23235	MAT 1:22	Á nesimmu ngámin danniaw tapè matuppál yù bilin ni Namarò nga inipeyubobuk na sù ngaw ábbilinán na, nga kunniaw:
23243	MAT 2:5	Á simibbák yù ira kátannangán, á kinagi ra kâ Patul, “Á tán nga ili na Betlekem sù purubinsia na Judiya, ta yáyù yù inipetúrâ ni Namarò sù ngaw ira ábbilinán na, nga kunniaw:
23264	MAT 3:3	Á si Kuan, aggina yù kinagi na ngaw ni Isaya, nga ábbilinán ni Namarò, nga kun na, “Ajjan yù makkatakatol ta kalállammatán. Yaw ikatakátol na: ‘Umayin si Apu! Paránan naw yù dálan na. Tunungan naw yù pallakarán na.’ ”
23284	MAT 4:6	Á kinagi ni Satanas kâ Apu Kesu, “Nu kuruk nga Anâ naka ni Namarò, makkassú ka ngè laguk, ta ajjan yù netúrâ nga kunniaw: ‘Ipataron naka ni Namarò sù ira daroban na, á tangngalád da ka, tapè ari ka mabigarán, mássiki yù takkim,’ ” kun ni Satanas.
23292	MAT 4:14	Á yáyù nga natuppál yù initúrâ na ngaw ni Isaya, nga ábbilinán ni Namarò, nga kunniaw:
23305	MAT 5:2	Á inituddu na nira, á kinagi na:
23360	MAT 6:9	Á yáyù nga kunniaw laguk yù ákkimállà naw: ‘Ammò mi nga ajjan ta lángì, parè lâ ta meparáyaw yù ngágam mu sù ira ngámin nga tatolay.
23431	MAT 8:17	Yáyù kingnguá na tapè matuppál yù kinagi na ngaw ni Isaya, nga yù ngaw ábbilinán ni Namarò, nga kunniaw: “Aggina lápay yù mamammapiá sù ngámin makkakerumá nga takì tam ánna yù mangari ta ngámin nga makkakerumá nga tulágat tam.”
23461	MAT 9:13	Á yáyù nga minayà saw dabbuno. Ta arák ku agálán yù ira nga makkagi ta napiá ira, nu ari galâ yù ira nga ammu ra ta ajjan yù liwâ da. Á sikayu, umay kayu laguk ánna gigiámmuan naw yù kebalinán na yaw nga napiá nga bilin ni Namarò nga netúrâ nga kunniaw: ‘Yaw karagaták ku, ari yù pangiyátáng na tolay nikán, nu ari galâ yù pangikállà da sù ira kábulud da.’ Á mássiki nu tuppálan naw yù tunung, awán ta serbi na nu awán ta pangikállà naw sù ira kábulun naw,” kun ni Apu Kesu.
23538	MAT 11:10	Ta aggina yù ubobugan ni Namarò sù dán nga netúrâ nga kunniaw: ‘Yawe yù ábbilinák ku nga dobak ku ta mapolu ánnè nikaw, tapè paránan na yù dálan nga pallakarám mu sangaw.’
23575	MAT 12:17	tapè matuppál yù kinagi ni Namarò nga inipeyubobuk na ngaw kâ Isaya, nga ábbilinán na, nga kunniaw:
23622	MAT 13:14	Á yáyù nga megapu nira, matuppál yù kinagi na ngaw ni Isaya, nga ábbilinán ni Namarò. Kunniaw yù inipetúrâ na ngaw ni Namarò kuna: ‘Ginná kayu lâ ginná, ngam arán naw mánnámmuán, ánna singan kayu lâ singan, ngam arán naw matákkilalán.
23643	MAT 13:35	Á yáyù nga natuppál yù nakagi nayù ngaw ábbilinán ni Namarò, nga kunniaw: “Magángngarigánà lâ sangaw nu tudduák ku yù ira tatolay. Á kagiak ku nira yù nelímak nga ari paga nánnámmuán áddè ngaw sù kaparò na dabbuno ta áddè kunangan.”
23709	MAT 15:7	Sikayu nga áppè pípiá! Kuruk nga nekanná nikayu yù inipetúrâ na ngaw ni Namarò kâ Isaya, nga kunniaw:
23899	MAT 21:4	Á nesimmu danniaw tapè matuppál yù inipeyubobuk na ngaw ni Namarò nga nabayák, sù ngaw ábbilinán na, nga kunniaw:
23980	MAT 22:39	Á negittá sù kapoluán yù mekaruá nga tunung ni Namarò, nga kunniaw: ‘Iddi-iddukam mu yù ira ikáttolem gapay nga kunnay sù pangiddù mu sù baggim.’
