54	GEN 2:23	Na tomoyina iwona bo, “Eka! Katada tagu mayimayiyigu - irike tagu irikeguma, bi vigho tagu vighoguma, na kana waghawagha Wasike, basuna touna tomogha gwabinama ikanibu.”
60	GEN 3:4	Na mota iwona bo, “Noko wiiyaba, kate gegha konarabobona!
87	GEN 4:7	Memeda bera miisedi kuyaberabera na ayiwaghasinem. Bi meboda bera beroberodi kwaberabera na, kukita yapori! Basuna berona nama ririmve, ikowogha naboni ware ribiribi dipa yikoyakoyagha da tam inagogonakurim. Yana wiina da inibadem, bi tam kunimaragata da kunagetawani.”
95	GEN 4:15	Wasina Yawe God iwonena bo, “Gegha tana! Iiyabo inakasunuyimna, wiisuwona da kambiwa kiiravine, na iiyabo inirabobom na vita ghamakirakiina inakawari.” Bi Yawe, Kein debane matakira ivikarapasi, da iiyabo inabanani na gegha inakasunuyina.
366	GEN 15:5	Bi Yawe God, Abram irutayini sikanibu maghatare bi iwoneni bo, “Kayogagawa abame bi kuberatowoyi da kewokewo kunakabiyawa - Memeda tam rubana na! Raghani muriye na nosinosim na naboni ware mmkodi kewokewodi bi getana iiyabo rubana da inakabiyavidina.”
374	GEN 15:13	Bi Yawe God ivisisiya touna biidi iwona bo, “Mmko kwakowa yapori! Nosinosim na kubura wiibate sinibaretaya mekona gegha rapediyena. Bodu 400 kamodiye na noko kuburina damdi sinakabidi da kiiravidiye sinabagibagi bi bada sinitupaketowanedi.
417	GEN 17:19	Bi God iwona bo, “Gegha! Wavinem Sera inituvem da tomogha bi kuniwaghaneni da Aisik. Yagu wiiwaghasina maragasina gwabine anabera bi kate nosinosina gwabidiye touna murine, da wiiwaghasina maragasina makewaghawaghasina.
463	GEN 19:5	bi Lot siyakwatukwatuveni bo, “Nokodi tomotomogha iiyawogha, kata ravidiye tam biidi sipiika na meme? Kurutayina kanibuvedi toumii biiyadi, yama wiina da kanakenedi!”
466	GEN 19:8	Kowaiyanegu! Natunatugu wasiwasikedi bata, wabuwabudi bi gegha tomotomogha teya siyakenatowoghana. Mmkodi wasiwasikedi woudi anarutayina kanibuvedi tami biiyadi, da yami wiina toudi biiyadi konabera. Bi mmkodi tomotomogha apiikedi yagu bareye, na gegha awaki tana konabera.”
467	GEN 19:9	Bi Sodom tomotomogha siwona bo, “Kumiiri irana! Tam wawaya wiibata mma, bi kata yam wiina kunabera da tam bada ghamam. Bi kata kanabera da kunakabikwarakwara kirakii gegha naboni nokodi bata!” Na Lot sirutuvena tagutagureni, bi yadi wiina da ware matamketa siyagawowori.
470	GEN 19:12	Bi aneyaneya yadi bata, Lot siwoneni bo, “Pinimina bi mmko kuburina kanibero, Yawe God, mmko kwanatuna wawayidi yadi berabero sisiyidi peyaridi iwaiyana kiiravine na iviporamii da kaniberoni. Bi yam rakaraka mududi mma bo? Natunatum tomotomogha da wasiwasike, natunatum kadi kabibabara, tomotomoyidi: mmko gawarinama kabitavedi kokanibu konanagho!”
475	GEN 19:17	Raghanina sivikanibuvedi murine, na tana iwona bo, “Kovera da konayawa! Gegha kona rusinimurana bi bada gegha meme anagha kamone koniraborabobona. Koya kadivera kovera, gegha iyamiise da konamomogha.”
