57	GEN 3:1	Wasina bi mota touna wiiyaba iyakowa kirakii gegha ware ribiribi dipa mekodi Yawe God iberadina naboni. Bi raghani tana mota ipiika da wasikena iwoneni bo, “Wiisuwona God iwona da, ‘Mmko kwabuna kamone kii tupadi uwadi gegha konakamna?’”
59	GEN 3:3	bi God iwonemii bo, ‘Kii kwabu basukiine yamiimiirina uwana gegha konakanina, da konakabitowoyina, bi konaberana konarabobo.’”
73	GEN 3:17	Bi kate bada tomoyina iwoneni bo, “Wavinem gamona kukabisisireni da kii uwana kukani, meko avitarababaranem awona bo, ‘Gegha uwana kunakani, na noko biidi tam yam bera kiiravine na mmko tanavina iimimagi. Bi yam yawa tupane na sinivisiye kunabagibagi bi kunawawa kunakam.
438	GEN 18:13	Yawe God, Abraham ivitarakiiyaneni bo, “Awaki biidi Sera imaniwa bi iwona bo, ‘Tagu amoraba - bi rubana da wawaya anitubuyi bo?’
564	GEN 22:16	iwona bo, “Yawe God iwona, ‘Tam kukabisisiregu da natunuwam gwabiguma gekuyanuwatotoveni, na tam biidi iisuwona da kagu waghawaghae
1101	GEN 37:17	Bi tomoyina iwona bo, “Nada sinagho bi awaiyanedi siwona bo, ‘Tanatouya tananagho Doten kubure.’” Wasina bi kadi makewona Jousep muridigha ikivinidi, inagho da Doten kubure ibananidi.
1275	GEN 42:22	Rubin iwona bo, “Roro na tagu awaki awonemi, ‘Tomogha gisigisi gegha koniberoni!’ Bi yagu sisiya gekoyawaiyanenina! Na katana yana rabobo miisanina takabikabi.”
1368	GEN 45:9	Na konagho yaininagha, tamagunaki biidi bi kowoneni bo, ‘Natum Jousep iwona da, “God iberagu da Ijipt kuburina tupana kana bada. Na kuyowogha yaininagha tagu biidi bi gekunimetewana.
1456	GEN 48:4	bi iwonegu bo, ‘Natunatum korotodi anaverem, bi nosinosim anaberadi da kadi dam sinakoroto bi Kenen tanavina nosinosim anaveredi, da sinirapenena waghasi.’”
1466	GEN 48:14	Bi gegha, Jeikap imana ivikasiruwireni, da katiiyana Ifreim gayamine itore bagune touna murimurina, bi dugena Manasa gayamine itore bagune touna iyarokona. Bi raghanina Jousep ikita da tamananaki katiiyana Ifreim gayamine itore, na geiyinuwamiisena. Na tamananaki imana ikabi, ware Ifreim gayaminama iyakabitaveni bi Manasa gayamine iyatore na iwona bo, “Gegha, tamada! Manasa iyarokona, katiiyam gayamine kutore.” Bi tamananaki isinighii na iwona bo, “Natugu, akovi awaki aberabera. Manasa kana waghawagha inaragata bi nosinosina inidam kiitowana, bi gegha da, tiinaru inage kirakii bi nosinosina kadi dam sinakoroto.” Na noko gabudarine ededidi bata ivimiiseyedi iwona bo, “Yagu God, iiyabo tamagunaki Aisik da tubugunaki Abraham siyapeepetenina, God, iiyabo yagu yawa tupane ikoyayigu ware sip kadibodaboda naboni, Yam aneya, iiyabo bero tupadi gwabidima ivitarababaranegu, na mmkodi tomotomoyidi inimiiseyedi. Basuna mmkodi tomotomoyidi kiiravidiye na, wawaya kagu waghawagha da tamagunaki Aisik kana waghawagha da tubugunaki Abraham kana waghawagha sinanoghota wiiwoneni, bi anoghonoghosi da nosinosim korotodi mmko kuburine sinatubugha. Isrel damdi kami waghawaghae raghanina wiimiiseyana sinaberabera, na sinawona bo ‘Karurupari da God wiimiiseyana inaverem naboni Ifreim da Manasa iveredina.’” Na Jeikap noko kedane Ifreim kana waghawagha itore ivinagho bi Manasa kana waghawagha ivimuri. Wasina bi Jeikap, Jousep ivimiiseyeni iwona bo, “Jousep, kukita, pinimina bi anarabobo, bi God na gwabimiye, da inakabimi konaveramagha Kenenma nosinosinakimi yadi tanave.”