23984	MAT 22:43	Á iniyabbû na laguk ni Apu Kesu nira, “Á nu kuruk nga ginaká nayù ngaw Patul Dabid, ngattá laguk ta kinagi ni Patul Dabid ta aggina yù Yápu na? Ta yáyù inipeyubobuk na ngaw nayù Ikararuá ni Namarò kâ Dabid, nga kunniaw:
23985	MAT 22:44	‘Si Apu Namarò, kinagi na sù Yápù: E ka bì magitubang ta jiwanák ku, sù ággitubangán nayù meparáyaw, áddè ta arák ku appútan yù ira malussaw nikaw.’
24154	MAT 26:31	Á gapu ta pallakák di Apu Kesu nga umay ta puddul, kinagi na sù ira sinudduán na, “Sikayu ngámin, kunangane galâ nga gabi, táttájjián nawà, ta yáyù sangaw yù kapalurò nayù dán nga netúrâ nga Ubobuk ni Namarò, nga kunniaw: ‘Papatáyak ku yù mináppárák, á mewarawarâ sangaw yù ira karneru na, gapu ta awán ta manaron nira.’
24207	MAT 27:9	Á kunnian natuppál yù kinagi na ngaw ni Jeremia, nga yù ngaw ábbilinán ni Namarò, nga dán nga netúrâ nga kunniaw: “Inâ da yù tallupulu nga pirâ nga pinaláta, nga pagá na inángà na tolay nga kinagi nayù ira taga Israel ta pattarátu ra,
24235	MAT 27:37	Á sù kurù ta aruk na ulu na ajjan yù nipe ra nga netúratán nga inipappaliwâ da kuna nga kunniaw: “Yaw si Kesu nga Patul nayù ira Kudio.”
24287	MRK 1:3	Aggina yù makkatakatol ta kalállammatán. Yaw ikatakátol na: ‘Umayin si Apu! Paránan naw yù dálan na. Tunungan naw yù pallakarán na.’ ”
24291	MRK 1:7	Á yawe yù bilin nga inilayalayâ ni Kuan: “Ajjan yù umayin nga maporián nga tumubbâ nikán, nga makáwayyá ánnè nikán. Á aringà mepángngà nga mangubbák ta kaddang na sapátù na.
24373	MRK 3:16	Á danniaw yù ira mapulu duá nga sinullà na: si Simon nga iningágan na ta Eduru,
24404	MRK 4:12	tapè mapalurò yù dán nga netúrâ ni Isaya, nga yù ngaw ábbilinán ni Namarò. Kinagi na: ‘Mássiki nu inni-innad da, ngam arád da tákkilalán, á mássiki nu ginniginnád da, ngam arád da kánnámmuán. Ta nu kánnámmuád da, likurád da nakuan yù liwiliwâ da, ánna mattoli ira kâ Namarò, tapè pakomán na ira.’ ”
24663	MRK 10:6	Ngam ajjan yù netúrâ nga meyannung sù pamarò ni Namarò ta tolay, nga kunniaw: ‘Pidde ni Namarò yù tolay nga laláki ánna babay.’
24726	MRK 11:17	Á inituddu na sù ira tatolay, á kinagi na, “Arán naw panò ammu yù netúrâ nga Ubobuk ni Namarò, nga kunniaw: ‘Yù balè yù ákkimállatán na ngámin nga tatolay.’ Ngam sikayu, pinatalián naw ta ággianán nayù ira maddarogà.”
24752	MRK 12:10	Arán naw panò binibbik yaw nga netúrâ, nga Ubobuk ni Namarò: ‘Ajjan yù batu nga inipuerá nayù ira nabbalay ta batu, gapu ta kagiad da ta awán ta serbi na. Á aggina yù batu nga mabbáli ta ánnáddagán nayù balay.
24768	MRK 12:26	“Á ta meyannung sù paginnanole nayù ira námmatay, arán naw panò binibbik yù netúrâ sù libru ni Moyses nga meyannung sù káyu nga naggatang, nga ari nakassà? Pakasingan ni Moyses sù káyu nga naggatang, jimikkì kuna, á naginná na yù ngárál ni Namarò, á kinagi ni Namarò kâ Moyses: ‘Sikán si Namarò, nga pakiyápuán nayù ira naggaká nikaw. Sikán yù Yápu di Abrakam kári Isak kâ Akup.’
