23301	MAT 4:23	Niglogoblogob ni Hisus ka tibo no mgo lunsud to Galilia no og-anad duon to mgo anaranan to mgo og-ampu. Nignangonnangon sikandin to mgo otow to Maroyow no Nangnangonon bahin to Pogsugu to Magboboot kai to soin no kalibutan woy nigbawian din ka mohon-ing no loinloin no dalu duon to mgo otow.
23367	MAT 6:16	“Ko oglangkad kow ogkoon oyow to og-ampu kow dio to Magboboot, kono now igpoitaga to mgo otow pinabayo to langlanguwan now. Sikan ka oghimuon to mgo ogpatuutuu ka pogtuu ran. Oghihipanow sikandan no wa dan nigpandop-ug, woy waro dan nigpanugkad su maroyow ran ko ogkatagaan to mgo otow to oglangkad ogkoon su og-ampu. Ognangonan ku sikaniu,” kagi ni Hisus, “to duon on pogsayo kandan to mgo otow, sikan do ian ka igsayo kandan.
23466	MAT 9:18	To ogkakagi pad si Hisus no nokouma ka sagboka no Hudiu no duon katondanan din dio to anaranan to mgo og-ampu. Nigluhud sikandin dio to tangkaan ni Hisus no nigpohoy-uhoy-u no nigkagi to, “Ka boi no anak ku namatoy ganna, di ko oghondian nu woy ogsamsamon nu sikandin, ogkootawan sikandin.”
23503	MAT 10:17	Bantoy kow su duon mgo otow no og-alapon kow dio to tangkaan to talaghusoy no og-insaan kow woy oglamposan kow dio to mgo anaranan to mgo og-ampu.
23515	MAT 10:29	Dini to kanta, ka singku sintabus do ka litos to igboli to darua no manukmanuk no ogkoiling to ul-ul. Di waro agad sagboka kandan no ogkoulug dio to tano ko kono no pogboot to Magboboot.
23567	MAT 12:9	Nighipanow on si Hisus woy nighondio sikandin to anaranan to mgo og-ampu.
23609	MAT 13:1	Ka sikan dod no allow, nig-awo si Hisus dio to baloy no nighondio sikandin to ilis to Lanow to Galilia. Pogpokouma rin dio nigpinnuu dio to ilis to oyow og-anad.
23611	MAT 13:3	Pinabayo to mgo pananglitan, mohon-ing ka in-anad din kandan. Kagi rin to, “Duon otow no nighondio to kamot din to og-orok.
23616	MAT 13:8	Duon pad mgo boni no nakasawod dio to maroyow no tano, nigtubu woy nigtuga. Duon duma no namogasan to songo gatus. Woy songo duon namogasan to kohon-oman. Woy songo duon namogasan to katoluan.”
23626	MAT 13:18	Nò, nigparagas man do nigkagi si Hisus to, “Pamminog kow to kalitukan to pananglitan bahin to otow no nig-orok.
23689	MAT 14:23	Pigpouli ni Hisus ka mgo otow, nigpaawoy-awoy sikandin do to songo malopot no bubungan oyow og-ampu. Dio pad si Hisus to bubungan taman to warad on ka allow.
23708	MAT 15:6	“No,” kagi ni Hisus, “ligkat to in-anad now konad on litos no ogbuligan ta ka amoy ta woy inoy ta. Soini ka nighimu now su oyow kono kow ogpaagad-agad to kinagian to Magboboot oyow ogkatuman ka kaniu no ig-anad.
23744	MAT 16:3	Di ko ogkapawo on no ogpamaluwag woy duon kibol, songo ognangon kow to, ‘Og-uran kuntoon su malalab so langit woy duon mgo kibol.’ Ogtagno kow ko og-uran woy ko og-allow. Di kono kow ogpakasabut ko nokoy ka kalitukan to mgo hinimuan to Magboboot kuntoon.
23790	MAT 17:21	Di soini no kalasi no busow woy ro ogpakarogil ko pinabayo to mgo pog-ampu now dio to Magboboot woy oglagkos to oglangkad to ogkoon oyow og-ampu. Sikan do ian ka igpakarogil to sikan no busow, waro loin.”
23877	MAT 20:16	Nò, kagi ni Hisus to, “Sikan ian ka ogkamohuri no ogdani koddi, uromo, sikandan on ka ogpokohun-a. Sikan no mgo nokohun-a sikandan on ka ogkamohuri.”