524	GEN 21:10	Na noko biidi Abraham iwoneni bo, “Noko wiitamariyana wasike natuna teya kudaru ketoketodi sinanagho! Basuna gegha yagu wiina da natuna buderim muduna inayoyo, wasina natugu Aisik kawagha buderi inirapeneyana.”
549	GEN 22:1	Raghani viya sikovi murine na God, Abraham yana wiitumaghana irubuni, ikwatuveni bo, Abraham! Na Abraham iwona bo, “Tagu mma.”
559	GEN 22:11	Bi Yawe God yana aneya abamama ikwatuveni iwona bo, “Abraham! Abraham!” Abraham iwonabodeyana bo, “Tagu mma.”
689	GEN 25:30	Na Jeikap iwoneni bo, “Tagu vitonana arabobo. Noko kiipenina idurina katota kuveregu anakani!” (Noko biidi sikwatuveni Idom).
691	GEN 25:32	Wasina Isso iwona bo, “Tagu vitonana araborabobo, na noko iyaroko rereyina kate gegha iniwiitegu! Na tam kabi.”
777	GEN 28:3	Bi God Maragata Kirakiina inimiiseyem kunituwa da yam koroto inaragata, bi kunitamada dam peyaridi kiiravidiye!
791	GEN 28:17	Wasina bi inaghara na iwona bo, “Mmko gawarina ririmonina iraghata! Bi mmko God yana bare, ware abama kana matamketa.”
1029	GEN 35:17	na patana iyibusura da sinivisi ghamana iyidami bi pepeya iyatubutubugha. Na wiiburaburawa wasikena iwona bo, “Gekunanagharana! Tomogha tana kuvitubuyi.”
1103	GEN 37:19	Na sivisisiya siyawonawona bo, “Kokita, mimeu badana yapiipiika!
1114	GEN 37:30	Bi iveramagha yana rakaraka murimuridi biiyadi da iwona bo, “Tomogha gisigisi gedogu kamonena! Tagu awaki anabera?”
1117	GEN 37:33	Na Jeikap akovina ikabi na iwona bo, “Wasina, mmkona natugu kana kwama! Ribiribi dipa itarunuyi. Oo-o, natugu! Ribiribi itainamiimiini.”
1157	GEN 39:7	Na nama imake gegurina bi yana bada wavinena ikita kiroroveni na igagari iwoneni bo, “Piika, taniragoba tanakena!”
1162	GEN 39:12	Na Potipa wavinena ipiika Jousep biidi da kana tarasowo ikabitawani bi iwoneni bo, “Piika, taniragoba tanakena!” Bi gegha, Jousep kana kwama wasikena gwabine ikuyoveni bi bare kamonama ivera ikanibu maghatare.
1164	GEN 39:14	na yana bare kana wiitamatamariyana damdi ikwatuvedi sipiika bi iwona bo, “Kokita! Moghanegu mmko Hibru tomoyina meko ipiikeni bareye na ivibera berowaneda! Irughu yagu tupayaraye bi iberatowoyi da iyakenegu, na arakapara da ghamana.
1192	GEN 40:19	Bi gabudara aroba murine na kiiwawo inikanibuvem da kanighom sinakasiyarayi! Bi tubuyim kiiye sinakuwiirorogi bi manu vighom sinakani.”
1255	GEN 42:2	Na mma naboni! Tagu awaiyana da name Ijiptne na wit samakamake. Koyowogha konanagho nabo da wit konagimona kiiravidae, da tanayawa bi gegha tanarabobona!”
1262	GEN 42:9	Bi naghove waghata imimeuvedina inoghosi na iwona bo, “Tami na kitawiikighu dammi! Bi yama kubura mekodi noganogadi konakita kiiravine kopiika.”