1524	GEN 50:17	‘Mma naboni Jousep konawoneni, “Ibabiim da warewaresim yadi tamumu da kate berona sibera da sivikayotaketowanem na kunoghotatavedi.” ’ Na katana kiibabiim da toumii na tamamnaki yana God yana wiiwiitamariyana, na yama berona kunoghotatavedi.” Raghanina Jousep mmko sisiyina iwaiyaneni na idou.
1593	EXO 3:13	Bi Mosis iwona bo, “Raghanina ananagho Isrel damdi biiyadi anawona bo, ‘Nosinosidanakim yadi God iviporagu tami biiyadi,’ na sinitarakiiyanegu, ‘Kana waghawagha metagha?’ Na awaki anawonedi?”
1809	EXO 11:2	Na kunagho Isrel damdi kunawonedi bo, ‘Tami tupami konagho Ijipt damdi biiyadi, mekodi ririmiye samakamakena, bi awaki sawaridi gould da silvama sibera, na kiiravidiye konibabiidi.’”
1811	EXO 11:4	Wasina bi Mosis inagho da kiiwawo iwoneni bo, “Yawe God iwona bo, ‘Kata pomkam basune, Ijipt tupana anaverarughuwoneni,
1815	EXO 11:8	Yam ababagibagi damdi kadi babada ghamaghamadi sinapiika naghoguve sinapepeta sinayowogha bi sinawona bo, ‘Tam da yam wawaya tupadi yawata, konagho!’ Bi noko murine, tagu ananagho.” Bi Mosis nuwanuwana ipughu kirakii na kiiwawo ikuyoveni inagho.
1843	EXO 12:26	Raghanina natunatumi sinitarakiiyanemi bo, ‘Mmko porayina yana basuna awaki tami biidi?’
1844	EXO 12:27	Na konawona bo, ‘Mmkona Koughanu suwarina Yawe God biidi, iiyabo naghove Ijiptne yada bare iverakoughanudi da inuwatawanidi bi Ijipt damdi natunatudi tomotomogha tubugha-yainidi iunugha raghanine.’” Wasina bi wawaya sipepeta Yawe biidi da sikabepepi.
1882	EXO 13:14	Raghani muriye natunatumi sinitarakiiyanemi, ‘Awaki kiiravine mmko berana tabera?’ Na konawonedi bo, ‘Yawe God yana maragata ghamanama Ijipt kuburinama irutayinida takanibutaveyana, bi noko kuburine tabagibagi naboni bagubagurana.
1902	EXO 14:12	Raghanina Ijiptne taya makamakena kawonem bo, ‘Kuyovemii, da Ijipt damdi kana bagibagiyedi!’ Bi Ijipt damdi yadi wiibagubagurana kayamakae na iyamiise, bi gemayabe rabobo biidi!”
1930	EXO 15:9	Bi aviya damdi siwona bo, ‘Kanaverakwavinidi, da kana kabitawanidi, yadi moura tupadi kanayouna bi kate awaki kakayokayowana na kanayouna, yama seri kanatayina kanikanibuwana da kanunugha.’
1960	EXO 16:12	“Isrel damdi yadi gwini awaiyaneni. Na kuwonedi, ‘Ravidi pompomve tami iyuwa konakam, bi didibare na kam tupadi kokayokayowana na konakam. Wasina bi konakovi da Tagu na Yawe, yami God.’”
1964	EXO 16:16	Mmkodi na Yawe God yana wonawiiyoyowana, ‘Wawaya tanagha kamdi rubane inameka da inakam. Bi oma tanagha irigina wawaya tanagha rubane inayouna da yana kiregoru kamone kiiravidiye.’”
