi, to agad hontow, kono ogpakasolod to Pogsugu to Magboboot ko kono pad oghutuk ogpokootow.”
26194	JHN 3:5	Nigtabak pad si Hisus to, “Soini ka malogot no ogkagion ku koykow, Usi, to agad hontow, kono ogpakasolod sikandin to Pogsugu to Magboboot ko kono ogpokootow sikandin pinabayo to woig woy pinabayo to Gimukud to Magboboot.
26197	JHN 3:8	Duon pananglitan ni Hisus. Kagi rin, “Ka soin no kalamag, agad hondoi, ogkalkalamag do duon. Ogdinogon ta ka ogdaragonu di wa ki mataga ko hondoi buwa ogligkat woy ko hondoi buwa ogdoog. Unawa ian ka otow no nootow nighutuk no pinabayo to Gimukud to Magboboot. Kono ki ogpakakita ko moomonu ka pogkootow rin.”
26248	JHN 4:23	Di Igi, ogpokouma ka allow, no kai on ian no pinabayo to kabogbogan to Gimukud to Magboboot ka malogot no pog-ampu to mgo otow dio to Amoy no Magboboot. Unawa ian ka mgo otow no ogkoiniatan to Magboboot no Amoy no og-ampu kandin.
26275	JHN 4:50	Kagi ni Hisus kuwo kandin, “Uli kad, Usi. Ogkouyag do ka anak nu.” Nigtuu ka sikan no lukos to kagi ni Hisus no nighipanow on no og-uli.
26285	JHN 5:6	Nakitaan ni Hisus to soin no lukos no natagaan din to nalugoy on nighibathibat no nigtatagad no nigkagian ni Hisus sikandin. Nig-inso din, “Usi, ogkoiniat ka ko ogkoulian ka?”
26461	JHN 8:11	Nigtabak ka boi no kagi rin, “Warad, Buyag.” Kagi ni Hisus, “Songo kono ku ogbobootan sikoykow. Uli ka di kono kad oghutuk oghimu to salo.”
26471	JHN 8:21	Kagi pa ni Hisus kandan to, “Koddi, og-awa a pad dini. Ungod a now ogpamitawa di kona a now ogkitoon. Ogkamatoy kow ro no wa maawo ka salo now. Kono kow ogpakasundul dio to ogdatongan ku.”
26475	JHN 8:25	Nig-inso kandan ki Hisus, “Hontow naan sikoykow?” Nigtabak ni Hisus no kagi rin, “Amana soin no mgo otow no ulit. Unawa ian to nokani no innangon ku kaniu.”
26543	JHN 9:34	Nabolu on ka mgo igbuyag to Hudiu no nigtabak sikandan to nabawian. Nig-inso dan, “Umba sikoykow! Og-anad ka kanami porom? Sikoykow no nootow ka no nabutud woy makasasalo ka di kuntoon nig-anad kad on kanami no mgo talag-anad to tinuuan ta? Ka ku kow!” Nò, pigdogil dan sikandin no kono dan ogbogoy to oghutuk og-ampu dio to anaranan dan.
26663	JHN 12:14	No, nakakita si Hisus to nati to asno no nig-unturan din on. Un-unawa ka soin no pighimu rin to sikan no nasulat to Tahan no Kasulatan.
26777	JHN 15:9	“Ogkounawa to goinawa to Amoy ku koddi ka koddi no goinawa kaniu. Ungod kow og-ugpo to maroyow oyow kono kow ogkaawo kai to taliwaro to pusung ku.
26865	JHN 18:11	Kagi ni Hisus kuwo ki Pedro, “Itagob nu, Usi, ka moirob nu. Nahan nu buwa to kona a og-aguantoon to sikan no igkabaybayari ka imboot to Amoy ku koddi.”
26876	JHN 18:22	Ko nakaponga nigkagi si Hisus, nigtagpi to sagboka no talagbantoy kandin no kagi rin kandin, “Umba bag sikoykow su oglangub ka no ogtabak to soin no buyag to talagpanubad?”
26911	JHN 19:17	Niglibuwas on woy si Hisus to lunsud no nigtiang din ka krus din no nanhondio to tano no oghingaranan dan to Golgota ko Hinibriu no kinagian. Ka kalitukan to sikan no kagi, ‘Bokog to Ulu.’
26921	JHN 19:27	Woy nigkagian din ka sikan no hibatoon din to, “Usi, sikandin on ka inoy nu.” Nò man, nigpakiino sikandin no dio on to kandin nig-ugpo ka inoy ni Hisus.
26963	JHN 20:27	No, kagi rin ki Tomas, “Usi, dii nu ka tinuru nu. Pitow ka, kai nu to bolad ku. Woy pitow ka, isamsam nu ka bolad nu kai to kiliran ku. Hagtong kad, Usi, to ogtambabo; tuu kad on.”
26985	JHN 21:18	“Malogot ka soin no ogkagion ku koykow. Ko balubato ka pad, nigpanagana kad no nighipanow kad on no sikoykow ka nigboot ko hondoi ka ogdolog. Di Usi, ko ubanon kad on, ogparoropoon kad no ogbanggutan ka to songo otow no og-alapon ka dio to kono nu ogkoiniatan porom.”
26986	JHN 21:19	Sikan ka innangon ni Hisus oyow ogkataga porom to ogbayaan ni Pedro to igkamatoy rin no oyow ogsayoon din ka Magboboot. No, kagi ni Hisus ki Pedro to, “Unug ka koddi, Usi.”