23931	MAT 21:36	Nigsugu man do to tagtuun to pinamula no ubas ka duma no mgo suguonon din. Molmohon-ing pad ka nigsugu din to sikan no mgo nokohun-a. Di unawa ka nighimu ka mgo talagbantoy to pinamula to nighimu ran to mgo suguonon din no nokohun-a dio to kandan.
23967	MAT 22:26	Omunaan no ka giboon to namatoy, nig-asawa rin ka boi no nabalu. Songo namatoy sikandin no wa pad nig-anak. Unawa rod ka nohimuan to sika igkararua woy ka igkatatolu no hari taman no noubus on no nig-asawa ka papitu no patalahari to sikan no boi. Tibo sikandan namatoy no waro pad ian anak dan. Bali naan, songo namatoy ka boi no nabalu.
23980	MAT 22:39	Soini igkararua no songo ogkounawa rod to nokohun-a. Pounawaa now ka goinawa now to mgo duma now to goinawa now to kaniu no lawa.”
23990	MAT 23:3	Omunaan no awoson no ogpaagad-agad kow to agad nokoy no ig-anad dan. Di kono kow og-unug to oghimuon dan, su kono dan ian oghimuon ka kandan no ig-anad.
23997	MAT 23:10	Songo kono kow ogpoumow to agad hontow to ‘Igbuyag’, su ka Igbuyag now ian sikoddi no Im-imanan to mgo Koot-otawan. Sikoddi do ian ka Igbuyag now.
24021	MAT 23:34	Ognangonan ku sikaniu no igpaalap ku pad ka mgo talagnangon to kagi to Magboboot woy mgo otow no malayat so pogdoromdom dan woy ka mgo talag-anad. Oghimatayan now ka mgo duma, woy oglamposan now dio to Dakol no Ampuanan ka mgo duma, woy ogbaybayaran now sikandan to agad hondoi no ugpaan no ogpallaguyan dan.
24053	MAT 24:27	Ian su koddi, ka Kakoy to Tibon mgo Ko-ot-otawan, ka poglibong ku, ogkounawa to kilat no ogkalayagan ka langit ligkat to ogsilaan taman to ogsalopan to allow no ogkitoon to tibo no mgo koot-otawan.
24059	MAT 24:33	Ogkounawa ian. Ko ogkitoon now on to ogkatuman ka tibo soini no ignangon ku, ogkatagaan now to marani on ka allow to pogdatong to Kakoy to Koot-otawan.
24062	MAT 24:36	“Di agad hontow waro mataga to allow woy ko oras no oglibong ka Kakoy to Tibon Koot-otawan. Waro mataga ka diwata to Magboboot; waro mataga to Anak to Magboboot. Ka Magboboot no Amoy ro ka ogkataga to poglibong din.
24078	MAT 25:1	Nigparagas nigkagi si Hisus. Kagi rin, “Ogkounawa soini no pananglitan ka Pogsugu to Magboboot ko oglibong ka Kakoy to mgo Koot-otawan. Duon sampulu no mgo dalaga no nig-alap dan ka mgo ilawan dan no oghondio oyow ogtagbu to songo ogpangasawa.
24162	MAT 26:39	Nigdapig to marani ro woy niglangkob sikandin dio to tano no nig-ampu. Nignangon sikandin to, “Amoy ku no Magboboot, ko ogkohimu porom, awaa nu ka igkabaybayari no ogpokouma kai to koddi. Di konon sikoddi ka ogboot, ka koykow no pogboot ka ogkatuman.”
24165	MAT 26:42	Nighutuk man do niglibong si Hisus dio oyow to og-ampu. Kagi rin to, “Amo, ko kono ogkohimu no og-awoon nu ka igkabaybayari ku, koykow no pogboot ka ogkatuman.”
24232	MAT 27:34	Nigpoinum dan si Hisus to inumanon no in-amut dan to mapoit no tambal. Di to nignanam ni Hisus soini, warad on sikandin nigparagas no nig-inum.
24315	MRK 1:31	Nigdanian ni Hisus ka nigdaralu no niggongonan din ka bolad din no nigbuligan din sikandin to og-onow. Nigparagas nigsasindog su noulian on ka dalu rin no sikan do ian no nigpakoon din si Hisus mgo duma rin.