24771	MRK 12:29	Á simibbák si Apu Kesu, á kinagi na, “Yawe yù purmeru nga tunung sù ira initaddán ni Namarò: ‘Sikayu nga ginaká ni Israel, ginnán naw yù kagiak ku nikayu. Si Apu Namarò nga Yápu tam, aggina lâ yù táttádday.
24773	MRK 12:31	Á ajjan gapay nga netúrâ yù mekaruá nga máwák nga kurugam mu: ‘Iddukan naw yù ikáttole naw ta kunnay ta ángngiddù naw ta baggi naw.’ Awán ta tanakuán nga máwák nga kurugam mu, nu ari galâ danniaw nga duá,” kun ni Apu Kesu kuna.
24778	MRK 12:36	Ta si Patul Dabid, kinagi na yù inipalappâ nayù Mangilin nga Ikararuá kuna, á kinagi na, ‘Nagubobuk si Apu Namarò, á kinagi na sù Yápù: Magitubang ka sù jiwanák ku, nga ággitubangán nayù meparáyaw, áddè ta ipeguppè ku nikaw yù ira malussaw nikaw.’
24850	MRK 14:27	Á pallakalakák da, kinagi ni Apu Kesu sù ira tudduán na, “Sikayu ngámin yù manájji nikán sangaw nu mappanà yù ággiák ku. Ta ajjan yù netúrâ nga kinagi ni Namarò nga kunniaw: ‘Papatáyak ku yù mináppárák, á mewarawarâ yù ira karneru, gapu ta awán ta manaron nira.’
24923	MRK 15:28	Yáyù nga napalurò yù dán nga netúrâ nga bilin ni Namarò: “Aggina inibiláng da sù ira minálliwâ.”
24975	LUK 1:13	Á kinagi nayù daroban kuna: “Sakariâ, ari ka maganássing, ta naginná ni Namarò yù ipakimállà mu. Á sangaw nu manganánnuán, mangáguk yù atáwam, á maganâ ta laláki. Ingágam mu ta Kuan.
25004	LUK 1:42	Á yáyù nga iniyássikan ni Elisabet yù ngárál na, á kinagi na kâ Maria: “Mapagayáyâ ka ánnè sù ira ngámin nga bábbay, gapu ta piníli naka ni Namarò. Á mapagayáyâ gapay yù abbing nga iyanâ mu sangaw!
25029	LUK 1:67	Á minay laguk yù Ikararuá ni Namarò kâ Sakariâ, nga yáma nayù abbing. Á nagubobuk si Sakariâ sù ipakagi nayù Mangilin nga Ikararuá kuna, á kinagi na:
25098	LUK 3:4	Ta pinalurò ni Kuan yù inipetúrâ ni Namarò ngaw kâ Isaya, nga kinagi na, “Ajjan yù makkatakatol ta kalállammatán. Yaw ikatakátol na: ‘Umayin si Apu! Paránan naw yù dálan na. Tunungan naw yù pallakarán na.
25149	LUK 4:17	Á iniyawâ da kuna yù nalukù nga nangitúratán ni Isaya, nga yù ngaw ábbilinán ni Namarò. Á binullarán na, á nálek na yù gián nayù ikáyâ na bibbiran nira. Á yawe yù binibbik na:
25291	LUK 7:27	Aggina yù ubobugan ni Namarò sù inipetúrâ na ngaw nga kunniaw: ‘Yawe yù ábbilinák ku nga dobak ku ta mapolu ánnè nikaw, tapè ituddu na sù ira tatolay yù akkuád da nakuan, tapè dán nga naparán ira sù labbè mu.’
25476	LUK 11:2	Á kinagi ni Apu Kesu nira, “Nu makimállà kayu, kunniaw yù kagian naw: ‘Ammò, parè lâ ta sikaw yù meparáyaw sù ira ngámin nga tatolay. Á parè lâ ta mabì nga duttál yù pammagurem ta dabbuno.
25777	LUK 18:20	Á ammum gemma yù tuttulam mu nakuan nga tunung ni Namarò: Ari ka mangarallaw, ari ka mamapátay, ari ka makkokò, ari ka massirisiri, á pakimorayám mu yù ira darakal mu,” kun na.