1971	EXO 16:23	Na Mosis iwonedi bo, “Mmkona Yawe God yana sisiya bagibagina, ‘Maram na gabudara meko Yawe God tana kabikuwayeni, bi gabudarina na kabikabikuwayina da taniyawiitaveyana pom. Awakigha konagibu, na kata kogibu bi awakigha konitawogha, na kata kovitawogha. Bi mekodi konakabitoura na kokabitawana da maram didibare.’”
2452	EXO 32:13	Yam wiitamariyana Abraham, Aisik da Jeikap kunoghosidi, kiiravine wiisuwona maragasina kam waghawaghae kuveredi raghanina kuwona bo, ‘Anabera da nosinosim yadi koroto ware kewokewo abame naboni bi kate avisuwona da kubura tupana ayaveredina sinirapenena waghasi.’”
2462	EXO 32:23	Na siwonegu bo, ‘Geghomiiri da kiiravidae god kunabera da ininaghoveda bi inakoyayida. Bi noko tomoyina, Mosis iiyabo Ijipt kuburama ikabikanibuveda na gekayakovi da awaki itubugha touna biidi.’
2463	EXO 32:24	Na awonedi bo, ‘Iiyawogha taina yodi gouldma beraberadi gwabimiye na kokabitavetaveyana.’ Wasina bi sikawara sipiika siveregu, na keyame avitavenageegeeyana na mmko kau natuna makina nuwane iguba mayeni da itubugha.”
2466	EXO 32:27	Bi iwonedi bo, “Yawe God, Isrel dammi yadi God, mma naboni iwona, ‘Tupami yami seri koyouna bi konagho konarughu da taki tupana konavera rughuwoneni nawana da nawana bi warewaresimi, turaturami da maketurami kovikasunughana.’”
3056	LEV 13:3	Da prist gubagina sinakabikita yapori, bi ghunighuni gubagina kamone miimiiridi sinapoe bi gubagina inayokirakii sini kamone, na wasina nokona beka gubagina ghamana. Wasina bi prist wawaya inawonedi bo, ‘Mmko wawayina na God matene na idadabu.’
3098	LEV 13:45	Iiyabo beka gubagina ghamana gwabine na gara tamogosigosiridi iniyagha, gayama ghunighunina geininasina, bi kawana inakasibabari bi wawaya biiyadi inarukwatu bo, ‘Tagu na dadabugu! Gekonapiika ririguvena!’
3848	NUM 6:24	‘Yawe God inimiiseyemi, bi inabodami.
4137	NUM 14:28	Na noko biidi mmko sisiyina kowonedi: Yawe God yawonawona bo, ‘Wiisuwona da awaki beradi sisiyidi awaiyana kovisisiyedi na nokodi bera anabera tami biiyadi.
4387	NUM 22:11	‘Kuwaiyana, dam tana Ijiptma sipiika. Toudi kubura tupana sakabikabimumu na piika da kiiraviguve kunimagidi. Memeda noko murine na rubana da anagogona kuridi da anarukwavinidi.’”
4440	NUM 23:23	Wawaya gerubana dam Isrel sinimagidina toudi kate gerubana imapuma siniberodina. Kata na wawaya, Jeikap nosinosina sinisisiyedi, toudi na Isrel damdi: ‘Kokita awaki beradi ghamaghamadi God ibera yana wawaya kiiravidiye!’
4813	NUM 33:51	“Isrel damdi mmko sisiyina kuwonedi, ‘Raghanina Jodan rarimina konatowawoneni bi konarughu Kenen kubure,
4857	NUM 35:10	“Isrel damdi kuwonedi, ‘Raghanina Jodan rarimina konatowawoneni bi konarughu Kenen kubure,
5012	DEU 4:6	Mmkodi gwara kokabisisirena yaporidi da dam mududi yami nuwagiura bi yami akowa sinakita. Raghanina mmkodi gwara tupadi siwaiyanedi na sinawona bo, ‘Wiisuwona Isrel na dam maragasina bi kana wawaya na nuwanuwagiuridi da akakovidi!’