1275	GEN 42:22	Rubin iwona bo, “Roro na tagu awaki awonemi, ‘Tomogha gisigisi gegha koniberoni!’ Bi yagu sisiya gekoyawaiyanenina! Na katana yana rabobo miisanina takabikabi.”
1387	GEN 45:28	Na iwona bo, “Wonawaghata! Natugu Jousep patana yawayawiina. Ananagho anakita bi muriye da anarabobo.”
1389	GEN 46:2	Bi nubabasuve na God mimeu kamone ivisisiya Jeikap biidi iwona bo, “Jeikap! Jeikap!” Jeikap iwonabodeyana, “Tagu mma.”
1466	GEN 48:14	Bi gegha, Jeikap imana ivikasiruwireni, da katiiyana Ifreim gayamine itore bagune touna murimurina, bi dugena Manasa gayamine itore bagune touna iyarokona. Bi raghanina Jousep ikita da tamananaki katiiyana Ifreim gayamine itore, na geiyinuwamiisena. Na tamananaki imana ikabi, ware Ifreim gayaminama iyakabitaveni bi Manasa gayamine iyatore na iwona bo, “Gegha, tamada! Manasa iyarokona, katiiyam gayamine kutore.” Bi tamananaki isinighii na iwona bo, “Natugu, akovi awaki aberabera. Manasa kana waghawagha inaragata bi nosinosina inidam kiitowana, bi gegha da, tiinaru inage kirakii bi nosinosina kadi dam sinakoroto.” Na noko gabudarine ededidi bata ivimiiseyedi iwona bo, “Yagu God, iiyabo tamagunaki Aisik da tubugunaki Abraham siyapeepetenina, God, iiyabo yagu yawa tupane ikoyayigu ware sip kadibodaboda naboni, Yam aneya, iiyabo bero tupadi gwabidima ivitarababaranegu, na mmkodi tomotomoyidi inimiiseyedi. Basuna mmkodi tomotomoyidi kiiravidiye na, wawaya kagu waghawagha da tamagunaki Aisik kana waghawagha da tubugunaki Abraham kana waghawagha sinanoghota wiiwoneni, bi anoghonoghosi da nosinosim korotodi mmko kuburine sinatubugha. Isrel damdi kami waghawaghae raghanina wiimiiseyana sinaberabera, na sinawona bo ‘Karurupari da God wiimiiseyana inaverem naboni Ifreim da Manasa iveredina.’” Na Jeikap noko kedane Ifreim kana waghawagha itore ivinagho bi Manasa kana waghawagha ivimuri. Wasina bi Jeikap, Jousep ivimiiseyeni iwona bo, “Jousep, kukita, pinimina bi anarabobo, bi God na gwabimiye, da inakabimi konaveramagha Kenenma nosinosinakimi yadi tanave.”
1483	GEN 49:9	Tam ware laiyon natuna, tam kunimaragata da wawaya kunibadedi. Bi ware laiyon meko kana iyuwa yaburavi yakani, bi yaveramagha yakenayowogha da yiyawiitaveyana. Bi iiyabo rubana inanagho da inakasiwiimataki? Getana da iiyabo!
1563	EXO 2:8	Na kiiwawo natuna iviwaghasina iwona bo, “Wasina, kunagho!” Na wasikena inagho da pepeyina sinananaki waghata irutayini ipiika.
1584	EXO 3:4	Raghanina Yawe God ikita bi Mosis iyapiipiika wiitupo na kiikiiruku kamonama ikwatu bo, “Mosis! Mosis!” Bi Mosis iwona bo, “Uu, tagu mma.”
1815	EXO 11:8	Yam ababagibagi damdi kadi babada ghamaghamadi sinapiika naghoguve sinapepeta sinayowogha bi sinawona bo, ‘Tam da yam wawaya tupadi yawata, konagho!’ Bi noko murine, tagu ananagho.” Bi Mosis nuwanuwana ipughu kirakii na kiiwawo ikuyoveni inagho.