24319	MRK 1:35	Pogpamikatpikat, nig-onow si Hisus no nighipanow dio to waro otow no dio nig-ampu.
24358	MRK 3:1	Duon dod allow no nigsolod man do si Hisus dio to anaranan to mgo og-ampu. Songo duon dio ka songo lukos no noumil ka limang no bolad din.
24395	MRK 4:3	“Pamminog kow! Songo allow, duon sagboka no otow no nighipanow dio to kamot din oyow og-orok.
24425	MRK 4:33	Nigparagas nig-anad si Hisus to mgo otow bahin to kagi to Magboboot no mohon-ing no mgo pananglitan no ogkounawa to soini ka ig-anad din. Di ian din ignangon ka litos to kasabutan dan do. Ko warad makasabut, nighagtong on nig-anad.
24478	MRK 6:2	Ko Allow ran to Oghimoloy, nighondio si Hisus to anaranan to mgo og-ampu no nigbunsud nig-anad. Pogdinog to sika mohon-ing no mgo otow dio to in-anad din, noinuinu sikandan tibo. Nigmoin-insooy ka duma to, “Hondoi rin buwa kua ka natouan din? Hondoi rin buwa kua to katagaanan din? Hondoi buwa nigpuun ka kabogbogan din to oghimu to koin-inuan?
24481	MRK 6:5	Su sikan ian, kono ogpokohimu si Hisus to mgo igkoin-inuan. Duon manalingboka ro no nigsamsam din no nabawian on sikandan.
24543	MRK 7:11	Di loin ian ka kaniu no ig-anad. Ka kaniu no ig-anad ian ko ignangon to songo otow to amoy rin woy ko inoy rin to, ‘Kona ad on ogpakapangabang kaniu su ka igbulig ku kaniu porom, kono ku ogkabogoy su korban on ian.’ To kaniu no batasan konad litos to ogbulig ka sikan no otow to amoy rin woy ko inoy rin su ka lituk to korban, ian ka igtubad dio to Magboboot do.
24705	MRK 10:48	Pigsaparan ka nabutud to mohon-ing no mgo otow ko nig-umow. Di nasi nigpaagbotan din do no ogbabansagon. “Wow pinanganak ni Dabid, kohoy-ui a nu.”
24747	MRK 12:5	Nighutuk man do sugua to tagtuun ka dangob no suguonon din no nighimatayan dan kandin. No mohon-ing pad ka nigsundul di nig-ilingan dan to sikan no mgo nighun-a. Nigpanlamposan ka duma; ka mgo duma, nighimatayan dan.
24776	MRK 12:34	Ko nigdinog ni Hisus to maroyow ka tabak din, nigkagi to, “Magaan ka ogpakasolod to Pogsugu to Magboboot.” Nò, waro dangob no inso ki Hisus su nahallok ka tibo to og-inso.
24792	MRK 13:6	Ogpokouma ka mohon-ing no mgo otow no og-alap to koddi no ngaran no kagi ran, “Koddi ka Im-imanan to mgo Koot-otawan. Nò, ogkagawayan ka mohon-ing no mgo otow.
24794	MRK 13:8	Nò, ogmog-ogotoy matag sagboka no ugpaan woy ka loin no ugpaan. Ka mgo sundalu to songo igbuyag woy ka mgo sundalu to dangob, ogpanbunbunuoy. Ogdinug pad to agad hondoi; woy ogmohon-ingon ka bitil kai to soin no kalibutan. Soin no mgo igkabaybayari,” kagi ni Hisus, “ogkounawa ian to sakit to an-anayan no hayori to boi no og-anak.
24795	MRK 13:9	Bantoybantoy kow su ogpandakopon kow no ighatod kow dio to tangkaan to talagboot. Ogpanbarasan kow dio to mgo anaranan to mgo og-ampu. Ogpohondion kow rod to tangkaan to mgo kinalabawan dan woy ka labow no mgo Igbuyag su ogtuu kow koddi. Di ko rio kow, ogpakanangon kow kandan to Maroyow no Nangnangonon.
24805	MRK 13:19	Ian su ko ogkoumaan kow to sikan no mgo allow, mapoit lagboy ka igkabaybayari now. Waro no ogpokounawa kai to soi kalibutan puun to poghimu to Magboboot to kalibutan taman to kuntoon. Agad ko ogkaponga, konad on ogpokounawa agad kon-u.