5156	DEU 8:17	Bi kwakowa wiimasi da genuwanuwamiye konawona bo, ‘Tagu avikiiwawo basuna maragasigu bi abagibagi kirakii.’
5380	DEU 17:14	Wasina bi Mosis iwona bo, “Yawe God, kubura yavereveremi bi raghanina konapiika noko kuburine na kami aviya konageiwayidi bi yami bare konayoghana da konatourawiipikapika murine, na mma naboni konanuwagiura, ‘Dam turaturada ere yadi kiikiiwawo. Noko biidi na kiiwawo tana kiiravidae tanavineyi.’
5402	DEU 18:16	Kiiravine mmkona awaki Yawe yami God biidi kovibaba Horebne, Sainai Koyana kayene kovitaghomimi na raghanine, bi kowona bo, ‘Gekunabera da Yawe yama God gamona kanawaiyana bo yana keyama kanakita, geiyamiise da kanarabobo.’
5403	DEU 18:17	Wasina bi Yawe God iwonegu bo, ‘Yadi wiibaba na imiise kirakii.
5407	DEU 18:21	Bi Mosis yana sisiya ivikiitayini bo, “Memeda konitarakiiyanena mayemi bo, ‘Metagha tanakovi da yana sisiya na gegha Yawe God gwabinama?’
5845	DEU 34:4	Wasina bi Yawe God, Mosis iwoneni bo, “Kuburina mmakatanina, noko kiiravine wiisuwona maragasina abera Abraham, Aisik da Jeikap biiyadi awona bo, ‘Nosinosimi anaveredi.’ Tagu aviwaghasinem da matamma kuburina kukita, bi gegha da gekunarughu kamonena.”
6480	JOS 24:2	Bi Josuwa, wawaya tupadi iwonedi bo, “Yawe God, dam Isrel yadi God iwona bo, ‘Naghove waghata kayekikimi Tera da natunatuna Abraham da Naho, Euprate rarimina nawane siyamakamake, bi god mududi siyapeepetedi.
7245	1SA 2:3	Na anawona bo, ‘Yami kabigeegeeyana kokabitoura; yami noghota mayeyana sisiyidi tughuridi kotoura. Basuna Yawe God bera tupadi iyakowa bi yami bera initupawamiwamiredi.’
7287	1SA 3:9	Na Samwel iwoneni bi, “Kuveramagha kunakenayowogha, bi memeda wawaya tana inakwatuvena mayem na mma naboni kisisiya, ‘Yawe God, kisisiya, bi yam wiitamariyana yawaiwaiyana.’” Wasina bi Samwel iveramagha ikenayowogha.
7422	1SA 10:2	Raghanina kata kunakuyovegu, na tomotomogha bata Jelsane, Benjiman kubura kana wiibarabarate Reitsel karawagina ririne kunabananidi. Na sinawonem bo, ‘Nokodi donki kunagho wiinoyedi kiiravine, na nada sibananidi. Na katana tamamnaki geiyanoghonoghosidina, touna tam yinuwapoyem na patana yitarakiiyana yawonawona bo, “Metagha natugu anabanani?” ’”
7438	1SA 10:18	Raghanina siverakanibu, na Samwel iwonedi bo, “Yawe God, Isrel kana God, mma naboni yawonewonemi, ‘Tami Isrel dammi, nosinosiminakim Ijipt damdi maragasidima aviyawiidi, akabi apiikedi mmko kuburine bi dam tupadi siyikayotaketowanemi na gwabidima aviyawiimi.
7564	1SA 15:2	Yawe God Maragata Kirakiina iwona da, ‘Raghanina Isrel damdi Ijiptma siyapiipiika, na Amelek damdi nosinosidinakim sigeghomiiri da sigogona kuridi, na kata Amelek damdi aro anaveredi.
7599	1SA 16:2	Na Samwel ivitarakiiyana bo, “Metagha ananagho? Memeda Sol mmko berana kiiravine inawaiyana na inakasunuyigu!” Bi Yawe God iwona bo, “Kau wouna yagarina kunarutayini da kunananagho bi kunawona bo, ‘Tagu apiika da Yawe God biidi anasuwara.’