25890	LUK 20:42	Ta ajjan yù initúrâ na ngaw ni Dabid sù libru nga Salmo, nga kunniaw: ‘Si Apu Namarò, kinagi na sù Yápù, “E ka bì magitubang ta jiwanák ku, sù ággitubangán nayù Kotunán nga Patul,
25970	LUK 22:37	Ta máwák nga mapatuppál yawe dán nga inipetúrâ ni Namarò nga kinagi na sù ngaw ábbilinán na nga meyannung nikán: ‘Yù sinullà ku ta mammaguray, ibiláng nayù ira tatolay ta tulisán, á pagikaruad da.’ Á duttálin yù kapalurò nayù ngámin nga netúrâ nga meyannung nikán,” kun na.
26181	JHN 2:17	Á pakasingan nayù ira tudduán na sù kingnguá na, ninonò da laguk yù inipetúrâ ni Namarò sù dán nga netúrâ, nga kunniaw: “Apu Namarò, nakalò yù ángngiddù ku sù balem, nga kun na api ta unak ku. Á nepallà yù daddam ku, gapu ta arád da pakimorayán yù balem.”
26371	JHN 6:45	Ajjan yù netúrâ nga inipetúrâ ni Namarò sù ira ngaw ábbilinán na, nga kunniaw: ‘Aggira ngámin nga tatolay yù tudduán ni Namarò.’ Á ngámin ira nga magginná ánna manguruk sù ituddu nayù Yámà, aggira yù umay mangikatalà nikán.
26435	JHN 7:38	Ta ajjan yù netúrâ sù bilin ni Namarò nga kunniaw: ‘Yù tolay nga mangikatalà nikán, ajjan yù kun na wek nga mallatuâ nga maggapu ta nonò na, nga manotolay ta áddè ta áddè,’ ” kun ni Apu Kesu.
26584	JHN 10:34	Á simibbák si Apu Kesu, á kinagi na nira, “Arán naw panò binibbik yù netúrâ sù tunung naw nga kinagi na ngaw ni Namarò sù ngaw ira gillakalakayán naw, nga kunniaw: ‘Kinagì nikayu ta kunnay ta dios kayu gapay.’
26663	JHN 12:14	Á inikko ni Apu Kesu yù kígo na kabáyu nga dongki, nga nattakayán na. Á yáyù nga napalurò yù inipalappâ ni Namarò nga inipetúrâ na sù dán nga libru nga kunniaw:
26687	JHN 12:38	Á yáyù nga napatuppál yù initúrâ na ngaw ni Lákay Isaya, nga ábbilinán ni Namarò, nga kunniaw: “Apu, awán ta manguruk sù kinagi mi nira nga meyannung nikaw. Á awán gapay ta makánnámmu sù inipalappâ mu nga ámmagaddátum!”
26717	JHN 13:18	Á kinagi ni Apu Kesu paga, “Yawe nga kinagì nikayu, ari nga sikayu ngámin yù keyannungán na, ta ammù yù ira nga pinílì. Ngam egga yù mappagápù nikán, tapè mapalurò yù dán nga netúrâ nga kunniaw: ‘Yù kapulupulù ku nga nepakkákán nikán, aggina yù mappagápù nikán.’
26793	JHN 15:25	Á nesimmu yaw, tapè mapalurò yù dán nga netúrâ nga ubobuk ni Namarò nga kunniawe: ‘Ikalusso rangà, nga awán ta gapu na.’ ”
26918	JHN 19:24	Á yáyù nga nakkaká-ubobuk ira, á kinagi ra, “Arát tam pisilan yawe, ngam mabbibinnúnù ittam bì, tapè ammu tam yù makálâ kuna,” kud da. Yáyù nesimmu tapè mapatuppál yù dán nga netúrâ sù libru nga ubobuk ni Namarò, nga kunniaw: “Nabbaballáyád da yù gagámì ku, á nabbibinnunutád da yù barawásì.” Á yáyù kingnguá nayù ira suddálu.
26930	JHN 19:36	Nesimmu danniaw tapè mapalurò yù dán nga netúrâ nga ubobuk ni Namarò nga kunniaw: “Awán bulubugá ta makattu nga tuláng na.”
26931	JHN 19:37	Á ajjan gapay yù netúrâ nga kunniaw: “Inni-innad da yù piníká ra.”
27012	ACT 1:20	Á ajjan yù netúrâ nga kinagi na ngaw ni Patul Dabid sù kansion na, nga netúrâ ta libru nga Salmo, nga meyannung kâ Kudas, nga kunniaw: ‘Nánawán yù paggianán na, á awán bulubugá ta maggián kuna.’ Á ajjan gapay nga netúrâ, ‘Meyawâ laguk sù tanakuán nga tolay yù pakáwayyá na nga mattarabáku.’