1848	EXO 12:31	Wasina bi Ijipt kana kiiwawo nubabasuve Mosis da Eron ikwatuvedi sipiika bi iwonedi bo, “Kogeghomiiri! Yagu wawaya kokuyovedi, tami da Isrel damdi! Konagho, yagu kubura kokanibutaveni da Yawe God konakabepepi metagha kovibabana.
1895	EXO 14:5	Wasina, raghanina kiiwawo siwoneni da Isrel damdi sivera, na yana bagibagi damdi kadi babada ghamaghamadi teya yadi noghota siwamiri siwona bo, “Mmko awaki berana tabera? Nokodi Isrel damdi taviwaghasinedi sinagho na kata gesinabagibagiyena mayedana!”
1902	EXO 14:12	Raghanina Ijiptne taya makamakena kawonem bo, ‘Kuyovemii, da Ijipt damdi kana bagibagiyedi!’ Bi Ijipt damdi yadi wiibagubagurana kayamakae na iyamiise, bi gemayabe rabobo biidi!”
1903	EXO 14:13	Bi Mosis iwonedi bo, “Gegha konanagharana! Yami miimiiriye komiiri bi konakita da awaki Yawe God inabera da kata iniyawiimi. Bi mmkodi Ijipt damdi kata kokitakitadi, na gekonakita mayedina.
1915	EXO 14:25	Yadi seriyot kayedi ibera da sitamotavetaveyana, da gerubana siyaverana. Na Ijipt damdi siwona bo, “Yawe God na Isrel damdi yiwiitedi, da touda Ijipt damda yiaviyeda, na kokayotanavera magha!”
1932	EXO 15:11	Yawe God, god tana meme tam naboni bo? Gegha! Tam wiisuwona kabikabikuwayim, yam maragata iragata na kanaghanagharem, bi berakayowiiwiiyaka kwaberabera!
1952	EXO 16:4	Wasina bi Yawe God, Mosis iwoneni bo, “Kuwaiyana! Tagu abamama kam anipora kiiravimiye inayowogha ware amra. Gabudara patepatena wawaya sinakanibu da noko gabudarina kawagha rubane kam sinameka. Mmko kedane na anarubudi bi anakita, memeda gamogu sinakivini bo gegha.
1986	EXO 17:2	Na Mosis teya sivigamowana siwona bo, “Rarima kuvereda tananina!” Bi Mosis iwona bo, “Awaki biidi tagu yawata tiigamowana? Bi awaki kiiravine Yawe God koruburubuni?”
2039	EXO 19:12	Koyana barata kutore da wawaya gesinighanunina. Bi kuwonedi da sinakoyagha yaporidi! Da gegha koyane sinage bo sinanagho ririnena. Iiyabo inanagho koyane bi kayenama initutowoyi na inarabobo.
2423	EXO 31:2	“Kuwaiyana! Tagu, Jiuda kana dam kamonama, Hur tubuna, bi Uri natuna tomogha Besalel avineyi,
2443	EXO 32:4	Bi gould iyouna da ivirararayidi na sivirarima bi ibera da kau natuna makina igubani. Raghanina wawaya sikita na sirukwatu bo, “O Isrel, god na mmakatanina meko Ijiptma ikabi kanibuvedana!”
2450	EXO 32:11	Bi gegha da Mosis, God nuwanuwana ikani iwona bo, “O Yawe God, yam maragata ghamanama yam wawaya Ijiptama kukabi kanibuvedi, bi noko kiiravine na gegha nuwanuwam inapughu da kuniberodina!
2465	EXO 32:26	Na taki matamketane imiiri bi irakapara bo, “Tam iiyabo Yawe God yana nawae, na piika tagu biidi!” Na Livai kana dam kamonama tomotomogha tupadi sivikasitaghomana bi sigwagwarawiikenavivireni.