24815	MRK 13:29	Ogkounawa ian. Ko ogpokouma on ka sikan no igkabaybayari, ogkataga kow to magaan on oglibong ka Kakoy to Tibon Koot-otawan.
24818	MRK 13:32	Di agad hontow, waro mataga to allow woy ko oras no oglibong ka Kakoy to Tibon Koot-otawan. Waro mataga ka diwata to Magboboot; waro mataga ka anak to Magboboot. Ka Magboboot no Amoy ro ka ogkataga to poglibong din.
24844	MRK 14:21	Koddi no Kakoy to Tibon Koot-otawan, ogkamatoy a no ogpokounawa to kagi to tahan no impasulat to Magboboot. Di ogkoy-uan ka sikan no otow no ogpanabod koddi no Kakoy to Tibon Koot-otawan. Madmaroyow ian ko waro mootow ka sikan no otow.”
24874	MRK 14:51	Agad duon sagboka no otow no bato-bato pad dio no ogduma ki Hisus no nig-uuson sikandin to manipis no tol-ob. Pogsundul ki Hisus, nigdakop dan poron sikandin
24875	MRK 14:52	di ka tol-ob ka nagongonan dan no nigpallaguy ka sika lukos no nalabasan no wa din alapa ka tol-ob.
24959	MRK 16:17	Ogbogayan ka mgo nigtuu to kabogbogan to oghimu to mgo koin-inuan. Ogpakarogil sikandan to mgo busow no nigsolod to lawa to mgo otow ko oghingaranan dan ka koddi no ngaran. Ka dangob, ogpakakagi to loin no mgo kinagian.
25064	LUK 2:22	Nokouma on ka allow no litos ki Husi woy si Maria no ogtumanon dan ka Balaod no ingalat ni Moisis dongan tongod to boi no iam pad nig-anak. No nighondio sikandan to Hirusalim dio to Dakol no Ampuanan no nig-alap dan ka bato oyow igpoindanan dan sikandin dio to Magboboot.
25078	LUK 2:36	No, duon dod songo boi no nabalu no ka ngaran din, si Ana no talagnangon to kagi to Magboboot sikandin. Ian ngaran to amoy rin si Panuil no ka kaap-apuan din, si Asir. Woy nabalu si Ana to papitu pad no tuid to pog-aalunggun dan. Kuntoon, buyag on ian no kawaluan on ka tuid din woy hop-at. Waro moghutuk mog-asawa sikandin no malasi nighondio to Dakol no Ampuanan allow woy karusilom no ogsimboon din ka Magboboot to pog-ampu din woy to poglangkad din no ogkoon.
25098	LUK 3:4	Nò, natuman to kagi no ingkasulat dongan ni Isaias to kagi to Magboboot to: “Duon otow no ogbabansagon dio to holholawan. Ogkagi to, ‘Lantasi now woy gawhani now ka ogbayaan to Lagboy no Igbuyag ta oyow ogmatul-id.
25109	LUK 3:15	Pogdinog to mgo otow to kagi ni Huan, pigtimulan dan ka pog-iman-iman dan no nanumansuman sikandan ko si Huan buwa ka Im-imanan to mgo Koot-otawan.
25148	LUK 4:16	Niglouy si Hisus dio to lunsud to Nasarit no nigtulinan din no ugpaan woy nigsolod sikandin to baloy no anaranan to mgo og-ampu dio su sikan ka batasan din ko Allow ran to Oghimoloy woy to og-ampu. Nò, nigsasindog on si Hisus oyow ogbasa to nakasulat,
25157	LUK 4:25	“Malogot ian ka ignangon ku kaniu,” kagi ni Hisus. “dongan, to nootow on si Elias, duon dakol no bitil kai to tibo no soini no mgo ugpaan ta su nokouma to tatolu no tuid woy hon-om no bulan no waro nig-uran. Agad mohon-ing ka mgo boi no nabalu to soini no mgo ugpaan to mgo Hudiu,
25164	LUK 4:32	Nabolongbolong ka mgo otow to pog-anad ni Hisus su duon kabogbogan din to og-anad.
25173	LUK 4:41	Woy puun to mohon-ing no mgo otow, nanlibuwas on ka mgo busow, no ogbabansagon ka mgo busow to, “Sikoykow naan ian ka Anak to Magboboot.” Di nigsaparan ni Hisus ka mgo busow no kono din ogpakagion su nataga ka mgo busow to si Hisus, ian ka Kristu no Im-imanan to mgo Koot-otawan.