27034	ACT 2:16	Ngam yawe nga pagubobuk da nga maginná naw kunangan, kunnian yù kinagi na ngaw ni Joel, nga yù ngaw ábbilinán ni Namarò. Ta ajjan yù netúrâ nga inipakkagi ni Namarò kâ Joel, nga kun na:
27043	ACT 2:25	Á initúrâ na ngaw ni Patul Dabid yù kuruk nga ubobuk ni Apu Kesu. Kinagi na: ‘Matákál ku si Apu Namarò nga sigídá mepulupulù nikán. Aringà bulubugá maburung, gapu ta maggián nikán nga mangabbák.
27115	ACT 4:24	Á ta pakaginná nayù ira kákkopud da ta inananássing da ira, nattatádday ira nga nakimállà kâ Namarò, á kinagi ra: “Apu Namarò, sikaw yù mammaguray ánna sikaw yù namarò ta lángì ánna dabbuno, bebay, ánna ngámin yù maggián nira.
27116	ACT 4:25	Á si Patul Dabid, nga yù ngaw naggaká nikami nga masserbi nikaw, kinagi na yù bilim mu nga nipakagi nayù Mangilin nga Ikararuá kuna. Á ajjan nga netúrâ yù kinagi na ngaw, nga kunniaw: ‘Yù ira nga ari Kudio nga mammaguray ta dabbuno, ngattá, ta mapporay ira kâ Namarò? Á yù ira Kudio, ngattá, ta potuád da si Namarò!
27175	ACT 6:5	Á nagayáyâ yù ira magaru nga manguruk megapu sù kinagi ra. Á danniaw ira yù piníli ra: si Esteban, nga mapasigaggà yù ángnguruk na kâ Apu Kesu ánna tumulù sù Mangilin nga Ikararuá. Á si Pilippi, si Porokoro, si Nikanor, si Timon, si Parmenas, á si Nikolas nga taga Antokia nga nakKudiongin.
27227	ACT 7:42	“Á yáyù nga napporay si Namarò nira, á nilikuránán na ira. Á pinaguráyán na ira, tapè maguru-uray ira lâ nga makimoray sù ira bituan ta lángì. Á kingnguá ra ta kunnay ta netúrâ sù libru nayù ira ábbilinán ni Namarò, nga kunniaw: ‘Sikayu nga ginaká ni Israel, ngattá, ta ari sikán yù nangiyátangán naw sù ira ayám naw, ta pangiyátáng naw ta kalállammatán ta appátapulu ta dagun?
27233	ACT 7:48	“Ngam si Apu Namarò, ari gemma maggián ta balay nga pidde na tolay. Ta netúrâ yù ubobuk ni Apu Namarò, nga kinagi nayù ábbilinán na, nga kunniaw:
27277	ACT 8:32	Á yawe yù bilin nga binibbik nayù laláki sù libru: “Aggina yù meyárik ta karneru nga iyánge ra ta áppártián. Á magimammà nga kunnay ta kígaw na karneru nu usitád da yù duddù na, ta ari bulubugá makkituk.
27464	ACT 13:33	Á pinalurò ni Namarò yù initabbá na nira megapu nittam nga ginaká ra, ta pinaginnanole na si Apu Kesu ta keggá tam. Yáyù kebalinán nayù mekaruá nga kansion. Netúrâ ta kansion yù kinagi ni Namarò, nga kunniaw: ‘Sikaw yù Anâ ku. Á ta ággawo, ipakánnámmù sù ira tatolay ta sikán yù Yámam.’
27466	ACT 13:35	Á netúrâ gapay sù tádday nga kansion yù initabbá ni Namarò kuna: ‘Apu, arám mu anugutan yù kalabbak na ta tanam nayù baggi nayù mangilin nga masserbi nikaw,’ kun na.