2507	EXO 34:10	Wasina bi Yawe God iwonabodeyana bo, “Kuwaiyana! Tagu wiiwaghasina maragasina aberabera Isrel damdi teya. Bi wawaya tupami naghomiye konakitagu bera ghamaghamadi anabera mekodi wawaya gegha naghove siyakita kubura mududiye siyatubughana. Basuna tami kiiravimiye na mmkodi anabera, na wawaya kamodiye komakamakena tupadi sinanaghara.”
3098	LEV 13:45	Iiyabo beka gubagina ghamana gwabine na gara tamogosigosiridi iniyagha, gayama ghunighunina geininasina, bi kawana inakasibabari bi wawaya biiyadi inarukwatu bo, ‘Tagu na dadabugu! Gekonapiika ririguvena!’
4111	NUM 14:2	Da gwinima Mosis da Eron siviaviyedi, siwonedi bo, “Toumii kakayoveni da name Ijiptne kayarabobo! Bo meboda mma mayabe.
4112	NUM 14:3	Bi awaki kiiravine na Yawe God yanavenaveda noko kuburine, da wawaya name sinikasunughaneda? Bi natuwavineda da natunatuda sinaroda naboni neneyana. Bi iyamiise kirakii da meboda tayaveramagha Ijiptma!”
4136	NUM 14:27	“Raghani viya mmkodi wawaya kawakekedi gwinima siniaviyegu? Isrel damdi yadi gwini Tagu biidi na awaiyana!
4346	NUM 21:5	Na toudi gwinima God da Mosis siviaviyedi siwona bo, “Awaki biidi Ijiptma kokabikanibuveda da mma mayabe tana rabobo? Toumii kam da rarima gegha! Bi kate geyama kayowana mmko kamna berona!”
4405	NUM 22:29	Na Balam iwona bo, “Tagu kuberagu da wawaya matadiye na naboni ware neghanegha. Tagu akayovena kirakiiyeni da memeda seri ayakabi imaguve, na kata ayagwarunuyim!”
4440	NUM 23:23	Wawaya gerubana dam Isrel sinimagidina toudi kate gerubana imapuma siniberodina. Kata na wawaya, Jeikap nosinosina sinisisiyedi, toudi na Isrel damdi: ‘Kokita awaki beradi ghamaghamadi God ibera yana wawaya kiiravidiye!’
4441	NUM 23:24	Bi Isrel damdi na ware laiyon naboni maragasina Yageghomiiri da kana aviya yunugha yakam bi ganiganidi yaniuna. Murine na yakena yowogha da yiyawiitaveyana!”
5012	DEU 4:6	Mmkodi gwara kokabisisirena yaporidi da dam mududi yami nuwagiura bi yami akowa sinakita. Raghanina mmkodi gwara tupadi siwaiyanedi na sinawona bo, ‘Wiisuwona Isrel na dam maragasina bi kana wawaya na nuwanuwagiuridi da akakovidi!’
5038	DEU 4:32	Raghanina maragata ghamanama bi Yawe yami God, Ijiptma ikabikanibuvemi, na berakayowiiwiiyaka da bera ghamanakidi matamiye ibera. Tami kiiravimiye na Ijipt damdi iviaviyedi, da kabikwarakwara ghamana iveredi. Bi iberami da yana wawaya waghata, bi Sainai Koyane keyama kamonama kowaiyana ivisisiya tami biiyadi, bi gegha da patana komakamake. Bi bera tana mmko naboni naghove itubugha bo gegha? Getana! Konoghota inaveramagha da ghuyoghuyone raghanina God kubura debane wawaya iberadina, kubura tupane kovinogha. Getana god meme mmkodi bera naboni iyaberana!
5092	DEU 6:4	Wasina bi Mosis iwona bo, “Dam Isrel, kowaiyana! Yawe yada God, na touna kawagha God.
5120	DEU 7:7	Yawe God ivinuwayuyunemi na ivineyimi, bi ivineyimi na gegha tami yami koroto iyaragatana kiiravine bi dam mududina gegha. Wiisuwona da kami dam na igisi kirakii genaboni dam mududi kubura debanena!