25197	LUK 5:21	Duon mgo talag-anad to Balaod woy ka mgo Parisiu no kagi to goinawa ran to, “Hontow otawa soini no ogboboot do duon? Nigsumpalitan din ka Magboboot su hontow naan ka ogpakapasaylu to salo? Ka Magboboot do ka ogpakapasaylu to salo,” kagi to soin no mgo talag-anad.
25355	LUK 8:41	No, nokouma ka sagboka no igbuyag to anaranan to mgo og-ampu. Ka ngaran to sikan no igbuyag, si Hairu no niglangkob dio to marani to paa ni Hisus, no nigbuyu din ki Hisus to ogduma kandin dio to baloy rin,
25363	LUK 8:49	To nigkagikagi pad si Hisus, duon otow no nokouma puun to baloy ni Hairu. Sikandin ka sika no igbuyag to anaranan to mgo og-ampu. Kagi to sika lukos ki Hairu to, “Kono nud on ogsasawa ka Maistru su namatoy on ka anak nu.”
25378	LUK 9:8	Kagi atag to duma no mgo otow to si Elias buwa no dongan no talagnangon to kagi to Magboboot no nig-uli. No kagi to duma no mgo otow man do, to nootawan buwa ka songo talagnangon to kagi to Magboboot no ogkounawa to mgo talagnangon to kabubuyagan ta dongan.
25415	LUK 9:45	Di waro masabuti to mgo hibatoon din ko nokoy ka kalitukan to sikan no kagi ni Hisus su nokoholos ka kalitukan to soini oyow kono dan pad ogpakasabut. Ka mgo hibatoon ni Hisus, og-inso poron kandin ko nokoy ka kalitukan di nahallok no og-inso.
25436	LUK 10:4	Kono kow og-alap to pitaka now. Agad kabil, kono, mgo sapatus, kono kow og-alap. Paragas kow ro dio to ogdatongan now. Ko duon otow no ogkabayaan now dio to dalan, ko kow ogsagdok oyow to pog-alukuy kandin.
25597	LUK 13:10	Nò, to sikan no Allow to Oghimoloy to mgo Hudiu, nig-anad si Hisus to mgo otow dio to songo anaranan to mgo og-ampu.
25598	LUK 13:11	No duon boi dio no nigdaralu, no ka dalu rin, nigpuun to busow. Sampulu on woy wawalu no tuid ka poggoram din. Napoku ka poka rin no kono ogkatul-id.
25767	LUK 18:10	No kagi ni Hisus to pananglitan din to, “Duon darua no otow no nighondio to Dakol no Ampuanan ta to oyow og-ampu. Ka sagboka, Parisiu sikandin, ka dangob, talagkubla to buhis.
25770	LUK 18:13	Di ka talagkubla to buhis, to nig-ampu, dio nigsasindog to mariu to duma no mgo otow no waro ian niglonghag to nig-ampu. Nigtagpi din ka sosolobon din no kagi rin to, ‘Magboboot, kohoy-ui a nu su makasasalo a no otow.’ ”
25803	LUK 19:3	No nigpoomot si Sakiu no ogpitow poron ki Hisus di kono ogpakakita su malopot sikandin no naatangan to mgo otow no mohon-ing.
25868	LUK 20:20	Sikan ka tuud dan no nigbantayan dan si Hisus. Pigbayaran dan ka mgo talagpaniid no nigsugu dan dio to kandin no ogkounawa sikandan to mgo matuwarong no mgo otow no ogkoiniat to og-anad. Dokad di ka tuud dan to oyow oggawayan dan poron si Hisus to mgo tabak din kandan. Ko ogkatalap to igtabak din ogkaayun no ogdakopon sikandin no igbogoy ran sikandin dio to gobirnador no oyow ogbobootan woy ogkoogotan on sikandin to sikan no gobirnador dan.
25883	LUK 20:35	Di uromo no ogkootawan on ka mgo otow no nigtuu to Magboboot no ogpokougpo dio to kandin dio to Langit, konad on ogpaas-asawooy.