27471	ACT 13:40	Magimuguk kayu laguk, tapè ari mesimmu nikayu yù kinagi ni Namarò, nga inipalappâ nayù ira ngaw ábbilinán na. Kinagi na:
27526	ACT 15:15	Á negittá yù kinagi ni Eduru sù initúrâ nayù ngaw ira ábbilinán ni Namarò, nga kunniaw:
27534	ACT 15:23	Á initúrâ da yù bilid da sù ira bagu nga manguruk nga maggián ta Antokia, á initubbuk da kári Pablo kâ Bernabe. Yawe yù kinagi ra ta pattúrâ da nira: “Sikami nga olu nga minángngilayalayâ ánna yù ira giriámán, nga wáwwagi naw sù ángnguruk tam kâ Apu Kesu, sikami yù mattúrâ nikayu ngámin nga wáwwagi mi nga ari Kudio, nga maggián ta Antokia ánna Siria ánna Silisia. Á kunnasi kayu? Á parè bì ta napiá yù gawagawáyán naw.
28063	ROM 3:4	Ari massiri si Namarò, ta kuruk ngámin yù kagian na, mássiki nu massirisiri yù ira ngámin nga tatolay. Yáyù kebalinán nayù dán nga netúrâ nga kunniaw: “Apu, kuruk ngámin yù ubobuk mu. Á mepasingan ta matunung ka, Apu, megapu sù ubobuk mu. Á mássiki nu ajjan yù tolay nga iddâ na ka lâ ikeká, ngam mangappù ka, ta mepasingan ta awán ta liwâ mu.”
28069	ROM 3:10	Yáyù kebalinán nayù inipetúrâ na ngaw ni Namarò nga kunniaw: “Awán bulubugá ta tolay nga matunung, mássiki lâ tádday.
28228	ROM 9:5	Á yù ira ngaw naggaká nira, aggira yù ira ngaw giriámán nga neparámak: di Abrakam, kári Isak, ánna si Akup nga ingágan ni Namarò ta Israel. Á ta meyannung sù katatole na, ginaká ra gapay si Apu Kesu Kiristu, nga mammaguray ta ngámin nga makkakerumá nga tatolay. Parè bì laguk ta meparáyaw si Namarò ta áddè ta áddè. Á mapalurò! Ammán.
28235	ROM 9:12	Á ta kabussì ni Rabeka, nga ari paga naganâ, kinagi ni Namarò kuna: “Yù kaká nga anâ mu, passerbián na yù urián na,” kun na.
28236	ROM 9:13	Yáyù gapay yù kebalinán nayù inipetúrâ na ngaw ni Namarò nga kunniaw: “Pinílì si Akup nga iddukak ku, ngam nanakiták ku si Eso.”
28238	ROM 9:15	Makáwayyá si Namarò nga mammaguray. Á kinagi na ngaw kâ Moyses: “Sikán lâ yù maguray sù ira kábbiak ku. Á piliak ku yù ira ikállà ku.”
28248	ROM 9:25	Á kinagi na ngaw ni Namarò yù meyannung ta pangisipà na gapay nikayu nga ari Kudio, ta inipetúrâ na ngaw kâ Kuseya nga kunniaw: “Yù ira arák ku ngaw tatolay, aggira sangaw yù tatolè. Á yù ira arák ku ngaw iniddù, aggira yù abbúnak ku ta tatolè nga iddukak ku.
28250	ROM 9:27	Á ajjan gapay yù initúrâ ni Isaya nga inilayalayâ na nga meyannung sù ira ginaká ni Israel, nga kunniaw: “Mássiki nu magaru yù ira ginaká ni Israel, áddè ta ari ira mabiláng nga kunnay ta dágâ ta aggik na bebay, á baddì lâ yù ira mabuná nga meyígù.
28252	ROM 9:29	Á yawe gapay yù kinagi na ngaw ni Isaya: “Si Namarò yù Yápu tam, nga mammaguray ánna mamanunnù ta ngámin. Á nu arán na ittam ikállà nga Kudio, á awán nakuan ta baddì nga mabuná sù ira ginaká tam megapu sù pamággáng na nira. Á mepárik ittam nakuan sù ira ngaw tatolay ta ili na Sodoma ánna Gomorra, nga pinággáng na ngaw, nga awán bulubugá ta nabuná.”
28256	ROM 9:33	Yáyù kebalinán nayù inipetúrâ na ngaw ni Namarò nga kunniaw: “Tángngagan naw yaw. Tán nga lugár nga mangngágan ta Sion, yáyù pangipayyák ku sù kun na batu nga ánnáddagán nayù balay, tapè mesiddúkal ira nga mapalakak. Ngam yù ira mangikatalà kuna, ari ira mepasiránán.”