5236	DEU 11:26	Kowaiyana! Yami kayowana da Yawe God inimiiseyemi bo aro inaveremi?
7222	1SA 1:8	Na moghanena Elkana iyitarakiiyaneni bo, “Hana, awaki kiiravine kwaduudu da geyamkayowana kam? Bi awaki biiyadi nuwanuwam ibero kirakii? Wiisuwona tagu ware natunatum tomotomoyidi yadi 10 naboni tam biidi!”
7225	1SA 1:11	Na ruparima ivisuwona iwona bo, “O Yawe God Maragata Kirakiim, kitagu, tagu yam wiitamariyana! Yagu nuwapoya kita bi kunoghosigu! Gekuninuwawapiguna! Bi memeda natugu tomogha kunaveregu, na iisuwona da anatoreireni tam kiiravimve yana yawa tupane bi gemeyani gayamina inaborina.”
7228	1SA 1:14	Na ikini iwoneni bo, “Awaki kiiravine kunina neghanegha? Yam niuna kabitore bi kimaragata!”
7231	1SA 1:17	Na Eli iwonabodeni bo, “Nuwaruririye kunagho! Bi Isrel kana God gwabinama awaki kiiravine kwiibaba na inaverem.”
7240	1SA 1:26	bi sinananaki iwona bo, “O bada! Iisuwonem da tagu noko wasikena iiyabo rorowayinagha kukitagu Yawe God biidi ayaruruparina.
7282	1SA 3:4	bi Yawe God irukwatu bo, “Samwel!” Na Samwel iwona bo, “Awaki, tagu mma!”
7284	1SA 3:6	Wasina bi Yawe God ikwatumagha bo, “Samwel!” Na Samwel igeghomiiri da inaghomagha Eli biidi bi iwona bo, “Tam kukwatuvegu, nada apiika.” Bi Eli iwona bo, “Natugu, getagu ayakwatuvemna, kuveramagha kunakena.” Na Samwel iveramagha ikenayowogha iyakenakena.
7288	1SA 3:10	Wasina bi Yawe God ipiika da imiiri bi Samwel ikwatuveni ware dagudagune iberana naboni iwona bo, “Samwel! Samwel!” Na Samwel iwona bo, “Kisisiya, tagu yam wiitamariyana awaiwaiyana.”
7295	1SA 3:17	Na Eli iwona bo, “Yawe God metagha iwonem? Na sisiyina tupana kuwonegu, bi memeda gekunawonegu, na God aro ghamanakina inaverem!”
7444	1SA 10:24	Wasina bi Samwel, wawaya iwonedi bo, “Tomoyina mmakatanina Yawe God ivineyi da yami kiiwawo. Getana iiyabo touda Isrel damda kamodae touna naboni!” Na wawaya tupana sikarayewoveni bo, “Kiiwawo rubana inamake da bodu peyaridi!”
7500	1SA 13:13	Samwel, Sol iwoneni bo, “Mmkona beraneghanegha kubera! Yawe yam God yana sisiya bagibagina meko iverem na gekuyakabisisirenina. Bi memeda kuyakabisisireni, na Yawe God, tam da nosinosim yawata iyabera da Isrel koyibadena waghasi!
7578	1SA 15:16	Wasina bi Samwel, Sol iwoneni bo, “Kiraborabobo kunawaiyana! Bi Yawe God metagha nubabasuve iwonegu na anawonem.” Na Sol iwona bo, “Metagha iwona?”
7584	1SA 15:22	Wasina bi Samwel iwona bo, “Awaki ivinuwayuyuna kirakii Yawe God biidi suwara gabugabunidi bo gamona kabisisirenina? Wiisuwona! Kabisisira, na imiise kirakii geware suwara gabugabunidi naboni. Bi bera ghamana na gamona tana waiyaneni, gegha ware sip makina nanarina miisena suwarina naboni.