7777	1SA 21:3	Deivid, iwonabodeyana bo, “Kiiwawo Sol iwonegu da bagibagi tana anabera, bi iwona bo, ‘Gewawaya tana kunawoneni da awaki basuna na iiporam bo wonawiiyoyowana awonemna.’ Bi yagu wiiyogha tomotomoyidi, na awonedi da gawara tane sinikoyakoyagha da muriye sinabananigu.
8137	2SA 5:2	Roro, raghanine Sol iyikiiwawo kiiravimiiye, na Isrel yana wiiyogha tomotomoyidi kuyinaghovedi wiirouwa kiiravine koyakanikanibu. Na Yawe God iwonem bo, ‘Yagu wawaya Isrel damdi kunakoyayidi ware sip kanabodaboda wawayina sip yakoyakoyayidina naboni, bi tam kadi wiibadana.’”
8188	2SA 7:5	“Kunagho yagu wiitamariyana Deivid kunawoneni bo, ‘Yawe God mma naboni iwona: Gegha tam kiiraviguve bare kunayoghani da kamone anamakena.’
8191	2SA 7:8	Bi katana yagu wiitamariyana Deivid kuwoneni bo, ‘Yawe God Maragata Kirakiina mma naboni iwona: Naghove na tam wawaya wota wawa kuburidigha sip kuyakoyakoyagha, bi gegha da avineyim bi atoregeeyem da yagu wawaya Isrel damdi yadi bada.
8296	2SA 12:7	Wasina bi peroveta Neitan, Deivid iwoneni bo, “Tomoyina na tam! Mmko na metagha Yawe, Isrel kana God iwona, ‘Tagu avituborom da Isrel tupana kana kiiwawo, bi Sol yana maragatama aviyawiim.
8300	2SA 12:11	Mmko na metagha Yawe God yawonawona, ‘Anabera da tam wosina yam rakaraka kamonama na wawaya tana makepiropiro inapiikeni tam biidi. Da matakamomve bi natuwavinem anayouna da tomogha tana ririmve na anavereni, da yawata gabudara moramoraye sinimumurana.
8842	1KI 3:23	Na Solomon iwona bo, “Wasina, mmko wasikena yawona da ‘Pepeya raborabobona na tam, bi yawayawiina na tagu,’ bi noko wasikena tana yawona da, ‘Gegha! Yawayawiina na tagu bi raborabobona na tam.’”
8886	1KI 5:19	Na Yawe God tamagunaki iwoneni bo, ‘Tagu natum anatore inikiiwawo kam gaware bi touna kabepepa barena inayoghani da kagu waghawagha inakabepepi.’ Noko biidi anuwanuwagiura da kabepepa barena kata anayoghani da Yawe yagu God anakabepepi ware tamagunaki Deivid iwonana naboni.
9017	1KI 8:29	Tam mmko barena kiiravine mma naboni kuwona, ‘Kagu waghawagha nama inamakae.’ Na mmko kabepepa barena gabudara da nubabasu kunakoyakoyayi. Kuwaiyanegu raghanina anamiiri karona mmko barene da anaruparina.
9142	1KI 11:31	Wasina bi Ahija, Jeroboam iwoneni bo, “Mmkodi kwama pinipinimidi yadi 10 kabidi kiiravimve. Basuna Yawe, Isrel kana God mma naboni iwona, ‘Tagu, wiibada Solomon imanama anakabitaveni, bi dam yadi 10 tam anaverem.
9163	1KI 12:9	Ivitarakiiyanedi bo, “Metagha anabera? Mmkodi wawaya sawonewonegu bo, ‘Yama bagibagi kubera inatekateka, gegha tamamnaki yana raghaniye naboni.’ Awaki wonabodeyaninama anawonedi?”
9164	1KI 12:10	Tomotomogha woudi siwonabodeni bo, “Mma naboni sivibabiim, ‘Yama bagibagi kubera inatekateka,’ na kuwonedi, ‘Tagu tomogha ghakighakigu, gegha tamagunaki naboni!