28269	ROM 10:13	Á netúrâ gapay yaw: “Ngámin yù ira nga makimállà kâ Apu ta iyígù na ira, á iyígù na ira.”
28271	ROM 10:15	Á egga panò yù umay mangilayalayâ sù napiá nga dámak nu arán na jinok ni Namarò? Ngam ajjan yù ira nga jinok ni Namarò, á magayáyâ yù ira tatolay nga magginná sù ilayalayâ da. Ajjan yù meyannung nira nga inipetúrâ na ngaw ni Namarò nga kunniaw: “Magayáyâ ittam megapu sù labbè nayù ira nga umay mangilayalayâ sù napiá nga dámak.”
28498	1CO 3:20	Á ajjan gapay yù netúrâ sù bilin ni Apu nga kunniaw: “Ammu ni Namarò ta awán ta serbi nayù nonopan nayù ira tatolay ta dabbuno nga kagiad da ta masírik.”
28617	1CO 9:9	Yawe yù inipetúrâ ni Namarò kâ Moyses: “Arán naw bussalán yù simù na báka nga magaggì ta ammay, tapè awayyá na lâ kumán.” Á ta panaddán ni Namarò kuna, yù báka panò yù ninonò na?
28746	1CO 13:13	Á danniawe nga tallu yù pakkapiánát tam, nga maggián ta áddè ta áddè: yù pangikatalà tam kâ Namarò, yù pagiddanáma tam kâ Namarò, ánna yù pangiddù tam kári Namarò ánna yù ira kábulut tam. Ngam yù kapiánán nayù ira tallu yù pangiddù tam kári Namarò ánna yù ira kábulut tam.
28767	1CO 14:21	Á yawe yù netúrâ nga kinagi ni Namarò: “Dobak ku yù ira tatolay nga naggapu ta tanakuán nga lugár, nga tanakuán yù ággubobuk da, ta ed da kagian yù bilik ku sù ira tatolay nga manakì manguruk. Á mássiki nu kunnian, ari ira magginná sù kagiak ku nira.” Yáyù kinagi ni Namarò.
28789	1CO 15:3	Á nepakánnámmu nikán yù bilin nga inilayalayâ ku ngaw nikayu, nga kuruk nga bilin nga máwák naw tángngagan, nga kunniaw: Netapil si Apu Kesu Kiristu, nga natay megapu sù liwiliwâ tam, tapè mapakomá ittam ta liwâ tam, nga kunnay sù inipetúrâ na ngaw ni Namarò sù dán nga libru.
28982	2CO 6:16	Á mepángngà panò nu ajjan yù sináddios sù mangilin nga bale ni Namarò? Ari gemma! Á yáyù nga ari ittam mepulù sù ira nga mangnguá ta narákè. Ta sittam nga manguruk kâ Namarò yù mangilin nga bale na, gapu ta maggián nittam si Namarò nga matotolay nga pakimorayát tam. Á yawe yù kinagi ni Namarò: “Makipaggiánà sù ira tatolè, ta aggira yù paggianák ku. Ta sikán si Namarò nga pakimorayád da, á aggira gapay yù tatolè nga pammagurayák ku.”
29180	GAL 3:11	Á yáyù nga kánnámmuát tam laguk ta awán ta tolay nga mebiláng ni Namarò ta matunung ánna alawatan na megapu ta panuttul na sù tunung. Ta bibbirat tam yawe: “Yù ira tatolay nga mangikatalà kâ Namarò, aggira yù ibiláng ni Namarò ta matunung, megapu sù pangikatalà da. Á mesipà ira kâ Namarò, nga matolay ta áddè ta áddè.”
29225	GAL 4:27	Á ajjan yù netúrâ sù bilin ni Namarò nga kunniaw: “Sikaw nga babay nga nabbalá, magayáyâ ka, mássiki nu ari ka bulubugá naganâ! Magagga-aggáy ka ta ayâ mu, mássiki nu ari ka nappasíkál. Ta aru yù ira ginaká nayù babay nga nánawán nayù atáwa na, ánnè sù babay nga ajjan yù atáwa na.”
29238	GAL 5:9	Mappalán kayu laguk sù ira mangituddu ta tanakuán, ta massamâ yù ituddu ra nga ari kuruk. Á ajjan yù bunnakè nga keyarigán na: “Mássiki nu baddì lâ yù áppalappák na, nga nekiruk sù arená, ngam luppák ta napiá yù pán,” kun na.