7599	1SA 16:2	Na Samwel ivitarakiiyana bo, “Metagha ananagho? Memeda Sol mmko berana kiiravine inawaiyana na inakasunuyigu!” Bi Yawe God iwona bo, “Kau wouna yagarina kunarutayini da kunananagho bi kunawona bo, ‘Tagu apiika da Yawe God biidi anasuwara.’
7609	1SA 16:12	Wasina bi Jese tomotomogha iviporadi da sikabisipiikeni. Bi tomoyina na tubuyina miisena, komerowanina bi matana yeghanidi. Raghanina tomoyina iverakanibu. Na Yawe God, Samwel iwoneni bo, “Wasina tomoyina mmakatanina avineyina! Geghomiiri da oliv miinama kunituboro.”
7685	1SA 18:7	Wasina bi yadi nuwamiise kamone na wasiwasikedi mma naboni siyatawotawora, “Sol aviya damdi yadi 1,000 iunugha! Bi Deivid na 10,000 iunugha!”
7686	1SA 18:8	Sol mmkodi sisiyidi kiiravine geiyinuwamiise, na nuwanuwana ipughu kirakii da iwona bo, “Toudi Deivid satoretoregeeyeni sawonawona da touna aviya damdi yadi 10,000 ivikasunughana, bi tagu na 1,000 kawagha avikasunughana. Bi muriye na sinabera da yadi kiiwawo!”
8016	1SA 31:4	Na Sol wiiyogha tomoyina, meko yana wiirouwa sawaridi iyakawakawara na iwoneni bo, “Yam seri kabitaveni da tounama kunakasunuyigu! Geyagu kayowana da mmkodi kubuna damdi sininamayegu bi sinakasunuyiguna.” Bi gegha da mmko wiiyogha tomoyina kasunuyina inagharareni. Wasina bi Sol tounamani yana seri ikabitaveni da ikabiwiinighonigho bi debane ibeku.
8273	2SA 11:11	Bi Uraiya iwona bo, “Wiiwaghasina Maragasina Dedewagina, bi Isrel da Jiuda damdi na kiregoru kamodiye samakamake. Yagu wiiyogha badana Joab da yana iyo damdi na warereye sitaki. Touna kiiravine na gerubana ayanagho yagu bareye bi ayakam da ayaniuna da wavinegu teya kayakena, gegha gerubana naboni ayaberana!”
8296	2SA 12:7	Wasina bi peroveta Neitan, Deivid iwoneni bo, “Tomoyina na tam! Mmko na metagha Yawe, Isrel kana God iwona, ‘Tagu avituborom da Isrel tupana kana kiiwawo, bi Sol yana maragatama aviyawiim.
8831	1KI 3:12	Na awaki kiiravine kuvibaba na anaverem! Tagu nuwagiura miisedi da akowa anaverem, genaboni wawaya naghove sikabina bo wawaya muriye sinakabimayenina naboni.
8841	1KI 3:22	Bi wasikena tana iwona bo, “Gegha! Yawayawiina na tagu natugu bi raborabobona na tam natum!” Bi gegha wasike dagudagune ivituwa na iwona wiimaragata bo, “Raborabobona na tam natum bi yawayawiina na tagu!” Wasina bi kiiwawo naghone naboni siyikawakeereyana.
8842	1KI 3:23	Na Solomon iwona bo, “Wasina, mmko wasikena yawona da ‘Pepeya raborabobona na tam, bi yawayawiina na tagu,’ bi noko wasikena tana yawona da, ‘Gegha! Yawayawiina na tagu bi raborabobona na tam.’”
8844	1KI 3:25	Bi kiiwawo iwona bo, “Pepeya yawayawiina korigha seseri da bata! Nawana wasike tana kovereni bi nawana bada wasike tana kovereni.”