9333	1KI 17:13	Bi gegha Elaija, wasikena iwoneni bo, “Gekuninuwapoyana! Yawe, Isrel kana God iwona da, ‘Parawa da oliv oil na nonowa yami kabikabiwiitaghoma kamodiye sinamakamake patana da Yawe amra inipora na pei sinagogo maghana raghanine.’ Na kunagho da metagha kuvisisiya na naboni kubera, bi dagudagune na bred gisina kiiraviguve kugabuni da kawari piika. Bi muriye na kabiwiiririyina kabununayi, tam bi natum teya kiiravimiye.”
9388	1KI 18:44	Bi raghani 7 tughurine na yana tamariyana inagho bi iveramagha da iwona bo, “Tagu uwa gisina akita bi yana ragata na ware wawaya imana yegiima yageegee.” Na Elaija yana wiitamariyana iwoneni bo, “Kunagho da Aheb kuwoneni bo, ‘Yam seriyotye kugeru bi kunagho bareye muriye da amra inabodebodem.’”
9573	2KI 2:18	Elaisa na Jeriko kwanatune iyamakamake, bi raghanina siveramagha na iwonedi bo, “Tagu awaki awonemi, awona bo, ‘Gekonanaghona.’”
9664	2KI 5:13	Bi Naaman yana wiitamatamariyana sipiika da siwoneni bo, “Tomogha ghamam, memeda peroveta iyawonem da awaki sawarina ghamana kuyabera, na imiise da kunabera. Na rubana kuyakabisisireni da kuyiyeka raghanina iwona bo, ‘Kunagho kuniyeka da kunayawa!’”
10165	2KI 22:16	“Yawe God mma naboni iwona bo, ‘Jiuda damdi sisinighiiyegu, toudi god mududi siyasuwasuwaridi, bi tarabiibiisaka imadima siyaberabera na yadi bera kiiravine na sivinuwapughupughugu. Na aro ghamanakina anapiikeni Jerusalem kwanatune da wawaya iiyawogha nama samakamake biiyadi, ware metagha Jiuda yadi kiiwawo buka kamone ikabiyavina naboni. Tagu nuwanuwagu ipughu ware keyama naboni gerubana sinasighirina.’
10167	2KI 22:18	Jiuda kana kiiwawo, iiyabo iviporami da Yawe God koyitarakiiyaneni, na kowoneni bo, ‘Mmkona metagha Yawe, Isrel kana God iwona wara kuwaiyaneni na kiiravine.
12911	JOB 3:3	“O God, sinagunaki ivitubuyigu na gabudarina kasunaghataveni da kate nubabasune siwona bo, ‘Tomogha itubugha.’
13929	JOB 42:3	Tam kuvitarakiyanegu bo, ‘Metagha bi tam, yagu nuwagiura kiiravine yam sisiya kwebudima kwiitarakiiyana?’ Wiisuwona, tagu sawara geayakowa na kiiravidiye avisisiyana, parapa sawara ghamanakidi gerubana akovidi ayayouna na kiiravidiye avisisiya.
13930	JOB 42:4	Tam kuwonegu bo, ‘Kuwaiyana bi anisisiya! Tagu anitarakiiyanem, bi tam kunawonabodeyana.’
18865	ISA 58:9	Wasina bi konarukwatu Tagu, Yawe God biidi na anawonabodemi, bi wiiwiita kiiravine Tagu biidi konadou na anawona bo, ‘Tagu mma!’ Gegha vita ghamana wawaya konikawaridina, bi gekonatupakoghata bo konisisiya berovedina,
18919	ISA 61:6	Wawaya sinakwatuvemi da, ‘Yawe God yana prist’ bi ‘yama God yana bagibagi tomotomoyidi.’ Tami mmko kuburina debane dam tupadi yadi gararabama sawara miimiisedi kunayouna bi yadi mourae na kuna kabigeegeeyem da tam kumoura.”
18922	ISA 61:9	Dam tupadi mma kubura debane na yagu wawaya nosinosidi sinakovidi bi sinakabikarawayedi. Wawaya tupadi sinakitadi na sinawona bo, ‘Yawe God vikodi dam parapa ivimiiseyedi!’”