29248	GAL 5:19	Á ammu tam gemma yù narákè: yù karagatán na baggi tam, yù mangarallaw ánna yù makikarallaw, yù narákè nga nonotan na tolay ánna yù narákè nga akkuán na nu arán na igaggak yù baggi na,
29251	GAL 5:22	Á yawe yù akka-akkuán nayù tolay nga tumulù sù pammagure nayù Ikararuá ni Namarò ta nonò na: Iddukan na yù ira kábulun na. Á magayáyâ lâ ánna magimammà yù nonò na. Á attamán na lâ yù ira kábulun na. Á ikákkállà na ira, ánna napiá lâ yù akkuán na nira. Á aggina yù pangikatalakán.
29347	EPH 4:8	Á yáyù gemma yù kebalinán nayù kinagi na ngaw ni Namarò nga meyannung kâ Apu Kesu. Ajjan nga netúrâ nga kunniaw: “Panoli na ta kotunán nga gián ta lángì, aru yù ira náppù nga ginápù na ánna inipulù na tapè masserbi ira kuna, á inisinek na sù ira tatole na nga katággitádday ta dabbuno yù napiá nga makkakerumá nga pakáwayyá na.”
29385	EPH 5:14	Ta nu mánnámmuád da sangaw yù pakáwayyá ni Apu Kesu nga mamannawák ta nonò na tolay, ánna tumulù ira kuna, á pannawagan na gapay yù nonò da. Á ajjan yù netúrâ nga kunniaw: “Sikaw nga kunnay ta nakkaturuk, mallukák ka laguk. Gumikkáng ka, nga maggapu sù ira námmatay. Ta pannawagan ni Apu Kesu Kiristu yù nonò mu.”
29402	EPH 5:31	Á ajjan yù dán nga netúrâ nga bilin ni Namarò, nga kunniaw: “Nu mangatáwa yù tolay, yáyù gapu na nga panawán na yù ira darakal na, tapè umay metádday sù atáwa na. Á yù ira magatáwa, kun na táttádday yù baggi ra.”
29762	2TH 3:17	Á sikán lápay yù mattúrâ sawe ngágak ku, nga panákkilalán ta ngámin nga itúrâ ku. Á kunniaw yù áttúrâ ku: Pablo.
29814	1TI 3:16	Á ammu tam ta kukurugán nga makapállâ yù metuddu nga meyannung ta pangikatalà tam kâ Apu Kesu, nga nelímak ngaw áddè ta pangipalappâ ni Namarò: Naggapu si Apu Kesu Kiristu ta lángì, á minay ta dabbuno nga nabbáli ta tolay, nga mepasingan ta kuruk nga Anâ ni Namarò nga awán ta liwâ na, gapu ta naginnanolay megapu sù pakáwayyá nayù Mangilin nga Ikararuá. Á yù ira daroban ni Namarò, nasingad da si Apu Kesu. A melayalayâ si Apu Kesu sù ira ngámin nga makkakerumá nga tatolay ta dabbuno. Á ta ngámin nga páppatulán ta dabbuno, ajjan yù ira tatolay nga mangikatalà kuna. Á inâ ni Namarò ta lángì, nga meparáyaw.
29848	1TI 5:18	Táddanán naw ira laguk ta napiá, ta yáyù kebalinán nayù dán nga netúrâ nga ubobuk ni Namarò nga kunniaw: “Arán naw babbaran yù simù nayù báka nga magaggì, tapè kumán nu gustu na.” Á ajjan gapay yù netúrâ nga kunniaw: “Mepángngà ta matáddanán yù mattarabáku.”
29905	2TI 2:11	Kuruk yawe bilin nga netuddu nittam: “Nu ibiláng ni Namarò ta nepappatay ittam kâ Apu Kesu, á gapu ta paginnanole na, maginnanolay ittam gapay, ánna mesipà ittam nga mepattolay kuna.
29913	2TI 2:19	Ngam sittam nga napasigaggà yù ángnguruk na, ari ittam mabbábáng, ta maggián nga mannanáyun yù ubobuk ni Namarò, nga kunnay ta maláddá nga batu, nga panáddagán nayù ángnguruk tam. Á ajjan yù kinagi na nga netúrâ nga kunniaw: “Ammu ni Apu yù ira nga kukurugán nga tatole na.” Á kinagi na gapay, “Á yù ira ngámin nga makimállà kâ Apu Namarò, nga makkagi ta aggina yù pakiyápuád da, máwák nga pallikuránád da laguk yù narákè nga ággangnguá ra.”