8845	1KI 3:26	Noko pepeyina sinananaki waghata ivinuwayuyunena kirakiiyeni, na douma ikabida iwona bo, “Oo bada ghamam, pepeyina gekunakasunuyina, noko wasikena kovereni!” Bi wasikena tana iwona bo, “Gegha, pepeyina korigha seseri da bata. Da gegha tagu bo touna natuna.”
9015	1KI 8:27	Bi rubana God, kubure inamake? Gegha! Abama tupana geiyaragata kirakii da inakamuwanim, Bada! Na mmko kabepepa barena ayoghanina, memeda getam yam makamake gawarina!
9088	1KI 10:6	Na wasikena kiiwawo Solomon mma naboni iwoneni, “Yagu kubura waghate, na yam nuwagiura miisedi da yam bera ghamaghamadi peyaridi kiiravidiye na awaiyana bi kata akovi da nokodi sisiya na wiisuwona!
9089	1KI 10:7	Ghuyoghuyone, na nokodi sisiya geayitumaghanedina bi kata apiika da mataguma akitakita. Yam nuwagiura miisedi da yam moura na siragata kirakii, genaboni awaki siwoneguna!
9164	1KI 12:10	Tomotomogha woudi siwonabodeni bo, “Mma naboni sivibabiim, ‘Yama bagibagi kubera inatekateka,’ na kuwonedi, ‘Tagu tomogha ghakighakigu, gegha tamagunaki naboni!
9165	1KI 12:11	Tamagunaki piropiro ghamadi iveremi, bi gegha, tagu piropiro ghamanakidi anaveremi! Touna kwaro bagidima iyawakiwakirimi bi tagu na kwaro iyiyodima anawakirimi.’”
9168	1KI 12:14	Tomotomogha woudi yadi wonawiiyoyowana touna ikivini, na wawaya iwonedi bo, “Tagu tomogha ghakighakigu, geware tamagunaki naboni! Tamagunaki piropiro ghamadi iveremi, bi gegha da taguna piropiro ghamanakidi anaveremi! Touna kwaro bagidima iyawakiwakirimi, bi tagu na kwaro ere iyiyodima anawakiwakirimi!”
9170	1KI 12:16	Wasina bi Isrel damdi tupadi sikita bi kiiwawo yadi sisiya geiyawaiyaneni, na siwona bo, “Toumii gegha Jese natuna Deivid yana rakaraka muduna! Toumii getouna kana dam muduna! Isrel dammi kokayo tana veramagha yada kubure yada kubure, bi Deivid nosina Rehoboam yana wawaya waghata inibadedi!” Wasina bi Isrel damdi siveramagha sinagho yadi kubure yadi kubure.
9333	1KI 17:13	Bi gegha Elaija, wasikena iwoneni bo, “Gekuninuwapoyana! Yawe, Isrel kana God iwona da, ‘Parawa da oliv oil na nonowa yami kabikabiwiitaghoma kamodiye sinamakamake patana da Yawe amra inipora na pei sinagogo maghana raghanine.’ Na kunagho da metagha kuvisisiya na naboni kubera, bi dagudagune na bred gisina kiiraviguve kugabuni da kawari piika. Bi muriye na kabiwiiririyina kabununayi, tam bi natum teya kiiravimiye.”
9340	1KI 17:20	Bi Yawe God biidi irupari iwona bo, “Oo Yawe yagu God, awaki kiiravine nuwapoya ghamana mmko kwaburina kuvereni? Touna iviwaghasinegu da yana bareye amakamake, bi kata natuna kubera da irabobo!”
9341	1KI 17:21	Wasina bi Elaija iroroni da raghani aroba tomogha gisigisi debane bi irupari Yawe God biidi iwona bo, “Oo Yawe yagu God, mmko tomogha gisigisina yana yawa kuveremayeni!”
9343	1KI 17:23	Wasina bi Elaija, tomogha gisigisina irubevi bi ikawari iyowogha tupayaragha ghamane. Da sinananaki iviruvereni bi iwona bo, “Kita, natum iyawamagha!”