25894	LUK 20:46	Kagi rin to, “Bantoy kow to sika mgo talag-anad to Balaod. Maroyow ran to og-ilis to malayat no kinabo, woy maroyow ran ka igtahud to mgo otow dio to palingki ko ogkumustoon sikandan. Lagkos, og-alamon dan ka mgo pinnuuanan to mgo mabantug no mgo otow dio to anaranan to mgo og-ampu. Ko duon pagkoonan, songo dio dod ogpinnuu sikandan to longod to mgo datu.
25930	LUK 21:35	no ogkounawa kow on to manukmanuk no ogkalit-agan. Ogkoumaan ka tibo no mgo otow kai to soin no kalibutan.” kagi ni Hisus.
26008	LUK 23:4	No nigkagian ni Pilatu ka mgo igbuyag to mgo talagpanubad to mgo Hudiu woy to mgo otow no mohon-ing. Kagi rin, “Wa ku nakitoi ka agad nokoy no maroot no hinimuan to soini no otow.”
26058	LUK 23:54	No sikan no allow no insabal dan ka lawa ni Hisus, ian allow to mgo taga Hudia no igpanagana ran to Allow ran to Oghimoloy woy to og-ampu. Magaan ogbunsud ka Allow ran to Oghimoloy su to batasan dan, ogpakabunsud to maapun to nokohun-a no allow.
26121	JHN 1:8	Kono si Huan ka soin no igbat-ow; kandin ka nigpohitaga to ogpakasundul pad ka soini no Talagbat-ow.
26123	JHN 1:10	Duon sikandin kai to soin no kalibutan no pinabayo kandin nighimu to Magboboot ka soin no kalibutan di waro tokora to mgo otow to sikandin ian ka ogpakabat-ow.
26154	JHN 1:41	Nig-agpas pamitawa ka kandin no kakoy no si Simon. No, kagi rin kuwo to sikan no kakoy rin, “Nigkita noy on ka Im-imanan to mgo Koot-otawan.” Ka Kristu ka dangob no kagi no un-unawa ka lituk to Im-imanan.
26203	JHN 3:14	Kagi pa ni Hisus, “Ko dio pad to holholawan nighihipanow woy si Moisis, in-ampow rin ka ulod no nohimu to boronsi dio ampow to malayat no tukod Ogkounawa ian koddi no oghingaranan a to Kakoy to Koot-otawan. Songo igpaampow a dio to krus no songo oglindogon.
26209	JHN 3:20	Sikan su sikan no otow no oghimu to maroot, agad nokoy no kalasi, maroot din ka igbat-ow. Kono din ogkoiniatan to ogkabat-awan su kono no gustu rin to ogkitoon ka mgo oghimuon din no maroot.
26215	JHN 3:26	Nò, nanhondio ki Huan ka soin no mgo ogpaap-apuloy. Kagi ran kuwo kandin, “Maistru, naromdom ka rod buwa to sikan no otow no duma nu dio to doipag to Hordan no woig no kandin ka innangon nu kanami. Nò, songo igpabautismu rin ka mgo otow; ogmanhondio ka tibo no mgo otow kandin.”
26217	JHN 3:28	Kaniu naan, nigdinog kow on to kagi ku ko nignangonan kud sikaniu no kagi ku, ‘Kono no sikoddi ka Im-imanan to mgo Koot-otawan. Di pinohun-a a kandin.’”
26238	JHN 4:13	Nigtabak si Hisus to, “Agad hontow no otow ka og-inum to woig to soin no balun, ogkoibog oghutuk no og-inum.
26239	JHN 4:14	Di agad hontow ka og-inum to sikan no woig no igbogoy ku, konad on ogkoibog no oghutuk to og-inum. Sikan su ka sikan no woig no igbogoy ku ka woig no igkouyag no waro katamanan. Ogkounawa ian to sagboka no sobsob no og-ugwak dio to diralom nu no kono ogkootian.”
26250	JHN 4:25	Nigtabak ka sikan no boi to, “Nataga a to ogpokouma ka Im-imanan to mgo Koot-otawan. Ko ogpokouma on, sikandin ka ognangon kanta to agad nokoy.”