19022	JER 1:7	Bi Yawe God iwona bo, “Gegha kunawona bo, ‘Tagu tomogha gisigisi kawagha.’ Basuna meghamegha aniporam na kunanagho, da awaki anawonem da kuyisisiyedi na kunisisiyana.
19172	JER 6:14	Yagu wawaya na kadi gubaga ghamana, bi peroperoveta da prist siyabera da siyabunami, bi gegha, sabera da ware tupakwari gisina naboni. Na sawona bo, ‘Sawara tupana na wasina,’ Bi gegha da noko gewaghasina!”
19499	JER 20:8	Raghanina wawaya biiyadi aniisisiya, na ere duudugu anarukwatu bo, ‘Kami aviya sinagogona tami biiyadi na yawata konirouwa da siniberomi!’ Noko yam sisiyina awonedi, na nonowa siwawugu bi tagu biidi sisiya berodi sawonegu.
19500	JER 20:9	Bi raghani viya na awona bo, ‘Yawe God wonana kate geanisisiyenina, bo gemuriye kana waghawaghaye tagu anisisiya maghana.’ Bi gegha da, wonam nuwanuwagu kamone yaruwiikarata, noko ware keyama naboni nuwanuwagu kamone yakarakarata! Tagu iimatipo da kamoguve ayakabitawani, bi gegha da amameyegu, tagu gerubana anaberana!
19501	JER 20:10	Wawaya tupadi sayanuyanuveyegu na yadi sisiya awaiwaiyana. Sawara tupadi sivikenaviviregu na tagu anaghanagharedi. Toudi siwonegu bo, ‘Memeda awaki kunawoneni, na yama babada kanimaghamaghataredi, da aro sinaverem.’ Bi kate bada turaturagu waghata saruruwiitetegu, yadi wiina da awaki tana anaberabero. Na sawona bo, ‘Memeda rubana taniyabeni, da sisiya mududi berodi inisisiya, na tanakabitawani bi kada biwa gwabine tanakabi.’
19559	JER 23:6	Bi mma naboni siniwaghawaghayeni, ‘Yawe God keda rotomanidi kiiravidaye yabera.’ Yana wiibada kamone, na Jiuda damdi na nuwabeye sinamake bi Isrel damdi na nuwaruririye sinamake.”
19767	JER 31:7	Yawe God iwona bo, “Isrel kiiravine kotawora da kovinuwamiise, kami dam ghamanakina kiiravine korukwatu! Yami kabepepa ayidi rukwatuma mma naboni kotawora, ‘O Yawe God yam wawaya kiyawiidi, Isrel damdi mekodi patana yawayawiidi samakamakena!’
19860	JER 33:16	Yana wiibada raghanine na Jiuda damdi na sinayawa, bi Jerusalem damdi na nuwaruririye sinamake. Bi kwanatuna sinakwatuveni da ‘Yawe God bera rotomanidi kiiravidaye yabera.’”
21399	EZK 34:17	Bi tami yagu sip kiiravine, na Tagu, Yawe God mma naboni awonewonemi, ‘Ware sip bodaboda naboni da sip inibogaedi sip turadima, bi sip makidi na gout makidi gwabidima, Tagu anibogabogaemi, wawaya miisedi kadiboga bi berodi kadiboga.’”
21448	EZK 36:20	Bi raghanina sinagho nokodi kubura wiibate, na kagu waghawagha kabikabikuwayina sikasiwiibero, basuna wawaya nokodi kuburidiye siwona bo, ‘Mmkodi na Yawe God yana wawaya, bi gegha da yadi kubura waghata sikuyoveni sinaghotaveyana.’
21470	EZK 37:4	Na iwona bo, “Mmkodi irikedi biiyadi wonagu kisisiyeni kuwona bo, ‘Tami irike kanakanami, Yawe God wonana kowaiyana!
21475	EZK 37:9	Wasina bi Yawe God iwonegu bo, “Tam wawaya wota, wonagu kisisiyeni yanunu biidi, kuwona bo, ‘Yawe God Maragata Kirakiina yawonawona bo: Yanunu keda tupadima piika, da kouvenatataba kunarughu mmkodi tubugha raborabobodi biiyadi da sinayawa magha.’”