26251	JHN 4:26	Kagi ni Hisus, “Sikoddi no og-alkuy koykow, sikoddi ian ka sikan no Im-imanan to mgo Koot-otawan.
26275	JHN 4:50	Kagi ni Hisus kuwo kandin, “Uli kad, Usi. Ogkouyag do ka anak nu.” Nigtuu ka sikan no lukos to kagi ni Hisus no nighipanow on no og-uli.
26278	JHN 4:53	Nigsumansuman ka sikan no amoy to sikan no oras ian no nignangonan ni Hisus sikandin to ogkouyag do ka anak din. Su sikan ian, nigtuu on ki Hisus ka sikan no lukos woy tibo no mal-alunggun.
26280	JHN 5:1	Pila buwa no allow no duon pagkoonan to mgo Hudiu no nighondio si Hisus to Hirusalim no og-amut.
26300	JHN 5:21	Og-uyagon to Magboboot ka namatoy su oyow ogkootawan on. Agad koddi no Anak din, songo og-uyagon ku ka agad hontow no ogkoiniatan ku to og-uyag.
26361	JHN 6:35	Nigtabak si Hisus kandan. Kagi rin, “Koddi ian ka sikan no paan no igkabuhi to mgo otow. Sikan no otow no ogtuu koddi, konad oggutasan woy sikan no mgo ogtuu koddi, konad ogkoibog no og-inum.
26379	JHN 6:53	Kagi ni Hisus kandan, “Malogot ka soin no ogkagion ku kaniu bahin koddi no Kakoy to Koot-otawan. Ko kono now ogkoonon ka lawa ku, woy ko kono now og-inumon ka langosa ku, waro malogot no kouyagan now.”
26423	JHN 7:26	Nò, kai man do ogkakagi dio to tangkaan to mgo otow di waro agad sagboka no ogsapad kandin. Nataga buwa ka mgo igbuyag ta to soini ka Im-imanan to mgo Koot-otawan.
26478	JHN 8:28	Nò, kagi pa ni Hisus kuwo kandan. “Koddi no Kakoy to Koot-otawan, ig-ampow a now dio to krus no oglindogon now ka sikan no krus. Bali pad naan, ogkataga kow on to koddi ka nigtagaran now no Im-imanan to mgo Koot-otawan. Songo ogkataga kow on to kono ogligkat to koddi no bobootan ka agad nokoy no oghimuon ku di ka ignangon ku kaniu ka ig-anad koddi to Amoy ku.
26531	JHN 9:22	Sikan ian ka intabak to amoy rin, mgo inoy rin su ogkahallok to mgo igbuyag to Hudiu su duon pigsabutan dan to mgo igbuyag. Innangon to mgo igbuyag dan to kono ogpakasolod no og-ampu to anaranan dan ka sika otow no ognangonnangon to si Hisus ka Im-imanan to mgo Koot-otawan.
26551	JHN 10:1	Duon mgo pananglitan ni Hisus to mgo otow. Kagi rin, “Malogot ka soin no ogkagion ku kaniu. Sikan no otow no kono ogbayo to gumawan to alad to karniru no ogpamanoik do duon dio to alad, panakow ka sikan no otow woy pan-agow.
26635	JHN 11:43	To naponga nig-ampu, nigbabansagon nig-umow. Kagi rin, “Wow Lasaru, libuwas ka!”
26667	JHN 12:18	Nò, sikan ka tuud to ogtagbu ka sikan no mohon-ing no mgo otow ki Hisus su nigdinog to soin no nighimu rin no koin-inuan.
26683	JHN 12:34	Nò, nigtabak ka mgo nalibulung no otow kuwo kandin. Kagi, “Naanad koy to Balaod ni Moisis to kono ogkamatoy ka Im-imanan to mgo Koot-otawan. Ko sikan ian, manio buwa to ignangon nu to igpaampow to krus ka Kakoy to mgo Koot-otawan? Hontow buwa ka soin no Kakoy to mgo Koot-otawan?”
26702	JHN 13:3	Di si Hisus, nataga to nigbogayan to Magboboot no Amoy sikandin to tibo no kabogbogan no ogligkat kandin woy nataga to dio to Magboboot ka ogligkatan din woy dio og-uli.
26731	JHN 13:32	Ko ka karayawan to Magboboot, nigpapitow on pinabayo koddi no ka Magboboot ka ogpapitow dio to kandin ka karayawan ku no Kakoy to Koot-otawan. Woy oghimuon din ogparagasa soini.”