21477	EZK 37:11	Wasina bi Yawe God iwonegu bo, “Tam wawaya wota, Isrel damdi na ware mmkodi irike naboni. Sawonawona bo, ‘Toumii kiivivi, getana iiyabo iniyawiimiina, tumagha tupana ikovi.’
21478	EZK 37:12	Noko kiiravine, kuwonakasiyaragha yagu wawaya Isrel damdi biiyadi bi kuwonedi da mmkona metagha Yawe God iwona, ‘Kami karawaga anakabitavetaveyana da anikanibuvemi bi anakabimi konaveramagha Isrel kubure.
24287	MRK 1:3	Wawaya mayabe yakwatukwatu yawonawona bo, ‘Tami Bada kiiravine kokabunagha, bi yana keda kovirotomani da inapepewa.’”
24338	MRK 2:9	Meko sisiyina gegha iyapiropirona, tomogha imana da kayena raborabobona tanawoneni bo, ‘Yam tamumu anoghotataveni,’ bo tanawona bo, ‘Geghomiiri yam kepana kabi bi kunapepewa’?
24404	MRK 4:12	Anabera da God yana peroveta naghove waghata igirumina inarumaghatara. ‘Patana sinakitakitawiivera bi gerubana sinakitana, bi sinawaiwaiyana bi gesinakovina, kate bi sinamake karona, na yadi beronama ananoghotatavedi.’”
24442	MRK 5:9	Yesu ivitarakiiyaneni bo, “Kam waghawagha iiyabo?” Iwonabodeni bo, “Toumii kapeyara kirakii, na kagu waghawagha na ‘Yawo.’”
24464	MRK 5:31	Kana kivikivina siwoneni bo, “Kukita, wawaya tupadi sigwagwarim, bi metagha na kuwona da, ‘Iiyabo ikabitowoyigu?’”
24538	MRK 7:6	Bi iwonabodedi bo, “Tami na wiiwiiyabiimi, kokabiguba da tami miisemi! Naghove waghata peroveta Aisaiya, wiisuwona igiruma tami kiiravimiye. Naboni igiruma, God yawonawona bo, ‘Mmkodi damdi kawadima sakabikuwayegu bi nuwanuwadi kamonena tagu samiirikubutegu.
24542	MRK 7:10	God yana gwara kamone Mosis naboni igirumi, ‘Tam tamamnaki da sinamnaki kunakabikuwayedi,’ bi ‘Iiyabo tamananaki bo sinananaki inisisiya beroveni, na noko tomoyina konakasunuyi.’
24543	MRK 7:11	Bi tami naboni kwiiyeveveyana - memeda iiyabo mane bo sawara tamananaki bo sinananaki inavereni da iniwiiteni, na inawonedi bo, ‘Sawara gwabiguve na ayaveremi da ayiwiitemi bi atoura irirana da God anavereni, na tagu gegha tami anaveremina.’
24630	MRK 9:23	Yesu iwoneni bo, “Metagha kuwona da, ‘Meboda tam rubamna?’ Iiyabo yigeruvegu, na rubana God bera tupadi kiiravine inabera!”
24661	MRK 10:4	Toudi siwona bo, “Mosis yana gwara iviwaghasina da tomogha wiiyakira sisiyina inagirumi bo, ‘Gegha ayawiiwiinimna, kunaghotaveyana,’ bi sisiyina igirumina wavinena inavereni bi muriye iniporataveni.”
24663	MRK 10:6	Bi konoghosi da dagudagune, raghanina God wawaya iberadi na, ‘Tomogha da wasike iberadi.’
24664	MRK 10:7	‘Na tomogha tamananaki da sinananaki inakuyovedi, bi inanagho wavinena teya sinikapudi sinamakae,
24676	MRK 10:19	Wasina, yam wiitarakiiyana kiiravine, na God yana gwara nada kwakovidi: ‘Gegha kunakasunugha; gekamkawakapu kunituwiiyoghona; gekunayapina; gekwiinam wiiyabama kuniwawu beroveni; gewiiyabama wawaya yadi moura kunayouna; tamamnaki da sinamnaki kabikarawayedi.’”